قصيدة رائعة عن طاش ماطاش ... ادخلوا واقرؤ الموضوع كامل... لازم كامل

[المدرب كاكاشي]

بسم الله الرحمن الرحيم
السلام عليكم ورحمة الله وبركاتة
كيفكم ياأعضاء منتدى مكسات الغالي
حبيت أضع اليوم قصيدة عن طاش ماطاش
وانا عارف ان الموضوع مو بهذا القسم لكن لكثرة تواجد الأعضاء حبيت أضعها هنا
أسمعوها وقولو لي رايكم فيها

_______________________________________________

يحرم علي شوف طاش ما طاش
هذا وعد اخذت على نفسي
من اليوم ورايح
من ياخذ على نفسه وعد انه ما عاد يشوفه ابدا ؟؟؟؟؟؟؟؟

اسـمـعـوا هـ الـقـصـيـدة عـن طـاش مـا طـاش لـ نـايـف بـن هـرويـن
صـح لـسـانـك و الـلـه يـا نـايـف


الـــقـــصـــيـــدة هـــنـــا (http://baghdadalrashid.info/uploader/storage/naief3rwel.rm)





هذا نصها للي ماقدر يسمعها
============================




البارحة كن الفضاء غرفـة انعـاش()() وانا المريض الـي حياتـه كسيفـه
والهـم ذيـب ٍ للمعاليـق عـراش()()والقلب شيخ ٍ واعظم الحزن ضيفـه
واليا نشدنـي واحـدٍ قلتلـه مـاش()()مابـه جديـدٍ للقـديـم بنضيـفـه
ياليتها ضيق ٍ فـالأرزاق واعتـاش()()اعتاش لو ما القى بعمري وظيفـه
وليت السبب حب ٍ للأطراف رعاش()()كـم ٍ وليـف ٍ ماحصلـه وليـفـه
مير البـلا لاشفـت للديـن نهـاش()()امن النفـوس الحاقـدات الضعيفـه
ومن عادتي لا جبتها جبتهـا كـاش()()واللي زعل يزعل على كيـف كيفـه
هذا جوابٍ عاجل لطـاش ما طـاش()()يخزي وجه ناصر ويخـزي حليفـه
مانقبل الصـوره بتفكيـر حشـاش()()لأهل القلوب الطاهـرات الشريفـه
لا عاش من يشتم هل الدين لا عاش()()ولا عاش من يشهر على الدين سيفه
ذولا هل التوحيد يالغـادر الغـاش()()ريفك وريف اللي خذا الوقت ريفـه
قلوبهم بيضا وابيض مـن الشـاش()()وافعالهـم عنـد المعـادي كليـفـه
ذولا رجال الدين ياكلب الاحـواش()()الله مكرمـهـم بمـلـه حنـيـفـه
ولا انت ضايع بايع الديـن ببـلاش()()بصيرتـك بيـن البصايـر كفيفـه
بكره ليا جتك المنيه علـى فـراش()()ومرت حياتك قدم عينـك عصيفـه
وحسيت في روحك تراقى مع الجاش()()ودموع عينك فـوق خـدك ذريفـه
عرفت بأنك مرتكيلك علـى قشـاش()()وانك ظلمت اهل القلوب النظيفـه
في وقتها مالك من الموت منحـاش()()بيحاسبـك راع العـدل والنصيفـه
ولحدن بمرمش لا توفيـت برمـاش()()جيفه ومن يبكي من النـاس جيفـه؟
ان عشت يا خفاش وان مت خفـاش()()مايفقـدك غيـر العقـول الخفيفـه
وختامهـا مانـي بجايـك برشـاش()()لأنا بحكم اهـل السيـوف الرهيفـه
مير افهم الموضوع ياطاش ماطاش()()واترك تفاهـات اليهـود السخيفـه


كتبها : ( الصارم ) نايــف بن عريويل


امل ان تعجبكم

__________________________________________________ _____

وارجوا من الجميع نقلها في كل منتدى يعرفونه

وارجوا عدم نقل الموضوع الى قسم ثاني او حذفه

[كاسـر الجسـّار]

أهلاً بك ياشجاع

لما قرأت الموضوع كدت ان اطب عليك واسطرك واقتلك وابطحك ارضا مع التلفيع المبكي:D


لا عاش من يشتم هل الدين لا عاش()()ولا عاش من يشهر على الدين سيفه

صدقني يوم من الايام سينقلب السحر على الساحر

لكن الله سينصر دينه ..ولو ارادوا غير ذلك .. ونحن علينا ان نقنع الناس بعدم مشاهدته ..فهم يهمهم الجمهور::جيد::

بارك الله فيك .. ولو انك كتبت هذا في المنتدى العام لحظيت ايضا بمشاركات رائعه


اعجبتني القصيده :رامبو:


.

