يوم في حياة عضو

[Endless tears]

يوم من حياة عضو ..فكره بسيطه وسهلت التنفيذ ..وانا اتمنى ان تشاركون معي ..
في هذا الموضوع يقدر العضو ان يكتب جزء من يومه ..يكتب لو شي بسيط عن الشي الي استوى في حياته ..
ولاني انا التي طرحت هذا الموضوع ..فببدء اليوم ..

اليوم هو الاربعاء ..تاريخ 31-10..وهذا اليوم هو ميجر دي .في جامعتي ..طبعا كل تلميذه تشوف الاشياء المعروضه و تشوف الاشياء الي سوتها طالبات كليتها ..طبعا اندليس تيرز تدرسه في كلية الفنون و العلوم ..والصراحه الاشياء الي عرضتها كليتيه حلوه ..احسن من كلية صديقي انجوله ..^_^ عن تسمعني و تعصب ..
وطبعا الحياه الجامعيه متهبه !! سرت عن مكتب استاذي علشان يوقع لي بعض الاوراق الي احتاجها ..بس يوم دخلت المكتب شفت الاستاذ عافس الدنيا فوق و تحت ! اقوله ""استاذ شو القصه ؟ " يقولي ..تعرفين في تنافس بين الكليات وانا ابغي كلية العلوم تقدم احلى عرض .......تبغون الصراحه ..كان الشي الي قدموه وايد حلو ..نص المدرسين الي تبع كلية العلوم لابسين لبس الكو بوي .. و شايلين مسدسات مائية !! لكن النص الثاني منهم كانوا لابسين ملابس اسبوت .. المهم انا خذت التوقيع و توجهت على طول الى مدرسة المسرح ! لكن للأسف ما لقيتها !
.....رجعت الى المكتبه و تميت ادور على كتاب احتاجه في بحثي ! والحمدالله لقيت الكتاب المناسب .. و من ثما رجعت الى صديقاتي ..والي كانوا يحتفلون بالليله ...."النص من شعبان " ..وكانوا شانين هجوم على الحلاوه ..و بعض من المدرسين كانوا يحتفلون بمناسبة الهلوين !!شفتوا الصدفه كيف؟!
في وقت الغداء ..كانت الطيارة تغني في السماء!!ازعاج ..فضيع !!!!!!!!!!!!!!!!!!!!! تعرفون المعرض الجوي بيبدء يوم السبت ..و الطيارين يتدربون ..ونحن نستمتع بالعروض المجانيه !! بس بعد ننزعج من الاصوات القويه .....و من ثما بدت محاظرتي الوحده تلوى الاخرى .....وقبل المحاضره الاخيره ..توجهت الى مقر مجلس الطالبات ..وبيني و بينكم ..هذي اول مره اسير هناك ..عادت اتعامل معاهم بالايميل ..بس اليوم كنت مضطره اشوفهم ..و سرت و شفت العجب !! شفت الطالبات الي من المفروض يكونون هم قدوه للطالبات في جامعتي ..تعرفون لانهم في مجلس الطالبات ..بس انا يوم دخلت غيرت فكرتي عنهم .كانت هناك وحده ..جالسه على الارض وفاتحه الب توب وعلى الشات !!!!!!!! يا سلام على القدوه الحسنه !! و الثانيه حاطره ريولها فوق الطاوله ..وكأنها ولد ! وتلفونها جدامها !!يا سلام على النموذج الرائع !! والثالثه كل ما اسألها سؤال عن الموضوع الي انا جيت علشانه ..تقولي مادري ..ما اعرف !! اما عن القائده فهي غير موجوده !! ...........والله حاله ..قاصين على عمارهم وياى هذا المجلس الخرابه !! .....المهم انا توكلت و تركيتهم الى غير رجعه و سرت الى محاظرتي الاخيره ..و بعدها رجعت البيت و كانت الساعه 6 المغرب .......

