PDA المساعد الشخصي الرقمي

عرض كامل الموضوع : انتفض قلبي بغزال المنصوري > لا تفوتكم



نزف الأحاسيس
15-09-2006, 11:55
مبارك : العيوز ... العيووز ... و الله ياخوفي لا تكون امي العروووس و انا ما عندي خبر ...
ام مبارك : هاه ... شبلالاك محتشر ؟؟..
مبارك : حشى ساعة و انا مشغل السيارة و استنا الليدي ديانا تتكرم عليه عشان نسري العرس ...
ام مبارك : يالله عليك وين ساعه بعد ؟!!؟؟... عايشه .. عايشه هاتي المدخن ...
مبارك : امي بعدج ما ادخنتي ؟!!.. حرااام عليج ..
ام مبارك و هي تقطع رمست ولدها : عن الحشره ... ظك هنه خلني ادور العود ...
مبارك : الله يعيني عالحرمات ... و الله انكن صدق لعبة قطاووو ...
ام مبارك : قطاووو ؟؟!!؟.. ما عليه بشووفك جدام حرمتك شووو بتسوي ... يالله عسى ربي يبلاك بحرمة شينه اتظهرلك قرووون ..
مبارك : تخسي الا هي ... بعدها ما يابتها امها الي تظهرلي قرووون ... الا مبخوته الي بتظويني .. حرااام يا انها تحب ايدها ويه و قفا ...
ام مبارك : خييلي ما تنرام .... الخقه الا من عقبكم ..
مبارك : بسم الله عليكم يالمناصير ... الزين الا من عقبكم عاد ....
ام مبارك : بروووك يا مسود الويه المناصير خاوالك ....
و يروووح مبارك صوب امه و يحبها عراسها : فديت المناصير و الله ... يسد انج منهم ..
ام مبارك : .. ياللواته .. ظك عني ..
مبارك : ههههههههههههه ... انزين شو بلاج ..
ام مبارك : الله بلاني بك ... ياويلي يا مبارك فج الثوووب ...
مبارك : ههههههههههههه ... امايه تعرفين انا باخذ وحده بخليها ترفع ضغطج و تبليج بالسكري ..
ام مبارك : ما يحتاي حرمتك انت ارووحك بتذبحني ...
مبارك : ههههههههههههه فديت عيوزي و الله .... لا امايه انا ما باخذ وحده الا اذا هي تشبهج ... بس ما تكون ملسونه و لا تكون مسرفه و ما تتلغون ساعه جدام المنظره عشان تتعدل ..
ام مبارك : برووووك ظهر .. ظهر من الحجره ...
مبارك : ههههههههههههههههه....
و يرن تيلفون ام مبارك في هاللحظه ....
ام مبارك : مرحبا الساع ...
نوره : يالله يا سلامه ... اظني كنسلتي رووحت العرس ...
ام مبارك : لا وين كنسلنا .. لا فديتج هذووه انا و مبارك ظاهرين صوبج ...
مبارك : وين ظاهرين ؟.. .. يابويه العيوز بعدها ما تعطرت و لا ادخنت .. وين لين ما تفجج راسها عيوزي يبالها ساعه بعد .
ام مبارك : عيز حيلك عسى ...
مبارك : هههههههههههههه ...
نورة : خلاص عيل سلامه كنسلوا الروووحه دام انج بعدج ما فججتي راسج .. شوو تبينا نبيتهم العرس نصايف الليل ؟؟!!.
ام مبارك : حشى كلتولي فوادي انتي من صوب و بروووك من صوووب .. ترى الوثبه الا فرت حصاه عنا هيدولي شوي ..
مبارك : فرت حصاه ؟؟!!!... هيه انتي بتمين يالسه و انا الي بسوووق و بينهد حيلي .. اوين فرت حصاه ...
ام مبارك : بروووووك و الله لا احلف اني ما اروووح ..
مبارك : فديييييييييييييت عيوزي يوم تعصب ... فديتج الغاليه منوه بيوديج ان انا ما وديتج ...
ام مبارك : و الله الا الحايه فرتنا عليك ...الله ينطب سراج جن ما هناله السفر الا الحين ...
نوره : هيه تمي انتي و ولدج تتضاربوون و طبوه العرس ..
ام مبارك : لالالا مره اللحين سايرين صوبج ....
طلع مبارك هو و امه و عمته نوره من رماح رايحين صوووب الوثبه عشان يحظرووون عرس فيها ... نزّل مبارك امه و عمته عند خيمة الحرمات و كان رايح صوب الحوربيه و اتصلبه واحد من الشباب ..
مبارك : مرحبا الساااع ..
خليفه : يابو عيون سووود و وساع ...
مبارك : هههههه و منوه جاذب عليك هالجذبه ... لا تصدق اشاعه اشاعه .. انا عيوني خبوووق ربي لا هانك ..
خليفه : لالالا ما اصدق ... حاطينك غرشووب رماح .. و امس متوجينك شيخ مزاييين بالخيل ..
مبارك : ههههههههههه بعد ؟؟!!... .. منو الريال ؟؟
خليفه : معجب انا و اعجابي يزيد ... الشيخ ممكن نتعرف ؟؟..هههههههه
مبارك : هههههههه تتعرف ؟؟!!.. اقول الغالي قدم اوراقك فمكتب السكرتير و راجعنا عقب شهر ...
خليفه : السكرتير بعد مش مكتبك ؟؟!!!... ههههههه منحقك يالخييلي .. اففف لو ما كنت احبك بس ..هههههههه
مبارك : هههههههه فديت عيونك يالمري ... حرااام اني اموووت عليك .. فديت منطوقك و الله
خليفه : ههههههههه.. تسلملي يالغالي .. هاه المزيون وين دارك ؟؟..
مبارك : ربي يسلمك انا متواجد في الوثبه حاليا ...
خليفه : و الله ؟؟.. انا اسير صوب الوثبه اللحين ..
مبارك : و الله ؟!؟.. غايته ....خلاص الغالي برقبك عيل ..
خليفه : خلاص عيل بنتلاقى عند الدوار عند السووق الخضر .. بوقف سيارتيه و بخاويك في سيارتك ..
مبارك : خلالاص تم عيل ..
تريا مبارك خليفه الين ما وصل الوثبه و تخاووا فسيارة مبارك .. حاطووا شوي في الشعبيه و عقب راحوو صوب الحوربيه ...
خليفه : مبارك وقف هنيه ..
مبارك : لا يا بويه .. وين اوقف سيارتيه في نص هالزحمه ؟!!.. ما فيني يشحفونها لي مره ثانيه ..
خليفه : ههههههههههه منقرص الريال ..
مبارك : افففف لا تخبر اسميني منقرص منهم مجلع الوثبه ..
خليفه : حوووووو .. وين تبا في السكيك محدرنا ؟!!!..
مبارك : شووف اامن مكان الواحد يوقف فيه سيارته يوم عرس هو السكيك هههههههههه..
خليفه : ههههههه و منكم نستفيد ..
اول ما دخل مبارك بسيارته في السكه كانت لمة بنات يالسات و كان مبارك مشغل ليتات سيارته فأول ما شافن سياره داشه السكه نشن البنات يترابعن عدا وحده قامت بهيبتها و تغشت و مشت و لا عليها من السياره و لا حتى من الي فيها ... كانت هالبنت رووضه احلا بنت ممكن العين تشوفها ..عليها جسم مرسوووم رسم .. و شعرها يتعدا الركب ... لها هيبه فرزتها ..تفز لها القلووب من حلات عودها ... اول ما شافها مبارك فج ثمه ما قدر انه يشل عينه عنها ...
خليفه : حوووه مبارك .. بند الليتات عيب عليك ما تشووف الحريم جدامك .... و بند خليفه الليتات .. و في هالوقت كانت ميثه بنت عم روضه مندسه ورى باب بيت عمها و تكلم رووضه ..
ميثه : رويييييييض ... عنلاتج يا كلبه .. مشي ... شوو تتحسبين عمرج عالكرنيش تتمشين ؟؟!!..
روضه : شو ؟؟!!.. تبيني اربع عسبات واحد مظيع المذهب لا يستحي و لا يخيل حادر عالحريم في السكيك ..
كان خليفه فاتح دريشته فسمع مبارك كلالالام روضه لانها كانت تتكلم بصوت عالي ...
مبارك و هو معصب : انا مظيع المذهب ؟؟!!!!!... و الله لتشوووف ... انا وحده لا راحت و لا يت اتسبني ؟؟!!!..
خليفه : يا ريال عيّن خير و حط الرحمن في صدرك ...
مبارك و هو يقطع رمست خليفه : تخسي الا هي ... منو تتحسب عمرها هاي ؟؟.. و نزل مبارك من السياره رايح صوب البيت الي دخلن فيه البنات و خليفه يلحقه ...

نزف الأحاسيس
15-09-2006, 11:58
خليفه : مبااااارك .... ايه عيب عليك رد ... حووووووه
مبارك : جــــــــــــــــــب اقولك ..
و دق مبارك الباب و كانت ميثه و روضه في الحووش و الباقيات دخلن داخل البيت ..
ميثه : لحقي ... لحقي ... يدقوووون الباب ..
رووضه : وش عليج منه .. انا بطلعله ... تغشت رووضه و راحت و فتحت الباب الي يفتح عالسكه ...
مبارك : السلالام عليكم
روضه : و عليكم السلالام .. مرحبا الساع .
مبارك : الشيخه .. لو سمحتي بغيت ماي ..
روضه و هي مستغربه : شوو ؟!!!!!؟؟....
مبارك : سلامتج الشيخه .. بس بغيت غرشت ماي ... حق السياره ..
روضه و هي مستغربه من طلب هالريال الي جدامها : انشاااالله ... و راحت عشان تيبله الماي ...
خليفه : مبارك صاحي انت ؟؟!!!... عنبوه ادق بيبان العرب عشان غرشة ماي ؟!!!؟؟...
مبارك : صبر شوي انت ..
رجعت روضه و معاها غرشتين ماي العين ... تناول مبارك منها الغراش ..
مبارك : تسلمين الشيخه ..
روضه : ربي يسلمك الشيخ ... و كانت بتسكر الباب ..
مبارك : الشيخه ...
روضه : لبيه ..
مبارك : لبيتي حايه .. الشيخه بس بغيت اقولج اني ما ادخل بيوت العرب الا اذا سمحولي و ادخل بحشمتيه و اظهر بحشمتيه .... و السموحه منج ما دريت ان السكه من ممتلكاتج الخاصه و الا جااان هودنا قبل لا ندخلها ... و ما ادري منوه الي ظيع المذهب بيلسته في السكيك ... و ثمني رمستج قبل لا تتنطقيبها تسمعين ؟؟... ..
انصدمت روضه بكلالامه و ما عرفت شو تقوله او ترد عليه .. تمت واقفه عند الباب فاجه ثمها و تشووف مبارك و خليفه و هم ظاهرين من السكه ....
ميثه : خيييييييبه تخيبه ... حشى ذنيه رادار مره مسكها الرمسه ..
روضه و هي ترقع بالباب : سبـــــــــــــــــــــــــــــــــــــــــال عنلاته الخاااااااااام ...
ميثه : اب اب ... شكل الحبيبه عصبت ... موزووووه ... لحقي .. موزووووووه ...
ويت موزه خت ميثه و عندها ربيعتها مريم الي كانن يالسات عندهن في السكه ....
موزه : شووو ؟؟؟!!!!...... شعندج تباغمين ؟؟!!
روضه : اوين شووه ... ما ادري منوه الي ظيع المذهب بيلسته في السكيك ..... عنلالالاته يعني انا اللحين مظيعه المذهب ؟؟؟!!!!!...
موزه : رويض شوفيج ؟؟؟!!!!!!...
روضه : تعرفن شووو بسوي ؟؟..
ميثه : رويض ... عيني خير ... شو بتسوين بعد .. لج ويه تسوين شي اصلا ..!!....
روضه : مب المنصوريه الي ينقالها مظيعت المذهب
مريم : يخسوووون ... ما يسوونها المنصوريه و لا يسوون ثرها ...
ميثه : ايوه ... كبري راسها ... مريوم لمي ثمج ... روضه خلي عنج انتي غلطتي عالريال ..
موزه : أي ريال ؟؟!!... الي دخل بسيارته علينا في السكه ؟!!...
ميثه : هيه ... سمع سب رويض له .... و قالت ميثه حق موزه و مريم السالفه الباقيه ...
موزه : خيبه رادار متحرك الريال ههههههههههههه...
ميثه : هههههههههه.... نفس تشبيهي .. بس انا خليته رادار ثابت ههههههههههههههه..
روضه : و الله انكن متفيجات ... ظكي هنه ..... و طلعت روووضه و راحت صوووب سيارة مبارك و البنات يلحقنها ...
مريم : الله رنـــــــــج ... ياويل حالي و اسود بعد ...
روضه : دورلي حصاه و الا باسكوووو و الا طابوووقه و الا أي شي ...
موزه : ليييييييييييييش ؟؟؟!!!!!!!!!!!...
روضه : عشان اكسر جامته ....
ميثه : شووو؟!!... رويض و الله ان سويتيها لا اتصل بمحمد ..
روضه : ميثوووه حراااام عليج و الله قاهرني برمسته ... شووو انتي مب منصوريه شراتي و الا ماخذه الجواز امس و ما عندج انتماء لجبيلتج ؟؟!!...
ميثه : يالله عليج يا روضه طاعي كيف فسرتي السالفه ... يا بويه ما نبا فظايح و الله لا يقصبونا قصاب ... حرااام يا سلطان لا يدووس في بطنج ان درى ...
روضه : اووووووه ... شو اسوي و الله ظاربتني غصه منه و من كلامه ...
مريم : حلوو؟؟!!!...
ميثه : شوو حلو ؟!!!؟؟؟...
مريم : الريال حلو ؟؟.. ياويلي سيارته فناااااانه .... اذا حلو بقردنه هههههههههه
ميثه : هههههههه ... سألي روضه هي الي طلعتله و شافته ...
روضه : تصدقن ... ما انتبهت لشكله ...
موزه : ههههههههههه ... مب منج .. انتبهتي لسّب بس ههههههههههه و الله و الله خاطري اشووف الريال و هو يتهزب روضوه ..
روضه : ايوه .. بدت الشماته .. طويز لمي ثمج الي مستوي شرات براطم البقره ...
موزه : انا ثميه براطم بقره ؟؟!!!!... بسم الله عليج يالليدي ديانا ..
ميثه : اوكي اوكي تناتفن بالكشيش بس في البيت لو سمحتن ما فينا للفضايح في السكيك يسد الي يانا ...
روضه : انزين بس اريد اسبه هالسبااااال ...
ميثه : خلاص ارقبيه الين ما يرجع و عقب تلقفيه من حلجه و تضاربي معاه و نتفي لحيته ..
روضه : ميثوه عن الطنازه ... تراني بسويها عادي .. برقبه و بلعن خيّره بعد ...
مريم : اييييج شوور ... كتبيله سبه حلوه عالجامه الجداميه و الا ع بونيت السياره ..
روضه : هيه صدقج ...
موزه : هههههههههه .. مالكن امل .. اظني انه توه مظوي سيارته من المغسله ههههههههههه ما عليها غبار...
ميثه : الله يعيني عليكن ...
روضه : اممممممم ... اوكي لحظه ... و يلست تفكر ... اوكي بكتبله في ورقه و بحطها له في سيارته ... راحت روضه البيت و البنات وراها ...
ميثه : روضه عن الفضايح .. شو هالحركات بعد .. هذا الي قاصر بعد ..

نزف الأحاسيس
15-09-2006, 11:59
مريم : شو فيج ميثوه ؟؟!!... تراج وايد معقده السالفه ... و بعدين هو ما يعرفها هي منوه و الا بنت منوه ... عادي يعني ...
روضه : اوكي .. اوكي .. شو اكتب .. اممممممم ...
موزه : كتبي مالت عليك و عويهك ...
مريم : لالا.. كتبي ما سنت عند الجبايل الريال يدق عالبيبان و يتهزب البنات و يسري ... معذوور مب ولد جبايل ما تنلالالام ..
ميثه : ربي يثبتكن بعقولكن انشاااااالله ..
روضه : بتشوفن شو بكتب .... و كتبت روضه الي في خاطرها و وقعت اااخر شي بالمنصوريه ...
ميثه : و ليش كاتبه المنصوريه بعد ؟؟؟
روضه : عشان يهاب المنصوريات من عبعد كيلوو .... و يعرف اننا مب هينات و لا نا خايسات شرات المتعود عليهن ...
و راحت روضه و حطت الورقه تحت المشاش الي على الجامه الجداميه المجابله حق الي يسوووق ... و دخلن البيت و يلسن يسولفن ..... و في هالوقت كان مبارك يشوف اليوله بس كان يفكر في البنت الي شافها في السكه ... محلاة منطوقها و هي تقول مرحبا الساااع ... يلس يفكر هو ليش راح و دق عليهن ... ليش هي من بد البنات الثانيات الي طلعتله ؟؟.. ليش يفكر فيها ؟؟؟..
عالساعه 12:30 ... راح مبارك و خليفه صوب السياره ... اول ما دخل مبارك السكه طاحت عيونه عالباب الي دخلن فيه البنات .. و تم يطالعه كأنه يرقب حد يطلعله من هالباب ... بس خاب امله .... و هو واقف يفتح الباب طاحت عينه عالورقه المعلقه في سيارته فشلها .... و هو مستغرب شوو هالورقه .. فتحها و قرى الي فيها ...
خليفه : مبارك شعندك ؟؟!!!..
فجأه ظحك مبارك : هههههههه بتحط الفرد بين عيوني ... جان ريت البنات و قوتهن ..
خليفه : شووو ؟؟!!!..
مبارك : البنت الي تواجعت معاها حاطيتلي ورقه ...
خليفه : شووو طيحتها ؟؟!!.. هههههه
مبارك : افففف لا تخبر ..
خليفه : شكلهم رقموووك يالمزيون ...
مبارك : هههههههههه قرى و شووووف ..
عطى مبارك الورقه لخليفه ... فتح خليفه الورقه و لقا مكتوب فيها ...

)السموحه منك الشيخ ما قد غلطنا عظيف لافنا و عاني ... و لو ما المستحى و الا جان حطيت الفرد بين عيونك ... و ثمن خطواك قبل لا ادوووس تراب داري ... و مرفوقات المنصوريات عن تظيييع المذهب والسموحه منك الشيخ(…
... المنصــــــــــrـــــــــوريه ....

خليفه و هو يظحك و مستغرب : ههههههههههه ... هب هينه المنصوريه ..
مبارك : هههههههههههههههههههه... لا تتخبر سألني انا عن المنصوريات ....
راح مبارك بخليفه صوب سيارته و عقب رجع و شل امه و عمته و سروا رماح ... و كل فكره بهالمنصوريه الي طلعتله عتالي العمر .. اذا كانت ذبحته بحلاوة جسمها فأنها تتلذذ بذبحه بكلامها .... اول مره في حياته وحده تكلمه بهالطريقه ... مبارك الخييلي .. احلا خييلي.. ما في عليه كلالالام صدق ريال تفزله الميالس بالريايييل مب الا قلوب العذارى ... و هو مغرووور بهالشي ...
كان دايمن يقول عن نفسه ...


تراني شخص متعالي على الديره ... من اوصافي الحلا و سموني احلا العشيره
و كل من شاف ذا الحلا كلته الغيره ... سبحان ذا المولى في خلق انسان غيره


بس له هيبه في كل مكان ممكن يروووحه ... هو مب صغير في السن .. عمره 27 .. و لا عرس لسبب يجهله الكل ... مغازلجي درجه اولى ... عمره ما رقم بنت .. كانن البنات هن الي يتصلن به ... بس عمره ما عشم وحده بشي .. بالعكس كان يقولهن ان هو مب راعي عرس .. بس هالشي ما كان يرضي البنات و خاصتن ان له اسلوب يذوب البنات ... كل وحده كلمته و الا عرفته كانت تتمنى انها تظويه .... بس ما في بنت قدرت انها تغير رايه في العرس ... من بعد موقف روضه منه .. تمت هالمنصوريه في خاطر مبارك .. يريد يعرف عنها كل شي .. من بنته ؟؟.. شووو اسمها ؟؟.. ريم ؟؟..معقوله يكون اسمها ريم ؟؟.. بصراحه هي اكثر من الريم في حلاته ... و تمر الايام و خيال هالمنصوريه ما فارج اعيون مبارك .. كل ما خرت عينه يتخيل جسمها و هي تمشي في السكه ... و الين اللحين يسمع منطوقها و هي تقول مرحبا الساااع ... اااااه من غزال منصوري غزاني ...كان هذا حال مبارك ... و روضه ما فكرة فيه و لا طرى عبالها مره .. بس في يوم تمت اتفكر فيه .. شو كانت ردت فعله بعد ما قرى الورقه ؟؟.. كان هذا همها الوحيد ما طرالها اسمه و لا جبيلته و لا أي شي عنه .. لانها مب من النوع الي يفكر في الشباب .. كان كل همها يداتها و خوانها و والديها قبل الكل مع ان روضه صغيره في السن توها مكمله العشرين ... و هي البنت الوحيده الي في البيت .. عندها خاوات ثنتين بس كلهن معرسات .. اخوها البجر محمد معرس بشما بنت عمه و هو الوحيد من خوانها الي معرس .. و باجي خوانها 4 ما لهم دخل بالعرس و لا بطاريه ...

بعد العرس باسبوووع ..

في بيت هل مبارك ... عند الريووق ..

ام مبارك : امس رمست امي ... ترد السلالام عليكم ..
امنه : فديت يدوووه ... من شهر ما شفتها شحالها ؟؟..
ام مبارك : الركب ملعوزتنها ...
عوشه: امايه خلينا نرووح الهم باجر .. باجر الاربعا بنيلس عند خالوه الين اليمعه و الله تولهنا عليهم ..
ام مبارك : هيه و الله صدق ... و الله فاطمه يلست تلومني يوم شافتني في العرس .. زعلانه علينا ..
امنه : فديتج امايه خلينا نرووح ... فديتج العيووز ..
ام مبارك : خلالاص انشالله بنرووح باجر العصر صوبهم ..
مبارك : خلاص انا بوديكن ..
الكل ألتفت صوب مبارك و هن مستغربات ...
عوشه : انت ؟؟؟..
مبارك : هيه .. و الا عندج مانع ؟؟..
عوشه : لا ما عندي مانع ... بس ما احيدك تحب ترووح الوثبه ... عقولتك مجلع ...

نزف الأحاسيس
15-09-2006, 12:00
امنه : يمكن الريال غير رايه في هل الوثبه ؟؟..
مبارك : هيه غيرت راي و صرت اموت عهل الوثبه ..
عوشه : من متى ؟؟؟..
مبارك : من غزاني شووق منصوري ...
امنه : شووو ...
مبارك : هههههه ... ماشي ..
عوشه : فديتك بروووك .. قولي شو سالفة شوق المناصير ؟؟...؟..
مبارك : مالج دخل ...
امنه : و الله يالسالفه فيها بنت ...
مبارك : جب جب ... و ظحك و نش عنهن و هو يظحك : الله يسلمني من ثنائي امي المرح ههههههه ...
عوشه : العيوز و الله يا ولدج عنده سالفه ...
امنه : برووووك ... بروووووك .. فديتك قولي شو عندك في الوثبه ... فديتك برووووك ..
عوشه : طبيه .. انا اعرف ..
ام مبارك : شوو شووو ؟؟؟..
امنه : يالله الفضول ذابح العيوز ههههههههههههه ...
ام مبارك : و الله محد عيزني الا انتن ....
امنه : فديت عيوزي و الله ... و تطرش بوسه حق امها في الهوى ...
ام مبارك : خييليه ما تنرامين ... العاش رمسي شو تعرفين ...
عوشه : اعتقد ان مبارك يبى شمامي بنت خالوه فاطمه ..
امنه : هيه صدق هو من شافها يوم كانت عندنا و هو يتخبر عنها ..
ام مبارك : الله يبشركن بالخير عسى ... امبونها فاطمه زعلت يوم ان محمد خذ الريم بنت عمه علي ..
امنه : بس عليه هو ان ظواها شمامي ..
عوشه : الا بس عليها هي ان ظوت مبارك ...
ام مبارك : بروووح اتصل بفاطمه اقولها اننا بنعطنهم باجر ...
راحت ام مبارك عشان تتصل بختها فاطمه ..
امنه : يالله ليت صدق برووك ياخذ شمامي ...
عوشه : ليش عاد ؟؟..
امنه : بقولج شي بس لا تقولين لحد ...
عوشه : شو شو ما بقول شووو ؟؟..
امنه : امممممممم ... تعرفين سعيد ولد خالوه فاطمه ..
عوشه : هيه شو بلاه سعود ؟؟.
امنه: سعود في عينج .. شو اصغر عيالج هو عشان تقولين سعود ؟؟..
عوشه : يالله يالغيض ..
امنه : انا الغلطانه اني ارمسج .... و قامت امنه بترووح عن عوشه ...
عوشه و هي تمط امنه من كندورتها : و الله ما تروحين تعالي ..
امنه : لا ما بيلس .. فجيني .. ايييه فجي كندورتي ..
عوشه : ايه حلفت ... ردي ..
امنه : لا عاد من طوعج .. حلفت .. حلفي من اليوم الين باجر و لا حفلتج و الله ..
و طلعت امنه عن عوشه و خلتها برووحها في الصاله ..
عوشه : حرام عليج امووون .. ما ارووم اصوووم ثلاث تيام .. دخيلج ..... مره ما عطتني ويه .. عنلاتها ..
طلع مبارك عن هله رايح صوب الشغل .. كان يشتغل في دايرة الاشغال في العين .... اففففف و اخيرا لقيت سبب يخليني ارووح الوثبه ... ااااااه يا ذا القلب وش اعلومك ..؟؟...
كان مبارك يفكر في الريم ... (كان يعتقد ان روضه اسمها الريم (..
و سمع ....

هام قلبي في هواكم و انجبر ... صدقوني جيف اسلا ما يصير
يا حبيبي من نصابي في خطر .. و ارحم الي صار في حبك اسير ..

ااه يا ميحد يييت عالعووق ...
تم مبارك يفكر في الريم .. و لا هب مهتم بالعرب الي عنده في المكتب ... يالله ليتني مخاوي حد من هل الوثبه ... جان طفيت نار يوفي من هالبلا الي بلتني به هالمنصوريه ...
عوض : اقول مبارك ... هاي الورقه وين يوقعونها ؟؟..... مبارك ... و يحرك عوض الورقه جدام ويه مبارك عشان ينتبهله ...
مبارك : حووووووووه شعندك ..؟؟!!!..
عوض : انا شعندي و الا انت ؟؟!!... وين وصلت يالخييلي ..؟؟
مبارك : لا وصلت و لا رحت .. انت شفخاطرك .. حشى عميتني ..

نزف الأحاسيس
15-09-2006, 12:06
اامنه : و الله ؟؟... راشد معقوله ما عرفت شمامي بنت خالوه فاطمه ...
فز قلب راشد من سمع طاري شما بنت خالته ...
راشد و هو يكابر : لا عرفتها و لا اريد اعرفها .. و عن الحشره خليني اقرى الجريده ..
حزت فخاطر شما رمست راشد ... شما ما تحب راشد .. الا تموت عالتراب الي يدوووسه .. كانت تحبه من هم يهال .. بس راشد عمره ما عطاها ويه ...و هي لها عزة نفس و ما تحق نفسها انها تعرض نفسها على واحد .. حتى لو كان هالواحد الانسان الي تحبه .. تأكدت شمامي ان قوم خالتها بيونهم و ان مبارك بييلس عندهم ..
شما : من وين ظاهره الشمس .. ما احيد برووك يطيق الوثبه و الا طاريها ..
امنه : هههههههههههههههه ... لا شكله الريال غارج ..
شما : غاااارج ؟؟!!!!...
امنه : هههههههههههههه ... عقولته غزاني شوق منصوري ..
شما : شو يعني ؟؟؟!!.!!..
امنه : عنلاتج يالسباله .. شو يعني بعد ؟؟!!... الريال ذابحتنه وحده منصوريه نعرفها ..
شما : منوه ؟؟!!!... اعرفها ؟؟؟.
امنه : اووووه ... عنلاتج .. انتي ..
شما و هي منصدمه : اناااا ؟؟؟!!!!.... تجذبين ؟؟
امنه : لا و الله ... حتى سألي العاش ..
شما : اووه .. امون امون .. برووح حق يدوووه باي باي ..
امنه : سلمي عليها وايد فديتها ..
شما : اوكي باي ...
سكرت شمامي عن امنه ... يالله من وين ظهرلي هذا بعد ... افففففففففف .. قاصرني الا بروووك الخقاق ... يالله يا رب ترأف بحالي ... بصييييييييح ...
اتصلت شمامي بأعز رفيجاتها ... روضه ...
شما : الو ..
ام روضه : مرحبا ..
شما : مرحبا الساع ... شحالج خالوه ؟؟..
ام روضه : بخير يعني ايفدا ذا الصوت ... شحال فاطمه ؟؟..
شما : امايه بخير يسرج حالها ...
ام روضه : في البيت هي ؟؟؟...
شما : لا فديت رووحج سرحت صوب حلالها ... ههههههههههه و يدوووه فطرفها اوين بخاوي بنتي ..
ام روضه : ههههههههههههه يا ويلكن من العيووز ...
شما : هههههههههه فديتها عيوزنا و الله ...
ام روضه : هاه بنتي تبين ختج ؟؟..
شما : هي .. بس لا تكون راقده عاد ؟؟..
ام روضه : لا فديتها وين راقده .. ناشه من الفير تعابل الفواله ... صبري بطالعها لج ..
شما : انشالله ..
روضه : وايه مرحبا ملاييييييين و لا يسدن في ذمتيه ..
شما : ملايييين بس ؟؟.. هذا قدري عندج ؟؟..
روضه : هههههههههههه ..و شحالكوو ؟؟..
شما : هب بخير ...
روضه : افا ليش عاد ؟؟؟..
قالت شمامي حق روضه ان بنات خالتها سلامه بيونهم و طبعا روضه من قبل كانت تعرف عن حب شما لراشد ..
روضه : فديييتج و الله ... يعني اللحين مبارك بيخطبج ؟؟
شما : ااه شكله جذيه ..
روضه : شما دام ان مبارك حطج في باله .. اكيد انه رمس عند هله .. و يوم ان راشد ما رمس معناتها الريال مب حافلنج و لا امتحن منج ..
شما : حراام عليج روضوه ... بدال ما ترفعين معنوياتي تهدمينهن ؟؟؟..
روضه : شما الي باعنا بعناه و الي شرانا بعيونا حطيناه ... طبي عنج راشد .. شكله الريال مره مب مهتم منج .. و انتي الين متى بترقبينه .. ؟؟..
شما : اااه ياروضه .. انتي ترمسين لانج ما جربتي الحب .. و الا جان ما قلتي هالرمسه ..
روضه : بعده ما يابته امه الي يظوي راسي ... الشباب ؟؟.. و لا حفلتهم ..
شما : ليتني مثلج ..
روضه : ههههههههههههههه .. لا انا حر ٍ مالي مثيل .. لا يصيدني صياد .. و لا لي بديل ..
شما : يا ويل حالي انا .... اااااااه من هالدنيا ..روضوه شرايج باكر تينا .. دام ان بنات خالوه بيّنا .. يالله عشان اعرفج عليهن ..
روضه : تدريبي اني اموووت عالحواطه .. خلالالاص ... بس هن متى بيّنكن باكر ؟؟؟..
شما : واقع الا العصير .. دام ان مبارك بيييبهن .. لان عليه دوام ..
روضه : ما قدر ريته هذا مبارك ؟؟؟.... هب هو لي ريته عندكم في العيد ؟؟؟..
شما : لا هذاك محمد ... فديته بوجاسم ... هذا الي ما فيه خقت بل الخيل .. معرس ماخذ بنت عمه ..
روضه : اها .. اووووه .. برووح ارقب يدووه .. احيدها عند درس الهوووش في السكه ..
شما : خلاص باكر بنتشاوف عخير انشالله ...
روضه : انشالله ...
سكرت روضه عن شمامي و ظهرت من بيتهم راحت السكه و لقت يدتها و عندها الخدامه و الدريول ... واقفين عند درس الهوووش .... و يدتها يالسه و تتحرطم عليهم ..
روضه : يدوووه .. شعندج ؟؟؟..

نزف الأحاسيس
15-09-2006, 12:07
يدت روضه : لالالالا ... هالبيداره ما تبات في الدااار ... سفرووها ..
روضه : ليش يدوه شو سوت ..؟؟؟؟
يدت روضه : حماره تراددني في الرمسه ... لالالالا ما تبات ... ان باتت انا ودوني عزبتيه ببات هناك ..
روضه و هي معصبه من الخدامه : ألس .. شو سويتي حق يدوووه ؟؟..
ألس : ما في ثي و الله ... بث هادي يده يليييد انا سيل هادا باااء ... انا ما يقدل سيييل انا كووف و الله ..
روضه : يدوووه شعندج عالخدامه ... شو تبينها تشل ؟؟؟.
يدت روضه : شل الله راسها مسودت الويه ... ماشي اباها تشل وحده من ذي الذبايح ... الا هي مستقويه ... امج كله من امج .. هي الي امبطرتنها ..
روضه : يالله و رزاق ليش ما يشلها دام انه هنيه ....
يدت روضه : لالالا .. حليله رزاق ما يرووم .... هي هي بتشلها دامها عحشمه ..
روضه : يالله الريال ما يرووم و هالمسيكينه ترووم ...؟؟..
يدت روضه : شووو ؟؟ ما سمعج ما سمعج .... وووووووه روضه لحقي امج تزقرج ..
روضه : و الله ؟؟!!!!....و ألتفتت روضه صوب باب بيتهم الي يفتح عالسكه بس ما شافت حد لا امها و لا غيرها ...
روضه : محد ..
يدت روضه : لالالالالا .. انا سمعتها ..
روضه : و الله ؟؟.. من ساعه انا اكلمج و انا لاصقه فيج و لا سمعتيني .. و سمعتي امي الي ما ادري من وين ظويتي صوتها ..
يدت روضه : شوووه اااه ؟؟..
روضه : سلالالامت قلبج يدووه ماشي ... برايج عند بياديرج انا بحدر عنج داخل ... راحت رووضه صوب البيت ..
ألس : ماما لوووده ما يلييييد ... بلييز ماماه كم باااك ..
يدت روضه : بليييس يركبج عسى ... حوووه ردي ... روووضه .. حديها حديها ...ربعت .. عنلاتها .. و تقول جب بعد .. سلامتج ما بتباتين في البيت .. الرقعه .. ادلينها الرقعه ؟؟؟.. رزاق غربلاتك حدها ..

نزف الأحاسيس
15-09-2006, 12:08
يوم الاربعا .. الظهر فرماح فبيت هل مبارك ...

مبارك : الله لا بليتنا بالحرمات .... يا بويه انقفظن ... حشى و الله كرهت عمري منكن ..
عوشه : اووه حرام عليك بروووك .. بعدين احنا قلنا العصير بنرووح صوبهم ...
مبارك : جب جب يله يله ... و يرووح مبارك صوب امنه خته في حجرتها ..
مبارك : حراام عليج امنه .. حتى انتي ما خلصتي ؟؟..
امنه : انا اصلا ما سويت شي ...
مبارك : بعد ؟؟؟
يلس مبارك يطلع من حجره لحجره ذبحهم حتى نوره خته الصغيره ما سلمت منه ..
مبارك : ايه و انتي نوير خلصتي و الا بعدج ؟؟؟..
نوره : شووو ؟؟.. لا انا مالي دخل ...
مبارك : يله عيل السياره ..و يدخ مبارك على امه ..
مبارك : يوم العيوز بعدها ما فججت راسها وين البنات بيخلصن ؟؟؟.
ام مبارك : يالله يا مبارك كلتلي فوادي ... يابوه استريح ..
مبارك : الله لا تبلانا بالحرمات ...
ام مبارك : اففففففففففف ... بروك ظهر ظهر اقولك ... و في النهايه الكل قفل على عمره في حجرته و تم مبارك يتلفت على عمره في الصاله ... حتى نوره خته راحت المطبخ عشان تفتك من حشرته ... و عالساعه 4 العصر قدر مبارك انه يسحب خاواته من حجرهن عشان يروحون الوثبه ...
في هالوقت في الوثبه ...
روضه و امها و خوانها و يدتها يالسين في الصاله ..
روضه : امايه برووح صوب شما بنت سيف بعد شوي ..
ام روضه : هيه و انا اقوول هالفواله الي تعابليناها من الصبح عشان شوو ..
شما حرمت محمد خوها : حد بيخاويج صوبهن ؟؟.
روضه : لا ما ظني .. بتظوي خالتها سلامه و البنات .. و عاد بنسير صوبهم ..
سلطان : هاي الي ما خذنها الخييلي الي من رماح .. و الا الي ما خذنها الجتبي ؟؟؟
روضه : لالالا .. الي ما خذنها الخييلي ..
شما : و منوه بيوديج صوبهن ... ؟؟
روضه : يمعه مودي بويه صوب العزبه .. اظني الا رزاق بيوديني ..
يدت روضه : منوووه ؟؟؟ ... لالالا .. رزاق تعبان ما يروووم ...
ام روضه : و شو متعبنه بعد ؟؟؟.
يدت روضه : ترى بيدارتج البطرانه ما طاعت تحدر الدرس و تمسك الذبيحه عنلاتها عثرت رزاق قيّل الا في الدرس و رى الهوووش ...
ام روضه : يالله يا عمتيه ... و انتي تبين الخدامه هي الي تمسك الذبيه و الدريول يطالع ..
يدت روضه : لالالالا .. سلامتكن هالخدامه ماشي تتكنسل ويزتها ... يعلها فدى عن ذيج السودى ربيعة شما ... لا تبات و لا تقيل .. هي تمام .. الا ربيعتكن .. غسلن يدكن منها ..
شما : يدوووه ان بغيتيها شاطره تراها مره واصله ...
روضه : يالله يا امايه متى بتخلص فلتنا .. ؟؟.. شو هذا الكل ارتفع فووق الي احنا بعدنا ..
ام روضه : عاد المهندس يتلغون شو اسويبه ...
العصر عالساعه 6 الا شوي ... توهم واصلين الوثبه مبارك و هله ... روضه ما لقت حد يوديها لان يدتها ما خلت رزاق يوديها فأطرت انها تتريا يمعه الدريول و بوها عشان يوديها ... اول ما وصلوو قوم مبارك .. حدروو بيت خالتهم ... بعدين ظهر مبارك و سالم ولد خالته عشان ينزلوون الشنط و القشار الي في السياره ... في هالوقت كانت روضه في حووش فلة قوم شمامي ...
روضه : يمعه .. تعال الله يخليك شل مع ألس .. حليلها ما ترووم تشل كل هذا برووحها ...
اول ما شاف مبارك روضه جدامه عرفها .... ما قدر انه يتحرك و لا خطوه وحده ... كنت اتمنى اني اشوفها ... بس اني اشوفها اول ما اوصل الوثبه ؟؟؟.. ما كنت اتمنى اكثر من جذيه ... ااااااااه من طيف خل ٍ غزاني ... جن روضه كانت حاسه ان حد طلع من الفله ... فأفترت صوبهم .... روضه ما عرفت مبارك لانها اصلا ما شافته لانه كان ظلمي و فليل ... بس هو اول ما شافها عرفها .... اول ما طاحت عين روضه عمبارك فز قلبها بالقووو ... حشى مب رحامه فيه هالريال ... تم قلبها يدق شرات الطبووول .... يالله شو بلاني ...؟؟. .. مب قادره اوقف حتى ... و مبارك ميت ... يالله يالريم ... فديت شوفتج و الله و يت عباله غنية ميحد ( احيتنا بطلعت محياك ..وقف الدجى و اسفر بنا النور ..عقلي و قلبي غرم بهواك و لا بي مها و غيد مالحوور ..غالي و لا حد مووول يسواك )........ نسى مبارك ان سالم عنده ..
سالم : اووه .. مبارك .. رووح فتح سيارتك و انا شوي و بيييك ... و راح سالم صوب رووضه ...
شافت روضه سالم ياي صوبها ..
روضه : مرحبا الساع ..
سالم : مرحبا ملايييييييين .. و شحالكوو ربكووو الا بخير .؟؟..
روضه : بخير و نعمه .. ما نشكي باس .. و من صوبكووو..؟؟؟..
سالم : دوووم انشالله ... عايشين في ذا الدنيا و الله ..
روضه : هاه .. عربانكم عندكم .. ؟؟؟..
سالم : مره توهم ياييين ..
روضه : زين عيل .. بترخص عنك صوب البنات ...
سالم : بتلقينهن في صالة الحرمات ..
مشت روضه عن سالم و هي تشوووف نظرات مبارك و هي بتاكلها اكل ... اول ما وصلت روضه عدال مبارك ..
روضه : السلالام عليكم ...
مبارك و هو منصدم : و عليج السلام و الرحمه .. مرحبا ..
انتبهت روضه لسيارة مبارك ... بس ما طرالها مره ان ممكن راعي هالسياره يكون من هل شمامي .. و الا حتى له حد في الوثبه ... دخلت روضه البيت و هي حاسه بنظرات مبارك صوبها ...
سالم : صبر بزقر وحده من الخدامات تشل الشنط ..
مبارك : ما يحتاي .. بنوديهن رووحنا .. مب من كثرهن الا شنطتين و صغار بعد ...
سالم : عهواك و الله ..
مبارك و الفضوول ذابحنه : امممممم .. الا بتخبرك بو غنيم .. منو هذي الي سلمت عليها ...
ألتفت سالم صوب مبارك ... حس مبارك ان سالم نقمه لانه سأله هالسؤال ..
سالم : وحده من هلنا ..
سكت مبارك و لا قال شي ... الله يعيني عمخوت هالريال .. حشى تخبرته منو هالبنت بغى يذبحني ... اففففففف ... معقوله بيني و بين الريم الا يييدار و لا قادر اشوفها .. شوو هذا افففففففف .... في هالوقت دشت روضه عالحرمات في الصاله و سلمت عليهن ..

نزف الأحاسيس
15-09-2006, 12:09
ام مبارك : الا بتخبرج فاطمه هذي بنت منوه ؟؟؟..
ام شما : ودي .. ما عرفتيها ..؟؟؟!!!... هذي روضه بنت شطيطه حرمت سالم ولد خالتيه عوشه ...
ام مبارك : يعله في ذمتج ؟؟؟!!!.. وااايه فديتج الغاليه ... شحالج بنتي ؟؟. و شحال هلج و تواليج ؟؟؟..
روضه : بخير و نعمه .. ما يشكوون باس ..
تمت روضه تسولف عند البنات عطرف في الصاله .. و الحرمات عطرف ... دخل سالم و مبارك البيت .. البنات ما انتبهن ان حد دخل ... و عموما شمامي و خاواتها ما كانن يتغشن من مبارك .. كانن يتحجبن منه بس .. كان امل مبارك انه يشوف روضه و هي عاقه الغشوه .. بس امله خاب لان روضه كانت عاطيه ظهرها للباب .. فما شافها .. و تمت ظاربتنه غصه ... اففففففف انا حادر البيت عأمل اني اشوفها .. شووو هالحظ المنحوووس ..
سالم : هووود .. هووووود ..
اول ما سمعن البنات صوت ريال يهود تغشن ....
يدت مبارك : شعندكن تقبعتن بالشيل ؟؟..
ام شمامي : هدااا ,, هدااا ..
قامن البنات اول ما دخل مبارك و سالم ... اعتقد مبارك انهن بيرووح مكان ثاني .. بس تفاجأ انهن رجعن عقب و يلسن بعد ما يلس هو و سالم ... كيف الريم تيلس عند سالم ؟؟؟... كيف سالم تحق نفسه و أيلسنا في نص الحرمات ؟؟.. شوو هالحاله ؟؟.. ما كان مبارك متعود عالاوضاع في الوثبه لانه ما كان اييها مره .. خاواته متعودات عالوضع .. فكانن عاد ..
خاطر مبارك انه ينش عنهم بس ما قدر .. لان بينه و بين الريم شوي .. يسمع صوتها .. يشوووف حركاتها .. اااه محلات ظحكتها ... و الله تذبح هالانسانه ... وقف قلب روضه من دخل مبارك الصاله ... تحس انها تعرف هالانسان من مية سنه .. و هي متأكده انها ما شافته من قبل .. لان مستحيل في حد يشوووف هالرحامه كلها و ينساها .. كان خاطرها تسمعه و هو يسولف .. بس هو كان وايد هادي .. حشى سالم حاشرنا بسوالفه التافهه ..
روضه و هي تمط شمامي من كندورتها و تكلمها بصوت واطي : ايييييييه .. منوه هالمزيون ؟؟..
شما : اففف هذا هو مبارك ..
روضه : يعلج السل جنج ما تبينه ..
شما : عساج قبلي ..
روضه : ههههههههه .. شو اظويه و الا السل ؟؟؟..
شما : هههههههههه .. اذا تبينه ظويه ..
روضه : شمامي خلينا نطلع شوي ..
شما : حي وين تبين ..؟؟!!..
روضه : ما ادري .. خلينا نرووح المطبخ ..
شما : اوكي لحظه ..
شما : سمحولي بنروووح انا و رويض شوي و بنرجع ...
اول ما سمع مبارك اسم رويض فج عيونه .. منوه رويض هاذي بعد .. ما يحيد حد من بنات خالته اسمها رويض ... معقوووول الريم اسمها روضه ؟؟!!!!!..
يدت مبارك : وين تبن ..؟؟..
شما : بنرووح شوي المطبخ .. ليش يدووه تبين شي ؟؟..
يدت مبارك : هيه .. خليهم يسووولي دلة زعتر ..
شما : انشالله يدووه ..
نشت روضه و شمامي بيرووحن المطبخ .. ما كان مبارك يريد ايشوفهن .. بس ما قدر انه ما يرفع عينه عروضه و يشووفها و هي تمشي .. عذاب هالبنت ... اول ما طلعن من البيت ..
شما : شو بلاج خليتينا انش عن العرب ..؟؟
روضه : ما ادري .. بس ما كنت اريد ايلس ..
شما : و الله ؟؟؟..
روضه : يا ويلي يالنقمه ..
شما : جب جب .. خلينا نرووح نسوي الزعتر حق يدووه ... راحن صوب المطبخ .. في هالوقت حد اتصل بمبارك .. فترخص منهم و طلع برى البيت و تم يمشي في الحووش ..
انتبهت شما ان مبارك طلع من البيت لان المطابخ برى الفله .. و شافته و هو يتكلم في التيلفون ..
شما : حشى بيموت ان ما رمس وحده في يومه هذا ..
روضه و هي ما تعرف عن منوه تتكلم شما : شوووووو ؟؟؟!!!!!!..
شما : تعالي وايجي .. راحت روضه تشووف .. سبحان الله في هاللحظه كان مبارك ميت من الظحك عسالفه يقولها له الي يكلمه عالخط ... حست روضه بشي غريب .. جن في حد قاعد يخونها ...
شما : و تقوليلي يعلج السل ان ما خذتيه ؟؟؟!!.. انا ما اقدر ااخذ واحد شرات مبارك .. ما ادريبه بيظوي و الا لا .. ايلس احاتيه و هو صايعله مع مية وحده ... لا و الله لو شو ما يستوي ما باخذه ..
روضه و هي تحاول ما تشووف مبارك و هو يمشي و يسولف فالتلفون : و الله انتي و هلج تتفاهمون .. و سكتت مب عارفه شو تقول و الا شو تسوي ...
خليفه : و عليه رفجه ان المنصوريه طيحتك ..
مبارك : ههههههههههههه ... لا طيحتني و لا شي .. خل عنك ..
خليفه : انت خل عنك اللواته ... و الا من متى الحبيب يسير صوب الوثبه و يقضي الويك اند فيها .. الله يرحم ايام البحرين ..
مبارك : لا الغالي يايب الحرمات صوب يدتيه .. .. بس ياخي حياتهم غريبه .. عادي ييلسن عند الرياييل ..
خليفه : برووك معروفات المنصوريات انهن يظهرن و يقربن بالريايييل .. البنت تسد البيت دام امها محد ...
مبارك : قل و الله ؟؟؟..
خليفه : و الله ...
خطرة ببال مبارك خطه .. عشان يشووف بها روضه ..
مبارك : الغالي بخليك اللحين ..
خليفه : وين تبا ؟؟.

نزف الأحاسيس
15-09-2006, 12:11
مبارك : مالك خص ... انت خلك مع هالسودانيه الي الله بلاك بها ..
خليفه : حرااام عليك .. لا تذكرني بمقلب حياتي ... ياخي الي قاهرني اني صدق حسيت بشي صوبها ... عنلاتها لو قالت انها سودانيه ما كنت بكلمها شهر و اخسر عمري ...
مبارك و هو ميت من الظحك : هههههههههههههههه ... خاطري اتخيل شكلك يوم واعدتها و اكتشفت انها سودانيه ..
خليفه : هيه تشمت انت ... مب منك .. متعود عبنات الجبايل يدقلك ..
مبارك : ما باهن مره واصلات كلهن من صوبك هههههههههههههه ..
خليفه : و المنصوريه ؟؟؟..
مبارك : لا عاد هذي مره مالك دخل بها و لا تطري عبالك مره ..
خليفه : هههههههههههههه .... بنتفاهم اليوم فليل انشالله ..
مبارك : انزين الساعه كم بتكون في الوثبه ؟؟..
خليفه : عقب العشى انشالله ..
مبارك : خلاص غايته ... سكر مبارك عن خليفه ... مسكين مبارك الكل كان ظالمنه .. كانوو يعتقدوون انه يكلم وحده و هو مسكين كان يكلم خليفه ربيعه .. كل شوي كانت روضه توايج من الدريشه تشوف اذا مبارك خلص و ا لا لا ... فجأه ما لقت مبارك ... قالت اكيد الا انه خلص و رجع داخل ...
بعد ما خلصن الزعتر .. ظهرن من المطبخ رايحات صوب الفله .... ما كانن متغشيات ... و تمن يمشن اللين ما دخلن الفله ... و لا وحده منهن انتبهت ان مبارك كان في سيارته ... بس هو انتبه لهن .. و شاااف روضه ...... روضه كانت وااااايد حلوه و الي محلنها ان جسمها شوي مليان ... هي مب متينه .. بس جسمها روعه .. ما تحسين ان فيها لحمه زياده ... الي ذبحه غمازاتها و هي تظحك ... مصغر ثمها ... يا ويل حالي ... ااااااااه ... كيف ببات الليله ... تم مبارك في السياره مب رايم ينزل منها ... هو كان يتخيل الريم (روضه) انها حلوه بس ما كان متخيلنها جذيه ... جمالها غير ... ما قد شاف مثله ... هو عرف بنات وايد و ملكات جمال ... حتى في الاحلا من روضه ... بس فحلات روضه شي ثاني ... شي مس فواده ..
جمالها جمال عذري ما مسه انسان .. بدل ما يدخل مبارك الفله ... شغل سيارته و طلع يحووط في الوثبه .... تم يحووط و لا هو بداري بعمره اللين ما سمع صلاة المغرب .. وقف في المسيد و صلى و طلع ... و عقب راااح بسيارته صووب العراقيييب و يلس يتسمع المسجل .. ( صدفه قلبي غدابه .. ذاك الغر الحسين ... توه باول شبابه .. شروات حور العين ... لو ما تحسب احسابه .. يرمي بسهم العين .... اعياني له جذابه .. زين ٍ و فوق الزين ..) .. روضه .. يالله ليش وايد افكر فيها هالبنت ؟؟.. افففففففففففف ... الله يعيني انشالله ...اتصلبه خليفه يقوله انه وصل الوثبه .. و تلاقووو عند السووق الخضر .. و من عقب ركب خليفه عنده.. كانت الساعه 10:30 فليل .. تموو يحوطون و مبارك ساكت و لا يتكلم ..
خليفه : الخييلي ... بلالالاك مهموووم .. رب ما شر ؟؟..
مبارك : الا الشر بعينه يالخوي ...
خليفه : افا و الله ليش ؟؟؟
مبارك : ريت المنصوريه اليوم ..
خليفه : شوووو ؟؟؟... مسرع .. الا من ساعتين و انت في الوثبه ..
مبارك : لا ريتها و اول ما وصلنا .. تعرف وين ؟؟؟.. فبيت خالتيه ... لا و يلست عندنا في نفس الصاله بعد ..
خليفه : جذبت ؟؟.
مبارك : لا و الله صدق ..
خليفه : انزين .. و بعد ؟؟
مبارك : ما شي طلعت هي و بنت خالتيه و انا ظهرت ارمسك .... بس الي ذابحني اني شفتها و هي مب متغشيه ... اااه يالمري .. حرااام انها صابتني ... الا ذبحتني .. اااه ياقلبي ..
خليفه : و الله شكلها المنصوريه بتظوي راسك ...
مبارك : شوووو ؟؟؟.. لا خليفه انا صح معجب بها ... بس مستحييييل اني ااخذها ... انا اريدها .. بس مب حرمه و ام عيالي ..
خليفه : عيل شووو .., .. ؟؟
مبارك : اريدها خليله .. حبيبه ... اممممممم ... أي شي .. بس صدقني عقب لطيفه مستحيل اني افكر بوحده تكون علاقتي بها جديه ... تعرف ايام او شهوور و من عقب في وداعت الرحمن ...
خليفه : ربي يهديك بس ....
في هالوقت كانن قوم شمامي و روضه و خاوات مبارك يتمشن من الفلل صوب الشعبيه و تواعدن مع قوم ميثه و بنات عم روضه و مريم بنت ييرانهم عشان يروووحن و يمشن ... و تلاقن البنات و تم عددهن فوووق الخمستعشر بنت .. و في الوثبه البنات متعودات يرووحن و يمشن ... خطف مبارك من عدالهن بس هو ما كان يعرفهن ... و راح عنهن ...
مريم و هي تباغم : روضوووه ... عرفتيه منوه هذا ..؟؟!!!!..
طبعا خاوات مبارك عرفن انه هذا مبارك و روضه و شمامي بعد ....
روضه و هي منحرجه .. هاذي ليش تسألني عن مبارك : هيه .. و سكتت ..
مريم : شكلج طيحتيه و الله ...
روضه هذي شوو تقول ..
ميثه : حي طيحت منوه بعد ..؟؟؟!!!!..
مريم : راعي الرنج ...
شمامي : و روضه كيف بطيحه ؟؟؟..
مريم : ترى هو نفسه الي تواجعت معاه روضه الاسبووع الي طاف يوم العرس ... ما تذكرن ؟؟؟..!!!..
شمامي : شوووو ..؟؟!!!..
امنه : حي وين هي شافت مبارك خويه عشان تتواجع معاه ؟؟!!!!!...
و روضه جن مجبوب عليها ماي بارد ... مب عارفه شووو تقول و الا شووو تسوي ... يعني مبارك هو نفسه الي تواجعت معاه ... يا الفظايح ...
ميثه : و انتي كيف عرفتي انه هو يمكن واحد غير ؟؟..
مريم : لا هو انا متأكده .. لان رقم سيارته ثلاثي .. مستحيل عاد يكون صدفه و الا حد غيره انا متأكده انه هو ...
امنه : شووو شو الي مستوي قوللنا حرام عليكن ... مخلياتنا شرات الاطرش في الزفه ...
و طبعا مريم الملقوووفه ... قالت كل السالفه ... و روضه مب قادره ترفع راسها من الفشله .. انتبهت

نزف الأحاسيس
15-09-2006, 12:12
شمامي ..
شمامي : يالله يا مريوم دووومه لسانج يحجج .. ما تكتمين شي ؟؟..
تمن البنات يسولفن عالسالفه و روضه ميته على عمرها ...
بعد ما رجعن البنات البيت .. ما طاعت روضه انها ترجع عند شمامي بيتهم ... كانت وايد مفتظحه من الموقف الي استوى ... رجعت روضه بيتهم .. و كل فكرها بمبارك .. يالله يالفضيحه .. اللحين لو اموني و العاش قالن له اني انا هي نفسها الي تواجعت معاه ؟؟!!!... يالله .. الله يسامحج يا مريووم .. دوومه لسانها يحجها .. يالله .. لو مبارك قال لسلطان و الا محمد خويه عن السالفه ... يا ويلي ... شو اسوي اللحين ؟؟!!!.. تمت روضه تهوويس بهالسالفه .. هي تفكر في مبارك و شو ممكن يسوي ان عرف انها هي نفسها البنت الي تواجع معاها ... و مبارك يفكر في روضه و في حلاتها ... كل ٍ يغني على ليلالاه ... بالباجر الصبح دخلت يدت مبارك عليه و عسالم و وعتهم الساعه 5 الصبح ... مبارك مب متعود ان حد يوعيه الفير ..
يدت مبارك : حشى مب رقاد ... نشووو نشووو ...
سالم : يدوووه شعندج ..؟؟؟..
يدت مبارك : نش ابااك تسرحني صوب عزبتيه .. مستهمه عحلالي ما اعرف شو الحال عليه من يومين ما سيرت صوبهن ....
سالم : حرااام عليج يدووه .. امس الصبح انتي سارحه صوب عزبتج .. شو هو الطرووق كل يووم ؟؟..
يدت مبارك : عن التحرطيمات نش اقولك نش .. لا و الله ارقعك بهالعيره عراسك مسود الويه .. بسك من الرقاد القايله اللحين ..
سالم : يدوووه مبارك بيسرحج ..
مبارك : شووووو ؟؟؟!!!... اسرح منوه ؟؟ لا بويه انا ظيف عندكم لا اسرح و الا اعطن ...
سالم : ليش هي مب يدتك انت بعد ؟؟!!.. يله حس بمعاناتي لو يوم واحد ...
مبارك : بو غنيم .. نش ود عيوزك ..
يدت مبارك : برووووووووك ... نش نش ..
مبارك : يدووووه ..
يدت مبارك و هي تقطع رمسته : دامك عحشمه نش ...
مبارك : انا شالله بلاني بييت الوثبه حشى ...
سالم : ههههههههههههههههه ...
مبارك : ظرس ..
سالم : يظرسك قبلي ههههههههههههه
مبارك و هو ناش دهمان : خلني ارد بس و بتعرف شغل الله عدل ...
سالم : برووووووووك ...
مبارك : شووو ..
سالم : سلم عالهووووش ...
مبارك : عنلالات صداك ...
يدت مبارك و هي تسحب مبارك من فانيلته : فديتك انا يدتك واجب عليك تنفعني ..
مبارك : انزين يدووه .. بس خليني اغسل ويهي اول ..
يدت مبارك : انقفظ هبابنا ما عندنا وقت ..
مبارك : توها خمس و نص ...
طلعت يدت مبارك من الحجره ... دخل مبارك الحمام و تسبح و تلبس و طلع عند يدته و كانت الساعه 6 و شوي .. لقى امه و خالته و ريل خالته كلهم واعين و يتريقووون .... سلم مبارك عليهم و يلس يتريق ..
يدت مبارك : بروووك نش نش بسك ورانا مسراااح ...
ام مبارك : يالله يا امايه .. خليه يكمل كوووب الحليب .. لاحجه عحلالالج ..
يدت مبارك : لا بعدني بخطف ع عوشه ختيه .. و مناك بخطف عزبتيه ...
مبارك يقول في خاطره ... لا حول بعدني بستحمل لمت العيايز ... الله ينطب الوثبه و الي ايي الوثبه .. راح مبارك بيدته صوب ختها عوشه ... ما انتبه مبارك ان بيت يدته عوشه هو نفسه بيت روضه .. لانه قد شاف بيتهم بس من ورى من السكه .. و وايد بيووت هناك .. و لا طراله انه بيرووح بيت روضه ... وقف مبارك جدام بيت روضه و نزل يدته و نزل معاها ... دخلو البيت و شافو ان حد يالس في الصاله .. كانت يدته عوشه و معاها وحده .. هالبنت كانت عاطيه ظهرها للباب ... يدتهم عوشه يوم شافت ختها يايه صوبها يلست ترحبها ..
يدت روضه : مرحبا الساع مرحبا الساع ... قربي ..
يدت مبارك : السلام عليكم ..
افترت روضه يوم سمعت التراحيب تريد تشوف يدتها بمنوه ترحب ... اول ما افترت شافت مبارك و هو يقود يدته .. هي شافت مبارك بس هو ما شافها لانه كان موخي تحت يشووف يدته و هي تركب الدري .. تغشت روضه و نشت صوب يدت مبارك تسلم عليها ..
روضه : مرحبا الساع .. فديتج يدووه شوي شوي ...
اول ما سمع مبارك صوت روضه عرفها فرفع عينه عليها و هي تظهر من الصاله تسير صوب يدته .. وصلت روضه عندهم و مسكت يدت مبارك من ايدها الثانيه .. و قادتها الين ما وصلن الصاله و مبارك يتحرقص .. افففففففف شو هالصبااح و الله ... دخل مبارك الصاله عقب روضه و يدته و راح صوب يدت روضه و وايها و حبها عراسها ..
يدت روضه : من ولده هذا ؟؟؟...
يدت مبارك : هذا بروووك ولد سلامه بنتي ..
يدت روضه : انا قلت رحامته مب من عيال فاطمه ..
مبارك : وين بروووك الله يهديج .. ريال بلحيتيه و تسميني بروووك ؟؟..
يدت مبارك : شوووو ؟؟؟!!.. الا انت برووك ...
مبارك : هههههههههههه عهواج يدوووه ...
روضه : هههههههههههه ... فديتها يدووه تبى تصغرك ..
مبارك و قلبه يدق : هههههه امبوني صغير ... ما تعديت العشرين بعدني ...
روضه : هههههههههه و انا ما تعديت العشر بعدني
مبارك : ههههههههههه ...
يلست يدت مبارك عند ختها يدت روضه و يسولفن و يتقهوين ... نشت روضه و صبت حق مبارك حليب ..
مبارك : تسلمين الغاليه ..
روضه و هي مستحيه : ربي يسلمك ..
يدت روضه : ودي .. رويض شعندج متقبعه بالشيله ... ما تقولين غير ساحره بتطير ...
نقع مبارك من الظحك و بغى يغص بالحليب يوم سمع تعليق يدت روضه ...
روضه : حراام عليج يدوووه ...
يدت مبارك : عووشه خاويني صوب العزبه بتقصرين الدوب عليه هناك ...
يدت روضه : امبوني بخاويج .. حتى روضه امبونها بتخاوينا ...
مبارك فرحان .... و روضه مرتبشه .. ما كانت تدري ان مبارك هو الي بيسرحهم العزبه ..
روضه : لا خلالاص يدوووه ... انا كنت اتحسب الدريول هو بيوديكن ... خلاص
مبارك : لا ارجوج ما فيني استحملهن برووحي ... انا وحده و يالله يالله امشي عمري معاها ...
روضه : هههههههههههههههه ... شو تقصد ؟؟!!..
مبارك : لالالالالالا .. ما اقصد شي سلامتج هههههههههههه
و في النهايه سرحو العزبه العيايز و روضه و مبارك ... ركبت روضه و يدتها ورى .. و يدت مبارك جدام ..
و في الدرب شغل مبارك المسجل ..
يدت مبارك : بروووك .. شو هذا ما عندك شي عدل ؟؟!!.. عنبوه حاطلنا هذا العله .. ما تقول غير عنز تطرب ..
مبارك : هههههههههههه ... انزين شو تبيني احطلج ..؟؟
يدت روضه : .. عليك بميحد ..
مبارك : ههههههههههههههههه .. هب هينات العيايز ... انشالله يدووووه ...
و حط مبارك مقاطع لميحد حمد ..( احبك يا نظر عيني غناتي .. و احب الارض لي تمشي عليها .. و احبك حتى اكثر من حياتي ... و اسوم الروح لجلك و اشتريها ..)... يلست يدت مبارك و يدت روضه يسولفن الين ما وصلووو العزب .. طول الطريج و روضه ميته عشكل مبارك ... اول مره تشووفه و هو طاوي السفره .. كان لابس كندووره لا هي بيضى و لا هي بنيه .. كان شكله يذبح ... مره كان مبارك يكلم يدته و مفتر صوبها ... شافت روضه شعره تحت السفره .. يالله .. تمت ماسكه عمرها ... كانت تحس ان اديها بتخونها ... خاطرها تلمس شعره ... يا ويلي .. افففففففف ... انا ليش ركبت وراه ؟؟!!.. عسى هالوقت يمظي عخير .. و اول ما وصلووو العزب نزلت روضه بسرعه .. و من عقب التهت مع يداتها .. و لا انتبهت لمبارك .. في العزبه كانت هناك غافه متعودات يداتها ييلسن تحتها .. و كانن يالسات .. ياهن مبارك و يلس عندهن ... و يلس يسوولف مع يداته .. و شوي روضه تشاركهم في السوالف و مرات كانت تسكت و تسمع بس ... حس مبارك ان روضه فيها شي .. امممممم ... ممكن تكون معجبه ؟؟؟!!!... اوكي بشووف .. شوي و يرن تيلفون مبارك ...
مبارك : مرحبا ..
...: مرحبا مليار و زووود ...

نزف الأحاسيس
15-09-2006, 12:13
مبارك :ههههههههه شحالك ؟؟..
.... : اول اول شي ... صباح الخير ..
مبارك : ههههههه صباح النور و السروور ..
... : شحالك حبيبي ؟؟..
مبارك : بخير و سهاله ... و من صوبكم الغالييين ؟؟؟..
... : مب اوكيه ..
مبارك : افا ليش عاد ..؟؟.
.... : ليش ما كلمتني امس ؟؟..
مبارك : السمووحه منكم و الله ... بايت عند قوم خالتيه و لا فظيت ..
.... : اها ... شو تسوي اللحين ؟؟..
مبارك : شوي مشغول ..
... : و شو شاغلنك انشالله ؟؟..
مبارك : ههههههههههههه .. مودي يدتيه العزبه ..
.... : اها ..
مبارك : اقول بدقلك بعدين ..
... : اوكي بستناك ..
مبارك : في وداعت الرحمن ..
كانت روضه شاكه انه يكلم وحده بس بعدين تأكدت ان الي يكلمها وحده مب واحد .... وايد حز في خاطرها هالشي ... مب من عادت مبارك انه يرد عحد من ربيعاته جدام هله بس هو كان يريد يشوف ردت فعل روضه .. بس طبعا روضه مب مهتمه .... و الله لا ايييب راسها هالمنصوريه ... تمت روضه بالنسبه لمبارك مثل التحدي .. خاطره في هالبنت ... نشت روضه عنهم بترووح الخيمه تيب شي ليدتها ... تعلث مبارك انه بيرووح السياره .. و لحق روضه فالخيمه .. انتبهت روضه ان مبارك وراها
مبارك : اممممممم .. السموحه منج بس بغيتج في سالفه .. و لا بغيت اكلمج جدام يداتي ..
روضه و قلبها يدق طبووول : عونك ..
مبارك : عانج الرب الغاليه ... امممممم ... ما ادري اذا عرفتيني و الا لا ؟؟..
روضه و هي مستحيه من الخاطر : ... هيه عرفتك ..
مبارك : و الله ؟؟؟..
روضه : انا اااسفه اذا كانت السالفه وصلت لخاواتك بس و الله مب انا الي ...
مبارك : لحظه لحظه ... شو الي وصل لخاواتي ..؟؟؟
روضه : ترى امس يوم كنا نتمشى و انت خطفت عدالنا .. البنات الي كانن عندي ذاك اليوم هن الي عرفنك و قالن انك انت نفس الشخص الي ... المهم و خاواتك كانن عندنا و عرفن بالسالفه ...
مبارك و هو ما كان مستعد لهالشي : اممممممم ... يعني انتي يوم شفتيني في بيت خالتيه ما عرفتيني ؟؟؟.
روضه : لا .. و السموووحه منك عالكلالالام و عالسالفه الي استوت ذاك اليوووم ..
مبارك : ما حصل الا كل خير .. و بعدين طلعتي من هلنا .. يعني عادي ... هههههههههه و ان بغيتي ترى الفرد موجود ..
روضه و هي مستحيه : هههههههههههههه .. و الله السموحه منك
مبارك : لا عادي افا عليج .... بس يالريم ..
روضه و هي حاز في خاطرها ان مبارك نعتها بالريم : الريم ؟؟!!!!... لا الشيخ انا روضه مب الريم ..
مبارك : لا .. انا اعرف انج رووضه .. بس انتي فاهمه الموضوع غلط ...
روضه : لا عادي يا فلالالان ... انت من كثر ما تكلم البنات ما تعرف اسمائهن حتى ..
مبارك : و انتي شدراج اني اكلم بنات وايد ؟؟؟!!!!..
ما عرفت روضه شو تقوله ... سكتت و طلعت تربع عنه صوب يداتها .. مات مبارك .. يعني روضه سألت عني ... يعني مهتمه بي ... امممممممم ... فاتحت خير انشالله ... راح مبارك السياره و اتريا يداته الين ما خلصن و ركبن السياره و روضه معاهن .. اول ما ركبن تحرك مبارك و تم يسمع اغاني ميحد ... و يوم يت هالغنيه طول عليها ( ااه وا ويلاه من خل ٍ ظلووم ..ظالمني و الظلم في نهجه حرااام .. ) عرفت روضه انها المعنايه بهالغنيه و طنشته ... بس تم قلبها يدق بالقووو .... نزل مبارك روضه و يدتها و راح هو ويدته بيت خالته .. كان يتوقع مبارك ان روضه بتيهم في بيت خالته بس هي ما راحت صوبهم ... تم يحوط بسيارته جدام بيتهم .. على امل انه يشوفها .. بس امله خاب و لا قدر انه يعرف أي شي عن روضه .. و رجعووو رماح باليمعه العصر ... مره هالاسبووع كئيب على مبارك .. خاطره يعرف أي شي عن روضه .. اففففففففف يالله شو هالحاله ؟؟.. يوم الاثنين الساعه 2 الصبح كتب مبارك قصيده عانبها روضه ..
كان مبارك يريد يوصل هالقصيده صوب روضه .. بس ما عرف كيف ممكن يوصلها لها .. ما قدر يقول لخاواته لانهن بيفضحنه في العايله كلها .... يالله كيف ...
مبارك : خليفه .. اللحين شو اسوي ؟؟..
خليفه : اففففففف ... يا بويه حشرتنا حشى ..

