PDA المساعد الشخصي الرقمي

عرض كامل الموضوع : انواع الحب



ذو الكف الاسود
18-11-2006, 03:21
,,"" أحبك والسلام ,,""


حبيبي لاوصفتك ما نصفني الكلام
اشهد انك عمري وأحلى سنيني
من دونك الدنيا بعيني ظلام
ومعك الدنيا كلها في يديني
في عيونك شفت أجمل كلام
تسبقني عيوني لك وعيونك تجيني
مالوم عيني وقلبي مايلام
لاهتز من شوفك وزاد الحنيني
شوقي بقلبي باقي لك مادام
لي روح ونبض وطيفك يسليني
وفي الختام احبك والسلام
وعسى الله يديم الحب بينك وبيني


,,"" الخيانة "",,


مدام جازيت الوفا بالخيانة
حقيقتك بانت وبانت مماشيك
أنا عرفتك شخص غرك زمانك
وأبي أتركك للوقت يمكن يربيك
ومثلي لزوم يرتفع عنك شانه
أنا السما وانتي كما الأرض واطيك
وش عاد لو وجهك تزايد حنانه
لاخنت فيني تحت الأقدام نرميك
لابد في دنياك تلقى الاهانه
أذكرك ساعة زمانك يجازيك


,,"" وحشتيني "",,


وحشتيني يا أغلى عندي من نظر عيني
وحشتيني يافرحة عمري وسنيني
متى ألقاك ترى زاد بي الحنيني
وبعدك ثوب الحزن كاسيني
يالله تعالي لي وبحضنك ضميني
ترى حيل حيل مشتاقلك يانظر عيني
وحشتيني وحشتيني


،،"" مشتاق "",,


لو شفت قلبي ف محبتك كم ذاق
ماكنت لو لحظه تزود ونيني
بليا شعور القلب لك ينساق
وأسرع من أقدامي تسابق حنيني
قل ياعسى ماينكتب بيننا فراق
وقل ياعسى ماتذرف الدمع عيني
أنا الذي لك دايم الدوم مشتاق
حتى لو شفتك بقى الشوق فيني


,,"" مـحـال "",,


وش يفيدك إنك معي وأنا معاك
دام أحبك بيننا صارت محال
خذ غرامك صد عني خذ غلاك
ما أبي منك رساله ولا اتصال
ضاق صدري من تغليك وجفاك
نفترق أفضل طريقة بلا جدال
مات قدرك ف خفوقي مع غلاك
وحبك البارح دفنته بالرمال
كل شي ممكن دامي معاك
بس محال أذل قلبي لك محال



,,"" يا غايبه "",,


ياغايبه وينك بضمك وأحتويك
بسقيك من نبعي غلا واشرب غلاك
انتي لوحدك بالهوى مالك شريك
ياسيدة قلبي عسى قلبي فداك
تجذب إحساسي إليك
أجيك متمغنط مبرمجني وفاك
إن قلت أحبك مثل حب والديك
عزالله إني ماخذلت إلا جفاك
يلي خذيتي القلب جاه الله عليك
من وين مارحتي خذي روحي معاك



,,"" محطات انتظاري "",,


ف غيابك خانت البسمة الشفايف
والقمر ما عاد يطلع أصبح من الليل خايف
وأنا وآهاتي وشوقي ننتظر ميعاد زايف
ف غيابك كل محطات انتظاري تحتضر
حتى دمعي خانته العبره وجافاه الصبر



,,"" حب بكتابك ""،،


شتقت لرسايلك وللحب بغيابك
وينك تناديك روح ملتاعه
خذاك الليل وخان الليل وما جابك
غدرني الليل ما كنت أعرف أطباعه
رسايلي صوت شوق وحب بكتابك
جاوب لصوتي إذا حسيت بأشواقه



,,"" أحـبـك ""،،


أحبك حب ماقد شافته عيني
ولامر خاطر العشاق
أحبك لمسة القطره
على شفاف الزهر مشتاق
وأحبك فرحة الخاطر
اذا حن الصدر أو ضاق
وأحبك دقة حيرانه تنادي والله خفاق
أحبـــــــــــــك .. أحبــــــــــــك



