][روائع الزمن][
31-10-2001, 19:11
خذي الورده
حبيبك من جرح خده
وداع.. وداع
يا صوت ضاع يا نجم منطفي بين السماء والقاع
ابرحل والرحيل انجى من الوحده
ابعطي لليدين ابياضها واعطي البحر مده
ابرحل لا عيون اتراقب احجار الطريق ولا يد اتصده
### ### ###
نويت وصارت الصرخه زمال وبيت
وصوت يابس بين الرجاء واليأس والياليت
لا قلنا ينجرح خد الكلام وتنكسر يده
ولا منا سكتنا ينحني رأس العنيد وينلعن جده
حبيبك هذا هو حده
هو المقتول
سواد ابشفته مجدول
اغني فارغه وطبول
خيول مسرجه تحت الظلام وفارس مقتول
وكلمه مرت ابشفة غنوج حايره وذهول
من المسؤل عن قتل النهار الحر وسط اعيوننا قل لي من المسؤل؟
### ### ###
خذ الورده
وداع.. وما خبرت الورد يهدى للوداع .. ولكن الوقت انقلب ضده
ابرحل والغلا عده وانا أمده
بلم اللي بقى من فاكه عمري
وبعض ماء وجهي المسفوح ما بين اعيونك اللي تكتب ابجلد الثرى همي
وتحفر في شرايين الأماني جرحها وتذوب
وصدر صار لرماح الذنوب القاسيه مصلوب
يا صبر ايوب على المكتوب
### #### ###
بعيده يالديار اللي اشد الها الرحال وتقطع احبالي
غريبه يالديار اللي انا شدها البقا وتموت ازمالي
عنيده يالحبيبه اللي تبهر قهوتي بعيونها
وتصب لي فنجالها
موعد مساء مكسور
سرور و سور
ظلام ونور وانا التنور
من اللي يكسر السيف العنيد ويحني الدستور؟
### #### ###
ســلام .. احكام...ملام... أقلام.....
حبيبي نام
اعرف انك تموت ونظرتك قدام
زحام ... وصوتك المقبل من اعماق العدم يصرخ زحام زحام
هناك ابشفة خان الكلام ضفافها
وعيون تبحث عن ضجيج الملح في كف السماء وتساوم اقداري
سفينه غارقه بالذكريات وغمغمات البائع الشاري
تعبت وماتت اشعاري
تعبت وخانت اقداري
تعبت وطال مشواري
### ### #### ####
وقلت ارحل
اقبل حيرتي يا حيرتي واقبل
اسل احسام ميراث الجروح القاسيه واسأل
هو الحب انكسار الخاطر المسكون بالقمرا
هو الحافي اللي يكتب فوق جلد الرمل وقت القايله مجرى
هو الجايع عيونه بين خبز الليل والمسرى
هناك ودمعتي عذرا
هناك واهتي سكرى
واقول ان المساء تفاحة الذكرى
وكل نسى وجرحي كسا وجه السماء
وعشعش على افاس الهوى طير الجنون
الفاتن المفتون
جروحي والجروح اديون
عيوني والعيون اتخون
دروبي والدروب اضنون
وصار الليل منديلي وطين الحلم قنديلي
ارتق من بقايا الشمس مصباح ضرير ونجمة عذرا
وكف يخون
### ##### #####
وانا بين القطب والجاه متمجري
سفينه اهتي والا البحر صدري
يموج وينكسر صبري
واسافر والغلا كافر
حبيبي والفرس نافر
وانا جرح عنيد وصرخة امكابر!!!