نزف الأحاسيس
15-09-2006, 12:14
مبارك : خلوووف دخيلك قولي ..
خليفه : مبارك .. انت تحبها .؟؟.
مبارك : شوووووو ؟؟؟!!... احبها !!!... لا طبعا ..
خليفه : عيل شعندك عليها ..!!؟؟.
مبارك : ياخي ذابحتني هالبنت ... الا اكلمها ..
خليفه : لك الي تباه مني ان كلمتها ...
مبارك : و عليه رفجه انها بتكلمني ..
خليفه : بروووك هالمنصوريه هب هينه ..
مبارك : و رفجه اني اظوي راسها ... و رفجت بوخليفه ..
خليفه : يا ريال ..
مبارك : ما عليه ... انا و انت و الزمن ..
خليفه : خلاص تم ...
تم مبارك يفكر في طريقه يوصل بها الرساله صوب روضه و لا هب عارف كيف ... خلالاص انا برووح الوثبه و ربي يساعدني .. و انشالله اقدر اوصلها لها .... يوم الثلاثا راح مبارك الوثبه و سلم عخالته و يدته ...
مبارك : هاه يدووه ما تبيني اوديج بقعه ؟؟..
يدت مبارك : لا استريح ما اريدك توديني بقعه ..
مبارك : ليش عاد ؟؟..
يدت مبارك : عوشه ختيه بتيني اللحين ...
تفاءل مبارك .. اكيد روضه بتي مع يدتها .. و تم مبارك مرتز يرقب روضه ... بس يت يدت روضه بدون روضه .. يالله يا هالحظ النحس ... افففففففففف ... شو اسوي اللحين ... يلست يدت روضه وايد عند ختها ..
يدت روضه : عاد انا بترخص منكم اللحين ..
يدت مبارك : وين تبين ؟؟..
يدت روضه : فديتها روضوه برووحها في البيت برووح عندها ...
استغل مبارك الوضع : خلاص يدووه انا بوديج بيتج ...
يدت روضه : اسميك بتتيمل فيني و الله ... حليله رزاق تعبان ما يرووم يرد عليه مره ثانيه ..
مبارك : لا افا عليج يدووه واجبج علينا ..
ودى مبارك يدت روضه البيت .. اول ما دخلوو زقرت يدت روضه روضه عشان تقرب بمبارك ..
روضه : مرحبا السااع ..
مبارك : مرحبابج زووود ... شحالج .. روضه ؟؟..
روضه و هي منتبه لحركت مبارك : بخير ربي يسلمك ...
دخلت يدت روضه حجرتها عشان تعق عباتها .. يلس مبارك عند المخدات و تقهوي .. و قبل لا ينش خش الورقه تحت صنية القهوه ... انتبهت روضه لحركته .. بس ما عرفت هو شو حط .. نش مبارك بسرعه و ركب سيارته و راح عنهم ... نشت روضه و شافت هو شو حط تحت الصنيه .... لقتها ورقه .. فتحتها و لقت فيها هالقصيده :



انشدج يا لغلا ثواني بس في حظورج ... قــاصـد ٍ لطفـج طـــالب ٍ باقي احقوقي
والسموحه بزلت اللسان والعذر منج ... و لكن حبج غزى ذا النفس و عروقي
و صرت اليوم في هالـدرب معبـودج ... ابفصح عن شعوري و اعترف بعشقي
انا إنسان ذايـب ٍ ذا اليـوم في حبـج ... و انـهدر عـمـري بالصبـر و عـز نفسي
مـانـي بهيـن فـي ديـرتي مثـل دارج ... و يـامـا ميـالـس بــالريـايـيـل اتـفـز لــي
و لكنه ما انـكـتـبـلي العز في ديارج ... و انـا قصـدتـج و حـيـلـتـي قـلبي و حبي
ارتــجي من المولى يرزقـني بحبـج ... منـيـتي حبـج منـيـتي شوفـتج و اعذريني
من غزاني حبج السامي و شووقج ... اخـتـلط دمـي بـشـوقـي و اشـتـعـل حــبي
وأصبحت في هاليوم غارقة ٍ في حظورج ... ألـتمس حبل أنجى لي منه ينجـيـني
رجوتـي رجـوة المظـلـوم في حـبـج ... يـالله دخيلج ارحمي ذا النفس و ارحميني
ارحمي خل ٍ عايش الليل في عيونج ... ارحميني يا من ملكتي العين و أحلامي
أنتي منـاة النـفس و اليـوم عانـلج ... اطـلب احـظـورج بـالمحبـة فـي حـيـاتـــي

طلبتج فيها .. مبارك الخييلي

انصدمت روضه من القصيده تمت تقراها مية ألف مره ... في هالوقت كان مبارك عالخط رايح صوب رماح .. و قلبه يدق .. يالله شو بيكون رد فعلها ؟؟..!!... يالله ..

كان خاطر روضه انها تصدق مبارك .. و تصدق انها هي المعنايه بهالقصيده .. بس هي تعرف ان مبارك يريد ياخذ شمامي بنت خالته .... كيف ممكن تخون ربيعتها عشان واحد .. و هي متأكده ان هالواحد ما يريد الا يتسلابها .. مثل أي وحده مرت في حياته ... ما عرفت روضه شو تسوي او حق منوه تقول ... اكيد ما بقول حق شمامي ... يالله شو هالحاله ؟؟!!!.. تمت روضه مرتبشه ... مبارك بيكون ريل اعز ربيعاتي ... انا لازم احط هالانسان عند حده ... عشان شمامي .. و الله ما تستاهل ان الله يبلاها بواحد مثل مبارك ... تمت روضه تقرى قصيدة مبارك ثلاث ايام .. و مبارك مب عارف الي سواه صح و الا لا ؟؟.. اول مره فحياة مبارك ان تبدر منه الخطوه الاولى صوب أي بنت ... بس هالمنصوريه تستاهل ... و ترخص النفس و الروح فدوى عيونها ... شو ممكن روضه تسوي ؟؟؟.. لو قالت حق بنات خالته فاطمه ؟؟؟.. ..
بعد ما تعبت روضه من كثر ما تفكر في مبارك ... ردت على قصيدته بقصيده ... بس تمت محتاره كيف ممكن توصلها له ..
وايد تعبت نفسية روضه .. حتى ما كلمت شمامي .. خلاص ظاجت من هالوضع ... اول من خطر في بالها كانت ميثه بنت عمها ... ما في غير ميثه هي الي بتساعدني ...راحت روضه صوب ميثه و قالتلها كل السالفه ..
ميثه : فدييييييت قلبج و الله .. و ليش ما قلتيلي اول ما استوت السالفه ؟؟؟..
روضه : ياويلي يا ميثوه شو اسوي الحين ...؟؟؟!!!..
ميثه : لا رويض هو من ردج بيفهم ان ماله مجال معاج ..
روضه : ظنج ؟؟..
ميثه : هيه ..
روضه : اوكي ... بس كيف بوصل الرد لمبارك ؟؟..
ميثه : الي خلاه ايوصلج القصيده .. صدقيني اكيد بيرجع عشان يعرف الرد .. و بيوصلج هو ... بس انتي لا تسوين شي تندمين عليه ...
روضه : شو تقصدين ؟؟؟..

نزف الأحاسيس
15-09-2006, 12:15
ميثه : اقصد .. لا تتهورين و تتصليله ...
روضه : يخسي الا هو ... هذا الي قاصر بعد ... ميثوه انتي تتوقعين اني ممكن انزل نفسي لهالمستوى عشان واحد ؟؟؟.
ميثه : لا انا اعرفج زين ... بس رويض الريال من يحط وحده في باله .. يسوي المستحيل عشانها ... و انتي بروحج قلتي انه بياخذ شمامي ... يعني مالج امل معاه ... لا تقولين ان كلمني بياخذني ..
روضه : ميثوه صح انا صغيره ... بس حشمة هليه فووق كل ريال .. و ما في واحد يكلم وحده وياخذها .. انا اعرف هالشي ... بس انا الي مسوبي لو عرفت شمامي ان مبارك يسوي هالحركات معايه .. شو بتكون نظرتها لي ؟؟!!.. و الله انها بتكرهني ..
ميثه : شوفي روضه .. كلنا نعرف ان شمامي تحب راشد خو مبارك .. بس ما عليج من البنات .. صدقيني ان خطبها مبارك رسمي و الله بطب راشد و حبها له ... البنات في هالزمان يدورن الريال .. عادي وحده تبيع هلها عشان واحد .. تذكرين سالفة شموووس يوم شردت مع الظاهري ... شو فظحت هلها .. خذها شهرين و ردها بيت هلها مطلقه ..
روضه : مب الا شموس وايد الي هذي سواياهن .. بس انا مب منهن ... انا حاشمه هليه في غيابهم زوود عن حظورهم ... يالله خاواتي قبلي ما نزلن راس هليه ايي اليوم انا و انزله عشان واحد لعاب .. لا و الله ما طرالي ..
واايد فرحت ميثه لكلام روضه ... ميثه مب صغيره بس ما الله كتبلها نصيب اللين اللحين ... روضه وايد ارتاحت من كلمت ميثه .. الحمدلله لقيت حد يفهمني و ارتاح بالكلالام معاه ..
كان مبارك يريد يعرف ردت فعل روضه ... مستحيل بعد هالقصيده ما تحن ...اففففففففف ... الله يصبرني اللين ما اعرف ردها ... مرت الايام و مبارك مب عارف كيف ممكن يعرف رد روضه له ... بعد اسبووع تعبت يدته ... و ودوها مستشفى خليفه ... اول ما عرفت ام مبارك روحت صوب امها هي و راشد ولدها .. لقو هناك فاطمه خت سلامه ام مبارك و شمامي و وديمه ختها و علي خوهن ... اول ما رجع مبارك من الدوام قالن له خاواته عن يدته .. اول ما عرف مبارك رووح سيده صوبهم المستشفى ... و لقى غير هله عرب ما يعرفهم .. مسكينه يدت مبارك .. يتها جلطت سكر .. كانت ممكن انها تذبحها او حتى تشلها .. بس الحمدلله الله ستر و مرة هالمره عخير .. تمت يدت مبارك مرقده في المستشفى ... تمت ام مبارك و ام شمامي يتناوبن عالمبيت عندها .... كان مبارك كل يوم عندهم .. و في هالفتره تعلق مبارك بيدته واااايد ... عمره ما فكر انه ممكن يكون جريب من يدته بهالطريقه ... في يوم يت يدت روضه صوب ختها في المستشفى و معاها ام روضه و روضه و كان مودنهن سلطان خو روضه ... كان مبارك موجود .. عرف روضه من اول ما دخلت عليهم الحجره ... سلموووو عالموجودين .. روضه ما كانت تتوقع انها ممكن تلاقي مبارك في المستشفى .. تشاوف مبارك مع سلطان خو روضه .. و كانت هذي بداية صداقه بينهم .. لان وايد من طباع سلطان نفس طباع مبارك .. و هم يالسين اتصل الشغل بسلطان .. كانوو يريدونه في الدواام ... سلطان متخرج من سنه من كلية الشرطه ... و كان يشتغل في العمليات في بوظبي ...
سلطان : لا حووووول ...
ام روضه : شو بلاك فديتك ؟؟..!!
سلطان : اتصلوبي يبوني في الدوام ...
ام روضه : واقع يبونك ضروري ... روووح صوبهم ..
سلطان : انزين و انتن منوه بيردكن الوثبه ؟؟..
ام روضه : ودي اتصل بواحد من خوانك .. و الا خلهم يطرشوون رزاق و الا يمعه صوبنا ...
مبارك : لا عنبوه بتعنون العرب من الوثبه .. انا بوديكن خالتيه ..
سلطان : لا وين اتدق خط الوثبه و ترد بعد .. لا بتصل بالدريول ايي و يشلهن ..
مبارك : و الله ما تعنيها يالسياره .. انا بهن و بلاهن بروووح الوثبه ..
سلطان : صدق و الا ؟؟..
مبارك : لا و الله امبوني برووح الوثبه .... يبون قشار من هناك .. و ياخي اريد اتسبح .. حشى احس عمري ميعف ..هههه
سلطان : ههههههههههه ...
روضه .. يا ويل حالي ... يوم انت ميعف جذيه .. عيل يوم ما تكون ميعف كيف تكون ..؟؟!!.... كانت روضه تحاول انها ما تفكر بمبارك ... عشان شمامي ... كل ما يخطر مبارك على بالها تتذكر شمامي ... تذكرت روضه القصيده و ردها عمبارك ..... اوكي هذي فرصتيه عشان اوصله الرد ... كانت روضه حافظه القصيده بس ما كان عندها ورقه عشان تكتب عليها الرد ... و هم طالعين من حجرة يدت مبارك .. راحت روضه صوب الممرضه و خذت من عندها ورقه ... اوكي في الدرب بكتبها له و بخليها في السياره عشان يعرف ردي ... اول ما ركبن السياره هي و امها و يدتها .. فتحت روضه شنطتها ادور على

نزف الأحاسيس
15-09-2006, 12:17
القلم ... انا متأكده ان في قلم في الشنطه ... بس ما لقت روضه قلم ... اففففففف شوو هالنحاسه ... بس لقت قلم تحديد مال الرووج الي حاطتنه ... يالله ماشي الا انت ... و بقلم التحديد كتبت روضه حق مبارك الرد عالورقه الي خذتها من الممرضه ... طول الدرب كان مبارك منتبه لروضه .. كل شوي كان يشوفها من المنظره الي جدامه .. كان يشوفها تكتب شي .. عرف انها تكتبله الرد كان.. قلبه يقوله انها تكتبله الرد ... يالله متى بوصل الوثبه عشان اعرف الرد .. كتبت روضه الرد و تمت محتاره ما تعرف وين تحط الورقه ... ... اول ما وصلهم مبارك البيت نزلت امها و يدتها .. تأخرت روضه و هي تنزل .. و هي نازله فرت الورقه عالسيت .. تم قلبها يدق بالقو .. و الي ذبحها انها عرفت ان مبارك انتبه لها ... حست ان عينها طاحت ععين مبارك ... حست بشي غير ... اول مره تحس هالشي ... انتبه مبارك لحركة روضه ... ههههههه هالبنت ما تعرف تخرب ... هههههههه ... أي حد ممكن ينتبه انها فرت ورقه .. بس الحمدلله ان عيايزها ما انتبهن ...
ام روضه : قرب فديتك بتتقهوي عندنا ...
مبارك : جريب خالتيه .. هبابني اروووح اشل قشارهم و ارد المستشفى ...
ام روضه : يالله عسى ربي يحفظك الغالي ...
مبارك : انشالله امييين ... هاه شي في الخاطر من جدانا ..؟؟..
يدت روضه : سلالامت راسك ولديه .. رد السلالالام ععربانك ..
مبارك : سلامن يبلغ يدوووه .. خالفتني العافيه عليكم ..
ركب مبارك سيارته و اول ما تحرك افتر صوب السيت الوراني و شل الورقه الي فرتها روضه .... لقاها كاتبتله قصيده بقلم التحديد
مبارك : هههههههههههههه ... اسميكن صدق بنات ... ما لقت قلم كتبت بالروووج ...
قرى مبارك القصيده و انصدم ...

يا من قصدني ما ودي اهينك ... قدرك عال و حشمتك فوق راسي
وبالحل في كل منطوق ٍبدر منك ... واحترم شعورك و لانك اليوم معبودي
انا انسانة ٍمالي علم بشعورك .... و العذر ما انهدر عمرك من اسبابي
لان مالي علم بحبك و مكنونك .... و علم الغيب امر ٍانكتب عند ربي
واشهد ان قلوب العذارى اتفزلك ... ماهي الميالس بالرياييل في ذمتي
والكل عايش ٍفي العز في دارك ... و لدارك اليوم فضل ٍعلى دياري
ترتجي من المولى يلطف بحبك ... و منيتك شوفت الحب من صوبي
و التمني ما فاد انسان من قبلك ... عيش ذا الواقع و ارحم فوادي
ترتجي رجوة المظلوم في حبك ... و انا الظالم في الامر وماهو بعلمي
تشتكي من اسباب الهوى و حبك ... غزاك الحب بس ماني الغازي
و بالمحبه تطلب احظوري في حياتك ... و لكن امر الفواد ما هو بايدي
و في الختام انسى ذا الحب و احلامك .. لان الامل منعدم في حب من صوبي

طلبتك فيها .... المنصوريه ..

انصدم مبارك من رد روضه ... مستحيل ... ما اصدق .. انا تردني وحده ؟؟؟!!!... وايد حزت في خاطر مبارك قصيدة روضه .. ما كان يتوقع هالرد ... جن حد يطعنه بسجين ... انزين ليش ؟؟.. شوو مب عايبنها ؟؟.. انا الغلطان اني عبرت وحده شراتها .. زوالها .. حرام لا اتعرف على شيخة شيختها بعد ...
مرت الايام و طلعت يدت مبارك من المستشفى .. كان مبارك كل ما يقدر يرووح صوبها في الوثبه .. كان كل ما يوصل الوثبه يتذكر روضه .. كان يتعمد انه ما يخطف من جدام بيتهم و لا حتى انه يرووح بيتهم ... كانت الورقه الي كاتبتنها روضه له اللين اليوم عنده .. كان حاطنها في السياره عنده ... ما كان يحس بعمره الا هو يطلعها و يقراها ... و تم عهالحال شهر و عشر ايام من ااخر مره شاف فيها روضه ... و في نفس الوقت .. كانت روضه تفكر في مبارك ... يالله .. مبارك من وصلتله الرد ما يانا .. و لا حاول انه يشوفها ... هي كانت تدري انه ايي الوثبه لان شمامي كانت تقولها ... و اكثر من مره تكلم سلطان خوها عنه .. و في مره كانت روضه عند سلطان في الصاله و كان مبارك متصل بسلطان .. تم قلبها يدق .. معقول تكون تعلقت بمبارك ؟؟!!.. اممممممم ...شو هالحاله و الله .. عسى ربي يهديني انشالله .... . في يوم اتصل سلطان خو روضه بمبارك الي تم من ربع مبارك و دوومهم يتلاقون في بوظبي و الا في العزب و الا في العين .. كانووو كل ما يقدروون يتشاوفوون ... اتصل سلطان بمبارك و عزمه عالعشى .. كانوو مسوين عزيمه عردت خو روضه عبدالله .. كان في دووره برى البلالاد.. حاول مبارك انه يتعلث بأي شي عشان ما ايي .. و خاصة انه عرف سلطان و تم من ربعه .. و لا يريد انه يغلط عليه ... بس هو ما يضمن نفسه شووو ممكن يسوي او يستوي به لو شاف روضه .. بينه و بين نفسه هو ندم على موقفه مع روضه ... بس هو يريدها و في نفس الوقت ما يريد يعرس بها .... صدق هالبنت مسويه شي مب طبيعي فيني ... في النهايه وافق مبارك انه اييهم يوم الخميس عشان العزيمه ... كان يوم الاثنين و الكل يالس في بيت هل مبارك ...
ام مبارك : مبارك قالولك ان عمك خطب حق يمعه ولده ..؟؟
مبارك : هيه قالولي ... خطب وحده ظاهريه صح ؟؟..
ام مبارك : هيه ... الفال لك ..
مبارك و هو يستهبل عأمه : الفال لي عشووه ؟؟؟..
ام مبارك : العرس بعد عشووه ..؟؟
امنه : لا امايه غسلي ايدج من بروووك ....
مبارك : ليش عاد ؟؟.. قالولج بتم عازب طول حياتي ..؟؟؟
امنه : اكيد لا ... بس انت بعدك ما فججت راسك ... بعدهن البنات قاطعات قلبك ..
مبارك : شووووووووو ؟؟؟... شووو هالرمسه بعد .. قطع الله لسانج ..
امنه : يالله عليك ... ليش انا ما قلت الا الحقيقه ... الكل يعرف انك ما تصبر عن البنات .. و مغازلجي درجه اولى بعد ..
اول مره مبارك يسمع راي خته فيه عمره ما كان يتوقع انه طايح من عينها لهالدرجه ...
مبارك : و منوووه هيلا الكل الي يعرفوون ؟؟؟..
عوشه : قوول منوه ما يعرف .... حشى يسد موقفك مع بنات الوثبه ... و الله انحرقت ويوهنا يوم يقوللنا عن السالفه ..
ام مبارك : شوو سالفة بنات الوثبه بعد ؟؟!!! ... يا ويلي يا مبارك بنات الوثبه كلهن من هليه و فظحتني عندهن بعد ؟؟؟!!!...
مبارك : اول شي انا لا فظحتج و لا شي ... بعدين غلامتين و الله ان ما لميتن ثميتكن حرااام يا بالعقااال عجبوودكن ...
امنه : يالله يا عوافتك ...

نزف الأحاسيس
15-09-2006, 12:18
مبارك : جب جب ...
راشد و هو توه داخل الصاله ... سلم عليهم و يلس ..
راشد : زين يوم اني لقيتك هنيه ... حشى مغير كل ارقامك .. من يومين و انا ادورك ..
مبارك : عونك بو سنيده ... رب ما شر ؟؟..
راشد : الشر ما يصيبك .. الا انا بغيتك انت و امي في سالفه ..
امنه : يا سلالام و احنا شوو يعني .. ما لنا رب في هالبيت ..
راشد : بتعرفين بالسالفه ... لا تاكلين قرصج نيّ ..
امنه : شوو شوو .. يله قوول ...
راشد : امممممممممم ... اريد اعرس ..
الكل انصدم من راشد و قراره المفاجأ ..
مبارك و هو فرحان من الخاطر : عاشوووو ... بوسنيده يريد يعرس ..
راشد : انا رمست بويه بس هو قالي لازم اترخص منك اول ...
مبارك : ليش عاااد ؟؟؟...
راشد : لانك البجر ... قال الوالد جاد انك تبى تعرس و الا شي ... قال ان جنك بتعرس انت امبداي قبلي ..
مبارك : لا افا عليك بو سنيد و لو كنت اريد اعرس حراام يا عرسك يستوي قبل عرسي
راشد : يعني انت خاطرك في العرس و الا ناوله ..؟؟!!!!..
مبارك : لا مره ما طرالي لا العرس و لا طاريه ...
ام مبارك : بتخبركم ... ترمسون جنه مره العرس باجر ... عيب عليكم .. حد يعطيني ويه ..
امنه : لالالالالا ... خلوني استوعب ... رشووود بتعرس ..
راشد : الله لا بليتنا ..
مبارك : هههههههههههه ... طبهن طبهن عنك ..... الا نويت عالعرووس و الا بتخلي عيوزك تتنقالك ؟؟..
راشد : اممممممم ... لا نويت عليها ... و اريد اشاور امي عليها .. انا شاورت بويه عليها و وافق
ام مبارك : الحين تشاور امك ... و ليش معور راسك بعد ... يوم انك ظويت وحده من هالخايسات و تباها شعنه تشاورني بعد ...؟؟!!!... عندك خوك و بوك خلهم يخطبونها لك يوم انك شاورتهم ...
ما كان يتوقع راشد ان امه بتزعل لهالدرجه و هي حتى بعدها ما عرفت هو منوه بيخطب ... نشت ام مبارك و هي حاز في خاطرها ... نش راشد و راها و لوى عليها ...
راشد : فديييييييييتج امايه و الله السمووحه منج .... ما دريتبج انج بتزعلين ... فديييييت روووحج نفاد الحرمه كله و لا ام مبارك ... و الله ما تحطين في خاطرج و الله ...
ام مبارك : ظك عني ... لالالالالالالا .. ظك ظك ظك هنه
مبارك : و رفجه انج تردين و رفجه ..
ام مبارك : بروووك لم ثمك .. محد خرب عيالي الا انت ..
مبارك و هو حاز في خاطره رمست امه : ههههههههههههههه ... ما عليه .. بس رفجت عليج انج تردين و تيلسين عندنا
ام مبارك : ما اريد .. رشووود ظك عني ...
مبارك : و رفجت بوخليفه انج تيلسين ..
يوم رفج مبارك ببو خليفه رجعت امه و يلست و يلس راشد عدالها ..
راشد : انزين انتي ما تنشدتيني عن الحرمه ...
ام مبارك : و منيه هذي الي تبى تظويها ؟؟..
راشد : امممممممممممم ..... وديمه ..
ام مبارك : شو وديمه ؟؟؟..
راشد : بنت خالتيه فاطمه ....
الكل انصدم بقرار راشد ... خاواته من صدمتهن ما قدرن يقولن شي و قبلهن مبارك ... حتى امه انصدمت ... وديمه هي خت شمامي ... عمرها 18 توها ثنويه عامه السنه ... هاااديه وايد و رقيقه .. عظمتها شوي عوده .. بس كلها على بعظها حلوه ... فيها عذووبه ما شافها راشد في حد ... كان راشد متعلق في شمامي ... بس كان يعرف ان مبارك يوم بيعزم عالعرس بيختارها ... عمره راشد ما شاف وديمه ... ما كانت متخالطه معاهم شرات شمامي ... شافها بس في المستشفى يوم ترقدت يدتهم .. و من ذاك اليووم و وديمه فخاطر راشد ...
ام مبارك : هذي الساعه المبارك ...
العاش : اسميك عرفت تتنقى ... ودووم مره تنفعلك ..
راشد : اممممممم ... بس امايه ظنج قوم خالتيه بيوافقووون ؟؟؟!!..
مبارك : غصبا عنهم بيوافقوون ... بيظوون بوسنيد .. بس عليهم ..
امنه : ليش هم بيلقوون احسن منك حق وديمه ؟؟..
ام مبارك : لا فديتها فاطمه ما بتردني ...
و اتفقت ام مبارك انها يوم الخميس بترووح هي و مبارك الوثبه و بيرمسونهم في الخطبه ...
في نفس اليوم الي قال فيه راشد انه يريد وديمه بنت خالته ... محد من هل البيت ياه نوووم الكل يفكر بهالشي ... عدى عبيد الي كان مب مهتم ... عبيد هذا اصغر الاولاد في عايله مبارك ... عمره 19 سنه السنه الماضيه خلص الثانويه .. رقيب دارس تبع كلية الشرطه و يدرس في التقنيه ... عبيد راعي دراسه لا له دخل لا بالبنات و لا بالحواطه .. بس راعي نت درجه اولى ... يبات و يصبح عالكمبيوتر ... مب متخالط مع الناس واايد ... شكله وااايد حلووو ... وايد ياخذ من شكل مبارك يوم كان مبارك في نفس سنه ... كان عبيد اقرب واحد من خوانه لخاواته .. لانه دوووم في البيت و كانن وايد يرتاحن معاه
دخلت امنه و عوشه على عبيد حجرته ... و كان عبيد يالس عالنت
امنه : عبوووود عبووود ...
عبيد : عيوون عبووود و الله
عوشه : عندي لك خبر يسوى ملاييييييييين ...
امنه : ايه عويش مالج دخل انا بقوووله .....
عوشه : لا و الله ؟؟؟.. و ليش عاد ؟؟..
امنه : لاني العوووده و اكبر منج .. و بس و انجبي ..
عوشه و هي تشوف عبيد عاطنهن بولابس و لا مهتم منهم و لا من حشرتهن ... : طاعي خوج انتي .. و لا هب مهتم ..
امنه : بيموت ان ما طرقع صبوعه ...
عبيد : لا حوووول ... شو فيكن ؟؟؟
عوشه : رشوووود بيعرس ...
امنه : اااييييييه يالدبه ... و تظرب عوشه عظهرها ...
عبيد : منو رشود ؟؟؟
امنه : راشد خويه منو بعد ...
عبيد : و الله ..؟؟؟ .. و منو بياخذ انشالله ...؟؟؟
عوشه : انت منو تتوقع ؟؟؟... و تظحك ظحكه خبيثه .. هههههههههههه
عبيد : و ليش هالخبث بعد ..؟؟؟!!!...
امنه : شووف ان عرفتها لك الي تباه ...
عبيد : امممممممممممم .... وحده اعرفها ؟؟..
عوشه : هيه تعرفها ..
امنه : ايييييه عنلاتج لا تقوليله ... انا ما اريده يعرفها ...
عوشه : ليييش عاد !!!!...
امنه : عشان اتشرط عليه على كيفي ...
عبيد : اممممممم ... اعتقد وحده من بنات عمي علي صح ؟؟؟
امنه : لالالالالالا ... خلالالاص خلصن محاولاتك ...
عبيد : ههههههههههههههه .... لا و الله ؟؟؟
عوشه : اما اقدر استحمل ... بيخطب ودوووم بنت خالوه فاطمه ...
عبيد : منوووه .. ودوووم هالياهل شو يباها ؟؟؟..
امنه : وين ياهل .. غدت قمر من حلاتها ما شالله عليها كبرت و حلوت و الله ..
عبيد : الله يهنيهم انشالله ...
عوشه : باااااااااااااارد ..... حشى انا ما شفت واحد ابرد منك ....
امنه : لا بس انا شفت ... ما ابرد من عبيد غيرج انتي ... و تظهر لسانها للعوشه و تظهر تربع من حجرة عبيد و عبيد يضحك عليهن .... الله لا يحرمنا من بعض انشالله ...
كان مبارك يفكر في كلالالام هله له .... لهالدرجه هو طايح من عيون الناس ؟؟؟... اذا هذا راي خاواته فيه شوو راي الغرب فيه ؟؟؟... واااايد حزت في خاطر مبارك رمسة امه .... اول مره مبارك يحس انه كبر و اول مره يحس ان ناقصنه شي ... اول شي طرى عباله هي لطيفه .... لطيفه بنت ييرانهم ... كان مبارك وااايد يحبها ... كانت اول انسانه شافتها عينه .. لطيفه ارق انسانه عرفها مبارك .... كانت مب بس تحبه الا كانت تموووت عالتراب الي يدوووسه .... حبووو بعض و هم صغار ... لطيفه اصغر من مبارك بثلاث سنوات يعني اللحين عمرها تقريبا 24 .... كان مبارك دوووم يرقبها و هي راده من المدرسه مشي هي و بنات ييرانها ... كان يطول عالمسجل كل ما طاف من عدالهن .... و كل البنات ييلسن يتظاحكن لنهن يعرفن انه يعني لطوووف بهالغنيه .... كانت اول مره مبارك يتجرأ و يطول عالمسجل و كانت توها نازله غنية اصيل .. (اعجبك في كل شي الا الزعل ... لو يطول العمر عايش في سلالالام ... لو تخاصمني اخاصمك بغزل .. و لو تراظيني اجاذبك الغرام .... ) ... كان مبارك احلا واحد في رماح و كل البنات يتمنن انه يفتر صوب وحده منهن ... و من بين هالبنات كانت لطيفه ... بس حظ لطيفه ان مبارك كان ولد ييرانها ... كانت تشووفه كل يووم و هو ظاهر و الا داخل البيت ... كانت ترووح بيتهم و تشوووف حجرته ... كانت قريبه منه بكل شي ... كان عند لطيفه اسلووب يجذب كل من يعرفها ... انسانه حبوبه و عفويه بحركاتها ... و هذا الشي الي جذب مبارك لها ... كانت تذبحه بحركاتها .... كانت غنوووج ... غير فيها دلع يذبح .... اول علاقة لطوف بمبارك كانت بالاغاني ... كان مبارك كل ما يشووف لطوووف يطولها عالمسجل على مقطع معين ... و هي تفهم هو شوو يقصد ... و استمروو عهالحال مده طويله ... و في يوم حط مبارك حق لطوووف ...( اتصلبي تسلم اعيونك .. ما يطيق القلب هجرانك ... لتصلت و قلت يا عونك ... ينشرح قلبي على شانك ...).... فهمت لطوف قصد مبارك بهالغنيه ... اول شي ترددت لطوف .. بس كانت بعدها صغيره في السن و غرمبها مبارك و حركاته .. ما قدرت انها تقاوم انها تكلم مبارك .... و في النهاية اتطورت العلاقه بينهم لتيلفونات ... كانوو وايد متعلقين في بعض ... مبارك حب لطيفه من قلبه و لا جذب عليها بشي و كان مخلص لها بكل جوارحه ... بس ما كان هالشي متبادل فيما بينهم ... كانت لطيفه همها الوحيد انها تعرس .. هي صح كانت تحب مبارك و تتمناه .. بس مبارك كان بعده ما خذ الثنويه حتى كان وايد مستهتر و لا مهتم لا بدراسه و لا بشي ... كان العود و البجر و بوه ما قصر فيه بشي و كانووو وايد مدلعينه .... في يوم كلمت لطوف مبارك بهالسالفه ...
لطيفه : يالله عليك يا مبارك ... الي من سناك يدرسوون في الجامعه و الا تخرجوو من الكليات و الا حتى اشتغلوو و انت مره الثنويه ما خذتها اللين اللحين ...
مبارك : اووووه فكينا فكينا الله يخليج ..
لطيفه : لين متى بتم عهالحال ؟؟؟...
مبارك : لطووف انا بعدني في اول شبابي .. شو تبيني اكد من اللحين ؟؟!!!!... و بويه الله يطولي بعمره مب مقصر بشي ..
لطيفه : و باجر ان عرست بوووك بيكد عليك و عحرمتك ...؟؟!!..
مبارك : اعرس ؟؟؟!!!!!... شوو هالفال ... يابويه انا ما افكر في العرس .. حشى جني من اليوم بربط عمري بحرمه و عيال ....
لطيفه : و الله ؟؟!!... و متى انشالله ناوي عالعرس ؟؟؟..
مبارك : بصراحه انا ما قد فكرت في السالفه مره ....
لطيفه : يعني انا ما ييت على بالك مره .
مبارك : ليييييش .....؟؟
لطيفه : لاني لو ييت عبالك اكيد بتفكر في العرس ...
مبارك: .......
لطيفه : مبارك من متى و احنا نعرف بعض اللحين ؟؟؟..
مبارك : ما ادري بس من زمان ..
لطيفه : انزين و شووو نهايتها بينا ... بنتم عهالحال واايد ؟؟؟

نزف الأحاسيس
15-09-2006, 12:19
و كانت هذي اخر مره تكلم فيها لطيفه مبارك ..... بعدها بسبع شهووور و صلهم خبر خطبة لطيفه ... خطبها واحد من هلهم من المنطقه الغربيه ... و بين يوم و ليله عرست لطيفه و تم مبارك وحيد في حبه ... و من ذاك اليوم خذ مبارك الثنويه و اشتغل .. هو نسى حبه للطيفه .. بس اللين اللحين ما يحس ان في وحده ممكن تكوون حنونه عليه مثل لطيفه ... كانت وايد تحاتيه .... هي صح خلته و عرست .. بس هذا حقها لانها كانت تعرف ان مبارك ما بياخذها و هو نفسه يعرف هالشي مستحيل انه يثق في وحده كلمته و لو كان اول واحد تكلمه .... ااااااااه من ظلم القدر ...



عافت عيوني نظرة الحزن ... و آهات خوف ٍ تسكن البدر
تملكني حنين ماضي الزمن ... من همسه و ذكرى سالف العمر
تناشدنا عن الدنيا و المحن ... عرفنا كلمة الفرقى و الكدر
سلبني الحب نشوات الذهن ... و قلب ٍ مالك الفرحه و المكر
تصابينا على الدمعه و الحزن ... و ما نلنا سوى هم ٍ و الكسر
ترافجنا و طلبنا باقي الاذن ... ترامينا على اوهام العصر
عنيت اليوم آهاتي و اللحن ... كفاني الصمت في قلبي و العذر

اتصلت ام مبارك بختها و قالتلها انها و مبارك بيوونهم بالخميس بس ما قالتلها عن شي ...
و يوم الخميس …..

كان مبارك مرتبش بروووحه ..... يالله بشوفها ؟؟؟... امممممممم .... شو سوتبي هالبنت ؟؟؟ افففففففففف من عرفتها و هي ملعوزتني ... يالله عسى ربي ما يبلي لا عدوو و لا صديق بشوووق منصوريه .... كان مبارك وايد يحشم رباعته يعني مستحيل انه يغلط على وحده من خاوات ربعه ... و اليوم سلطان خو روضه من اعز ربعي و امني و دخلني بيته .. كيف ممكن اخونه في عرضه ؟؟؟!!!... استغفر الله العظيم ...
وصل مبارك و امه بيت خالته عقب المغرب ... كلمة ام مبارك ختها فاطمه عن سالفة راشد و قالتلها عشان تشاور ريلها و عيالها و تشاور وديمه ان كانت تبى راشد ... و بعد ما نزّل مبارك امه و يلس عند سعيد و علي و سالم عيال خالته .. راح هو و سعيد صووب بيت قوم روضه عشان العزيمه الي مسوينها .... كانووو العرب مرتبشين واايد ... كان مبارك يعتقد ان الي بيحظروون العزيمه ما يتعدوون العشر و ان كثروو بيكونون عشرين ... بس ماشالله كان البيت متروووووس و نص الشباب يلسووو برى ... و مر الوقت و انحط العشى و تعشووو الريايييل ... تموو الشباب يالسين عقب العشى يسولفوون الي يالس في المايلس و الي يالس عالفراش برى و كان الجوو واايد حلوووو ... فجأه سمعووو صووت مسجل شااال الدنيا .. كان واحد من الشباب مشغل مسجل سيارته و مطول عليه ... كل الشباب ظهرووو يشوفونه ..
قال : هاه شباب الي فيه هبه يله يا حياه في الميدان ...
اشتلووو الشباب و كل شوي ينشوون مجموعه و ايولون ... يوم شافت روضه هالربشه طرشت لبنات عمها اييبن كيمرة الفيديوو عشان يصوروون ... و اتصلت بسلطان و عطته الكيمره عشان يصور ... كان كل شوي واحد يحط شريط و ينشووون ايولون و ايبسوون الشبيبه كان جووو رهييييب .... راح مبارك و حط غنيه لميحد ..
مبارك : شباب هاليوووله و هالغنيه اهدااااء خاااص مني لعرب غاليييييييين عقلبي ..
واحد من الشباب : هههههههه ... منوه منوووه هالعرب ..؟؟.
واحد ثاني : اكيييييييييد وحده من غراشيب رماح ...
مبارك و هو يضحك : ههههههههههههههههه .... لا من غراشييب الوثبه ...
كان مبارك قاصد هالشي بس الشباب اعتقدووو انه يسولف ...
و اول ما بدت الغنيه نزل مبارك من سيارته و الكلالالاشن في يده و يلس ايووول ..
(حد مثلي بات مشجنه ... حلم طيف ٍ مر خطافي ...و اغتنم من وجدي الونه .... يوم كل ٍ بالكرى غافي ..جرح في جاشي ومخفنه ... و الخوافي ضربهم خافي ... لي محب ٍ مني و منه ... حب مثل الجوهر الصافي .( ...
و اشتلوو الشباب مع مبارك في اليوله .... بس مبارك يال من الخاطر..... اول مره يحس بان لليوله طعم ثاني
و يوم وصل هالمقطع من الغنيه ... تم مبارك يغني و هو ايوول و ايسوي حركات جدام الكيمره جنه يعني حد بهالحركات ..
(حيث لان بالعرب سنه ... خص عند الناس لشرافي ... يا نديمي وصلكم جنه ... و البخت الي هب مسعافي ... حاليه يا زين مدعنه ... من ودادك منقل الحافي ... لا تخيب فيك من ظنه ... خير و انتو حق و انصافي ..(...
قال واحد من الشباب : مسكيييين حالك يالخييلي ...
مبارك و هو يسوي حركه ايأشر على قلبه و من عقب ينزلها : لا تتخبر يالخوي ...
عقب اليوله و الربشه الي عاشوووها الشباب .. سرى كلن لداره ... تم مبارك هو و سعيد عند سلطان عقب ما سرووو الشباب ... و كل شوي تتصل ام مبارك محتشره عليه عشان يسرووون رماح ..
مبارك : فدييييييييتج العيوز شوي و بيييج ..
ام مبارك : يالله عليك يامبارك .. يوم ان خاطرك في اليلسه الين نصايف الليل جان قلتلي جان خليت سراج و الا واحد من خوانك اييبني ...
مبارك : امايه امايه .. اسمع خالوه تزقرج توايبيلها ...
ام مبارك : تزقرني .. عنلاتك مسود الويه ....
مبارك : ههههههههههه ... فديتج فديتج و الله شوي و بييج ..
ام مبارك : ما عليه بشوف هالشوي هذي ..
تم سلطان و سعيد و مبارك يسووولفون ..
سلطان : بو عسكور .
سعيد : عونك ..
سلطان : طلبتك قل تم ..
سعيد : تم ..
سلطان : اباك اتشللي شلة العامري احب صوتك ...
مبارك : افا بو عسكوور تشل و انا ما عندي علم ...
سعيد : هههههههههه .. هب من زين الصوت ربي يطولي في عمرك ..
سلطان : لا خل عنك .. حرااام يا صوووتك ما فيه حيله ..
مبارك : يالله يالله ..
سلطان و بعد ما شغل الكيمره ..: يالله بو عسكوور ..
سعيد : ههههههههههه ... و ليش مشغل الكيمره بعد ؟؟..
سلطان : جاد ربك وحده من الغراشييب تشوووف الشريط و الا شي .. و يذبحها صوتك ههههههههه
سعيد : هههههههههه ...

احب صوتك و محلا رنت الهاتف ... لي من جداكم حبيبي صدق تسعدني
و محلا حديثك معايه يوم تتعاطف ... كل متى حبك من الخاطر تفرحني
همسات صوتك و نار الشوق بي عاصف ... متى حبيبي بك الايام تجمعني
اكف دمعي و دمع العين بي ذارف ... اخفي دموعي و دمع العين يفظحني
احبك انت حبيبي و انت بي عارف ... من غيرك انت بهمساته يسامرني
اخذت قلبي و ليتك بالقلب رايف ... انت مريحن و انا عيني تسهرني
احب صوتك و محلا رنت الهاتف ... لي من جداكم حبيبي صدق تسعدني


مبارك : ما فيك حيله يا بوعسكووور ..
و عقب ما يلسو شوي سرى مبارك و سعيد عن سلطان ... دخل سلطان البيت و كانت روضه بعدها واعيه ..
روضه : وين كنت ؟؟؟
سلطان : يالس عند الشباب ...
روضه : يالفضايح و خوانك ترهم يوم دخلو البيت كان حد باقي من الشباب ؟؟!!..
سلطان : هيه الا ربعي ..

نزف الأحاسيس
15-09-2006, 12:20
روضه : ازين هات الكيمره ...
سلطان : شو تبنها ...؟؟..
روضه : بشوووف .. ظنك بايته ارقبك تحدر عسواد عيووون .. الا عشان ان الكيمره عندك ..
سلطان : و الله ؟؟.. ما عليه عيل ماشي كيمره و لا بتشوفينه الفلم
روضه : سلطان فديييييييييييتك ....
سلطان : ههههههههههههه .. ترجيني اكثر ..
روضه : بتبطي ... يالله عطني الكيمره ...
سلطان و هو يمد الكيمره لروضه : ههههههههههه ... لو مب تعبان جان راويتج ..
روضه : ههههههههههه و اهون عليك سلطووون ..
سلطان و هو رايح صوب حجرته : لا ما تهونين .. بس يله رقاد خلي عنج السهر ..
روضه : انشالله باباتي ...
دخلت روضه حجرتها و الكيمره في يدها ... يلست عشبريتها و عادت الفلم الي في الكيمره و فتحت الشاشه الصغيره الي في الكيمره و يلست تشوووف الفلم ... و طلع مبارك في الفلم وااايد و كانت كل ما تشووفه تعيد اللقطه .. الين ما وصلت عند الاهداء يوم نزل مبارك بالكلاشن من سيارته ... كانت الصوره مب وايد واضحه و الصوت مب زين ... بس من لغثت روضه ما قدرت تتريا اللين ما يودون الفلم للاستيديو عشان ينسخونه عشريط فيديوو ... كانت تشووف مبارك و هو ايووول ... ذبحتها حركاته ... منوه المعنايه بهاليوله ... شمامي ؟؟.. الي اتصلتبه و احنا في العزبه ؟؟.. و الا وحده غير ؟؟.. و الا انا ؟؟؟.. احتارت روضه بافكارها ... في شي فمبارك يجذب روضه صوبه .. و هي ما تقدر تجذب و تقول ان مافي مشاعر في قلبها صوب هالانسان ... بس هي خايفه من مشاعرها .. خايفه من مبارك اكثر ... هو شوو يريد منها ؟؟. ليش يعذبني .؟؟!!... روضه تفكر في مبارك .. و مبارك اول مره فحياته يحس بشي غريب هالليله .. شي مب عارف شو هو .. ليش اهديتها الغنيه و اليوله ؟؟.. كيف تحق نفسي لبنت عايفتني و لا هي بحاسه بشي ... انزين انا ما احبها .. يالله و الله كرهت عمري و الله ... حشى انا شالله بلاني بهالبنت ... حتى يوم حب لطيفه ما عاش هالشي معاها .. شمعنا روضه هي الي تحرك هالشي فيه ... تم مبارك يفكر في روضه طووول الليل .. كان يتخيلها و هي تمشي.... و هي تتكلم .. كان يتخيلها و هي معاه ... نش مبارك و طلع من حجرته صوب سيارته هو لابس الا الفالينه و الوزار .. ركب سيارته و ظهر قصيدة روضه و يلس يقراها ... مستحيل وحده كتبت هالقصيده يكون شي في قلبها صوبي ... شغل مبارك سيارته و تم يحوووط في الشعبيه ... و بعدين رجع البيت و نام ...
يوم اليمعه بعد صلاة اليمعه ....
الكل في بيت قوم شمامي يالسين عقب الغدا يسولفون ... كانت خالة مبارك قد قالت لريلها ان ختها سلامه تريد وديمه لراشد ولدها .. و هم يالسين
ام شمامي : شمامي تعالي اباج ...
شمامي : عووونج الغاليه ..
ما تم في الصاله الا بو شمامي و علي و سعيد و سالم و وديمه .... نشت وديمه بترووح حجرتها
بوشمامي : هاه وديمه وين بها ؟؟..
وديمه : سلامتك الغالي .. برووح الحجره بذاكر شوي ..
بوشمامي : صبري لاحجه عالمذاكره اباج في سالفه .. انتي و خوانج ..
وديمه : انشالله ... و رجعت وديمه و يلست ..
بوشمامي : امس خالتكم سلامه يت ورمست امكم ...
سعيد : رب ما شر ؟؟..
بوشمامي : ما شر يعني افداك ... الا بغوو وديمه لراشد ولد خالتك ...
تم ويه وديمه احمر من المستحتى .. ما كانت تتوقع هالشي .. و تمت ساكته ...
سعيد : و الله يا راشد انه ما ينعاب ...
سالم : ريال ما عليه رمسه ان بغيت الشوور .. ما بتلقون حد اخير عنه لوديمه ...
بو شمامي : و هذا شوري انا بعد .. الا ما رمت اقول شي قبل لا اشاوركم ... و ترى الشور كله لوديمه .. و التفت صوب وديمه .. هاه وديمه شو رايج ..؟؟؟
وديمه و هي مستحيه : ... ما ادري ..
بو شمامي : كيف ما تدرين بعد ؟؟.. تبينه و الا لا ؟؟..
علي : يابويه هذا عرس مب لعبه .. عطوها فرصه تفكر ..
سعيد : عاد بخبرك لو هو واحد غريب بنقوول الا يوم هو ولد خالتها شعنه تفكر بعد ؟؟..
نشت وديمه عنهم و خلتهم برووحهم يكملون الرمسه ... دخلت وديمه حجرتها و يلست تصيح ...
في هالوقت شمامي و امها في المطبخ ..
شمامي : الحين ساحبتني من البراد صوب المطبخ عشان ما ادري شوو هالدله الي ادورينها القايله .؟؟؟!!!!!!..
ام شمامي : لا .. في سالفه بين بوج و خوانج و سحبتج عنهم ..
شمامي : سالفة شووووووو ؟...
ام شمامي : انشالله بنشووف عالشووه بيتفقوون و عقب بقولج ...
شمامي : حرااام عليج .. و الله لتقولين شوو السالفه شووو مستوي ؟؟؟...
ام شمامي : سلامتج .. خالتج سلامه امس يتني تخطب وديمه ...
شمامي و هي فرحانه : و الله ... لمنوه ؟؟..
ام شمامي : لراشد ...
انصدمت شمامي بهالشي ... رااااشد بياخذ وديمه ختيه ؟؟؟.. راشد من بد الشباب بياخذ ختيه .. طلعت شمامي عن امها و راحت حجرتها و يلست تصيييييح و تصيح من الخاطر ... من بد البنات يوم بغى ياخذ خذ ختيه ؟؟؟... شووو هو ما يحس ؟؟.. تمت شمامي حابسه عمرها في حجرتها و تصيح اللين المغرب .. جن روضه كانت حاسه ان شمامي فيها شي .. اتصلت روضه بشمامي و شله سالم ..
روضه : السلام عليكو ..
سالم : و عليكو السلام
روضه : شمامي موجوده ..
سالم : هيه نعم .. لحظه ..
راح سالم و دق عشمامي ..
سالم : شما ... تعالي تيلفون ...
شمامي : منوه ؟؟؟..
سالم : شدراني وحده من ربيعاتج ...
شمامي : اوكي ... نشت شمامي و طلعت من حجرتها و شلت التيلفون عندها في الحجره ..
شمامي : الوو ..
روضه : هلا و الله ..
شمامي : روضووووووووه ... يلست شما تصيح
روضه : شمامي شو فيج ؟؟؟..
شما : روضوه بموووت ..
روضه : بسم الله عليج .. شعندج ؟؟؟..
شما : رااااااشد ..
روضه : شوو بلاه راشد؟؟..
شما : بياخذ وديمه ختيه ...
من الصدمه ما عرفت روضه شو تقول و الا تسوي ...
روضه : خلاص شمامي انا بييج اللحين ..
سكرت روضه عن شما و راحت و تلبست و راحت صوب شمامي و يلست عندها تحاول انها تهديها .. بس يلست روضه تصيح فطرفها .. كان عند روضه امل ان راشد ياخذ شما .. و يمكن يكون لها امل مع مبارك ... بس بهالشي عدم أي امل الها مع مبارك ...
روضه : ازين يمكن وديمه ما توافق عليه .. و الا بوج ما يوافق
شما : مستحيل بوويه يرفض حد من عيال خالوه سلالالامه ... بعدين لو رفضوو امي ما بترفض و انتي تعرفين امايه اذا عزمت عالشي لازم تسويه ...
ما عرفت روضه شو تسوي و الا شو تقول لشما عشان تهديها ... طلعت روضه من حجرة شما و راحت صوب وديمه تشووف شو الوضع عندها ... كانت وديمه يالسه تذاكر ...
روضه : شوو تسوين ؟؟؟..
وديمه : هههههههههه ... اوين اذاكر ...
روضه : ههههههه ..

نزف الأحاسيس
15-09-2006, 12:21
وديمه : من متى و انتي عندنا محد قالي انج يتي ...
روضه : تلقفتني ختج الله يهديها من عند الباب ... حشى ما خلتني اسلم عحد .. ههههههههههه
وديمه : ههههههههههه ... و منوه هالحد ؟؟؟..
روضه : ههههههههههههه ... الا قوليلي صدق الرمسه الي قالولي عنها ..
وديمه و هي مستحيه : أي رمسه ؟؟..
روضه : خلي عنج .. اوين انج ما ترفين يعني ؟؟؟..
وديمه : تصدقين روضوه و الله انصدمت ...
روضه : ليش عاد ..؟؟؟!!!..
وديمه : ما ادري بس صدمني ان راشد يباني ... تعرفين امايه عقب ما دخلت عن قوم بويه .. دخلت عليه الحجره و قالتلي ان خالوه سلامه قالتلها ان راشد هو الي ياها و قالها انه يريدني ... انا بصراحه كنت متردده .. لاني ما اعرف شي عن قووم خالوه عن طباعهم و الا عن حياتهم .. تعرفيني مالي دخل بحد ... بس يلست امايه تقول انه بغاني و انه لو مب شارني ما راح و طلبني من امه بالاسم ... ما ادري روضوه و الله خايفه ...
روضه بعد ما سمعت هالشي عرفت ان ما في امل لشما مع راشد لان راشد يريد وديمه و مب هله الي خطبوها له ..
روضه : ودوووم هذا عرس ... و تراج بتعيشين حياتج كلها مع هالانسان و لازم انج يووم تاخذين واحد تكونين واثقه انج بترتاحين معاه و بيسعدج و بتسعدينه ...
وديمه : ادري و الله ...
رجعت روضه بيتهم و هي مب عارفه شو تسوي .. محتاره .. حب شما لراشد كان من طرف واحد ... مسكينه شما جن الانسان الي تحبه بياخذ ختها و بتم طول حياتها تشووفهم جدامها ... و في هالاثناء كانت شما ميته مب عارفه شو تسوي .. اول شي خطر في بالها انها تتصل براشد ... و صدق اتصلت شما براشد ..
راشد : الوو ..
شما : ... الو .
راشد : مرحبا ...
شما : راشد ؟؟..
راشد و هو مستغرب : هي راشد ...
شما : .. شحالك ؟..
راشد : بخير و نعمه ..
تم راشد ساكت مب عارف منوه هذي الي متصلتله الساعه 12 فليل ..
راشد : نعم ختيه رب ما شر ..؟؟
شما : راشد انت ما عرفتني ..؟؟
راشد : ليش الشيخه المفروض اني اعرفج يعني ؟؟..
شما : راشد انا شما ..
عرف راشد انها شما بنت خالته فاطمه بس ما حب انه يتمادا معاها في الكلالالام ..
راشد : شما ؟؟؟
شما : شما بنت خالتك فاطمه ..
راشد : مرحبا شما شحالج ؟
شما : يهمك تعرف حالي ..
راشد :.......
شما : راشد انت ما تحس ؟؟؟..
راشد : شوووو ؟؟؟
شما : حرام عليك انا شو سويتبك عشان تعذبني ... حرام عليك راشد انت شو جنسك ؟؟..
راشد : لحظه لحظه ... انا شو سويت عشان كل هذا ؟؟..
شما : ما سويت شي سلامتك .. بس بكل بساطه تريد تاخذ ختيه ... حراام عليك يووم انت عايفني .. تاخذ ختيه عشان تنتقم مني يعني ؟؟؟..
راشد : شما ما كان من بيننا شي .. و انتي شرات ختيه و...
شما : ختك ؟ اللحين تقولي ختك ؟؟.. حرام عليك سنين و انا عايشه عشانك .. سنين و انا اتخيل اليوم الي بتكون فيه ملكي و اليوم بكل بساطه تقولي ختك ..
راشد : شما ..
شما : شوو بتقول ؟؟؟.. راشد شووو ما تذكر يوم قلتلي مستحيل تكونين لريال غيري .. شووو ما تذكر .؟؟؟..
راشد : شما هالسالفه مر عليها سنين ..
شما : بس انا بعدني عايشه على هالرمسه .. بعدني اذكر شكلك و انت تقولي هالرمسه ...
راشد : شما ممكن تسكتين شوي ...
شما : .....
راشد : شما الي كان من بيننا كان لعب مراهقه و مر عليه سنين اللحين ... الله مب كاتبلنا نصيب .. شما مبارك بياخذج .. و من فكر فيج مبارك تحرمين عليه ...
شما : مبارك ما رمس ..
راشد : و منو قال انه ما رمس ... شما مبارك من سنه طافت .. في نفس اليوم الي قلتلج فيه هالرمسه .. ياني مبارك و قالي انا اذا فكرت اعرس في يووم ترى شما هي الي باخذها ... تعرفين شو معناة هالشي ...؟؟!!!... يعني انتي في خاطر مبارك .. و مبارك يريدج ..
شما : عشان جذيه انت كنت تصدني كل هالفتره ؟؟؟... ليش ما قلتلي راشد .. مب حرام عليك ..؟؟؟.. راشد حراام عليك تذبحني و انا مالي ذنب .... راشد لو كنت تباني و قد كلامك لي كان المفروض تخطبني انا مب وديمه ...
راشد : شما صاحيه انتي ؟؟؟.. شو ما تفهمين ؟؟؟. .. اقولج خويه خاطره فيج كيف تبيني ااخذج ؟؟؟...

نزف الأحاسيس
15-09-2006, 12:23
اذا كملتوا القصه وشفتها عجبتكم كملتها
ولا تنسون الردود

نزف الأحاسيس
17-09-2006, 19:47
وش دعوه محد رد ما خلصتوا القصه ولا شلون
وش فيكم ما تردون ؟؟؟؟

mafno0od
17-09-2006, 19:56
تسلمين على القصة

الحين برقد وباجر بقرها وبعطيج رايي فيها لاني خلاص قفلت

يلا برد باجر مع السلامة

نزف الأحاسيس
18-09-2006, 16:39
مشكور أخوي وتصبح على خير
وانا انتظر ردك

GirI
28-09-2006, 10:49
شدعوااااااااااااااااااااه ما تعجبنا .... كمليها بس

نزف الأحاسيس
29-09-2006, 20:12
مشكوره اختي على الرد
و من عيوني بكملها لك

نزف الأحاسيس
29-09-2006, 20:14
شما : و انا خاطريه فيك .. كيف تباني ااخذ خوووك ...؟؟؟
سكت راشد ما عرف شو يرد عشما ...
راشد : ارجوج شمامي لا ...
شما و هي تصيح : تعرف انك من زمان ما قلتلي شمامي ..؟؟!!!..
في هاللحظه ما قدر راشد يمسك عمره ... صدق هو حب شما و هي كانت الانسانه الوحيده الي في حياته .. ما قد كلم بنت و لا قد طرت عالباله أي وحده من البنات كانت شمامي ماليه عليه كل دنياه ... كان يعرف انها تحبه ... كان يشووف الحب في عيونها .. كان يسمع الشوووق في همسها ... كان الحب من بينهم حب عذري حب ما مسه حب هالايام .. كانوو يحبون بعض بصمت .. كانت شمامي دوووم عندهم في الاجازات .. كانت عادي تيلس عنده و يسولفون .. بس في كلام كانو يقولونه بالرسايل .. بس من سنه اعترف مبارك انه يريد شمامي ... بس هو مأجل سالفة العرس شوي .. و من ذاك اليوم وراشد يدوووس عحبه لشما و يكابر على حبها ... سوى المستحيل عشان يبعدها عنه ... و شما حست بهالشي .. بس ما كانت تدري انها ممكن تهون على راشد و يقدر انه يعذبها بهالطريقه ...
راشد : شما .. ارجوووج ...
شما : انت الي ارجوووك ... راشد .. انت ما لقيت حد تخطبه غير وديمه ختيه ؟؟.. ليييش ؟؟؟ اذا عايفني خطب الي تباها بس ليش تخطب ختيه ؟؟؟.. انا صنتك و ربي عكلامي شاهد ... و تجازيني انك تخطب ختيه ؟؟؟...
راشد : شما ... انا ما خطبت وديمه عشان انتقم منج ... انا خطبت وديمه لاني من شفتها و انا معجب بها...
شما : شوووووووووو ؟؟!!!!!!؟؟!؟!؟!...
راشد : هذي هي الحقيقه ... انا ما احب وديمه ختج ... بس انا معجب بها من الخاطر ... و يوم عزمت عالعرس هي الي طرت عبالي ...
شما : حراااااام عليك راشد .. انت تذبحني بكلالامك هذا ...
راشد : شما ...
شما : و الله اهون عليه انك تقولي انا بعتج عشان خويه و لا انك تقولي انا بعتج عشان ختج عيبتني .... حراااااااام علييييك و الله حرااااام ....
سكرت شما عن راشد و هي ميته من كلالالام راشد ... حتى راشد حز في خاطره هالموقف ... هو تعمد انه يقولها هالرمسه عشان ما تفكر فيه ... هو صح عيبته وديمه بس مب لدرجة انه يعاف شما عشانها ... بس لازم شما تنسى راشد عشان مبارك ... كان هالحال على شما و راشد ... و مبارك ما يدري عن الي مستوي ... ما كان يدري ان كلمه نطقها في يووم ممكن انها ادمر حياة غيره .. قد قال مبارك لراشد انه ايريد شما بس هالكلالام كان من زمان و مبارك نسى هالسالفه و لا طرت عباله حتى .. و لو راشد رجع و كلم مبارك في السالفه جان عرف هالشي ... بس راشد ما كان يقدر انه يكلم أي انسان عن شما ... لانه ما يريد حد يمسها بشي ...
بعدها بيومين اتصلت ام شما بختها و قالتلها انهم موافقين و حددو يوووم عشان يروحون الريالييل و يخطبوون رسمي ... و تحدد اليوم و كان الخميس الياي ... تلايموو قوم بالخيل كلهم و راحووو صوب الوثبه و كانو المناصير عمومة شما و خاوالها يرقبونهم .. و بعد هاليوم الكل عرف ان وديمه تمت خطيبة راشد ... في هاليوم تموو الشباب يالسين يسولفون و مبارك عندهم ....
سعيد : مبارك ...
مبارك : عوونك بوعسكوور ...
سعيد : اباك في رمسه ..
عبيد : يالله يالله ... و ما ينفع هالرمسه تنقال جدامنا .؟؟...
علي : هههههههههه ... لا ما ظني ..
مبارك : ههههههههه ... نش نش خلنا نروحلنا في بقعه عدله بدل ما نرتز في نص هاليهااااااال
سعيد : ههههههههههههه ...
عبيد : برووووووك اشووف فيك شعر ابيض ...
سالم : يمدحونها الصبغه ...
مبارك : عنلالالاتكم .. الشيب هيبه ...
علي : خل عنك اللواته ... اوين الشيب هيبه ...
راح مبارك هو و سعيد ولد خالته في سيارة سعيد و تموو يحوطون في الشعبيه ... خطف سعيد من جدام بيت هل رووضه ... مبارك لا اراديا افتر براسه صوب الباب جنه يتوقع ان روضه واقفه اتطالعه ... انتبه سعيد لحركت مبارك ..
سعيد : خييبه افترت الرقبه ...
مبارك : شووو ؟؟؟...
سعيد : سلامت قلبك ... الا رقبتك افترت و انت توايج ...
مبارك : لا كنت اشووف جن سلطان في البيت و الا لا ..؟؟
سعيد : سلطان ؟؟.. ههههههههههههه
مبارك : هههههههههههههههه ... المهم .. علومك انت ؟؟؟
سعيد : علوم الخير يالخوي ...
مبارك : عساك دووم انشالله ...
سعيد : يمييع انشالله ...
مبارك : انزين ...
سعيد : انزين ....
مبارك : لا و الله ...
سعيد : هههههههههههههه ...
مبارك : شو فخاطرك بوعسكوور ؟؟؟...
سعيد : اممممممم ... ياخي ما اعرف شو اقولك ..
مبارك : قول الي في خاطرك و لا تستحي ...
سعيد : انشالله ... بس ما اباك تفهمني غلط ...
مبارك : .....
سعيد : انا ... اريد امنه ختك ...
انصدم مبارك بهالشي .... عمره ما توقع ان سعيد يريد ااامنه ... تم مبارك ساكة مب عارف شووو يرد عليه ..
سعيد : و الله اني اباها من زمان و الله .. الا انت تعرف كيف كانت ظروفي و لا قدرت اني اتقدملها الا و انا ريال ساد عمري ...
مبارك : افا عليك يا بوعسكوور انت تنشرى بفلوووس و الله ..
سعيد : لا و الله بس حتى ... بس انا ما قدرت ارمس حد الا يوم شفت عمري ارووم اسد عمري و اسد حرمتيه ... بس استوت خطبت راشد و وديمه ..
مبارك : و انت شو عليك منهم ..؟؟؟..
سعيد : مبارك ... انا اريد ختك .. بس ما ادري اذا هي تباني و الا لا ... يمكن البنت ما تباني و خالتيه تتلوم و تقول هم قربونا و احنا ما قربنابهم ... تعرف الحرمات عاد ... و انا ما اريد اظلم ختك معايه ... ان ما كانت تباني انا ما بخطبها رسمي ...

نزف الأحاسيس
29-09-2006, 20:16
مبارك : اها فهمت عليك .... يعني انت تبى تعرف رد امنه عليك قبل لا تخطب رسمي ..؟؟..
سعيد : هيه ... بس و الله و الله و الله يشهد عهالشي اني ما قد غلطت على ختك و لا فكرت بها أي تفكير شين و اني اباها عشرع الله ...
مبارك : و انا اعرف هالشي فيك يا بو عسكووور و انشالله فالك طيب انشالله ... عطني يومين و بردلك خبر انشالله ....
في هاليوم ما قدرت شما انها تنام ... خلالالاص ظاع الامل في ردت راشد لها ... اكره وديمه و الا اكره راشد و الا اكره عمري و الا اكره هالزمن ؟؟... وش جرمي عشان ما انال محبوبي ؟؟!!!... ااااه يا زمن ليت ترفق بالحال و ترحم قلبي المسيكين ... شما تصيح حب راشد .. و روضه تصيح شوق مبارك ... من الخاطر روضه حبت مبارك .. يمكن هي رافضه هالحقيقه .. بس حب مبارك تملك كيانها .. و صار شريان فوادها ما يرتوي الا بشوووق مبارك ... حتى مبارك و لو هو يكابر بس هو اكتشف ان روضه عسكرت في فواده .... و ما في انسانه ممكن اتحل مكانها ...
بعد خطوبة راشد و وديمه بيومين ...
شما : روضوه و الله مب قادره استحمل و الله ...
روضه : .... و الله ما ادري شو اقولج يا شما ... بس ربي يصبرج ...
شما : يا ويلي يا روضه و الله مب قادره اجابل وديمه ... ما ادري اكرها و الا احتقرها و الا شووو ... بس و الله مب قادره اجابلها و الله
روضه : شما لا تظلمين وديمه ... انتي اكثر وحده تدري ان وديمه ما لها ذنب في هالخطبه ... و اذا بتكرهين و الا بتحتقرين فألاولى تحتقرين راشد ... هو النذل ... عنلاته ما لقى الا ختج عشان يخطبها ؟؟؟!!!... شووو جنسه هالانسان ؟؟!!!..
شما : ههههههههههه .. هذا حال الشباب كلهم ... من ياخذ من البنت الي يباه بيطبها و بيطب ترابها بعد ...
روضه : لييييييييييييش شمامي شي كان بينج و بين راشد غير الي اعرفه ..؟؟؟!!!!...
شما : لا و الله و ربي يشهد عكلامي .. و الله يا راشد ما قد غلط عليه بكلمه و لا لمس شعره من راسي و الله و رفجت يدي في قبره ...
روضه : يا ويلي خوفتيني .. قلت البنت سوت شي و انا ما ادري ...
سكتت شما و روضه ... كان خاطر روضه اتشوف وضع شما بالنسبه لمبارك اللحين بعد خطبة راشد ..
روضه : اممممممممم ... الا مبارك ما خطبج رسمي ؟؟
شما : لا ما خطب ...
روضه : اممممم ... شما اذا خطبج مبارك .. بتوافقين عليه ..؟؟
شما : اممممممم ..
روضه : ....
شما : تعرفين .. بعد ما كلمت راشد ذاك اليوم .. حلفت اني لخليه يندم عاليوم الي فكر فيه انه يبيعني ..
روضه : ...
شما : تعرفين شووو قررت ؟؟؟..
روضه : شووو ؟؟؟...
شما : و الله ان خطبني مبارك اني لاوافق عليه ... بس عشان انتقم من راشد ... عشان يصبح و يمسي و هو يشوفني ... انا ادري ان راشد بعده يحبني ... بس صدقيني و الله لذوقه المر الي قاسيته و انا اشووف دبلته في ايييد وديمه .... و الله لخليه يجاسي مثل ما انا جاسيت .. و الله .. و يلست شما تصيح ...
من بعد ما سمعت روضه كلام شما ... ما عرفت شو تسوي .. اذا راشد و هو الي يحب شما سنين يجازيها بان ياخذ ختها .. كيف ممكن يسوي مبارك و هو الي ما يعرفها الا من كم ٍ شهر بس ؟؟!!!!... ليييييش حبيت هالانسان من بد كل الخلق ؟؟!!!... خلالالاص مالي امل بمبارك ... هذا كان الحال في الوثبه .. و في رماح .. كان الجو ثاني ... الكل يخطط لعرس راشد مع ان العرس بعده مطول ...
عوشه : شوووفووو ... لازم تيبووون بوصلالاح ...
امنه : هيه لازم ...
بو مبارك : و شو الي الزمه عاد ؟؟!!...
امنه : شو تباهم يقولون حمد الخييلي غلبه بو صلاح ما رام اييبه لعرس ولده ؟؟!!..
بو مبارك : ههههههههههههههه ... لا امايه ما بيغلبنا لا بو صلالاح و لا بو فلالالاح ..
عوشه : هههههههههه ... باباتي ..الا بتخبرك ..
بو مبارك : عووونج غناتي ...
عوشه : هالقوم الي روحوو معاكم الخطوبه منوووه ؟؟؟..
ام مبارك : القوووم ؟؟!!!.... حشى يلسانج .. ما قد تنطقتي لا انتي و لا ختج بكلمه عدله .
بو مبارك : شو بلاج يا سلامه عالبنات خليهن يرمسن ... و انا اشهد انهم قوووم ... حشى ما خليتي حد ما دعيتيه ... هاي الخطووبه و ودعيتي هيلا كلهم عيل العرس شووو بتسوين ..
مبارك : ههههههههههههه ... لا يوم العرس العيوز بتحط لافتات في الشوارع ... عرس بالخيل و المناصير .. لمن يرغب في الحظووور من الشيوووخ و ابناء الجبايل .. هههههههههههه
ام مبارك : تتطنز مسود الويه ؟؟!!!... ما عليه .. راشد الكل بينش في عرسه .. و الا انت بن عروه بينش في عرسك ..
مبارك : هههههههههههههههه ... بس عليه شوووفت بن عروه .. هههههههه
بو مبارك : ههههههههه ... الا بتخبرك شعندك باغظ العرس ؟؟؟..
راشد : ههههههههه ... يمكن الريال شالنه الهوى ..
مبارك : اااه هيه و الله يييت عالعوق يا بوسنيده ...
بو مبارك : هههههههههه ... لحقي يا سلامه ولدج متعوق ... وديه المستشفى ...
ام مبارك : عوووق ولديه لا هب في مستشفيات و الا مطيوعيه ... عوق ولديه عند السوده ... من شاف بنت ظربه هواها و بات يهويسبها ..
مبارك : هههههههههه .. امايه بنات هالزمان ما تمن يلبس شيل سووود .. حلن في الشيل البيض و الملونه .. يا ويل حالي يوم البنت تلبس شيله ورديه و جلابيه ورديه .. ااااخ يا قلبي ..
و في هاللحظه تذكر روضه يوم كانو سارحين العزبه هي و يدتها ... هو قال هالكلالام بس ما كان قاصد به روضه .. بس اكتشف انه كل ما يطرى عباله شي لازم يربطه بروووضه ...
بو مبارك : هههههههه ... لا ولدج ما ينسكت عن حالته .. هاه بو حمد ... شالحال عليك ؟؟..
مبارك :

انتفض قلبي بشوفت غزال منصوري ... و صابني سهم الهوى وصرت مقتوله
فتّـان خلي و لا له من مثيل في داري ... و انحفر قبري من اسباب الهوى و عشقه


ام مبارك : وااايه بسم الله عليك من طاري الموووت و القبر ... حشى مب فال .. لا اله الا الله من ذا الولد الي ما يرحم حالي ..
بو مبارك : لا يا سلامه مره ولدج متخشع تخشيع ...
الكل كان يعتقد ان هالقصيده في شما و اولهم راشد الي ذبحته هالقصيده ... يالله يالقدر .. بس مبارك ما طرت عباله شما و لا فكر حتى فيها ... كان كل فكره في روضه ... هالغزال المنصوري الي سلبه حلو المنام .. و سلب فواده من مكانه ...
مبارك : امنه ... تعالي اباج شوي ...
و نش مبارك عن هله و هو يغمز لامه ..
ام مبارك : شعندك ...؟؟
مبارك : سلالالامت قلبج يالعيووز ... ما شي اغازل ...
ام مبارك : حمد ولدك هذا ان ما ذبحني تراني ذابحتنه ....
بو مبارك : هههههههههه ... بروووك وثق عمرك .. لا تغزيك عيوزك في الليل و تقصبك هههههههههه
مبارك : ههههههههههه تسويها منصوريه ....
ام مبارك : يا ويلي ... تلايمووو حمد و بروووك عليه ... عزات اني ما ظويت عخير ....
مبارك : هههههههههههه ... تعالي امون اريدج ...
عوشه : و انا ما تباني ؟؟؟...
ام مبارك : لا بغتج هلّه .. وين تبين بعد ...؟؟؟!!!...
عوشه : باباتي شوووف حرمتك .. كله تسبني ...
بو مبارك : مرخوووصه ام مبارك ... الي بغت تسبه تسبه و الي بغت تقصبه مره نفاده .. فدوى عن راس سلامه ...
امنه : الله الله ... يا ويل حالي انا ...
مبارك : ايه يالله كل واحد حجرته يله ... و خلووو الشواب يتغازلون شوي ههههههههههه ...
بو مبارك : ههههههههههههههههه ...
مبارك : هاه العيوز تعرفين تغازلين و الا تبيني اعلمج ؟؟؟.. ههههههههههههه
بو مبارك : هههههههههههه ... لا معلمنها من قبل لا تعرف المغازل يالخام ...
مبارك : هههههههههههه .... الشيبه اريد منك كوورسات في التعامل مع المنصوريات ...
ام مبارك : ليييييش .. شي في خاطرك من جدى المنصوريات ؟؟؟...
مبارك : هههههههه .... جاد ربج ... هههههههه و طلع مبارك هو و امنه خته و راحو صوب حجرة مبارك ...و اول ما دخلو فتح مبارك مع امنه الموضوع ...
مبارك : امممم .. امنه .... سعيد ولد خالتيه فاطمه رمسني عنج ...
امنه : رمسك عني ؟؟!!!!.... ليييييييييييش ....؟؟..
مبارك : هو يبى يخطبج ... الا بغى رايج قبل لا يخطب رسمي ...
امنه : شووو ...؟؟؟؟؟؟؟؟؟؟؟؟؟؟؟؟...
مبارك : سعيد يريد يخطبج ... شووو رايج ؟؟؟...
امنه : ....
مبارك : شوفي اذا تبينه قولي و اذا ما تبينه بعد قولي عشان اقول لريال ماله نصيب عندنا ...
امنه : انت شو رايك ؟؟؟..
مبارك : و الله مب انا الي بجابل سودته طول حياتي .. انتي الي بتعيشين معاه .. و الراي رايج ...
امنه : امايه تدري ؟؟؟...
مبارك : لا محد يدري الا انا حتى خالتيه ما تدري .. هو ما بغى يخبر حد الين ما ياخذ موافقتج و من عقب بنخبر الطايفه الكريمه ....
امنه : يعني امايه ما تدري ؟؟؟..
مبارك : اقولها ثووور تقوول حلبووه .... ظهري ظهري ...
امنه : حرااام عليك مبارك و الله مرتبشه ...