وهذا هو يومي الجامعي لهذا اليوم
تحياتي
اندليس تيرز

[البروفيسور]

طيب لازم يكون يون حاضر او حالي او ماضي

[OSM]

اما بالنسبة لي أنا يا OSM
يوم الأبعاء الموافق 15-8 1422 هجريه
طبعا وطما هو معروف من الساعه 7.30 حتى 1.15 هذا يوم مدرسي ومو أي يوم مدرسي هذا يوم مدرسي لطلاب الصف الثاني طبيعي في ايام الإختبارات.طبعا في بداية الطابور طلب منا مدرس التريبه الرياضيه انا نتجمع في فناء المدرسه بس للطلاب الي حابين أنهم يشتركون في منتخب دوري السله وانتظرنا على أساس انه القبول على طول الا ويجي الأستاذ ويسألأ عن أعمارنا فقام يشيل طلاب الأول ثانوي الا طالبين وكان عددنا قبل لا تتم عملية التصفيه 15 وبعدها صرنا7 المهم طلب مننا أشياء ليوم السبت وبعدها اتوكل كل واحد لصفه .
طبعا الإختبارات وكلكم يعرف وش يصير فيها وكان علي يومها اخبار اجليزي و تربية وطنيه
المهم يوم جين أنما اختبر انجليزي خلصت حل طبعا وباقي من الحصه يمكن 35 دقيقه ويوم أخذ الأستاذ الورقه قالي يا أسامة اطلع برا فقلتله ليش قال حرصا على درجتك وعدلا بدرجة غيرك قلتله استاذ انا ما فهمت قصدك قال انا داري لو اني مخليك بالفصل كل الفصل رح ياخذ الدرجه الكاملة فقعدت برا ال30 دقيه الي قبل سحب الأوراق ودخلني الأستاذ وقال تفضل يا أسامة ويوم دخلت تسمع أنواع الأصوات تنادي يا أسامة ايش جواب السؤال كذا وكذا طبعا انا ما أقدر أقول لزملائي لأ فأعطيت لأربعة طلاب أجوبة عن أسئلة مختلفة ويوم خلص الإختبار وطلع الأستاذ جانب واحد من آخر الفصل ((أنا طبعا جنب الباب وهو في الزاوية الأخرى ))
سألني انت متأكد من جوابك للسؤال 1 فقره D قلتله ايه وبعد ثانيه انتبهت وقلت ذا وش دراه عن اجابتي مع انه مو جنبي الا وأكتشف انه الأربع اجابات الي قلتها انا توزعت للفصل كاملا. المهم بعد ما انتها الدوام انا وكم طالب الي تم اختيارهم لمنتخب السله بقينا في المدرسه وقعدنا نتمرن الين اهترينا وتخيلو تمرين بدون انقطاع من الساعة 5.00 العصر الين الساع9.00 الليل .
وهذا كل ما لدي ((يوم اسامه))

[Endless tears]

اهلا يا بروفيسور .. تقدر تكتب عن اي يوم في حياتك :)

اهلا يا OSM والله يومك كان حلو ..
و باين عليك شاطر و رياضي ..بعد ........بس لا تغشش غيرك حتى لو كانوا ربعك

تحياتي
اندليس تيرز

[selvar]

كل الايام


اعلك ، انام، استرخى، العب، اتمشي، هذه هي طريقه إلي علمني أياها هولي وغير مجرى حياتى وصرت اسعد انسان قى دنيا::سعادة::

[E-man]

والله باكتب لكم ايش صار الربوع لانه قصير ما به هذره واجده

يوم الاربعاء :
آخر يوم دراسي في السعودية رحت انا وخشتي للمدرسه متاخر ثلث ساعه من حقي كنت سهران للساعه 5:30 استنى الفطور
المهم والله ما كنت ناوي اروح لكن بنهاية الدوام بيوم الثلوث احد اخوياي الي يمونون علي طلب مني احضر ولا ما هي ببالي خير شر ...
الشاهد رحت للفصل لقيتهم جامعين ثلاث فصول اول ثانوي مع بعض لكن مع جمعتنا ما نعدي عشر طلاب :D
لا وما عندهم مدرس الله يخلف عليها مدرسه ...
تصدقون ان اغلب المواد ما ختمناها لحدة هالحزه :confused:
يعني حتى الاسبوع الي عقب العيد ما نقدر نخلص فيه موادنا ::مغتاظ:: ...
الشاهد لقيت ابو الشباب الي ذكرت انه يمون علي جايب للفصل الجيم بوي كولور وشطرنج من الصغيرات قاعدين يلعبون هههههههههه:D
قلت ما هي محتاجه وطقيناها سوالف وخلونا نطلع من المدرسه الحصه الثانيه (مع ان فيه طلاب جوا وراحوا من الحصه الاولى ) وقعدنا عند باب المدرسه ننطر الي يجونا وقعدنا نطقها سوالف لكن فاتتكم كلها وناسه
ايه المهم رجعت للبيت على وذان الظهر وقعدت كالعاده على الانترنت لحدة المغرب
منه العب العاب ومنه انزل بحلقات قطعه 13 الي ما شفتهن ومنه ادخل هالمنتديات لحدة الفطور ملينا الكريشة ورحنا نتيخ (ننام)...
ما صحيت الا الساعه 10 قعدت العب بالبلاي الستيشن لحدة الساعه 1 (على ff ) وبعدين جيت اقابل هالانترنت مره ثانيه
وهذاني لحدة هالساعه 6:16 بتوقيتنا بالسعودية جالس اكتب لكم الرد
والحين ان شاء الله اكتب لي كم رد واروح انام :D
والسلام::سعادة::