[المدرب كاكاشي]

لما قرأت الموضوع كدت ان اطب عليك واسطرك واقتلك وابطحك ارضا مع التلفيع المبكي
ياحليلك ياحبي
تصدق ضحكتني (( هههههههههههههههههههههههههههههههههههه ))

لكن مشكوور على مرورك الكريم

سلامي لك يا....... ( مثل ماتبيها حطها )

[Cute...Boy]

معقووله طاش حرااام ..!!

القصيده حلوه

بس انا ما اشوف اي استهزاء بالدين

وشكرا

[will_witch]

مشكورعلى القصيده اعجبتني مشكور

[واحد طش]

صح لسانك


بس أنا مستغرب لين الحين فيه ناس يتابعون طاش ؟؟؟!!!

[كاسـر الجسـّار]

8
8
8

ممكن أسرق التوقيع :D


..

[THE -2-GAME]

صح لسانه ::جيد::

يعني لما استهزأو الدنماركيين بالرسوول صلـــ الله عليه وسلم ــــى
قاطعنااهم وأقمنا الحرب عليهم وبعدين يجون المسلمين يستهزؤن بسنته صلـــ الله عليه وسلم ــــى
ونسكت لهم صرااااحه هذي صدمه كبيييره :eek:

وانا سمعت انو راح يحاكمونهم (ياااريت)

ومشكووور اخوي ع الموضوع والقصيده الهادفه ::جيد::

[كلك حركات]

صراااااااااااااحة مصخوووها
قلنا ضحك بس مو بهالشكل!!!!!

[يا رايح]

متى سخروا من الاسلام؟

[كاسـر الجسـّار]

الدمـ الأزرق



صراااااااااااااحة مصخوووها
قلنا ضحك بس مو بهالشكل!!!!!

ولا يوجد تغيير في الطرح ومعالجة المشكله الا بالسخريه ::مغتاظ::


LUSTER



متى سخروا من الاسلام؟

من العام الماضي وهم يفعلون ذلك ..لكن هذا العام سخريه بشكل مشين جداً وخصوصا في حلقات الهيئه

[Cute...Boy]

من العام الماضي وهم يفعلون ذلك ..لكن هذا العام سخريه بشكل مشين جداً وخصوصا في حلقات الهيئه

يا اخي كلامك لا يدخل الراس
من نواحي عديده

معليش يعني

اولها انت تقول يتهزوون بالهيئه صــح ...!

طيب شرايك اني انا ما اعتبره استهزاء ابــدا

اسألك بلله الهيئه ما تخطي

اسألك بلله الهيئه معصوومه من الخطا

اسألك بلله ما شفت تعمل بــعض رجال الهيئه

اذا كنت تقصد الحلقه الي يوم ينزلون من الجمس ويقولون الساعه ثنتين وبكره وراك صلاه جمعه

فانا اقولك وش دخل الهيئه هنــا ..!!

صار السهر ممنوع

صار الاسواق عوائل

صار التمشي مو زين

وش بـــقى

ياخي طاش يعرض نواحي المجتمع بأسره الصالح والطالح

.

يعني الهيئه ما عندها سللبيات اكيد عندها

خلاص طاش يتكلم عن سلبياتها ليس ايجابياتها

يبينوون السلبيات لنا ولكن اصحابنا الملتزمين وفقهم الله لا يريدون ان تضهر العيوب ليييييش

فكر بكلامي جيدا وستجدني محقــا .. وجهه نضر .. تقبلها

اخوك

cute boy

[Akara]

اي انا سمعتها وعجبني لما قاال


ذولا رجال الدين ياكلب الاحـواش()()الله مكرمـهـم بمـلـه حنـيـفـه

ومشكووور

[كاسـر الجسـّار]

عدنا ..:)


يا اخي كلامك لا يدخل الراس
من نواحي عديده

معليش يعني

لا والله يا اخوي عادي تفضل قل رايك


اولها انت تقول يتهزوون بالهيئه صــح ...!