نزف الأحاسيس
29-09-2006, 20:16
مبارك : مقفاج لو سمحتي ...
امنه : بروووووووووووك ... حرام عليك ...
مبارك : ههههههههههههههه ... امنه فكري و خذي وقتج و عقب قوليلي رايج .. انزين ؟؟؟..
امنه : انزين ...
طلعت امنه عن مبارك و هي مرتبشه ... هي كانت تدري ان سعيد بيخطبها بس ما كانت تتوقع انه بيخطبها في هالفتره و الا بهالسرعه .
بعدها باسبووع راح مبارك الوثبه صوب يدته ... و بلغ سعيد ان امنه موافقه ...كان مبارك متعلث بهالشي بس عشان يرووح الوثبه ... مسك نفسه عشان ما يرووح بيت قوم روضه ... بس صادف ان سلطان كان في الوثبه و عزمه عالعشا عندهم .... مبارك فرحان . .. يالله يا رب اشوووفها لو من بعيد .. بس اشوفها يااااارب ... كانت روضه تدري ان سلطان خوها عزم واحد من الشباب للعشى الا ما عرفت منوه و لا استهمت من هالريال الي بيتعشى عندهم ...
روضه : يدوووه ما تبيني احني شعرج بعد ...
يدت روضه : لا ما فيني .. حني ريولي و اديه بس ..
روضه : انشالله يدوووه ... ألس ... ألس ...
و يت الخدامه حق روضه ....
روضه : روحي داخل حجرتيه بتلقين مله فيها حنى هاتيها ...
يدت روضه : الا بتخبرج هالسباله شعنه ما كنسلتوها ؟؟؟.. انا مب حالفه عليها ما تبات في البيت ...
روضه : يا ويلي يا يدوووه .... حليلها شو سوتبج بعد ...؟؟؟
يدت روضه : سلامتج ... مقيله ادق ع رزاق ما دري شو تباه اييب الها من الدكان مسودت الويه ... لا تقيل و لا تخلي الدريول يقيل ....
و ان الخدامه داخله عليهم ...
روضه : الس ثاني مره لا تروحين و ادقين عرزاق .. اذا تريدين شي من الدكان قولي حق يمعه بايييبلج ...
يدت روضه : و الله يا ان دقيتي ع رزاق لا اكنسل ويزتج .. حماره مسودت الويه ...
يلست روضه تغمس يدتها و تحنيها ...
روضه : يدووه خليني احط الباقي في شعرج ...
يدت روضه : لا لا تغمسيبه انتي ...
و تغمست روضه بالحنا الباقي من حنا يدتها .... و هن يالسات سمعن واحد يهوود ...
....: هوووووووود هووووووووود ..
يدت روضه : هداااااااااااا .. هدااااااااا ... مرحبا الساع ..
روضه و هي تبا تربع و تدخل داخل ...
يدت روضه : روضه صكي التراب ... عيب عليج اتجفين بالخطار ... منقووود ... لفت روضه و عطت مقفاها للباب .. لانها ما قدرت تتغشى لان اديها مغمسات حنا ..
.....: السلالالام عليكم ...
يدت روضه : واايه مرحبا ملاييييييييين ....
....: المرحب باجي و لا هان ... و خر الريال عراس يدت روضه و وايها و حبها عراسها ...
تم قلب روضه يدق بطريقه غير طبيعيه ...
يدت روضه : منووو الريال ؟؟؟؟...
....: فديتج يدوووه .. ما عرفتيني ؟؟؟..
في هاللحظه عرفت روضه هالريال ...
يدت روضه : يا بويه الشيب ذبحنا ... ما نعرف روسنا من ريولنا في هالدنيا ....
....: وين الشيب بعدج شباب و الله ...
يدت روضه و هالمدحه يت عهواها : ههههههههه ... وين شباب ؟؟.. خلينا الشباب حق روضه و خوياتها ...
....: شحالج .. روضه ؟؟؟..
روضه و قلبها يدق : بخير ربي يسلمك ... و من صوبك ؟؟...
....: ما نشكي باااس الحمدلله ... الا قاصرنا شوفتكم ...
روضه : .....
يدت روضه : روضه عرفتيه الريال ؟؟؟..
روضه و هي مستحيه و تقول في خاطرها ( من بد كل الخلق مستحيل اني ما اعرف هالانسان ) : هيه يدووه عرفته ...
مبارك و هو طاير من الفرحه : هههههههه .. الحمدلله يوم انج عرفتيني و انتي عاطيتني مقفاااج ... قلت العرب ما بيعرفون ... اكيد الا نسوني ...
روضه : نساااك الموت انشالله ...
يالله فديييييييت منطوقها و الله ذابحتني هالانسانه ....
مبارك : يالله عسى الموت ما يصيب دار غاليج ...
روضه من الخاطر : اميييييييييييين ...
يدت روضه : قرب قرب فديتك بتتقهوي عندنا ...
و يلس مبارك عدال يدت روضه ...
روضه : السموحه منكم ..
يدت روضه : ودي وين تبن مويهه ؟؟؟...
روضه : ههههههههه ... ما بتم يالسه و عاطيه الريال مقفايه .. بحدر اغسل الحنا ...
يدت روضه : ودي توج حاطيتنه .. ما يوحيله يصبغ ...
مبارك : اذا تبين عادي بعدل شيلتج و بغشيييج .. و يلسي عندنا و خلي حناج الين ما يصبغ .. ههههههههههه ...
روضه و هي مستحيه : لا مشكور ...
مبارك : يا بنت الحلال لا تحلفين ...
روضه : ههههههههههههه ...
يا ويييييلي محلالالات ظحكتها ... حشى عذاب هالبنت ...
يدت روضه : و هي شو تباها الغشوه .. متقبعه بالشيله و الغشووه ... انت الا ولد خالتها ...
روضه : السموحه منكم ...
نش مبارك و هو يشووف روضه تدخل في باب .. و عقب رجع و يلس عند يدتها و يلس يسووولف ... كانت روضه منخشه ورى الباب تتسمع سوالف مبارك مع يدتها ... اول مره تكتشف ان مبارك انسان حنووووون ... كان وايد رقيق في معاملته ليدتها ...شوي و دخل سلطان و محمد خوه و يلسووو عند مبارك و يدتهم ... كانت تسمع سوالف مبارك و ميته عليه ... و الله تحت مبارك اللعاب انسان رقيق و حساس ... انسان يمكن انظلم في هالدنيا ... كان مبارك يسولف من الخاطر و هو فرحان ... حس ان روضه في قلبها شي صوبه ... يمكن ما تحبه بس اكيد ما تكرهه .. .. انحط العشى و تعشوو الشباب و تم مبارك في ميالس قوم روضه يلعبون ورقه هو و الشباب ... كان حاس ان روضه قريبه منه .. ما كان يريد يظهر من بيتهم .. بس ما باليد حيله و لازم يظهر من بيتهم و من الوثبه بعد .. كانت روضه توايج من دريشت الصاله كل شوي .. اتريد تشووف مبارك و هو ظاهر من بيتهم ... و شافته و كان عاق العقااال و السفره حاطنها على كتفه و لابس الطاقيه بس ... ألتفت مبارك و هو ظاهر من الميالس صوب البيت ... و شاف روضه و هي توايج .. الحبيبه توايج و ليتات الصاله مشتغله .. ما كانت تدري ان ظلها منعكس عالستاره و هي توايج ... ظحك مباارك من الخاطر ... صدق هالانسانه بتذبحني بحركاتها ... تم مبارك يمشي بشوي شوي و ايريد يلتفت و يشوفها بس خاف لا تعرف انه شافها و تشرد ... كان مبارك موقف سيارته جدام دروازت بيتهم .. كانت هي تشووف السياره من ورى بس ما تشووف مبارك ... و مبارك ما كان يقدر يشوفها .. شغل مبارك السياره و تم واقف و لا راح ... و قبل لا يرووح حط هالغنيه و طول عليها بس مب وايد ....
(حايره و الشوق بين عيونج ... خايفه تحبين و يلومونج ... باقيه بنص الدرب محتاره ....ما تعرفين هذا العشق و اسراره
و السهر ذبل سواد عيونج ... حايره و الشوق بين عيونج...)..عرفت روضه ان مبارك شافها ... و فرحت من الخاطر ... يالله هالغنيه مهدنها لي ... فديته و الله ... ما قدرة روضه انها تنام هاليوم كل ما تخر عينها تتذكر مبارك ... يالله فديت هالانسان .. هي تحب مبارك و هذا واقع هي ما تقدر انها تنكره ... بس مبارك يحبني ؟؟!!!... هذا الي كان مسهر روضه ... كانت تريد تعرف مبارك يحبها و الا يسوي هالحركات لحايه في نفسه ... معقووول مبارك يسوي كل هذا عشان بس يكلمني و من عقب يبيعني برخص لاثمان بعد ما يلقاله وحده غيري ؟؟!!!...
و مبارك شالنه هوى غزاله المنصوري ... كان راد صوب رماح و يسمع المسجل و هو خلالالاص ميت من روضه ... عمره ما اثرت فيه وحده مثل تأثير روضه عليه ...
و يرن تيلفون مبارك ...
مبارك : مرحبا الساع ...
خليفه : مرحبا ملاييييييييييين ...
مبارك : و لا يسدن بالمري ...
خليفه : تسلم الغالي .. علومك بو حمد
مبارك : علوم الخير يالخوي ... و من صوبك .؟؟
خليفه : علومي تسرك و لا تضرك ..
مبارك : يالله عساك دوم انشالله ...
خليفه : يميع انشالله .... هاه المزيون وين دارك ؟؟؟
مبارك : و الله توني واصل بوسمره ...
خليفه : ليش وين امبونك انت ؟؟؟
مبارك : كنت عند سلطان ..
خليفه : وش سلطان ؟؟؟!!!..
مبارك : المنصوري ...
خليفه و هو يقطع رمست مبارك .: بسك بسك ... راعي الوثبه ؟؟..
مبارك : وصلت ...
خليفه: اها ... بو حمد ما تشوف عمرك كثرت بروحاتك صوب الوثبه ؟؟؟
مبارك : لا اله الا الله .. يا خي هليه في الوثبه ...
خليفه : و من متى هلك في الوثبه ؟؟
مبارك : من زمان و هليه في الوثبه ... شو ما تعرف اونك ان عيوزي من الوثبه ؟؟؟
خليفه : اعرف الا ما اذكر من متى و انت تسير صوبهم ...
مبارك : عنلاتك ... بتخبرك شو في خاطرك انت ؟؟؟
خليفه : سلامت راسك ...
مبارك : حراااام لا تقول شو الي في خاطرك ...
خليفه : مبارك تحبها ؟؟؟.
مبارك : منوه ؟؟؟؟
خليفه : المنصوريه ....
مبارك : امممممممممم ...
خليفه : حبيتها صح ؟
مبارك : ياخي ما ادري اذا هذا يعتبر حب و الا لا ...
خليفه : ...
مبارك : ياخي ذابحتني هالبنت و الله اني بموووووووووووت عليها و الله ... شو بموت الا و الله عمري كله فداها و الله ... و الله يا خليفه اني .. كيف اقولك ... مره متخشع منها تخشيع ...
خليفه : ههههههههههه ... خييييييييبه ...
مبارك : لازم انت تقول هالرمسه لانك ما تانس الي انسه ....
خليفه : انت متأكد انك تحبها ... و الا هذي ردت فعلك لانك من 3 شهور و انت تحاوطها و هي مب معبرتنك ؟؟؟..
مبارك : لا و االله .. حتى لو كلمتني و لو عبرتني ياخي هالانسانه فيها شي ما ادري كيف ساحرتني و الله ... بعدين مب من 3 شهور .. من 4 شهور و يومين ...
خليفه : هههههههههههه ... لا وضعك مستعصي انت ..
مبارك : اااااااااه ...
خليفه : بسألك
مبارك : امر الغالي ..
خليفه : منو حبيت اكثر هي و الا لطيفه ...
انصدم مبارك بسؤال خليفه و مع هذا جاوبه و هو واثق من مشاعره : ما في وجه مقارنه بين المنصوريه و لطيفه ... حب المنصوريه له طعم ثاني اول مره اذوووق مثله ... و ما اظن اني بذوق مثله ...
خليفه : هذي رمستك عن لطيفه بعد ... تحيد ..
مبارك : ... اممممممممم ... تعرف لو كانت أي وحده غير روضه ماكنت بحس صوبها بهالشي .. و صدقني حب لطوف كان من نوع ثاني .. كيف اقولك .. حب يهال .. يعني انا لو الموت ماكنت باخذ لطوف .. بس روضه بسووق مالي و حلالي و قوم بالخيل كلهم عشان نظره منها ...
خليفه : و الله و ظوت راسك المنصوريه ..
مبارك : لا ما ظوت راسي الا ظوت فوادي .. و هذا الي ما في بنت قدرت تظويه و لا بتظويه انسانه غيرها دامني حي ...
خليفه : خلاص نويت ...
مبارك : نويت انشاااالله ... خلاص ما بجى بالعمر باجي ..
خليفه : ههههههههههههههههههه .... خلاص بتودع العزوبيه
مبارك : الا بطبها ..ههههههههههههههههه
خليفه : عنبووها المنصوريه ... اسميها مب الا ظوتك الا خشعتك ههههههههههههههههههه

نزف الأحاسيس
29-09-2006, 20:19
مبارك : اااااااه ... لا تخبر و الله ...
خليفه : الا صح متى بيعرس راشد خوك ..؟؟؟
مبارك : ما ادريبه و الله ... بس اذا هو بيبطي .. انا ما استحمل بعرس قبله ..
خليفه : هههههههههههههه ... خييييبه .... لالالا ما اصدق برووووك الي يكلمني و الا واحد ثااني !!!!!...
مبارك : شووو بروك بعد .. عنلات صداك .. اصغر عيالك ...
خليفه : هههههههههههههه .... لا كنت تلعب عندي في السكه امس ما تذكر ...؟؟
مبارك : ههههههههه ...
خليفه : شو بعدك ما وصلت رماح ..؟؟؟
مبارك : لا عنبوه من ساعه واصل ... الا يالس في السياره..
خليفه : اكييييييد جدامك وحده من غراشيب رماح ...مزروعيه و الا .. هههههههههههههههههههههه
مبارك : هههههههههههه ... عنلاتك ... لا غراشيب رماح خليتهن لك يالخام .. انا سدتني غرشوبة الوثبه عن غراشيب الدار كلهن ...
خليفه : هههههههههههههههههههه ... بويه روح و حط راسك و استريح احسن لك ..
مبارك :

صورته ترافقني كل ما ارمش بعيني ... و همسته تعزف البسمه في مسمع الليل .
وصرت ذا اليوم اتخيل اعيونه تداعبني ... و بهمس صوته صار قلبي بالمحبه يميل
و كل ما نعس طرفي احلامي به تذكرني ... و يفزله شوق قلبي كما العواصف مهاطيل

خليفه : يا ويل حالي انا ...
مبارك : اذا انت يا ويل حالك انا مسكين حالي و الله ...
خليفه : ههههههههههههههههههههه ... الله يرحم ايام اول ...
مبارك : ايه بتخبرك عاد .. تراني وايد عطيتك ويه ... يله يله جلب ويهك ..
خليفه : اجلب ويهي ؟؟!!!.. ماله مونه الي يتصلبك ..
مبارك : ههههههههههه ... اذا ما تعنيت و اتصلتبي بمونه بتتصل عيل ؟..
خليفه : عرب عيونهم سود .. ما ذاقوو ماي رماح ..
مبارك : هههههههههههههه .. لتكون السودانيه؟؟؟ ..
خليفه : هههههههههههههههههههههههههه ... الشيمه طلبتك .. لا تذكرني بذيج المأساه ههههههههه حرام الين اليوم و انا اتذكر هالمقلب و االله ...ههههههههههههههههه...

بعدها بيومين .. في ميالس حمد الخييلي ..

عم مبارك : هاه .. راشد شو هباتك .. شو ما نويت عالعرس ..؟؟
راشد : و الله بعدنا شوي ...
عم مبارك : و شو الي مأخربك .. حمد عليكم قصور في شي .. ؟؟
بو مبارك : لا قصور و لا شي .. الا العروس بعدها تدرس ..
مبارك : وش حايتها بالدراسه خلاص يوم انها بتعرس اطبها المدرسه ..
راشد : عاد ما بقى الا شهرين و تخلص و انا مب عيل ...
مبارك : بس انا عيل ...
عم مبارك : شعنه ترك انت الي بتعرس و الا راشد .؟؟؟.
مبارك : هههههههههههههه .. شو اسوي غرت من بوسنيده ..
عم مبارك : هاه .. و عمنوه عزمت ؟؟؟
مبارك : عرب عيونهم سود ...
بو مبارك : ليش ترك تفطنت في عيونهم هالعرب ..؟؟؟
مبارك : هههههههههههههههههه ... يا ليت و الله ..
كانت راشد حاس ان مبارك بيقرر انه يعرس في يوم بس ما كان يتوقع ان قراره بيكون بهالسرعه .... يالله كيف بستحمل ان شما تكون لمبارك .. يالله بمووووووووووت ...

و في الوثبه ...

ام شما : خالكن محمد بيرد البلاد الاسبوع الياي ...
شما : و الله ؟؟..
ام شما : امس ترمسه سلامه .. و قالها انه بيرد بالاسبوع الياي ...
وديمه : غريبه ... ما شي اجازات اللحين عندهم ..
شما و هي تحاول قد ما تقدر انها تتحاشى أي كلام بينها و بين وديمه ..: يالله عسى ربي يسوقه بالسلامه ...
ام شما : باجر متى يخلص دوامج ..؟؟
شما : الساعه 2 الظهر .. ليش ؟؟؟..
ام شما : خلاص عيل بخلي سعيد و الا سالم يسير صوبج ...
شما : غريبه من متى ؟؟؟... دومه الباص الي يردني ..
ام شما : لا بغيتج اتشلين وديمه عندكم و تروحون السوق و تتشرون قطع فساتين ..
وديمه : ليييييييييش ؟؟؟؟..
ام شما : امس خالتج ترمسني .. يبووون يملجون ..
شما و دمعتها بتنزل خلالاص : .....
وديمه و هي فرحانه : و الله كنت حاسه و الا شو باييب خالي محمد في نص الدراسه ..
نشت شما عنهن ..
ام شما : شما وين بها فديتج ؟؟؟..
شما : بروح اذاكر ....
ام شما : خلاص عيل ... الا اتصلي بواحد من خوانج ايسيربكن باجر السوق ...
شما : امايه انا مب فاضيه باجر ..
وديمه : عادي امايه .. بروح انا بروحي ..
ام شما : و شعرفج بالقطع انتي ..؟؟؟
دخلت شما عنهم و هم بعدهم يسولفون عن الملجه .. حاولت شما انها تدرس و الا انها تسوي أي شي يشغل بالها عن راشد ... بس ما قدرت .. بعده راشد في بالها و في قلبها ...

و في بيت قوم روضه ..
كانت روضه و ميثه و موزه بنات عمها و شما حرمت محمد خو روضه و مريم بنت ييرانهم ..
موزه : يا حلوات انتباااااااااااه ... بقولكن خبر وااااااااااايد حلو ..
شما : هههههههه ... و شو هالخبر ؟؟..
موزه : و ليش تضحكين بعد ..؟؟؟
شما : لاني اشك ان ايي من وراج انتي و الا مرييييم شي حلو ..
مريم : يالله عليج .. انا ساكته و لا قلت شي .. ليش كلكم ظالميني فديتني ..
روضه : عالشوه تتفدين عمرج ... مب من حلات الشيفه عاد ..
مريم : لا خليت الحلاه لج انتي ..
شما : خافي ربج جن روضه مب حلوه منو الحلو ؟؟..
موزه : اكيييييييييد انا ..
ميثه : ههههههههههههههه ...
روضه : اقول ما انتبهتن لشي ..؟؟
شما : شو ؟؟
روضه : ميثوه وايد هاديه اليوم
موزه : ترى هذا هو الخبر الي بقوله لكن ...
مريم : شوو .. ليكون انخطبت ؟؟؟.. هههههههههههههههه
موزه : كيف عرفتي ؟؟؟؟؟!!!!..
مريم : و الله ؟؟؟ ... انخطبت ..؟؟
روضه : شووووو ؟؟؟؟؟؟؟؟؟؟؟
موزه : ايه مريوم كيف عرفتني ؟؟؟؟
مريم : يا لقعتيه و الله ما ادري ... الا جذيه قلت ..
روضه : كيف ايونكم خطاطيب و ما عندنا علم ؟؟؟...
شما : يالله ... صدق ميثوه انخطبتي ؟؟؟
ميثه : لالا ...
موزه : هيه .. خطبها واحد هاملي من بوظبي ... امس امه رمست امي و يريدوون ايحددون يوم عشان ايون و يشوفونها ..
روضه : الحمدلله ... انا تحسبت خطبو رسمي ... حرام لا بويه يتغيض ان محد قاله ...
ميثه : عاد ما حصل شي عشان يتغيض ..

نزف الأحاسيس
29-09-2006, 20:22
مريم : الا بتخبرج من وين ظويتيه هالهاملي بعد ...
ميثه : عنلاتج من وين بظويه بعد ... ؟؟ .. لا اعرفه و لا يعرفني .. الله يستر علينا ..
مريم : علينا ... واحد و من بوظبي لا و هاملي بعد .. بيظوي الوثبه و بيخطب منصوريه منيه و الدرب ..؟؟!!!.. قيسوها بالعقل ..
شما : ايه خلي عنج هالرمسه .. مرفوجه بنت سيف عن هالسوايا ...
روضه : لا صح هو من وين عرفها عشان يخطبها ؟؟؟..
موزه : ما اقدر اسكت ...
شما : اتلن الخبووور من طويز .. كل العلوم عندها ..
موزه : لا انا ما عندي علوم .. انا عندي تاريخ .. ههههههههههه ..
روضه : بااااااايخه ... يالله .. عاد رمسي شو تعرفين ؟؟؟؟..
موزه : تحيدين الصيف الماضي يوم كنا في محاظرنا في ليوا ؟؟..
روضه : هيه ...
موزه : تحيدنهن الهامليات الي دوومهن بالسكيتي ..؟؟
مريم : هيه هيه ذكرتهن ...
روضه : ما اذكرهن ... المهم كملي ..
ميثه : يالله مندمجات في السالفه ...
روضه : انتي لمي ثمج .. بنتفاهم بعدين مسودت الويه ..
ميثه : محد مسود الويه الا انتي ...
روضه : هههههههههههههههههههه .. جب .. كملي طويز ..
موزه : بتخبركن عاد احترمني شوي ... من اصبحتن الا طويز و طويز ...
مريم : حليلنا ندلعج ..
موزه : ما باكن تدلعني ..
روضه : عيل منوه تبينه يدلعج غيرنا ؟؟؟..
موزه : واحد من مخاوين شما ..
مريم : ياويل حالي عمخاوين شما والله ...
شما : لا تصيحن مخاوين شما .. بييكن يوم بتكرهن فيه طاريهم و الله ...
مريم : لا انا مستحيل اكرههم ... و بالذات لو كان عنده رنج .. اااااااااه اسميني ميته ..
من قالت مريم هالكلام ماتت روضه من الغيض ...
روضه : و منو هذا راعي الرنج بعد الي تصيحينه ؟؟..
مريم : ااااااه ... غرشوب رماااااااح ..
روضه بنقمه : شووو ؟؟؟.
موزه : حشى من شافت مبارك و هي ميته عليه ..
شما : عليه و الا عالرنج ..هههههههههههههههههههه ..
مريم : قبل كان عالرنج .. الا من ريت بروووووك مره مت ..
روضه : بروووك بعد ؟؟؟.. ليكون اصغر عيالج بس ؟؟..
ميثه : ايه مالكن خص بالريال ...
مريم : ليش انشالله ...؟؟؟
ميثه : لانه خاطب شمامي .. و عيب عليكن تطرن الريال ...
مريم : اسميه ما ظوى عخير يوم انه بيظوي عشمامي ..
موزه : تعرفن ... انا اريد واحد عنده كروزر ...
و الكل ظحك ...
مريم : هههههههههههههههههههه ... خذيه عيل هذاكي راعي الكروزر الحمر الي دوم يحوط في ليوا ,,
موزه : ههههههههههههه ... لا ما باه هذاكي ..
و تدخل خدامة شما عليهن ...
الخدامه : مدام .. في واحد ريال برى ...
شما : و عمتيه وين ؟؟؟..
الخدامه : ما ادري ..
روضه : راحت هي و بويه صوب الفله يشوفونها و مناك بيرووحن صوب عوشه بنت راشد ..
شما : برايكن عيل برووح صوب الريال ..
روضه : انزين كملي سالفة الهاملي ..
ميثه : يالله خليتنها سالفه بعد ..؟؟؟
موزه : ماشي سلامتج .. هالهاملي خو وحده منهن .. و هي عندنا في التقنيه و تعرفت عليه ... و اللحين ايريدون ميثوه لحميد ..
يلسن البنات يسولف الين فليل و عقب سرن عن روضه ... عند العشى قالت روضه لهلها عن هالهاملي الي يريد ميثه و كانوو خوانها كلهم موجودين ..
سلطان : شوووووووووووو ؟؟؟؟..من وين ظاوي هذا بعد ..؟؟؟
ام روضه : من وين ظاوي بعد .. من الدار ..
بو روضه : امس انا عندهم ما خبروني ..
روضه : لا هم الا امس اتصلتبهم ام الريال و بعدهم ما ردولها خبر ...
سلطان : و لا يردولها خبر ..
ام روضه : يالله عليك .. تبى تقطع نصيبها ؟؟..
شما : بصراحه ميثه تستاهل كل خير .. و الحمدلله يوم ان الله عوضى خير ..
ام روضه : صدقج .. ميثه هب بنت امس .. ماشالله عليها حرمه .. الي من سناها بعيالهن ..
سلطان : لا يستريح .. ما عندنا بنات له ..
ام روضه : ودي ...
محمد : عاد سلطان انت ما لك خص عمي وعياله ان بغوه بيقربوبه ..
سلطان : يخسي الا هو .. يقربوبه بعد .. عنلاته ...
روضه : و انت ليش متغيض عاد ؟؟.. خلها تعرس ..
سلطان : و الله انا ولد عمها و اولابها من الغريب ...
الكل انصدم .. ميثه اكبر من سلطان يمكن بسنتين او زوود حتى ..
ام روضه : ياويلي شو تباها ..؟؟؟ ميثه اكبر عنك ..
سلطان : و الله هالشي ما يعيبني و لا يعيبها ..
بو روضه : صدقك .. و الله انك ريال .. هيه جذيه اباك ..
سلطان : و انتي قولي لربيعج .. يخسي لا الهاملي و لا غيره ياخذها دامني حي ..
روضه : ههههههههههههههههه .. لا بقول و لا بسوي شي .. جن شي في خاطر ادل بيتها ... سير صوبها و قولها الي في خاطرك من جداها ..

بعد اسبوع ...

في بيت قوم مبارك ..

ام مبارك : عبيد .. اباك توديني الوثبه باجر ...
مبارك : ليييييش..؟؟؟
ام مبارك : ودي بروووح اسلم عهليه ...
مبارك : حشى يا هالسلالام الي ما يوقف .. كل يوم هو السلالالام ..؟؟!!..
عوشه : برووح فياج ...
امنه : و انا بعد ..
مبارك : لا انتي استريحي .. ماشي رووحه ..
امنه : ليش عاد ..؟؟؟
مبارك : لا و الله ..؟؟؟ ..
عوشه : شو مستوي بينكم انتم الاثنين ..؟؟؟؟
ام مبارك : شعنه ما تبى ختك تخاوينا ...؟؟؟
مبارك : هي تعرف ..
امنه و هي مستحيه : اوكي خلاص ما برووح ...
مبارك : يا ويلي عمستحى البنات ...
امنه : ايه بروووك .. و تفر عليه الكنينكس ...
مبارك : هههههههههههههههههههههههههه ...
ام مبارك : ايه شو بينكم ..؟؟؟ الا تتغامزون ...
عوشه : امايه تراهم عهالحال من اسبوعين اللحين ... و لا طاعوو يقولولي شو بينهم ..
عبيد : انا اعرف ...
مبارك : تعرف شووو ؟؟؟؟..
عبيد : ما بقول ...
ام مبارك : لا قول شعندهم ..؟؟؟
مبارك : ههههههههههههههه .... العيوز ذابحنها الفضوول ...
ام مبارك عطت مبارك نظره ...
مبارك : خيييييييييييبه ..
ام مبارك : تخيبك .... عبيد رمس شعندهم ؟؟؟
مبارك : هههههههههههههههههههه ... ما يعرف .. الا جذيه يرمس هو ...
عبيد : انزين و ان كان الي بقوله صدق و هو الي من بينكم .. شو بتعطيني ؟؟؟..
مبارك : ههههههههههههه ... علمنك خاواتك تعطيني و اعطيك ...
عبيد : هههههههههههههههههههههه ... هذي هي الحياه يا صاحبي ...
مبارك : هههههه ... لك الي تباه ..
عبيد : اريد سيارتك يوووم كامل من الصبح الين فليل ...
مبارك : اريد اعرف شوو مشكلتكم .. الكل يباها هالسياره .. حشى حاس انها بتنعدم الا من عيونكم ..
عوشه : انزين يله قوول ...
عبيد : .. اممممممممم ... احم احم ..
ام مبارك : ما قلنالك غني .. تتحنحن احم احم ..
عوشه : امايه سكتي ... يله عبووود قووول ..
عبيد : اعتقد .. ترى هو مجرد اعتقاد .. ان السالفه سالفة عرس ..
ام مبارك : عرس ؟؟؟... منو بيعرس ؟؟؟.
مبارك : و الله و ظويتها السالفه هههههههههههههه ...
عبيد : و الله ..؟؟؟ خلالاص عيل باجر سيارتك عندي طول اليوم ..
مبارك : لا باجر برووح عرس الشدود في سويحان .. ورى باجر انشالله ..
عوشه : سعووود بيخطب امنه صح ؟؟؟؟
استحت امنه و نشت عنهم ..
عوشه : اوين مستحيه ...
عبيد : الله يرحم لسانها و الله هههههههههههههههههههههههه ...
و قال مبارك لامه ان عن السالفه ...
مبارك : و ابشرج العيوز ... و انا انشالله نويت اعرس بعد ..
عبيد : لا ما اصدق .. بتعرس ؟؟!!!..
ام مبارك : و الله ؟؟..
مبارك : يعني اونج ما تدرين ...؟؟؟
ام مبارك : حليلي ... شدراني بك ... ؟؟؟
مبارك : يعني الشيبه ما قالج ..؟؟؟
ام مبارك : ليش تره بوك يدري ...؟؟؟
مبارك : حرااام يا انه قايللج ...
ام مبارك : هههههههههههههههههه ...

نزف الأحاسيس
29-09-2006, 20:23
عوشه : ايه خلوني استوعب ... اللحين راشد بيعرس و امونه بتعرس و مبارك بعد !!!!!!...
عبيد : الفال لج انشالله .. و افتك من حشرتج ...
عوشه : لا حبيبي .. انا يالسه عقلبك ...
ام مبارك : و عمنوووه نويت انشالله ... ؟؟
مبارك : عرب ..
ام مبارك : دريتبهم عرب .. الا منو هالعرب ..؟؟؟
مبارك : امممم ... بعدني ما توثقت منهم .. انشالله بقولج يوم بتوثق من ردهم عليه ...
ام مبارك : يا ويلي يا مبارك ... ربك بتظويلي وحده من هالخايسات الي مخاونهن ..؟؟؟
مبارك : شو اسوي .. ما اصبر عنهن ... هههههههههه ..
ام مبارك : ياويلي من هالصبي ...
مبارك : حشم .. ريال بلحيتيه و تقوليلي صبي ..؟!!!..
ام مبارك : امحق ريال ... الريال يحشم من هله ...
عبيد : يالغاليه .. ترى مبارك دوومه حاشمنكم ...
ام مبارك : لا لالا ... يعله فدى راااشد ...
مبارك : و الله ؟؟؟..
ام مبارك : هيه ... فديته يوم بغى يعرس .. خطب بنت ختيه .. ما ربع عالغرب ...
عوشه : يالله عليج .. ترى محمد خويه خذ بنت عمي علي .. و ما قلتيله شي ...
ام مبارك : مب منقود عالريال يظوي بنت عمه و الا بنات خاواله .. الا منقود عليه يخليهن عشان وحده جبيليه ...
مبارك : يعني لو هالبنت الي اباها مب من هليه ما بتخطبينها لي ؟؟؟..
ام مبارك : لا ما طرالي ... جن الا في خاطرك هالعرب .. خلهم في خاطرك .. و جنك تبى تعرس تنقالك وحده من هلنا .. و الا مره لا تحط في بالك انك بتظوي جبيليه علينا ...
مبارك : ان بغيت وحده بظويها ...
ام مبارك : بتظويها ؟؟؟...
مبارك : هيه بظويها ... و نش مبارك و هو متغيض ...
ام مبارك و هي تكلم مبارك بصوت عالي : ظوها الرقعه عيل ...
مبارك : الا بظويها في هالبيت و لا عليه من حد ...
ام مبارك : عنلاتك مسود الويه ... عزات انك ما بيضت ويهنا بين العربان ...
مبارك : لا خلي راشد يبيض ويهكم عند العربان ...
عوشه : خلالالاص امايه ...
ام مبارك : هيه بيبيضه .. مب انت ما من وراك الا الفضايح ...
مبارك : و الله ؟؟.. ما عليه .. و يطلع مبارك عنهم و يركب سيارته .. و يظهر من رماح ...
امنه : شوو بلاكم ..؟؟؟...
عوشه و هي تصيح :... امووون .. يا ويلي برووك ظهر متغيض ..
امنه : شوو مستوي ليش تصيحين ..؟؟..
عبيد : لا اله الا الله ... اتصلبه ما يشله تيلفونه ...
ام مبارك : خله .. بيرووح و بيرد ..
عبيد : حراام عليج ... مبارك ما يستاهل منج هالشي ...
عوشه و هي تصيح : حرااام عليج امايه ... و الله محد منا يحبج كثر مبارك .. و انتي دوومج تتهزبينه ..
ام مبارك : لا ما يحبنيه ... ما سمعتيه شو يقولي ؟؟؟..
عبيد : امي .. مبارك كان يسولف .. و الا انتي ما ادري شو بلالاج عليه ...
امنه : ممكن حد يقولي شو مستوي ؟؟؟..
عوشه : اذا كنتي اتسوين كل هذا عشان مبارك ياخذ بنت ختج ... تراج برمستج اليوم بتخلينه يعافها .. هو من قبل و هو يريد شما .. بس ما ظني انه بياخذها من عقب رمستج ...
كانو مرتبشين في البيت .. عوشه عكل دقيقه تتصل بمبارك خوها .. لانها واااايد متعلقه به .. و مبارك يسووق سيارته صوب بوظبي .. و هو حاز في خاطره رمست امه ... يالله لهالدرجه امي ما تحبني .؟؟.. ليش انا شو سويت عشان الكل يعاملني بهالطريقه ... و الله نزلت دمعة مبارك .. هو صح مغازلجي .. الا عمره ما غلط عانسان و لا قد عصى ربه في شي .. و لا قد فاته فرض و لا سنه ... و هو يموت ع امه .. عمره راشد ما عامل امه مثل ما مبارك يعاملها .. دومه راشد في حاله و لا له خص في حد من هله .. عمره ما ودى خاواته مكان او حتى قضى حايه لهم .. يالله يا هالدنيا ...
تمو هل مبارك يتصلوبه بس هو ما رد عليهم و من عقب اغلق تيلفونه ... اتصل عبيد بخليفه ربيع مبارك يشوفه اذا مبارك عنده و الا اتصلبه ...
خليفه : لا و الله ..
عبيد : خلاص.. السموحه جني غثيتك ...
خليفه : لا افا عليك انت شرات مسري خويه ..
عبيد : تسلم .... بس ان اتصلبك و الا ريته .. خله يتصلبي دخيلك ..
خليفه : رب ماشر شي مستوي ..؟؟؟
عبيد : ماشي..... تواجع هو و الوالده شوي و ظهر عنا من العصر و اللين اللحين ما نعرف عنه شي ...
خليفه : في ذمتك ؟؟؟..
عبيد : و الله ..
خليفه : خلاص برايك عيل بتصلبه ...
و تم خليفه يتصل و تيلفون مبارك مغلق ... كان مبارك في هالوقت عالكورنيش في بوظبي ... هو برووحه ما درى بعمره شوو الي ساقه بوظبي ... بس بعدين عرف ... سبحان الله جن فواده كان يسوقه صوب خوه محمد ... محمد اصغر عن مبارك و اقرب واحد من خوانه له في السن و في التفكير و في المشاعر ... معرس بالريم بنت عمه علي .. يشتغل في جازكو في بوظبي .. و يالس في فلتهم الي في بوظبي .. عنده ولد واحد اسمه حمد و بنتين .. العنود و الهنوف ... عرس محمد بالريم بعد الثانويه و خذها و سافر يكمل دارسته في الخارج و اللحين معرسين من 6 سنين و شوي .. كانو وايد صغار يوم عرسوو .. بس الحمدلله محمد ايحب الريم و هي تموت عليه... ركب مبارك سيارته و راح بين الجسرين صوب خوه ... فتحت الخدامه الباب حق مبارك .. و توه بيدخل الفله ...
العنوود : ماماتي ... تعالي شوفي حمووووود ...
حمد : انا جووووووونقل ...
الهنوف : و انا ثبايدل مااان ...
العنود : ماماتي ....
حمد : اهاها .. ماثي ماماتي ... ثوف اكتلك ...
مبارك : شو بلاكم محتشرين ؟؟؟...
كلهم سكتو ... كان حمد يالس يضارب العنود خته .. و الهنوف رابطه سفرت بوها عرقبتها و راكبه فوق الطاوله ... اول ما شاف حمد عمه مبارك .. نط عن العنود و ربع صووبه ....
حمد : هييييييييييييييييييييه عمي يى ...
مبارك و هو يشل حمد فووق ...: هلا و الله بباباتي ...
و يقومن العنود و الهنوف صوب عمهن عشان يسلمن عليه ...
العنود : هلا عمي شحالك ..؟؟؟
مبارك : بخير يالعنوووووود .. انتي شحالج ؟؟؟..
العنود : افففف ... كنت بخير قبل لا امي تيب هالتووم ... كسروني و الله ...
مبارك : ههههههههههههه ...
الهنوف و هي تمط عمها عشان ييلس : تعال تعال يلث هنيه ...
مبارك : انزين انزين .. لا تمطيني بطيح عليج انا و حمد ...
حمد : لا انا جونقل ... ما تيح ..

نزف الأحاسيس
29-09-2006, 20:23
الهنوف : و انا ثبايدل مان ...
مبارك : حشى .. و وين سوبر مان عنكم .؟؟؟..
حمد : لا كتلته امث ..
مبارك : و الله ؟؟؟ ..... ههههههههههههههههه ...
العنود : .. حسوو بمعاناتي ...
مبارك : يا ويلي عليج انتي البريئه ...
و يدخل محمد عليهم ...
محمد : ما صدقت يوم قالتلي الخدامه انك عندنا ... و ينش مبارك صوب محمد و يتوايهووون ..
مبارك : جنك ما تباني انت بعد قولي عشان اتلاحج عمري بدار تظمني غير دارك ...
محمد : افا و الله ... يا شين الدار بلاك يا بوحمد ..
العنود : بويه شووف حمووووود .. كسرني ..
حمد : ثوف اكتلك ...
محمد : حمد ... يلس عن ختك ...
حمد : حلالام .. يالثين نلعأب ..
الهنوف : باباتي ثوفني ...
محمد : لا تنطيييييييين ... الريييييييييييييييييييييييييييييييييييييييم ... تعالي شلي عيالج ...
مبارك : هههههههههههههههههههههههههه ... تعرف و الله كنت متكدر الا من ريت عيالك خازت الظيجه من قلبي ...
محمد : رب ما شر ؟؟؟..
مبارك : اااااااه .. خلها على الله انت بس ...
محمد : شووو بلاك مبارك .؟؟... هميتني عليك ...
حمد : هنووووووووووووفه .. تعالي بثلج ...
الهنووف : ماليييييييييييييييييييييييد ..
محمد : الله يحشركم ... نش نش بنروووح الميالس ...
حمد : بلووووح عندكم ...
محمد : لا استريح انت عند خاواتك ....
العنود : لا ارجوووك باباتي شله فكني من حشرته ارجوووك ...
محمد : عنود يلسي عند خوانج ..
و نش مبارك و محمد خوه و راحو صووب الميالس ... و يلسوو ..
محمد : و علومهم الاهل .. ؟؟
مبارك : بخير ..
محمد : مبارك شو بلاك ؟؟؟.. ما احيدك جذيه .. شو الي مستوي عليك ؟؟؟...
مبارك : كرهت عمري و كرهت حياتي و الله ...
محمد : افا .. ليش عاد ؟؟..
و تحدر عليهم الريم حرمت محمد ... و ينش مبارك ..
الريم : مرحبا الساااع مرحبا الساع ...
مبارك : مرحبابج زووود ام حمد .. شحالج ؟
الريم : بخير ربي يسلمك ... انت شحالك و شحال عربانا من صوبك ..؟؟؟
مبارك : يردووون السلالام ...
الريم : يالله .. من متى اعديبها رماااح من زمان و الله ...
محمد : وين من زمان ..؟؟.. تراج من اسبوعين فيها ...
الريم : لا من ثلاث اسابيع و هذا الرابع اللحين ...
محمد : لاحجه عرماح و غبرتها ....
الريم : ههههههههههههه ... يعله في ذمتك .. ما تتمناها اليلسه عالعراقيب ..؟؟..
مبارك : لا جاد ريلج عيبته يلست المكاتب .. ههههههههههههههههه ..
محمد : لا و الله ... تحيد يوم نبات انا و انت في عراقيب الختم ... ههههههههههههههه و الله ايام ...
مبارك : ههههههههههههههههه ...
الريم : هههههههههههههههههه ....... انزين .. بظهرون بقعه و الا بتيلسون في البيت ..؟؟؟.
محمد : لا بنظهر اللحين ...
الريم : بتعشون برى و الا هنيه ...؟؟؟
محمد : لا برى ... خليني افجج راسي شوي .. حشى طول حياتي و انا اجابلنج انتي و عيالج في العشى و الغدى .. خلوني لو يوم واحد اتهنى في عيشتيه .. هههههههههههههههههه
الريم : و منو مسكك .... الدرب طايح ... يا كثرهن المطاعم ...
محمد : و انا كيف تهنالي العيشه بدووونج ...
مبارك : احم احم ..
الريم : لا امبونه خوك فارط ...
محمد : و الله كنت مؤدب الا من خذتج ظيعت المستحى ... ههههههههههههههههههه
الريم : هههههههههههههههههههههه ...
ظهر مبارك هو و محمد و ركبو استيشن محمد و راحو صوب المارينا ... و في الدرب ..
محمد : الا ما قالو ان خالي محمد بيرجع هالاسبووع ؟؟؟ ..
مبارك : هيه سمعت ...
محمد : شو راد عشان ملجة راشد ..؟؟؟
مبارك : ما ادري ...
محمد : شو بلاك مبارك ..؟؟
مبارك : ياخي لا تيبلي طاري راشد ...
محمد : ليش عاد ..؟؟؟
مبارك : بس ...
محمد : لا و الله ترمس ... شو مستوي ؟؟؟..
قال مبارك لمحمد الي صار بينه و بين امه ...
محمد : الله يهديك .. و انت ما تعرف طباع العيوووز ... دومها هدّاده ...
مبارك : هدّاده و الا غيره ... انا مب ياهل تمشي رمستها عليه ...
محمد : و انتو ليش مكبرين السالفه ... تراك في النهايه بتاخذ بنت خالتك و .
مبارك : لحظه لحظه ... اخذ منوووووه ؟؟؟؟..
محمد : تاخذ بنت خالتك ... شمامي ..
مبارك : و من قال عاد ؟؟؟؟..!!!...
محمد : الكل يقول ...
مبارك : لا و الله ؟؟؟؟...
محمد : هاه عيل ؟؟..
مبارك : ان اريد اعرف ... ليش الكل يقرر و يحكم ع حياتي عكيفه ؟؟؟... شو تشوفوني جدامكم ؟؟؟..
محمد : مبارك .. الكل يعرف انك بتاخذ شما .. و هالشي من زمان نعرفه .. لا من اليوم و لا من امس ...
مبارك : و منو قال عاد ؟؟؟.. شو بتيوزوني غصب ...
محمد : لا مب غصب ... بس انت قايل ..
مبارك : متى قلت ؟؟؟؟...
محمد : شداراني خاواتك قالن ...
مبارك : و هن من وين ألفن هالقصه بعد ..؟؟؟
محمد : شدراني ...
مبارك : انا عمري ما قلت اني باخذ شما ... صح انا كنت حاط في بالي ان خذت يا باخذ شما يا باخذ صالحه بنت عمتيه نوره ... الا ماقد قلت لحد اني باخذ شما ...
محمد : و انت عمنوه منهن نويت صالحه و الا شما ؟؟؟؟...
مبارك : و لا وحده منهن ...
محمد : ياخي بتيننبي انت ..؟؟... توك تقول يا شما يا صالحه ...
مبارك : اقولك كنت ... بس اللحين ما اريدهن .... اريد وحده غيرهن ...
محمد : .. اها ... و هي سبب هالمشكله مع العيوز ...
مبارك : هيه ....
محمد : شوف مبارك .. انا صح اصغر منك ... الا انا جربت العرس ... الواحد يوم يعرس يبى وحده يأمن على عمره و عرضه و حلاله و عياله عندها .. مب وحده .. يتم طول حياته عايش الشك من بينكم ...
مبارك : أي شك ؟؟؟؟
محمد : ترى الي بتكلمك بتكلم غيرك و....
مبارك : لحظه ... انت مب عارف السالفه ...
محمد : أي سالفه ..؟؟؟
و قال مبارك مختصر العلاقه بينه و بين روضه ..
مبارك : و الله اني حبيت هالانسانه و الله ... و الله و ربي يشهد عكلامي اني ما غلطت معاها في كلمه .. و لا في فعل ...
محمد : و انت الله يهديك .. جان قلت للعيوز انك تباها ... تراها من هلنا ...
مبارك : لاني اريد اعرف رايها و راي سلطان خوها قبل لا اخطبها ... ما ادري احياناً احسبها تباني .. و احياناً احسها تصد عني ... و اعتقد اني عرفت السبب ..
محمد : و شو هو ؟؟..
مبارك : اعتقد انها تتحسبني باخذ شما ..
محمد : نش خلنا ننزل من ساعه واصلين و مرتزين في السياره ..
و نزل محمد و مبارك و دشووو المارينا ... تعشووو في مطعم حاتم و من عقب راحوو شافوو السنما .. و عالساعه 2:30 الصبح توهم ظاهرين من المارينا ... و رجعو فلة محمد ...
محمد : هاه شو هبّاتك اللحين ..؟؟؟
مبارك : و الله ارتحت بالرمسه عندك ...
محمد : خلاص .. حدر نام انت و باجر بنتفاهم عخير انشالله ...
بات مبارك هاليوم عند خوه محمد ... و تيلفونه بعده مغلق ... و عوشه و عبيد و هله مرتبشين كلهم يدورون مبارك .... و خليفه ين مب عارف وين ممكن يحصل مبارك .... و مبارك نسى تيلفونه و لا فتحه ...
ام مبارك : ياويلي ولديه شي استوى عليه ...
عوشه : فديتك عبيد دوره فديتك ...
راشد : شو الي استوى من بينكم عشان يظهر متغيض من البيت ..؟؟؟ عمره مبارك ما ظهر و هو تغيض ..
ام مبارك و هي تصيح : يا نفاد الدار من عقب مبارك ...
و في هالوقت يتصل خليفه بعبيد ..
خليفه : هاه بشر ياكم علم و الا خبر ..؟؟؟؟
عبيد : لا علم و لا خبر ...
ام مبارك : منو هذا ...؟؟؟
عبيد : هذا واحد من ربع مبارك ..
ام مبارك : عطني اياه ...

نزف الأحاسيس
29-09-2006, 20:31
ام مبارك : فديتك يا ولديه جنك ادل مبارك .. خله يظوي ..
خليفه : و الله يا خالتيه ما ادله و لا عندي علم بداره ...
و تمو عهالحال الين الفير ...
عوشه و هي تصيح : حرااام عليج امايه ...
ام مبارك : يا لقعتيه .. سكتي عني .. انا بروحي مب في حاله ...
و لا طرى في بال حد ان مبارك ممكن يكون عند محمد ...

يوم الخميس الصبح عالساعه 10 دخل حمد على عمه مبارك ..

حمد : عمي .. قوم لعأب أندي ...
مبارك : اممم .. شووو ؟؟..
و ينط حمد عالشبريه ... و ييلس عبطن مبارك ..
حمد : ياله قووم بناكل كوو كوورل فكث و هليب ..
مبارك : هههههههههههه ... انت وين امك عنك فاجيتنك عجبدي ... ؟؟..
حمد : باباتي و ماماتي .. يثلبون هليب في الثاله ..
مبارك : انزين انت وايد ثقيل قووم ما اقدر اشلك ..
حمد : انا جونقل .. ..( و يسوي حركه بايده اوين معضل الريال )
مبارك : ههههههههههههههههههههههه ...
و ظهر مبارك صوبهم و هو لابس الفالينه و الوزار بس ... و شال حمد عجتوووفه ...
مبارك : بتخبرج انتي وين فاجه هاليعري ... ما خلاني ارقد .. اذاني ...
الريم : هههههههههههههههه .. منو عمه ..ههههههههههه
مبارك : شووو قصدج يعني ؟؟؟؟...
الريم : سلالالامتك هههههههههههههههههههههه ...
محمد : هاه هاه ... شعندك عحرمتيه ..؟؟؟
مبارك : ما عندي شي ... شل ولدك فكني من حشرته بس ...
و نزل مبارك حمد عن جتووفه و سوى حركه جنه بيعقه ..
الريم : يا ويلي ولديه ...
مبارك : هههههههههههههههههههههه ...
محمد : ايه راس مدانا هالصبي ..
مبارك : انزين اللحين روح ييبلي فالينه و وزار من عندك و فوده اريد اتسبح ...
الريم : انشالله بييبلك لحظه ...
تسبح مبارك و تغدوو و العصر طلع هو و محمد و عياله و الريم صوب رماح ..
في هالوقت في الوثبه كانت روضه مشغله شريط اليوله و كل شوي و تعيده علقطات مبارك ...
و قلبها يدق و هي تسمعه يقوول اهداء لعرب .. يالله فديته ... تشوف حركاته و هو ايول جدام الكيمره .. من الخاطر بتموت عهالريال .. و تدخل الخدامه عليها ..
ألس : مدام .. يدوووه ايريد انتي ...
روضه : خلاص اللحين بروحلها ...
و ترووح روضه صوب يدتها ...
يدت روضه : روضه ..
روضه : لبيييييييييييييه ...
يدت روضه : لبيتي حايه ... اباج تشوفين شوه في عيني ... تاكلني ...
روضه : صبري اشووف .... ماشي ..
يدت روضه : وين ماشي ..؟؟.. اقولج اآنس اكله في عيني ..
روضه : هذيه ما فيها شي .. الا انتي برووحج توسوسين ..
يدت روضه : ظكي هنه ... اقولها تاكلني قالت توسوسين ...
روضه : هههههههههههههههههه ... فديتج و الله .. و تخر روضه عراس يدتها و تحبها عراسها ..
يدت روضه : يعلني ما خلا منج يالغاليه ..
روضه : و لا منج ..
و تدخل عليهم ميثه بنت عم روضه و تسلم عيدتها و تيلس عدال روضه ...
يدت روضه : الا بتخبرج خوانج شو مستوي عليهم ما يخطفووون صوبي ..؟؟؟ ..
ميثه : يدوووه يووج ذاك اليوم و لا رووج .. امبونج في العزبه ما دري عند منوه كنتي ...

و في هاللحظه يدخل سلطان ...

سلطان : السلام عليكوو ..
ميثه و روضه : و عليكو السلام ...
سلطان : اشوووف العروووس عندنا ...
ميثه و هي مستحيه : ....
سلطان : هاه جربتوبه الهاملي ؟؟؟..
روضه : سلطان ...
و يطالع سلطان روضه جنه يقولها انجبي ..
سلطان : تبينه .؟؟؟
ميثه : و الله انا لا اعرفه لا لي شووور .. الشور شور بويه و خواني ...
سلطان : شوفي لا تحلمين انج تاخذينه .. تسمعين ؟؟؟..
ميثه : و الله انت مالك كلمه عليٍٍَ دام بويه حي و خواني موجودين ...
سلطان بنقمه : لا و الله ؟؟؟؟...
ميثه : هيه .. و الله ( ميثه تقوله هالكلالام و هي تتنافض من الزيغه منه ) ...
سلطان : ميثوه ...
ميثه : لا تقول ميثوه .. شو تشوفني اصغر عيالك ..؟؟؟
سلطان : الا ميثووووووه و ميثوووه ...
ميثه : ايه سلطووووووووون ...
سلطان : لا ماشي سلطوووون ... خليني املج بس ... حراام لا اراويج شغل الله عدل ...
ميثه : و منو قالك اني باخذك اصلا ..؟؟؟
سلطان : و الله مب بشووورج .. بتاخذيني غصبا عن خشمج ...
ميثه : لا و الله ؟؟؟؟... و الله لو ما بقى ريال في الدار ما خذتك ...
سلطان : لا تحلفين ... يخسي ألف ريال ياخذج غيري ..
يدت روضه : سمعووو الرمسه .... جب جب مالج غير ولد عمج مسودت الويه ...
ميثه : يدوووه ما اباه ... هذا ياهل اصغر مني ...
يدت روضه : ياااااااهل ؟؟؟.. حزن .. ريال بلحيته و خليتيه ياهل ..؟؟..
ميثه : ما اباه ...
يدت روضه : و منو بيشاورج ... سلطان مره خذها و لا نبى زهاب و لا دق .. مره سرها ...
ميثه : يدوووووووووه ..
يدت روضه : جب جب قطعيها الرمسه ...و الا بفرج بهالعيره ...
سلطان : بنات ما تن الا بعيرت العيوز .. هههههههههههههههه
ميثه تشوف سلطان بنظره ...
سلطان : هههههههههههههههههههههه .... بنشوف منو بيظويج .. انا و الا .. الهاملي ..
ميثه : اففففففففففففففففف ...
سلطان : لا تتأففين .. حرام لا اخلي يدوووه تفلعج بهالعيره بين عيونج ....

المحقق كونان22
04-10-2006, 20:54
حرام عليك أختي نزف الأحاسيس يعني تشوقينا وخلاص هذه المرة ال20 اللي أفتح فيها

الموضوع على أمل إنك كملت القصة لكن النتيجة هي نفسها ماكتملت القصة

والله حرام القصة تجنن وايد أرجوك كمليها Please

مع فائق إحترامي:-
المحقق كونان22
ملاحظة:-
أرجو إني مأكون أزعجتك بكلامي هذا!

نزف الأحاسيس
08-10-2006, 11:31
وش دعوه أخوي ازعجتني بالعكس
استانست بس والله جتني ضغوط ولا قدرة أكملها
وعشان خاطر عيونك لكملها لك

نزف الأحاسيس
08-10-2006, 11:33
روضه : عاد خلاص سلطان ...

و في هالوقت توه مبارك و محمد خوه واصلين رماح ...

دخل اول شي حمد و هو يسحب الهنوف من قميصها ...
حمد : بلاويج طقوة يدوووم ... ثووودى .. بتاكلج فليل .. ..
الهنوف : ما ليييييييييييييييييييييييد ...
حمد : ثوفي ثوفي ...
العنود : ماماتي .. شوفي حمووود .. و الله بيفضحنا ...
الريم : يا ويلي منج يالعيوز .. الي يسمعج بيقول عيوز و لا جنج ام خمس سنين ...
مبارك : ههههههههههههههههههههه ... و الله يا بوجسيم انك مستوي عايلة خمس نجوم .. هههههههه
محمد : هيه ظحك ظحك ... بيييك يوووم ...
مبارك : لييييييييييييييييييييييييت و الله ...
الريم : هيه ... و باجر بتفرهم في حلج حرمتك ... و العثره كلها علينا احنا ...
و يدخلون البيت ... بس مبارك دخل عقبهم ... كان يالس يكلم حمد ولد خوه ... توه بيدخل البيت ... و الا يشوووف عوشه خته يايتنه تربع و هي تصيح ...
عوشه : فدييييييييييييييييييييييييييييييييييييتك مبارك .. و تلوي عليه و هي ميته من الصايح ..
مبارك : بسم الله شو بلاج عويش ؟؟؟؟
عوشه : حرام عليك و الله استهمينا عليك ....
مبارك : ليييييييييييش ؟؟؟...
عوشه و هي اوين تظرب مبارك عجتفه : سبال و الله خفت عليك حراام اني من امس و انا احاتيك ... من ظهرت عنا الين اللحين ... و الله ما قدرت انام و لا قدرت اذوووق شي بسببك ...
مبارك : فدييييييييييييييييييتج ... و يلوي ع عوشه ... السمووووووووووحه ان هميتج ... انزين جان اتصلتيبي ...
عوشه : لا و الله ؟؟؟؟... كيف و حظرتك مغلق تيلفونك ؟؟؟..
مبارك : اووووه .. انا اغلقت التيلفون و فريته في السده ... مره نسيته ...
و ان عبيد و امنه ظاهرين صوبهم ...
عبيد : و اخيرا ...
مبارك : هههههههههههههههههههههههههه ... و ليش اخرا ..
امنه : و الله هميتنا ...
مبارك : السمووووووووووووووووووووحه ....
عبيد : حشى حرااام اننا من امس و احنا مب في حاله ... الله يهديك و الله ...
مبارك : هههههههههههه ... اول مره اكتشف اني غالي لهالدرجه ...
عبيد : الا كلنا كوووم و عويش كوووم ... حشى فظحتنا .. من امس و الونان شغال عندها ... تنعر مبارك و مبارك ...
و تلوي عوشه عمبارك : فدييييييييييييته ما عندي حد اغلا منه ...
امنه : لا عندج .... بطنج يالدبه ..
و يضحكووووون .... و يطلع راشد هو و العنود و الهنوف ...
راشد : الحمدلله عالسلالالامه يالمزيون ...
مبارك و مب من خاطره الرمسه : الله يسلمك .... سمحولي .. بروووح اتسبح .. عبيد بتخاويني عرس الشدوود ..؟؟؟
عبيد : وين عرسهم ؟؟؟..
مبارك : سويحان ...
عبيد : غايته .. من متى اعديبهم شبيبة سويحان ...
مبارك : خلاص .. رووح و تزهب هبابنا ..
و يدخل مبارك البيت ... كانت امه يالسه هي و الريم و محمد و حمد يالس عريوول يدته .. دخلن خاوات مبارك وراه ...
مبارك : السلام عليكم ... و خطف سيييييده صوب حجرته .. و لا ستنا حتى ان امه تقول شي و الا ترد عليه ... كان عبيد بيدخل .. جان يمسكه راشد من جتفه ..
راشد : شو بلاه مبارك ..؟؟؟
عبيد : ما بلاه شي ...
راشد : لا .. شي فيه ...
عبيد : مافيه الا كل خير انشالله ... بس بعده متضايج من سالفته مع امي ...
راشد : لا و الله ؟؟؟... تراه كان يسولف و يضحك و من يييت جلب ... شووو السالفه ؟؟؟..
عبيد : ما ادري و الله ...

تم الجو وايد متكهرب في بيت حمد الخييلي ... مبارك ماتم ييلس في البيت و لا حتى يسولف مع حد .. ... و قرب يوم ملجة راشد ع وديمه ... و قرب عزى شما عفوادها و حب حياتها ...

في الوثبه ...

روضه عند شما ...
شما : روضوه .. ماشي باجي الا يومين عن ملجتهم ... بمووووووووووت ...
روضه : شما ... خلاص راشد يحرم عليج .... كيف تفكرين في ريل ختج ؟؟؟..
شما : بس هو كان لي قبل لا يكوون ريل وديمه ...
روضه : شما كل الي تسوينه ما منه فايده .. الريال بايعنج برخص الاثمان و لا حفلج و لا ستهم منج ... ليش تصيحين واحد شراته ...
شما : انتي تقولين جذيه لانج ما تانسين الي انا اااااااااااانسه ...
روضه : ليتج ياشما تعرفين الي في فوادي و الا جان ما قلتي هالكلالالام ..
و تدخل ام شما في هاللحظه ...
ام شما : شما ... عوشه و مبارك يسيروون صوبنا .. نشي عابلي الميالس و حطي الفواله ...
فز قلب روضه من سمعت اسم مبارك ...
شما : انشالله ...
راحت شما و روضه و رتبن الفواله .. و دخنن الميالس .. و رجعن في الصاله ... و تمن يالسات يسولف و روضه تحاول تنسي شما حزنها ... و في نفس الوقت تحاول تسيطر ع دقات قلبها .. كانت تحس ان فوادها بيطلع من صدرها ... كله من شوقها لمبارك ... و في هالحظه يدخل عليهم سالم خو شما ... فز قلبه من شاف روضه ...
سالم : السلام عليكوو ..
روضه و شما : و عليكو السلالالام ..
سالم : انا اقول البيت منور ... تر روضه عندنا ...
روضه : منور بوجودكو الشيخ ...
سالم : الشيخ من قال ربي يسلمج ...
روضه : و يسلمك انشالله ...
شما : اووووه ... روضوه نسينا المدخن في الميلس .. ربعي شوفيه ...
روضه : انشالله ... و تروووح روضه الميالس و لقت المدخن ... بس البيادير ما كانو مرتبين الفواله عدل ... يلست روضه ترتب الحرارات و الحقيق ... في هاللحظه دخل مبارك ... و شاف روضه .. كانت لابسه جلابيه رصاصيه فاتحه و شيله من نفس اللون بس متدرج ... كانت روضه ترتب الصحون و كانت بكلتها نازله عويها .... و عقصها يتخطى مفقرها ... تيبس مبارك من شافها جدامه ... بغى يتحنحن و الا يسوي أي شي بس ما قدر ... ما قدر انه يوقف عريوله من شاف روضه ... روضه ما انتبهتله .. بس حركت ايدها عشان ترفع بكلتها عن ويها ... فأنتبهت ان في واحد واقف عند الباب ... و بدون ما تلتفت قالها قلبها منو هالانسان ... و افترت عطرف عشان تتغشى ....


نشت روضه و صلبت عمرها ...
روضه : مرحبا الساع ...
مبارك : .. مرحبا ملاييييييين و لا يسدن في ذمتيه ....
روضه و هي مرتبشه ..: قرب .. قرب الشيخ ...
و راحت روضه و خذتلها طرف في الميلس .. عشان مبارك يخطف .. كانت الفواله محطوطه في نص الميلس .. و كان مبارك يقدر انه يرووح من الطرف الثاني ... بس هو ما قدر انه ما يطووف من عدال روضه ... انتبهت روضه .. ان مبارك بيطووف من عدالها .. فلا اراديا رجعت ورى و لصقت عالييدار .. ضحك مبارك ...
مبارك : .. الغاليه .. ما باكلج ...
روضه : شوووو ..؟؟؟!!!!!...
مبارك : ههههههههههههههههه ... سلامت فوادج غناتي ...
روضه و قلبها يدق : غناتك ؟؟؟... الشيخ مافي داعي لهالكلام لو سمحت ...
مبارك : ههههههههههههههههه ... ليش شو بتسوين ان ما سكت ..؟؟؟!!!... بتحطين الفرد بين عيوني ..؟؟؟!!!... هههههههههههههههههههههههههههههه ...
روضه : السموحه منك الشيخ .. ان ما منعتك حشمتك للعرب من انك تتنطق بهالرمسه .. ما بيمنعك الفرد ..
و في هاللحظه خطف مبارك من عدال روضه .. كانت تحسه جرييييييييب وايد منها ... و الله خاطري ألمسه .. و بسرعه حطت ايدها ورى ظهرها .. خافت لا ايدها تعصاها و تسوي شي تندم عليه ... في اللحظه الي كان مبارك فيها ع مستوى روضه .. ظهرت منه تنهيده هو نفسه ما قدر انه يمنعها ... اااااااااه .... و الله عذاب هالانسانه ... و خطف عنها .. و راح و تم واقف و أفتر صوبها ..
مبارك : شوفي ممكن ما احشّم أي انسان في هالكون ... الا انتي .... انتي ما تعرفين قدرج و حشمتج في فوادي ...
ما عرفت روضه شو تسوي ... بس حست انها بتندم اذا تمت اكثر عنده برووحهم ..
روضه و بصوووت واااااطي ..: ... السموحه منك ..
و عطت روضه ظهرها لمبارك ...
مبارك : غناتي طلبتج .. و رفجة كل غالي في حياتج ... و رفجة بو خليفه ... خاطري في رمسه اقولها لج ..
روضه : الشيخ بوخليفه مرفووج عن سواياكم .. فلو سمحت لا ترفجبه ...
مبارك و بكل رقه و بصوت بالكاد سمعته ..: .. غناتي .. رفجت عليج تسمعيني ...
اااااااا يا ويلي من هالانسان و الله بيذبحني ... من سمعت روضه مبارك ما قدرت انها تتحرك او حتى تقول شي ... تصنمت البنت و هي فاجه ثمها ... حس مبارك ان روضه حنت .. و انه وصل لقلبها .. فرح من الخاطر .. لو ما كنت اعنيلها شي .. ما تمت واقفه و لا تمت عندي .. و هو يعرف روضه و يعرف طباعها عدل ...
مبارك : .. شوفي روضه .. بصراحه ... امممممممممم ... انا من شفتج و انا مب في حاله ... حرااام يا النوم فارق اعياني .... و عفت الزاد و العيشه ... و الله و الله .. انج ... شو اقولج ؟؟... ما ادري .. بس الي اعرفه عدل ... اني ما اقدر اعيش بدوووونج .... روضه و الله اني اريدج ..

