PDA المساعد الشخصي الرقمي

عرض كامل الموضوع : مسكين 0000 يكسر الخاطر



نزف الأحاسيس
09-11-2006, 21:19
السلام عليكم ورحمة الله وبركاته
__________________________________________________ ____________________________

بعد علاقه دامت 5 سنوات

نوف : هلا حبيبي ..
خالد : صحيح الكلام اللي قلتيه امس ..
نوف : ( تسكت شوي ) .. ايه صحيح .. بس والله ما ودي اتزوج ..
وانت منت ناوي تتحرك يا بعد هلي !
خالد : ودي اسوي شي .. بس ما بيدي حيله !!
نوف : لا تتوقع استمر معك .. اذا تزوجت .. ( وقبل لا تخلص كلامها )
خالد : صدقيني حبيبتي .. مصلحتك .. هي مصلحتي .. وحياتك .. هي .. حياتي
وانا بنفسي راح ابعد عن حياتك ... وانشالله تعيشين بحياه كلها سعاده


وانفصلت نوف عن خالد .. بعد ما كل واحد تعلق بالثاني ..
بعد ما كل واحد هيأ شخصيته للثاني !!
صارت تحب اللي يحبه .. وتكره اللي يكرهه!!

ودخلت حياه جديده .. عالم ثاني !!
دخلت القفص الذهبي !!

نوف : محمد قوم .. الساعه صارت 7 ونص وانت توك نايم .. يووووووووووه
محمد : طيب .. شوي .. بس شوي ..!
نوف : ترى بروح الدوام و اخليك .. اذا ما صحيت ..
محمد : طيب .. خمس دقايق !!

وفي لحظه ما اهي تصحيه ..
جاها السواق ... وصارت تسمع الهرنات!!
راحت نوف الدوام .. وبدون ما تتأكد بأن محمد صحى ,, ولا لا !!!

الساعه 9:00
حمد يصحى مفجوع ..
يالله تأخرت عن الدوام .. !
وين المفاتيح ..؟
وين ملابسي ؟
وين غترتي ؟

نوف للاسف .. ما جهزت شيء من اغراضه!

محمد راح الدوام .. واتهزأ من رئيسه في العمل ..
واكيد راح يحمل نوف السبب .. لانها ما كانت حريصه تصحيه!!

وقبل ما يدرجع محمد من الدوام .. كانت نوف تسولف مع حصه ..
نوف : والله مدري .. يرفع ضغطي .. مع انه ما يقصر علي بشيء
حصه : حرام عليك .. بس حاولي تهتمين فيه
نوف : هو نفس كلامك يقولي .. اهتمي فيني .. وانا ماني عارفه اش اسويله!

رجع البيت .. مبوز ..
ونوف كانت جالسه تكلم في التلفون .. تنتظره .. عشان تنشب الغدا!

دخل .. تروش .. وطلع .. ونوف توها ماسكه التلفون
عصب محمد وقالها .. يالله صكي السماعه .. وانشبي لنا الغدا!
جالسه تتكلمين وانا شايفتني جاي تعبان !!

نوف : يووووووووه .. اش تبيني اسوي .. اصك السماعه في وجه البنت !
محمد : لا لا تصكينه .. صكيه بوجهي انا .. وخليني انطر !!
نوف : خلاص بروح .. فكنا زين !!

وعلى الغدا .. تناجر معاها على موضوع التأخير!
نوف : الله ياخذك .. اكل الاكل لحالك !! زين
محمد : اووووف ..( ويقوم ينام بدون ما يتغدا)!

وكل يوم يحس محمد ان الفجوه تكبر .. بينه وبين نوف ..
ويحس ان حلمه بتكوين اسره متحابه ..
مبنيه على الحب بدأت تكون من الماضي وتتلاشى!

بعد سنه ..