[الأميره كيروروا]

يا سلام يومياتكم حلوه :)

[bryan]

الرسالة الأصلية كتبت بواسطة OSM
اما بالنسبة لي أنا يا OSM
يوم الأبعاء الموافق 15-8 1422 هجريه
طبعا وطما هو معروف من الساعه 7.30 حتى 1.15 هذا يوم مدرسي ومو أي يوم مدرسي هذا يوم مدرسي لطلاب الصف الثاني طبيعي في ايام الإختبارات.طبعا في بداية الطابور طلب منا مدرس التريبه الرياضيه انا نتجمع في فناء المدرسه بس للطلاب الي حابين أنهم يشتركون في منتخب دوري السله وانتظرنا على أساس انه القبول على طول الا ويجي الأستاذ ويسألأ عن أعمارنا فقام يشيل طلاب الأول ثانوي الا طالبين وكان عددنا قبل لا تتم عملية التصفيه 15 وبعدها صرنا7 المهم طلب مننا أشياء ليوم السبت وبعدها اتوكل كل واحد لصفه .
طبعا الإختبارات وكلكم يعرف وش يصير فيها وكان علي يومها اخبار اجليزي و تربية وطنيه
المهم يوم جين أنما اختبر انجليزي خلصت حل طبعا وباقي من الحصه يمكن 35 دقيقه ويوم أخذ الأستاذ الورقه قالي يا أسامة اطلع برا فقلتله ليش قال حرصا على درجتك وعدلا بدرجة غيرك قلتله استاذ انا ما فهمت قصدك قال انا داري لو اني مخليك بالفصل كل الفصل رح ياخذ الدرجه الكاملة فقعدت برا ال30 دقيه الي قبل سحب الأوراق ودخلني الأستاذ وقال تفضل يا أسامة ويوم دخلت تسمع أنواع الأصوات تنادي يا أسامة ايش جواب السؤال كذا وكذا طبعا انا ما أقدر أقول لزملائي لأ فأعطيت لأربعة طلاب أجوبة عن أسئلة مختلفة ويوم خلص الإختبار وطلع الأستاذ جانب واحد من آخر الفصل ((أنا طبعا جنب الباب وهو في الزاوية الأخرى ))
سألني انت متأكد من جوابك للسؤال 1 فقره D قلتله ايه وبعد ثانيه انتبهت وقلت ذا وش دراه عن اجابتي مع انه مو جنبي الا وأكتشف انه الأربع اجابات الي قلتها انا توزعت للفصل كاملا. المهم بعد ما انتها الدوام انا وكم طالب الي تم اختيارهم لمنتخب السله بقينا في المدرسه وقعدنا نتمرن الين اهترينا وتخيلو تمرين بدون انقطاع من الساعة 5.00 العصر الين الساع9.00 الليل .
وهذا كل ما لدي ((يوم اسامه))
طيب انا اوريك والله لاعلم ابوك::مأزق::

[H-M-Almatrouk]

والله اقولكم اليوم بالليل حياتي لأمس لانه بتفطر :)
ويا سلام على ايامكم
عسى ربي يخليها كلها عسل :)

[H-M-Almatrouk]

في يوم 5/12 الفائت :)

قمت من النوم الساعة 7.00 ونطرت الاهل لين طلعوا معاي الساعة 8.00 :) طبعا ركبنا السيارة واخوي الصغير بكى لأنه ما يعرف يربط الجوتي :D وطبعا انا اربطه له :)
بعدين لم وصلت المدرسه دخلت ولا الربع كلهم موجودين وسوالف لين طق الجرس 8.30 وبالطابور "واحد ماله خلق يشتغل تمارين من الصبح " الكل شغال الا انا ولا الوكيل يأتي ويصرخ " شفيييييك ما تشتغل " وانا بكل برود "نعم" يقولي شفيك ما تشتغل ارد عليه مزاج قالي روح انطرني عند الاداره سويت نفسي ما اسمع جان يدز جان اعطيه نظره بو من على طرف عيني :) ولا يخلص الطابور اشوفه ايي "للعلم الوكيل ولد عمة الوالد " يدخل يقولي حسين لا ترادد بالطابور واسمع الكلام جدام الطلبه وطلع ايدك من مخباتك لحين واوقف عدل :)