و قال اخر كلامه باحساس .. لدرجة ان روضه ... ما عرفت شو تقوله .. اول مره في حياتها واحد يقولها اريدج ... و حست ان مبارك عاني هالشي و انه يقولها هالكلام من قلبه .... بس تذكرت بعدين رمسة ميثه بنت عمها .. ان مبارك مرده لشما .. و ماله حايه في روضه الا للعبه بس ... و في هاللحظه قسّت روضه قلبها و ردت عليه ...

نزف الأحاسيس
08-10-2006, 11:34
روضه : السموحه منك الشيخ ... ما اعتقد انك عاني شي من كلامك هذا ... و اذا كان قصدك من ورى هالكلام انك بتأثر فيني ... السموحه .. كلامك ما هز شعره من راسي ... رووح دورلك على وحده غيري يمشي عليها هالكلالالام .... و أفترت روضه عنه و توها بتمشي عشان تطلع من الميلس ... حست ان الميلس كبيييييييييييييير لدرجة انها ... كانت تحس عمرها ما تمشي
مبارك : انتي شووو جنسج ؟؟؟... شووو ما تفهمييييييييييييين ..؟؟؟... ما تحسييييييييين ؟؟؟؟... حراااااام عليج ... ترى الذبح في الميت حراااااااااااام يا بنت الناس ... انتي شووو قلبج ؟؟؟... انا اعرف انج تحبيني .. مافي داعي انج تكابرين .. و انا شارنج و اريدج عسنة الله و رسوله ... و لا ني حاطنج في بالي بشي شين و الا قصدي اني العب ... رووووووووووضه حراااااااااااام عليج ... و الله اني احتاجج ...
ما قدرت روضه انها تمسك نفسها اكثر من جذيه ...
روضه : مبارك انت الي ما تحس ... انا ما شفت انسان مثلك ... و من قالك اني احبك و ...
و قطع مبارك رمسة روضه : كل شي فيج يقول انج تحبيني ... روضه انا مب ياهل جدامج ... اشوووف الحب في رعشة ايدينج ... اشوووف الحب في كل كلمه تتنطقيبها ... روضه ... الشيمه ... لا تحرميني من حبج ..
روضه : تعرف انك واااايد مغرور بنفسك ؟؟.... انت شووو تتوقع ان أي بنت بتشووفك بتطيح في هواك ؟؟!!!... لا الشيخ صبوووع ايدك ما تتشابه .... و من اللحين اقولك ... مالك امل مني ...
مبارك : ... روضه انا مستعد اني اخطبج .. و اللحين ان بغيتي ... بس اريد اسمع رايج فيني .. انتي تبيني .. و الا ..؟؟؟؟
روضه : هههههههههههههههه .... تعرف انك اكبر جذاب شفته في هالكووون ؟؟؟... و ..
مبارك و هو يقطع رمستها ..: لحظه لحظه ... انا في الشوووه جذبت عليج ..؟؟؟
روضه و هي خلالالاص حاسه عمرها بتمووووت : مبارك ... انت ما تحس ؟؟؟... حرااااام عليك ... ليش تقولي هالكلالام كله ... و انت اكثر من غيرك تعرف اني مستحيل اكون لك ..؟؟؟!!!...
مبارك و بحزن : ليش ...؟؟...... انتي حد في حياتج ..؟؟؟.....
روضه : ..........
مبارك : ارجووووووووووووج ....
روضه : .... حياتي ملكي انا .. بس حياتك ملك غيرك ... و انا مالي مكان في حياتك ...
مبارك : .. ليييييييييييييييييييييييييييييييش ؟؟؟... و من قال ..؟؟؟؟..... و الله يا الدنيا ما تسوى شي بدوووووووونج ...
روضه : ... مبارك حراااااااام عليك ... اذا مب حاشمني .. حشم شما ... ترها و الله ما تستاهل هالشي منك ...
مبارك : و شما شو لها في السالفه ..؟؟؟
روضه : .. اها ... صح ... و أفترت روضه خلالاص بتطلع و وصلت عند الباب ... فهم مبارك بقصد روضه .. بس ما كان يتوقع ان روضه بعد تعتقد انه بياخذ شما ...
مبارك : روووووووضه .... ارجوووج ... و مشى مبارك صوب روضه و ما حست روضه الا و هي تسمعه يكلمها ...
مبارك : روضه .. اذا كنتي تعتقدين اني باخذ شما فأنتي غلطانه ... انا ما فكرة اني ااخذها و لا اريد حتى اني اخذها .. و انا معتبرنها شرات عويش ختيه و الله ..
ما قدرت روضه انها توقف ع ريولها من كلالام مبارك ....
روضه و هي تكابر : روح لعب ع وحده غيري ...
مبارك : بتخبرج عاد تراج ذليتيني ... تعرفيييييييين؟؟ ... و الله ما تكونين لواحد غيري ...
روضه : لو ما بقى ريال في الدار ما ظويتك ...
مبارك : و الله ؟؟... اوكي ....ان خذج ريال غيري ... سحتي ذا اللحيه بموووووس ...
روضه و هي تمشي و قدها طلعت من الباب : من اللحين بزهب الموووووووس ...
مبارك : هههههههههههههههههههههههه .... اذا انتي الي بتسحتينها .. مب مشكله عندي ... تسدني لمسة ايدج ...
الله يلعنه .. عنلالالالالالالاته ... و ظهرت رووضه و هي تربع من الزيغه من رمسته ......
الشي الي ماكان لا مبارك و لا روضه .. يتوقعونه .. هو ان حد ممكن يسمعهم .. و للاسف هالحد كانت شما ... كانت يايه تشووف روضه .. بعد ما قالتلها عوشه ان مبارك نزلها عند باب الفله و راح صووب الميالس ... يت شما عشان تشووف روضه ... و سمعت تقريبا اغلبية رمستهم ... اااخر شي كانت شما تتوقعه ان مبارك يحب روضه .... هذا الي فهمته شما من الكلام ان مبارك يحب روضه ... بس روضه ما تحبه ... ما كانت تريد انها تيلس تتسمع كلامهم ... بس خافت ان سالم و الا سعيد و الا أي واحد ايي صوب الميالس و يسمع كلام روضه و مبارك ... و خافت على ربيعتها ... بس يوم حست ان روضه بتظهر من الميلس ... راحت و وقفت عند مدخل المغاسل .. عشان ما تشوفها لا روضه و لا مبارك ... و لا يحسون انها اعتدت على خصوصياتهم ... بعد ما تأكدت شما ان روضه راحت ... طلعت من المدخل .. و توها بتنزل من الدري ... و الا ان مبارك ظاهر من الميلس ...
شافها مبارك ... و كان خايف لا تكون شما من زمان هنيه و سمعت الرمسه ... هو مب خايف على عمره ... لا هو خايف على روضه ... ما ايريد حد يمسها بأي كلمه ...
مبارك : مرحبا و الله بشمامي ...
شما و هي مرتبكه : هلا هلا مبارك ... شحالك ؟؟؟..
مبارك : بخير ربي يسلمج الغاليه ... انتي شحالج و وش اعلومج ..؟؟؟
شما : الحمدلله .. بخير
مبارك : يالله عساكم دووم في خير انشالله ..
شما : انشاااااااالله ..
و تمت شما ساكته و مبارك ساكت ... كان مبارك شاك ان شما سمعت الرمسه .. بس يوم شافها مرتبشه و تتحاشى انها تشوفه .. تأكد انها سمعت الرمسه .... احسن عشان تعرف حدود العلاقه من بيننا .. و لا تعشم نفسها بي ..
شما : امممممممممم ... سالم ما ياك ؟؟..
مبارك : لا مره محد ياني ..
شما : اها ... اوكي برايك برووح عند عويش و البنات ..
مبارك : جدامج الرحمن الغاليه ..
و راحت شما الفله و لقت روضه هناك عند عوشه و وديمه ختها ... تمن البنات يسولفن ... بس كانت روضه من فتره لفتره تسرح عنهن .. كانت تتذكر مبارك و كلامه ... صدق هالانسان سبّة عذابي و علّة امراضي ... كانت شما منتبه لروضه .... اول مره تحس انها كانت سبب عذاب اعز رفيجه في حياتها .. اول مره تحس انها كانت بتتسبب في فصل روحين ملكن بعض .. .. مستحيل اخلي الي استوالي انا وراشد يستوي بين مبارك و روضه ...
كان باقي عن ملجة وديمه و راشد يومين ... و كانن البنات ايريدن يتحنن و يتعدلن قبل الملجه و اكيييييد العرووس لازم تروح الصالون عشان يعتنوبها ... كانت شما خلالاص قد فقدت الامل في ان راشد بيرجعلها ... خلالالاص ... راشد ملك انسانه غيري .. لا و مب أي انسانه بعد .. ختيه ... خلالالالالاص راشد يحرم عليها ... و من الخاطر دعت ان الله يوفجهم ... بس ... كيف ممكن تفرح لفرحت ختها .. و هالفرحه سبب مماتها ..؟؟.. يالله .. ارحمني برحمتك ...
لا عوشه و لا وديمه كانن منتبهات لحال شما .. بس روضه كانت حاسيتبها .. و تلومت فيها اكثر بسبب الموقف الي استوى بينها و بين مبارك ... يالله ... كيف افرح بكلالالام مبارك لي ... شو انا ؟؟.. حرااااااام ... وديمه تاخذ حبيبها .. و انا اخذ الانسان الي الكل متأكد انه بيكون ريلها ..؟؟...
و على ربشت سوالف الملجه قررت عوشه انها تبات عندهن بحيث انهن الصبح بيسرحن صوب بوظبي عشان يتحنن و عشان يودن وديمه الصالون ... و روضه بترووح معاهن مع انها ما بتحظر الملجه .. بس يله .. حواطه ...
بالباجر .. شما و وديمه و عوشه و روضه .. سرحن بوظبي .. طبعا بما انهن بنات ما يقدرن انهن يرووحن مكان بدوون حرمه ... فاتفقن مع الريم حرمة محمد انهن بينها و مناك بيروحن مع بعض ... وصلن بوظبي و راحن منطقة بين الجسرين عند بيت محمد .. و كانت الريم تترياهن بالفواله .. عالساعه عشر الصبح طلعن من بيت محمد و راحن الصالون .. و كانت الريم قد حجزت لهن من قبل .
و تحنن البنات كلهن ... بس كانو بيسوون تنظيف بشره و حمام مغربي لوديمه .. فقالتلهن الريم يرجعن العصر صوب الصالون ... و رجعن بيت الريم .. و قيلن هناك ... و محمد حليله تم محبووس في حجرته .. لان الريم واااااااااايد تغار .. و ع الساعه 5 العصر رجعن صوب الصالون ...
شما : عاااااااد يوم ان ما لنا حايه ليش نرتز في الصالون .. خلنا نرووح مكان .. مب كل يووم بني بوظبي بدوون حشرة العيايز ...
عوشه : هههههههههههههههههه ...
وديمه : و بتخلني بروحي ؟؟... لا حرام عليكن .. اخاف اتم بروحي في الصالون ...
عوشه : لا انا بتم عندج ...
روضه : لا و الله ؟؟؟... ليش عاد ..؟؟؟...
عوشه : هههههههههههههههههه ... عشان اطمن على حرمت خويه ... جاد ربج حد يختطفها و الا شي .. ما فينا على حشرة المعرس .. هههههههههههههههه
كانت عوشه تقول هالكلالام و هي تضحك .... ما تدري ان كل كلمه تقولها تذبح شما ..
شما : حشى و الله احس عمري ضايجه من ريحة هالتصهوير ... خلنا نطلع ... و راحت شما ولحقتها الريم و روضه ..

. و في السياره ..

الريم : بتخبركن .. انا قاصرني قشار من الجمعيه .. شو رايكن اوديكن كارفور في المارينا ..؟؟..
شما : لا دخيلج ... ما ابغض شي كثر المارينا ...
الريم : وين عيل تبيني اوديج ..؟؟..
شما : شوفي بنروووح جمعية بوظبي .... و مناك بنرووح الموووول ..
روضه : شما عقلي .. وين المول و ما عندنا ريال ... لالالالالا ..

نزف الأحاسيس
08-10-2006, 11:35
شما : يالله عليج ... ترى الريم عندنا ...
الريم : بسم الله عليّه .. ليش شميم شو تشوفيني جدامج .. ريال ؟؟؟..
شما : هههههههههههههههه .. و الله انتي ادرى بنفسج ... هههههههههههههه ...
و في النهايه راحن الجمعيه و اشترت الريم الي قاصر عليها .. و بعدين راحن المول من الدري الي بين الجمعيه و المول ... و هن توهن عند السلم المتحرك ...
روضه : شمامي .. تحذري لا يطويج هالسير ...
شما : يالله يعله يطويج قبلي ...
روضه : ههههههههههههههههههههه ...

و في هاللحظه كانو اربعة شباب توهم نازلين من الموول بيروحون صوب الجمعيه ... كانت روضه وااااايد تخاف من السلم المتحرك ... ركبت شما و ركبت الريم ... و روضه بعدها ...
شما : رويييييييييييض ... يالله ...
روضه : انزييييييين لا تمين تباغمين ...
انتبهوو الشباب على شما و روضه و هن يالسات يكلمن بعض و معليات صوتهن ... و لا واحد منهم قدر انه يرفع عينه عن روضه ... حشى يا عرضتها اسميها تعق الطير من السما ..
قال واحد : الشييييييييييييييييييييييييمه مستشفى ...
و يلسوو الباقين يضحكون ... من شافتهم روضه .. ما حست بعمرها .. الا و هي تركب الدري ..
...: و الله ما اخليها ..
...: شو وين تبى ... يا بويه خلها عنك ...
...: لا و الله ما اخليها ....

و يرجعون الشبيبه صوب الدري الي يودي صوب المول ... روضه من ربشتها و خوفها من الشباب ... ركبت الدري بسرعه .. فداست على عباتها بالنعال .. فأنفتحت العباه .. ما انتبهت روضه .. و وصلن المول .. كان كل الشباب من يشوفونهن لازم يعلقون عليهن .. و هن كانن متعدلات .. يعني عدله محترمه .. و حاشمات عامارهن ... كانت روضه لابسه لبس بني وااااااااايد حلوو .. و شما لابسه ازرق .. الريم لابسه عباه مسكره و متنقبه .. و تمو هالابعه يلحقونهن من مكان لمكان .. راحن صوب اوكسجين و عيبتهن لبوسه عنده فأشترلهن لبوسه ..

شما : اريد ارووح كان كان ... البنات في الكليه يقولن في تشكيله يديده نازله عندهم حلوه ..
علق واحد عليها : انتي بكبرج حلوه لو لابسه يونيه بتطلعين قمر .. ما تخربين في ذمتيه ...
ذبحوهن الشباب بتعليقاتهن ... كانت روضه تسكت .. ما تحب انها ترد على حد ... بس شما و الريم ما كانن يقصرن في السب
تمن يدورن كان كان ... مب متذكرات هو في أي طابق و الا وين مكانه .. ركبن الطابق الثاني و هالاربعه بعدهم وراهن ...
روضه : انتبهتي لهالسبلان .. من الجمعيه و هم يلحقونا ..
شما : منوه ..؟؟؟ .. و جان تفتر وراها ..
....: يا ويل حالي على اللابس ازرق و الله ..
شما : يعل حالك السل انشالله ...
...: انزين ليييييييش تدعين ؟؟؟..
شما : عيب عليكم ..
رد واحد ثاني عليها : انزين انتي ليش معصبه ..؟؟؟.. هدي اعصابج ..
الريم: يا بويه حشمو من الحرمات .. شو هالحركات ..؟؟...
رد عليها هو نفسه : و الله يوم هالحركات مب عايبتنج .. شعنه تحوطين في المووووووووول ..؟؟..
شما : و الله انك ما تستحي و لا تخيل ...
...: الغاليه .. لو استحي ما يبت عيال ...
سكتت شما من قالها جذيه ..
روضه : الا ما ظني بتظوي الرياييل .. يوم ان المريله بعيده عن لحيتك ...
سكتوو كلهم .. كانت روضه ساكته و لا تكلمة و هذي اول مره ترد عواحد ...
رد واحد غير عن هالاثنين الي كانو يترادودن معاهن : السمووووووحه منج الشيخه .. و ااسفين ان ازعجناكن و الا غثيناكن .. شباب يله ..
مشن قوم روضه و سمعن واحد يقوله ..
...: بوغيث شو بلاك ...؟؟؟...
مطر : .. ياخي عيب و الله ... و الله بهدلتو البنات ..
...: و انت شو عليك منهن ..
مطر : لو هن من هلك بتقول شو عليك منهن ..؟؟؟..
و ما سمعن باقي الرمسه .. و في النهايه راحن و لقن كان كان .. و عقب ما خلصن رجعن صوب الجمعيه .. و نزلن عند الباركنات وين كان الدريول موقف السياره ... بس مالقنه ..
تمت الريم تتصلبه .. كان الحبيب في المول يحووط .. تمن واقفات عند السياره يرقبن الدريول ... خصف واحد عليهن و طول عالمسجل .. كان حاط خالد عبدالرحمن ..
( احبك لو تجافيني .. على كل الخطى مسامح.. احبك يا نظر عيني .. و رضاك الزم .. )
شما : ما حطيت ميحد يوم حطيت ...
ما انتبهت شما ان الريال سمعها .. كان عنده اكس فايف ابيض ..
روضه : ايه ياالسباله سمعج ..
شما : و الله ؟؟؟؟...
....: ما طلبتي الشيخه ..
و جان يحط ميحد ..
( ورد جوري يفوع وجناتك ... و الزمرد فيك خصيته .. و المحاسن في تحياتك .. رد قلبي يوم شليته ..ما خلج مثلك و شرواتك .. بالخليج و لا بعد ريته ..)
...: الشيخه الرقم ########..
و في هاللحظه وقف عندهن واحد و نزل ...
....: رب ما شر خاواتي ...؟؟؟..
عرفنه ... كان مطر الي كان واحد من الاربعه الي لحقوهن و تواجعن معاهم ..
الريم : ما شر ... يالسات نرقب الدريول ايي ..
مطر : اها ... عيل الشيخات لو ترووحن .. و تتترينه هناك عند البوابه اخيرلكن .. بدل ما يعلق عليكن كل من هب و دب ...
و ان الدريول توه ياي صوبهن ...
الريم : لا مشكووور الشيخ .. الدريول وصل .. تسلم ..
مطر : ربي يسلمج ...
و ركبن السياره و راحن الصالون و شلن وديمه ... بس عوشه ما رجعت عندهن ... قررت انها اتم عند الريم عشان ترجع رماح عندها هي و محمد و عيالهم ...

في هالوقت ... في رماح ...

كان مبارك في حجرة عبيد خوووه ... يشووفه و هو يسولف في النت ...
مبارك : ياخي ما ادري كيف تستحمل مجابل هالكمبيوتر ..؟؟؟...
عبيد : عادي ... الي يتعود عليه يشووفه شي سهل و حلو ...
مبارك : ما احب اني اكلم حد ما اعرفه هو منوه و شو من الجبيله ولد منوه ...
عبيد : ههههههههههههههههههه ... ليش ترني بناسبه ... الا سوالف عادي يعني ..
و في هاللحظه يدخل راشد عليهم ...
عبيد : لا شي مستوي في الدنيا بروووك و رشووود عندي ....
مبارك : طاع هذا ... شو بروك و رشوود ؟؟... عنلات صداك .. اصغر عيالك ..؟؟..
راشد : لا .. و لا جنا خوانه الي اكبر منه ..
عبيد : حشى يا الشوااااااااااااب حشرتوني ...
راشد : لا خوك يباله وليه ...
مبارك : الا وليه بعصاه محنايه ...
عبيد : ههههههههههههههههه ... لا عقالك اهون ... ههههههههههه
راشد : ههههههههههههههههههه ... لا وين عقاله .. خوك مره نطب السفره و العقال ..
عبيد : هيه صدقك ... لا و مرتب شعره الحبيب بعد ...
مبارك و هو يلمس شعره بأيييده ..: فديت شعري و الله ... شو نسوي .. نرجع ايام الصبى و الشباب هههههههههههههههههههه ..
راشد : ههههههههههههههههه ... اقول .. الشباب عازمينا باجر ...
مبارك : أي شباب ...؟؟..
راشد : شباب هيلي ... محمد النعيمي و الشبيبه الباجين ... عازمني .. على قولت النعيمي بنحتفلبك حفلة الوداع .. ههههههههههه...
عبيد : انزين انت الا بتملج ... يوم العرس يسوون هالعزيمه ...
راشد : لا هو بدووون شي يعزم .. و يبون سبه حق السوالف و اللمه ...
مبارك : تصدق من زمان اعديبهم و الله ...
راشد : خلالاص عيل بنتخاوى باجر صووبهم ..
مبارك : خلاص تم .. باجر الاربعا صح ..؟؟؟
راشد : هيه ...
مبارك : خلاص عيل ...
راشد : و هاه عبيد .. ما بتخاوينا ..؟؟...
عبيد : الرحمن ... خلوني انا بعيد عن شلتكم الصايعه
راشد : هههههههههههههههههههههههههههه ...



....***... اااه يا من رووحه اعتلت و اصبحت في حسب لمواتي ...***....

يوم الاربعا قبل ملجة راشد بيوم ...

ام مبارك : امنه ... ما قلتلج عوشه متى بتي هي و محمد و حرمته ..؟؟...
امنه : انشالله عقب ما يرد محمد من دوامه و يقيل شوي بيون ... عالعصير جذيه ...
ام مبارك : زين عيل ... الا ظنج بوج عزم رفاجتنا في الخزنه و الختم ؟؟...
امنه : ما ادري اسمعه يقول بيعزمهم .. الا ما يعرف ترتيب قوم خالوه جن يبد البيت عندهم و الا لا ...
ام مبارك : ذاك البيت العود وين ما بيبد ...؟؟....
و تتصل ام مبارك بريلها حمد ...
أم مبارك : إلا بتخبرك دعيت حد من رفاجتنا ؟؟؟...
بومبارك : لا بعدني ... أخاف بيت ختج ما يبدهم هالعربان ...
أم مبارك : لا بيبدهم .. مشالله بيتها عووود و بيبدهم كلهم ..
بومبارك : ع خير انشالله ...
أم مبارك : .. انشالله ... اوووه لا تنسى قوم بن هواااش
بو مبارك : لا ما بنساهم ..

و في الوثبه الجو ربشه يرتبوووون و ينظفوووووووووون .. كان الجو حلو .. غير ربشه
الكل كان فرحان و يعلق .. الا شما الي من رجعت من بوظبي و هي مب في حاله .. كل ما تتذكر كلام عوشه (عشان اطمن على حرمت خويه ... جاد ربج حد يختطفها و الا شي .. ما فينا على حشرة المعرس .. هههههههههههههههه)
يالله يعني راشد يتكلم عندهن عن وديمه ... معقوله راشد نساني بشوفته لوديمه ..؟؟؟.. معقوله يكون راشد حب وديمه صدق ... ؟؟؟... حرااااااااااااااااااااااااااااام ليييييش انا من بين الناس الي يستويلي هالشي ... راشد باعني و خلاني ... و يوم رضيت بمبارك لقيته يحب انسانه غيري لا و ربيعتي بعد ... شو هالحال ... انا شو سويت في حياتي عشان انظلم ..؟؟...
و روضه من بعد ما سمعت كلام مبارك لها و هي مب في حاله ... يالله .. اصدقه و الا اجذبه ..؟؟.... انزين لو ما كنت اعني شي لمبارك ما قالي هالكلالالام ..... يالله يعني مبارك يفكربي مثل ما انا افكربه .. يالله ... فدييييييييييييييييييته ... كانت روضه سرحانه في احلام يقضتها و ما حست بشما حرمة خوها و هي تدخل عليها الحجره ...
شما : روييييييييييييييييض ...
روضه : ...... هلا شما ..
شما : شو هلا شما ..؟.... شو وين دارج من ساعه اكلمج و لا تردين ..؟؟؟
روضه : السمووووووووحه منج .... و الله ما انتبهتلج ...
شما : اكيييييد و الا ما خليتيني ارمس عمري ...
روضه : هههههههههههههههه ......
شما: ههههههههه .... مريم ختج بتظوي اليوم ...
روضه : و الله ..؟؟؟...
شما : هيه امس ترمس عمتيه .. بتي هي و ريلها و عمتج بخيته ..
روضه : و حموووووووووم ما بتي ..؟؟..
شما : لا ما ظني تقووول خليفه ولدها مريض و لا تروووم تي ...
روضه : حشى خاواتي ما يووصلنا الا في المناسبات ...
شما : حرااااام عليج .. درب ليوا و غياثي هب هين .. تبينهن كل يوم ينسحتن في هالدرب و كل وحده بعيالها ...

نزف الأحاسيس
08-10-2006, 11:35
روضه : الي يبى الصلالاه ما تفوته .. لو يبن بيهوووون عليهن هالدرب ...
شما : .. حرااام عليج ..
روضه : هههههههههههههههههه .... علومج ؟
شما : اووووووووه .... نشي نشي بسرعه يدوووه محتشره ما خلت حد ما هزبته ...
روضه : ليييييييييييييييييييييييش ..؟؟؟
شما : روحيلها و شوفيها ...
و تروووح روضه صوب يدتها ... كان عندها عم روضه بو ميثه و بو روضه و سلطان و محمد و ام روضه و منصور ولد عمها ..
سلمت روضه عليهم ...
روضه : رب ما شر يدوووه ...؟؟؟..
يدت روضه : ادريبكم تبووون نفادي ...
بو ميثه : فديتج .. لا تقولين هالرمسه ....
يدت روضه : لا لالالالالا ...
بو روضه : يا امي عيني خير ...
يدت روضه : يوووم انكم رمستيه ما تتصوخولها .. و ما تشاوروني .. سلالالامتكم خلالالاص .. مره من تي بخيته بخليها تشلنيه و بروووح غياثي ...
روضه : فديتج يدوووووووووه ... شو مستوي شعنه متغيضه ..؟؟؟..
يدت روضه : تنشدي بوج و عمج .... لا يستحووون و لا يخيلون ...
عم روضه : انزين شو تبيني اسويبها ... البنت ما طاعت ...
يدت روضه : و من متى للبنت شوووووور ؟؟؟... ما حيد شاورنا خاواتك .. و الا سوينالهن شووور ...
عم روضه : يا امي الحال تبدل ...
يدت روضه و هي تقطع رمسة ولدها : صه .. مره قطعها الرمسه يوم هاي رمستك ...
يدت روضه : رويض .. ظربي لمسودت الويه خليها تي .. و الا و الله لا اييها بهالعيره ...
و تنش روضه و تتصل بميثه بنت عمها ... و رجعت عندهم ...
محمد : الله يسامحك يا سلطان ربشتنا بهالسالفه ...
سلطان : لا و الله ..؟؟؟... عيل تباني اخلي بناتنا للغرب ؟؟؟..
منصور : مب سالفة تخليها للغرب ... الا ميثه اكبر منك .. حرااام تظلم عمرك بها ... هي ارووحها متلومه و لا تبى انها تظلمك ...
سلطان : لا تظلمني و لا شي ...
و ان ميثه و موزه داخلات ...
يدت روضه : ظويتي مسودت الويه ....
ميثه : .. يا ويلي .. يدوووووووووه .. شوبلالالاج متغيضه ...؟؟
يدت روضه : صه قطعيها الرمسه ... ما تبينه ولد عمج ؟؟؟... سلالالامتج ماشي .. جنج تبين العرس سلطان هاذوووه هاه ...( و اتأشر عسلطان ) ..
روضه : يدوووه العرس مب غصب .. ما ترومون تغصبونها عشي مب من خاطرها ...
يدت روضه بنقمه : شووووو ؟؟؟... تبيني افج براسها تتنقى بين الريايييل ... لا سلالالامتج ..
سلطان : رويض دام ان الرياييل يرمسون مالج رمسه ...
منصور : و الله هي ما قالت شي غلط .. ما تنطقت الا بالحقيقه ..
يدت روضه : صه ... يالله متى بتملجون ..؟؟..
عم روضه : هاذيه البنت عندج .. شاوريها ..
يدت روضه : اشاورها بعد ؟؟... بتبطي ما لها شووور ... هاه سلطان متى تبى تملج ..؟؟..
بو روضه : يالله عليج يا امي .. الشور اللحين عند سلطان و الا عندنا
يدت روضه : يوم انك انت و خوك ما قصيتوها الحيه .. لا مره مالكم شووور ... ولدك غدى اريل عنك ..
و يطالع بو روضه بنقمه صوب ولده سلطان .. و فجأه ان محمد يظحك ..
بوروضه : و انت ش يضحك بعد ..؟؟؟...
محمد : سلالامتك الغالي ...
سلطان و بخبث : هاه العروووس متى تبين الملجه ...؟؟؟...
ميثه : و الله الي تشوفونه ...
عم روضه : بنتي جن في خاطرج شي رمسي لا تسكتين ..
يدت روضه : و شو فخاطرها بعد ..؟؟؟... ما شي .. بس عليها يوم بيظويها سلطان ...
سلطان : الا بس عليه يوم بظوي ع الميث ...
روضه و هي تكلم ميثه بصوت واطي : اممممم .. الميث بعد ... السالفه فيها شي ..
ميثه و هي تقرص روضه : جب ..
و من قرصت ميثه بغمت روضه ..
يدت روضه : بتخبركن .. شعندكن تتغامزن ..؟؟؟..
روضه : ههههههههه ... ماشي يدووووه .. الا ميثه ما فيها تصبر تقولكم متى الملجه ..؟؟؟.. هههههههههههههه

نزف الأحاسيس
08-10-2006, 11:36
ميثه : يالزفته .. و تفر الكنينكس على روضه و تنش عنهم ...
سلطان : ههههههههههههههه ... ردي ردي انزين بنتشاور عالملجه ...
منصور : خلها خلها ...
محمد : يالله رويض نشي .. مالج يلسه بين الرياييل ...
روضه : لا و الله ؟؟؟... انا مب يالسه عندكم انا يالسه عند يدوووووووووووه ... و تنش و تلوي عيدتها .. فدييييييت يدوووووه ...
عم روضه : ههههههههههههه .... البنات محد يغلبهن ..
بو روضه : ههههههههههه ... عاد ما عندنا اغلا من روضه ... سميت عيوزنا الاوليه ..
يدت روضه : هيه و الله سميناها على امي ..
منصور : حليلي و انا تراني مسماي على بوج .. و الا انا مالي رب ..؟؟...
سلطان : هههههههههههههه ... لو انت رويييييض بيهببونك و بيسندونك ...
روضه : لا و الله ؟؟...
عم روضه : لالالا .. كله و لا يدتنا ..
روضه : اتشووووف عمي .. ايه سلطوووووووووون ... لا تسب و الا تراني بخلي يدوووه ما تخليك تاخذ ميثوووووه ...
سلطان : لا تره بشووورج الشيخه ...
منصور : انا واحد من الناس ما بخليك تاخذ ختيه جن روضه ما طاعت .. و يلتفت منصور صوب روضه .. هاه شو الراي .. مرخصتهنم و الا لج شوور ثاني ؟؟..
من كلم منصور روضه .. حست بشي غريب ... هي مب متعوده ان منصور يكلمها ... منصور ولد عمها عمره 24 سنه .. كان يدرس في لندن .. و توه ياي البلالالاد ... مزوووووووحي رهيب .. واااااايد ينكت .. اطول واحد في العايله ما شالله عليه ... كان خاطب بنت خالته .. بس ما الله تمم من بينهم .. و انفصلوا .. راعي سفرات و روحات و ييات .. انسان متفتح يعني .. و هاااااااادي و لا يعصب بسرعه و لا يزعل من حد .. دومها روضه من هي ياهل ترتاحله واااااااايد ..
في النهايه طلعت عنهم روضه و خلتهم يحددون الملجه و هالسوالف .. و راحت و يلست عند بنات عمها و يلست تتغيلس على ميثوووه ... و شوي و ان شما متصله بها ...
شما : روضه و الله بنخنق من يلست البيت ... تعرفين .. الكل مرتبش و يرتبون ... رويييييييييييييض خلاص راشد بياخذ وديمه ... و يلست تصيح ...
روضه : يا ويلي عليج يا شما .. فديتج .. خلاص احنا ما اتفقنا انج تنسين راشد ...
شما : انسى شووو ؟؟.. حرااااااااام عليج .. الي في قلبي صوب راشد شي بنته هالسنين الطويله ... و الله يا راشد انه نظر عيني ...
روضه : شما تراج تذبحين عمرج بهالكلالالام ...
شما : انا انذبحت في اليوم الي خطب فيه راشد وديمه ... خلاص تميت جسد بلا روووح ...
روضه : خلاص شما فديتج .. انا اللحين بييج ...
شما : لا انا بييج .. و الله مب قادره اجابل هالبيت ... يا ويلي يا روضه ... ليتني مت قبل لا اشوووف هاليوم ..
روضه : بسم الله عليج من هالرمسه ... شما حطي الرحمن في صدرج و عيني من الله خير .. و قل لن يصيبنا الا ما كتب الله لها ..
شما : و نعم بالله ..
روضه : خلاص .. غسلي ويهج و تعالينا .. و بتصل بالبنات و بخليهن اين بعد ..
سكرت شما عن روضه .. بس بعده حاز في خاطرها .. خلالالالاص لو كان ممكن ان راشد في يوم ياخذها .. ترى هاليوم بيكون في احلامها بس ... انكتبلهم البعاااااااااااد .. و مستحيل الله يجمع من بينهم

كانت الساعه 7 المغرب ..

و كان مبارك توه ظاهر من حجرته متعدل الريال .. عشان العزيمه الي مسوينها الشباب لراشد .. كان راشد يالس يترياه في الصاله و كان بوه عنده ..

راشد : هاه المعرس خلصت و الا بعدك ..؟؟...
مبارك : ههههههههههههههههههه ... خلصت ..
بو مبارك : حليلك يا راشد .. يا خوفي يحدروون مبارك ع وديمه باجر ..
راشد من الخاطر : ليت صدق ...
مبارك : شووو ليت صدق انت بعد ..؟؟؟... ما بقى الا ودوووم هالياهل اخذها ..
بو مبارك : لا مب لانها ياهل ما تباها .. الا يوم انها منصوريه ما تباها ...
راشد : هههههههههههههه ..... ما يريد يبتلي بمنصوريه تظهرله قرووون عقولة العيوووز ..
مبارك : ههههههههههههههه ... لا استريحوو انا ما باخذ الا منصوريه .. خلالالاص البنت توثقت في فوادي قبل عقلي ..
من قال مبارك هالكلالام .. طرى عبال راشد شما ... كانت تذبحه الغصه كل ما يتخيل ان شما بتكون حرمت مبارك ... ما يقدر يستحمل انه يشووف شما في ايد مبارك .. ما يقدر يتخيلها ملك ريال غيره .. لا و خوه بعد ... و الله حرااااااااااااااام ..
طلعوا مبارك و راشد من رماح صوب هيلي و كانو في رنج مبارك مروحين ... و هم في الدرب رن تيلفون راشد ... كان الرقم غريب .. فرد عليه ...
راشد : الوو
...: ...........
راشد : الوووو ..
محد رد عليه ... جان يسكر راشد ...
مبارك : شو بلاك ..؟؟؟...
راشد : ما ادري و الله .. محد يتكلم ..
مبارك : هههههههههههههههههه ... جاد وحده من المعجبات درت ان ملجتك باجر و متصلتلك تصيح هههههههههههههههه ...
راشد : امحق معجبات و الله ... و ترهن ما دلن دربي الا يوم قدني بعرس ..؟؟...
مبارك : هيه وايد تلقاااهن جذيه تحب الواحد و تباه يضويها منيه و الدرب .. و من اييها خبر عرسه اتصلت تنعر و تصيح و انا من سنين احبك و انا رفضت فلان و علان عسبتك .. و ما ادري شوو ...
راشد : هههههههههههههههههههه ....
و يرن تيلفون راشد ... و كان نفس الرقم ..
راشد : الووو ...
....: ..... الو ..
فز قلب راشد من سمع هالصووووت .... عرفها .. يالله من متى و قلبي يرقب راعية هالصوووت ... اااااااااه ... و الله خاطره يصيح .. حس ان العبره ذاااااابحتنه ...
تم راشد ساكت مب قادر انه يتنطق بشي ... حست شما براشد ... يالله .. هي حالفه انها تكلمه و لا تصيح ... بس ما قدرت ... انتبه مبارك ان حال راشد تغير ... و الله انقبض قلبه ع راشد و جان يلمس جتفه ..
مبارك : راشد .. شو بلاك ..؟؟..
انتبه راشد ان مبارك عنده في السياره ..
راشد و هو حاس عمره خلالالاص .. مب قادر انه يمسك عمره اكثر ..: مبارك وقف شوي السياره ..
و من قال راشد هالرمسه جان يوقف السياره تحت الجسر الي عقب اليحر و الي يوديهم صوب العين .. كانت شما بعدها عالخط عند راشد .... بس لا هي قدرت تتكلم و لا راشد .. لان مبارك كان عندهم .. اول ما وقف مبارك نزل راشد عنه .. و راح بعيد عنه ..
راشد : شحالج ؟..
شما : ..... شو تتوقع يكون حالي ؟؟؟..
راشد : .....
شما : .... فرحان ..؟؟..
راشد : فرحان !!!.... انتي تتوقعين اني بكون فرحان ..؟؟...
شما : ... اكيد .. دام انك بتاخذ الانسانه الي تعجبك ... و تحس .. تحس انها هي الي تستاهل انك تعيش باقي حياتك لها ..( ما قدرت تكمل ...)
ذبحه كلام شما ..
راشد : لا تتوقعين ان هالشي بيستوي او بيكون في حياتي .. دام ... ( يالله ما اريد اعذبها .. و لا اريد اعذب عمري ... يالله شوو اقول .. شوو اسوي ..)
شما : دام ...شوو ؟؟..
راشد : شما تراج تعذبيني ... حرااام عليج ..
شما : اعذبك ؟؟؟... و الله ؟؟؟... اذا انا اعذبك . .. انت شو تسوي فيني راشد ؟؟؟... انا شو سويت عشان تجازيني بهالشي ..؟؟؟... ذنبي اني حبيتك ...
راشد : شما صدقيني لو الله كان كاتبلنا نصيب كنا بنكوون لبعض ... بس ما لنا نصيب في بعض ..
شما : لا و الله ؟؟؟... بس لك نصيب بوديمه صح ؟؟؟؟...
راشد : شما ... لا تدخلين وديمه في السالفه ..
شما و هي تقطع رمسة راشد : لا ادخلها ؟؟.... لييييييييييييش مب هي الانسانه الي بتاخذك مني ..؟؟؟؟... مب هي الي بتكووون حلالالالك .. مب هي الي بتسكن فوادك ..؟؟..
راشد و يقطع رمست شما : ما في انسانه بتسكن فوادي من عقبج .. لا وديمه . .. و لا مية وحده غيرها ..
شما : و الله ؟؟؟..
راشد و هو مب قادر انه يكابر : و الله .. و الله و الله .. ان عمري ما حبيت انسانه غيرج .. و لا تمنيت في حياتي انسانه غيرج ...
شما : ... و ليش بتخليني عيل ...؟؟؟...
رفع راشد ويهه لسما جنه يدعي ربه يمده بالعووون .. كان مغمض عيووونه ... يالله يا ربي ليتك انصفتني بحبي لشما ...
شما : راشد ..
راشد : عونج غناتي ...
شما : طلبتك ...
راشد : ....
شما : لا تاخذ وديمه دخييييييييييييييييييييييييييييييييييييييييييييلك ... لو كنت تحبني .. لا تاخذها ...
راشد : ...... شما .. خلاص السالفه لا بيدي و لا بيدج ... خلاص الملجه باجر و لا اقدر اني اسوي شي ..
شما : حرااام عليك راشد ... انا بشر .. انسانه لي مشاعر لي احاسيس ... حراااااااام عليك ... اذا انت ما تباني خلاص لا تاخذني ... بس الشيمه .. لا تاخذ وديمه .. خذ أي وحده غيرها .. دخييييييييييييييييييييلك راشد ...
راشد : خلاص شما .. هالكلام ما منه فايده ...
شما : انت ما تحس ..؟؟؟؟....
راشد : ليتج تحسين بالي في فوادي ثواني بس ... و جان ما قليتي هالرمسه ..
شما : يعل عيني ما تنظرك يوم عرسك بانسانه غيري ...
راشد : شما شو هالكلالام ..؟؟...
شما : نفادي و نفاد الدار بدوونك يا بو سنيده ...
راشد : خافي ربج ..
شما : لو مب خايفه ربي جان سويت اشياء وااااااايده ... الا ما بيدي غير الدعا ... لو بيدي ادعي عليك جان دعيت ... الا المشكله ان دعيت تراني ادعي عقطعه من ينبي .. ادعي عفوادي ..
راشد : و تراج بدعاج على عمرج جنج تدعين عليه ... شما انتي كل شي فيني ... دخيلج لا تدعين على عمرج ... عساني النفاااااااااد قبلج انشالله ..
شما : صدقني اذا بتنفد قبل لا تكون لانسانه غيري .. و الله بفرح ... لاني بكون اول واخر وحده قلتلها احبج ...
راشد : و الله و الله يا هالكلمه ما اقولها لانسانه غيرج ...
من قال راشد جذه .. صاحت شما .. و الله انه يحبني .. ليش هالعذاب كله ..
ما قدرت شما انها تكلم راشد اكثر ... كان اهون لها لو يكون راشد كرهها او حتى نساها .. و لا يكون يحبها و يكون جدامها 24 ساعه عند ختها ..
راشد : شمامي .. فديتج لا تصيحين .. و الله يا دمعتج انها غااااااااااااااليه عليه ... فديت روحج لا تصيحين ...
شما : ما اقدر ..
راشد : لو كنت غالي عندج و لي غلا في فوادج .... لا تصيحين ...
شما : انت مالك غلا في فوادي ... انت فوادي و روحي و نصخ حياتي ...
من قالت شما هالكلالالام .. زلت دمعة راشد ... مسك نفس بس خلالاص .. ما للمريله مكان في الحب ..
سمعت شما راشد يصيح ...و ذبحها هالشي ... عمرها ما توقعت ان راشد ممكن يصيح في يووم عشانها و الا عشان الي من بينهم ..
كان مبارك يشوف راشد و هو يكلم شما بس هو طبعا ما يعرف هو منوه يكلم ... اول مره يشووف راشد بهالحال .. كان يشوفه و هو يمشي و هو يالس حس بهموم الكون كلها عفواده ... عوره قلبه ع خوه ... هو عرف ان راشد يكلم وحده لان شكله و هو يكلمها مب شكل واحد يكلم واحد من الشباب .. فجأه شاف راشد يلس عالرصيف .. و حاط ايده عويهه .. مثل الي يدس ويه عن الناس ... في هاللحظه نزل مبارك من سيارته .. الله يلعنها هي شوو تقوله ..اول ما وقف مبارك عدال راشد .. شاف راشد و هو يصيح ... اول مره مبارك يشوف راشد بهالحال .. ما حس بعمره الا و هو ياخذ سماعة التيلفون من ذن راشد
مبارك : الله يلعنج .. انتي شو قلتيله ...؟؟؟...
من سمعت شما صوت مبارك .. سكرة التيلفون ..
مد مبارك ايده لراشد .. وقف راشد .. و هو مب حاس بعمره .. لوى ع مبارك و صاااااااح ... ريال بلحيته تخطى 24 من عمره .. يصيح .. اااه يالقدر كيف تظلم و لا تنصف ... اول مره يحس مبارك انه هو العود و المفروض انه يعين خوه ... المعونه ما تكون في الفلوس و الا الحايات ... معونة راشد بقلب يسمع ااهاته و عذابه ... بس انا ما بايدي شي دام ان راشد ما رمس .. ما اقدر اني ازيد عليه .. تموو واقفين شوي الين ما هدى راشد و عقب رجعوو السياره ... تم راشد ساكت و لا هب عارف شو يقول و لا يسوي .. و هذا الحال ع مبارك بعد ..
مبارك : راشد .. ما تبانا نتصل بمحمد و نكنسل الرووحه ..
راشد : لا ...
مبارك : ما اشووف حالتك تسمحلك بلمت الشباب و حشرتهم ...
راشد : ااااااااااااااااه .... خلها على الله انت بس ...
كان مبارك يريد انه يكلم راشد ... يشووف شو الي متعبنه .. شو الي مثجل اهمومه .. ؟؟؟.. بس حس ان راشد ما يريد انه يكلمه في أي شي و هو احترم هالشي في خوه و لا حب انه يزعجه ..

و في الوثبه ..

نزف الأحاسيس
08-10-2006, 11:37
من سكرت شما عن راشد و هي تصيح ... بعدين راحت صوب روضه ... كانت مريم خت روضه قد ظوت عندهم .. و بنات عمها و عمتها كلهم موجودات .. كان الجو حلو .. حاولت روضه انها تنسي شما شوي من احزانها .. و عقب ما تعشوو .. يلسن البنات في صالة يدت روضه عشان يسولفن عليها ...
يدت روضه : ميثه .. اباج تلبسين ثووب يوم عرسج ..
موزه : لا يدوووووووووه ... محد يلبسه الثووب اللحين .. ودروووه ...
يدت روضه : شووووه ؟؟؟؟... لا لا سلامتج .. عيل تبينها تتفصخ بهالكنادير الي يلبسونها؟؟؟!!!! ... تبينها تلحق بنت عوشه ... ما رامت تيب لبنتها ذراع تستر عظيماتها ..؟؟؟...
روضه : ههههههههههههههههههههههه ... يدوووه .. الموضه جذيه ..
يدت روضه : موضي ؟؟؟... و موضي هي الي منعتهم ..؟؟؟... غربلات هالحرمه لا تستحي ولا تخيل جنها خلت بنت عوشه منتفه ...
مريم : ههههههههههههههههههه ... لا فديتج هب موضي ...
شما حرمت محمد : ههههههههههه حسبي الله عليج يا رويض باجر يدتج بتمسك الحرمه تتهزبها ...
روضه : هههههههههههههههه ... حليلي انا قلت الموضه .. هي الي سمعتها موضي ..
يدت روضه : بتخبركن .. ما عندكن دق ...؟؟..
ميثه : افا عليج عندنا ...
يدت روضه : عيل حطلنا دق .. خلنا نسمعه بدلال طاري موضي .. الله يكره ذاك الويه ...
و نشت روضه و يابت المسجل و شغلته و يلسن البنات الي تنعش و الي ترقص ...
يدت روضه : وووووووووووه غربلات طويز ... تهتز بكبرها ...
موزه : ههههههههههههههههه ... يدوووه .. ارقص ما اهتز ...
يدت روضه : هاذا الخراب الي تتعلمووونه من مسراحكن كل يوووم .. نقضي راااااسج و نعشي شرات بنت عمج ... و هالدبي الي يدبي في كناديرج اظهريه ...
مر الوقت و لا حسن ان الساعه قدها بتوصل 12 فليل ... نشن البنات كلهن عشان يوصلن شما بيتها .. لان بيت شما في الفلل و قوم روضه بعدهم ما انتقلوو صوب فلتهم .. و تمن البنات يمشن اللين ما وصلن شما بيتهم ... كانن البنات يريدن يسلم على وديمه و يباركلها بالملجه ... فدخلت شما و روضه عشان يزقرن وديمه ... كان الجوو مرتبش في البيت ... كانت ام شما يالسه و تصيح ... و سالم يرمس في التيلفون ... كان البيت منعفس فوق تحت ...
شما : شو بلاكم ...؟؟؟...
وديمه و هي تصيح : مباااااااااارك ...
وقف قلب روضه ....
شما : منو مبارك ..,,,؟؟؟..
وديمه : ولد خالوه سلامه .... سوى حادث ...

...***انشدك بالاه لي طفت برفاتي ... لا تخلي دمعة اعيونك تسيل ***...

شما : شووووووووووووو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟....
و روضه الين اللحين مب مستوعبه الي يستوي ... مبارك سوى حادث ؟؟؟؟.... شو يعني ...؟؟؟؟..
روضه : شووو يعني مبارك مات ؟؟؟؟؟...
شما و تلوي عروضه و هي تصيح ... ...
روضه : لا مبارك حي ... صح شما ..؟؟؟؟؟....
شما : مااااااادري ... و تمت تصيح ...
روضه : ودووووم ... صح مبارك بخير ..؟؟؟؟... صدق مبارك حي ؟؟؟.... هههههههههههه ... عن الطنازه .... عن هالحركاات شو مسويات مقلب حظراتكن ..؟؟؟...
سالم : يا خي شووو ما تعرف الموجودين عندكم ...؟؟؟؟؟.... الريال مسوي حادث عطريج العين ... و يابووووه عندكم ...
...: يا اخي و الله ما بعرف .. انا هالساع جاي و لا بعرف بالحالات الطارئه الي دشت المستشفى .. بس ازا بدك بسألك ....
سالم : ياخي حللوو معاشاتكم ... عنلاتك و عنلات الي وظفك ...
و يسكر سالم عن راعي البداله و هو معصب ...
ام شما : بشر فديتك شو الحال عليه ...؟؟؟؟
سالم : و الله ما ياني خبر ... ما يعرفون منوه الي دخل المستشفى ....
ام شما : ياويلي عليج يا سلالالالامه ...
و اخيرا حست روضه ان السالفه حقيقيه .. و لا حست الا و الدنيا ادوربها ...
شما و هي ماسكه روضه . : فديتج رووووضوووووه ....
روضه و هي تصيح : لالالالالالا ... شما دخيلج قوليلي ان مبار ك ما مات .. دخيييييلج شمووووه ...
سالم : اييييييييييييييييه ... سكتن اريد اسمع ...
عبيد و هو يكلم سالم في التيلفوون : و الله ياخي مرتبشين ... و الله اني مب في حاله ...
سالم : و منوه يابلكم الخبر ؟؟؟...
عبيد : واحد من الشباب شاف سيارة مبارك عقب الحادث ... و اتصلبي .. و من ذيج الساعه و انا مب في حاله ...و اللحين اسير صوب تواااام ...
سالم : و خالتيه شو الحال عليها ...؟؟؟؟...
عبيد : ما ادريبها ظهرت عنها ... و احيدها هي و البنات في ريده وحده ...
سالم : و خالي وصله الخبر ...؟؟؟؟
عبيد : لا بويه مخاوي الشيووخ باكستان و لا حد اتصلبه .. ياخي مب متوثقين من السالفه و لا هب عارفين شووو عووقه ... انشاااااااااااااااالله انه ما يكون متضرر ..
سالم : انشاااااااااااااالله ...
ام شما : ووووووووووووه ... راشد عنده خبر ؟؟؟..
و في هاللحظه تذكرت شما اان راشد كان عند مبارك في سيارته ...
شما : لالالالالالالالالالالالا.....
سالم : شعندج .؟.......
شما و هي ميته ياويلي ... و راشد ... ياويلي ...
و تاخذ شما روضه من ايدها و تسحبها في الصاله الخارجيه ...
شما : روضوووووووووووه .... راشد عند مبارك .....
روضه : شووووووو ...؟؟؟؟؟.... لالالالالالا .. لا تقولين ؟؟...
شما : يا ويلي .. ياويلي ...
و تمن لاويات عبعض و يصيحن .. و مب عارفات شوو مصير لا مبارك و لا راشد ...
و تدخل وديمه عليهن و هي ميته ....
وديمه : شموووووووووووه ... لحقيني ...
و تفز شما : شووووووووووووووو..؟؟؟؟؟؟؟؟؟؟؟
وديمه : قالوو ان واحد توفى في الحادث ...
شما : شووووووووووووووووووووووووووووووو ....
روضه : لالالالالالالالالالالالالالا ... لا تقولين ان مبارك مات ..؟؟؟؟؟؟....
وديمه : لا يقولن واحد كان عنده هو الي توفى ...
شما : لالالالالالالالالالالالالالالالالالالالالا .... راااااااااااشد ...
و كانت هذي اخر كلمه نطقتها شما ... و من بعدها اغمى عليها ... و تربع روضه و وديمه صوبها ....
وديمه و هي ميته من الصايح : امييييييييييييييييييييي ..... لحقيني .... سااااااااااااااااااااااااااااااااااالم ...
و يدخل سالم و هو يربع ...
سالم : شووو بلاها ...؟؟؟؟...
روضه : فديييييييييييتج شمووووووه نشي ... شموووه فديييتج ... و يلست روضه تصيح .. تصيح راشد .. و تصيح مبارك ... و تصيح حال شما ... و في هاللحظه دخلن خوات روضه و بنات عمها الي كانن يرقبنهن في الحوووش بعد ما تأخرن عليهن ...
شما حرمت محمد : شوووووووو بلالالاكم رب ماشر ...؟؟؟؟؟؟..

نزف الأحاسيس
08-10-2006, 11:38
روضه : يا ويلي يا شما ........ و يظهر سالم عنهن ...
و يتصل بسعيد خووه ...
سالم : سعيد وين انت ؟؟..
سعيد : و الله الا في الدار ... علومك ..؟؟.
سالم : ياخي مبارك ولد خالتيه سوى حادث و لا هب عارفين شالحال عليه ..؟؟؟؟؟
سعيد : يعله في ذمتك ..؟؟؟..
سالم : و الله ... و توني ارمس عبيد .. مسكين يسير صوب توام ..
سعيد : انزين و ما عرفتو جنه متظرر وايد و الا ..؟؟؟...
سالم : ياخي ما تحيدهم في توااام خمه .. ما يعرفون بالحالات الي دخلت عليهم في الحوادث و لا ردولنا خبر ...
سعيد : متى سوى الحادث ..؟؟؟؟...
سالم : مره توه ... و يقول الريال الي ياب الخبر لعبيد ان واحد غاب و لا هب عارفين منوه هذا ...
سعيد : خلاص انا بتصل بالمزروعي و هو بيردلنا خبر عن الحادث ..
و سكر سعيد عن سالم خوه و اتصل بربيعه و قاله عن السالفه
المزروعي : مره فالك طيب ثواني و بردلك خبر ...
سعيد : فالك ما يخييييب ... و السموحه ان غثيناك نصايف الليل .. الا و الله العرب هب في حاله من وصلهم الخبر و لا هب عارفين شوو الحال عليهم ...
المزروعي : لا بالحل افا عليك ... و انشالله بردلك الخبر ...
و في هالوقت و في رماح ...
ام مبارك : عويييييييييييييييييييييش اتصلي بمبارك ... ولديه ما فيه شي .. اتصليبه ...
امنه : و الله من الصبح نتصل الا تيلفونه مغلق ...
ام مبارك : ييييبلي راشد .... راشد بييبلي الخبر ....
عوشه : اوووووووووووووووووه .... راشد و مبارك ظاهرين مع بعض ...
ام مبارك : شوووووووووووو ...؟؟؟؟...
امنه : هيه رايحين العزيمه ...
ام مبارك : يااااااااااااااااويلي ... اسميكن ما بشرتني بخير ...
و تتصل عوشه ع تيلفون راشد خوها ... و رن التيلفون ...
... : الو ..
عوشه : الوو .. راااااااااااااشد وين انت ؟؟؟...
....: اختي انتي تعرفين راعي هالتيلفون ..؟؟؟..
عوشه و قلبها انقبض : هيه .. تيلفون راشد ...
.... : انتي تعرفين حد من اهله ..؟؟..
عوشه : انا خته ...
.... : اممممممممم ... اختي راعي هالتيلفون مسوي حادث و هو متواجد حاليا في مستشفى توااام ...
عوشه : شووووووووووووووووووووووووووووووووووو ؟؟؟؟؟؟؟؟؟؟.....
.... : و الله احنا ما عرفنا الريال لان ما لقينا عنده اوراق ثبوتيه ... الا السياره الي سايقنها كانت بأسم مبارك حمد الخييلي ... و كنا نعتقد ان هو الريال ...
عوشه و هي ماسكه عمرها : انزين ... الله يخليك .. هم ثنينه من خواني ..
... : اممممم ... و الله يا ختيه ... ربي يصبركم انشالله ... كان عنده واحد في السياره و توفى ...
عوشه : لالالالالالالالالالالالالالالالالالالالالا ....
و تفر عوشه التيلفون و يلست تصاااااارخ بلا حاسيه ....
عوشه : لالالالالالالالالالا ..... مبااااااااااااااااااااااااااااااااارك ...
امنه : عوشه شووووووووووووو بلالالالالالالالالالاج ...؟؟؟؟؟؟؟؟
عوشه و تربع و تلوي على امها : امااااااااااااااااااااااااااااااااايه ... اماااااااااايه ... مبااااااااااااارك ماااااااااااااات ...
امنه : لالالالالالالالالالا.....
ام مبارك : شوووووووووووووو ......... لا لا ولديه حي .... ادريبه ... مبارك حي ... اللحين بيحد عليه
من يقول ان مبارك ماااااااااااات ..؟؟؟...
و في هالوقت كان سعيد متصل ... و تشله امنه ...
سعيد : الو ... هاه ياكن خبر ..؟؟؟؟؟...
امنه تمت ساكته مب قادره انها تتكلم و لا هب عارفه منوه هذا الي يكلمها ...
سعيد : الو ...؟؟؟...
امنه : الو ..
سعيد : عوشه انا سعيد ولد خالتج ...
و من عرفت امنه انه سعيد زااااااااااااد حزنها و تمت تصييييييييييح ...
سعيد : عوووشه شووووووو بلالالالاج ...........؟؟؟؟؟؟؟؟...
امنه : مباااااااااااااااااااارك مااااااااااااااااااااااااااااااااااااااااات ......... سعييييييييييييييييييييييد مبارك مات ..
سعيد : شوووووووووووووو ...؟؟؟؟؟؟؟؟؟؟؟؟؟
و تمت امنه تصيح و لا هب عارفه و لا هب حاسه بسعيد و لا بالكلام الي يقوله ... حاطه السماعه و لا هب قادره تفهم شي ... و لا تعرف سعيد شو يقولها ... الين ما سكر سعيد عنها ...
ام مبارك : عوشه .. اامنه .. ليش تصيحن ... خوكن حي ... مره اللحين اللحين بيحدر عليكن و هو يغني ...
عوشه و تلوي على امها بالقو : فدييييييييييييييييييييييييييييييتج اماااااااااااااااايه ..
و تتصل وحده من حرمات رماح عشان تعرف بعد ما انتشر خبر الحادث .. و كانت امنه ترد عليهن و لا تعرف شو تقول و الا شو تسوي ...
عوشه : الله يلعنهن ..... شووووووو هن ما يحسن ؟؟؟؟؟؟؟؟؟....
و ترووح عوشه و تمجع واير تيلفون البيت .. و ان خالتها ام شمامي متصله على تيلفون امها ..
و ترد عليه ام مبارك : مرحبا فاطمه ..
ام شما : هاه سلامه بشريني ....
ام مبارك : ههههههههههه ... ابشرج عن شووه ..؟؟... ههههههههههه ... تعرفين ان بناتي هب صاحيات ..؟؟؟!!!!!... ما ادري منوه الي جذب عليهن و قالهن مبارك مااااااااااااااات( و في هاللحظه جن شي حز في صدر ام مبارك) ... و ترد و تكلم ختها و هي تصيح ... تصدقين اوين مبارك مات ... طاعي فالهن ... هههههههه ... لا اللحين مبارك بيحدر علينا .. هذي ردته من الحواطه .. بيحدر و هو يغنيلي ..
امنه و هي تشل التيلفون عن امها ... بعد ما تمت تصيح بحزن ... لالالا مبارك ماا ماااااااااات ... ادريبه هذا ولديه ... مبارك حي ... اللحين بيحدر علينا ... رقبنه ...
امنه : خاااااااااالوووه لحقينا ...
ام شما و هي تصيح : يعله في ذمتكن مبارك تعوق ...؟؟؟؟؟..
امنه : خالوه مبارك ماااااااااااااااااااااااااااات و راشد في المستشفى و لا هب عارفين شالحال عليه ...
و يتصل سعيد بعبيد ... كان عبيد توه حادر توااام ... كان عند الاستعلامات ..
عبيد : الو ..
سعيد : الو ... عبيد وين انت ؟؟؟..
عبيد و يكلم سعيد و هو شرات المظيع في المستشفى .. ذابحتنه العبره يريد يصيح .. و في نفس الوقت يريد يعرف شو الحال على خوه ...
عبيد : توني حادر توام ...
سعيد : اتصلت بحرماتك ...
عبيد : لالالا .. وين فيني حال اتصلبهن احيدهن يتصايحن ..
سعيد : عبيد ... ما ادري منوه الي وصل الخبر لهلك ... الا وصلهن ان مبارك غاب في الحادث ...
عبيد : شووووووووووووووووووووووووووووووووووو ...؟؟؟؟؟؟؟؟؟؟؟... و من سمع عبيد رمست سعيد .. مارام انه يمشي و لا حتى انه يووقف ... مره و يلس عالارض في الممر ...
سعيد : عبيد ... راشد بعد متعوق في الحادث ..
عبيد : لالالالالالالالالالالا .... لالالالالالالالا ... و صااااااااااح ... صاح خوانه ... خوانه الي كان بيخاويهم في هالروحه ... خوانه الي امس بايتين عنده في الحجره ... و كانت اول مره من هم يهال يباتوون في حجره وحده ... جنهم كانو حاسين ان شي بيصيبهم ..
سعيد : عبيد انت ريال والريال ...
عبيد و هو يقطع رمست سعيد : و الريال شووو ...؟؟؟؟؟؟؟؟؟... شووو ما تباني اصيح خواني ؟؟... هاذيل خواني .. تعرف شو يعني خواني ...؟؟؟؟... و يغمض عبيد عيونه و يحط اديه الثنتين عويه .. و يسند راسه عالييدار ... اااااااااااااه ... مباااااااااااارك .. ليتني ما شفت هاليوم ...
سعيد : عبيد انا اسير صوبك .. عين خير ... و رووح شوف شالحال عراشد ...ترى راشد خوك بعد ..

و في الوثبه ..

نزف الأحاسيس
08-10-2006, 11:40
من سكرت ام شما عن ختها و بناتها و هي قافله على عمرها في الحجره .. و تنش شما و ترووح صوب امها و ادق عليها ...
شما : اماااااايه فديييييتج قوليلي شووو قاللج ..؟؟؟... امااااااااااايه فديتج ..
و تظهر ام شما من الحجره و هي تصيح ...: ادعن لولد خالتكن الله يرحمه و يكفر خطايااااااااااه ...
وديمه : اماااااااااااااايه منوه ماااااااااااااااات ... راشد ؟؟؟؟...
شما و هي تلتفت صوب وديمه : الله يعني بلالالالالالاج .. تبين تجتلينه ..؟؟؟؟...
ام شما : لا يا بناتي ادعن لمبارك ...
روضه : لالالالالالالالالالالالالالالالالا .... و ما حست بعمرها .. الا و هي مغمى عليها ..
كان سعيد توه واصل بو سمره و ان المزروعي متصل ..
المزروعي : و الله ما اعرف شو اقولك ..؟؟؟
سعيد : وصلنا الخبر ...
المزروعي : يالله عسى ربي يصبركم انشالله و يرحم الريال ...
سعيد : انزين و خوه راشد شالحال عليه ..؟؟؟..
المزروعي : و الله يقولون حالته خطيره ... من وصل المستشفى سيده دخلووه غرفة العمليات ..
سعيد : لا اله الا الله ..

و في رماح ...

عوشه : لالالا امنه ما اصدق ان مبارك مات ...
امنه و هي لاويه عليها : عوييييييييييييييييييييييييييييييييييييييييييييش حراااااااااام عليج ..
عوشه : برووح اتصلبه ...
و تنش عوشه و تتصل بمبارك خوها ... و الغريب ان تيلفون مبارك رن .. من بعد ما كان مغلق ..
و شوي و ان حد يرد عليها ..
عوشه : الووو ...
... : الو ..
عوشه : .. منوه انت ...؟؟...
.... : بن عروه ... تعرفينه ؟؟؟..
عوشه : مبااااااااااااااااااااااااااااارك ... انت مبارك ؟؟؟!!!!!!....
مبارك : لا سكني مبارك ...
عوشه : امنه هاذوووه مباااااااااارك ...
امنه : عوووشه انتي صاحيه ...؟؟؟..
عوشه : و الله انه مبارك ...
و تي امنه و تشل التيلفون عن عوشه ...
امنه : الو ...
مبارك : بتخبركن شعندكن ؟؟؟... شاربات شي انتن عتالي الليل ..
عوشه : امييييييييييييييييييييييييي ........... تعالي مبارك ..
و تظهر ام مبارك من حجرتها و هي تربع .. بتظهر برى اتشووفه ...
عوشه : لا امايه هاذوه في التيلفون ...
ام مبارك و عقب ما خذت التيلفون من امنه ...
ام مبارك : فديييييييييييييتك مباااااااااااااااااااااااارك .. فدييييييييييييتك و يلست تصيح ...
مبارك : لا انتن هب صاحيات ... شو بلاكن شو الي مستوي ..؟؟؟!!!!...

....***خليتني وحدي... دمعي على خدي ... اعاني احزاني ***....

ام مبارك : فدييييييييييييييييييييييييتك يامبارك ....
مبارك : يا ويل حالي ... العيوز تتفداني ؟؟!!!... لا ما اصدق .. من وين ظاهره الشمس ...
و في هاللحظه عبيد اتصل عتيلفون امه و شلته عوشه ..
عوشه : عبوووووووووووود ..
عبيد : عويش من الي قالكن عن خبر مبارك ..؟؟؟؟؟
عوشه : لا بسم الله على بروووووك فدييييييييييييييييته هاذوه يكلم امي في التيلفون ..
عبيد : و الله ؟؟؟؟؟؟؟؟؟؟؟؟؟؟؟؟؟؟؟؟...
عوشه : و الله ..
و يسكر عبيد عن عوشه عشان يتصل بمبارك ....
مبارك : الغاليه .. شو بلاج ..؟؟؟؟..
ام مبارك : اللحين تظوي ... اريد اشوف انك ما تعوقت بشي ..
مبارك : ما فيني عوق و لا شي ... هاذوه انعش ..
ام مبارك و هي توجه كلامها لبناتها : الله يعني بلا ولد شمسه جنه فاول عولديه بالموووووووت ..
مبارك : شوو ..؟؟؟
و تشل عوشه التيلفون من امها و تكلم مبارك ...
عوشه : فديتك يا مبارك لو تعرف شو استوابنا ... تعرفه ولد شمسه بنت يمعه ؟؟؟ ..
مبارك : منوه خالد ؟؟؟...
عوشه : ما اعرفه منوه ..
مبارك : انزين ...
عوشه : اتصل بعبيد و قاله انك سويت حادث و ان واحد عندك و غاب في الحادث ..
انقبض قلب مبارك : و هو كيف رمس بهالرمسه ...؟؟؟؟؟
عوشه : يقول انه شاف سيارتك مسويه حادث عدرب العين و ...
و يقطع مبارك رمست عوشه : شووووووووووووووووووو ؟؟؟؟؟؟؟؟؟؟...
عوشه : شو بلاك مبارك ؟؟؟؟..
مبارك : عبيد وين ..؟؟؟..
عوشه : في تواااام .. ليش مبارك شو مستوي ..؟؟؟؟...
مبارك : عوشه و الله بزوالج ان يلستي تصيحين و الا تسوين حفله فوق راس امج حرااام لا ادفنج حيه .. عيوزج ما تقهر ... سكتي ..
عوشه : انشالله .. بس شو السالفه ..؟؟؟
مبارك : عوشه دخيلج برمسج عقب .. عبيد عالخط الثاني باي ..
عبيد : مباااااااااااااااارك ..
مبارك : عبيد شو الحال ؟؟..
عبيد : انت بخير ..؟؟؟؟...
مبارك : مب المهم انا .. راشد شالحال عليه ؟؟؟...
عبيد : مبارك انا خلالالاص ميت مب عارفلي راس من ريل .. و يصيح عبيد ..
مبارك : افا .. عبيد ...شيصيحك ؟؟؟... انت ريال ..
عبيد : مباااااااااااااارك ... يا ويلي يوم قالولي مبارك مات ........ الله يلعنهم و الله يني تمنيت موتي و لا اني اسمع هالخبر ...
مبارك : عبيد ظهرلي برى تواام توني واصل ...
و يوم عبيد ظاهر صوب مبارك تشاوف مع سعيد ولد خالته ..
سعيد : هاه عبيد ...
عبيد : خلاص يا سعيد ...... حاس عمري بمووووت ...