### ### ###
واقول القاه
مدامي قبلته ودموع عيني موطنه وشفاه
وصمتي آه يا صمت ينز ابها الضما واضماه
احدق في الستاير جف منها اللون والمعنى
وبيت يلفظ انفاسه
غياب يزرع افـ كبد الحنين وفي اللقاء فاسه
جدار صلب طاح امنوله لين انقلع ساسه
زماني والزمن لعبه
اماني والمطر كذبه
وانا الغربه
### #### ####
انا مالي صديق وكربتي كربه
فقير يزرعون بغيضهم والحقد كل الشوك في دربه
ليا منه تكلم بالصحيح اتغامزوا قالوا اش كثر كذبه
تضلي سيرته ظلمه
ويرفضه البياض وتخونه التربه
### ### ###
هذاك اللي يداوي همه ابهمه
هذاك اللي ليا من انتخى محد يجيره لو نزف دمه
هذاك العاقل المجنون
هذاك اللي نزف جرحه سرج خيل الحنين اديون
قطف تفاحة المسرى الم وضعون
ليا منه تحاشى غضبته
حدوا سكاكين الكلام وقطعوا ظهره
وقالوا جاكم المجنون
### ### ###
حبيبي هذا انا من اول الطرقه
اسير يقطف اثمار الحزن والآه والحرقه
واقول لك سم
اذا كانت عيونك مركبي كان الحنين اليم
### ##### #####
اسافر في عيونك راحل ومقيم ما بين البرد والنار
تجردني من اثياب الـمخافه سالفه ضمت عيونك في فم الزوار
واشوفك شمس تحتضن السنابل في عناق حار
اشوفك نجمة طلت من اعماق السديم وتحرس السمار
اشوفك قبره وازهار
وصوت الـ غايب يلفي مع الخطار
شراع لوّح ابهمه على السنبوق ما بين الرواجع والجسر والشرت والعيار
اشوفك رحلة ام الغيث في يدين البنات وسالفة بحار
وابيك ألفيه لعيوني جيران واهل وديار
### ### ###
واشوفك في الحصار المر واشوف اني كثير اتعب
يا شمس تستظل ابغيمة وتساوم المشرب
انا جرح غريب وسالفه اغرب
ودمعة شيخ مرت من سنينه عاصفه وثار دخان الحنين المغترب مابين لحيه وشارب اشيب
سؤال تاه في غمرة خبال ولا استحى من شايب احدب
### #### ####
لاوين اهواك
امد الصوت حبل الـ دلوي اللي يستريح ابير اعماقك
واسافر صمت في احداقك
اخاف من الرذاذ اليا تساقط من حبل دلوي يخون وينجرح ساقك
### ### ###
احبك وازرعك جمره اضمك في اليالي الشاتيه وادفأ
اذا كان الزمان يشقق ثياب الوفاء انا اللي بالأمل ارتق ثياب انشودتك وارفاء
ولكنك بعيده
ومن هو اللي يشتري موته
ضرير ودمعته قوته اسير وهمه اسكوته كسير وجنته صوته
جنون وكل جرح ايهون
جنون وكل صبح ابلون
### ### ###
حبيّيبتي
مليتيني مثل ما يملأ الدم الغــــزير الجرح
يا جرح جف دمه فوق فـــمه مالقي شاري
تركتيني مثل ما يترك البحر افـ مكانه ملح
بياض الملح يادمعة عذاب ابوجهي العاري
هي الشمس السروق ومدي اكفوفك لجرح الطلح
تعرفين الفروق ومن خسرت ومن كسب ثاري
تعلي في الجروح وقومي ابني من نزيفي صرح
لعلك تكشفــــين الوجه الاخر لأغلب اعذاري
تعبت وطال مشواري
تعبت وماتت اشعاري
تعبت وهذي اقدار
وندى ماهي لي ولاهي من اشعاري
حبيبك من جرح خده
وداع.. وداع
يا صوت ضاع يا نجم منطفي بين السماء والقاع
ابرحل والرحيل انجى من الوحده
ابعطي لليدين ابياضها واعطي البحر مده
ابرحل لا عيون اتراقب احجار الطريق ولا يد اتصده
### ### ###
نويت وصارت الصرخه زمال وبيت
وصوت يابس بين الرجاء واليأس والياليت
لا قلنا ينجرح خد الكلام وتنكسر يده
ولا منا سكتنا ينحني رأس العنيد وينلعن جده
حبيبك هذا هو حده
هو المقتول
سواد ابشفته مجدول
اغني فارغه وطبول
خيول مسرجه تحت الظلام وفارس مقتول
وكلمه مرت ابشفة غنوج حايره وذهول
من المسؤل عن قتل النهار الحر وسط اعيوننا قل لي من المسؤل؟
### ### ###
خذ الورده
وداع.. وما خبرت الورد يهدى للوداع .. ولكن الوقت انقلب ضده
ابرحل والغلا عده وانا أمده
بلم اللي بقى من فاكه عمري
وبعض ماء وجهي المسفوح ما بين اعيونك اللي تكتب ابجلد الثرى همي
وتحفر في شرايين الأماني جرحها وتذوب
وصدر صار لرماح الذنوب القاسيه مصلوب
يا صبر ايوب على المكتوب
### #### ###
بعيده يالديار اللي اشد الها الرحال وتقطع احبالي
غريبه يالديار اللي انا شدها البقا وتموت ازمالي
عنيده يالحبيبه اللي تبهر قهوتي بعيونها
وتصب لي فنجالها
موعد مساء مكسور
سرور و سور
ظلام ونور وانا التنور
من اللي يكسر السيف العنيد ويحني الدستور؟
### #### ###
ســلام .. احكام...ملام... أقلام.....