طيب شرايك اني انا ما اعتبره استهزاء ابــدا

اسألك بلله الهيئه ما تخطي

اسألك بلله الهيئه معصوومه من الخطا

يارجال مافيه احد بالدنيا معصوم ..الكل يخطي


اسألك بلله ما شفت تعمل بــعض رجال الهيئه

اذا كنت تقصد الحلقه الي يوم ينزلون من الجمس ويقولون الساعه ثنتين وبكره وراك صلاه جمعه

فانا اقولك وش دخل الهيئه هنــا ..!!

صار السهر ممنوع

صار الاسواق عوائل

صار التمشي مو زين

وش بـــقى

طيب ..

زين .. الحين الهيئه يسون اشياء فيها مصلحة عامه ..صح

ويسوون شيء يعتبر تدخل ..صح

طيب .. الحين الشيء الزين يغلب الشين ..يعني حسناتهم اكثر مليون مره من سيئاتهم ..

هذا اذا قلنا انهم كلهم نفس الطريقه ..بس والله ماهو كلهم يعني فيه والله ناااس اخلاق شي وفيه منهم ناس الله يهديهم




ياخي طاش يعرض نواحي المجتمع بأسره الصالح والطالح



يعني الهيئه ما عندها سللبيات اكيد عندها

خلاص طاش يتكلم عن سلبياتها ليس ايجابياتها

ايه ..بس والله فيه اشياء مبالغ فيها مره ..

وزيادة ..حنا مانبي ..مانبي ..مانبي سخريه بس..حنا نبي علاج

يعني ويش الفايده يسون كذا بس بدون مايعطون حل ؟؟

يعني الحين بعض الناس يقولون الا صدق هذا الواقع ..طيب مادام ان الناس عارفين الواقع ليش نروح نعيد الواقع مرة ثانيه ..حنا اهم شي لنا اننا نعرف الحل

يعني لو مثلا بعد الحلقه سووا لقاء مع رئيس الهيئه وقالوا له ويش يعانون بعض الناس منهم .. وطلبوا منه ان يخلي افراد الهيئه يتعاملون بشكل طيب وحسن ..كان والله افضل مليون مره من هالحركات

يعني نسوي شيء نشتغل مو بس حق اننا نتطنز بدون فايده ..حنا لازم نحسن من وضعنا وطريقة طرحنا للمشكله لازم يصير فيه حل يعني مو بس حق سخريه وتطنز


يبينوون السلبيات لنا ولكن اصحابنا الملتزمين وفقهم الله لا يريدون ان تضهر العيوب ليييييش

لا مو انهم مايبون احد يظهر عيوبهم ..هم مايبون احد يسخر من الي يامر بالمعرف وينهى عن المنكر


فكر بكلامي جيدا وستجدني محقــا .. وجهه نضر .. تقبلها

وها انا رديت عليك يالغالي


اخوك

ونعم والله

الله يبارك فيك

[ώαтея Ĺіlў]

صح لسانك ::جيد::
والله يعافيك إنت واللي كاتبها
والله بردت قلبي ;)

ماأدري ليش هذا المسلسل مستمر إلى الحين كل اللي أعرفهم واللي ماأعرفهم يكرهونه
أجل مسلسل له 14 سنه صح؟ حشى والله لوكان إيش:mad:

[المدرب كاكاشي]

ماأدري ليش هذا المسلسل مستمر إلى الحين
ان شاء الله هذي أخر سنة لهم

[ώαтея Ĺіlў]

ان شاء الله هذي أخر سنة لهم

والله كل سنه يقولون نفس الكلام (هذي آخر سنه )
وكل سنه تطلع وحده أبيخ من اللي قبلها

[ابو عادل]

مشكوور عالموضوع ولك وعد إني ماعاد اتابعه

[[القائد]

السلام عليكم ...