نزف الأحاسيس
08-10-2006, 11:42
و ان مبارك داخل عليهم ... كان سعيد عاطي ظهره لمبارك و لا شافه و هو داخل بس عبيد شافه و من شافه خلا سعيد و ربع صوب مبارك .. و يلوي عليه .. و يوم شاف سعيد مبارك صخ .. يستوعب الي يستوي ... و يشوف عبيد و هو لاوي على مبارك ..
عبيد : اااااااااااه يا مبارك ؟... ما اعرف شو بسوي لو كان الخبر صدق ..
مبارك : عبيد .. شفت شو الحال عراشد ؟؟؟؟...
عبيد : راشد ؟؟؟؟؟؟؟؟؟؟؟؟؟...
مبارك : ... لا اله الا الله ... و ان خليفه حادر ..
مبارك : سعيد ... شوو السالفه ؟؟؟...
سعيد : تتخبرني انا ؟؟؟؟... يا جماعة الخير حد يقولي شو السالفه تراني استخفيت ...
مبارك : بتخبركم .. انتو شو تسووون هني و انتو ما تعرفون شالحال عر اشد ؟؟؟..
و يخليهم مبارك ... و يرووح عند الاستعلامات ..
سعيد : خليفه ... شو السالفه .. حراام يني مب عارفلي راس من ريل ... من ثواني قالو مبارك سوى حادث و غاب و راشد حالته خطيره .. و اللحين اشووف مبارك جدامي ... ينييييت انا خلاص ما تم فيني عقل ...
خليفه : يا ريال .. كل السالفه ان راشد ما يلس عندنا في العزيمه و ظهر هو و واحد من الشباب .. و خذ سيارة مبارك ...
سعيد : بس انا من ساعه اتصل بمبارك و تيلفونه مغلق ....!!!!!!!!...
خليفه : هيه ... كنا في السنما و مغلقين تيلفوناتنا ... و عقب ما ظهرنا فتح مبارك تيلفونه و ان وحده من خاواته متصلتبه .. و من عرفنا ان السالفه فيها سيارة مبارك .. عرفنا ان راشد هو الي سوى الحادث .. امبونه ظهر عنا و هو هب صاحي .. الريال مب في حاله .. في
مبارك : ايه ... عبيد ...
و يرووحون صوب مبارك ...
عبيد : عونك ...؟؟؟..
مبارك : بخطف صوب الضابط الاداري و بشوووف السالفه .. و انت تم هنيه ... سعيد طالعلي في الطواري ... الدكتور الي كشف عراشد ....
و يمشي مبارك و هو ميت .. انا السبب .. كيف هنالي ارووح السنما و اخلي خويه يمسك خط و انا اشوووفه مب في حاله .. يلس مبارك يلوم بعمره يوم انه خلا راشد بروووحه ... و ان خليفه ورااااااه ..
خليفه : مبارك ... انشالله راشد ما عليه الا كل خير ...
مبارك : و الله يا راشد ان استواله شي .. اني ما اسامح عمري طول حياتي .... انا الي تسببت عليه ..
خليفه : مبارك .. عين خير.. هذا شي مكتوب و انت ما لك خص و لا تحمل عمرك السبب و ..
مبارك يقطع رمسة خليفه : لا حرااام ينه بسببيه ... كيف هنالي اخلي خويه و انا اشووف حالته ..؟؟..
و انهم داخلين مكتب الضابط الاداري و كان عنده شباب ... سلمو
مبارك : الشيخ ... اريد اعرف شالحال عالشباب الي مسوين حادث عطريج العين ...؟؟؟
الضابط : و الله 3 حوادث مستويه اليوم .. أي حادث تعني ؟؟؟..
مبارك : ثنينه كانو في رنج ...
الضابط : اها ... و الله واحد منهم غاب ... و الثاني في غرفة العمليات حاليا ..
مبارك : شووووووووووو .؟؟؟؟؟؟؟؟؟؟؟؟؟....
خليفه : مبارك عين خير .. و يمسك مبارك من ايده ...
مبارك و هو يسحب يده من ايد خليفه و هو معصب و خانقتنه العبره .. : شووو انت ما تسمعه ..؟؟؟؟..
مبارك : و منوه الي غاب ...؟؟؟..
الضابط : الشيخ ما عندي الاسماء و لا اعرفهم ... توني اعرف بالحوادث لانه توني ماسك الزام ..و.
مبارك و هو معصب : شووو ..؟؟؟؟ و يوم انك انت ما تعرف منوه الي يعرف ... ؟؟..
الضابط : انشالله بنعرف الشيخ بس لحظه ... و يمسك الضابط سماعة التيلفون ..
مبارك : توك بتشووووف ... بتخبرك انت من مسكت الزام شو كنت تسوي ... ياخي العرب مب في حاله انريد نعرف شالحال عخوانا و انت لو ما ييناك ما كنت بتعرف ...
خليفه : مبارك ... شعندك ؟؟؟؟...
مبارك : شو شعندي بعد ؟؟؟... ماتشووهم امسكين هالسبلالالان مناصب ما يستاهلوونها ...
الضابط : لو سمحت ما في داعي تغلط .. و قلنالك ثواني و بظهرلك الخبر عن الحادث ..
مبارك : لا بغلط .. يوم انك مب قد شغلتك لا تشتغل ...
الضابط و هو معصب : تعال و اشتغل انت عني احسن ...
مبارك : تخسي الا انت .. مب مبارك بن حمد الي يشتغل هالشغله .. و يتصل مبارك بالتيلفون ..
مبارك : حرااام يا انك من عقب هالليله لا تعرف منوه مبارك بن حمد ..
و اتصل مبارك بواحد من ادارين المستشفى .. و رمسه عن السالفه ..
مبارك : ياخي شو هالي موظفينهم من ساعه و لا هب عارفين شي عن خويه و لا عن ربيعه ..
الريال : فالك طيب يا بو حمد ... انشالله اللحين بيوصلك الخبر ... انت عند منوه اللحين ..
مبارك : عند ظابطكم الاداري ..
الريال : ما عليك امر الا ناوله التيلفون برمسه ...
و رمس الظابط الاداري الريال ... و عقب ما سكر عنه ..
الضابط و يظهر من مكتبه : تفضل بنشووف السالفه ...
و ظهرو و راحو صوب قسم الحوادث ... و اكتشفو ان راشد و ربيعه سووو حادث عالدرب و ربيعه توفى و راشد حالته خطيره و هو متواجد اللحين في غرفة العمليات ... كانت حالته وايد خطيره .. لان حادثهم كان واايد عوووف .. لقو الشرطه .. و قالهم الشرطي ان راشد كان وايد مسرع .. و لا انتبه لشّاحنه الي كانت ظاهره من الفتحه .. و دخلت سيارتهم تحت الشاحنه .. كل الي شاف السياره يحلف ان الي فيها مستحيل يكونون عاشوو .. و هذي الحقيقه .. ربيع راشد توفى في الحادث .. و راشد حالته وايد خطيره .. و الله يرحمه برحمته و يعيش ان الله كتبله عمر ...
كان سالم يتصل بسعيد خوه ... و قاله سعيد السالفه ... كانت روضه و هلها كلهم متواجدين عند قوم شما .. حتى يدتها كانت تصيح .. كانو يعتقدوون ان مبارك غاب ... كان البيت مب في حاله .. و اولهم رووضه الي تمنت موتها و لا ان يوصلها هالخبر ... و شما ميته مب عارفه شو الحال عراشد .. الين ما ياهن سالم ..
سالم : الحمدلله مبارك بخير و نعمه و لا فيه الا كل خير ...
و من قال هالرمسه صاحت روضه ... فدييييييييييييييييييييييييته مبارك ... يا نفاد الدار من عقبه .. هي تمت تصيح .. مب من شي .. الا تصيح .. حياتها لو كان مبارك صدق استواله شي .. شو الحال في هالدنيا بلا مبارك ...
شما : و راشد ...؟؟؟؟...
سالم : راشد هو الي متعوق ...
وديمه : لالالالالالالالالالالا ... و يلست تصارخ و تصيح .. و الكل نش يواسيها ...
و شما ذابحنها هالموقف .. وديمه تقدر تصارخ و تحزن على راشد جدام الكل و انا احبس اهاتي و عذابي عشان ما افضح عمري .. الكل يواسي وديمه .. وانا مالقيت من يواسيني .. انا الي راشد نظر عيني .. المفرووض يواسوني انا مب وديمه ... يواسون قلبي على عوقه ..
و تنش شما عنهم و هي مب قادره تمسك عمرها اكثر عن جذيه .. و دخلت حجرتها .. انتبهتلها روضه ..جان تنش و تلحقها ...

و في رماح ..

اتصل مبارك بعوشه و قالها السالفه .. و قالها تقول لامها ... و قالت عوشه لامها .. و كانت الساعه 4 الصبح .. و صلن الصبح و غبشن صوب المستشفى ... و اتصلت عوشه بعبيد عشان يتلقالهن عند الباب .. كان سعيد و خليفه و مبارك و عبيد يالسين في قاعة الانتظار يتريون الدكاتره يظهرون من غرفة العمليات و يردولهم خبر عن راشد ... نش عبيد و تلقى لامه و عوشه .. و تمت امنه في البيت ..
اول ما دخلن القاعه نش سعيد و سلم عخالته و على عوشه .. كان مبارك يرمس في التيلفون .. كان يكلم بوه و يقوله عن الحادث .. و راح صوب امه .. اول ما شافنه لوت عليه امه و يلست تصيح .. و عوشه في طرفها .. تم مبارك ما سك عمره ما يريد انه يصيح .. بس هو كان خايف زوود عنهن على حال راشد .. لان الدكاتره قالو انه وايد متعوق و ان عنده اصابه في العامود الفقري و في امكانيه انه ينشل .. كانت اصابات راشد من عوافتها .. تمنو الدكاتره لو انه توفى و لا ان تكون فيه هالاصابات ... لانه بيعيش في عذاب .. هذا اذا عاش ..
كلم بو مبارك ام مبارك ...
عوشه : الله يسامحك يا مبارك .... ليش تقوله .. انشالله راشد ما عليه الا كل خير انشالله ...
جان يسحب مبارك عوشه خته عطرف عنهم ...
مبارك : عوشه راشد وايد متعوق ...
عوشه : شووو ؟؟؟..
مبارك : .. اص ... لا تخلين امج تحس بشي ... و انا ماقلت لبويه عن حالة راشد ..
عوشه : حرام عليك بويه بيتم يهوويس اللحين ..
مبارك : يعرف مني و لا يعرف من الغرب ... اللحين العربان كلهم بينقعوون الصايح فيه ..
عوشه : انزين و راشد ..
مبارك : راشد .... ادعيله .. تراه تحت رحمة الله ...
الكل مب عارف شالحال عراشد .... و الدكاتره متلعوزين ... خايفين انهم يسون أي شي و يكون له تأثير سلبي عليه ...

و الوثبه ...

العرب مرتبشين مب عارفين شالحال على راشد و روضه ما قدرت انها تخلي شمامي بروحها .. شما تصيح حال راشد .. و وديمه من الطرف الثاني تصيح راشد ... نشت شما و روضه يصلن الصبح و يلست شما تدعي ربها انه يرحم راشد برحمته و انه يقوم بالسلامه و لا يصيبه أي عوووق .. و روضه تحمد الله على ان ما صاب مبارك أي مكروووه ... و تمو هل روضه متواجدين في بيت قوم شمامي ..
يدت روضه : يالله ترحمنا برحمتك انشالله ..
ام شما : يالله عسى امييييييييييييين انشالله ...
مريم : امايه .. انا برد البيت ما اعرف شالحال ع عيالي ...
ام روضه : شلي روضه و يدتج .. ما باتن حليلهن ...
ام شما : نشي بعد انتي و حطي راسج ..
ام روضه : لا ما اروم اخليج و انتي في هالحال ... و جاد اييكن خبر عن راشد فديته ..
ام شما : ما عليه بنردلج خبر .. نشي يعني افداج .. حطي راسج لو ساعه ..
ام روضه : خلاص عيل .. الا رفجه عليج يا ان وصلكن شي ترديلي خبر ..
ام شما : انشالله ..
يدت روضه : وديمه يا بعدي نشي زقري ختج روضه .. هبابنا بنسري ..
و تنش وديمه صوب شما و روضه ... و تزقر روضه ... رجعت روضه بيتهم مع هلها ... و كان بوها و خوانها توهم يايين من صلاة الصبح ..
سلطان : خيييبه تخيبكن .. من وين ظاويات عند صلاة الفير ..؟؟؟...
مريم : مواعدات ...
بو روضه : انا راعي الفزعه .. مواعدات و شالات امكن في طرفكن بعد لا و امي بعد ..؟؟؟..
شما : هههههههههه ... ماهنالنا المواعد بلا عمتيه ...
سلطان : الشيبه لحق حرمتك فرطت عتالي العمر .. تواعد و الشيب كاسي راسها ..
يدت روضه : ودي .. شها الرمسه سلطون ؟؟..
ام روضه : شاااب راسك يا اليعري ....
سلطان : ههههههههههههههههه ....
روضه : و الله انكم متفيجين ... و تخطف عنهم ... و جان يهزبها سلطان خوها ..
سلطان : شعندج ؟؟؟... جن الا ميتلج ميت ...
روضه : و الله لين اللحين ما توثقنا من الخبر ..
سلطان و انتبه ان روضه تكلمه بجد : أي خبر ...؟؟؟..
ام روضه : راشد ولد سلامه سوى حادث ..
بو روضه : شراشد ؟؟؟؟..
ام روضه : ولد حمد الخييلي ...
سلطان : خو مبارك ؟؟؟..

نزف الأحاسيس
08-10-2006, 11:42
روضه : هيه خو مبارك ... و اللين اللحين مب عارفين شالحال عليه .. الحين من 3 ساعات و هو في غرفة العمليات ...
سلطان : يعله في ذمتج ...؟؟؟..
مريم : حليله ... الله يصبر هله ...
سلطان : و شعنه ما رمستن اول ما ياكن الخبر ..؟؟؟؟...
روضه : فدييييييييييتك سلطان .. اتصلبه و شوف شالحال على خوه ... دخيييلك ..
سلطان : لا بسرح صوبهم ...
روضه : انزين اتصلبه ... دخيلك ..
ام سلطان : هيه يعني افداك اتصلبه .. و شوف شالحال عليهم ..؟؟؟؟...
و يتصل سلطان بمبارك .. بس مبارك ما شله ... و رجع و تصل .. و نفس الشي ما شله ..
سلطان : ما يشله ..
ام روضه : انزين .. نشو تريقوو دام انكم يالسين ...
و ان مبارك متصل بسلطان ...
سلطان : مرحبا الساع بو حمد ...
مبارك : مرحبا الساع ..
سلطان : السموحه .. ما دريت بحادث خوك الا اللحين و الله .. بشرنا شالحال عليه ؟؟...
مبارك : و الله يا سلطان .. مب عارفين له حال ...
سلطان : افا و الله كيف ..؟؟؟...
مبارك : من الساعه 1 فليل الين اللحين و هم يقولون في غرفة العمليات .. و لا حد ظهرلنا .. الا يوم طلبو دم ...
سلطان : لا اله الا الله ... و الله يا بو سنيده ما يستاهل
مبارك : هيه و الله .... كله مني .. اشوف خويه مب في حاله و خليته يمسك الخط بروووحه ..
سلطان : لا افا .. شو هالرمسه ... هذا مقدر عند ربك و مكتوب ..
روضه : سلطان .. تخبره منوه الي غاب في الحادث .. ؟؟..
سلطان و هو يرمس روضه : ليش تره حد كان عنده و غاب ؟؟؟..
روضه : هيه ...
من سمع مبارك صوت روضه ... خنقته العبره .. كان خاطره انه يصيح .. يصيح حال راشد .. الي بين ايدين الله ... مب عارفين شالحال عليه ... جنه بيعيش و الا لا ... كان خاطره انه يشكي بهمومه لروضه ... كان خاطره انها تساعده و تخفف احزانه ... بس الي ريحه ان روضه مهتمه بهم وتحاتيهم .. و تتلى اخبارهم لو من خوها ...
مبارك : هذا واحد من خويانا ... الله يصبر هله ...
سلطان : لا اله الا الله ... انا لله و انا اليه لراجعون ..
و اخيرا ظهرو راشد من غرفة العمليات و دخلوه العنايه المركزه .. و منعو عنه الزيارات .. و ما خلو حد يدخل عليه ...
مبارك : دكتور ... دخيلك خلني ادخله ...
الدكتور : و الله حالة اخوك وايد حرجه .. و بصراحه ... هو وايد متأثر بالحادث .. و فيه جرووح كثيره ...
سعيد : ما عليه الا كل خير يا دكتور .. بس خلنا نحدر عليه ..
الدكتور : مستحيل ...
مبارك : دكتور الله يخليك ... شو حالته ؟؟.. وايد خطيره ؟؟؟..
الدكتور : بصراحه نعم ... اخوك عنده اصابه في العامود الفقري .. و نزيف داخلي في الدماغ .. يعني بصراحه .. اخوك ان عاش .. و الامل في هذا ظعيف بصراحه ... بس حتى .. بيكون .. كيف اقولك .. ممكن هالاصابات تسببله اعاقه ...
مبارك : دكتور ... بنسفره ...
الدكتور : و انا افضل هالحل ...
سعيد : خل السالفه عليه ... مره ان بغيت اليوم بنسفره ...
مبارك : تسلم ... الا بويه مرمس واحد من ديوان خليفه ... و الاوراق باجر بتخلص ..

كانت الساعه 9 الصبح ... في مستشفى توام ...

كانت شما و امها و وديمه و علي توهم واصلين توام ... و كان وايد عرب عندهم ... شباب و حرمات و رياييل ... تمت شما ادور سعيد و الا مبارك .. بس ما لقت حد منهم ... كانو عند الدكتور .. كان مبارك يحاول انه يقنع الدكتور انه يشوف راشد ... و بعد محايل وافق الدكتور ان مبارك يدخل ... دخل مبارك غرفة الانعاش ... تيبس اول ما شاف خوووه .... خوه الي تعود انه يشووفه بطوله و عرضه ... يشوفه اللحين و هو موصل بالوايرات من كل جزء في ينبه .. يشووف خوه .. و هو جسد ٍ بلا رووح ... تمنى موته و لا يشوف راشد بهالحال ... كان يتوقع انه بيشوووف راشد ... بس تفاجأ انه يشوف انسان ثاني .. انسان ماله ملامح .. انسان متحطم ... بغى انه يروحله و يمسك ايده .. بس ما قدر .. خاف على ايد خوه لا تتحطم ان لمسه ... نزلت دمعة مبارك ... اللحين هذا راشد ؟؟؟...
مبارك : لالالالالالالالالا ... انتو تجذبووووووووون هذا مب رااااااااااااشد ... لالالالالا ... و تم مبارك يصااااارخ بصوت عالي ..... انتو تجذبوووووووووون مب هذا راااااااااااشد ... هذا انسان ميت .. لالالالالالالالالالالالالالالا ... و جان يدخل الدكتور عليه و يطلعه .. و كان سعيد برى يترياه .. و من شاف مبارك راح صوبه ...
مبارك : الله يلعنكم هذا مب راااااااااااااااااشد ... انت عمنووووه تجذب ؟؟؟...
سعيد و هو خانقتنه العبره عحال مبارك : مبارك عين خير ...
مبارك : لالالالالالالالالالالالالالالالالالالالا .......... و يلس يصيح .. ااااااااه يا راشد ... يا ويلي عليك .. ليته فيني و لا هب فيك ... نفادي و نفاد الدااااااااار ... و يعق مبارك سفرته ... و ييلس على الارض و يضم ريوله لصدره و تم يصيح في حزن و صمت ...
سعيد : دكتور .. الله يخليك .. قولنا شو الحال على راشد ؟؟... و الله يا ان حالته تسمحله يا اليوم نسفره ..
الدكتور : شوف .. انشالله عندنا 48 ساعه اذا حالته استقرت بتكون عدت مرحلة الخطر ... و بعدها ممكن نسفره في طياره خاصه .. بس انشالله اذا عدن هاليومين على خير ... كل شي يهون ..
و في هاللحظه .. ياهم عبيد و عنده شما ... كانت شما تتلفت جنها ادور على شي .. اول ما شافت مبارك .. راحت صوبه ...
شما : مبااااااااااااااااارك ...
و ما توايبلها مبارك ... جان تيلس شما عدال مبارك ...
شما : مبارك .. دخيييييييييييييلك اتقولي شو الحال ع راشد ... دخيلك مبارك ..
و ما رد عليها ...
شما : حراااااااااااااااااااااااااام عليك .... مبارك رحمني .........
و جان يرفع مبارك ويهه لشما .... و من شافت ويهه انقبض قلبها ....
شما : مبارك .. راشد شو بلالالالاه ..؟؟؟؟..
مبارك : ادعيّ ان ربج يرحمه برحمته ...
شما و هي تصيح : ليييييييييييييييييييييييييييييييش ... ؟؟؟؟.. راشد شي فيه ؟؟؟؟.. دخيلك مبارك قولي شو بلاه راشد ؟؟؟...
و ان سعيد ياي صوبهم : راشد تحت رحمة الله يا شما .. و ما بيدنا الا ندعاله الله يرحم بحاله ..
شما و هي تفتر براسها صوب سعيد خوها : ليش تقول جذيه ؟؟؟... راشد ما فيه شي ؟؟؟.. صح مبارك ؟؟.. قول لسعيد ان راشد بخير ...؟؟؟؟...
مبارك : شما دخيلج ...
شما : اريد اشوووفه ... خلوني اشووفه ...
سعيد : شما تشوفين منوه ؟؟؟.. الريال في العنايه و لا هب قادرين نشوفه ...
شما : لا مبارك بيخليني اشووفه .. صح مبارك ..؟؟؟... و تحط ايدها على ركبت مبارك و تهزه .. صح مبارك ؟؟... صح بتخليني اشووف راشد ؟؟؟...
مبارك و هو منهار خلالالاص تمنى موته في هاللحظه ميت مره مب بس مره .. : شما تشوفين منوه ... اتشوفين جثه جدامج ؟؟؟.. انا الريال ما قدرت اشوفه تبين انتي تشوفينه ..؟؟؟..
شما : لا دخيلكم خلوني اشوووفه .. انزين من بعيد ... بس خلوني اشوفه ... دخيييييييييلكم .. رحموني خلوني اشووووووفه ..
من شاف عبيد حال شما راح و زقر عوشه خته .. انتبه خليفه ان في شي يستوي .. و جان يلحقهم .. يت عوشه و شلت شما .. الي تمت لاويه على عوووشه .. تصيييح .. من شاف خليفه شكلهم .. صاح .. اول مره يشوف مبارك عهالحال .. و الله ما يستاهلون الي صابهم ...
تمو عهالحال يوم كامل ... و ام مبارك ما تعرف عن حالة ولدها ... كانو مغبين عنها حالته و لا قالولها و لا لغيرها أي شي عن حالته ... محد كان يعرف الا مبارك و سعيد ... و شما ما طاعت انها ترجع البيت .. و بعد محايل طاعت انها ترجع بيت خالتها .. كانت الساعه 10 فليل ..
مبارك : عبيد سر الحرمات البيت ...
ام مبارك : لا و الله ما احترج من المستشفى ..
مبارك : يا امايه .. روحي حطي راسج ...
ام مبارك : وين يهنالي الرقاد و العيشه و انا ما اعرف شالحال ع راشد ...
مبارك : خلاص عيل نشن .. عوشه .. يله بسكن من اليلسه ...
شما : انزين بعده الوقت خلونا لو شوي ..
مبارك : يلستكن ما منها فايده ... يله نشن ... و جن الا استوى شي بخبركن ..
شما : حلف ..
مبارك : و الله ..
عوشه : مبارك تراك حلفت ..
ام مبارك : انشالله ما يوصلكن الا كل خير ... نشن بناتي سرن ..
مبارك : و انت خليفه ... روح و حط راسك ..
خليفه : لا ما عليه شر ..
مبارك : يا ريال و الله متلوم فيك ... تعبناك و ..
خليفه : لا تتلوم و لا الله يقوله ... و انا لو تعبان ما بستحي .. مره بنبطح و برقد ..
و نشن البنات عنهم و سرو صوب رماح ..
اول ما وصلن .. دخلت شما و تسبحت .. و هي في الحمام .. ما قدرت انها تمسك عمرها .. تمت تصيح و تصيح ... هذا فالي عليه .. الله ياخذني جني فاولت عالريال .. و عقب ما خلصت .. ظهرت ادور بنات خالتها ... كانن في حجرة عبيد .. أستحت شما انها تدخل عليهن .. كانت بتروووح الصاله ... و جان تشوف حجرة راشد ... حاولت انها تمنع عمرها و لا ترووح صوبها ... بس ما قدرت .. و لا حست بعمرها الا و هي في حجرته ... فديييييييييييييييته راشد .. هلت دمعتها من عيونها .. كان خاطرها تصااارخ .. كان خاطرها تلقى من يخفف اهمومها ... حطت شما ايدها على ثمها جنها تمنع الصرخه .. اذا قدرت امنع صرخة الصوت .. كيف امنع صرخة لفوااااااااد ...... تمت شما تحوط في حجرة راشد .. و يلست على شبريته و لوت على مخدته .. و صاحت من الخاطر ... دخلت امنه على شما .. و من شافت حالها .. لوت عليها و صاحت ...
بالباجر مر اليوم كئييييييييييييييييييييب و بطييييييييييييييييييييييييء الكل يتريا يعرف شالحال ع راشد ... و مبارك الي ما فارج خوووه .... بس صلاة اليمعه هي الي طلعت مبارك من المستشفى ... تمو على هالحال طول اليوم ... مب عارفين شي ... الين ما عدن ال48 ساعه ... كانو الدكاتره في غرفة راشد ... و العرب برى يستنون أي خبر منهم ... و شما تتدعى لراشد...

نزف الأحاسيس
08-10-2006, 11:44
اللهم إنا نسألك زيادة في الدين

وبركة في العمر

وصحة في الجسد

وسعة في الرزق

وتوبة قبل الموت

وشهادة عند الموت

ومغفرة بعد الموت

وعفوا عند الحساب

وأمانا من العذاب

ونصيبا من الجنة

وارزقنا النظر إلى وجهك الكريم

اللهم ارحم موتانا وموتا المسلمين واشفي مرضانا ومرضا المسليمين

اللهم اغفر للمسلمين والمسلمات والمؤمنين والمؤمنات الاحياء منهم والاموات

اللهم ارزقني قبل الموت توبة وعند الموت شهادة وبعد الموت جنة

اللهم ارزقني حسن الخاتمة

اللهم ارزقني الموت وانا ساجد لك يا ارحم الراحمين

اللهم ثبتني عند سؤال الملكين

اللهم اجعل قبري روضة من رياض الجنة ولا تجعله حفرة من حفر النار

اللهم اني اعوذ بك من فتن الدنيا

اللهم اني اعوذ بك من فتن الدنيا

اللهم اني اعوذ بك من فتن الدنيا

اللهم قوي ايماننا ووحد كلمتنا وانصرنا على اعدائك اعداء الدين

اللهم شتت شملهم واجعل الدائرة عليهم

اللهم انصر اخواننا المسلمين في كل مكان

اللهم ارحم ابائنا وامهاتنا واغفر لهما وتجاوز عن سيئاتهما وادخلهم فسيح جناتك والحقنا بهما يا رب العالمين

وبارك اللهم على سيدنا محمد صلى الله عليه وسلم


....*** ولكن وصيه لنشامى لي بدت لعلوم .. و قالوا رحمة الله ما مات من شيبي .. لفوني بثوبه و قولوا طلبت المرحوم .. و من عطره المخصوص كثرو التصبيبي .. يمكن اشمه لو انا من شوفته محروم .. و احفظو الوصيه ياهل العشق لا تغيبي ***....


الكل كان يتريا خبر من الدكاتره يطمنهم على راشد .... و في هاليوم الصبح وصل بو مبارك من السفر بعد ما ترخص من عند الشيوووخ ... كان الجو في المستشفى حشره .. و المكان منترس بالعرب .. و اخيرا طلع الدكتور من عند راشد ... و راحله مبارك و بوه و سعيد ...
بومبارك : بشر يا دكتور شالحال عراشد ..؟؟؟...
الدكتور : امممممم ... الحمدلله .. حالته استقرت حاليا .. بس وضعه شوي حرج ...
مبارك : كيف يعني ..؟؟؟..
الدكتور : اممممممممم ... يعني اخوك عدى مرحلة الخطر .. بس حالته .. كيف اقولك ... يعني وضعه شوي حساس .. و انا بصراحه انصحكم انكم تسفرونه في الخارج عشان مايجي اليوم الي تندمون فيه على حالته ...
بو مبارك : خلاص دكتور انت كتب التقرير و انشالله بنخلص السالفه ...
الدكتور : انشالله ..
و راح الدكتور عنهم ... و راح بو مبارك صوب حرمته سلامه ام مبارك ... كان حاس مبارك ان الدكتور مغبي شي عنهم ..
مبارك : عبيد ..
عبيد : لبيه ...
مبارك : نش اباك ...
و قام عبيد و راح هو و مبارك صوب الدكتور ...
مبارك : دخيلك اتقولي شالحال ع راشد ؟؟..
الدكتور : و الله اخوك ما فيه شي ..
مبارك : انزين هو ما يكلم حد ..
الدكتور : بيني و بينك .. بصراحه .. اخوك متضرر من الحادث .. بس فيه اضرار نفسيه اكثر .. يعني هو الي ممتنع عن الكلام و الا حالته تسمحله انه يتكلم ..
مبارك : كيف يعني ؟؟؟...
عبيد : يعني هو مأثر نفسيا ....
و طرى عبال مبارك حال راشد ... الله يلعنها الي تسببت على راشد ... الله يلعن البنات وين ما يكونن ... بعد ما تأكد مبارك من حال راشد .. رجع صوب هله ... و توه واصل الممر و ان شمامي واقفه في الممر و كانت تتكلم في التيلفون ..
راح مبارك صوب شمامي و هو معصب ...
مبارك : بتخبرج انتي شو موقفنج في الممر ..؟؟؟..
شما : ما شي كنت اتكلم في التيلفون ..
مبارك : لا و الله ؟؟؟... و لا تقدرين تتكلمين في التيلفون (قال هالجمله و هو يقلد شمامي ) الا في الممر ؟؟؟.. و الا الرمسه ما تحلا الا و هالسبلان يتخطفون ...؟؟؟..
شما : ما قدرت اتكلم في الغرفه .. وايد ناس و لا سمعت شي من الرمسه ..
مبارك : لا و الله ؟؟...
شما : حرام عليك مبارك انا الي فيني يهد يبل من ثقله .. دخيلك لا تزيد عليه ..
حس مبارك انه زودها شوي على شما جان يسكت و يفتر عنها بيرجع الغرفه ...
شما : مبارك .. لحظه اريد ارمسك ..
و رجعت شما ترمس الي على الخط ..
شما : اوكي رويض فديتج بخليج اللحين ...
وقف قلب مبارك من قالت شما اسم روضه ... يالله فدييييييييييييت هالاسم و رااااااعية هالاسم و الله
روضه : خلاص فديتج ... اممممممممم ... شموه ..
شما : لبيه ...
روضه : لا تفهميني غلط ... بس اريد أسألج ..
شما : عونج الغاليه ...
روضه : اممممممم ... شحال مبارك ؟؟؟..
انصدمت شما اول شي بس بعدين ظحكت ..
روضه : ايه .. ليش تضحكين ؟؟؟..
شما : هههههههههههههه ... سلامتج ... يسرج حالها تنعش جدامي ..
حس مبارك انه هو المعناي .. كان يريد يضحك .. بس مسك عمره ....ابتسم و حرك صبوعه على خشمه جنه يمسح شي عنه .. انتبهت شما لحركت مبارك و شافت ابتسامته ...
شما : اممممممممم ... شكلنا نبالنا جلسه مغلقه انا و انتي .. و تقوليلي سالفج .. لان شكلي غلط في النص ...
جان تظحك روضه و في نفس الوقت ظحك مبارك ...
شما : ايه مصختيها تراج .. يله بسكر عنج ... مافيني تخلص الكردت عليه ...
مبارك : افا عليج .. لج بدال الكردت الوحده عشر ...
روضه : لا و الله ؟؟؟... قوليله استريح انت .. لا اييبلج و لا الله يقوله و الا حرام لا احرق التيلفون بالكردت فوق راسج و راسه ..
شما : هههههههههههههههههههههههههههههههههه ... يا النقمه ..
و مبارك يتحرقص يريد يعرف روضه شو قالت ... اكيد سبتني ... مستحيل روضه تمدحني ..
سكرت شمامي عن روضه .. و جان تروح صوب مبارك ...
شما : بو حمد ..
مبارك : عونج ...
شما : طلبتك ..
مبارك : مره تم ..
شما : .. امممم ... اريد اشوف راشد ..
تغير شكل مبارك من سمع طلب شما ... هو ما كان يتوقع هالشي منها ..
شما : دخيييييييييييييييييييييييييييلك و الله اريد اشووووووووووفه ...
مبارك : شما حالة راشد ما تسمحله ...
شما و الدموع في عيونها : تراكم ذبحتوني من يومين و انتو الا حالة راشد و حالة راشد و انا الين اللحين مب عارفه شالحال عليه ..
مبارك : شما ...
شما : دخييييييييييييييلك مبارك .. انا طلبتك و انت قلتلي تم و تم عن ألف يمين ...
مبارك : انزين بس انا ما كنت ادريبج انج بتطلبين مني هالطلب ...
شما : مبارك .. ارجوووووووووووووك ...
عوره قلبه من شافها بهالحال ..
مبارك : بس شما من اللحين اقولج .. ترى راشد وااايد متضرر من الحادث ... فإذا بتصيحين قولي من اللحين ..
شما : لالالا ما بصيح ..
مبارك : ما عليه .. خليني اروح اشوف الدكتور و بردلج ...
راح مبارك صوب الدكتور و ترخص منه عشان شما تدخل على راشد ... شما و قلبها بيطلع من ضلوعها من الخوف و هي تمشي مع مبارك صوب العنايه صوب راشد ...
شما : لا مبارك .. بدخل بروحي ..
مبارك : ع راحتج ... بس شما بدون صياح ...
شما : انشالله ...
حس مبارك ان شي بين شما و راشد خوه ... شي اكبر من معاني هالزمن ...

دخلت شما صوب راشد ... كان راشد مغمض اعيونه .. اول ما طاحت عينها عليه .. انقبض قلبها .. و هي تشوف راشد عهالحال ... بغت تصيح .. بس هي وعدت مبارك ما تصيح .. لا اراديا حطت ايدها على ثمها ... جنها تحبس اهاتها ... تقربت شما من راشد .. الين ما وصلتله ... تمت تشوفه جنها تحاول اتقارن هالانسان الي تشوفه بالانسان الي حبته ... كان ويه راشد شبه متشوه .. لان الجامه الجداميه للسياره يته على ويهه ... كان شكل ويهه ينفر بالنفس ... و شما تتحمل شوف راشد على هالحال ... لانها تعرف ان راشد بيرجع شرات قبل و اكثر ... اول ما وصلت شما عدال ايد راشد اليمين تمت واقفه تتأمله شوي ... و بعدين يلست عالكرسي و تمت تتأمل راشد و هو نايم ... كنها تشوفه لاول مره ... كان فيه شي .. مب عارفه شو هو .. دخل مبارك عليها و اشرلها عشان تطلع .. فرجعت شما و افترت صوب راشد .. مسكت ايده اليمين و خرت عليها و حبتها .. تيبس مبارك من شاف شما تسوي جذيه ... يالله شو الي من بينهم ؟؟؟... و جان تنش شما عن راشد و دموعها تنزل .. يالله فديت راشد و الله ما يستاهل .. طلعت شما عن راشد و راحت عن مبارك .. تم مبارك واقف في مكانه .. يريد يستوعب الي يستوي ... شما تحب راشد .. و راشد خطيب وديمه خت شما .. و راشد يحب وحده الله يعلمبها منو هي .. شو هالدنيا الي تعيشها يا راشد .. ؟؟!!!!...
تحدد يوم السفر ... و بيسافر مبارك و امه و بوه مع راشد .. الي طلعوه من العنايه قبل لا يسفرونه بيوم واحد بس و بعد الحادث بثلاث ايام بالضبط ... قبل السفر بيوم .. راح مبارك صوب الوثبه بيسلم على يدته و هله ... بس هو فالأصل رايح عشان يودع روضه .. هالانسانه الي تمت روووح مبارك ..
راح مبارك صوب بيت خالته فاطمه .. و سلم عليهم و سلم على يدته ... كانت شمامي بعدها في بيتهم بعد ما ودرت التقنيه .. كانت شما كل يوم عند راشد في المستشفى .. صبح و ليل .. ما كانت تصبر انها تكون بعيده عن راشد و هو محتاجلها و لو هو ما طلب معونتها له .. لان الي يحب يحس بخله و بحايت الخل له .. بعد ما سلم مبارك على خالته اتصل بسلطان ..
سلطان : مرحبا الساع بو حمد ..
مبارك : المرحب باجي .. شحالك سلطان ؟؟.
سلطان : بخير ربي يسلمك و من صوبك ..؟؟..
مبارك : ما نشكي باس ..
سلطان : يا مرحبا الساع و الله ..
مبارك : مرحبابك زوود ...
سطان : هاه بو حمد بشرنا عن راشد شالحال عليه ؟؟؟..
مبارك : نحمدالله ع كل حال و الله ..
سلطان : الحمدلله ..
مبارك : انشالله باجر بنسافر ..
سلطان : و الله ؟؟..
مبارك : و الله ..
سلطان : تردولنا بخير و سلامه انشالله ...
مبارك : انشالله ... سلطان يدوووه عوشه في البيت ؟؟؟؟..
سلطان : و الله ما ادريبها .. ليش رب ما شر ؟؟؟..
مبارك : ما من شر ... الا بغيت اسلم عليها و على عمتيه ...
سلطان : ما ادريبها و الله .. صبر بتصلبهم و بردلك خبر ..
مبارك : ليش ترك مب في الدار ..؟؟..
سلطان : لا و الله ما سكيني طواري من يومين ..
مبارك : اها .. ربي يعينك ..
سلطان : ما عليه انا شوي و بردلك خبر ..

نزف الأحاسيس
08-10-2006, 11:45
و سكر سلطان عن مبارك و اتصل بالبيت و شلته ألس ..
سلطان : ألس وين ماماه ..؟؟..
ألس : ماماه مافي يرووح ...
سلطان : و يدوووه ..؟؟؟..
ألس : ما ادري ..
سلطان : و روضه ..؟؟؟..
ألس : داخل غرفه مال هي ...
سلطان : روحي قوليليها ريال اللحين بييجي بيسوي سلام مشان يدوووه ...
ألس : اوكي ...
و راحت ألس صوب روضه الي كانت تسبح .. و دقت عليها ...
روضه : شووووووووو تريدين ...؟؟؟؟..
ألس : باباه سلطان قول في ريال ايجي ...
روضه : شوووووووو ...؟؟؟..
ألس : في ريال ايجي ...
روضه : الله ينطبج و ينطب سلطان فوقج قولي اميييين ...
ألس : امييييين ...
طلعت روضه من حجرتها و هي معصبه ...
روضه : ألس ....
ألس : يس مام ...
روضه : شو بلاه سلطان ؟؟؟..
ألس : يسوي تيلفون يقول في ريال ايجي مشان يدوه ...
روضه : يدووه محد ..
ألس : انا ما دري ....
روضه : انزين روحي هاتي المدخن ...
و رجعت روضه حجرتها .. كانت تسحي شعرها .. و ان الخدامه داخله عليها بالمدخن .. و طلعت عنها الخدامه .. و شوي و رجعت الخدامه صوب روضه الي كانت يالسه ادخن شعرها و تدخن ...
ألس : ماما روده .. في ايجي ريال برى ...
روضه : ريال منوووه ؟؟؟...
ألس : ما دري ...
راحت روضه و وايجت من دريشة حجرتها .... ما شافت شي ... كل الي شافته نعال الريال ... افففففففففففففففففف .. الله يسامحك يا سلطان ... و راحت روضه و دخلت شعرها تحت الكندووره و هو مفتوح و لبست شيلتها و طلعت بعد ما تغشت ... اول ما دخلت صالة يدتها ... تصنمت من شافت الي عندهم ... كان مبارك .... انجلب حال روضه .. مب عارفه شو تسوي .. كان مبارك يالس و يشوف تيلفونه .. و لا انتبه لروضه .. الا من بعد ما رحبتبه ...
روضه : مرحبا الساع ..
و ينش مبارك : المرحب باجي .. و شحالكم ربكم الا بخير ؟؟؟...
روضه : بخير ربي يسلمك الشيخ ... وشحالك انت و شحال راشد و عربانك ؟؟؟..
مبارك و قلبه يدق طبول : بخير و نعمه ما يشكون باس الشيخه ...
روضه : يالله عساهم دوووم انشالله .. استريح الغالي ..
تنطقت روضه بكلمة الغالي و هي مب حاسه بعمرها ... بس مبارك انتبه لكلامها و ابتسم ...
رجع مبارك و يلس و روضه بعدها واقفه عالطرف الثاني من الصاله ...
مبارك : عيل عيوزنا وين مالها شوووف ... ؟؟؟...
روضه : و الله العيوز مهووويره صوب حلالها من الظهر و لا ظوت اللين اللحين ...
مبارك : استدت بشووفت حلالها عن العرب .. هههههههههههههه ...
روضه : هههههههههه ...
روضه : السموحه منك ..
و توها بتفتر روضه عنه بتروح صوب المطبخ ...
مبارك : الشيخه وين بها ...؟؟؟؟..
روضه : الا هنيه ..
مبارك : رفجت عليج تراني ما اريد شي .. لا تعابلين و لا اتعبين عمرج ...
روضه : لا ما بعابل شي ... الا بخليهم ايبون الفواله ...
مبارك : لا فواله و لا غيره ... انا هب ظيف و لا هب من الخطار ... انا راعي البيت .. و الا شو الراي يالمنصوريه ؟؟؟..
روضه و هي خلاص ميته عهالانسان : الا البيت بيتك و احنا خطار و اظيوفك ...
مبارك و هو متشقق : هذا من طيب اصلج ...
و بعده ما خلص كلامه و ان ألس داخله بالفواله ...
روضه : لا حطي الحراره هناك .. هيه .. ألس هاتي عصير ..
مبارك و هو توه يتقهوي : انا اتصلت بسلطان قبل لا اييكم و قالي ان عيوزنا في الدار ..
روضه : ليش ترك لو دريت ان يدوووه مب في البيت ما كنت بتينا ..؟؟؟؟...
مبارك : لا افا عليج ... الود ودي ما افارجكم لو ثواني ... و في هاللحظه رفع عينه على روضه .. كانت روضه اتشوفه .. بس حست ان عينها طاحت في عينه مع انها متغشيه ... في هاللحظه رمس مبارك ..
مبارك : روضه .. انا باجر بسافر ...
انقبض قلب روضه من قالها مبارك هالخبر ...
روضه : ... ليش ؟؟.. و كانت تتكلم بصوت واطي بالكاد ينسمع ...
و نزل مبارك ويهه و تم يشوف الفنيال الي في ايده : بسافر مرافق مع راشد خويه ..
و تم مبارك منزل راسه ... و روضه خااطرها تصيح ..
روضه : بتتأخرون برى البلاد ..؟؟؟..
مبارك و بحزن : و الله ما ندري ...
و روضه ماسكه عمرها : بو سنيده ياستاهل انك تخلي الدار و هلها عشانه ...
مبارك : لو اخلي الدار .. ترى هلها في القلب ... و ما اظن القلب بينساهم لو من بيننا بحووووور و بلالالالالالالاد ...
روضه فديته ...
روضه : ربي يعودكم لنا بخير و سلامه انشالله ...
مبارك و رفع عينه على روضه : اممممممممممم ... بتذكريني و الا ... ؟؟؟؟..
روضه و قلبها يدق : و الا شو ..؟؟؟؟..
مبارك و نزل راسه و هو خايف من رد روضه له : و الا بتنسيني ...؟؟؟..
روضه و بكل احساس : ... نساك الموت يا بو حمد ...
تيبس مبارك من سمع رد روضه له ... و توه بيتكلم و ان يدت روضه حادره عليهم الصاله ...
يدت روضه : لالالالالالا ... سلامتكم ... هالبشكاره مره بتتكنسل .. الليله ما تبات في البلالالالالاد ... طيروووها طير الله راسها ..
روضه و هي تتلقى ليدتها : هههههههههههه .... فديتج يدوووه شو بلاج ؟؟؟..
يدت روضه : هالبشكاره غربها الله .. جان ريتي .. تحطلي الزعتر و الجاهي و لا تحطلي القهوه ... و قيلت راسي يدوووووور .. ما شربت قهوه ...
روضه : هههههههههههههههههههه .... حليلها جاد الا نست ...
يدت روضه : لالالا ما نست الا تبى تنفدني ... انا من زمان اقولكم طيروها .. طيرووها و فكوني منها .. هذي بتجتلني ... ادريبها تحاوط رزاق .. و من هزبتها و هي ناقمتني مسودت الويه ...
روضه : هههههههههههههههههههه ... حرام عليج حليلها ..
يدت روضه : حلها حلول .. مسوت الويه ....
و توها انتبهت يدت روضه لمبارك الي مات على عمره من الظحك على يدت روضه ...
يدت روضه : وووووووووووه .... غرباللج الله يا رويض ... ما خبرتيني ان رياييل عندنا ...
روضه و هي تضحك : يدوووه هذا الا مبارك ولد سلامه بنت يدوه مريم ..
مبارك : ليش مبارك مب مالي عينج يعني ... قالت الا مبارك ... و بعدين الريال يتعرف بنسب بوه مب بنسب امه ...
يدت روضه : صدقه ... ايه يالخداي .. الريال يتلّون نسب بوه .. قولي فلان بن فلان الفلاني ..
روضه : انشااااااااااالله .. شي بعد ؟؟؟..
مبارك : ههههههه ... سلامتج ... و يروح صوب يدت روضه الي كانت روضه واقفه عندها .. و يوايها و يحبها ع راسها ... و يوم كان مبارك يحب يدت روضه عراسها حط ايده على جتفها ... و بالصدفه ان روضه كانت حاطه ايدها .. اول ما انتبه مبارك شل ايده ... كانت روضه بعدها تستوعب الموقف .. بس انتبهت ان مبارك شل ايده اول ما حس بايد روضه تحت ايده ... تيبست روضه من هاللمسه الي ما تتعدى الثواني .. و مع هذا ... حست بالدم يمشي في شرايينها من هاللمسه ...
و بعد ما يلسوو ...
يدت روضه : بشر عن خوك ربه الا بخير ..؟؟؟..
مبارك : الحمدلله ..
يدت روضه : الحمدلله ..
و تم مبارك ساكت يريد انه يستجمع افكاره من بعد ما تشتتن من لمسته لروضه ..
يدت روضه : ربه الا ينابي ..؟؟؟..
مبارك : هيه الحمدلله ...
يدت روضه : الحمدلله ..
و روضه يالسه عدال يدتها و ماسكه ايدها ... يالله مبارك لمس هالايد ...
يدت روضه : ربه الا ينش و يروح و يرد ..؟؟؟..
مبارك : لا فديتج .. ما يحترج ..
يدت روضه : يا ويلي عليه ... طيروووه .. يمدحونها بلاد العنقليز ...
مبارك : هههههههههههههه ... انشالله باجر بنسافر ... و انا الا خاطف اسلم عليكم قبل لا نسافر ...
يدت روضه : يالله ربي يسلمك يا ولديه .. و انشالله تردولنا بخير انشالله ..
مبارك : انشالله ...
و يطالع مبارك ساعته و كانت الساعه 6 المغرب ...
يدت روضه : الا بتخبرك وين بتطيروون ..؟؟؟؟..
مبارك : انشالله ألمانيا ..
يدت روضه : هيه .. زين ...
و سكتت ...
يدت روضه و هي ترمس روضه : هب هاي بلاد منصور يوم طار عام لول ... ؟؟؟..
روضه : لا يدوه .. منصور كان في بريطانيا ...
يدت روضه : و هي وين عنهم ..؟؟؟
روضه : الا عدالهم ..
يدت روضه : هيه ... و توجه كلامها لمبارك .. و شعنه ما طيروون عند ربع منصور ... ؟؟؟..
مبارك : و الله ما تفرق كله واحد ..
و سلم مبارك عليهم و قده بيطلع ... و توه راكب سيارته ... و جان يشغل المسجل .. كان مجهز هالغنيه من قبل .. كان يريد يهديها لروضه ... تمت روضه واقفه عند باب الصاله و يدتها بعدها محتشره عالخدامه ... و جان يشغل مبارك هالغنيه لروضه ..
( ودعتكم يا ليت ما كان .. يوم الوداع القلب ممحون .. اتسالني وش الي لذي كان .. لمفارج احبابه وش يكون ) ..
من سمعت روضه هالغنيه نزلت دمعتها .. تمت اتشوف مبارك و هو يركب السياره و ايروووح ... فديييييييييييييييييييييته ...

و في نفس اليوم في مستشفى توام ...

كانت شمامي بتموت .. تريد تشوف راشد ... الي ما طاع يخلي أي حد يدخل عليه .. كل الي دخلو عليه هم امه و بوه و خاواته و خوانه بس ... حتى وديمه يوم طلبت اتشوفه ... ما طاع يخليهم يدخلونها عليه ... و لا حتى ربعه قدروو انهم يشوفونه ..

و هالحال ذبح شما ... حرام عليه يحرمني من شوفته ... ليش يحرمني من اني اكون عنده ..؟؟؟...
بعد صلاة العشى وصل مبارك توام ... و أول ما شافته شما مسكته ...
شما : مبارك دخيلك خلني ادخله .. دخيلك ..
مبارك : شما ... راشد ما يريد حد يشوفه و هو بهالحاله ...
شما و هي تصيح : دخييييييييييييييييييييلك مبارك ... الشييييييييييييييييمه انك اتدخلني عليه ... دخيييييييييييييييييييلك ...
مبارك : .. شما ..
شما : ارجووووووووووووووووووووووووووووووووووووووووووووك

نزف الأحاسيس
08-10-2006, 11:47
مبارك : عخير انشالله ...
و خلاها مبارك و راح صوب راشد .. و عقب ما سلم عليه .. كان بوه عندهم ..
مبارك و هو يكلم راشد بصوت واطي : راشد .. عرب يريدون يشوفونك و يسلمون عليك قبل لا تسافر ...
راشد : ما اريد اشوووف حد ..
مبارك : ... امممممممممم .... حتى شما ؟؟؟؟..
من قال مبارك اسم شما ... تيبس راشد ... و غمض اعيونه و هو الين اللحين يتذكر شكلها و هي اتخر على ايده و اتحبها و هو في العنايه ..
راشد : اولهم شما ... ما اريد اشوفها ..
بو مبارك : برايكم بخليكم انا .. بظهر صوب عيوزي ..
مبارك : ههههههههههههههه .. ربع .. احيد عيوزك ترمس واحد من عيال بن قطامي .. لحق ع عيوزك لا يلوفونها الشبيبه ..
بو مبارك : انا راعي سمحه ... و ش لهم بعيوزي ؟؟؟..
مبارك : منصووووريه ما تنرام تعق الطير من السما بمنطوقها .. ههههههههههههههههههههه ..
و ظهر عنهم بوهم و تم مبارك و راشد بروحهم ..
راشد : ههههههههههههههههههههه ... اسميك ظحكني و انا مافيني حيل اشل عمري ..
مبارك : لا انشالله بتشل بعمرك و بتبات تنعش بعد ...
راشد و بحزن : ظنك ؟؟؟؟..
مبارك : انا متأكد من هالشي .. خل ايمانك بربك كبير و انشالله ما يصيبك الا كل خير
راشد : و نعم بالله ..
مبارك : انزين الحين شو الراي في شما ...؟؟؟..
راشد : في الشوه ...؟؟؟؟..
مبارك : و الله البنت بتموت عشان تشوفك ...
راشد : محد يموت ناقص من عمره .. و ما بيصيبها شي ان ما شافتني ...
مبارك : لا و الله حرااام لا اتين علينا ان ما شافتك ...
راشد : مبارك ... دخيل والديك ... مالي خاطر اشوف حد و لا حد يشوفنيه ...
مبارك و هو ينش عن راشد و رايح صوب الباب : رااااشد لا تكابر ... ترى غرووورك بيذبحك .. و أسأل مجرب ..

...***انا شفتك و شفت الحب فيك و كن الي مظالي ما مظالي ... احبك و انتفعلك و اهتويك نعم و اموت فيك و لا ابالي***...


طلع مبارك عن راشد و راح صوب شما الي كانت واقفه برى ترقبه يظهر من عند راشد .. اول ما شافت مبارك راحتله ...

مبارك : شما ... تراه ماطاع ...
شما : لا دخيلك ... مبارك .. و الله بموت ان راشد سافر و انا ما شفته ...
مبارك : امممممممم ... الي يبى الصلاه ما تفوته ..
شما : شو يعني ..؟؟؟..
مبارك : يعني لو بغيتي تشوفين راشد محد بيقدر يمنعج ..
شما : يعني ادخل ..؟؟؟..
مبارك : و الله هذا شي راجعلج ...
و تحرك مبارك عن شما ... تمت شمامي مرتبشه تدخل و الا لا ..
مبارك و هو يرقب شمامي من بعيد : شمامي ترى الباب مفتوووح ..
افترت شما صوب مبارك الي كان يالس يرقبها و يضحك .. تشجعت شمامي من شافت مبارك يضحكلها و فتحت الباب على راشد .. الي كان منسدح عالشبريه و رافع راسه و يشوف السقف ...
اول ما انفتح الباب افتر راشد و هو يبتسم .. كان يعتقد انه مبارك و الا حد من هله ... بس من شاف الي دخلت ماتت الظحكه على شفاته ... دخلت شما عراشد و هي متغشيه ... و مع هذا راشد عرفها من اول ما طاحت عينه عليها ...
شما : شحالك راشد ..؟؟..
راشد و يفتر براسه عالطرف الثاني : بخير ..
حز في خاطر شما حركت راشد ..
شما : عسى الخير ما يفارجك انشالله ..
و تم راشد ساكت ...
شما : راشد ..
راشد : ...
شما : راشد .. ارجوووك ..
راشد : نعم ..
شما : انزين ع الاقل شوفني و انا اكلمك ...
راشد : و ليش انشالله ..؟؟؟..
شما : و ليش ادس ويهك عني ..؟؟؟؟..
راشد و بكل ألم : مثل ما انتي داسه ويهج عني ...
شما : انا ..؟؟؟؟!!!!!!!!...
راشد : هيه انتي ... و افتر صوب شما .. انا ادري ان شكل ويهي ينفر .. و دامنج مب مستحمله تشوفينه ليش داخله عليه ..؟؟..
شما : حرام عليك راشد ليش اتقول هالكلام ..؟؟؟..
راشد : لان هذا الواقع ..
شما : كل هذا لاني اكلمك و انا متغشيه ..؟؟؟...
سكت راشد ..
شما : انا متغشيه لاني انا الي ما اريدك اتشوف ويهي .. مب لاني ما اريد اشوف ويهك ..
و تم راشد ساكت ... جان تعق شما الغشوه ... كانت الهالات السووود واضحه .. و التعب امبين في ويها ... و اعيونها ذبلانه من كثر الصياح .. ما كان راشد يريد ايشوفها .. بعد ماعقت شما غشوتها وخت براسها تحت .. رفع راشد ويهه صوب شما .. و انقبض قلبه من شاف شكلها ..
راشد : شمامي ...
رفعت شما ويها صوب راشد ... تمت ساكته و هو ساكت .. بس اعيونهم رمست بأشياء وااااااااااااايده ..
راشد : حرام عليج هذا الي تسوينه في عمرج ...
شما : ....
راشد : ليتني ما شفتج و انتي بهالحاله ...
شما و تغمض اعيونها و تتنهد : اسفه ...
راشد : على شو تتأسفين ..؟؟؟..
شما : انا ادري اني انا السبب في الي انت فيه اللحين ...
راشد : و منو قال انج انتي السبب ..؟؟؟.
شما و تنزل راسها : شو راشد انت نسيت اخر مكالمه من بيننا ..
و نزل راشد راسه و هو يتذكر هاذاك اليوم الي كلم فيه شما ...
شما : ليت لساني انقص قبل لا اقولك ذيج الرمسه ... و الله و الله اني ما كنت اعنيها و الله ..
رفع راشد ويهه صوب شما : شما دريتبج انج ما كنتي تعنينها .. مافي داعي انج تحلفين ...
شما و تصيح : و الله يا راشد اني ما عنيت شي من كلامي .. و الله ..
راشد و هو يقطع رمست شمامي : شمامي ...
شما : ... لبيه ...
راشد : حنّــا عرب ما ناكل عيشتنا بايته ..
شما : .. شو يعني ..؟؟؟..
راشد : يعني .. انسي السالفه ...
شما : بس ..
راشد و يقطع رمستها : .. شمامي .... ممكن ..
شما : ...
تمت شمامي ساكته و راشد ساكت ... مب عارفين شو يقولون لبعض ...
شما : امممممم ... بخليك اللحين عشان تنام ..
راشد : دخيلج لا تقولين بخليك ...
شما و هي تتأمل راشد : ... انشالله ...
راشد : شمامي ..
شما : لبيه ..
راشد و هو منزل راسه : ... انتي كيف تقدرين اتشوفين ويهي ..؟؟؟؟..
شما : ... راشد .. انا ما اشوف ويهك .. انا اشوف قلبك .. اشوف اعيونك .. الي تقولي اشياء وااااااااااااايده ... اشياء ما تنطقبها لسانك ..
رفع راشد ويهه صوب شمامي : انتي بعده عندج امل ..؟؟؟..
شما : كل الامل .. تدري ليش ...؟؟؟..
راشد : ليش ..؟؟؟..
شما : لان القدر عيّا يباعدنا عن بعض ... بغيت تبعد عني ... بس القدر ما بغى يمشي على هواك ..
راشد : .. لا تتفائلين وااااااايد ...
شما : لا بتفااااااائل ..
راشد : شما كيف بتعيشين مع واحد ان ما كان معاق بيكون .. بيكون مشوه ...
شما : فديييييييييييت روحك ... و الله يا راشد انت عندي شي ما ينوصف ...
راشد : شما ...
شما : .. راشد .. اريدك بزينك و شينك ... و بصراحه .. الحادث كان اسعد حدث استوى في حياتي ...
راشد : لا و الله ..؟؟؟!!!!...
شما : و الله .... لان لو ما الحادث جان انت ريل وديمه اللحين ..... راشد ... صدقني من بعد اليوم مستحيل اتكون لوحده غيري .. حتى و ان كانت هالوحده ختيه ...
راشد و هو يبتسم : و الله ..؟؟؟؟..
شما و هي فرحانه : و الله ..
شما : اللحين بطلع عنك قبل لا تدخل خالوه والا حد ..
راشد : ما توصيني بشي ايبه لج من ألمانيا ...
شما : ... اريدك اترد بخير و سلامه ...
راشد و هو يشوف شما : انشالله ...
قالت عيون راشد كلام ذبح شما ... كلام يصبرها على بعاده ... كلام يثبت حبه لها ..
افترت شما عن راشد بتطلع و هي عند الباب ...
راشد : شمامي ..
شما : لبيه ..
راشد : تراج انتي سبب حياتي في هالكون ...
تيبست شما من سمعت كلامه ...
راشد : اللين اللحين و انا اشوفج و انتي تدخلين عليه العنايه .... اللين اللحين و انا احس بلمسج لي ....
من خلص من كلامه و شما تحس عمرها في عالم ثاني ... يعني راشد كان واعي ... يعني حس بي و انا ... و انحرق ويهها من المستحى و طلعت بسرعه من الحجره ..... كان مبارك برى .. مسكين كان خايف لا حد يدخل عليهم و هم يتكلمون .. فتم برى عشان يتفادى ان شمامي تنحط في موقف محرج و راشد بعد .... انتبه مبارك لشما و هي ظاهره من الغرفه ... كانت متغشيه ... خاف مبارك لا يكون شي استوى بينها و بين راشد ... لانها طلعت و مشت بسرعه و لا انتبهت لمبارك حتى .... دخل مبارك ع راشد ... الي كان في عالم ثاني .... عالم ملكته شما ... كان منسدح و يبتسم ... و لا حس بمبارك و هو يدخل عليه الحجره ...
مبارك : راشد ..
فز راشد : شو ..؟؟!!!..
مبارك : سلامت روحك ..
راشد : الله يسلمك ...
و سكت راشد و هو بعده يتخيل شما و هي مستحيه من قالها انه حسبها و هي عنده في العنايه ...
مبارك : راشد شعندك ؟؟؟؟..
راشد : لا اله الا الله ... ما عندي شي ..
مبارك : حرام يا ان فيك شي ...
راشد : اففففففففف ... ياخي ما فيني شي ...
مبارك : اها ... اوكي ..
و نش مبارك عن راشد ... و ظهر عنه و راح صوب الحرمات و طلب عوشه خته ..
عوشه : عونك ...
مبارك : عويش زقريلي شمامي ...
عوشه و هي مستغربه : و انت شو تباها شمامي ..؟؟؟..
مبارك : لا حووول ... بدى التحقيق ...
عوشه : لا تحقيق و لا شي ..
و راحت عوشه و زقرت شمامي حق مبارك ... طلعت شما حق مبارك ..
مبارك : شمامي اريدج في سالفه ...
شما و قلبها يدق : رب ما شر ..؟؟؟..
مبارك : الا الشر بعينه ...
شما : بسم الله ... شو بلاك مبارك ؟؟؟..
مبارك : شو بلاني ..؟؟؟!!!!... متى بتردين البيت ..؟؟؟..
شما : ما ادري .. من ايي سراج بنرد انا و العاش ... ليش ؟؟؟..
مبارك : سراااااااج ... ؟؟؟... روحي زقري العاش يله بردكن اللحين ..
شما : راشد بلاك ..؟؟؟؟..
مبارك : راشد ؟؟؟...
و انتبهت شمامي انها غلطت و نعتت مبارك بأسم راشد ... و تمت مستحيه
مبارك : لا شميم انا مبارك مب راشد ( و قلدها و هي تنطق راشد ) .. يله يله جدامي البيت ...
و رجعت شمامي و عوشه عند مبارك الي تم يتحرقص .... ظاربنه فضول الريال يريد يعرف شو سالفة شمامي و راشد ... اول ما وصلو البيت كانت امنه تترياهم عشان يتعشون .... و تعشو .. و عقب ظهر مبارك و يلس في حوش بيتهم ... حست شما ان مبارك معصب منها .. حست ان فيه شي ... و يوم شافته يالس بروحه ظهرت صوبه ..
شما : شو يالس تتأمل النجوم ..؟؟؟ .....
مبارك : هههههههههههههه ... هذي اخر ليله لي في البلاد .. خليني اتأملها ..
شما : انشالله ما بتكون اخر ليله انشالله بتروحون و بتردون لنا بخير انشالله ..
مبارك : اممممممممم ..... ما اظن اني انا المعناي بدعاج هذا ...
شما : .....
مبارك : .. شما انتي الي كنتي تكلمين راشد يوم الحادث ؟؟؟؟...
انصدمت شما من سؤال مبارك لها ... ما عرفت شو تسوي او بالشوه ترد عليه ..
مبارك : انتي .. صح ؟؟..
شما : ...
مبارك : .. ااااااااه ... ادري ان مب من حقي اني اتدخل في خصوصياتكم ...
شما : .. اممممممممممممم ...
مبارك : شما شو هالحياه الي عايشنها راشد ؟؟؟... شالله حادنكم عهالعلاقه ؟؟؟

نزف الأحاسيس
08-10-2006, 11:48
شما : مبارك انت ما تدري ...؟؟؟..
مبارك : صح شما .. اكتشفت اني ما ادري عن أي شي ... بس شو الي مخلنكم عهالحال ؟؟؟..
شما : هذا قرار خوك ...
مبارك : أي قرار هذا الي يخليه يودر الي ( كان بيقول الي يحبها بس حسها ثجيله على لسانه ) .. الي يباها .. و من بد العرب ما ياخذ الا ختها ؟؟..
شما و هي تضحك بألم : شوف و حرقت يوووف ... يريد يعذبني عشي انا مالي ذنب فيه ..
مبارك : شووو ...؟؟؟؟
شما : سلامتك ... كل السالفه ... انه كان يباني انساه و يريد ينساني ...
مبارك : و ليش عاد ..؟؟؟... هو يعرف انه لو رمس و قال انه يريدج محد بيعارض و لا حد بيمنعه .. الا العرب بيعيدووون ..
شما و اتشوف ايدها : تريد تعرف السبب ..؟؟..
مبارك : ...
شما : انت السبب ..
انصدم مبارك : انا ؟؟؟؟؟؟؟؟؟؟؟؟!!!!!!!!!!....
شما : هيه انت ..
سكت مبارك شوي يستوعب الوضع ...
مبارك : لحظه .. لا تقولين ان راشد بعد كان يعتقد اني باخذج ؟؟؟؟..
شما : هيه ...
مبارك : يعني اللحين انا سبب هالحاله و هالعذاب كله ..؟؟؟؟...
تمت شما ساكته ..
مبارك : لا اله الا الله ... يعني اللحين ركبتوني الذنب و انا مالي دخل بالسالفه حتى ..
شما : لا مبارك ... محد بيتبلا عليك بشي ...
مبارك : لا و الله ؟؟؟.. يعني اللحين انا الي قلت لراشد يخليج و يرووح و يخطب وديمه ختج ..؟؟..
شما : لا مبارك بس انت السبب ... لو ما رمست ذاك اليوم عند راشد و قلتله انك تباني ما كان كل هذا استوى ..
مبارك : شما .. انا يوم رمست ما قلت انتي و لا خصيتج بشي .. انا قلت ان بغيت اخطب بخطبج انتي و الا صالحه بنت عمتيه ...
ليش هو اعتقد اني باخذج انتي بالذات ..؟؟؟.. تراني طريت صالحه بعد ... لا شما ... راشد لو كان يباج صدق جان سعالج .. جان رمس و قال سمحلي بنت خالتيه اباها و ارقبها من سنين .. ما راح و فج ثمه و يلس يصيح شرات الحرمات .. و ربع و خطب ختج .. شو هاللعبه ... !!!!!..
شما : حرام عليك مبارك ...
مبارك : لا مب حرام عليه ... لان راشد مسك رمسه قلتها من سنين ... كانت سبب فالعذاب الي عاشه و انتي تعيشينه ... و على فكره تراني انا تضررت من هالرمسه بعد مب الا انتو ...
شما : .. لا ما اعتقد انك تضررت و لو واحد بالأميه من الي تضررنابه ...
مبارك : لا و الله .؟؟... ليش شما شو قالولج عني ؟؟؟... انسان بلا مشاعر ؟؟؟؟... و الا ما احس ؟؟؟..
شما : لا مبارك محد يقدر يقول عنك هالشي بس ...
مبارك : بس راشد هو الي يحس صح ؟؟؟.. و انا الا واحد لعاب .. ماله مشاعر صح ؟؟؟..
شما : مبارك ... دخيلك عطني فرصه ..
سكت مبارك ..
شما : محد قال عنك هالكلام و لا اعتقد ان حد بيقوله عنك في يوم ... بس انا الي عنيته .. اني احب راشد مب من يوم و لا من يومين .. مبارك انا و راشد نحب بعض من سنين .. تصدق .. انا نفسي ما اعرف متى بدى حب راشد في قلبي .. لاني من وعيت عالدنيا و انا اشوف حبه في فوادي ... مبارك ... انت انسان .. لك مشاعر و احاسيس .. و هذا حالنا كلنا .. بس لو انت تعيش الي انا و راشد عايشينه ما كنت فسرت السالفه عهالاساس .. راشد يباني و انا واثقه من هالشي .. بس راشد يحبك زود عن حبه لي ..( و في هاللحظه نزلت دمعتها) .. تعرف .. من زود حبه لك .. بدّاك انت على حب عمره .. حب دام اسنين ... ( قالتله هالرمسه و هي تضحك و في نفس الوقت تصيح ) .. تعرف شو قالي ؟؟.. قالي شمامي انا احبج و انتي اول و اخر حب بحياتي ... بس تحرمين عليه في اليوم الي خويه حطج فيه في باله .. تعرف شو يعني انك اتشوف الانسان الي تحبه جدامك و لا تقدر انك تكلمه .. ما تقدر انك تهمسله حتى بحبك .. مب مسموحلك الا بالشوف... لا و شوف و الناس ما يحسوبك ... و الي يذبح انك تعرف ان هالانسان يحبك ... ااااااااااااااه ... يا مبارك ... ليتك صدق حسيت بهالشي
تم مبارك ساكت .. اااه يا راشد ... عايش كل هالعذاب في صدرك ... ليتك رمست بعذابك .. جان ارتحت و ريحت هالمسكينه ..
مبارك : ... ما اعرف شو اقولج ... بس يمكن انا ما عشت الي عشتيه انتي و راشد .. بس صدقيني انا مالي ذنب في هذا كله .. تعرفين شما ... انا كنت وايد العب عالبنات .. اعترف اني لعبت عبنات وااايد .. و بنات عرب بعد .. كم بنت كلمت و كم بنت واعدت وااايد من كثرهن ما اقدر احصيهن ... ما ادري .. يمكن ظلمت هالبنات .. بس صدقيني لو حبيت وحده منهن كنت ببيع الكون عشانها .. مستحيل اني استسلم مثل راشد ... بس تعرفين ما اقدر اقولج لو كنت مكان راشد جان سويت و حطيت ... لا ما اقدر .. بس انا انسان احب ... و صدقيني شما مستعد اني ابيع عمري و اسوق مالي و حلالي و طايفة بالخيل كلها عشان هالانسانه الي احبها .. بيني و بينج .. انا احب وحده .. مب الا احبها الا اموت عالتراب الي تدوووسه ... انسانه .. ملكت القلب .... و نزل راسه .. و انتي تعرفين هالانسانه ..
شما و هي اونها ما تعرف : انا ..؟؟؟؟..
مبارك : هيه ... روضه ...
انصدمت شما من اعتراف مبارك لها ... و في نفس الوقت انصدمت عوشه الي كانت يالسه تتسمع الرمسه من ورى الباب ...
مبارك : و الله العظيم .. اني ما قد حبيت وحده شرات روضه ... هالانسانه ملكتني بروحي ... و الله ما قد شفت وحده شراتها .... ليت القدر يجمعني بها ..
شما : بس مبارك .... انت متأكد ان روضه تحبك ؟؟؟..
نزل مبارك راسه : ما ادري ... احياننا احس انها تحبنيه .. و احياننا احسها ما تحس فيني و لا تفرق عندها اذا انا حي و الا ميت بس انا ما تفرق عندي اذا روضه تحبنيه و الا لا ... المهم اني انا احبها ... و انشالله بايي اليوم الي بثبتلها هالشي ...
شما : كيف ما تفرق عندك ؟؟؟... شفايدت حبك هذا اذا هي ما تحبك ؟؟؟...
مبارك : صدقيني شما انا متأكد ان روضه تحبنيه مثل ما انا متأكد من شوفتج جدامي ... بس الخوف في قلب روضه هو الحاجز من انها تعترفلي بهالحب .. و انا عاذرنها .. لانها بنت .. و انا نفسي ما برضى ان شي يمس روضه من ورى حبي لها .. و انشالله بايي اليوم الي تعترفلي بحبها لي ... بس خليني ارجع من برى و انشالله بتشوفين ...
شما : الله يحقق مناتك ....
مبارك : انشالله ... و انشالله اول ما يرجع راشد من العلاج .. بنهي هالسالفه الي انا سببها و انا ما ادري ..
شما : مبارك انا ما اريدك تتلوم و لا تحط في خاطرك ...
مبارك : لا بحط و لا بشل ... بس خلي بو سنيده ينش عخير انشالله ... و فالج طيب يا ام مبارك ..
شما : ام مبارك ؟؟!!!!!...
مبارك : عيل ظنج بيوزج خويه عسواد عيونج ؟؟... لا فديتج .. دامني بسعى في عرسكم .. خلاص تسمون الولد عليه ..
شما : هههههههههههههههههه ...
دخلت شما عن مبارك الي تم يالس و يفكر في حال هالدنيا ... عند باب الصاله كانت عويش يالسه و تصيح ... و اول ما دخلت شما شافتها ..
شما : عويش شو بلاج ؟؟؟...
عوشه : فدييييييييييييتج شمامي ... و لوت ع شما ... عرفت شما انا عوشه سمعت كلامهم ..
دخلت شما حجرتها ... اول شي طرى عبالها انها تتصل بروضه ... و اتصلت بروضه و شلت التيلفون شما حرمة محمد خو روضه ..
شمامي : وين روضوه عنج ..؟؟؟..
شما : اظن الا في حجرتها ... صبري بطالعها لج ...
روضه : هلا و غلا ملاييييييين بريحة الغالين ...
شما : انا اقول .. ما احيدج ترحبيبي كل هالترحيب .. ترج الا يوم اني في دار الغالين هالترحيب ...
روضه : لا افا عليج .. و الله ..
شما : ههههههههه .... شحالج ؟؟؟؟..
روضه : عم بندفش ...
شما : اممممممممم ...
روضه : و انتي ؟؟ .. علومج ؟
شما : عال العال .. و لا احلا ..
روضه : اب اب ... في تطور ..
شما : ااه يا روضه .. شفته .. و كلمته ..
روضه : قولي و الله ؟؟؟...
شما : و الله و الله ... ااااااااااه يا روضه فدييييييييييييييت هالانسان ... يالله عسى ربي يعوده لي بسلامه انشالله ...
روضه : يالله عسى امين انشالله ...
شما : اممممممم ... و انتي علومج مسودت الويه ..؟؟؟..
روضه : محد غيرج مسود الويه ...
شما : انا و الا انتي ؟؟... تعالي هنيه شو سالفة برووووووووووووووك ؟؟؟؟...
روضه و قلبها وقف : أي بروووك ؟؟؟؟...
شما : اوين الحبيبه ما تعرف منوه بروووك ... رويض رمسي لا اييج و ادوووس في بطنج اللحين ...
روضه : ماشي ..
شما : اممممم .. ما شي ... زين عيل .. مع ان مبارك موصني برمسه لج بس الظاهر ان الريال مغلط ..
روضه : شوو شووو ... شو مبارك شو قايل ..؟؟؟..
شما : لا ماشي ...
روضه : فديتج شموووووه رمسي مبارك شو قالج ؟؟؟؟.. يله فديتج شمامي ..
شما : ترجيني اكثر ...
روضه : شموه يالسباله عن المصاخه يله رمسي ..
و قالت شما لروضه عن الي استوى بينها و بين مبارك ...