محمد ياخذ جوال نوف .. يبي يكلم ..
وهو يستخدمه ... تجيه رساله !
يفتحها ..
يتفاجأ .. انها رساله من غريب .. يسأل نوف عن احوالهاً!!

جاته صاعقه ...!
ما يدري وش يسوي !!

يدق على الرجال .. يقوله ليش تكلم زوجتي؟
واذا قاله زوجتك هي اللي تكلمني .. وش يكون موقفه !!

ما حب محمد يتسرع ..
لانه خاف يواجه نوف .. وتنكر .. وبعدرها تاخذ حذرها!!

(بدأ الشك في حياتهم)

ومع الوقت مسكها تكلمه !!
وتقوله .. خلاص راح ادق عليك بوكرا الصباح .. اصبح عليك !

وبعد ما واجها .. ما عرفت تنكر ..!
وقالت له عن كل شيء ..
وطلع هالشخص .. اهو .. خالد !!!

محمد : ليش طيب تسوين كذا! (وهو يبكي قهر)
نوف : (تبكي) .. كله منك .. كنت بعيد عني !
محمد : مو كافي تغلطين .. وتحملني بعد غلطاتك !
طيب انا اخترتك من بين بنات الناس كلهم .. حرام تسوين فيني كذا !
نوف : وهو بعد كان بيتقدم لي ..!
محمد : يكذب عليك .. جالس يستقلك !
نوف : ما يستقلني .. انا اللي سمحتله يستقلني !!
محمد : ..........

بغض النظر طلقها محمد او لا ؟

سؤالي .. الى اي درجه تأثر علاقات البنت السابقه في حياتها الزوجيه؟

و .. وش ذنب محمد .. يعيش بحرمان عاطفي .. اذا كان السبب حبها الاول؟

ووش يسوي اللي بموقف محمد .. من ناحيه الاهتمام والعاطفه والحب!؟
يستمر على مصيره .. يستمر بألم؟
ولا ينفصل .. ويترك الانسانه اللي حس في لحظات .. بتكون ملكه بيته!
مسكين

.: Snow White :.
12-11-2006, 14:05
البنت سخيييييييييييفة لابعد حد من وجهة نظري ..حبت واحد وخذلها وخلاص
تنساه بقى متل ما عمل هو ...بعدين زوجها شو ذنبو طيوب وحبوب هههههههههه
والله سخيفة بمعنى الكلمة ومو كل البنات هيك ^^...يسلمووووووو^^

will_witch
12-11-2006, 15:51
المفروض ما تزوجت محمد على العموم مشكوره القصه حلوه ومؤثره سلام

البدويه
16-11-2006, 11:47
صحيح المفروض ماكانت تزوجت محمد وبعدين الي عجبني في محمد نه مب متهور وما قام يعصب او يضرب كان هاادي
ونوف بصراحه ما عجبتني لانها بنظري انانيه
وتسلمو القصه حلوه

sam_94
16-11-2006, 12:15
البنت سخيييييييييفة حدهه صدقتي

غزال الريم
16-11-2006, 12:26
هوا فعلان مسكين
والبنت اصرحة غبية لو انة خالد يبغا يتزوجها كان اتزوجها من زمان

sam_94
16-11-2006, 12:38
صح كلامج

نزف الأحاسيس
18-11-2006, 20:12
مشكورين على مرورك
وانا معكم ان البنت مره سخيفه وبايخه وصدق لو ان خالد يبغها كان تزوجها
قمت الغباء في ذا البنت الحمد لله والشكر

لحن الاحزان
19-11-2006, 01:49
مشكوووووريين للموضوع
الجميل

takeru★
19-11-2006, 11:45
مشكورة

لحن الاحزان
19-11-2006, 13:25
يسلمووووووووووووووووووووووووو

نزف الأحاسيس
21-11-2006, 20:38
شكرا على ردودكم

ka$h5a
15-12-2006, 18:36
مشكووورة

نزف الأحاسيس
15-12-2006, 20:06
العفو أخوي