مشكور اخوي على الموضوع
والقصيدة الرائعة جدا ::جيد::


البارحة كن الفضاء غرفـة انعـاش()() وانا المريض الـي حياتـه كسيفـه
والهـم ذيـب ٍ للمعاليـق عـراش()()والقلب شيخ ٍ واعظم الحزن ضيفـه
واليا نشدنـي واحـدٍ قلتلـه مـاش()()مابـه جديـدٍ للقـديـم بنضيـفـه
ياليتها ضيق ٍ فـالأرزاق واعتـاش()()اعتاش لو ما القى بعمري وظيفـه
وليت السبب حب ٍ للأطراف رعاش()()كـم ٍ وليـف ٍ ماحصلـه وليـفـه
مير البـلا لاشفـت للديـن نهـاش()()امن النفـوس الحاقـدات الضعيفـه
ومن عادتي لا جبتها جبتهـا كـاش()()واللي زعل يزعل على كيـف كيفـه
هذا جوابٍ عاجل لطـاش ما طـاش()()يخزي وجه ناصر ويخـزي حليفـه
مانقبل الصـوره بتفكيـر حشـاش()()لأهل القلوب الطاهـرات الشريفـه
لا عاش من يشتم هل الدين لا عاش()()ولا عاش من يشهر على الدين سيفه
ذولا هل التوحيد يالغـادر الغـاش()()ريفك وريف اللي خذا الوقت ريفـه
قلوبهم بيضا وابيض مـن الشـاش()()وافعالهـم عنـد المعـادي كليـفـه
ذولا رجال الدين ياكلب الاحـواش()()الله مكرمـهـم بمـلـه حنـيـفـه
ولا انت ضايع بايع الديـن ببـلاش()()بصيرتـك بيـن البصايـر كفيفـه
بكره ليا جتك المنيه علـى فـراش()()ومرت حياتك قدم عينـك عصيفـه
وحسيت في روحك تراقى مع الجاش()()ودموع عينك فـوق خـدك ذريفـه
عرفت بأنك مرتكيلك علـى قشـاش()()وانك ظلمت اهل القلوب النظيفـه
في وقتها مالك من الموت منحـاش()()بيحاسبـك راع العـدل والنصيفـه
ولحدن بمرمش لا توفيـت برمـاش()()جيفه ومن يبكي من النـاس جيفـه؟
ان عشت يا خفاش وان مت خفـاش()()مايفقـدك غيـر العقـول الخفيفـه
وختامهـا مانـي بجايـك برشـاش()()لأنا بحكم اهـل السيـوف الرهيفـه
مير افهم الموضوع ياطاش ماطاش()()واترك تفاهـات اليهـود السخيفـه

صح لسانه والله :)


طيب المعترضين
تقولون الهيئة غير معصومة .. صحيح كلام 100 %
بس هل طاش ما طاش معصوم ، والسدحان والقصبي معصومين ؟!!
لا تقولون ما استهزئوا بالدين واهله ... يعني ما ادري تخادعوننا ولا تخادعون انفسكم ؟!
الكل شاف بعيونه ...

وما ادري ليش هالدفاع القوي عن طاش ما طاش !!!
كأننا حنصدر امر ملكي بمنعه !!
اريد واحد بس يكون صادق ويقولي انهم اخطأوا ، ولا بس الهيئة مو معصومين ، وطاش معصومين ؟!!!

وشكرا ,..
اخوكم في الله ..

[جوروماكي]

حتى طاش مو معصومين والهيئة أيضا مو معصومين ، الكل له اخطاءه لكن المهم الاعتراف بهذا الخظأ وعدم تغييبه وتجاهله وسيطره العاطفة على تصرفاتنا ، الي يتابع طاش جيداً سيعلم انهم لم يستهزو بالدين بل بالمتسترين به أو بمن هم جهله من المتطيوعين أو الهيئه صحيح ان اسلوبهم مبالغ فيه وهذا هو خطائهم لكن اظهروا اخطاء غيرهم من الهيئة او غير الهيئة.

[عـــز و مهابــه]

لا عاش من يشتم هل الدين لا عاش()()ولا عاش من يشهر على الدين سيفه
ذولا هل التوحيد يالغـادر الغـاش()()ريفك وريف اللي خذا الوقت ريفـه

صح لسانـــــــــــه واللهـ

ترا من جد اكرهم هالـ 2

البعرصي واللي معه وع يلوعون الكبد قسم باللهـ

يلا يعطيك العافيه اخوي