نزف الأحاسيس
08-10-2006, 11:50
روضه : تعرفين شمامي .. و الله احس الناس ظالمين مبارك ... و الله مبارك انسان رقيق و حساس .. غير احسبه انسان عطووف
شما : لا و الله ؟؟؟... و انتي شدراج ؟؟؟..
روضه : ايه يالخايسه .. انا اقصد من اسلوبه مع الناس ... ليتج شفتيه ذاك اليوم في العزبه .. يالله فديته كيف يعامل يدوووه .. غير .. هالانسان رهييييييييييييييييييييييييب بيذبحني .... اتسد حلاته ... يا ويلي يا شما .. اللين اللحين و انا اتخيل شكله يوم اهداني يولته ... لا عاد و هو ايبس عدال الكيمره و يحط ايده عقلبه و ينزلها .. اااااااااااه .. و الله عذاب ...
شما : خييييييييييييييييييييبه رويض ترج مره غارجه ....
روضه :

غرقت و اغرقني الشوق في حبه ... واصبحت فالمحبه تاج ٍ و نبراسه
وقلبي ما يرتوي ذا اليوم الا بقربه... ان سألت ..هذا خييلي فديت راسه

شما : الله الله ... و صرنا نعد فيك الشعر يا بو حمد ... و رفجه تعيدينها ...
روضه : ليش ..؟؟؟..
شما : رفجت عليج تعيدينها ...
روضه : انزين ليش عاد ...؟؟؟..
شما : شي يصبر الولهان على الغربه ...
روضه : شوووووووووو ؟؟؟؟... لالالالالا ...
شما : رويض انا رفجت عليج ... افا ..
و عادت روضه البيتين على شما .... سكرت شما عن روضه ...
بالباجر عالساعه 1 الظهر كانت طيارتهم ... على مطار دبي ..
في المطار ...

الكل متواجد يودعونهم ... الا راشد لانهم دخلوه بالاسعاف من مكان خاص ... محد شاف راشد الا الي راحوله ... كانت وديمه تريد تسلم على راشد قبل لا يسافر ... فراحت مع عوشه و امونه عشان يسلمن عليه .. و كانت شمامي تلحقهن بس مبارك زقرها ..
شما : مبارك ما اوصيك ع راشد ..
مبارك : افا عليج بتوصيني على خويه ؟؟... لا مره ما يهمج ...
شما : مبارك كل يوم تتصل و تقولنا عن حالته ..
مبارك : لا ما وبلتج كل يوم اتصل ... بتدفعينها فاتورة التيلفون ؟؟؟..
شما : يالله عليك .. تراها الا فاتوره حشى ...
مبارك : و الله شوفي اذا انتي و الا بوسنيده بتدفعونها .. ببات اتصلبج و باصبح بعد ...
شما : الله لا يعوزنا عليك يالزطي ... المهم برايك بروووح صوب راشد اشوف البنات راحن صوبه ...
مبارك : هيه ربعي احيد ودوووم فطرفهن بتروح تسلم عليه .. تلاحقي شووقج لا تلوفه هالياهل عنج ...هههههههههههههههه
شما : ايه برووووووووووك ... ثمن رمستك .. شكلك الا تخور في الرمسه ...
مبارك : ههههههههههههههه .... كيفي مواطن من حقي اسوي الي اباه ههههههههههههههههه
شما : هيه و الله .. كنت بقول رمسه من عرب .. الا يوم هاي رمستك خلك يالمواطن بحسرتك .. و تمشي شما عن مبارك ..
مبارك : عرب ؟؟؟... ايه شميم ردي ... حووووووووه ..
شما : لا تحاول .... خل الجواز الي تتخققبه يفيدك يالخييلي ...
مبارك : بتذلنا هذي ... حرام يا ان ما رمستي ما اتصلبج و اخليج معلقه ع راشد مب عارفه عن شي ...
شما : شووووه ؟؟؟؟..
مبارك : اللحين لحقيني و ترجيني اني اسمع الي عندج ..
شما : تخسي ..
مبارك : تخسي ؟؟... خييييييييييبه اسميك ما ظويت ع خير يا راشد ... منصوريه ما تنلامين ..
شما : يعلك تسد عوقها المنصوريه يالخييلي ..
مبارك : هيه و الله ... ااااااااااااه فديت المنصوريه و الله ..
شما : عرب عيونهم سود يقولولك ..

غرقت و اغرقني الشوق في حبه ... واصبحت فالمحبه تاج ٍ و نبراسه
وقلبي ما يرتوي ذا اليوم الا بقربه... ان سألت .هذا خييلي فديت راسه


مبارك : يعله في ذمتج ؟؟؟؟.. هذا منها ..؟؟؟..
شما : و الله ...
و في هاللحظه شافو وديمه تمشي صوبهم و هي تصيح .. اول مره وديمه تشوف راشد من بعد الحادث .. و صدمها شكل راشد .. ما قدرت انها تشوفه او حتى اتم معاه في مكان واحد ... اول ما شافته يلست تصارخ و خلتهم تربع ... حز هالموقف في خاطر راشد بالقو بعد ...
شما : ودوم شو بلاج ؟؟؟...
وديمه : لالالالالالالالالالا..... شموه شفتي راشد كيف تم ؟؟؟..
شما : شووو انتي شفتي راشد ..؟؟؟..
وديمه : ليتني ما شفته ...
شما : شوووو ؟؟؟؟..
حتى مبارك حز في خاطره كلام وديمه ...
شما : يالله عليج ... شو بلاه راشد ما فيه الا كل خير ...
وديمه : لالالالالا بسم الله تم يخووووووووف ...
من سمع مبارك كلامها هذا ما قدر انه يتم واقف ... لانه ان تم بيصفعها تصفيع ...
راح مبارك صوب راشد ..
راشد : مبارك شفت .. شفت وديمه ..؟؟؟..
مبارك : هيه شفتها الياهل ..
راشد : شو بعدها تصيح ..؟؟؟..
مبارك : اوووووه اسميك حفلتها ... طبها عنك هالياهل ...
و في هلحظه يتهم شمامي ... من شافها راشد ابتسم ... كانت شما خايفه ع راشد من ردت فعل وديمه بس من ابتسم لها فرحت من الخاطر ... سافرو الجماعه على خير ... و رجعت شما مع سعيد و وديمه ختها صوب الوثبه ... اول ما وصلت شما الوثبه اتصلت بروضه ... و تلاقن في بيت قوم روضه ... كانت شما شاله معاها كيسه ..
روضه : شووو هذا ؟؟؟...
شما : امممممممممممم ... هذي هديه ..
روضه : حقي .؟؟... فديتج شمامي انا كنت ادري انج تحبيني ... بس بصراحه ما توقعتج تحبيني لهالدرجه ...
شما : و منوه قال اني احبج ..؟؟؟..
روضه : هههههههههههه ... يالسباله .. انزين جامليني ...
شما : هههههههههههههههههه ... اولا هالهديه مب مني ... اممممم ...
روضه : شمامي شو بلاج ؟؟؟؟؟...
شما : رويض ... ما اريدج تفهميني غلط ..
روضه : شمامي شعندج ؟؟... يا ويلي رمسي ..
شما : امممم ... روضوه ... هالهديه من مبارك و هو طلب مني اني اوصلها لج و هو ...
روضه و تقطع رمستها : شووووووووووو ؟؟؟؟؟؟؟؟.... ليش انشالله هو منو يكون عشان يهاديني ؟؟؟.. يخسي الا هو .. شو يتحسبني وحده من خايساته ... عنلالالاته ..
شما : حووووووه ... هدي اعصابج لا ينطرلج عرج ... خييييييييييييييبه نتفتي الريال تنتيف ... حشى ..
روضه : لا و الله ؟؟؟؟...
شما : روضه .. انجبي شوي ..
روضه و هي منصدمه : انجب ؟؟؟؟...
شما : هيه انجبي ... يا بويه عطيني فرصه ارمس .. و اخبرج بالسالفه .. من عقب سوي الي تبينه ... حشى .. اسميك يا مبارك ما ظويت عخير يوم ظويت ..
روضه بنقمه : لا و الله ؟؟؟... رمسي بالي في خاطرج اشوف ...
شما : ايه تراج وايد قاسيه على مبارك ... فديته .. تعرفين يوم احنا فالمطار و عديت عليه القصيده ... يالله لو شفتي شكله كيف فرح بهالبيتين ... ما تقولين غير ياهل عاطينه لعبه ...
روضه : .......
شما : يالله عليج ... هو ما عرف شو يسوي ... تعرفين انه راح السوق الحره و شرالج هالهديه و رد عليه و عطاني اياها ..
روضه : شما .. لو الموت ما خذتها ..
شما : لا و الله ؟؟؟... ليش عاد ؟ ...
روضه : لا و الله .... تبيني اخذ هديه من واحد لا اعرف و لا يعرفني و لا هب من هليه بعد ..
شما : حي .. وين ما يعرفج و لا تعرفينه ... رويض لا تكابرين .. الكل يدري ان مبارك يحبج .. و انج اتحبينه ..
روضه : شوووووووو ؟؟؟... منو الي يعرف ؟؟؟...
شما : ههههههههههههههههههه ... عنبوج يالزيغه شو تسوين ... خيبه كل هذا خوف ؟؟.. ههههههههههه
روضه : ليش شما انتي ما تبيني اخاف ؟؟... تخيلي لو الخبر وصل سلطان و الا محمد .. و الا علي حرااام لا يقصبوني قصاب ..
شما : روضه انتي ما غلطتي بشي .. انتي تحبين مبارك ... بعدين تراني انا هذوووه احب راشد و لا استوابي شي ...
روضه : شمامي راشد ولد خالتج ... بس مبارك شو يكونلي ؟؟؟؟....
شما : يقربلج ..... يدته خت يدتج ..
روضه : يالله عليج ...
و في هاللحظه دخلت شما حرمت محمد عليهن ...
شما : رويض عندي لج خبر ...
شمامي : امممممممممم ... انشالله يكون يفرح لان روضه بتظهرلي قروووون ...
شما : الا يفرح و نص ...
روضه : و الله ؟؟... شو ؟؟...
شما : اممممممممم ... عرب بيونا باجر ..
روضه : و شو الي يفرح في هالخبر ؟؟؟... الا بتيني العثره كلها .. بقيل الا اعابل في المطبخ ..
شما : امممممممممم .....
شمامي : و شكلي الا فهمت السالفه ...
روضه : ايه يله رمسن شعندكن ؟؟...
شما : تعرفين خالي خليفه .. خو يدوه الي فالخزنه ؟؟؟..
روضه : هيه .. شو بلاه ؟؟؟...
شما : اتصلت حرمة ولده محمد .. ايريدون ايونا عشان يخطبونج لولدهم بخيت ..

...*** راح و خلاني لحالي ... شفتي ويش سوى فحالي ... خبريني ويش اسوي ... لو عشق قلبه سوايا ... قولي لو هو حب غيري... وش يكون اسمى مصيري ... غير اموت انا في مكاني .... و اترك الدنيا ورايا ***...

روضه : حي و هذا من وين ظاوي بعد ...؟؟؟..
شما : شو من وين ظاوي بعد ..؟؟... هذا من هلنا ..
روضه : وايه بيبطي ما ظويته .. بخيت بعد ..
شما : روحي قولي ليدتج ..
روضه : هيه بروح عيل بسكت ....
و تنش روضه و تظهر صوب يدتها .. كانت يدتها و امها و بوها .. يالسين في صالة يدت روضه ...
روضه : يدووووه .. منوه هذا بخيت بعد ؟؟؟..
ام روضه : رويض .. ودي بالستر .. شعندج عيدتج ؟؟؟..
روضه : شووفوو من اللحين اقولكم .. بخيت ما باه و لا باخذه ..
يدت روضه : و شعنه ما تبينه ؟؟؟..
روضه : بس ما ابى اعرس ..
بو روضه : يا بنتي مالج بد من العرس ..
روضه : بويه انا ما اريد اعرس ... ما اريد اخليكم ..
بو روضه : بنتي لا انا بدوملج و لا امج بدوملج ..
روضه : لا انشالله ربي يطولي بعمركم انشالله ...
بوروضه : انشالله ... الا يا بنتي البنت مردها للعرس .. و لا تقولين مابى اعرس ..
يدت روضه : اسميك مسولها سالفه ...
روضه : يدوووووووووه ... حرام عليج ...
يدت روضه : لا هب حرام . .. الا حلال ..
روضه : امايه رمسي .. قولي شي ...
يدت روضه و اتشوف ام روضه و بنقمه : حي و امج لها شور غير شورنا بعد ..؟؟؟..
ام روضه : يا بويه مالي خص بكم ..
روضه : يالله يا امي كيف مالج خص بنا ؟؟؟!!!!! ... تراج امي
يدت روضه : عن الحشره .. يستوي خير لين الخطبه ...
روضه : يدووووووووووووه ....
بو روضه : روضه ...
روضه و هي تصيح : و الله حرااااااااااااام ...
و رجعت حجرتها و كانت شمامي تترياها ...
شما : رويض لا تصيحين ...
روضه : لا شمامي ما باه هالسبال الي ما ادري من وين ظاوي بعد ..
شما : رويض جنج الا ما تبينه محد بيغصبج عليه ...
روضه : لا اسميج ما تعرفين عيل ... غصبو ميثه عسلطان .. ظنج ما بيغصبوني عليه هالسبال بعد ..
شما : لا فرق بين وضع سلطان وميثه .. و بين وضعج ..
روضه : و الله بمووووووت اذا خذته ..
شما : لا بسم الله عليج من طاري الموت فديت روحج ...
رجعت شمامي بيتهم بعد ما حاولت انها تهدي روضه .. الي ذبحها مجرد انها ممكن تكون لانسان غير مبارك ..
رجعت شما بيتها و لا شلت معاها الهديه الي كان مطرشنها مبارك لروضه .. و روضه كانت مرتبشه و نست سالفة الهديه ..

نزف الأحاسيس
08-10-2006, 11:51
فليل عالساعه 11 رجعت روضه حجرتها عشان تنام .. راحت و تسبحت و من عقب ردت حجرتها .. انتبهت للكيسه الي خلتها شما .. راحت روضه و فتحت الكيسه ... كان فيها دبدوب ابيض وااااااااااايد حلو .. و فيها غرشت عطر .. و شريط ... و ورده حمرى .. كانت هديه بسيطه .. بس قيمتها كبيره ... طلعت الدبدوب و جان اطيح ورقه منه ... شلت روضه الورقه ... لقت مبارك كاتبلها ..

" ما ادري اذا انتي بتقبلين هالهديه و الا لا ... بس اتمنى انج تقبلينها ... هي بسيطه .. بس كل شي فيها يعنيلي وااااااايد .. روضه انا خذتلي نفس الدبدوب .. عشان كل ما اشوفه اتذكرج ... و شريتلج من العطر الي استخدمه .. تعرفين بس عشان احس انج قريبه مني .. روضه ارجوج .. لا تحرميني من هالاحساس .. حرمتيني من قربج و حرمتيني من حبج .. بس ارجوج لا تحرمين قلبي انه يحبج .. الغاليه بس اريد اقولج :
أحبج و عليج اغار و ما ودي تراج اعيون ... سوى اعيون ٍ نظرها انت و عمري لج اظحيبه .
عاشق اعيونج : مبارك الخييلي "


نزلت دمعة روضه من قرت كلام مبارك ... فدييييييييييييييييييييييييييييييييييييييته ... و شلت الدبدوب و لوت عليه .. حست ان فيه ريحة مبارك .. يالله يا مبارك ... ليتك ما سافرت .. شلت الشريط و شغلت المسجل .. اول جلبه كان فيها .. ( هالله هالله بعمرك و زينك في الهوى لا اتعب افوادك .. دام جامع هالغوى بعينك .. لا تصيبك عين حسادك .. انت توك باول اسنينك .. ما بلغت بعمرك امرادك .. لا تبيع احباب شارينك .. خف يالغالي من اعنادك ..)... رجعت روضه و جلبة الشريط عالجلبه الثانيه و كانت فيها ..( اسافر عنك و تسافر معايه .. ترافقني فحلي و ارتحالي .. اغيب و اترك العالم ورايه .. و لا احمل غير طيفك في خيالي .. وجوه الناس فالغربى مرايا .. تصور صورتك دايم في بالي.. و انسى غربتي و انسى عنايا.. و احس انك معي ماهب لحالي ..) ..
حز في خاطر روضه ... يالله مبارك يحبني صدق .. يالله فديت روحه ... راحت روضه و شلت الورده و حطتها في دفتر اشعارها و عطرتها بعطر مبارك ... تعطرت روضه بعطر مبارك .. و شلت الدبدوب .. و راحت شبريتها و تلحفت و نامت ... في هالوقت كان مبارك و هله توهم واصلين ألمانيا ... راحو مع راشد المستشفى .. و من عقب شل امه و بوه و راحو صوب الفندق الي عدال المستشفى .. كانو من قبل حاجزين فيه .. دخل مبارك غرفته .. تسبح و نام شوي ..
بالباجر ... قام مبارك و تسبح و تلبس و راح صوب حجرة هله .. دق عليهم بس محد توايبله .. راح مبارك صوب الاصنصير و دق الفص .. شوي و انفتح الاصنصير .. و طلعت منه بنت صغيره تربع ..
البنت : هييييييييييييييييييييه ...
...: نوير .. بسرعه .. عويش بتفظحنا ..
... : عوييييييييييييش ردي ...
ظهرت وحده من الاصنصير .. كانت متحجبه و لابسه عباه مسكره .. .. و عوشه من شافت مبارك وقفت البنت .. تمت اتشوفه .. ما عرف مبارك شو بلاها .. وليش اتشوفه ..
عوشه : اموووووووووووووووه .. هاذا ايثى ..
يلس مبارك يتلفت .. يريد يشوف عيسى .. بس محد كان واقف غيره .. افترت البنت صوبه .. يلست اتشوفه و هي منبهره .. استحى مبارك .. حشى ما شلت عينها ..
نوره : .. لا حبيبي هذا مب عيسى ..
في هاللحظه طلعت وحده ثانيه من الاصنصير .. وحده رهيييييييييييييييييييييبه .. طويله .. بس هي شوي ظعيفه .. كانت متنقبه ..
اول ما طلعت رفع مبارك عينه .. حس ان هالبنت فيها شي غير .. البنت ما كانت اتشوفه و لا افترت صوبه حتى .. بس شافت ان عوشه تضارب نوره ختها .. جان تفتر صوب الاتجاه الي اتشوفه عوشه .. انصدمت اول ما شافت مبارك .. حشى هب حلاه في هالريال .. .. طاحت عين هالبنت في عين مبارك .. صدق لهالبنت عيوووووووون جتّاااااااااااااااااااااله .. حشى مب عيون عليها .. فجأه ربعت عوشه عن نوره و ربعت صوب مبارك .. اول ما شافها مبارك تربع صوبه .. وخى و فتحه اديه الها .. مبارك واااااااااايد يحب اليهال .. و ما قدر انه يمنع نفسه و هو يشوف هالحلوه و هي تربع صوبه .. كانت عوشه لابسه تنوره بيضه قصيره و بوووت طويل اللين ركبها و قميص ابيض و جاكيت وردي .. و كان شعرها اسود و سايح .. كانت رهيبه هالبنت .. فز قلب مبارك عليها ..اول ما وصلت صوب مبارك شلها ...
مبارك : هلا و غلا .. فديييييييييييت الحلوين ..
راحت عوشه و لوت عمبارك : انا احبك ..
مبارك : فدييييييييييييتج و انا احبج .. و جان يحبها على خدها ..
نوره : منايه .. لحقي عويش .. بتفضحنا ..
منى : يا ويلي من هالعثره ..
و تحركت منى صوب مبارك الي نزل راسه من شاف منى تمشي صوبه ..
منى : السموحه منك ..
مبارك : لا عادي الشيخه ...
منى : عويش تعالي ...
لوت عوشه بادييها عرقبة مبارك بالقو : مااااااااااااااالييييييييييييييييييييييييد ...
مبارك و هو يحط ايده عظهر عوشه : فديييييييييتج لا تصيحين محد بياخذج ...
منى : عويش .. عيب ..
عوشه : ماليد ..
نوره : يله حبيبي بنروووح حق يدوووه ..
عوشه : هييييييييييييه يدوووووووووووووه ..
مبارك : هههههههههههههههههههههه ... و حب عوشه و نزلها ..
منى : السموحه الشيخ عالمغثه ...
مبارك و هو يشوف عوشه و لا رفع عينه على منى : لا افا عليج ... لا مغثه و لا شي الشيخه ..
منى من الخاطر ذبحها مبارك ... منى انسانه رهيبه .. مزوووووووحيه وااااااااايد .. و راعية سوااااااااااالف لابعد الحدود .. تتخالط مع الناس بسرعه .. و ما عليها كلام في الحلاه ... احلا ما فيها عيونها بصراحه .. يمكن عيبها الوحيد انها شوي ضعيفه .. شعرها مب طويل ... بس كثييييف .. و هي من النوع الي يهتم بعمره وااااااااااااااااااااايد ..
دقت نوره الاصنصير ... اول ما وصل كان مبارك واقف يشوف عوشه .. الي كانت تسوي حركات له .. جنها تندس ورى منى بعدين تظهرله و تظحك .. ماشالله عهالبنت ... اول ما وصل الاصنصير ركبت عوشه و من عقب نوره و منى ..
منى : الشيخ اذا نازل تفضل ...
مبارك و هو ما رفع عينه صوبهن : لا الشيخه نزلن انا برقب الاصنصير الثاني ...
عوشه : ايثى باااااااااااااي
مبارك : ههههههههههه بااااااااااااااااي
نزلن و شوي و نزل مبارك بعد ... راح مبارك صوب الاستعلامات عشان ايحط المفتاح عندهم .. شافهن واقفات هناك بعد .. راح و حط مفتاحه و عوشه اتشوفه و تسويله حركات بويها .. مسك مبارك نفسه .. بس بعدين ما قدر .. جان ايرووح صوب عويش و شلها و تم يسويبها حركات .. و هي ميته على عمرها من الظحك ..
مبارك : فدييييييييييييييييييتج .. و حبها على خدها ..
عوشه و هي تلعب بشعرها : انا حلوه ثح ؟؟؟..
مبارك : فديييييييييييييييييتج انتي احلا من الحلا و الله ..
منى : حبيبي عوشه .. خلاص عيب ..
مبارك في خاطره .. هذي شالله رازبها بعد ؟؟.. اوين عيب ...
نزل مبارك عوشه و خلاهن و طلع من الفندق .. و توه يعبر الشارع عشان يروووح المستشفى .. و انه يسمعهن يتكلمن وراه .. كان خاطره انه يفتر صوب عوشه .. بس خاف انهن يتحسبنه يتعلث بالياهل عشان يسويلهن حركات ..
نوره : حشى ما ريت واحد في حلاته ..
منى : ماشالله عليه .. وايد جميل ...
نوره : مب الا جميل .. الا يذبح ..
منى : هيه و الله ... الله يخليه لهله ...
تمت منى اتشوف مبارك و هو يمشي في الشارع جدامهن ... يالله .. خاطري اشووفه بالعربيه و السفره .. اكيد بيكون احلا ..في هاللحظه .. حرك الهوى شعر مبارك .. و بحركه لا اراديه .. رفع مبارك شعره ... ماتت منى من شافت شكله و هو يرفع شعره ... حشى هالريال عذااااااااب ... دخلو المستشفى .. كان مبارك يتريا الاصنصير .. و توهن واصلات منى و نوره و عوشه ..وقفن على طرف ..
عوشه : ايثى ..
مبارك : عوووووووووووووونج غناتي ...
يلست عوشه تضحك .. ما فهمت هو شو يقولها ..

نزف الأحاسيس
08-10-2006, 11:52
اول ما وصل الاصنصير ..
مبارك : تفضلن خاواتي ..
نوره : مشكور ..
منى : انزين ركب عندنا ..
مبارك : لا عادي الشيخه ...
منى : لا انت الي طلبت الاصنصير .. ركب و الا ما بنركب ..
استحى مبارك من هالموقف .. حتى منى .. ما توقعت ان ممكن تكون فيها ذيج الجرأه الي تخليها اتقول هالشي لواحد .. بس مبارك جلب كيان هالبنت ..
مبارك : انشالله ..
و ركب مبارك الاصنصير .. و تم واقف في الطرف الثاني من الاصنصير .. راحت عوشه و مسكت في ايده .. كان مبارك داق الطابق العاشر و هن داقات الطابق الاثنعش .. نزل مبارك عنهن .. و راح صوب راشد خووه .. و لقى امه و بوه عنده ..
و بعد ما سلم عليهم ..
مبارك : حشى يالشيبه .. تر مخوتك مخوت بووووووووووش ...
بو مبارك : انا راعي سمحه .. كيف جذيه ؟؟؟..
مبارك : لا راعي سمحه و لا راعي ظبيان .. عيل تغبش انت و عيوزك و لا تقولون .. و برحت اتلفت ععمري ..
ام مبارك : الي يبى الصلاه ما تفوته ..
مبارك : ايوه بدت العيووووووز ...
ام مبارك : عيز حيلك ...
مبارك : حرام يا انج عيوز و هايم بعد ... بوشهاب .. تزهب ترانا من انرد البلالاد .. بنخطبلك وحده من هالغراشيب ..
راشد : هههههههههههههههههههه ... ما ظني الشيبه يبدل عيوزنا بوحده من هالغراشيب .. افا عليك العيوز متوثقه في القلب ..ههههههههههههه
بو مبارك : و من يقوله ؟؟؟.. لالالالا .. انا من ارد .. بتنقالي من هالغراشيب وحده مزيووونه ..
ام مبارك بنقمه : شووو ؟؟؟.. و انت هالغرشوبه عالشوه بتاخذك و انت شيبه رام ...
مبارك : لا افا عليج .. الغرشوبه بترده صبي بو العشرين ..
راشد : ههههههههههههههههه ... بتحيي شبابه ...
مبارك : ههههههههههههههه .. افففففففففف لا تخبر ..

في الامارات و بالتحديد في رماح ...

كانت الريم بنت عمهن حرمة محمد خوهن يالسه عندهن .. هي و عيالها .. الا محمد الي سرح الصبح عنهم صوب بوظبي عشان دوامه ..كان جو البيت كئيب .. كانو متعودين على امهم و ربشت مبارك فالبيت .. بس ما بيدهم حيله مطرين انهم يصبرون اللين ما الله يشفي راشد .. و يرده لهم سالم ...

في الوثبه ..

كان الوضع ألعن من رماح ... في بيت هل شما .. كانت وديمه جالبه البيت مناحه ..
وديمه : حراااااااااااااااااااااااااااااام .. انتو ليش ما تحبوني ... انا بنتكم ..
ام شما : يا ويلي يا وديمه شهالرمسه ؟؟؟؟...
وديمه : اقوووووووولكم ما اريده ... حرام عليكم جنكم بتبلوني به ...
فرحت شما بردت فعل وديمه بس حز في خاطرها اسلوبها و كلامها عن راشد .. يالله عليها ...
شما : يالله يا وديمه اللين امس و انتي تتفدينه واقف و قاعد و اللحين شعندج عليه ؟؟؟؟...
وديمه و بنقمه : لا و الله ؟؟؟؟.. يعني انتي عايبنج شكله .. حشى يخوف ..
شما : من زينج انتي عاد يا اشواريت الوثبه ... مره مسكته بالحلاه ..
وديمه : شما عن الطنازه .. حرام عليج .. لو انتي مكاني بتاخذينه ؟؟؟..
شما : الا باخذه و بحب التراب الي يدوووسه بعد ..
ام شما : صدقها ختج .. هذا سنع العرب ..
وديمه : شميم انجبي .. و الله انتي تقولين هالكلام لانج ما بتعيشين عنده .. انا الي ببتليبه ...
شما : يالله يا وديمه اللحين راشد استوى بلوه ؟؟؟.. الله يرحم ..
وديمه : هيه بلوه ...
و يدخل علي و سعيد و سالم توهم يايين من صلاة العصر ..
سعيد : شعندكن محتشرات ..
ام شما : هذي وديمه .. من امس و هي تباغم ععلو حسها ..
سالم : شو يبغمج ؟؟؟..
وديمه تمت ساكته و تصيح .. لانها تعرف خوانها ..
شما : ما تبى راشد ..
سعيد : شووووووووو ؟؟؟..
وديمه : ما باه ؟؟؟..
سالم : و ليش انشالله ؟؟؟...
وديمه و هي تصيح : حرااااااااااام عليكم .. كيف تبوني اااخذه ؟؟؟.. و الله اني عايفتنه ... لالالالالالالالالا ... ما اتخيله يلمسني ... لالالالالالالالا .. و يلست تصيح و عقب نشت عنهم ..
سالم : و الله يا بناتج انهن مستبطرات ..
علي : تبون شوري ..؟؟..
ام شما : شور علينا يا بو حسن ...
علي : دام ان وديمه ما تباه .. لا تغصبونها عليه . و ..
سعيد و هو يقطع رمسته : شوووووو ..؟؟؟ هذا الي قاصر .. تبى العرب يا كلون ويهنا ..
علي : هيه صيح العرب اليوم ..و باجر بتردلك ختك مطلقه ..
ام شما : بسم الله من هالفال ..
شما : ليش امي صدقه علي .. اذا هي عايفتنه شو تتوقعين من راشد يحبها ؟؟..
سعيد : لالالالالا .. مره لا يخطر في بالكم اننا بنرد راشد عشان لعبت هالياهل ..
علي : و الله الشور لا هب شورك و لا هب شورنا ... الشور شور وديمه و بوك .. و هم الي بيحددون ..
سالم : الا اله الا الله ..
و في بيت روضه كان نفس الحال و خاصة ً بعد ما الكل عرف و تحدد اليوم الي بيون فيه هل بخيت عشان يخطبون ..
حاولت روضه مع هلها بكل الطرق .. بس مافي فايده ..
ميثه : روضه .. لا تحاولين .. حاولت قبلج و لا حد عبرني .. الا رد اللوم كله عليه ..
موزه : عاد بس عليج يوم ظواج الريال .. حشى البنات يباتن يصيحن و يصبحن يصيحن يبن الا يعرسن .. و انتي و بنت عمج تتشرطن . نبى و ما نبى ..
روضه : موزه دخيلج ..
و ان يدتهن داخله عليهن الصاله ... و نشن و سلمن عليها ..
يدت روضه : موزه يابعدي .. بغمي على هالحمرى خليها تيب دلة الزعتر صوبي ..
موزه : يدوووه منو الحمرى ؟؟؟؟..
يدت روضه : ودي .. اونج ما تعرفينها منوه ؟؟؟.. ربيعتكن هالخايسه ..
روضه : تقصد الس..
ميثه : يدوووه شبلاج عليها حليلها ؟؟؟..
يدت روضه : حلها حلول ..
و ان ألس داخله عليهن بالصنيه .. وخت الخدامه بالصنيه و حطتها شوي بعيد عن يدت روضه ..
يدت روضه : ودي بالستر .. وين فارتنها ؟؟.. قربي الصنيه صوبي ..
و حليلها الس تتنافض من العيوز ..
يدت روضه : ووووووووووه غربلج الله مسودت الويه .. وين الصروال ؟؟؟..
و مسكت يدت روضه عصاتها .. و من شافتها الخدامه ربعت ...
يدت روضه : وووه ... غربلاتها .. بلا صروااااال الحماره ...
موزه : حرام عليج يدوووه .. حتى الخدامه تبينها مصروله ؟؟؟..
يدت روضه : حزن .. تبينها عيل مجابله بلا صروال و لا حياه ؟؟؟...
ميثه : يدووووووووووووووه .. ترى موزه بلا صروال بعد ..
موزه : ميثوه يالكلبه .. تراني لابسه استرتج ..
يدت روضه : موزه .. تعالي تعالي طويز ..
موزه : ليش يدووه ..؟؟
يدت روضه : تعالي اقوووووووووولج ..
و نشت موزه صوب يدتها و توها بتيلس .. جان تمسكها يدتها من ريلها ..
يدت روضه : وينه الصروال سودا الويه ؟؟؟..
موزه : لالالالالالالالالالالا ... يدوووووه فديتج .. و كانت بتشرد عنها ..
يدت روضه : ميثه يا بعدي .. تعالي زخيها ..
روضه : يدوووه حرام عليج ..
و نشت ميثه و يلست على موزه ...
ميثه : عندج اياها ..
يدت روضه و هي تقرص موزه في ريلها : ما تبينه الصروال سودا الويه ...
موزه : ااااااااااااااا ... اباه اباه ... ميثوووه يالدبه خوزي عني ... رويض لحقيني ..
روضه : لا ما بلحقج ... انتي لابسه استرتج و هاي الوليه الي يتج .. عيل لو شافتني العيوز شو لابسه ..
يدت روضه : ودي .. ترج شو لابسه بعد ..؟؟؟.
نشت روضه من مكانها و وقفت ااخر الصاله و رفعت كندورتها ..
روضه : شوفي يدوووه شو لابسه ..
كانت روضه لابسه بنطلون واسع ..
يدت روضه من شافت الي لابستنه روضه هان عندها الي لابستنه موزه .. جان اتفج موزه ..
يدت روضه : غربلج الله .. هذا بعير بيحد فيه ..
و نقعن البنات من الضحك على يدتهن ..
ميثه : يدوووه هذي الموضه ...
يدت روضه : ووووووووووووووووه .. غربلات موظي الي ماخلت خراب ما علمته لبناتنا .. امس فصخت بنت عوشه .. و اليوم لبست بناتنا هالعلل .. باجر بتخليهن بلا شيل و بلا حياه ... ليت الا من بيشوف هالعيوز ..
ميثه : ههههههههههههههههههههههه ... روضه .. تخيلي يدووه تتواجع هي و يدوووه موظي بسبت بنطلونج ..
موزه : ايه الحبيبه .. عايبتنج وايد اليلسه فوقي .. قومي ذبحتيني ..
و تمر الايام و حال عما هو عليه .. روضه تحاول انها تغير راي هلها .. وديمه من الطرف الثاني تحاول بعد ... مبارك في ألمانيا و كل تفكيره بروضه الي ملكت افواده .. و منى الي تمت تحلم بمبارك ليل و نهار .. و كان القدر يجمعها به يا اما في الفندق او في المستشفى .. حاولت انها تتقرب اكثر من مبارك .. الي تم هاجس حياتها .. الين ما تعرفت على ام مبارك .. في يوم كانت منى و عوشه و دلال حرمة حمدان خو منى ام عوشه .. عند امه في الصاله مالت غرفة راشد .. الي كانت عوشه تلعب عنده ..
دخل مبارك القسم و لا دق الباب لانه ما كان يتوقع ان حد ممكن يكون عندهم و هو الا توه معدبهم .. راح الا يوصل بوه الفندق و رد صوبهم .. كانت منى عاقه نقابها .. هي ماشالله عليها واااااااااايد بيضى و كانت صابغه شعرها اسود ليلي .. و هذا زادها حلاه ..
دخل مبارك و لا انتبه .. كانت منى متعدله .. و ام مبارك ماتت عليها من الخاطر .. اول ما دخل مبارك .. طاحت عنيه على منى .. كانت يالسه عالكرسي الي مجابل للباب .. و امه ظهرها للباب و عدالها كانت دلال .. اول ما شافت منى مبارك وقف قلبها .. .. فجأه افترت منى و ردت بشيلتها على ويها .. استحى مبارك .. لانه حس انه خان روضه بهذي النظره .. و لو هو مب قاصدنها .. و رجع و طلع من الغرفه ..
ام مبارك : بلاج فديتج تغشيتي ؟؟؟..
منى : خالوه .. اظني ولدج كان بيحدر و من شافنا ظهر ..
ام مبارك : .. غريبه .. ما حيد مبارك يخيل من الحريم .. هههههههههههههه ..
دلال : لا يمكن لانه ما يعرفنا ..
ام مبارك : سمحلي برووح اشوفه ..
منى : لا خالوه .. احنا بنرووح عنج و انشالله بنردلج بعدين ..
ام مبارك : لا و الله ما تحتركن ... ما صدقت ريت حد يردلي الصوت ..
منى : الله يخليلج عيالج انشالله ..
ام مبارك : انشاااااااااااالله ... الا عيالي من يتلايمون ياكلولي فوادي ..
دلال : الله لا يحرمج من لمتهم انشالله ..
و ظهرت ام مبارك صوب مبارك الي كان عند ثلاجة الكابتشينو .. ياخذله كوب ..
ام مبارك : شعندك رديت عثرك ؟؟؟..
مبارك : ريت حرمات عندج ..
ام مبارك : هيه .. حليلهن ... هيلا بنات امهن مرقده هنيه .. و من شافني الصبح نزلن عندي حليلهن ...
مبارك و هو مب مهتم : زين و الله ... لقيتي حد يقصر الدوب عليج ..
ام مبارك : هيه و الله .. راشد امبونه يتخبر عنك ..
مبارك : انشالله عقب ما يظهرن الحرمات بحدرله ..
ام مبارك : ودي و انت شعليك منهن .. سلم و خطف صوب خوك في حجرته ..
مشت ام مبارك قبله ..
ام مبارك : بناتي .. خوكن بيحدر صوب خوه ..
راحت منى و لبست نقابها و دلال تحجبت ..
ام مبارك : دخل فديتك ...
مبارك : هود هووود ...
ام مبارك : هدا الغالي ..
مبارك : السلام عليكم .. كان مبارك منزل راسه و لابس نظارات شمسيه ... و لابس بنطلون ابيض جينز.. و قميص ابيض .. و رابط جاكيت رصاصي فرقبته .. كان رهيييييييييييييييييييييييب ... الا يذبح .. صدق عذاب هالريال ..
منى و دلال : و عليكم السلام و الرحمه ..
دخل مبارك على حجرة راشد و سكر وراه الباب ..
كان راشد يشوف عوشه الي كانت راكبه عالكرسي و توايج من الدريشه ..اول ما دخل مبارك الكل افتر صوبه .. اول ما شافته عوشه نطـّت من على الكرسي و ربعتله ..
عوشه : اييييييييييييييييييييييييييييثى ..
مبارك و هو يشل عوشه : هلا و غلا ... و يحب عوشه ..
لوت عوشه على مبارك بالقو ..
راشد : هههههههههههههههههههه ... حشى جن الياهل من اول مره اتشوفك تعلجتبك جذيه ..
مبارك : هيه .. هههههههههههههههههههه ... و لا قال لراشد ان هذي مب اول مره .. ما يدري ليش بس ما حب انه يتكلم ..
دخلت ام مبارك عشان اتظهر عوشه عشان هلها بيروحن ...
ام مبارك : تعالي فديتج .. امج تترياج برى ..
راشد : هههههههههههههه .. امايه خافي ربج هذي ياهل ما تفهم رمسج ..
مبارك : حبيبي عواشي .. ماماتج تريدج ..
عوشه و هي تلوي باديها بالقو على مبارك : مااااااااالييييييييييييييييييييييييييييييد ...
ام مبارك : ظهربها فديتك صوب امهاتها .. جاد من تشوف امها تفج منك ..
و ظهر مبارك بعوشه .. كانت دلال اتشووووف عوشه بنتها و هي متعلقه بمبارك ..

نزف الأحاسيس
08-10-2006, 11:54
دلال : يله حبي بنروووح عند يدوووه ..
عوشه : ماليد ...
منى : عواشي .. باباه فوووق .. بييبلج كاكاو .. يله تعالي ..
عوشه و هي تصيح : ما ليييييييييد .. اليييييييد ايثى ..
لوى مبارك على عوشه : فدييييييييييييتج ...
دلال : فديتها .. هي متعلج بعمها عيسى واااااااايد .. و كل ما تشووف ريال شبهته بعيسى ...
ام مبارك : لا يعني افداج .. الا كل من يشوف ولديه يحبه .. ههههههههههههههه ..
منى فخاطرها .. هيه و الله .. يالله كيف هالانسان رهيب ..
مبارك : انزين خاواتي خلنها عندي شوي .. و انا بوصلها لكن الين عندكن ..
دلال : لا افا عليك ما بنتعبك ..
مبارك : لا تعب و لا شي ... بس و الله حرام البنت تصيح عشي تافه ..
منى : خلاص دلووول .. بنتج و تعرفينها .. بتجلبها مناحه ..
دلال : بس اخاف اتلعوز الريال ..
مبارك : لا ما بتلعوزني .. و انشالله بوصلها الين غرفتكم ..
منى : تسلم ..
مبارك و هو حاس ان هالبنت شي فيها من صوبه : ربي يسلمكن .. بس غرفتكن وين ..؟؟؟؟...
دلال : الطابق الاثنعش .. غرفه 1223 ...
مبارك : خلاص انشالله بوصلها لكم .. و لا تستهمون عليها ..
منى : ما تستهم عغالي ..
كانت ام مبارك عند راشد و لا انتبهت لكلام منى مع ولدها و الا جان فضحت مبارك المسكين .. راحن عنهم .. و رجع مبارك صوب راشد وهو شال عوشه ..
راشد : هاه الحلوه ما راحت ؟؟؟..
عوشه و بفرحه : لا ما ليد ..
مبارك : هههههههههههههههه فديتج .. و حب عوشه ..
راشد : الا امايه هالعرب من وين ..؟؟؟..
ام مبارك : من بوظبي ..
و ان بو مبارك حادر عليهم ..
بو مبارك : اشووووف غزال عندنا ..
مبارك : هذي عواشي ..
بو مبارك : من بنته ..؟؟؟؟..
ام مبارك : بنت عرب حليلهم .. شافني البنات و ردلي و يلسن عندي ..
بو مبارك : حليلهن .. الا وش منه من الجبيله ..؟؟؟
ام مبارك : هوامل من بوظبي .. حليلهن امهن تعبانه و مرقده هنيه ..
بو مبارك : الله يشفيها ..
تمت عوشه عندهم .. و من عقب وداها مبارك صوب غرفة قوم منى في المستشفى .. دق مبارك الباب و من عقب هود ..
مبارك : هود هود ..
حمدان : هداا .. مرحبا الساع .. و ظهر حمدان صوب مبارك و توايهو الرياييل .. و دخلت عوشه تربع صوب امها ..
عوشه : ماماتي .. باباة ايثى ... قالي .. انتي ك ك كذال . كذال .. ما دلي ..
منى : هههههههههههههه ... فديتج .. و تلوي على عويش .. و جنها الا شمت ريحة مبارك فيها .. يالله هالريال بيذبحني ..
و دخل حمدان عليهم ..
ام منى : وين الريال ؟؟؟؟...
حمدان : عزمت عليه يحد الا ما طاع ..
ام منى : يالفضايح .. جن الريال وصل لين بابنا و ما تقهوى .. و لا قرب ...
حمدان : شو اسوي عزمته الا هو ما طاع .. عنده شغل عند الدكتور و ترخص عني .. الا قالي اردلج السلالام ..
ام منى : الله يسلمه من الشر انشالله ..

و في الامارات و بالتحديد في الوثبه ..

و في بيت هل روضه .. كانو عندهم هل بخيت .. و كانو يايين يخطبون روضه .. و للاسف وافقو على بخيت و قربوبه .. و تحددت الملجه على يوم الخميس الياي انشالله .. و لا حد اهتم من راي روضه ... الا محمد خوها .. بس ما قدر انه يسوي شي دام ان يدته موافقه .. في نفس يوم الخطبه .. منصور كان موجود عندهم في الميالس .. عوره قلبه .. ما كان يتوقع ان روضه ممكن تعرس و تكون لواحد غيره .. منصور ولد عمها .. الي كان يحبها من هم يهال .. راح و درس في الخارج و رجع و هو يتمنى روضه في كل دقيقه من حياته .. كان وده انه يقولهم ان روضه بنت عمه و هو اولابها من الغريب .. بس منصور توه راجع من بريطانيا .. و اللين اللحين ما اشتغل .. بأي ويه بيرمس عند الرياييل و يحير البنت و هو مب قادر انه يكد على عمره .. رجع منصور البيت و هو متكدر .. كانت ميثه في البيت .. و هي طبجت منصور .. و كانت تعرف بحبه لروضه ..
ميثه : منصور .. حرام انك اطير روضه من ايدك ..
منصور : .....
ميثه : منصور .. روضه ما تباه بخيت .. و ان خيروها من بينكم .. اكيد بتاخذك انت .. انت ولد عمها و اقربلها من بخيت ..
منصور : بس ميثه انا ما عندي شي اقدر اني اعطيه حق روضه .. انا اللين اليوم اخذ مصروفي من عند الشيبه .. وين تبيني اقولهم ابا بنتكم ..
ميثه : يالله عليك .. بويه ما بيقصر .. و الخير زايد و الحمدلله ..
منصور : ميثه .. انا ان خذت وحده .. ما بتريا بويه ايكد عليه و عليها .. و انا ما اقدر اني العوز بنت الناس ..
ميثه : منصور بس ...
منصور : ميثه خلالالاص ..
و نش عنها و طلع برى البيت .. و ساق سيارته و هو مشغل المسجل .. ( احبك لو بغيت انساك ماقدر .. احبك لا تسال القلب و اصبر .. احبك من زمن يوم الطفوله .. و يوم الوقت احلام و تصور ).. حز في خاطر منصور .. يااااااااااااااااااالله يالقدر .. و غمض اعيونه .. و لو هو ريال .. بس ما قدر انه يمنع دمعته .. دمعة ٍ تبكي ظياع نور قلبه ..
و روضه في البيت و هي قافله على عمرها و تصيح .. يالله يا مبارك .. ليييييييييييييش سافرت ؟؟؟... ليش خليتني بروووووووحي و انا محتاجتلك ..؟؟؟؟... لوت روضه على الدبدوب .. و يلست تصيح ..
(اعذريني يالهدايا .... لو هملتك بالزوايا ... ماني متحمل اشوفك ... و الي جابك مو معايا .. اعذريني يالهدايا ... الي جابك وينه عني .. يا ترى زعلان مني .. ما درى اني في غيابه ... كم شكيته للمرايا ... الي جابك وينه عني ... اعذريني يالهدايا .. )

...*** تسال الروح فجأه عنك وينك .. و جاوبها بدمع ٍ من عيوني .. لان الحب لي بيني و بينك .. دنا ما من وجد عاشق يصوني ***....
حاولت روضه مع هلها انها تغير رايهم .. بس لا حياة لمن تنادي ..
روضه : فديتك محمد .. قولهم .. و الله ما باه ..
محمد : روضه .. بويه عطى الرياييل كلمه و لا بيرد فيها ...
روضه : حرااااااااااااام عليكم .. و الله حرام
و طلعت روضه عن محمد ..
شما حرمت محمد : محمد ... لا تظلمون روضه بهالعرس ..
محمد : شما .. لا نظلمها و لا شي ..
شما : كيف ما تظلمونها ..؟؟!!!!... محمد غاصبينها عريال ما تباه و تقولون مب ظالمينها ..
محمد : و الله احنا نشوف مصلحتها احس منها .. و بخيت ريال و لا عليه قصور ..
شما : بس هي ..
محمد و هو معصب : شما جب .. لا تتدخلين في هالسالفه و لا عندج خبر .. تسمعين و الا لا ؟؟؟..
شما : .. انشالله ..
كان مبارك يرمس قوم خالته و خاواته تقريبا يوميا بس شما ما قدرت انها تقوله عن سالفة خطبة روضه ... لان محد كان يدري عن الخبر حتى امها ما كانت تعرف .. ما عرفت شو تسوي و الا شو تقول لمبارك .. الي كل ما يكلم شما يتخبرها عن غناته ..
شما : روضه .. تريديني اقول لمبارك ...
روضه : شو تقوليله ؟؟..
شما : اقوله عن سالفة بخيت ..
روضه : و هو شو بيده ... انتي اكثر وحده تعرف المناصير .. مستحيل يقربون بجبيلي دام ان واحد من هلهم و منصوري تقدم ..
شما : بس مبارك من هلكم .. و هو ربيع سلطان بعد .. و يدوووه واااااااااايد تحبه ...
روضه : ما ادري .. ما ادري .. انا خلالالاص بموت ... حتى محمد الي كنت اتحسبه بيعاوني .. تعاون معاهم ..
شما : افففففففففف ... احنا لو نقنع يدوووووه .. المشكله كلها بتنحل ..
روضه : يدوووه !!!... بعده ما يابته امه الي بيقنع يدوووه ... يدووه تغير سياسة دوله و لا تغير سياستها ..
روضه محتاره شو تسوي مع هلها عشان تغير رايهم في هالخطوبه .. و مبارك في المانيا يعد الساعات و الثواني عشان ايرد البلالالاد .. بس عشان ايشوووف غزاله المنصوري .. هالغزال الي سلب قلبه .. و جلب كيانه .. اول ما وصلو الماينا سوو فحوصات و اشعه لراشد .. و الحمدلله .. لقو ان الظربه الي صابته في ظهره ما وصلت للحبل الشوكي .. يعني الحمدلله نجى من الشلل .. بس كان عنده تمزق في عضلة ريله اليسار .. و عنده شرخ بسيط في الحوض .. و انشالله بيسوله عمليه لعظلة ريله .. بس الشرخ هذا شي ييبرى بالوقت .. و بالنسبه لتشوهات الي استوتله فهذي اشياء مع الوقت بتزول .. بس في ندوب بتم في ويهه .. بس الدكتور قاله اذا هو بغى يقدرون يسوله عملية تجميل لويهه .. بس مب قبل 3 شهور .. و هذا معناته انهم انشالله ما بيطولون في الخارج وايد .. الكل فرح بنتيجة الفحوصات ..
ام مبارك : الحمدلله ... الحمدلله .. و يلست تصيح ..
راشد : يالغاليه .. ليش تصيحين ؟؟.. الحمدلله .. سمعتيه الدكتور .. و انشالله الا شهرين و الا ثلاثه .. و انشالله بكون بخير ..
مبارك : يا بويه المنصوريه كاثره دموعها .. خلها تعبر الخزانات شوي ...
ام مبارك : برووووك ...
مبارك : خلاص خلاص .. ههههههههههههه ..
بو مبارك : هههههههههههههههههههههه ... اقول سلامه .. شالحال عالهوامل ..؟؟؟..
ام مبارك : حليلهم و الله .. ما ادريبهم .. من متى اعديبهن البنيات ..
راشد و هو يتغيلس : امممممممممممم .. بروك ما ريت عواشي ..؟؟؟..
مبارك : عواشي ..!!!... لا ما ريتها ..
راشد : نزين .. سير صوبهم ..
عطى مبارك راشد نظره ..
راشد : ههههههههههههههههههههههههههههه ...
ام مبارك : لا و الله .. يبالنا نسير صوبهم .. حليلهن البنيات يني ذاك اليوم ..
بو مبارك : سير صوبهن .. بتقصرين الدوب عليهن و عليج ..

نزف الأحاسيس
08-10-2006, 11:54
ام مبارك : هيه صدقك ..
تم مبارك ساكت ..و تذكر الموقف الي استوى بينه و بين منى اليوم عند الاصنصير .. الظهر كان مبارك رايح صوب هله في غرفة راشد .. كان توه داخل المستشفى .. و لقى منى الي كانت شاله اكياس في ايدها و تتريا الاصنصير .. اول ما وصل مبارك عند منى سلم
مبارك : السلام عليكم ..
منى و بحركه طبيعيه جبلت صوب الي سلم .. ما كانت تعرف انه مبارك : و عليكم .. و سكتت من شافته مبارك .. و عليكم السلام و الرحمه .. و جبلت بويها الطرف الثاني ..
ما كانت تقصد انها تجرح مبارك .. بس لانها تحس بالعذاب كل ما تشوفه .. مع انها ما تعرفه الا من اسبوع و 3 تيام بس .. و مع هذا مبارك ملك قلبها .. استغرب مبارك من حركتها .. يالله هالبنت شو مشكلتها .. اول ما وصل الاصنصير ..
مبارك : تفظلي الشيخه ..
منى : لا شكرا تفضل انت .. و قالتها له بكل برود ..
مبارك : لا ما يستوي .. انتي واصله قبلي ..
و ما ناقشته وايد و ركبت .. و من يومين شاف مبارك منى و نوره ختها .. كان توه ياي من الجمعيه .. و شكلهن كانن رادات من المستشفى .. تلاقى معاهن في الهول .. اول ما دخل مبارك الفندق .. رن تيلفونه .. كان حمد ولد عمه متصل يسلم .. كانت منى و نوره توهن داخلات .. طاحت عين منى على مبارك ... تمت وااااااااااااايد اتطالعه .. لدرجة ان مبارك حس بنظراتها له .. فجأه افتر مبارك .. و طاحت عينه في عين منى .. لثانيه حس مبارك بشي صوب هالعيون .. حس ان منى شي في خاطرها من صوبه .. منى انسانه حبوبه .. و محترمه و لا هب راعية حركات المغازل .. بالعكس ... بس هي من شافت مبارك .. انجلب كيانها .. فمبارك شي .. لا اراديا يخلي كل من يشوفه يحبه .. بغض النظر كونها وحده و الا واحد .. بس هو صدق يسحر البنات .. يمكن هو مب قاصد .. بس كل حركه تبدر منه تسبب عذاب للبنات .. من انتبه مبارك لنظرات منى .. نزل راسه .. انتبهت منى لحركة مبارك .. و حزت في خاطرها نفسها .. انا ليش اعبر هالانسان .. حست نفسها انسانه رخيصه ... حالها من حال أي وحده تشوف واحد في السوق و تربع وراه تريد تتعرف عليه .. من بعدها .. و منى حلفت انها ما ترزله ويه .. هو منو يكون ؟؟.. الا واحد لا راح و لا يى .. بالباجر تلاقى مبارك مع منى و عوشه و دلال في الهول .. كان الصبح . كانن بيروحن السوق .. اول ما شافت منى مبارك .. افتر الصوب الثاني .. المشكله ان مبارك انتبهلها .. استغرب من ردت فعلها .. يعني هي قبل كانت تتصنم و تيلس اتشوفني .. و اللحين من طاحت عينها عليه افترت .. !!!.. و سبحان الله .. ان القدر في هاليومين جمعهم ببعض في كل مكان يروحونه .. و انتبه ان منى تتحاشاه بطريقه رهيبه .. حز في خاطره .. هي ليش تسوي جذيه ؟؟!!!!!... استغرب مبارك من ردت فعل هالبنت .. بس هو ما فكربها وايد .. لان عنده انسانه تستاهل اني افكربها ليلي و نهاري .. هالانسانه كانت روضه .. اااااااااه يا روضه ... فديت روحج .. و غمض اعيونه .. يتخيل روضه ... يتخيل شكلها و هي يالسه و تعدل الحرارات في ميلس خالته .. اللين اللحين و هو مب قادر انه ينسى شكلها .. اللين اللحين و هو يحس بايدها و هي تحت ايده .. يالله ...
راشد : لا وضعك مستعصي ..
ام مبارك : ودي .. مبارك ..
مبارك : ااه ... شووو ..؟؟؟..
بو مبارك : لا .. بو حمد .. هب في الدار ..
مبارك : لا و الله .. هب في هالدار ..
راشد : عيل وين ؟؟؟..
مبارك : اااااااااه .. في دار بو خليفه ..
ام مبارك : فديت هالطاري و الله ...
بو مبارك : يالله ... ما عقب دار زايد دار ..

في الامارات .. و في رماح ...

نزف الأحاسيس
08-10-2006, 11:56
كانت امنه يالسه في الصاله اتشوف المسلسل المكسيكي على Lbc و كانت عوشه ختها تعابل العشى ...و الريم حرمة محمد خوهن كانت عند هلها .. و عبيد كان في العين .. كمبيوتره خربان و رايح يصلحه ... و هي يالسه
....: هوووووووووود هووووووووووود ...
و كانت الحبيبه تاكل برنقز .. و غصت بالعيشه .. قامت تربع و خلت حلاواتها و عيشتها و ربعت الحجره .. و شوي و ان عوشه داخله عليها ..
عوشه : امونه .. ليش ما ظهرتي و قربتي بسعيد ؟؟؟...
امنه : أي سعيد ؟؟..
عوشه : أي سعيد بعد ... زوج المستقبل ..
امنه و هي مستحيه : جب جب ..
عوشه : ههههههههههه .. انزين ظهري سلمي عليه .. انا ريحتيه ميعفه من المطبخ .. بروح اغسل ينبي و بتلبس و بظهرلكم ..
امنه : انشالله .. بس عويش لا تتأخرين ..
عوشه : ههههههههههههه .. لا تخافين ما بياكلج ..
و ظهرت عنها .. راحت امنه و شافت عمرها في المنظره .. و تعطرت .. و تحجبت و ظهرت صوب سعيد الي كان في الصاله ..
كان سعيد يالس يشوف مسج و صلته ..
امنه : السلام عليكم ..
وقف سعيد : و عليكم السلام مرحبا الساع ..
امنه و هي مستحيه لانها اول مره اتشوف سعيد من بعد ما رمس مبارك عنها و خطبها .. هي طبعا شافته في المستشفى و في المطار .. بس شوف عن شوف يفرق .. هذي كانت اول مره ايكونون بروحهم و بدون حد من العايله الكريمه عندهم ..
سعيد و هو يطالع امنه : شحالج ؟؟..
امنه و منزله راسها : بخير الحمدلله .. انت شحالك و شحال خالوه ؟؟..
سعيد و هو بعده ما نزل عينه عن امنه : بخير و نعمه يسرج حالها العيوز ..
امنه : هههههههههههه .. ليتها سمعتك و انت اتقول عنها العيوز ..
سعيد : ههههههههههههههههه .. ماشي الا بتكنسل الويزه ..
امنه : الحمدلله يوم انك اعترفت انك مايوب بويزه .. هههههههههه ..
سعيد : هههههههههههههههههه ..
امنه : ليش واقف .. استريح ..
و يلس سعيد ..
سعيد : وشحالهم عربانا الي برى ؟؟؟..
امنه : بخير الحمدلله ... اليوم الظهر مرمسينهم .. و انشالله الاسبوع الياي عملية راشد .. و عقبها الا اسبوعين و بيردون انشالله ..
سعيد : انشالله .. و جان يرن تيلفونه ... بس هو مارد ..
امنه : ليش ما يبت شمامي و الا ودوم عندك ..
سعيد : ليش بنت حمد و انا ما اسد ..؟؟؟؟...
امنه : لالالا .. افا عليك اتسد و زووود .. و في هاللحظه يته مسج .. و سكت سعيد و يلس يقرى المسج ..
و شوي و ان عوشه حادره عليهم .. عوشه غير عن امنه .. عوشه مزووحيه و لسانها يلوط ذنيها و هي اصغر من امنه .. بس امنه احلا منها ... امنه بيضه واااااااااااااااايد و شعرها طبيعي اسود .. و حياتها غلاض و خشمها ماشالله وايد حلو الي يشوفها ما يعطيها 23 سنه .. بالعكس يقول ام 19 سنه .. لا هي طويله و لا هي قصيره .. يعني طولها مناسب لطول سعيد .. و عوشه مب عوفه حلوه بعد .. ماشالله عايلة حمد الخييلي السمه الي غالبه فيهم انهم حلوين .. يمكن راشد الي حلاته عاديه .. يعني مب ذاك الزود ..
كان سعيد ياي يسلم عليهم و بيروح .. و قبل لا يروح ..
سعيد : شي في الخاطر من صوبنا ..؟؟؟..
عوشه : سلامة راسك من كل عوق يا بو عسكور ..
سعيد : الله يسلمج .. و سلمن عالريم ..
امنه : سلامن يبلغ .. و انت سلم عقوم خالوه ..
سعيد : يبلغ انشالله ..
و افتر سعيد عنهن و هو في الحوش و يسير صوب الدروازه بيظهر من بيتهم .. رن تيلفونه .. ورد عليه ..
سعيد : مرحبا الساع ملايييين و ازيدهن مليار و لا يسدن ..
هذا بس الي سمعته امنه و تمت متصنمه اتريد تسمع هو بمنوه يرحب كل هالتراحيب .. ركب سعيد استيشنه و تم في السياره شوي و لا احترك .. و امنه بعدها تواج عليه ..
عوشه : امون شو تسوين ؟؟؟..
امنه : و الله انه يكلم وحده ..
عوشه و هي تواج : منو هو ؟؟؟... اوووه سعيد ..
في هاللحظه ظحك سعيد ..
امنه : يا ويلي .. و الله انه يرمس وحده ..
و تحرك سعيد بسيارته ..
امنه : و الله انه يغازل الحمار ..
عوشه : امون عيني خير ..
امنه : لا لالالالا .. شكله يكلم وحده .. و الا ظنج هالتراحيب كلها لواحد .. لا و الله يا انها وحده ..
عوشه : امووووووووون .. تغارين ...؟؟؟؟...
امنه : و الله بذبحه .. عنلالالالالالالالالالالالاته منصوري مغازلجي ..
عوشه : اووووووه .. فكينا من الحشره .. تراه الا سعود .. مالها مونه الي بتغازله ...
امنه : سعود في عينج يالسباله ... وااااااايه فديت بو عسكور .. يسد انه منصوري عشان يربعن وراه ..
عوشه : يا حسرتيه .. عالشوه بيربعن وراه !!!.. ظنج مبارك بن حمد ...
امنه : في نظريه بو عسكور ما يسواه ريال في هالدار كلها ..
عوشه : يالله .. يعني اللحين سعود عندج اغلا من مبارك ؟؟؟!!!!!... وايه فقتج و فقته جنج بتبدينه على بو حمد شيخ الشباب ..
امنه : اوووووووه ... عويش لا تغيرين السالفه ... اللحين هالمنصوري منوه يرمس ؟؟؟!!!..

و في الوثبه ..
كان باقي عن ملجة روضه الا يومين ..
ام روضه : بتخبرك سلطان .. بخيت ماقالك ان جنهم بيون الحرمات و الا الرياييل بس ؟؟؟؟...
سلطان : و الله الريال رمسني امس و قالي شو الوضع عندنا .. لانهم ايبون الحرمات و الرياييل ...
ام روضه : و الله ما علينا من قصور .. و جن الا الحرمات بيحظرن .. يا مرحبابهن ..
روضه : لا و الله ؟؟... ليش تركم ناوين على حفله و دق و دربكان ؟؟؟؟..
ام روضه : يالله عليج يا روضه .. انتي اخر فرحتنا بالبنات ..
روضه : امي ارجوج .. انا من الحين اقولكم .. انا هالعرس مب موافقه عليه ..
سلطان : روضه اعتقد اننا ناقشنا هالموضوع و خلاص ..
روضه : عاد و الله حرام ...
يدت روضه : رويض .. بنت العرب ما تتنقى من عقب تنقيت هلها لها ..
روضه : بس يدووووه ...
سلطان : رويض ..
روضه : اففففففففففف .. و قامت عنهم ..
ام روضه : لا اله الا الله ..
يدت روضه : هاه شي في خاطرج ..؟؟؟..
ام روضه : سلامتج عمتيه ... و قامت و راحت صوب روضه .. الي كانت يالسه في الحجره و تصيح ...
ام روضه : فديتج يا روضه ..
روضه : امايه دخيلج .. دخيلج قوليلهم .. و الله ما اريد اعرس ..
ام روضه : يابنتي .. شهالرمسه ..؟؟...
روضه : هالواقع .. و الله ما اريد اعرس ..
ما عرفت ام روضه شو تسوي او تقول حق بنتها .. دخلت عليهم شما حرمة محمد خوها ..
ام روضه : يا بنتي تعالي شوفي ختج ..
شما : رويض فديت روحج شو بلاج ؟؟؟..
روضه : الله بلاني بهالمعرس .. و بهل ما يحسووووون ..
شما : روضه .. خافي ربج ..
روضه : و الله اني خايفه ربي و الا جان من زمان انتحرت .. عشان ارتااح من هالعرس الي بتذبحوني عشانه ..
ام روضه : يا ويلي عليج يا بنتي .. روضه انتي هب ياهل .. الي من سناج معرسات و بعيالهن اللحين .. و و الله لو بخيت فيه عيب جان انا ما قربته صوبج .. الا يا بنتي الريال ما ينعاب ..
روضه : بس انا ما اباه ..
شما : انزين شو رايج .. لو اقولج اني انا يوم خطبني محمد خوج ما كنت اباه .. و تميت اسبووع اصيح .. و من خذته ما تميت اصبر عنه ..
ام روضه : ودي و ترج شعنه ما تبينه محمد ؟؟..
شما : لالالا عموه .. انا كنت ما اباه الا اللحين محمد نظر عيني ..
ام روضه : هاه شفتي ... يا روضه .. محد بيخاف عليج كثر هلج .. و خوانج لو يحيدون بخيت شين و الا ناقدين شي فيه جان ما قربوبه .. يا بنتي استهدي بالله .. و انشالله ربج بيوفق من بينكم ..
روضه : شوفو .. تبوني اااخذه باخذه .. الا مالي دخل ان رديتلكم باجر مطلقه ..
ام روضه : بسم الله من هالفال ..
روضه : لالالالالا .. من اللحين اقولكم ... و الله يا بخيت ما يلمس شعره من راسي ..
طلعن ام روضه و شما عن روضه الي تمت يالسه في حجرتها لاويه عالدبدوب و تصيح ..

في المانيا ..
مبارك : ياخي انا هالبنت بتذبحني ..
راشد : لا اله الا الله ..
مبارك : لا و الله صدق .. يا خي لو شفتها قبل كيف كانت اتشوفني .. و الله تتعيب من افعالها اللحين ..
راشد : و انت شو عليك منها طبها ..
مبارك : و الله يا اني ما حفلتها ... الا مستغرب شو الي غيرها فجأه ..
راشد : مبارك ..
مبارك : عونك ..
راشد : ما اتصلووبك من الامارات ..
مبارك و بخبث : اممممم .. منوه يعني ؟؟..
راشد : يعني حد من عربنا ..
مبارك : و الله الي اتصلو وايد ..
راشد : اممممم ..
مبارك : ليش رشود .. حد واعدنك يتصلبك و الا شي ؟؟..
راشد : لالالا بس اتخبر ..
مبارك : بس تتخبر !!!.. زين و الله ..
و توه بيفتر و يرن تيلفونه ..
مبارك : الو ..
شما : الو .. السلام عليكم ..
مبارك و هو يشوف راشد بنظرات خبث و يبتسم : و عليكم السلام و الرحمه .. مرحبا الساع بزوجة المستقبل ..