حبيبي نام
اعرف انك تموت ونظرتك قدام
زحام ... وصوتك المقبل من اعماق العدم يصرخ زحام زحام
هناك ابشفة خان الكلام ضفافها
وعيون تبحث عن ضجيج الملح في كف السماء وتساوم اقداري
سفينه غارقه بالذكريات وغمغمات البائع الشاري
تعبت وماتت اشعاري
تعبت وخانت اقداري
تعبت وطال مشواري
### ### #### ####
وقلت ارحل
اقبل حيرتي يا حيرتي واقبل
اسل احسام ميراث الجروح القاسيه واسأل
هو الحب انكسار الخاطر المسكون بالقمرا
هو الحافي اللي يكتب فوق جلد الرمل وقت القايله مجرى
هو الجايع عيونه بين خبز الليل والمسرى
هناك ودمعتي عذرا
هناك واهتي سكرى
واقول ان المساء تفاحة الذكرى
وكل نسى وجرحي كسا وجه السماء
وعشعش على افاس الهوى طير الجنون
الفاتن المفتون
جروحي والجروح اديون
عيوني والعيون اتخون
دروبي والدروب اضنون
وصار الليل منديلي وطين الحلم قنديلي
ارتق من بقايا الشمس مصباح ضرير ونجمة عذرا
وكف يخون
### ##### #####
وانا بين القطب والجاه متمجري
سفينه اهتي والا البحر صدري
يموج وينكسر صبري
واسافر والغلا كافر
حبيبي والفرس نافر
وانا جرح عنيد وصرخة امكابر!!!
### ### ###
واقول القاه
مدامي قبلته ودموع عيني موطنه وشفاه
وصمتي آه يا صمت ينز ابها الضما واضماه
احدق في الستاير جف منها اللون والمعنى
وبيت يلفظ انفاسه
غياب يزرع افـ كبد الحنين وفي اللقاء فاسه
جدار صلب طاح امنوله لين انقلع ساسه
زماني والزمن لعبه
اماني والمطر كذبه
وانا الغربه
### #### ####
انا مالي صديق وكربتي كربه
فقير يزرعون بغيضهم والحقد كل الشوك في دربه
ليا منه تكلم بالصحيح اتغامزوا قالوا اش كثر كذبه
تضلي سيرته ظلمه
ويرفضه البياض وتخونه التربه
### ### ###
هذاك اللي يداوي همه ابهمه
هذاك اللي ليا من انتخى محد يجيره لو نزف دمه
هذاك العاقل المجنون
هذاك اللي نزف جرحه سرج خيل الحنين اديون
قطف تفاحة المسرى الم وضعون
ليا منه تحاشى غضبته
حدوا سكاكين الكلام وقطعوا ظهره
وقالوا جاكم المجنون
### ### ###
حبيبي هذا انا من اول الطرقه
اسير يقطف اثمار الحزن والآه والحرقه
واقول لك سم
اذا كانت عيونك مركبي كان الحنين اليم
### ##### #####
اسافر في عيونك راحل ومقيم ما بين البرد والنار
تجردني من اثياب الـمخافه سالفه ضمت عيونك في فم الزوار
واشوفك شمس تحتضن السنابل في عناق حار
اشوفك نجمة طلت من اعماق السديم وتحرس السمار
اشوفك قبره وازهار
وصوت الـ غايب يلفي مع الخطار
شراع لوّح ابهمه على السنبوق ما بين الرواجع والجسر والشرت والعيار
اشوفك رحلة ام الغيث في يدين البنات وسالفة بحار
وابيك ألفيه لعيوني جيران واهل وديار
### ### ###
واشوفك في الحصار المر واشوف اني كثير اتعب
يا شمس تستظل ابغيمة وتساوم المشرب
انا جرح غريب وسالفه اغرب
ودمعة شيخ مرت من سنينه عاصفه وثار دخان الحنين المغترب مابين لحيه وشارب اشيب
سؤال تاه في غمرة خبال ولا استحى من شايب احدب
### #### ####
لاوين اهواك
امد الصوت حبل الـ دلوي اللي يستريح ابير اعماقك
واسافر صمت في احداقك
اخاف من الرذاذ اليا تساقط من حبل دلوي يخون وينجرح ساقك
### ### ###
احبك وازرعك جمره اضمك في اليالي الشاتيه وادفأ
اذا كان الزمان يشقق ثياب الوفاء انا اللي بالأمل ارتق ثياب انشودتك وارفاء
ولكنك بعيده
ومن هو اللي يشتري موته
ضرير ودمعته قوته اسير وهمه اسكوته كسير وجنته صوته
جنون وكل جرح ايهون
جنون وكل صبح ابلون
### ### ###
حبيّيبتي
مليتيني مثل ما يملأ الدم الغــــزير الجرح
يا جرح جف دمه فوق فـــمه مالقي شاري
تركتيني مثل ما يترك البحر افـ مكانه ملح
بياض الملح يادمعة عذاب ابوجهي العاري
هي الشمس السروق ومدي اكفوفك لجرح الطلح
تعرفين الفروق ومن خسرت ومن كسب ثاري
تعلي في الجروح وقومي ابني من نزيفي صرح
لعلك تكشفــــين الوجه الاخر لأغلب اعذاري
تعبت وطال مشواري
تعبت وماتت اشعاري
تعبت وهذي اقدار
وندى ماهي لي ولاهي من اشعاري