,,"" ســــلام ""،،


ســـلام يا من رتب القلب ترتيب
دامك يميني فالبقيه شمالي
"واللـــه"
لو دورت بين الاصاحيب
ماغيرك اللي يستحق الوصالي


,,"" حروف الحب ",,


أنا عرفت الحب يوم عرفتك
ومن قبل أعرفك الهوى ماصفى لي
أحلف برب البيت ماشفت مثلك
انت فريد النوع بأول وتالي
ماينحسب عمري ومافات قبلك
وكل الدقايق ضايعه في خيالي
ومن يوم ضحكت لي أسارير وجهك
استبشرت دنياي ياراس مالي
أكتب حروف الحب ياشوق لجلك
والله ماغيرك ع القلب غالي



,,"" الكرامة كرامة "",,


لا تظن إني في يوم بجي وارجيلك
وأقول سامحني واطلب القرب إليك
عزي نفسي وانت وش اللي ببالك
تظن إني في يوم أبيعه لأجلك وأشتريك
إن راح عـزي قلي وش اللي بقـالك
غيـر شخـص جنسه بجنسك يباريك
إن هذا قصدك بقـول والله يحليلك
الكرامة كرامة لو قلبي بين ايديك



,,"" قلبي المخلص ""،،


ودي أعيش العمر كله برجواك
ولك قلبي المخلص ابد ما يخونك
احلف أنا وأقول والله ما أنساك
روحي وقلبي بالمحبة يبونك
انت الهوى والعشق والحب معناك
وأنا الذي أهواك وأهوى جنونك
خذني لعينك حب وعمري فداك
وأبيع دنياي فدوة عيونك
يشهد علي الله ما أسلى بلياك
وحياتي ياحياتي ماتسوى بدونك



,,"" انتي "",,


انتي الدنيا وانتي المينا
عيونك مرسى وقلبي سفينة
حبنا لازم يكون حبناعقل وجنون
حبنا دمع العيون
حبناوردة نديه وانتي قطرة نداها
اقبلي مني هديه
روحي وقلبي معاها
انتي الدنيا وانتي المينا
عيونك مرسى وقلبي سفينة



,,"" عــيـد "",,


كيف احبك بعد غدرك من جديد
إنت حبك مات في قلبي أكيد
سهم غدرك صابني بوسط الوريد
وتركت النار تسعر بقلبي وتقيد
قبر حبك اندفن وغطاه الجليد
وقع غدرك كان على قلبي شديد
لازم ترحلي عني وعن قلبي بعيد
مستحيل الماضي يرجع ما يفيد
كم مرة رجيتك وقلبك الظالم عنيد
والحين بعدك وفراقك عندي عيد



,,"" انت الحبيب "",,

عطني جروحك حبيبي ليه الشقا لك
خذ من إظلالي وخل شمس الشقا لي
يا راس مالي ذا كنز الغلا لك
صدق انك حبيبي صدق انك كل مالي
يا ضعف حالي والصبر ويا طـول بالك
مهما تغيب وتقسى انت الحبيب من أول وتالي




"اتمنــــى انها تعجبكم "



تحيــــــاتي لكَ حيـــاتي

العميل السرررري
18-11-2006, 03:53
،،"" مشتاق "",,


لو شفت قلبي ف محبتك كم ذاق
ماكنت لو لحظه تزود ونيني
بليا شعور القلب لك ينساق
وأسرع من أقدامي تسابق حنيني
قل ياعسى ماينكتب بيننا فراق
وقل ياعسى ماتذرف الدمع عيني
أنا الذي لك دايم الدوم مشتاق
حتى لو شفتك بقى الشوق فيني

مشكوووووووووور على الموضوع

و انا من هذا النوع عاشقة وهايمه و الشوق ذابحني

ذو الكف الاسود
18-11-2006, 04:11
مشكوووووووووور على الموضوع

و انا من هذا النوع عاشقة وهايمه و الشوق ذابحني



مشكوره ع الرد الحلو