نزف الأحاسيس
08-10-2006, 11:58
شما : حووووه بروووك انا شمامي مب رويض ..
مبارك : وايه مرحبا ملايييييييييين بشيخة المنصوريات ..
شما : مبارك شارب شي انت ؟؟؟..
مبارك : شارب من بحر حبج غناتي ..
راشد : خيبه تخيبك انت منو تغازل ..؟؟؟...
مبارك : اغازل زوجة المستقبل ..
راشد : منوووووه !!!!!...
مبارك : شميم ..
وقف قلب راشد ..
راشد : هذي شمامي ؟؟!!...
مبارك : خيبه خيبه يا الشوووق شو يسوي ..
شما : هههههههههههههههههههه ..
مبارك : هيه ظحكي .. خلاص يا بويه توثقتي في القلب ..
راشد : مبارك عن الغلاسه عطني التيلفون ..
مبارك : كم بتدفع ..؟؟؟..
شما : بو حمد ..
مبارك : لبيه ..
شما : لبيت حايه .. بس و ما عليك امر .. ناول بو سنيده التيلفون ..
مبارك و هو يبتسم و يطالع راشد : بو سنيده .. و ناول راشد التيلفون ..
مبارك : الحمدلله .. خويه ظوى راسها المنصوريه ... الفال لي انشالله .. ههههههههههههههه .. و ظهر مبارك عن راشد ..
راشد : هلا و غلا ملاييين ..
شما : و لا يسدن ..
راشد : شحالج ..؟؟؟..
شما : بخير ربي يسلمك ... انت شحالك ؟؟..
راشد : من سمعت صوتج انا بخير ..
شما : يالله يالله ..
و تمو يكلمون بعض ..
و مبارك نزل راح اييبله جريده و الا شي ..
توه بينزل من دري المستشفى .. و ان عوشه يايتنه تربع ..
عوشه : ايثى ...
مبارك : فديييييييييييييييييييييييييييييتج .. و اول ما وصلته عوشه شلها و رفعها فوووق ..
كانت منى واقفه تشوف مبارك ... و الله عذاب هالريال . .. شافته و هو ايلاعب عوشه بنت خوها .. يالله كيف هالريال حنووووووون .. في هاللحظه طاحت عين مبارك على منى .. شاف في عيونها شي .. ما فهمه .. اول ما انتبهت منى ان مبارك شافها .. استحت .. يالله .. دووومه يمسكني و انا اشوووفه ..
عوشه : ايثى .. انا اهبك ..
مبارك : فديييييييييتج .. و انا اموت عليج بعد ..
في هاللحظه ..
منى : عواشي تعالي ..
عوشه : ماليد ..
منى : عواشي ..
انتبه مبارك لمنى .. جان اينزل عوشه .. و راحت عوشه صوب عمتها .. و مشت منى و هي تقود عوشه صوب المستشفى ..
مبارك هالبنت شو مشكلتها ؟؟.. حشى شعندها ..؟؟؟.. من ثواني كانت اتشوفنيه بنظرات و اللحين شو مشكلتها .. و الله لا اعرف .. و مشى مبارك ورى منى ..
مبارك : الشيخه ..
وقفت منى ..
مبارك : لو سمحتي ممكن شوي ..؟؟؟..

...*** اسمعت فالهاتف و لا ريته .. صوت ٍ يصحي عوق و اسقام .. سلم و بادرني و حيته .. ياسعد حظي و البخت قام ***...

افترت منى صوب مبارك .. وقف قلبها من شافته .. كانت منى تكابر في حبها لمبارك .. بس من شافته و هو يبتسم و يمشي صوبها .. وقف قلبها .. كان مبارك لابس بنطلون بني و قميص ابيض و جاكيت بني .. كان لبسه سبورت .و كان لابس نظرات شمسيه. رهيب من الخاطر .. و منى ميته عليه .. اول ماوصل مبارك عند منى و عوشه .. عق نظارته .. و مسكها في ايده .. و شاف منى و هو يبتسم .. ما كان يقصد شي من ورى هالابتسامه .. بس هالابتسامه ذبحت منى .. حرام عليه هو ما يحس بالي يسويه فيني ..؟؟... غمضت منى اعيونها و تنهدت من الخاطر .. اااااااااااه ..
مبارك : السموحه ان كنت وقفتج الشيخه ..
منى : لا عادي .. خير اخويه ؟؟..
استغرب مبارك هي ليش جافه بتعاملها معاه ..
مبارك : خير ربي يسلمج .. بس السموحه منج .. بس ما ادري كيف اقولج ..
منى : لو سمحت خويه .. اذا في خاطرك كلام قوله ..
مبارك : هيه و الله فخاطريه رمسه ... بس اخافج تفهميني غلط ..
منى : كلمه تستحي منها بدها ..
مبارك و هو يشوف نظارته .. : ممكن اعرف انتي شو مشكلج ..؟؟..
منى : اناا ؟؟؟؟!!!!!!!!!!!!!!!!!!!...
مبارك : هيه انتي ..
منى و مب عارفه شو تقوله او ترد عليه .. : و من قالك ان عندي مشاكل ..؟؟..
سكت مبارك و تم ايطالع منى .. تصنمت البنت من شافت اعيونه .. يالله رموش عينه طويله .. و خشمه .. اااااااه .. محلات خشمه .. ما عرفت شو تسوي .. هالانسان جلب كيانها فوق تحت .. منى تتعذب .. و مبارك مب حاس بشي صوبها .. كان يشوفها .. و منى كانت منقبه .. و مب باين منها الا عيونها .. و مع هذا .. كان مبارك يشوفها .. جنه يشوف جماد جدامه .. ما اهتزت شعره من راسه عشان منى ..
مبارك : ما ادري شو اقولج .. بس السموحه منج .. الا ريتج وايد تتجاهليني و . . ما ادري كيف ..
منى و هي ميته : .. كيف ؟؟؟..
مبارك : منى انتي ادرى .. ما ادري شو الي استوى و خلاج تتصرفين بهالطريقه .. و اذا كان بدر مني أي شي .. فهو عن غير قصد و السموحه ..
تيبست منى من سمعت مبارك ينطق اسمها .. هو نطقه بكل عفويه .. عادي .. حتى ما حس انه نطق اسمها .. بس هي من سمعته نطق بأسمها ... ماتت ..
عوشه و هي تمط مبارك من ايده : ايثى ..
ابتسم مبارك لعوشه و وخى صوبها .. و تم يالس على نفس مستواها ..
مبارك و هو يبتسم : عوووووونج غناتي ..
عوشه و هي تأشر صوب ثلاجة الكابتشينو : اليييييييييييييييييييييييييد .. و ظحكت ..
مبارك و هو يلوي عليها : فديييييييييييييييييييييييييييييييييتج .. فالج طيب غناتي .. و شل عوشه
مبارك : السموحه عالمغثه .. و افتر عن منى .. الي تمت واقفه مكانها .. يعني هو كان منتبهلي .. كان يعرف بنظراتي له .. حس اني اتحاشاه .. يالله شو اسوي اللحين ؟... شو اقول ..؟؟... تمت منى تتريا مبارك و عواشي الين ما يرجعولها .. اول ما وصل مبارك عند منى ..
منى : عواشي .. تعالي حبي بنروح حق يدوووه ..
عوشه : لا ما لييييييييييييد .. الييد ايثى ..
مبارك : الشيخه .. خليها عندي .. شوي و برجعها لكم في غرفة الوالده ..
منى : لا ما في داعي .. امايه تريد تشوفها .. يله عواشي ..
عوشه و هي تصيح و تلوي على مبارك بالقو : ايثى مااااااااااليييييييييييد ..
عصب مبارك من منى .: يا بويه ما يرزى عليج .. انا قلتج جني الا غلطت في حقج السموحه .. حشى ..
منى : اوكي ليش تصارخ ..؟؟..
مبارك : لانج عصبتيبي .. انا عمري ما رمستج و لا ييت صوبج .. و انتي ما ادري شعندج .. جني الا ماكل حلالج و انا ما عندي خبر .
منى : لو سمحت مافي داعي تعاملني بهالاسلوب .. اوكي .. و بعدين .. انا اصلا ما قد اعترفت بوجودك في هالدنيا و لا هب مهتمه منك ..
مبارك : اوكي و انا ما قلت انج معجبه و الا شي .. كل السالفه ..
منى و تقطع رمست مبارك : معجبه ..؟؟؟!!!!!!... و من قال اني معجبه ؟؟..
طالعها مبارك بنظره .. كان مستغرب من هالبنت .. جان يبتسم .. اللحين عرف السالفه .. ماتت منى من شافت نظرت مبارك لها .. و الي ذبحها اكثر انه ابتسملها ..
منى : تعرف انك مغرووور ؟؟...
ظحك مبارك من الخاطر : هي ادري ..
و في هاللحظه تذكر روضه .. كانت اول وحده اتقوله انت مغرور .. و اول وحده تكسر غروره ..انصدمت منى من رده ..
مبارك و هو يلعب بشعر عواشي : الشيخه .. قلتلج .. اذا كنت غلطت في حقج .. و انا اشك في هالشي .. فالسموحه منج .. و اذا شي غيرها هذا .. فأنا ما اروملج حيله ..
منى : اففففففف .. اكرهك تعرف .. ؟؟..
و مشت عنه منى و خلته في صدمته .. تكرهني !!!!..
منى نفسها ما عرفت هي ليش قالتله هالشي .. بس ذبحها غروره .. هو كان يعرف بنظراتي له .. كان يحس فيني .. و مع هذا . . ما اهتم .. و لا بادلني هالشي .. لا و بكل قوة ويه يايني يقولي انتي ليش متغيره .. ااااااه .. شو هو يريد يذبحني يعني ..؟؟؟.. ركبت منى الاصنصير و راحت غرفة امها .. و مبارك بعده في الهول هو و عواشي الي كانت تشرب الكابتشينو ... شل مبارك عواشي و راحو صوب راشد ..
راشد : هلا و الله بالشيوووخ .. هلا بعواشي ..
و عواشي تظحك على تراحيب راشد لها .. و مبارك في عالم ثاني .. امممم .. هي ليش قالت انها تكرهني ؟؟.. معقول تكون معجبه ؟؟.
راشد : حووووووه ..
مبارك : شعندك ..؟؟..
راشد : انا شعندي و الا انت ..؟؟.. وين دارك ارمسك و لا هب عاطني ويه ..؟؟؟..
مبارك : اااااااااه .. لا ماشي ..
راشد : ماشي ..!!!!.. انزين وين ريتها عواشي ..؟؟..
مبارك : في الهول ... تحت
راشد : هيه .. و منو كان عندها ..؟؟..
مبارك : منى .. اووه .. عمتها ..
راشد و بخبث : منى ؟؟...
مبارك : ياخي هالبنت مب عارف مشكلتها ..؟؟..
راشد : .. ليش عاد ..؟؟..
قال مبارك لراشد عن الي استوى من بينه و بين منى ..
مبارك : انا شو سويتبها عشان تقولي اكرهك ..؟؟..
راشد : اممممم .. و الله ما دريبها ..
مبارك و هو يوايج من الدريشه . : و الله اني ما قد رمستها .. و لا افتريت صوبها ..
راشد : يمكن هذا الي ذبحها ..
افتر مبارك صوب راشد : كيف يعني ..؟؟؟..
راشد : يمكن البنت كانت تتوقع منك عكس ردت فعلك ..
مبارك : كيف يعني عكس ردت فعلي ..؟؟..
راشد : يعني هي كانت تشوفك و ترقبك .. يمكن في خاطرها شي من صوبك .. و كانت تتوقع انك تبادلها هالشي ..
مبارك : انت شو تقول ؟؟.. ابادلها شووو .. ؟؟.. و الله يا اني عمري ما سويتلها حركات و لا عبرتها حتى ..
راشد : بس يمكن هي معجبه .. تذكر .. يوم قلت ان البنات يكونن معجبات بواحد و لا يقولن له الا ان وصلهن خبر عرسه ..؟؟.. جاد ربك منى من نفس حالتهن ..
مبارك : ظنك ؟؟؟..

المحقق كونان22
08-10-2006, 19:13
مشكورة أختي نزف الأحاسيس
وراح أنتظر التكملة على أحر من الجمر

نزف الأحاسيس
09-10-2006, 15:59
أشكرك يا خوي على تفاعلك
معي وانشاء الله راح اكملها بأسرع وقت

نزف الأحاسيس
09-10-2006, 16:00
راشد : اعتقد .. و لا ظنك شعنه بتقولك اكرهك ..
مبارك : يعني هي تقصد العكس .. و تريد توصلي هالشي .. امممممممممم ...
راشد : و شو رايك ..؟؟..
مبارك : شوف راشد .. لا منى و لا عشره من امثالها .. ممكن انها تحل مكان شيخة المنصوريات في قلبي .. روضه توثقت في القلب .. و مستحيل اني ابدّي أي وحده عليها .. و لو كانت هالوحده تموت عالتراب الي ادوسه ..
راشد : ههههههههههههههههههه .. ياخي شكلهن المنصوريات خشعنا ..
مبارك : ههههههههههههههه .. مب الا خشعنا .. الا ظون روسنا .. ههههههههههه..
بعدها بنص ساعه راح مبارك بعواشي صوب هلها .. اول ما وصل صوب الغرفه .. كانت دلال توها بتظهر من الغرفه ..
عواشي : ماماتي ..
و ربعت صوب امها .. اول ما شافها مبارك نزل راسه ..
دلال : هلا هلا بعيوني .. حبيبي وين كنتي ..؟؟..
عواشي و هي تأشر على مبارك : لحت انا و ايثى اند لاثد ...
دلا ل : هههههههههههههههه .. لتكون عواشي بهدلتكم ..؟؟..
مبارك : لا افا عليج لا بهدلتنا و لا شي .. و الله نفرح بشوفتها ..
دلال : هههههههههههههه .. اعتقد ما عندكم يهال .. ؟؟..
مبارك : لا و الله عندنا يهال ماشالله .. خويه عنده ثلاثه ..
دلال : الله يخليهم له انشالله ..
مبارك : انشالله .. و اللحين السموحه منج ..
دلال : لا وين ...؟؟..
مبارك : برد صوب راشد ..
دلال : لا و الله ما ترد الين ما تتقهوي .. فضيحه توصل اللين هنيه و لا تتقهوي ..
مبارك : مره ثانيه انشالله ..
دلال : لا و الله ..
و عن حلفتها وافق مبارك ..دخلت دلال قبله ..
دلال :عموه .. مبارك بيدخل ..
وقف قلب منى من سمعت اسم مبارك ..
ام منى : افا عليج خليه يقرب ..
دلال : تفضل ..
مبارك : هوووووود ..
ام منى : هدا هدا .. قرب فديتك ..
مبارك : السلام عليكم ..
الكل : و عليكم السلام ..
ام منى : مرحبا الساع ولديه .. شحالك ..؟؟..
مبارك : بخير ربي يسلمج خالتيه .. انتي شحالج ربج الا بخير .؟؟..
ام منى : الحمدلله يا ولديه ..
مبارك : الحمدلله عكل حال ..
اول ما دخل مبارك الغرفه انتبه لمنى الي كانت عاطيتنه ظهرها .. كانت تلبس نقابها .. و طلعت عنهم دلال و عواشي و تمت منى و امها و مبارك بس ..
ام منى : فديتج منى قربي الدله صوب خوج ..
منى : انشالله ..
و حطت منى دلة القهوه و دلة الحليب عدال مبارك ..
مبارك : تسلمين الشيخه ..
منى و قلبها يدق .. : ربي يسلمك ..
ام منى : و شحال خوك ربه الا بخير ..؟؟..
مبارك : الحمدلله .. انشالله ورى باجر بيسووله عمليه ..
ام منى : الله يساعده و يشفيه انشالله ..
مبارك : انشالله ..
و في هاللحظه دخل حمدان و نوره ..
حمدان : السلام عليكم ..
و نش مبارك و سلم عليه ..
حمدان : هلا و الله بالنسيب ..
مبارك : هههههههه .. النسيب ..؟؟؟!!!..
حمدان : هيه خلاص ترانا خاطبينك حق عواش ..
مبارك : ههههههههههههههههههههه ... لا عواشي خاطبنها لولديه ..
وقف قلب منى .. هو معرس ؟؟!!!..
حمدان : خلاص عيل .. ظمنت ان بنتي ما بتعنس ..
ام منى : هاه و متى الملجه .. ؟؟... هههههههههههه ..
حمدان : هيه ترى خطاطيب بنتنا وايد .. تلاحج عمرك ..
مبارك : يا ريال خل الولد ايي اول شي و من عقب فالك طيب ...
حمدان : هههههههههههههههههههه .. و انت تخطب لولدك قبل لا تيبه ..؟؟..
مبارك : خلنا نيب امه قبل و من عقبها يستوي خير .. ههههههههههههه ..
اول مره منى تسمع مبارك و هو يسولف .. ما كانت تتوقعه جذيه .. يعني هو ما يعرف حمدان خوها .. و مع هذا الي بيشوفهم و هم يسولفون بيقول هاذيل يعرفون بعض من سنين ..
مبارك : عاد اللحين سمحولي ..
حمدان : لا وين .. ؟؟.. ما يلسنا عندك ..
مبارك : و الله راشد بروحه و اخافه يحتاي شي ..
حمدان : يا ريال بنيلس انسولف شوي و من عقب بنوصلك صوب خوك سالم غانم ..
مبارك : ههههههههههههه .. اقول شعنه ما تخاويني صوب راشد و تيلس عندنا و بنردك عقب عند هلك ..
ام منى : خاو خوك .. و قصر الدوب عليهم ..
حمدان : انشالله ..
و ظهروا عنهم ..
نوره : حشى مب حلاه عليه هالريال ..
منى : قولي ما شالله ..
ام منى : الله يخليه لهله انشالله ..
منى : انشالله ..
نوره و هي تكلم منى بصوت واطيء : اممممممم .. اخبارج ؟؟..
منى : بخير قبل لا اشوفج ..
نوره : اكيد .. كنتي اتشوفين الخييلي ..
منى : نوير .. ممكن تسكتين ..
نوره : هههههههههههههههههههههه ...
نزل حمدان و مبارك عند راشد .. و يلسو يسولفون الشبيبه ..

في الامارات ..

في الوثبه ..

باجر ملجة روضه .. و هلها مرتبشين .. يرتبون و يزهبون .. و روضه من يومين و هي الا تصيح ..
روضه : امايه .. حرام عليكم ما اباه ..
ام روضه : لا اله الا الله .. روضه .. لا تيلسين حنه فوق راسي .. جن الا في خاطرج شي رمسيبه عند بوج و خوانج ..
روضه : اماااااااااااااااااااايه ..
ام روضه : سلطااااااااااان .. محمد ... يا بويه حد منكم ايي و يطالع روضه .. تراها مللتبي ..
سلطان : هاه شعندكن ..؟؟..
ام روضه : روضه كلتلي فوادي ..
سلطان : شعنه ..؟؟.. شعندج ..؟؟؟.
روضه : ماشي ..
ام روضه : من اصبحتي و انتي تصيحين و محتشره .. و اللحين شعنه ما ترمسين .. و الا ما ترومين لخوانج .. و ما كلتلي فوادي انا بس ..؟؟..
سلطان : رويض شعندج ..؟؟؟..
روضه : ما اريد اعرس ..
سلطان : لا و الله ؟؟...
روضه : و الله ..
سلطان : جب جب ...
روضه : حرام عليك سلطان و الله اني ما اباه بخيت ..
سلطان : انتي ما تبين بخيت و الا ما تبين العرس ..؟؟؟...
ما عرفت روضه شو تقوله ..
روضه : شو تفرق؟؟.. ..
سلطان : لا تفرق .. يوم البنت ما تبى تعرس فرق من انها ما تبى الريال الي متقدملها ..
روضه : هيه ما باه ..
سلطان : ليش الشيخه انتي شو ناقده في الريال ..؟؟..
روضه : انا الريال لا اعرفه و لا ..
سلطان : و يوم انتي ما تعرفينه .. شعنه رافضتنه ؟؟؟..
روضه : بس ما اباه ..
سلطان : لا و الله ؟؟؟؟!!!!... و شعنه ما تبينه ؟؟.. رويض لا تحطين في بالج اننا بنرد بخيت عشان لعبت البنات .. و باجر الملجة ..
روضه : حرام عليكم .. منعتوني من التقنيه .. و ما خليتوني اكمل دراستيه .. و اللحين تتحكمون فيني و تيوزوني هذا الي ما ادري من وين ظاوي ..
سلطان : رويض لا تعلين صوتج ..
روضه : هذا الي همك .. اني ما اعلي صوتي ..
سلطان : رويض جب اقولج .. لا و الله لا بالعقال عجبدج .. قاصر الا تتنقين في الرياييل و تعلين حسج ..
ام روضه : يا ولديه عين خير .. ختك ياهل و لا تعرف ..
سلطان : جنها ما تعرف علميها ..
راحت عنهم روضه حجرتها و هي تصيح .. خلاص مالها امل ..

و في ألمانيا ...

مبارك : تصدق .. و الله اشتقت للبلاد ..
راشد : ههههههههههههههه .. الله يرحم سفرات اول .. خيييييييييبه تحيد يوم يلست شهر الا من ماليزيا لتايلند لما ادري وين ..
مبارك : يييه هذيج ايام الشباب ..
راشد : ليش بوحمد ترك شيبه اللحين ..؟؟؟!!!.. بعدك شباب ..
مبارك : وين شباب الله يخليك جني داق الثلاثين ..
راشد : احلا عمر لريال عمر الثلاثين ..
مبارك : و شو الي محلنه ..؟؟..
راشد : الشعر الابيض .. ههههههههههههههههههه ..
مبارك : هههههههههههههه ...
و راح مبارك عن راشد .. كان راد الفندق .. و شاف حمدان و حرمته دلال .. توهم ظاهرين من الفندق .. سلم عليهم من بعيد .. و راح صوب غرفة هله .. يلس عندهم شوي و من عقب راح غرفته ..
اول ما دخل شغل الليتات .. طاحت عينه على الدبدوب ... هالدبدوب الي كل ما يشوفه .. جنه يشوف روضه جدامه .. يالله فديت هالانسانه .. اااااااااه .. متى القدر بيجمعنا ببعض ..راح مبارك و تسبح و رجع الحجره و انسدح بينام .. بس تذكر منى .. تذكرها و هي تقوله اكرهك .. حسها قالتله هالكلمه بعذاب .. ليش انا شو سويتبها ؟؟.. يلس يفكر في منى .. فيها شي غير هالبنت .. شي ما ادري كيف .. و في نص تفكيره بمنى .. طرتله روضه .. اللين اللحين يسمع صوتها في ذنيه و هي اتقوله ..( بتتأخرون برى البلاد ..؟؟؟.. ) يالله فديت روحها ..

و في هالوقت في البلاد ..

نزف الأحاسيس
09-10-2006, 16:02
كان خلاص ماشي باقي عن ملجة روضه الا ساعات .. خلاص من هاليوم بتحرم روضه على مبارك .. و بتكون لانسان ثاني .. و تمت الملجه .. و تمت روضه جدام الله و خلقه .. حرمة بخيت المنصوري .. خلاص من هاليوم .. ما لمبارك امل في روضه ... روضه الي انجبرت على الزواج بانسان ما تعرفه .. انسان ماله أي غلا في قلبها .. انسان .. احتل مكان مبارك في حياتها .. يالله يا مبارك ليتك ما سافرت .. و لا رحت و خليتني .. والكل يبارك لروضه ..
حمامه : مبروووووك رويض ..
تمت روضه ساكته ..
مريم : لا البنت مستحيه مب عاطيتنا ويه ..
روضه : دخيلج مريم سكتي عني ..
موزه : يالله عليج يا رويض .. حشى ما تقولون اليوم ملجتها ..
روضه : ليش طويز شو تبيني اسوي ..؟؟... تبيني ارقص يعني ؟؟..
حمامه : و الله هذي ردت الفعل الطبيعيه لكل بنت في يوم ملجتها ..
روضه : اليوم يوم مماتي .. لا تتوقعن اني بفرح ..
مريم : بسم الله عليج من هالطاري ..
ميثه : رويض .. خلاص انتي من اليوم حرمت بخيت ..
روضه : ميثوه دخيلج لا تيبيلي هالطاري ..
ميثه : بس مالج بد من هالطاري .. روضه هذي قسمتج من الدنيا .. لا ادورين غيرها ..
روضه : شو انتي تبين تذبحيني .. حرام عليج .. ترى الطعن في الميت حرااااااااااااام ..
حمامه : روضه انتي صاحيه ؟؟..!!!... شعندج يا ختيه .. من اصبحتي و انتي ما تطرين غير الموت ..
روضه : لاني خلاص بموووووووووووووووووووووووووووت .. الا مت و خلاص .. و يلست تصيح ..
تمن البنات ساكتات مب عارفات شو بيسن او كيف انهن ممكن يهدن الوضع .. حمامه خت روضه البجر .. معرسه بولد عمتها و ماشالله عندها عيال ترس البيت .. و ساكنه في غياثي .. و مريم ختها الي ماخذه واحد من هلهم و ساكنه ليوا .. اول ما وصلوهم امس قبل ملجة روضه بيوم .. كلمتهن روضه عشان يساعدنها .. بس محد يقدر انه يغير شي .. خلاص انعطت الكلمه للرياييل و لا يقدرون انهم يردووون فيها ..
موزه : اقوووووووووول .. وين يدوووه ؟؟..
حمامه : احيدها محتشره على امي .. ما ادري شعندهن ..
مريم : هههههههههههه .. لو تعرفن شعنه يتواجعن ..
ميثه : شعنه ..؟؟.
مريم : رزاق يبى يسافر بلاده .. و اعيوزنا ما رخصته .. حليله رمس امي يباها تتوسطله عندها ..
حمامه : ههههههههههههههههههههه .. اسميه ما يعرف .. ربع صوب امي .!!.. ما يدري ان العيوز تعاند امي في كل شي ؟؟..
سيف : امي ..
مريم : مرحبا الساع .. مرحبا الساع .. وايه فديت هالعرضه ..
حمامه : عووونك ..
سيف : ابا فلوووس ..
حمامه : فلوووس ؟؟.. عنبوه الا العصر عاطيتنك .. شو سويتبهن ؟؟..
سيف : صرفتهن ..
حمامه : و الله مشكلتك هذي ..
سيف : امايه .. دخيلج ... اريد فلووووس ..
حمامه : وش حايتك للفلوس اللحين نصايف الليل ..؟؟..
سيف : تيلفوني معبر مافيه و لا ربيه .. اريد فلوووس بدخل كردت فيه ..
حمامه : و شو هالاتصال الي ملغوث عليه .. ؟؟..
سيف : الحرمه تباني اتصلها ..
حمامه : لا ما عليها شر ان ما رمستك الليله .. خلها تستريح ..
سيف : عاد شو اسوي ما تصبر عني .. ههههههههههههههههههه ..
موزه : سواف .. لا ترمسها .. ثجل عليها شوي ..
ميثه : يالله عليج .. اسميج عرفتي تنصحين .. بدال ما تقوله خاف ربك قالتله ثجل عليها ..
سيف : عاد طحت في حلج المنصوريات شالله بيفججني منهن الليله .. امي بتعطيني و الا روح اطلب من خاوالي ..؟؟..
مريم : حموم .. ذليتي الريال .. خطف صوب حجرة روضه .. بتلقى بوكي .. خذلك الي تباه ..
سيف : فدييييييييييييت الريم و الله ..
موزه : اللحين مريم .. تمت الريم .. عنبوج يالفلووس شو تسوين .. ههههههههههههههههه..
حمامه : لا و الله .. عنبوه يا مريم .. انا هب غالبني ولديه .. الا ياختيه .. عليه ثنويه عامه .. اباه يركز .. و يذاكر ..
سيف : لا عامه و لا خامه .. تونا مخلصين الفصل الاول .. حشى تبيني ااكلهن الكتب ..
حمامه : تاكلهن ؟؟.. لا و الله بتاكلني انا بدالهن ..
سيف : لا اله الا الله ..
حمامه و هي اتظهر الفلوس لولدها من مخباها : عاد تلاحجها شوقتك .. قالولي عالولاده ..
سيف : لا امي .. ربت و يابتلج الحفيد الاول .. ههههههههههههه ..
و ظهر عنهن سيف ..
حمامه : ياويلي من هالصبي .. عيابي ...
مريم : ما عليه شر .. خاواله قبله .. سوو سواياه و زووود .. و هاذوه رياييل اللحين ..
حمامه : عطاري خاواله .. هاه الميث .. متى بتملجون ؟؟..
ميثه و هي مستحيه : ما ادري و الله ..
موزه : ياويلي عالمستحى ..
الكل يسولف و يظحك .. و روضه في عالم ثاني .. مب عارفه .. هي شو سوت في حياتها عشان الله يجازيها بهالشي .. و تدخل يدت روضه و امها ..
يدت روضه : سلامتج .. رزاق ما بيطير .. طير الله راسج ..
ام روضه : الا اله الا الله .. يا عمتيه .. الريال هو الي يبى يسافر .. حليله من 6 سنين و هو يعدي بهله ..
يدت روضه : ودي .. وين تبينه يطير ؟؟..
حمامه : يدووووه .. بيطير صوب هله ..
يدت روضه : يا بنات الحلال .. انت هب صاحيات .. وين اخليه يطير .. بينفدووونه ..
ام روضه : و منو الي مستهم من سودته .. ؟؟..
مريم : يدوووه .. بيطير الا شهر و بيرد ..
يدت روضه : وين يرد .. !!.. حلفتلج شمسه .. يا البندق ما يوقف عندهم ..
حمامه : ههههههههههههههههههه .. و خالتيه شمسه .. شدراها ..؟؟..
يدت روضه : ودي .. شافتهم ذاك اليوم في المنظره .. حلفتلج يا دمانهم ما وقف ..
موزه : ووووووووووه .. ههههههههههههههههههههه .. يدوووه هاذيج افلالالام ..
يدت روضه : شوووو ..؟؟..
ام روضه : عمتيه .. رزاق ما عليه شر .. الا اسبوعين و بيرد ...
يدت روضه و بنقمه : شووو ..؟؟.. بتخبرج .. جن الا فلوسج كاثره و تبين تفرينهن في الرقعه .. طيري هالحمرى ..
ام روضه : الا اله الا الله .. ترووح و ترد عالبشكاره ..
يدت روضه : سكتي سكتي ..

في ألمانيا ..

في غرفة راشد ..

نزف الأحاسيس
09-10-2006, 16:02
كانت ام مبارك يالسه عالارض .. و مبارك منسدح على الارض و حاط راسه على ريل امه ..
راشد : يالله متى برد البلالالاد ..؟؟..
ام مبارك : انشالله بترد البلالاد و انت تنعش انشالله ..
راشد : ما اريد انعش .. اريد الا ارد البلالالاد ..
مبارك و هو يفكر في روضه : هيه و الله صدقك يا بو سنيده .. ليتني في الدار ..
بو مبارك : انشالله بنرد البلالاد انشالله ..
ام مبارك : امس ترمسني فاطمه .. تتخبرني عنك ..
راشد : فديتها ..
و في هاللحظه .. دخلت عواشي عليهم و هي تربع ..
منى : عواشي .. دلول بنتج فظحتنا ..
و في هاللحظه .. شافت منى مبارك و هو منسدح على ريل امها .. من الخاطر ماتت عليه .. اول ما انتبهلها مبارك صلب عمره ..
ام مبارك : مرحبا الساع مرحبا الساع ..
و عواشي اول ما شافت مبارك ربعت صوبه .. حتى كان بعده يالس عالارض ..
مبارك : هلا هلا ..
عواشي : اييييييييييييثى ..
راشد : هههههههههههههههههه .. اسميه يوم عيد يوم بتزقرك بأسمك ..
مبارك : كل ما اييني من عواشي حلو ..
نشت ام مبارك و سلمت عالبنات .. و ظهرن من الغرفه و يلسن في الصاله الخارجيه لغرفة راشد ..
دلال : خالوه .. ترى عمتيه محتشره علينا .. لازم نيبج صوبها ..
منى : و الله يا خالتيه لو هي تقدر جان وصلج ..
ام مبارك : لا فديتج .. الوصله علينا يعني افدى روحج .. انشالله .. هيدلي بلبس العباه ..
و راحت ام مبارك عنهن و حدرت على حمد و عياله .. و كانت عواشي تلعب بلحية بو مبارك ..
ام مبارك : ههههههههههههه ... عندج اياها نتفيها لحيته ..
و راحت و عقت شيلتها البيضى و لبست عباتها ..
مبارك : وين بها العيوز ..؟؟؟..
ام مبارك : بخاوي البنيات صوب امهن ..
و راحت ام مبارك صوب ام منى .. و الصدفه ان ام مبارك و ام منى كانن متعارفات من قبل .. هن ما قد اتشاوفن .. الا ام منى مزروعيه من ليوا .. و من هالشي عرفو بعض .. يعني عرفت ان ام منى بنت فلان بن فلان .. و نسيبة فلان .. يعني اتلو النسب .. ابطت ام مبارك عندهن .. شلتها السوالف العيوز و لا انتبهت للوقت .. و قبل لا تروووح كان تريد تتصل بمبارك عشان ايي و يشلها من عندهن .. ما كان حد عند ام منى .. غير منى .. لان دلال و حمدان و نوره و عواشي راحو السوق ..
ام مبارك : ووووه .. نسيت تيلفوني ..
منى : افا عليج خالوه ... هاذوه التيلفون ..
و اتصلت ام مبارك من تيلفون منى عتيلفون مبارك ..
مبارك : ما عليه ... خلاص اللحين بسير صوبج .. بس تراني في الفندق .. جاد أتأخر عليج شوي ..
ام مبارك : ما عليه ولديه .. بترياك ..
خطف مبارك عأمه و شلها و راحو صوب راشد و من عقب ردو الفندق ...
بالباجر كانت عملية راشد .. و الكل مرتبش في االبلاد و في ألمانيا .. و الحمدلله .. تمت العمليه على خير الحمدلله .. مر اول يوم عخير و ما شالله هل الامارات ما قصرو بتيلفوناتهم .. و الله راشد يستحق كل خير ربي يشفيه ..

و في الامارات ..

يدت روضه : روييييييييييييض ..
روضه : لبيه ..
يدت روضه : لبيتي حايه يالغاليه .. بتخبرج عندج تيلفون سلامه ..؟؟..
روضه : شسلامه ..؟؟؟..
يدت روضه : سلامه بنت ختيه مريم .. اسمع الحرمات امس يطارنها .. ولدها سوى عمليه ..
روضه : لا يدوووه ما اعرفه ..
يدت روضه : ظربي حق بنت خالتج و خذي تيلفونها ..
روضه و هي من الخاطر فرحانه : انشالله ..
وراحت روضه و اتصلت بشمامي ... و خذت من عندها رقم مبارك ..
اتصلت روضه بمبارك عشان يدتها ترمسهم ..
مبارك : الو ..
وقف قلب روضه .. فدييييييييييييييييييييييييييييييييييييييييييته ...
روضه : .. الو ..
عرفها ... لا مستحيل .. روضه !!!!!!!!!!.. فديييييييييتها .. يالله كم بعيش ..

...*** بحظر زفافك يا حياتي .. بحظر زفاف الي هويته .. و برزف عشانك لا تحاتي .. و بهديك كل الي بغيته .. بهديك دمعي و اعبراتي .. و الهم لي فيني رميته ***...

مبارك : ااااااه .. مرحبا ملايييييييييييين و لا يسدن في ذمتيه ..
روضه و قلبها يدق : مرحبا الساع .. مبارك ..؟؟؟..
مبارك : نظر مبارك .. لبيه غناتي ..
روضه لا خلاص بموت ..
روضه : لبيت حايه الغالي .. شحالك ..؟؟. ربك الا بخير ..؟؟؟..
مبارك : و رفجه يا الخير ما ياني الا من سمعت صوتج ..
يدت روضه : منوووه ترمسين ؟؟.. سلامه ..؟؟..
روضه : لا يدووه .. هذا مبارك ..
يدت روضه : وايه فديت هالطاري .. عطيني برمسه ..
روضه : انشالله .. بو حمد .. يدوووه بترمسك ..
مبارك : ااااااااااااااه ياقلبي ..
حست روضه انه بيقول كلام هي ما تستحمل انها تسمعه .. جان تمد التيلفون صوب يدتها ..
يدت روضه : مرحبا الساع .. مرحبا الساع ..
مبارك : فديييييييييييييييييت راعية هالصوت ..
يدت روضه و هي متشققه : تفدتك العافيه يالغالي .. وشحالك ربك الا بخير ..؟؟..
مبارك : بخير و نعمه يعني افداج ..
يدت روضه : وشحال خوك و عربانك مناك ..؟؟..
مبارك : يسرج حالهم يالغاليه ما يشكون باس ..
يدت روضه : و عيوزك وينها عنك ..؟؟؟..
مبارك : فديتج يدوووه .. انا في الفندق و هم في المستشفى .. عقب نص ساعه برد صوبهم ..
يدت روضه : خلاص عيل بنرد نخابركم ..
مبارك : انشالله .. ترانا ما نصبر عنكم يالغاليه ..
يدت روضه : ههههههههه ... يقولولك ..

صوته يريح بالي يخوز مني الكدر .. يعله يرد الغالي بخير من السفر
و ييب خبر طيب بين العرب يذكر .. فرقاه من الصعايب يا غير اتصبر
لو ما استحي بزوره على طريق البر.. و الا على طياره و الا بوسط البحر
يا غير اخاف اغثه عقب ما يستقر .. الله عليم و داري عل الزمان يمر
و يرجع علي الغالي و نرتاح من السفر .. و يوم العصير نروح على ظو القمر
و سلامتكم ..

مبارك : ربي يسلمج يالغاليه ..
روضه : الله يدووووه .. منو عاد هالقصيده ؟؟..
يدت روضه : انا عاديتنها ..
مبارك : و فمنوه معدوده .. ربهم الا عرب يسووون عاد ...؟؟؟..
يدت روضه : جن مبارك بن حمد ما يسوى من الي يسوى في هالدار ..!!!! ..
مبارك : يا ويل حالي .. الحين هالقصيده معدوده فيني ..؟؟..
يدت روضه : هيه فديت روحك .. شلنا شووقك يا بوحمد ..
مبارك : ربي يطولي بعمرج يالغاليه .. هانت الا اسبوعين و بنردلكم انشالله ..
يدت روضه : بتنور البلالالاد ..
سكرت عنه يدت روضه عاساس انهم بيرجعون و بيتصلوبهم بعد ساعه ..
و الي ما كانو يعرفونه .. انهم يوم اتصلو بمبارك .. كان اصلا في المستشفى .. و اول ما سمع صوت روضه ظهر عنهم برى في الممر .. و تعمد انه يقولهم انه مش عند هله .. عشان ترجع و تتصلبه روضه .. و يسمع صوتها .. و يرتوي شوقه من غزاله المنصوري ..
و روضه تعد الدقايق و الثواني ... يالله يا مبارك ... ليت عيني تنظر اعيونك .. و بعدها بساعه و شوي .. رجعت روضه و اتصلت بمبارك .. الي كان يرقبها تتصلبه .. كان مبارك في الممر .. ظهر الماي .. حشى مسك الممر من اوله الين اخره .. يرقب تيلفونه يرن
و اول ما اتصلت روضه شله مبارك ..
مبارك : مرحبا الساع مرحبا الساع ملاييين و لا يسدن ..
روضه و هي طايره من الفرح : المرحب باجي و لا هان .. شحالك بو حمد ..؟؟؟..
مبارك : اتحرقص من الصبح ارقبكم تتصلون ..
روضه : ههههههههههههه ..
غمض مبارك اعيونه .. يتخيل روضه جدامه و هي تظحك ..
مبارك : يا ويل حالي ..
روضه : .... اممم .. خالوه سلامه عندك ..؟؟؟..
مبارك : لا تقولين خالووه ..
روضه و هي حاز في خاطرها : لييييييش ..؟؟!!!..
مبارك : قولي عمووه .. عشان تتعودين تنطقين هالكلمه قبل عرسنا ..
تيبست روضه من كلام مبارك .. خنقتها العبره من كلامه .. كانت تريد انها ترمسه .. بس من سمعت هالرمسه ما قدرت انها ترمسه ..و عطت التيلفون ليدتها عشان ترمسه.. و ربعت صوب حجرتها و لوت عالدبدوب و صاااااااااحت من الخاطر .. انصدم مبارك من رد فعل روضه .. شو بلاها ..؟؟.. شكلها البنت تستحي .. ما كان يدري ان روضه مستحيل تكون له .. لانها ملك انسان ثاني ..انسان فرق بين قلوب هالعشاق .. يالله يالقدر .. رمست يدت روضه مبارك و من عقب رمست الباقين .. و العيوز ما تروم تمسك لسانها و قالت لام مبارك عن ملجة روضه .. بعد ما سكروا عنهم .. و مبارك في عالم ثاني .. يالله يا روضه .. اااااااااه .. ليتني في البلاد ..
ام مبارك : راشد متى بتملج ..؟؟..
راشد : بسم الله من هالطاري .. شيابه عبالج ..؟؟..
ام مبارك : خالتيه .. تتخبرني ..
راشد : بعدني ما قررت .. يسد فالها عليه ..
ام مبارك : ودي أي فال ..!!!..
راشد : خلاص خلاص ..
ام مبارك و هي ترمس ريلها : الخميس الي طاف كانت ملجة روضه بنت سالم ..
بو مبارك : شسالم ..؟؟..
ام مبارك : سالم ولد خالتيه ..
و هنيه تيبس مبارك ..
مبارك : هل الوثبه ..؟؟؟؟؟؟؟؟..
ام مبارك : هيه هل الوثبه ... خت سلطان ربيعك ...
مبارك : شوووووووووووووووووووو ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟...
ام مبارك : بسم الله عليك ... شعندك ..؟؟؟..
مبارك : انتي متأكده ان روضه الي انخطبت ..؟؟..
ام مبارك : ودي توها خالتيه اتقولي ..
مبارك بعده مب مستوعب الي يستوي .. روضه انخطبت .. لا و ملجتها كانت يوم الخميس بعد ..!!!!... لالالالالالالا ما اصدق ... مستحيل .. طلع مبارك عنهم و لا قالهم شي .. نزل من المستشفى و تم يحووووووووووط .. كيف روضه تكون لانسان غيري ؟؟؟!!!.. ليش محد قالي ..؟؟ .. معقوله !!!......... لا ما اصدق ... مستحيل روضه تكون لانسان غيري ... لالالالالالالالالا ... نزلت دمعة مبارك ... لا روضه ملك انسان غيري ؟؟!!!... و في هاللحظه تخيل روضه و هي تمشي و ماسكه في ايد ريلها ... لالالالالالالالالا .. لا كيف روضه تكون لانسان غيري .. مسكين حالك يا مبارك .. اول مره يحس ان قطعه من جسمه مب في مكانها .. لا و انشلت بالغصب .. حس جن حد جلع قلبه من مكانه .. يالله .. تم مبارك على هالحال ساعات و لا هب عارف لعمره ...اول شي طرى على باله خليفه ربيعه .. جان يتصلبه ..
خليفه : مرحبا الساع ملاييييييييين ..
مبارك : مرحبا خليفه ..
خليفه : رب ما شر يا بو حمد ..؟؟..
مبارك و هو خانقتنه العبره : خليفه .. بموت ..
خليفه : افا .. ليش ؟؟.. راشد شي فيه ..؟؟..
مبارك : لا مب راشد .. انا .. خليفه .. ( و في هاللحظه نزلت دمعته .. دمعة ٍ تحرق افواده ..) روضه .. ما قدر انه ينطق بشي ..
خليفه و هو خايف : مبارك .. رمس .. شعندك ؟؟.. شو الي مستوي ؟؟..
مبارك : روضه يا خليفه .. روضه بت.. بتعرس ..
خليفه و هو منصدم : شوووووووووووووووو ؟؟؟؟؟؟؟؟...
مبارك : اااااااااااه يا خليفه ..
و تم مبارك ساكت .. و لا عرف خليفه شو يسوي .. كان ساكت يريد مبارك يرمس .. بس كان يحس بمبارك .. كان يعرف ان مبارك يصيح .. يالله يالقدر .. مبارك الخييلي .. الي ما تمت بنت ما صاحته .. هاليوم يصيح بنت .. لا و مب أي بنت .. البنت الي سبته .. البنت الي كانت اول انسانه في هالكون الي تكسر اغروره ... تم خليفه ساكت .. مب عارف شو يقول او يسوي .. بس خليفه و من بد العربان كلهم .. اكثر واحد كان يعرف مبارك .. و يعرف ان حب مبارك لروضه .. حب مستحيل يكون له مثيل ..

نزف الأحاسيس
09-10-2006, 16:03
خليفه : .. مبارك ..
مبارك : و الله العظيم .. اني ما توقعت هالشي .. اللين اللحين .. احسها السالفه جذب .. خليفه .. دخيلك قولي ان السالفه جذب .. قولي ان روضه ما ملجة .. قولي ان روضه في البلاد ترقبني ..
خليفه : .....
مبارك : قووووووووووووووووووووووولي .. و في هاللحظه .. يلس مبارك على كرسي كان محطوط عالرصيف .. و وخى براسه .. و مسك راسه بأديه الثنتين .. و الله العظيم اني احبها .. و الله اني كنت بخطبها اول ما ارد البلالالالالاد .. و الله العظيم ..
خليفه : مبارك .. انا ادريبك .. و ادري انك تحب روضه .. بس حرام الي تسويه في عمرك ..
مبارك : و الي استوى فيني هب حراااام ... ؟؟؟...
سكت خليفه ...
مبارك : السموحه منك خليفه .. بسكر عنك ..
خليفه : لا وين تسكر و انت في هالحاله ..
مبارك : خليفه دخييييييييييييييلك .. مالي خاطر ..
خليفه : اااااااااااااه .. انشالله .. بس تراني برجع اتصلبك ..
مبارك : انشالله ..
و سكر مبارك عن خليفه .. تم يالس مكانه .. خلاص .. لشو حياتي من عقب روضه ؟؟.. رجع المستشفى .. و هو كان يمشي صوب المستشفى .. عالطرف الثاني من الشارع .. كانت منى و عواشي و دلال و حمدان .. رايحين صوب الفندق .. الكل انتبه لمبارك .. كان يمشي و هو في عالم ثاني ... لدرجة ان عواشي يلست تزقره .. و هو ما رد عليها .. لانه ما انتبهلها اصلا .. انتبهت منى لحال مبارك .. شو بلاه ..؟؟.. لا مبارك مب طبيعي .. مب هذا مبارك الي اعرفه .. يالله ليكون فيه شي .. تمت منى تتحرقص .. فديته .. شالحال عليه ؟؟.. مشى مبارك و دخل المستشفى و راح صوب راشد .. كان راشد بروحه بعد ما راحو عنه قوم امه و بوه .. كان راشد .. يحاتي مبارك من الخاطر .. لانه اكثر واحد من بعد خليفه كان يعرف بحال مبارك .. و كيف كان يحب روضه .. و شو روضه بالنسبه لمبارك .. اول ما دخل مبارك على راشد ..
راشد : وينك ؟؟.. استهميت عليك ..
مبارك : ...
راشد : الشيمه يا مبارك .. لا تحط في خاطرك ..
مبارك : انت كيف اتقولي هالرمسه ..؟؟؟...
راشد : مبارك ..
مبارك : راشد .. انت اكثر عن غيرك المفروض اتحس بمعاناتي ..
سكت راشد ..
مبارك : و شما كم مره رمسناها .. شعنه ما قالتلي ..؟؟..
راشد : يمكن شما ما كانت تدري ..
مبارك : لا تدري الا هي ما تبى اتقولي ..
و في هاللحظه اتصل مبارك بشما بنت خالته ..
شما : مرحبا الساع ..
مبارك : شما انتي كنتي تدرين ان ملجة روضه كانت بالخميس الي طاف ..؟؟؟..
صخت شما ..
مبارك : كنتي تدرين صح ..؟؟.. انزين شعنه ما رمستي ..؟؟؟..
شما : مبارك ..
مبارك : شو انتي تتنتقمين مني ..؟؟..

نزف الأحاسيس
09-10-2006, 16:05
شما : انتقم منك ..؟؟؟..
مبارك : شو... تبيني احس بالي كنتي تعيشينه انتي و راشد ؟؟..
شما : انت شو تقول ..؟؟؟..
راشد : مبارك شعندك عليها ..؟؟؟..
مبارك : حرام عليج يا شما .. ليش ما رمستي و قلتي ..؟؟..
شما : مبارك ... انا ما قدرت ارمس ..
مبارك : اوكي ليش ..؟؟؟..
شما : ليش مبارك انت شو كنت بتسوي ..؟؟..
مبارك : ما كنت بخليها تاخذ واحد غير لو عقص رقبتيه ..
شما : مبارك اتكلم بالعقل .. انت وين و روضه وين ..
مبارك : شما الي بيني و بين روضه شي ما يفرقه لا بلاد و لا بحووووووور ..
شما : ...
مبارك : .. شحالها ..؟؟؟..
شما : وايد تعبانه ..
مبارك : بس انا اليوم رمستها .. ما كانت لا زعلانه و لا شي .. حتى ما قالتلي ..
شما : و الله يا مبارك .. ان روضه من اسبوعين و هي تصيح .. و الله انها ما تباه بخيت ..
مبارك : بخيت ..؟؟.. هو اسمه بخيت ؟؟..
شما : هيه .. منصوري .. من هلهم .. من هل الخزنه ..
مبارك : و هو من وين يعرفها ؟؟؟..
شما : لا يعرفها و لا شي ... هله الي خطبوها له ..
مبارك : الله يسامحج .. ليش ما رمستي .. حرام عليج .. انا شو سويت فيج عشان اتجازيني بهالشي ...
شما : مبارك ... شو هالرمسه .. و الله يا غلاك من غلا سعيد و سالم .. و انا كنت بقولك الا روضه ما خلتني ..
مبارك : هي ما كانت تباني اعرف ...؟؟؟ ..
شما : ما بغت انها تغثك ...
غمض مبارك اعيونه ... يالله .. عشان جذيه هي سكتت يوم يبتلها طاري العرس ..
مبارك : مستحيل .. ما اقدر اتخيل روضه تعرس بريال غيري ..
شما : مبارك جن الله كاتبلك بنصيب مع روضه .. صدقني .. لا بخيت و لا غيره ممكن انه يفرق من بينكم ..
مبارك : يخسي لا بخيت و لا عشره من امثاله .. بيفرقون بيني و بين روضه ..
راشد : مبارك .. ترى البنت انملج عليها ..
مبارك : راشد لا تذبحني ..
سكتو راشد و شما عن مبارك .. مب عارفين شو ممكن يسووله .. مبارك ماله امل في روضه .. و هذي الحقيقه و الكل يعرفها .. عدا مبارك الي مصر ان روضه ما تكون لغيره ..بس كيف .؟؟. خلاص روضه تعتبر حرمة بخيت .. و هذا الي مب قادر مبارك انه يستوعبه
رجع مبارك الفندق .. اول ما دخل الغرفه .. تم يحوط فيها .. مب قادر انه ينام .. ظهر من الغرفه صوب البلكونه .. تم واقف يتأمل .. يحاول انه يستوعب الي استوى .. حاول مبارك انه ينام .. بس ما قدر .. كل ما تخر عينه يتخيل روضه و هي عند ريال غيره .. و تم مبارك عهالحال .. بالباجر .. طلع مبارك من غرفته .. و راح صوب امه و بوه .. بس كانو بعدهم نايمين .. طلع من الفندق .. و تم يمشي .. تأخر مبارك ... بعدين رجع الفندق و تسبح و طلع عشان يروح لراشد .. كانت منى من الامس مب نايمه ... تحاتي مبارك .. كانت حاسه ان فيه شي .. مستحيل يكون هذا مبارك الي اعرفه .. يالله هو شو فيه .؟؟.. كانت منى تستغل أي شي بس عشان تظهر من الغرفه و الا من الفندق .. على امل انها تشوف مبارك .. و صادف انها نازله من الفندق و كان مبارك توه بيظهر من الفندق .. بس كان يكلم راعية الرسبشن شوي .. اول ما شافته منى وقف قلبها .. يالله فديته .. كان مبارك موخي براسه يكتب شي عطته له راعية الرسبشن .. و كانت خصله من شعره نازله على يبهته .. كان شعره مبلول .. بس يذبح .. تصنمت منى من شافته .. رفع مبارك راسه و ظحك حق راعية الرسبشن .. حست ان ظحكته ما كانت من الخاطر .. و الي اثبتلها هالشي .. انه افتر بويهه في نفس الاتجاه الي كانت واقفه فيه .. و مع هذا ما افترت عينه صوبها .. مع انها حست ان في ثانيه طاحت عينها في عينه .. و مع هذا مشى مبارك و لا اهتم لا بمنى و لا بغيرها .. كان كل تفكيره بروضه .. تم مبارك على هالحال اسبوع كامل .. لا يكلم حد .. و لا يرد على حد .. يفكر كيف ممكن يرجع روضه .. و راشد الحمدلله .. الله شفاه من اخطر الاصابات الي صابته .. و انشالله ما بقالهم في ألمانيا الا يومين و بيرجعون البلاد ..

في الامارات ..

في الوثبه ..

بوشما : يالله يا فاطمه .. شو بنسوي اللحين ..؟؟؟
ام شما : و الله يا سيف ما ادري ..
بوشما : يافضيحتنا في حمد و سلامه .. جيف امس مقربيبهم و اليوم عقب ما تعوق ولدهم انرده ..؟؟..
ام شما : يا حمد شو نسوي .. البنت استلبست علينا ..
بو شما : يافضيحتنا بين العربان .. انتي بناتج مستبطرات ..
ام شما : يالله عليك .. تباني افر بنتي في حلج الريال و هي باغضتنه و تردلي باجر مطلقه ..
بوشما : و اللحين شو الراي ..؟؟..
ام شما : خير اللين ما ترد سلامه و عيالها ..
و ظهرت ام شما عن ريلها .. و راحت المطبخ و لقت شما .. كانت تعابل الفواله في المطبخ ..
شما : رب ما شر امايه ..؟؟. بويه شو كان يباج ؟؟..
ام شما : ااه .. و الله ياشما .. بوج متلعوز بسالفة وديمه ختج ..
شما : ليش وديمه شفيها ..؟؟..
ام شما : ترى خالتج و عيالها و بيردون البلاد عقب يومين .. و لا هب عارفين شو نقولهم .. ختج مستلبسه .. ما تباه راشد ..
شما : انزين ..
ام شما : و بوج مهموم .. صدقه .. يا فضيحتنا بين العربان .. امس يوم الريال بنعمه قربنابه و اليوم يوم هو متعوق رديناه ..!!.. ما يستوي ..
شما : ... امايه وديمه ياهل .. لا تلومونها ..
ام شما : ماشي معور قلبي الا يوم انها ياهل .. اااه .. خير اللين ما ترد سلامه .. و انشالله لذاك اليوم يستوي خير ..
تمت شما تفكر في الحاله الي انحطت فيها عايلتها .. يالله .. راحت شما صوب بوها .. كان يالس في الميالس .. اول ما شافته .. حست ببوها مهموم .. عورها قلبها على بوها .. يالله ما رحمناه لا في شبابه و الا في شيبته ..
كان بو شما يالس على الكرسي ..
شما : هاه بو سعيد .. اشوفك سرحان .. لهالدرجه شالنك هوى العيوز .. هههههههههه ..
بوشما : لا و الله يابنتي .. شاليتني هموم هالدنيا ..
راحت شمامي و يلست عالارض تحت الكرسي الي بوها يالس عليه ..
شما : فديت روحك من الهم يالغالي ..
شمامي اقرب وحده من خوانها لبوها .. وايد تحبه .. و هو وايد يرتاح الها ..
شما : شو بلاك يالغالي ..؟؟..
بو شما : و الله يالغاليه .. مستهم من خالتج و ريلها .. باكر بيوون يتخبرون عن عروس ولدهم .. و انتي شفتيها ختج شو سوت ..
شما : بويه ترى وديمه ياهل .. و محد بياخذ بفعلها ..
بوشما : جيف اليوم يوم تخطي خليناها ياهل .. و امس شاورناها عالعرس و خليناها حرمه ..
شما : انتي ليش مستهم ..؟؟.. جاد ربك يستوي الي يخفف هالهم من على قلبك ..
بوشما : يافضيحتنا بين العربان .. وين بودي ويهي من حمد و من الرياييل .. ؟؟..
وخت شما براسها .. فديته ..
شما : .. بويه ..
بوشما : لبيه ..
شما : لبيت حايه .. ان بغيت الشور .. خبرهم .. قولهم هذا الحال علينا .. و شاورهم ..
بوشما : مالي ويه اروحلهم و اقولهم ..
شما : .. خلاص بويه .. جن هذا الحال عليك .. خلاص بويه .. انا باخذه راشد ..
بوشما : .. شووو ..؟؟؟..
شما : ..
بوشما : يابنتي جيف بتاخذينه ..؟؟..
شما : .. يابويه .. انا مستهمه منك يالغالي .. ماريدهم يلحجونك اللوم ..
بوشما : يابنتي .. جاد مبارك يباج ..
شما : لا .. مبارك .. رمس من زمان و قال مالي حايه في بنات خالتيه ..
بوشما : فديييييييييييييتج ياالغاليه ..
وخت شما و حبت ايد بوها ..
بوشما : انا بتشاور فيا امج .. و بخيرهم .. جنهم يبون نسبنا .. ترانا بنقربهم فيج ..
فرحت شمامي لهالشي .. شمامي ماكانت عندها هالجرأه .. بس من شافت حال بوها عورها قلبها على بوها .. و هي يوم اقترحت هالاقتراح ماكانت تفكر في نفسها .. بالعكس .. كانت تفكر بهلها و بوها قبل الكل .. عقب ما ظهرت شما عن بوها .. اتصلت بروضه ..
روضه : يعني هو كلمج ..؟؟..
شما : هيه كلمني .. و تبين الصراحه ..؟؟.
روضه : شو ..؟؟..
شما : ليتني ما كلمته ..
روضه : ليش ..؟؟.
شما : و الله قلبي عورني عليه .. يالله يا روضه .. عمري ما تخيلت مبارك ممكن يحب في يوم .. لا و ايحب هالحب كله لج انتي !!.. و الله قلبي عورني عليه ..
روضه (ودمعتها تنزل ..) : فدييييييييييييييييييته .. شمامي .. انتي تعرفين اني مب موافقه على بخيت و اني ما اباه ..
شما : روضه .. انا ادري و الكل يدري .. بس خلاص .. ما بيدنا حيله ..
روضه و هي تصيح : الله يسامح هليه .. الله يسامحهم ..
و يلست روضه تصيح .. يالله يا مبارك ..

في ألمانيا ..

نزف الأحاسيس
09-10-2006, 16:06
خلاص باجر قوم مبارك بيرجعون البلاد .. و منى ميته .. الكل حاس ان مبارك فيه شي مب طبيعي .. و منى تحس ان موتها جرب .. مبارك بيرجع البلاد .. و هي بتم بعدها اسبوعين و الا ثلاثه .. و حاسه ان مبارك فيه شي مكسور .. و مبارك من عرف بملجة روضه .. ما تم شرات قبل يسولف و يظحك .. حتى عواشي .. صار يخطف من عدالها عادي جنه ما يعرفها .. و هذا الشي الي خلنا منى تخاف عليه من الخاطر .. كان فليل .. و كان مبارك في حجرته .. كان يحاول انه ينام .. بس من اسبوع و النوم جافنه .. و الزاد عايفنه .. و في هاللحظه يته مسج ..
" لا تذكرني بحبك يا غناتي .. لا تذكرني بماظيك الجميل .. في صدى ذكراك باقزر حياتي .. مستحيل احب غيرك مستحيل "
اول شي ما عرف مبارك الرقم .. فطنشه .. قال يمكن حد مغلط ..
و رجع و يته هالمسج من نفس الرقم ..
"لك العمر بقظيه فاطلاب .. اطلب رضاك و مستذلي .. لو بتغلج دوني الباب .. لك باب قلبي طلج خلي"
قراها مبارك .. لا ما اعتقد .. انه مغلط .. راح مبارك و اتصل عهالرقم ..بس محد شله .. استغرب مبارك .. بس ما اهتم وايد ..
بس تفاجأ ان راعي هالتيلفون رجع و طرشله مسج ..
"ارفج انا بعيونك .. رفجة عرب يوفون .. لو كلهم ينسونك .. ما انساك مهما يكون "
رجع مبارك و اتصل .. و نفس الشي محد شله .. طرش مبارك مسج ..
"السموحه .. الا تراني ما عرفتك .. منو الريال ؟؟.. "
شوي و يته هالمسج ..
" انا الشاكي ..انا الباكي ..انا الحساس .. انا الي في المحبه خاظع ٍ راسي "
رد مبارك ..
"ياويل حالي .. ترك متخشع يالغالي .."
يته مسج ..
" انا بنت .."
اول ما قراها مبارك عرفها .. هذي اكيد منى ..
رد عليها ..
" اها .. السموحه منج ياختيه .. "
ردت
"مسموحه .. بس ممكن أسألك سؤال لو سمحت ؟؟.."
رد عليها ..
"تفضلي الشيخه .."
ردت ..
"شو فيك .. انت من اسبوع مب طبيعي "
سكت مبارك .. اللحين هذي شو اقولها .. ؟؟.. تأخر مبارك عليها بالرد ..
طرشتله ..
"السموحه ان كنت ظايقتك بسؤالي .. او اني تدخلت في شي من خصوصياتك .. بس و الله مستهمه عليك و احاتيك "
و في هاللحظه اتصلبها مبارك .. تأخرت منى .. بعدين ردت عليه ..
مبارك : الو ..
منى : الو .. مرحبا ..
مبارك : مرحبا الساع .. شحالج .؟؟..
منى : بخير .. انت .. شحالك ؟؟..
مبارك : الحمد لله ..
تمت منى ساكت و مبارك ساكت .. انا ليش اتصلت بها .. ؟؟!!..
منى : امممم ... رب ماشر ..؟؟؟..
مبارك : ماشر الشيخه ..
منى : لا انا حاسه ان فيك شي مب طبيعي .. انت من اسبوع متغير ..
مبارك : مب من شي ..
منى : لا مبارك .. انا حاسه ان شي استوالك .. لا و شي عود بعد و مب هين ..
سكت مبارك .. و تمت منى ساكته على امل ان مبارك يرمس ..
مبارك : ... وصلني خبر كدرني ..
منى : اممممم ... و رمسه وصلتك ممكن تسوي فيك هالشي ؟؟!!..
مبارك : لانج ما تعرفين هالرمسه الي وصلتني .. هاالرمسه ذبحتني .. خلتني جسم ٍ بلا روووح .. انسان متحطم ..
منى : بسم الله عليك .. ليش تقول هالكلام .؟؟..
سكت مبارك ..
منى : امممم .. ممكن اعرف هالخبر .. و الا بتعتبره تعدي على امورك الخاصه ؟؟..
مبارك و هو مغمض اعيونه و يتنهد : اااااه ... الانسانه الي احبها .. روح قلبي .. كانت ملجتها من اسبوعين ..
انصدمت منى من الرمسه .. انصدمت من كون مبارك يحب .. و انصدمت اكثر كون الانسانه الي يحبها صارت ملك انسان غيره .. خنقتها العبره .. يالله فديته .. ما عرفت شو تقوله ..
مبارك : شفتي .. ما تعتقدين ان هالموضوع يستاهل اني اتكدر عشانه ..؟؟..
منى : انت تحبها ..؟؟..
مبارك : امووووووووووووووووووووووووووت عليها ..
منى و هي تنذبح بكل همسه يهمسى مبارك في هوى حبه لروضه ..
منى : .. و ليش ما خطبتها ..؟؟.
مبارك : كنت بخطبها .. بس استوى حادث راشد .. و من عقب سافرنا .. و كنت بخطبها اول ما ارد البلاد ..
منى : بس مالك نصيب بها ..
مبارك : لا مستحيل .. ما اتخيل روضه لريال غيري ..
منى و ذابحتنها الغيره من روضه .. يالله .. لهالدرجه يحبها ؟؟!!..
منى : و هي تحبك ..؟؟.
مبارك : اكييييييييد ..
منى : لو كانت تحبك .. مستحيل انها تاخذ واحد غيرك .. او عالاقل بتقولك قبل لا تملج .. مب عقب الملجه بترمس ..
مبارك : انتي شو تقولين .. هذي روضه .. مستحيل انها تخوني بهالطريقه .. انا و الكل يعرف ان روضه ما تبى هذا الي خطبها .. بس المشكله في هلها .. هم الي غصبوها ..
منى : انزين .. هي ليش ما قالتلك ..؟؟.
مبارك : لاني ما اكلمها ..
انصدمت منى .. ما يكلمها و يحبها هالحب كله ..؟؟!!!!!!!!..
منى : و كيف عيل عرفت انها تحبك ..؟؟؟.
مبارك : في اشياء ما ينطقبها اللسان .. بس تنطقبها العيون .. تنطقبها رعشت الايد .. ..
و تم مبارك يتكلم عن روضه .. كان مبارك متظايق .. و لا حس بعمره انه يرمس وحده غريبه .. و ما يعرفها .. بس هو ارتاح بالرمسه مع منى .. و منى كانت تموت في كل كلمه ينطقها مبارك عن روضه ..
منى : يا بختها .. اذا انت تحبها كل هالحب ..

نزف الأحاسيس
09-10-2006, 16:08
مبارك : منى .. تعرفين روضه شو في حياتي ؟؟؟.. روضه .. قطرة ماي تروي الظميان .. و المشكله .. ان الظميان ما يرتوي منها و لو عاش سنين ..
و في هاللحظه نزلت دمعة مبارك .. تيبست منى .. هي ما سمعت مبارك يصيح .. بس حستبه .. حست ان مبارك يعيش معاناه هو انظلم فيها .. ما قد تخيلت ان مبارك ممكن يصارحها بهالكلام .. او حتى يكملها ... ليته ما كلمني .. و لا قالي .. سكر مبارك عن منى .. و خرت عينه و هو مب حاس .. و منى .. جافاها النوم .. و دمعتها على خدها .. تصيح حالها .. يعني انا يوم حبيت حبيت انسان يحب وحده غيري .. لا و مب أي حب .. حب مستحيل انه يطلع من فواده .. و صاحت حال مبارك .. يالله يالقدر ..
بعدها بيوم رجعو قوم مبارك البلاد .. و كان يوم الثلاثا الفير .. و نزلو على مطار دبي .. و راحو رماح .. يوم الثلاثا العصر راح مبارك الوكاله يسحبله سياره يديده من الوكاله بدل الرنج .. و يوم الاربعاء كانو مسوين عزيمه عردت راشد بالسلامه .. و يوهم قوم خالته و خاواله و عمومته كلهم .. و سال مبارك شما عن روضه .. و قالتله انهم في ليوا ... يحظرون عرس بنت عمتها .. ما قدر مبارك انه يمسك عمره اكثر .. من شهر و هو يعدي بروضه .. و مستحيل انه يصبر اكثر .. اتصل بسلطان .. الي دلل مبارك على محاظره الي في ليوا .. و يوم الخميس العصر .. كان مبارك يسير صوب ليوا .. و تلقاله سلطان في نص الدرب ... لان مبارك ما قد راح صوب ليوا و هذيج المنطقه .. و توهم واصلين مزرعة قوم روضه .. كانت يدت روضه و روضه و بنات عمها و عمتها و بنات ييرانهم يالسات عند يدتها .. و كانن فارشات برى البيت و يالسات .. افترت شمسه بنت عمة روضه صوب سلطان و مبارك اول ما دخلو عليهم المزرعه ..
شمسه : يا ويل حالي .. طاعن هالرنج الرصاصي ..
و افترن كلهن صوب السياره .. و كان مبارك .. الي اشتراله رنج رصاصي يديد بدال رنجه الجديم ..
اول ما شافته روضه عرفته .. وقف قلبها .. فديييييييييييييييييييييييييييييييييييييييت رووووووووووحه من الخاطر ..
يدت روضه : .. منو هذا الي يسير صوبنا بسيارته ..؟؟؟..
روضه : يدوووه ... هذا مبارك بن حمد ..
يدت روضه : مرحبا الساع ..
كان مبارك بعده ما وقف .. بس من شاف لمت البنات عرف روضه .. يالله فديت روحها .. اول ما وقف مبارك .. طول على المسجل و كانت غنية ميحد يا طارشي ..
( يا طارشي ود السلام و رده.... للي عيونه و الهدب مسوده .. غالي و يتزايد بقلبي وده ..)
نزل مبارك بعصاته من السياره .. و تم ايول و ايسوي حركات .. و يدت روضه ميته ..
يدت روضه : عاشوو .. ياااابس ..
و البنات منصدمات من حركة مبارك .. و سلطان اول ما شاف مبارك ايول .. نزل الحبيب بعصاته هو بعد و تم ايووول و ايبس مع مبارك ..
و يوم يا هالمقطع ..
(يالي شرى البراق يسني خده .. احيى بشوفه و الهلاك من بعده .. و ان عادلي يافرح قلبي و سعده ..)
تم مبارك يحرك عصاته .. كأنه يأشر على البنات كلهن .. و من عقب اشر بعصاته على يدت روضه .. الي كانت يالسه عدالها روضه .. كأنه يقولهن ان هاليوله حق يدت روضه ... بس هو و روضه و ميثه بنت عمها .. كانو يعرفون منو المعناي بهاليوله ..

..*** ماشي فالكون عن شوفته يمنعي... الا النظر لو يفارق مقلت اعياني... من دون ما اشعر له الاشواق تدفعني... و اظن حتى بحلم النوم يلقاني ***...

