PDA المساعد الشخصي الرقمي

عرض كامل الموضوع : السوااااااااااااااااق والعجب وياه



بنت الدار
02-11-2006, 12:13
لا تقولون مب كل السواقين جذيه كلهم كلهم بمعنى الكلمة نفس شي ما في غير

ندخل في الاستوري :-
اول شي انا يوم اسير المدرسة يكونون امي و اخوي سايرين وياي اول شي هم يسيرون المدرسة عقبهم انا لان مدارسهم يبدأ طابورهم قبل طابورنا عاد انزلت امي المدرسة وانا و اخوي تمينا في السيارة , اخوي الصغير صف خامس يجلس جدام اونه مسوي عمرة محرم, واخواني الثانيين يسيرون الثانوية روحهم في سيارتهم , الحين اخوي نزل و تميت انا روحي في السيارة ما اعرف شو اسوي والسواق قليل ادب يجلس يطلح
فيني عاد انا شو اسوي ( ارفس السيت برجلي مرة مرتين ثلاث ) , الله لا يرويكم هاك الويه, لين ما انزل المدرسة وبعدين يسير ما اعرف وين يسير ويوم ارد من المدرسة اكون بعد روحي ييلس يطلع( عنبوه كل الناس تطالعني يوم اضحك لا وبعد يقولولي تتخققين بقمازاتج )وهوه الجلب يطالعني يوم اضحك و يقول ( انت سوي كقاق بقميزة مال انتي ) يقلد ربعي , على شوه انا اضحك على رسالة رسلتها ليه ربيعتي بس , او اني اكون قاعدة اسمع اغناي ما فيها مشكلة بس بسماعة , ما اسمعة وياي ويقولي ( ليش انتي كوف من انا , ليش سوي يرفس كرسي مال انا سوي سمأ انا اقاني )يبقيني اسمعة اغاني اطورت عزبة الهنود,وصلنا مدرسة اخوي وشليناه وخطفنا على امي وشليناها , وعند امي ساكت ما يقول شي .....

ويا ربعي قروا العجب :-
انا ورفيجاتي ساعات نطلع المول او مراكز ويوم نحن داخل السيارة يوقولنا (وين يبقي سير انا بيودي احلى مكان بس هق انتوا )
تعطيه رفيجتي بكلام شو كلام يتم ساكت وما يتوب ويقول ( ابقي فلوس بترول خلس ) نحن ما نقصر نعطيه حق البترول ويقطف شيشة البترول ويشتري عصير ويقولنا (هق انتوا
تقوله رفيجتي( الله يقربلك تبا تسمنا اليوم الله يسمك ان شاء الله , هذا العصير سم يعلك السم يسمك , عزراييل ياخذك ) لا وبعد يوم ننزل المول يلحقنا نبقي ندخل كليرز ما نروم ندخل لاصق فينا ولا بعد يبقي يدخل ويانا و يشغل غنية اخوي الصغير قالوا تحبه ما حربي العامري ويطول ويفظحنا جدام خلق الله ها الايام ارفس الكرسي وما يتوب ....
وعند عيادة الاسنان :-
ينادون اسمي اسير حلوة يدخل وياي عند الدكتورة ويمو تقولي أي لون تبين التقويم اقولها ازرق تقولي غيرتيه اللون اقولها هيه عفت اللون الاحمر والوردي والاخضر لوعة جبد خليني اطقم ويا لباسي مال المدرسة ويقول :- ( شو ها مسخرة انتي لازم ما في غير لون مال هزا داخل اسنان ايش اسمة ااااااااا اييه سيم مال اسنان ماماه مال انتي قولي ما غير لون ,,,
انتحر اتم ميودة القهر فضحني جدام الدكتورة ولا بعد راز ويه اللي تقول جنة ككاو اسود ما فيه شكر ولا حليب على الاقل الشكر شوية يحلي ...

لا تقولون سفروه حاولنا انسفره بس ما رضى ولين اليوم وهوه جذيه ما يتغير قولولي شي عشان يسافر ولا يرد في الامارات والدول الخليجية عشان ما يتقايضن البنات ...


....حد بالله عليكم يقولي شو اسوي والله نفسي طايقة ها السيارة بسببه

فداعة الله

PEPSI MAX
02-11-2006, 15:30
أقترح أنك ما تكلميه كثير بعدين يسير يمون وأنا أدري انه يمون لكن تحملي الله يصبرك

بنت الدار
03-11-2006, 10:47
ما ارووووووووووووووووم صبرت وايد وانجتلت ...

مشكوووور على الاقتراح ...

*_@