انا طبعا بإبتسامه جان يقول يا اخي عصب ما ابي اشوفك تضحك وطالع وانا كأني مو بالغرفه قلت له وبعدين :D جان يعطيني ورقة دخول الفصل لما رحت الفصل ولا مدرس العربي "اييه يحسين فيه ايه ؟ قلت له سلامتك الوكيل يبي يتعرف علي :) قالي ادخل دخلت وطبعا اللغة العربيه انا مو شاطر فيها فأقعد واسمع شنو يقول المدرس :) وبعد الساعة الاولى الساعة الثانيه عندي اسلاميه :) بو علي ما يحب المدرس ولا يشتهيه :) يروح يقعد ورى وينام :) على الطاوله لا تخافون يبت 13/15 بالامتحان :) ونمت الحصه وفي النهاية واحد من الربع حسين حسين وانا قمت رحت الساعة الثالثه تجاري "مادة تشعيب " طبعا بو علي لازم يشد حيله فيها لانها مثل مادة التخصص بالجامعة لكها بالثانويه :) وانا شاطر فيها صحيت طبا وسوت مقلب بالمدرس :) وانا مار من وراه سحبت الكررسي واهو جاي يبي يقعد :) طبعا الطبه ماتوا من الضحك والمدرس يطالعني ويضحك يقولي روح اقعد روح :) انا طبعا رحت قعدت واسوي بلبله يمي من الطلبه اكلمهم و اسوي ازعاج وهالسوالف :) ولما خلصت الحصة فرصه نلعب لعبة هواش وطق :) خخخخ وبعدها الساعة الرباعةة ما فيها اثارة او تشويق ولا الخامسه :)
رجعت البيت :) اول ما دخلت ولا واحد من الربع تعال عندنا لعب كرة قلت اوطي ياي :) رحت العب وخسررنا 1/0 وانا كنت حارس وبلنتي دخل علي بغيت ابكي لانها لمست ايدي ودخلت :( وبعدها رحت تفطرت :) وبالليل طلعت رحنا الدوانيه :) لين الساعة 4.00 قبل الصلاة الفجر :) طلعت رحنا المسجد قريت قرآن وبعدها صليت ولما رجعت الوالد يقولي وينك لي الحين طبعا قلت له :) وما رحت نمت لا رحت لعب سوني وبعدها نمت :)

[ترنكس السيان]

يوميات جميلة تصنع الابتسامة...

يومي :

نمت امس 3 وصحيت 8 عشان عندي كلاس عن بعد يعني الرسالة ذي في زمن كورونا وكذا المهم وتكتمل الكلاسات وكنت حاس بملل لين جا كلاس دكتوري المفضل وجالسين نحييه انا وزملائي تحية قوية لأنه رهيب ويستحق صراحة وجلسنا نحييه ونمدحه وكل شوية نخليه يستحي من المديح :d وفجأة بنص الكلاس يجيني واحد من اصحابي القدامى يكلمني في الواتساب يقلي تلعب تيكين 7 عالبلايستيشن ؟ يعن قلتله انت فينك من اول ماجيت وقت كلاسات الطفش والملل ماجيت الا في كلاسي المفضل المهم انتظرني لين خلصت كلاس تقريباً 11 ونص , وجاني بريك لين الساعة 1 , جلسنا نلعب تيكين وجلدت فيه جلد ورحمته كثير وعلمته على شخصية قوية .. اتعلق فيها من اول قيم ومارضي يسيبها لدرجة خلص بريكي ونحنا ماخلصنا لعب قمت قفلت خلاص وشغلت الكلاس كان ملل زي الكلاسات اللي قبل كلاس المفضل المهم انا ايش سويت بوقتي تبع الكلاسات الملل كلها ؟
كنت استخدم مكسات مثلما استخدمه دحين ... فيه مسابقة بهذا القسم اسمها شارك برأيك وقعدت اكتب مشاركات عشان اجمع نقاط والى الآن الحين وحتى هذه قاعد اكتب مشاركات بس اخلص منها واطبع بصمتي في مقر المسابقة ::جيد::