اول ما خلصت الغنيه .. تحرك مبارك صوب يدت روضه عشان يوايها .. اول ما شافنه البنات يمشي صوبهن نشن ..
يدت روضه : مرحبا الساع .. مرحبا الساع .. وايه فديت هالعرضه ..
مبارك : السلام عليكم ..
البنات : و عليكم السلام ..
الكل رد سلامه .. عدا روضه ..الي من شافت مبارك ما قدرت انها تتنصخ بشي .. و الله اني احبه .. و مبارك يمشي صوب يدت روضه .. و لا اراديا طالع روضه .. كان مبارك لابس كندوره كركميه و سفره تقريبا من نفس اللون .. كان عذاب .. اول ما شافته روضه عورها قلبها على حالها و على حال مبارك .. مشى مبارك و سلم على يدت روضه و وايها و حبها على راسها .. و افتر صوب روضه الي كانت واقفه على الطرف اليمين ليدتها .. يالله فديتها .. كانت روضه واقفه و هي متغشيه بهيبتها .. اول ما شافها مبارك .. تذكرها و هي تمشي في السكه .. اول مره يشوفها فيها .. و الله صدق هالانسانه بتذبحني .. و في هاللحظه حس جن حد يطعنه في قلبه .. و افتر عن روضه بسرعه ..
يدت روضه : مرحبا الساع ..
مبارك : المرحب باجي يالغاليه .. شحالج ربج الا بخير ..؟؟؟.
يدت روضه : بخير يعني افدى روحك .. الا هالركب لعوزتنا ..
مبارك : ما تشوفين شر يالغاليه ..
يدت روضه : الشر ما يصيبك ..
اشر سلطان لروضه و البنات عشان يحدرن .. جان ينشن و يحدرن .. و مبارك عينه ما طاحت عن روضه ..
شمسه : فقتج يا ميثه ..
ميثه : فقتج الا انتي .. شعندج ..؟؟؟.
شمسه : لو ما انتي عندنا .. ما خلانا سلطان ندخل ..
روضه : ليش شمووووس ..؟؟.. انتي كنتي تريدين تيلسين في نص الرياييل ..؟؟..
شمسه : حرام عليكن .. خلني اكحل اعيوني بهالشوف ... حشى هب رحامه فيه ..
موزه : امبونه مبارك ما يخرب ..
شمسه : اكيد ما يخرب ..
روضه : انتن ليش تطرن الرياييل ..؟؟؟.. عيب عليكن ..
موزه : لا هب عيب علينا .. احنا بنات و من حقنا نتشوف فمخاوين شما .. بس انتي و ميثوه مب من حقكن ..
شمسه : هيه و الله .. كل وحده منكن وراها ريال ..
روضه : جنج الا بغيتيه تراها واصل ..
شمسه : ههههههههههه .. اوين واصل .. خلي عنج .. ماظني بتفرطيبه بخيت ..
موزه : ليت مريوووووم عندنا ..
ميثه : ليش ..؟؟..
موزه : ترى مريوم ميته على مبارك .. و الله لو شافته و هو ايول .. لا تموت .. ههههههههههههههههه ..
روضه و الغيره ذابحتنها : موزه .. عيب عليج .. انتن بناات عرب و جبايل .. و عيب عليكن هالرمسه و هالحركات ..
شمسه : انزين انتي ليش معصبه .. هدي اعصابج .. الي يشوفج يقول ريلج ..
ليت صدق .. اااااااااه ياقلبي ..
و في هاللحظه سمعن المسجل .. و كانت شلة راكان ..

بحظر زفافك يا حياتي .. بحظر زفاف الي هويته ..
و برزف عشانك لا تحاتي .. و بهديك كل الي بغيته ..
بهديك دمعي و اعبراتي .. و الهم لي فيني رميته
بحظر و لو بعرسك مماتي .. شايل معي قلب ٍ نسيته
و اجمل قديم الذكرياتي .. و الظيم لي منك خذيته
و بذكر ليالي الماضياتي .. كنت الوليف الي اهتويته
كنت الذي لاجله اباتي ..ساهر و نومه ما اهتنيته
بهديك في ليلة وفاتي .. حلم الليالي لي طويته
و اعطيك من قلبي امنياتي .. تلقى الهنى بدرب ٍ مشيته
و تعيش في راحه و سباتي .. ويّى الذي عقبي لقيته
بحظر زفافك يا حياتي .. بحظر زفاف الي هويته

ماتت روضه من سمعت هالشله .. هي عرفت قصد مبارك من وراها .. يالله يعني مبارك يدري .. و مع هذا ياني الين ليوا .. يالله فديته .. خنقتها العبره من سمعت الشله ..
سلامه : سمعن سمعن ..
و تمن البنات يسمعن الشله الين ما خلصت ..
شمسه : امممممممممم ... رهيب راكان ..
موزه : الا عذااب ..
حاولت روضه انها تمسك عمرها .. بس ما قدرت .. كل الي قدرت انها تسويه .. انها تنش عن البنات و تدخل داخل .. ميثه كانت منتبه لحركت مبارك .. و حست بعذاب روضه .. بس ما بيدهن شي ..
شمسه : شعندها روضه خلتنا و راحت ..؟؟؟..
موزه : اكيد راحت تتصل بشمامي ..
سلامه : ما ادري .. انا ما ارتاحلها هذي شما ..
ميثه : لا اله الا الله .. خاطريه لو مره وحده ما تذمن فيها بنت .. حشى اسميكن تنتفن البنات نتاف ..
موزه : لا بسم الله عليه .. ما قد طريت حد الا بالزين ..
شمسه : يالله عليج يا طويز .. يعني احنا الي نطري البنات بالشين ..؟؟.
و يلسن البنات بين السوالف و الطنازه و الوجعه ..
و روضه يالسه في حجرتها .. هي استحملت فكرة انها ممكن تكون حرمت بخيت .. بس هالشي قبل لا تشوف مبارك .. بس من شافت مبارك .. كرهت حياتها .. و تمنت موتها مية مره قبل لا تكون لواحد غيره .. بس خلاص .. الله ما كتبلها بنصيب مع مبارك ..
و في هالوقت اتصل مبارك بواحد من ربعه ..
فاضل : مرحبا ملاييييييييييييين .. حيبه ..
مبارك : افا الا ملاييييييييييين ؟؟!!!.. ترني رخيص عندك يالمزروعي ..
فاضل : اذا انت رخيص من الغالي يالغالي ..؟؟..
مبارك : جاد ربك وحده من هالغراشيب اتكون اغلا مني عندك ..
فاضل : ااه .. اسميك ييت عالعوق ..
مبارك : هههههههههههههه .. بتموت و عينك عالبنات ..
فاضل : شو اسوي ما اصبر عن السوده .. ههههههههههه
مبارك : هههههههههههههههههههه ..
فاضل : علومك يالمزيون ؟؟..
مبارك : تنشد اعلومك و الله ..
فاضل : يا ويل حالي ..
مبارك : عاد لا تصدق عمرك ..
فاضل : ههههههههههههههههه .. انا تشققت .. قلت رحمني الخييلي اليوم ..
مبارك : لا وين ارحمك و انت مزروعي ..
فاضل : ياخي شعندك عالمزاريع .. ما كلين حلالك ؟؟..
مبارك : لا حبيت مزروعيه و خانتني .. هههههههههههههههههههه..
فاضل : اسميها اجدت في لحيتك .. ههههههههههههههه
مبارك : عنلات صداك .. وين اجدت في لحيتيه ..؟؟؟.. هي ودها مبارك بن حمد يفتر صوبها ..
فاضل : هههههههههههه .. الله لا بليتنا يالخقاق ..
مبارك : هههههههههههههه .. شو اسوي خييلي و الخقه الا من عقبنا ..
فاضل : هههههههههههههه .. وين دارك ..؟؟.
مبارك : في دارك ..
فاضل : في ليوا ؟؟؟!!!...
مبارك : هيه نعم ..

نزف الأحاسيس
09-10-2006, 16:10
فاضل : و انا اقول الدار منوره ..
مبارك : ما نارت الا بوجودك يالغالي .. هاه وين بنلاقيك ..؟؟؟.
فاضل : عشاك عندي الليله ..
مبارك : لا السموحه منك .. بنسير صوب عرس في المدينه ..
فاضل : خلاص عيل .. دام انك في ليوا طوف علينا .. لو بتتقهوي ..
مبارك : ياخي ما ادل في ليوا ..
فاضل : محد عندك من الشباب ..؟؟؟..
مبارك : لا عندي سلطان المنصوري ..
فاضل : خلاص عيل هو بيدللك .. قوله محاظر المزاريع .. الماريا .. و هو بيوصلك صوبنا .. و انا بترياكم عند حدرت المحظر ..
مبارك : خلاص عيل ..
و راح سطان و مبارك صوب فاضل .. الي تلقالهم في حدرت محاظرهم .. و راحو صوب بيتهم .. و قربهم فاضل في الميالس ..
و هم يالسين طرشتله منى مسج ..
" رقبتك اليوم اطرشلي مسج .. بس ما وصلني لا علم و لا خبر .. رب ما شر "
رد عليها ..
" ما من شر الغاليه .. بس انا في ليوا عند الرياييل .. و من عقب بنخطف صوب عرس في المدينه "
و ردت عليه ..
" اها .. السموحه ان كنت غثيتك .. بس من تفضى طرشلي مسج ^ــــ* "
و توه بيرد عليها .. جان يفضي تيلفونه ..
مبارك : لا حووول ..
سلطان : شعندك ..؟؟؟...
مبارك : تيلفوني فضى ..
فاضل : و انت ما تصبر عنه ..
مبارك : ليش قالولك فاضل المزروعي ..
فاضل : هههههههههههههه .. لا مبارك الخييلي ..
مبارك : جب جب .. لا افلعك بهالفنيال بين عيونك ..
فاضل : هههههههههههههههه .. كل هذي غيره مني يوم اني احلا من سودتك !!..
مبارك و هو ينش و ياخذ ماي بالفنيال الي في ايده من الغسول : انا اسود يالخام .. ( و يرش فاضل بالماي ) ..
فاضل : حووووووووووووووه .. هههههههههههههههههههههههه ..
مبارك و هو واقف : مزروعي ما تنعطى ويه ..
سلطان : ههههههههههههههههههههههههه ... حمد ربك يوم ان الي فالفنيال ماي هب قهوه .. ههههههههههه
مبارك : ههههههههههه .. لا ما يهون عليه احرقه .. هو جذيه و هب لاقي حد يعطيه ويه .. وين لو هو محروووق .. هههههههههه .
و نش عنهم مبارك ..
سلطان : وين بها ..؟؟...
مبارك : برووح احط التيلفون في الجراج ..
و ظهر عنهم مبارك من الميالس صوب سيارته .. ركب سيارته و حط تيلفونه في جراجت السياره و تم شوي في السياره .. و طرش لمنى مسج .. و هو يالس سمع حشرت بنات .. بس ما شاف حد منهن .. شوي و رجع مبارك صوب الشباب .. و هو في طريجه صوبهم .. يته مسج .. جان يوقف و تم يقرى .. فجأه ان وحده ظاهرتله من المطابخ .. و كانت شيلتها على جتوفها ..
العنود : اااااااااااااااااااااااااااااااااااااااااااااا... بغمت العنود بغمه .. حشى ونان ..
استلبس مبارك .. ما عرف شعندها .. و هي من شافت مبارك ربعت .. انزين كان المطبخ اقربلها .. بس هي من الربشه ربعت اللين البيت لا و لا عدلت شيلتها بعد.. و مبارك مسكين فاج ثمه .. حشى شعندهن البنات استخفن ..دخلت العنود و هي تربع على خاواتها ..
هند : شبلاج ..؟؟..
العنود : لحقن ..
حمده : شو بلاج ..؟؟.. فاضل ظربج ..؟؟؟..
العنود : هو لو درى مب الا بيضربني .. الا بيذبحني ..
هند : ليش ترج شو سويتي ..؟؟؟..
العنود : ماشي و الله .. كنت ظاهره من المطبخ و ان واحد من ربع فاضل في ويهي ..
هند : اااااا .. قولي و الله ..؟؟.. يا ويلج من فاضل ان درى ..
العنود : حرام عليج هندووه .. انا بدون شي اتحرقص .. لا تزيديني ..
حمده : حلو ؟؟..
العنود : يابوج من الزيغه ما تفطنت في شكله .. شليت عمري و ربعت ..
هند : هههههههههههههههههههه ..
راح مبارك عند الشباب في الميالس .. و عقبها بشوي ظهرو بيروحون العرس ...
حمده : تعالن تعالن شوووفن هالزين كله ..
و ربعن البنات يوايج عالشباب و هم ظاهرين من الميالس ..
العنود : هذا هذا ..
هند : أي واحد ..؟؟؟..
العنود : الي لابس كندوره كركميه ..
حمده : قولي و الله ؟؟.. يا ويل حالي .. انا ان ريت هالريال ما بروم اشل عمري ..
هند : حمدووووووه .. لحقي سيارته رنج ..
حمده : لا و تحت التجربه بعد .. يالله .. ظنكن معرس ..؟؟..
العنود : ليت فاضل يشوفكن و انتن توايجن ..
راح مبارك و سلطان و لمت شباب عرس بنت عمة روضه في المدينه .. و تأخر و الوقت .. و حلف سلطان عمبارك انه يبات عندهم .. بس مبارك ما طاع .. ما قدر انه يكون في نفس البيت الي فيه روضه ... رجع مبارك رماح ..و هو في الدرب طرشتله منى مسج ...
" شو بعدك في ليوا ؟؟ "
رد عليها ..
" لا انا في الدرب اسير صوب رماح "
ردت عليه ..
" اول ما توصل البيت طرشلي مسج .. تراني ما بنام بترياك "
رد عليها ..
" لا ترقبيني .. نامي .. جاد ابطي "
ردت عليه ..
"ما بنام الين ما تخبرني انك وصلت .. بترياك "
رد عليها ..
"انشالله "
من ذاك اليوم الي كلمت فيه منى مبارك .. و هم دوم يطرشون لبعض مسجات .. هو ما كلمها من بعد ذاك اليوم الا مره وحده .. اتصلتبه منى اول ما وصلو البلاد تتحمدله بالسلامه .. بس 24 ساعه المسجات شغاله من بينهم .. و لقى محمد خوه و عياله عندهم بس كانو نايمين ... وقف مبارك سيارته و تم يسمع المسجل شوي قبل لا ينزل البيت .. و طرش لمنى مسج ..
" الغاليه تراني وصلت رماح "
ثواني و ان منى مطرشتله ..
" الحمدلله .. انورت رماح "
رد عليها ..
" ههههههه .. دومها منوره "
منى ..
"لازم مب مبارك بن حمد من هلها لازم بتكون منوره "
مبارك ..
"هذا من طيب اصلج "
منى ..
" يله اللحين روح و نام و ارتاح .. دقيت خط من ليوا لرماح "
مبارك ..
"انشالله .. و انتي بعد .. تصبحين على خير "
منى ..
"و انت من اهله "
مرت الايام و مبارك مب عارفله حل .. هو يحب روضه .. بس ما يقدر انه يسوي شي .. خطر في باله انه يرمس بخيت .. بس خاف لا بخيت يرمس و يقول ان شي من بين مبارك و روضه .. و خاف على روضه من رمست العرب .. كان في خاطره يسوي اشياء وايده .. بس حشمت هله و حشمته لروضه منعته من هالشي .. خلاص فقد مبارك أي امل له في روضه .. و خاصتن من بعد ما رمسه سلطان عن بخيت ريل روضه.. هو البجر .. يشتغل في جازكو في بوظبي .. ما يرد لهله في الخزنه الا في الاجازات .. ما كان يكثر من الروحات صوب قوم روضه .. و روضه اللين الحين ما شافته .. و لا تريد انها تشوفه .. حس مبارك من رمسته عند سلطان انهم يبون بخيت .. و انه ريال حشيم .. بس حتى .. مستحيل انه يحب روضه مثل حبي لها او حتى 1% من حبه لروضه .. بس ما بالايد حيله .. هذا القدر و انكتب عند ربي ..
راشد : مبارك .. خلاص .. خاف ربك في عمرك ..
مبارك : ادري يا راشد .. الا مب قادر اني انسى روضه ... ما اقدر اتخيلها عند ريال غيري ..
راشد : بوحمد .. روضه صفحه و انقظت في حياتك ..
مبارك : هي صفحه .. بس مستحيل انها تنقظي من حياتي .. روضه هي حياتي ..

نزف الأحاسيس
09-10-2006, 16:12
راشد : مبارك .. انساها .. و تمنالها الله يوفقها في حياتها ..
مبارك : انساها ..!!!!..
راشد : لو كنت تحبها صدق .. صدقني بتتمنالها الخير في كل خطوه تخطيها في حياتها ..
مبارك : اااااااااه .. والله اريد ادعيلها بالخير..بس..ما استحمل .راشد.تخيل..والله مب قادر اني اعيش..ليتني مت قبل لا اعيش هالحاله
راشد : مبارك .. شوف في هالدنيا جاد تلاقى حب ثاني ..
مبارك : مستحييييييييييييل .. مستحيل احب انسانه غير روضه .. تعرف .. انا اللين اليوم ما قلت لروضه كلمة احبج .. و الله و الله ما اقولها لانسانه في هالكون غيرها .. حتى و لو كانت روضه مب من نصيبي ..
راشد : بس يمكن في انسانه بتقولك هالكلمه ..
فهم مبارك قصد راشد ..
مبارك : راشد .. ما من بيني و بين منى شي ..
راشد : يمكن هالشي من صوبك .. بس انت ما تعرف شو من صوبها ..
مبارك : انا من اول مره رمست فيها منى .. قلتلها ان قلبي مب ملكي .. و هي تعرف اني احب روضه ..
راشد : جاد ربك .. مش يمكن منى تنسيك روضه ..؟؟..
مبارك : لا منى و لا غيرها ممكن انها تنسيني روضه .. راشد .. روضه شريان قلبي .. و حبها دم يمشي في شراييني ..
راشد : تراك اتعذب عمرك .. و اتعذب روضه بعد ..
مبارك : ااااااااااااااااااااه يا راشد ..
منع مبارك نفسه من الروحه صوب الوثبه .. بس عشان ما يلمح طيف روضه .. لانه تم يتعذب .. خلاص .. ما اقدر استحمل .. و روضه حست ببعد مبارك .. حست ان مبارك يتعمد هالشي ..
روضه : لا شمامي .. انا ادري .. ادري ان مبارك نساني ..
شما : روضه .. لا تظلمين مبارك ..
روضه : لا اظلمه ..؟؟!!!.. شما افعاله هي الي ترمس .. الحين من شهرين من رد من ألمانيا .. و لا ريناه الا مره وحده في ليوا .. من عقبها لا خبر و لا علم ..
شما : روضه انتي نسيتي وضعج اللحين ..؟؟..
روضه : بس هذا ما يمنعه ..
شما : لا يمنعه .. حشمته لهله .. و حشمته لهلج تمنعه ..
روضه : بس يا شما ..
شما : روضه .. انتي تعرفين انج ما بتكونين من نصيب مبارك .. ليش تعشمين مبارك بشي مستحيل انه يكون له ..!!!؟؟..
سكتت روضه .. و لا عرفت بشوه ترد عليها .. و في يوم كانت شما ترمس مبارك .. و قالتله عن روضه و عن رمستها ..
مبارك : اللحين هي تلومني ..؟؟؟..
شما : من حسرتها الي في قلبها يا مبارك ..
مبارك : لا و الله ؟؟.. و ظنج شو في قلبي ..؟؟..
شما : مبارك .. ممكن أسألك سؤال ..؟؟؟..
مبارك : عونج ..؟؟؟..
شما : انت فحياتك انسانه غير روضه ..؟؟..
هو فهم قصد شما .. اكيد راشد قالها عن منى ..
مبارك : انسانه غير روضه .. اممممممممم .. كيف يعني ؟؟..
شما : يعني .. انت بعت روضه عشان وحده غيرها ..؟؟؟..
مبارك : ابيع عمري و حياتي .. فدى عيون روضه ..
شما : عيل .. شو مدى العلاقه الي بينك و بين منى ..؟؟؟..
مبارك : ما من بيننا علاقه ..
شما : اها .. زين و الله .. خلاص عيل ما بطول عليك ..
مبارك : لا حول .. اللحين انتي شعندج ..؟؟..
شما : ما عندي شي ..
مبارك : شما ..
شما : ...
مبارك : لا تتوقعين في يوم اني ممكن اخون روضه .. بس لا تلوميني على أي شي اسويه ..
شما : بس روضه ما تستاهل هالشي منك ..
مبارك : شما .. لا تجذبين على عمرج .. انتي اكثر وحده تعرفين ان روضه ملك انسان غيري ..
شما : ..
مبارك : انزين قوليلي .. شو تبيني اسوي ..؟؟..
شما : ما ادري .. بس حرام عليك تحرم روضه من شوفتك ..
مبارك : شو هو .. شوف و حرقت يوف .. ؟؟!!!..
شما : مبارك .. تراك تميت قاسي ..
ليتهم يدرون بالي في قلبي .. ليتهم يحسون بالنار الي في يوفي .. جان عذروني ..
مبارك : شما .. اريدج توصلين شي حق روضه .. ممكن ..؟؟؟..
شما : اكيد ..
و بالباجر راحت شمامي حق قوم روضه .. و كانت شما و يدت روضه و ميثه و روضه يالسات في الصاله .. اول ما دخلت عليهم شما و عقب ما سلمت ..
يدت روضه : هاه شميم .. ما تبين تعرسين ..؟؟..
شما : و الله جن الا عندج معرس اباه .. ههههههههههه
يدت روضه : ودي بالستر .. مب امس خطبتج ؟؟..
روضه : بسم الله عليج يدوووه .. وين امس خطبتها .؟؟.
يدت روضه : ودي مب هي الي خطبها ولد حمد الخييلي ..؟؟..
شما حرمت محمد : لا يدووه ذيج وديمه ..
شما : جاد ايكون فالج فال خير يدووه ..
يدت روضه : انا بتخبركن .. سلطان شعنه مخر في عرسه ..؟؟..
روضه و هي تسوي حركات لميثه ..: تخبري العروووووووس ..
ميثه : الي منع بخيت من العرس .. منع سلطان ..
و من يابت طاري بخيت انجلب كيان روضه ..
يدت روضه : مالنا كلمه عالغريب .. بخيت متى ما بغى حرمته زاهبه ماشي الا يسريها ..
روضه : انا هب مستعيله عالعرس ..
يدت روضه : وووه غربلج الله .. وين هب مستعيله عالعرس ..!!!..
روضه : ما صحته و لا بصيحه ..
يدت روضه : هاي الا رمستج اليوم .. يوم هو في دار و انتي في دار .. و الا باجر من يظمج لدار .. بتباتين و تصبحين اتصيحينه ان فارقج ..
روضه بصوت واطي : صاحوه افمعشره ..
و عقب ما اذن عليهن المغرب .. نشن البنات عشان يصلن .. و نشت شمامي مع روضه صوب حجرتها عشان يصلن و في الحجره ..
شما : امممم .. عرب يسلمون عليج ..
و كانت روضه ماسكه السياده .. و من سمعت رمست شما تيبست ..
روضه : و الله صدق ..؟؟؟..
شما : و الله ..
روضه : شحاله و شاخباره .. و شو مسوي .. بخير ؟؟..
شما : بخير و نعمه .. ما يشكي باس ..
روضه : فديته .. و الله اني اشتقتله ..
شما و هي منزله راسها : و هو بعد .. مع انه يكابر في هالشي ..
روضه : اكيد يكابر .. و الا جان ما هنت عليه كل هالمده ما يسأل عني .. و لا يسير صوبنا حتى ..
شما : هو طلب مني اوصلج هالرساله ..
و ظهرت شما من مخباها ورقه و عطتها حق روضه ..
شما : هو نقلني اياها فالتيلفون عشان اوصلها لج ..
و راحت شما و فرشت سيادتها و صلت .. و روضه نشت و يلست على طرف الشبريه و قرت الورقه ..
" ليتج تفهمين قصدي ..

الا يـا مـدّعي فـيني الـنصافي... صـفا وقـتك وعني صرت جافي
وشـفت انّ الـذي ظـنّي خطا به... يـصافي وانـته الـلي ماتصافي
ثـلاث سـنين مـترقّب وصـالك... عـسى غيمك يطشطش ع الهيافي
ولـكنّك شـحيح الـوصل ظـالم... تـمـاديت وتـخـيّرت الـنكافي
تـجرعت الـمراره مـن جـنابك... وطـول الـهجر مـنّك والعسافي
وذقـت الـموت يـا موتي بغيابك... ولـيتك كـنت لـلشاجي سـعافي
تـعـايا مـن تـسابيبك خـفوقي... ولا لاقـى عـلى بـحرك مرافي
يـتـوه يـتوه واسـبابه غـرامك... ع شـط الـهم يـجرف بانجرافي
فـلا هـو نـال مـنّك مـا تمنّى... ولـنته كـنت لـجروحه مـشافي
ولا حـظّه الـردّي شفّ لصفوفه... ولا مـوته دنـا وانـهى الخلافي
بـعـد هـذا لـفاني مـا لـفاني... بـعد هـذا لـفى مـا كان خافي
لـفى لـي مـا حسب قلبي حسابه... وزلزل واعتصف روحي اعتّصافي
وشـبّ الـنار فـي قـلب المعنّى... وغـصّ بـسم مـسموم الزعافي
ودارت مــن حـواليه الـبسيطه... وضـجّ الصدر في خافي الخوافي
وخـصّوا بـالخبر ذايـع زفـافك... يـهـنوّنك عـلـى ذاك الـزفافي
زفـافك يـو مـا قـالوا زفـافك... خـطرت الـموت عقبه والحتافي
تـصّور وش هـي الـدنيا بدونك... وكـيف اقوى على اللي عاد لافي
قـتلته مـن لـعى قـربك قـتلته... قـتلته ولا لـقى مـنك نـصافي

و الله اني احبج .. بس ....
مبارك الخييلي "
( القصيده منقوله .. لشّاعر الوسمي )

نزف الأحاسيس
09-10-2006, 16:14
قرت روضه الرساله مره و ثنتين و عشر .. خنقتها العبره من كلالامه .. و يلست تصيح .. و شما من شافت حالتها صلت الفرض و لا صلت السنه .. و ربعت صوب روضه الي تمت مكانها تقرى الرساله و تصيح .. اول مره مبارك يقولي كلمة احبج ..
شما : روضه فديتج ..
روضه : شما قالي احبج .. و يلست تصيح .. يالله فديت روحه .. حتى انا احبه .. و الله اني احبه .. دخيلج قوليله .. قوليله روضه تحبك .. حرام عليه انا ما قتلته .. انا انقتلت قبله ..
لوت شما على روضه : فديييييييييييتج و الله ..
هذا حال روضه و مبارك .. العذاب و الدموع .. كل ٍ انقتل في درب الهوى و الحب .. بعدها باسبوعين .. رجع مبارك و راشد صوب ألمانيا .. كان عنده مراجعه .. و الحمدلله .. الله شفى راشد من كل اعواقه .. سافرو اسبوع و رجعو ..
اول ما رجع راشد من المراجعه .. رمس هله و قالهم انه يبى شما ..
ام مبارك : يا ويلي يا راشد .. اسميك هب صاحي .. امس خطبنا الصغيره و اليوم تبانا نخطبلك العوده ..؟؟!!!..
راشد : امايه .. انتي ريتيها وديمه شو سوت فالمطار .؟؟!!.. لو الموت ما خذتها ..
مبارك : حشى هاي وديمه ياهل .. ما تعرف وين الله عاقنها في هالدنيا ..
ام مبارك : يا فظيحتيه عند فاطمه ..
مبارك : لا فظيحه و لا شي .. و جنج الا مستحيه من ختج .. انا برمسهم ..
ام مبارك : ادريبك .. هذا الشور شورك .. و الا راشد ما يتنقى في الحريم ..
مبارك : خليه يتنقى .. تره كل يوم بيعرس ؟؟..
و رمست ام مبارك ختها فاطمه ..
ام مبارك : يا لومي فيج يا فاطمه ..
ام شما : لا و الله يا سلامه .. انا بروحي متلومه فيج .. وديمه من ردت من المطار و هي مستلبسه .. ما تبى تعرس .. و افتظحنا فيكم .. و سيف .. حرام يالليل ما باته من اللوم ..
ام مبارك : حليلها وديمه ياهل .. ما تعرف .. شالنها هوى الدنيا ..
ام شما : هيه و الله .. و احنا ما بغينا نغصبها .. الا دام ان راشد تخير فشما دون وديمه .. مره فاله طيب .. و شما بنتكم و راشد ولدنا .. و ما بنلقالنا اخير منه ..و الحمدلله تمت الملجه على خير .. و راشد طبعا ما فيه صبر .. و اصر انه يعرس بسرعه .. و تحدد يوم العرس ..و قبل العرس بأسبوع .. في بيت قوم شمامي ..
شما : روضه قلبي يدق .. حشى احس عمري بموت ..
روضه : لا بسم الله عليج من طاري الموت يالغاليه ..
شما : ما اصدق ..
روضه : لا صدقي .. و انشالله الا يومين و بتكونين حرم راشد بن حمد الخييلي ..
شما : لا مب يومين .. 6 تيام ..
روضه : الله .. الله .. و كم ساعه و كم دقيقه بعد ..؟؟..
شما : روضوه .. دخيلج ..
روضه : ههههههههههههههههههههههه ..
شما : شو خلص فستانج ..؟؟..
روضه : لا بعده ورى باكر بيخلص ..
شما : الي مريحني انج بتكونين عندي يوم العرس ..
روضه : افا عليج .. احنا كم شما عندنا ..؟؟.. الا وحده ..
شما : فديتج و الله ..
روضه : بس شمامي .. انا لي طلب ..
شما : عونج ..
روضه : عانج الرحمن .. شمامي بدخل عندج يوم يدخلون راشد ..
شما : لا و الله ؟؟؟..
روضه : اوكي اوكي .. انا ادري ان راشد شافني ما بيظويج .. خلاص بندس فالكبت ..
شما : جب جب .. من حلاتج عاد ..
روضه : ههههههههههههههههههههه .. انزين بس بشوفكم شو تسوون ..
شما : اصلا البيت ما تدخلينه من يدخلون راشد ..
روضه : حشى يالغيره .. هههههههههههههه ..
روضه : صح شمامي بتسرين بالخميس و الا بتسرحين باليمعه ..؟؟.
شما : لا بنروح باليمعه ..
روضه : احسن .. عشان اغزيج باليمعه الصبح اخذ منج التقرير ..
قرب عرس شما و راشد و العرب مشتلين .. المناصير من صوب و قوم بالخيل من صوب .. طول الاسبوع الي قبل العرس كان مبارك و راشد غازين الوثبه .. عشان يشوفون ترتيب الخيم و الاعلام و الليتات و عثرة العرس الي ما توقف .. يوم الخميس الصبح .. تلايمو قوم بالخيل في رماح .. فبيت حمد الخييلي .. و يوهم عربان من كل دار .. و عالساعه 10 الصبح ظهرت المسيره .. و يا مكثر السيايير .. ماشالله .. كان شكل السيايير والاعلام تزينها .. صدق منظر يذبح .. كان المصور في سيارة عبيد و كان راشد في سيارته المرسدس .. و مبارك عداله بسيارته .. و من وراهم الشبيبه كلهم .. و وصلو الوثبه و كانو المناصير يرقبونهم .. كان الجو حلو .. و عمت الفرحه فالدار .. و من العصر و الحوربيه و العياله متواجدين عند خيمة الرياييل .. و من عقب المغرب ياهم محمد و سيف و ذياب بن زايد هذا غير باقي الشيوخ و العربان الي استاقو من كل دار .. و شما ظاربنها حفوز من اول اليوم .. و عالعصر يتها حنان شقير و عدلتها .. عالمغرب .. بعد ما خلصت روضه من عدلتها راحت صوب شما .. كانت روضه عذاب .. كانت لابسه مكسي وردي .. مرسوم على جسمها رسم .. و كانت راعية الصالون الي عدلتها حطتلها مكياج وردي .. و فاتحه شعرها مع تسريحه بسيطه رافعه بها كمن خصله من شعرها .. ماشالله شعرها تخطى ركبها من طوله .. اول ما خلصت اتصلت بسلطان عشان يخطفها صوب شما .. و خطفها سلطان و نزلها عند باب الفله .. دخلت روضه الفله .. جان تعق الغشوه و تروح صوب شما .. كان الجو ربشه .. البنات يرقصن و ينعشن .. و المسجل شال الدنيا .. كل البنات كانن عاقات الشيل و العبي .. و بدون منافس كانت روضه احلا بنت في العرس .. و الحق ينقال .. كانت احلا من العروس نفسها ..
شما : مالت عليج يا رويض .. و تبين تدخلين عندي انا و راشد بعد ..؟؟..
قالت وحده من البنات : يابخت بخيت بج ..
و تمن يالسات و يسولفن و يظحكن و راعية الاستيديو اتصورهن بكيمرة الفيديو .. و من عقب نشت شما و روضه معاها عشان يصورون شما و دخلن الحجره و خلن البنات في حفلتهن .. و هن يصورن شما ..
شما : روضوه فديتج عطشانه ..
روضه : فالج طيب ..
و ظهرت روضه عن شما و راحت صوب المطبخ التحظيري عشان تيب أي شي حق شما عشان تشرب .. و هي ظاهره من المطبخ سمعت صوت واحد يرمس ..
.... : لو تشوفين شكلي انتي .. حشى ميعف .. و لا جنا في عرس ..
و رجع و قال ..
.. : من اصبح و انا عند الطبابيخ ..
و في هاللحظه طاحت عين روضه على هالانسان الي يرمس .. و المشكله ان هو نفسه شافها .. و من شافها عرفها و تيبس الريال ..ماقدر انه يرمس او حتى يتحرك .. و روضه فاجه ثمها .. و نست انها بلا شيله و لا عباه ..

...*** اربع ... اربع حروف و يزيد حبي... اربع حروف و ايفز قلبي... انت الغلا ميزك ربي ... قلبي انا منك صويبي***..

حاولت روضه انها تتحرك او انها تسوي أي شي بس ما قدرت .. كانت صدمتها عوده .. و مبارك من شاف روضه تيبس .. هو تيبس من حلاتها .. ماقد حلم بأنه يشوف روضه .. و اللحين و هو يشوفها .. جنه يشوف ملاك من السما .. آيه من الجمال مرسومه في هيأة انسان .. كان يشوف روضه و جنه يشوفها لأول مره في حياته .. و هذي هي الحقيقه .. اول مره مبارك يشوف روضه .. و في هاللحظه نسى بخيت و نسى منى و نسى ذا الكون كله .. كل الي يشوفه اللحين .. هالغزال المنصوري الي سلب قلبه .. تم مبارك واقف و روضه واقفه .. بس تفاجأ بدمعه تنزل من عين روضه ... و في هاللحظه ..
مبارك : انزين برايج اللحين .. و سكر التيلفون بدون ما يعطي مجال للي على الخط انها ترمس ..
و روضه ميته ..يالله مبارك يرمس وحده .. لا و بكل قوة ويه .. يكلمها جدامي بعد .. و مبارك ما يدري .. و لا هب حاس بعذاب روضه .. يالله يالقدر .. اذا مبارك الي يحبني ذاك الحب .. يرمس وحده ..عيل بخيت شو بيسوي ؟؟..!!... يالله .. ليتني مت قبل ما اسمعه و هو يرمسها ..
مبارك و بصوت واااااااااااااطي : .. روضه ..
روضه و الدموع في عيونها : مبارك .. انت تحب وحده غيري .. ؟؟؟!!!!!!!!..
مبارك و هو مستغرب : شووووو ..؟؟؟!!!!!!...
روضه و هي تصيح : انت ترمس بنات ؟؟!!!... حراااااااااام عليك ..
و خنقتها العبره .. يالله .. ترها الخيانه ابّلاش عند الرياييل .. و ربعت روضه عن مبارك ..
مبارك : روضه . انتي شو تقولين .. ؟؟؟ .. روضه ردي ..
بس ما عطته ويه .. وخت و حطت الكوب الي في ايدها عالارض و افترت عن مبارك وتربع ....
و مبارك ما قدر انه يستحمل هالموقف .. ما قدر يستحمل ان روضه اتشك فيه .. او حتى اتشكك في حبه لها .. و روضه تربع و هي تصيح و توها بتوصل الدري عشان تروح الطابق الثاني .. و لا حست بمبارك الي وصلها و مسكها من ايدها ..
مبارك : رووضه ...
التفتت روضه صوب مبارك .. و في هاللحظه شاف مبارك فعيون روضه شي .. عمره ما بينساه ..
روضه : اكرهك ..
و من قالت روضه هالكلمه و مبارك جن شي يطعن افواده ..و في هاللحظه سمعو صوت حشره .. حس مبارك ان حد بيطلعلهم .. و لا بغى ان حد يشوفه و هو عند روضه .. و ما حس بعمره الا و هو يسحب روضه معاه و يدخلها في الحجره .. و روضه نفسها ما حست بعمرها و هي تمشي وراه الين ما دخلو الحجره و سكر مبارك الباب .. التفت مبارك صوب روضه .. الي كانت عاطيتنه ظهرها .. الله رحم روضه ان الحجره مظلمه و ليتاتها كانت امبنده ..
مبارك : انا شو سويت عشان تجازيني بكرهج ...؟؟؟..
تمت روضه ساكته ..
مبارك : الشيمه انج ترمسين ..
و روضه ساكته ..
مبارك : روضه لا تذبحيني .. دخيل والديج انج ترمسين ..
روضه و هي خلاص ما تقدر انها تستحمل اكثر من جذيه ... التفتت صوبه ..
روضه : اذبحك ؟؟!!.. لا و الله ..!!.. اللحين سكوتي بيذبحك .. و انت يوم اتكلم البنات ما بيذبحني ..؟؟!!.. انت تحس و انا ما احس ..؟؟!!.. انت شو جنسك .. ؟؟.. ليش ما تحسبي .. لييييييييييييييييييييييييش ..؟؟؟؟؟؟؟؟؟؟؟؟؟؟؟... و صاحت روضه
روضه : اكرهك .. اكررررررررررررهــــــــــــــــــــك ...
مبارك : روضه .. حرام عليج .. ليتج ذبحتيني .. و لا قلتيلي هالكلمه .. و الله العظيم اني ما حبيت انسانه غيرج و لا رمست بنت و الله العظيم ..
روضه : انت ليش تجذب ..؟؟؟!!!..
مبارك : اجذب ؟؟!!!!!!!!!!!!!!!!!!!...
روضه : مبارك سمعتك و انت ترمسها .. شو ما تتذكر ؟؟؟.. مسرع ما نسيت .. و هذا توك مسكر عنها ..
و في هاللحظه ظحك مبارك من الخاطر ..
روضه : و تظحك بعد ؟؟؟... حقيييييييير اكرهك ..
و افترت روضه عن مبارك و كانت تريد انها تطلع من الحجره .. بس مبارك كان واقف عند الباب و لا تقدر انها تطلع .. شاف مبارك روضه و هو يبتسم .. ابتسامه ذبحت روضه .. و من شافت ابتسامته نست غيضها على مبارك ..
مبارك : روضه ... أنتي ظالمتني ..
روضه باستهزاء : ظالمتنك ..!!!!!!!!!...
مبارك : هيه .. لأني كنت أرمس عويش ختيه ..
انصدمت روضه ..

نزف الأحاسيس
09-10-2006, 16:19
روضه و هي تكابر : روح جذب على وحده غيري ..
مبارك : و الله العظيم انها عوشه ختيه .. و اذا مب مصدقه اندوووج التيلفون و شوفي الرقم .. و تراني من سكرت عنها و انا عندج لا مسحت رقم و لا زودت رقم ..
و مد مبارك تيلفونه لروضه .. و خذت منه روضه التيلفون و شافت ان اخر مكالمه صادره لرقم باسم "عواشي" و اخر مكالمه وارده "بوسنيده".. و في هاللحظه احمر ويه روضه من المستحى ..
مبارك : امممممم ...
و توها روضه بتناول مبارك تيلفون .. و هو ماد ايده بياخذه ..
مبارك و بكل رقه : ... تغارين ..؟؟؟؟..
و في هاللحظه طاحت عين روضه عمبارك .. من شافت مبارك في هول فلة خالته ما انتبهت لشكله بس اللحين اتشوف مبارك ... و جنها اول مره اتشوفه .. ما كان لابس سفره .. كان لابس طاقيه و شعره من تحتها يذبح .. و كانن اول عقمتين من كندورته مفتوحات .. ما قدرت روضه انها تمنع نفسها و ما تتأمل مبارك .. هي تعرف ان هالوضع الي هي فيه مع مبارك مب زين .. بس اذا ما كان مبارك ملكي في هالدنيا .. ترى هو ملكي في هاللحظه .. و مبارك .. مسكين كم بيستحمل عشان يعيش من بعد هاليوم .. و هو يشوف شوق قلبه جدامه ولا يقدر انه يسوي شي .. غير النظر ..
مبارك : .. تغارين ..؟؟..
نزلت روضه ويها .. و مدت ايدها بالتيلفون لمبارك .. و في هاللحظه .. مسك مبارك ايدها .. و من حست روضه بايده سحبت ايدها .. بس مبارك ما طاع انه يفتح ايدها ..
مبارك : روضه ..
و روضه مب عارفه شو تقوله او تسوي ..
مبارك : روضه .. اريد اشوف اعيونج ..
رفعت روضه ويها لمبارك لا اراديا ..
مبارك : روضه .. تعرفين اني ... احبج ..؟؟؟..
و في هاللحظه .. غمضت روضه عيونها ... مبارك .. لا... تريد تذبحني هالبنت؟؟!!.. .. تم مبارك ساكت... و يتأمل روضه .. يريد يعرف رد روضه على كلامه .. بس روضه ما قدرت انها تتنصخ بشي .. تم مبارك يتأمل روضه .. شاف في عيونها الي ما قدرت شفاة روضه تنطقه ..
مبارك : ان ما نطق لسانج .. ترى قلبج نطق ..
كانت خصله من شعر روضه نازله على يبهتها الين خدها ... مبارك و هو مب حاس بعمره .. رفع هالخصله و حطها ورى ذنها ..
مبارك : روضه .. ارجووووج ... لا تكونين لريال غيري ..
ما عرفت روضه شو تقوله او حتى اترد عليه ..
مبارك : ارجووووووووووووووووووووووج ... والله اني اتعذب في كل مره اتخيل انج بتكونين فيها لانسان غيري ..
و سكت مبارك و نزل راسه و تم يشوف ايد روضه و هي بين ايديه ... و روضه اول مره اتشوف مبارك في هالحزن كله ..
ماعرفت روضه شو تسوي .. هي بايدها انها تعطي الامل لمبارك .. و بايدها انها تمسح اهمومه .. و تزيد افراحه و مسرّاته في هالدنيا .. رفعت روضه ويه مبارك بايدها .. استغرب مبارك من فعلها هذا ..
روضه و من الخاطر و بكل حب في كيانها : مبارك .. و غلاتك في فوادي .. ما ريال يمسك ايدي من بعدك ... الا انت ..
مبارك : و الله ..؟؟؟؟..
روضه : و الله .. حتى و لو كان هاليوم اخر يوم في حياتي ..
مبارك : بسم الله عليج من هالطاري ..
روضه : صدقني مبارك .. اذا باجي حياتي بعيشها دونك .. احسن لي ما اعيشها ..
مبارك : فديت روحج .. و حب ايد روضه ..
و توه بيتكلم و الا تيلفونه يرن .. و كان راشد خوه متصل .. رد مبارك على راشد ..
مبارك : حيبه ..
راشد : مبارك .. وين انت ؟؟..
مبارك : ليش ..؟؟..
راشد : ياخي مرتبش ..
مبارك : ههههههههه .. مب معرس لازم بترتبش ..
و في هاللحظه تحركت روضه عشان تطلع من الحجره .. و تخطت مبارك و قدها بتفتح الباب .. بس مبارك مسكها .. التفت روضه لمبارك و ابتسمتله .. و من شاف ابتسامتها تيبس و لا يدري براشد شو يقول و لا حاس بشي في هالدنيا .. فتحت روضه الباب و طلعت من الحجره و هي تربع عن مبارك ... تم مبارك يوايج على روضه وهي تربع على الدري و شعرها يتمايل وراها ...
مبارك : اااااااااااه ياقلبي ..
راشد : حوووه مبارك شعندك ..؟؟؟..
مبارك : لا حوووول .. انت بتخبرك شعندك .؟؟.. شعندك محتشر ..؟؟؟؟
راشد : ياخي مب عارفلي راس من ريل في هالعرس .. و هذا خليفه طفربي تراه ..
مبارك : لا اله الا الله .. راشد .. بتسبح و بييكم ..
راشد : بسرعه الله يخليك ..
مبارك : انشالله ..
و سكر مبارك عن راشد .. و تم يفكر في روضه .. يالله كم بعيش من عقب هاليوم ... فديييييييييييييييييييييييييييتها و الله .. و روضه من راحت عن مبارك دخلت حجرة وديمه و عدلت مكياجها بعد ما تخرب شوي من دموعها .. و من عقب ردت صوب شمامي و البنات
شما : اخيرا ييتي ..
روضه و هي طايره من الفرح : ااااه و ليتني ما ييت ..
و راحت و يلست عدال شما ..
شما و بصوت واطي : شو بلاج ..؟؟؟..
روضه : اممم .. ماشي ..
شما : لا و الله شي ... شو ..؟؟..
روضه : سالفه طويله بقولها لج بعدين ..
و يلسن البنات يسولفن و يظحكن .. و كل شوي اتقوم وحده و ترقص .. راحت روضه و حطت غنية عيضه و اريام" ودي بكلمه يا حبيبي "..و قامت و رقصت هي و عايشه و كمن بنت من هلهن .. و كانت روضه ترقص بغنج .. اااااااااه .. كل البنات ماتن عليها .. هي بدون شي ذابحه البنات بزينها .. لا عاد و من رقصت صدق ماتن عليها .. و من يى هالمقطع يلست روضه تغني و هي ترقص و تسوي حركات و تتمايل .. عذااااااااااااااااااااب ..
روضه : شمامي .. اهدااااااااااااء .. و غمزت حق شما .. و هي طبعا عرفت ان مبارك هو المعناي بهالاهداء ..
( انت حياتي و انت لانفاس ..ودك بكلمه كلها احساس... لك زاد حبي ماله اقياس... و ان غبت حبي ما يغيبي..... حلوه.. حلوه احبك من شفاتك ...انزع غرورك من صفاتك... كلمه تغير كل حياتك.... و اسقيك من حبي و طيبي ) ..
اول مره روضه ترقص و هي اتحس بهالاحساس .. احساس عيشها في عالم ثاني ..
( الحب في قلبي و قلبك... تشتاقلي و احب قربك... و اشتاقلك و احيى بحبك ...دايم احبك يا حبيبي ...العين .. العين تتمنى تشوفك ...اقهر زمان مع ظروفك... لا يخدعك ظنك و خوفك... خلك من اعيوني قريبي )
و عند الرياييل مبارك متشقق .. عايش في عالم ثاني .. عالم ملكته روضه .. يالله .. ما اتخيل اني مسكت ايدها .. ما اتخيل اني كلمتها .. ااااااااااااااااااااااااااه يا روضه .. ليتج نصيبي ..
و انحط العشى و تعشو العربان و الحوربيه بعدها .. و في خيمة الحرمات عالساعه 11:30 طلعو شمامي .. و قبل لا يطلعونها كانن البنات كلهن في الخيمه قبلها .. و شما ياها سالم و علي و سعيد و دخلوها في الخيمه .. و كانت دخلتها من ورى الكوشه .. اول ما وصلت شما الخيمه .. شغلولها غنية اصيل ..
( تمشي بخطوات عز ٍ و احتشام ... و الحيى في وجهها الباسم يجود... ظبية ٍ فيها الغرام العذب هام .. حايزه كل الحسن عرض ٍ و طول ) ...

نزف الأحاسيس
09-10-2006, 16:20
مشت شما عالكوشه و خوانها عندها.. بعدين خلوها تمشي بروحها في الممر الي بين الحرمات .. و في ردتها صوب الكوشه .. تلقالها سعيد و سالم و هم ايولون .. و تمو ايولون عالكوشه مسوين ربشه .. كان الجو ولا احلا من جذيه .. و خوان شما ما بغو يطلعون .. بس الحرمات تمن محتشرات .. فطلعو ..
سالم يقول لخالته سلامه : ما عليه .. حرام يا اني ادخل راشد الخيمه و عاد حينها حد يظهرني من الخيمه ..
ام مبارك : انشالله .. اللحين ظهر ..
سعيد : عنبوه هيلا عيايز منو بيطالعهن .. انا من سن احفادهن ..
ام شما : يا بويه طلعو ..
سعيد : بس بنرد عند التصوير ..
ام شما : ما عليه .. ظهر اللحين ..
و ظهرو من الخيمه .. و من عقب نشن البنات و الحرمات يسلمن على شما و الرياييل مرتبشين .. ياييبين فرقة بوصلاح و اليويله مشتلين .. كانت ليله و لا احلا منها ..
سالم : يله راشد ..
راشد : شو ..؟؟؟..
سعيد : بندخلك على شما في الخيمه ..
راشد : لالالالالالا شو خيمه و حرمات ؟؟!!!!!... لالالالالا ..
مبارك : افا يا بو سنيده .. نش نش ..
سالم : راشد لا تخرب علينا .. ياخي نش ..
راشد : لالالا .. و منو قال اني بحدر خيمة الحريم ..؟؟..
سعيد : عيل احنا قلنا لشما ريلج بيدخل عليج الخيمه و الحرمات مرتبشات هناك يرقبنك ..
راشد : و انتم شعنه ترمسون بشي انا ما قلته ..؟؟؟..
سالم : مب مشكله يله نش نش ..
و عقب عثره و محايل طاع راشد انه يحدر
مبارك : و انا بحدر بعد ..
سالم : شوووو ..؟؟؟..
مبارك : شو شوو ..؟؟؟..
سالم : وين تبى ..؟؟؟؟..
مبارك : و انت وين تبى بعد ..؟؟؟..
سالم : بتصور عند ختيه ..
مبارك : و انا بتصور عند خويه ..
و تمو يتواجعون .. سالم ما يريد مبارك يدخل .. و مبارك محتشر يريد يدخل.. و دخلو سعيد و سالم راشد على شما في الخيمه .. و راشد مسكين مرتبش مب عارفله حال .. اول ما مشى عالممر .. و وصل الكوشه .. و خى على شما و حبها على راسها .. و من عقب يلس عدالها شوي .. و سالم و سعيد مشتلين .. و راعية الفرقه ما قصرت .. ربشتهم اكثر .. و مبارك برى الخيمه و محتشر ..
مبارك و هو يرمس امه في التيلفون : لا و الله ..؟؟.. اللحين عيال ختج دخلتيهم و انا ولدج ما ادخليني ..
ام مبارك : يا بويه هيلا خوان العروس ..
مبارك : و العافيه .. و انا خو المعرس ..
ام مبارك : يا ولديه ..
مبارك : شوفي عندج خمس دقايق تظهرين و تخليني ادخل و الا و الله ادخل بلا شوركن ..
ام مبارك : اففففففف ..
مبارك : لا تتأففين .. قلتلج ..
ام مبارك : ماعليه ..
و سكرت امه عنه و رمست ختها فاطمه ..
ام شما : ياويلج من ربج جنج محيره مبارك برى .. ودي خليه يحدر ..
ام مبارك : بس شما ..
ام فاطمه : ما عليه بنحط العباه عليها ..
و راحن و خبرن راشد و شما ... و من عقب حطن عباه على شما عشان ما يقدر مبارك انه يشوفها .. و ظهر سعيد صوب مبارك .. و دخلو الخيمه .. و من دخل مبارك الخيمه و كل الحرمات افترن صوبه .. كان عذاااااااااااااااااااااااب .. لا و دخل و هو يظحك .. و من شافته روضه الي كانت على طرف هي و البنات تيبست من الخاطر .. كان مبارك لابس كندوره سوده و سفره حمرى و عقال و العصى في ايده .. صدق ما شالله .. كلمة حلو ما تعطيه حقه .. اول ما وصل مبارك صوب الكوشه .. سوى حركه لراشد خوه .. ماتن الحرمات عليه .. صدق كان يذبح .. و سلم على راشد .. و قال شي حق شما .. و من سمعه راشد مات من الظحك .. و كل الحرمات يبن يعرفن هو شو قال و اولهن روضه .. و من عقب تم ايول هو و سعيد و سالم .. و الحرمات ميتات عليهم .. قبل كانن ما يبن خوان العروس يرتزون في نص الخيمه .. الا من شافن مبارك و شافن حركاته و يولته هو سالم و الحركات الي يسونها .. ما ودوووهم يظهرون من الخيمه.. تمو شوي و من عقب ظهرو من الخيمه .. مبارك و هو نازل من الكوشه اتصل بعوشه عاش تيه .. و توه بينزل من الكوشه و ان عوشه خته عنده .. كان مبارك يتعلث باي شي بس عشان ايتم في الخيمه اكثر ..
مبارك : عقي غشوتج اريد اشوف عدلج..
عوشه : هههههههههههه .. عدلتيه انا و الا عدلت عرب ..؟؟؟؟.. هههههههههههههه ..
مبارك : أي عرب ..؟؟..
و افترت عوشه براسها صوب روضه .. الي كانت اتشوهم .. بس طبعا كانت بغشوتها ..و من طاحت عين مبارك على روضه .. ابتسملها .. اااااااه يريد يذبحني ..و من عقب ظهر من الخيمه .. و من عقب ظهر راشد من الخيمه و تمن البنات شوي .. و من عقب دخلو شما الفله عشان يدخلون راشد عليها .. و قبل لا يدخل راشد طلعن البنات عن شما .. و دخل راشد و خوانها و تمو يتصورون و من عقب تم راشد و شما بروحه مع المصوره .. و تمت تصورهم ..
راشد : حشى تعبت ..
المصوره : ازا بتريد .. بدك تعمل شوية حركات مع العروس ..
راشد : حركات شو بعد ..؟؟..
المصوره : يعني تمسك ايدها .. هيك ..
و تمت المصوره اتصور .. و شما حليلها ميته على عمرها من المستحى ..
المصوره : بدك تبوس المعروسه ..
راشد و هو يطالع شما : سمعتي .. هي قالتلي ابوسج .. و حب راشد شما عراسها عشان المصوره تصورهم ..
راشد : تسد وحده و الا ..؟؟؟..
شما و هي مستحيه : لا و الله ؟؟.. عيبتك السالفه ..
راشد : هههههههههههههههههههههههه .. ياويلي على الي يستحون .. اقولج متى بتخلصين ..؟؟..
المصوره : بس شوي ....
راشد : شوفي تراني ارقب هالليله من سنين ... ارجوووووووووج خلصي و فكينا ..
المصوره : هههههههههههههههه .. ع شو مستعجل بدك اتشوفها طول حياتك هالأمر...
راشد : هذي قمر حياتي .. بس خلصينا الله يخليج .. تراني الا جذيه ماسك عمري ..
و في النهايه راغ راشد المصوره و الي تصورهم بكيمرة الفيديو من الحجره ..
راشد : احم احم ..
شما : راشد انت ما تستحي ..
راشد : افا ليش ؟؟..
شما : شو كنت اتقول للمصوره ..؟؟؟.. ايه هذا كله بيظهر في كيمرة الفيديو ..
راشد : و يظهر انزين .. حرمتيه و اتغزل فيها حد له شي عندي ..؟؟؟..
راشد : امممممممممم ... شمامي ..
شما : .. لبيه ..
راشد : .. تحبيني ..؟؟؟..
هزت شما راسها ..
راشد : لالالالالا .. اريدج تنطقينها ..
شما : رااااااااااااشد ..
راشد : دخييييييييييييييييييلج ..
شما و بصوت وااااااااااااااااااااااااااااااااطي : ... احبك ..
راشد : شووووو ..؟؟؟..
شما : حرام عليك راشد ..
راشد : رفجه انج تعيدينها ..
شما : اوووووه .. احبك ..
راشد : اااااااااااااه .. يا ويل حالي ..

و دامت دياركم عامره بالافراح و المسرات

..*** يا قلب وشبك ما تصافي .. تهوى التباعد و التجافي .. و انا معك صادق بحبي .. مخلص ولك بالحب وافي .. عذبتني و اسهرت عيني .. و انسيت لي بينك و بيني .. حلفتك بعشرت سنيني .. كافي من التعذيب كافي ***...

يوم الجمعه الصبح ..

ام شما : بتخبرك سعيد ..
سعيد : لبيه ..
ام شما : لبيت حايه .. هاه فديتك ما تغايرت من ختك و بغيت العرس ..؟؟..

نزف الأحاسيس
10-10-2006, 11:20
سعيد : ههههههههههههه .. الغاليه لاحج عالعرس ..
سالم : العيوز ولدج ما يبى يعرس اللحين .. يوزيني انا ..
ام شما : صدق ..؟؟..
سالم : و الله صدق ..
ام شما : هالشور العدل .. و عروسك عندي .. و الا انت عندك حد ..؟؟؟
سالم : لا عندي و لا شي .. الشور شورج يالغاليه .. الا لا تبليني بوحده من هالرغيد .. اباها بنت عرب و حشيم ..
ام شما : لا محد احشم من العاش ..
سعيد : ههههههههههههه..
سالم : شيظحك .؟؟
سعيد : و الله اني كنت متوقع انها بتقولك العاش ..
سالم : شالعاش ..؟؟.
ام شما : ودي العاش بنت سلامه ختيه ..
سالم : شورج و هداية الله ..
و في هاللحظه دخلت عليهم شمامي ..
شما : السلام عليكم ..
نشو خوانها و سلمو عليها ..
ام شما : مرحبا الساع بالعروس ..
و شما مستحيه ..
سالم : وين ريلج عنج ..؟؟.
سعيد : واقع الا بعده راقد .. هههههههههههههههه ..
ام شما : شرقاده الضحى ..؟؟.
سعيد : ما عليج .. المنصوريه بترقده يوم بليله ان بغت ..هههههههههههههه ..
سالم : هههههههههههههههههه ..
شما : لا و الله عيبتك السالفه عشان تظحك انت بعد .؟؟!!.. لا مب راقد .. يتسبح ..
سعيد : اظني ما صلاه الصبح ..
سالم : ليش تره متفيج لصلاه و شمامي عنده ..
شما : ليش قالولك سعيد بن سيف و الا سالم .. ما يدلونها الجبله .. لا فديته صلى ..
سالم : افا يا بنت سيف .. تسبين خوانج عسبات هالخييلي ..
سعيد : يا ريال يالسه تتفداه .. امبونهن من يعرسن ما يدلنه بيت هلهن ..
و ان راشد حادر عليهم ..
راشد : السلام عليكم ..
و سلم على ام شما و حبها عراسها و توايه هو و خوان شما .. و وقف عدال شما .. الي من دخل راشد وقفت .. و من عقب يلسو ..
سعيد : سالم .. تشوّف في ختك ..
افترت ام شما و راشد صوب شما ..
سالم : هيه اشوفها .. من دخل الخييلي و هي مب في حاله ..
شما و هي مستحيه و معصبه على خوانها : جب جب ..
راشد : شما .. يالفضايح رياييل بلحاهم و تقوليلهم جب ..
شما : طفروبي .
راشد : شعندكم عليها ..؟؟..
سعيد : سلامت راسك .. ما شي اتخبرها عنك .. اريدها تقولي شو سويتو امس .. الا ما طاعت ترمس ..
راشد : لا لا بعدك صغير عهالسوالف ..
شما : هههههههههههههههههههه ..
سعيد : افا .. توك تقول ريال بلحيته و اللحين خليتني ياهل ..
راشد : لا محشوم عن اليهال .. الا بعدك صغير عسوالف العرس .. صح شمامي ..؟؟؟..
شما و ما كانت تتوقع سؤاله : شووو ..؟؟؟..
سالم : لا .. شما في عالم ثاني ..
ام شما : شما نشي حطي الريوق لريلج ..
و نشت شما و حطت الريوق لراشد و خوانها ذبحوها بتعليقاتهم ..
سعيد : شما طلبتج .. تم ؟؟..
شما : لا مب تم .. شو تريد ..؟؟؟
سعيد : تم ..؟؟؟
شما : اول قول ..
سعيد : دخيييييييييييييييييييلج .. طلبتج .. انج تأكلين راشد بأييدج ..
راشد : افا عليك .. بدون ما تطلب ..
شما : رااااااااااااشد ...
راشد : عيون راشد .. لبيه ..
شما : و الله بنش عنكم ..
سالم : لا و رفجه .. افا وين تنشين عن شوقج ..
شما : اووووووه .. و نشت شمامي عنهم ..
راشد : شما طلبتج ..
شما : تم ..
سعيد : عنلاتها .. من قالها الخييلي طلبتج قالتله تم .. و انا من اصبحت احايلها .. بنات صدق ..
سالم : يا ريال هاي باجر بتجلب من المنصوري للخييلي ..
راشد : منو قالك .. امس بايتين نناقش هالقضيه ..
سعيد : اسميك متفيج .. ليلة عرسك و تناقش قضية الجبايل ..
راشد : شو تباني اسوي .. زين يوم ان ختك ما ظربتني .. كل ما اقولها شي يلست تتهزبني ..
شما : اوووووه .. محد ييلس عندكم .. و نشت شمامي و سعيد و راشد بعدهم يعلقون عليها ..
راحت شمامي و اتصلت بروضه ..
روضه : فديتج شمامي .. حتى صباحت عرسج متصلتلي ..
شما : روضوه شوي و بيروح راشد و خواني المسيد .. فديتج تعالي ..
روضه : و لو ما طلبتي ..

في حجرة شمامي ..

شما اتدخن راشد قبل لا يروح المسيد حق صلاة اليمعه ..
شما : راشد لا تظهر .. صبر بدخنك من هالعود ..
راشد : حشى ما تم عطر و لا عود ما عطرتيني به ..
شما : فديتك .. ان ما عطرتك انت من بعطر ..؟؟..
راشد : فديت روحج .. يالله عسى ربي يخليج لي انشالله ..
شما : و يخليك لي انشالله ..
و تم راشد يتأمل شما ..
راشد : تعرفين اني اموت فيج ..؟؟..
شما : غصبا عنك اتموت فيني مب بهواك ..
راشد : ههههههههههههههه ..
و ظهر راشد عن شما و راح المسيد .. و يتها روضه .. و دخلت مع شما حجرتها ..
روضه : يله قوليلي شو سويتي امس ..؟؟؟..
شما : تصدقين رويض .. راشد ما يستحي ..
روضه : هههههههههههه ... ليش ..؟؟؟..
شما : بتشوفين حركاته و رمسته في شريط العرس ..
روضه : لا لالا .. قوليلي شو اول كلمه قالها لج ..؟؟؟..
شما : امممم .. ما اذكر ..
روضه : ازين شو قالج ..؟؟؟..
شما : وايد ..
روضه : مثل ..
شما : امممم ... احبج ..
روضه : اااه .. و بعد ..؟؟؟..

نزف الأحاسيس
10-10-2006, 21:04
شما : تعرفين .. امس اكتشفت شي في راشد عمري ما كنت اعرفه ..
روضه : شو ..؟؟؟؟
شما : اول مره اكتشف ان راشد رومنسي واااااااايد .. و رقيق .. غير .. تعرفين .. وايد تم يسولف و يتطنز .. و فجأه يجلب برومنسيه .. غيييييييييييير ..
روضه : يالله عسى ربي يفرحكم انشالله و يديم عليكم الفرحه ..
شما : انشالله .. و الفال لج انتي بعد ..
روضه : انشاااااااااااااااااااااااااااااااااااااااالله ..
شما : ههههههههههههههههه ..
روضه : اووه صح .. شمامي مبارك شو قالج عالكوشه ..؟؟؟..
شما : هههههههههههههههههههههه ..
روضه : ايه رمسي .. شو قال ..؟؟؟..
شما : هههههههه .. مبارك طفس ..
روضه : هههههههههههههه .. ليش عاد .؟؟؟..
شما : قالي رمسه بايخه شراته ..
روضه : انزين شو .. دخيلج رمسي ..
شما : ههههههههههههههههههه .. اول شي باخذ منه الموافقه و من عقب بقولج ..
روضه : حرام عليج شمامي ..
و تمت روضه عند شمامي بس من رجعو الرياييل من الصلاه ردت روضه بيتهم .. و عالساعه 5 العصر سارو صوب رماح .. و ما شالله كل حرمات رماح كانن متواجدات في بيت قوم مبارك يتريون العروس تظوي ..و يوم السبت الصبح سرح راشد و شما صوب دبي .. بييلسون فيها يومين قبل لا يسافرون ماليزيا يقضون شهر العسل فيها ...

و تمر الايام و روضه على حالها .. و مبارك مسكين .. من بعد ما شاف روضه .. مب قادر يستحمل فكرة ان روضه تكون لواحد غيره
موزه : رويض .. ما لاحظتي شي ..؟؟..
روضه : شو ..؟؟؟.
موزه : بخيت ..
روضه : شبلاه ..؟؟؟..
موزه : يختي غريب هالريال .. يسد انه الين اليوم ما شافج و لا طلب انه يشوفج .. و انتو مالجين اللحين من زود عن 6 شهور ..
ميثه : حي و من متى الريال يشوف الحرمه قبل العرس ..؟؟؟..
موزه : يالله عليج .. تراج تيلسين عند سلطان و هو مب مالج حتى ..
روضه : بس سلطان ولد عمها .. و رابيه عنده ..
موزه : حتى .. هذا بخيت حاسه ان فيه شي ..
روضه : تصدقين ميثوه ... موزه صدقها .. تعرفين من ملجنا ما يانا الا 3 مرات و كل هالمرات يكون يايب حرماته .. و الا هو عمره ما يانا و هو متعني لنا ..
ميثه : ليش رويض .. تبينه يبات و يصبح يطورج عليج ..؟؟..
روضه : وايه فقته .. لا اباه يطورج و لا ابى اشوف سودته ..
مريم : رويض ماقد ظربج فضول اتشوفين الريال الي بيكون ريلج ؟..
روضه : لا ..
موزه ة بخبث : و انتي مريوم ..؟؟؟..
مريم : انا ..!!..
موزه : اظني الا حفظتيه شكله ..
ميثه : ليش مريم حد خطبج و ما عندنا خبر ..؟؟؟!!!..
موزه : هههههههههههههههههه .. هيه انخطبت .. بس في احلامها السعيده ..
روضه : ههههههههههههههههه .. فارس الاحلام ..
ميثه : الفارس الملثم ههههههههههههههههههههههههه ..
موزه : لا و رفجتكن .. راعي الرنج .. ههههههههههههه
مريم : اااااااه .. فديت راعي الرنج يا ناس ..
ميثه : حي و منو راعي الرنج بعد ..؟؟؟؟..
موزه : و منو غيره .. مبارك بن حمد الخييلي ..
مريم : حشى يا طويز .. اسميج فاظحتني ..
و روضه ميته من الغيره .. ما بقى الا مريم تتفدى مبارك بعد ..
ميثه : لا اله الا الله .. مسكين هالريال .. جنكن مب مخلياتنه في حاله ..
مريم : ليش .؟؟.. تره حد يطريه عندج .؟؟..
ميثه : بن عروه .. منو استهم منه مبارك ؟؟..
مريم : واااااااااااااااااااايدين الي مستهمين منه ..
روضه : جب جب ..
موزه : شبلاج ..؟؟..
روضه : و الله انكن ما تستحن .. شو لكن بالريال تطرنه ..؟؟.. من باجي هلكن .؟؟!!..
مريم : بسم الله .. شبلاج معصبه ..؟؟؟..
روضه : انتن .. حشى رفعتن ظغطي .. من تيلسن ما تطرن حد غير الشباب ..
موزه : لا و الله ؟؟.. منو هالشباب الي نطريهم ..؟؟..
روضه : من اصبحتن الا مبارك و مبارك ..
موزه : عاد روضه .. احنا ما طريناه بالشين .. و بعدين الي يسمعج يقول ما خلينا حد من الشباب ما طرينه ..
ميثه : اوكي اوكي .. خلاص انسن السالفه ..
و نشت عنهن روضه و رجعت بيتهم ..
مريم : حشى روضه شعندها ..؟؟..
موزه : انا ما شفت انسانه معقده شراتها .. ما ادري عالشوه متخققه ..
ميثه : موزه عيب عليج بنت عمج هذي ..
موزه : انزين والعافيه بنت عمي شو يعني ..؟؟..
و في هاللحظه دخل منصور الصاله ..
منصور : السلام عليكو ..
ردن : و عليكو السلام ..
منصور : رويض امبونها عندكم ..؟؟؟..
ميثه : هيه .. توها ظاهره عنا ..
منصور: هيه اشوفها ... شي فيها ؟؟..
موزه : زمت خشمها علينا و راحت ..
ميثه : مووووزه ..
منصور : شو هالرمسه بعد ..؟؟..
موزه : و الله صدق .. هي عالشوه متخققه .. ؟؟؟.. فقتها تتحسب الي خلقها ما خلق غيرها ..
ميثه : موزه تراج زودتيها ..
موزه : ااوووووه .. نشي مريوم ..
و نشت موزه و مريم عن ميثه و منصور ..
منصور : شعندكن ..؟؟..
ميثه : ماشي يلست موزه و مريوم يطرن بخيت و الشباب و جان تتغيض روضه ..
منصور بألم : لهالدرجه تغار عليه ..
ميثه : تغار عمنوه ؟؟.. بخيت ؟؟.. اصلا روضه ما تغيضت الا من طرو بخيت .. ما ادانيه و لا اداني طاريه .. ما ادري كيف بيعرسون
منصور : ليتها ما وافقت عليه ..
ميثه : يوم انا بوافق على سلطان هي بتوافق على بخيت ..
منصور : الله يسامحهم .. بيستاثمون في البنت ...
ميثه : هيه و الله ..
ميثه : اوه صح .. علوم دوامك ..؟؟..
منصور : الدوام ربي يسلمج زين .. بس لو سالم من دقت هالخطوط كل يوم .. سلمت من الشر كله ..
ميثه : انزين انت الا اروحك .. لو حد ٍ غيرك ما بيقهر كل يوم يسرح بوظبي و يرد ..
منصور : لا خلاص اللحين ادورلي سكن ..
الحمدلله الله فتحها على منصور و يشتغل اللحين في ادكو تبع ادنوك ..

و في رماح ..

ام مبارك : عبيد .. عبوود ..
عوشه : عبيد يتسبح ..
ام مبارك : اوووه .. بروك هنيه ..؟؟
عوشه : هيه ..فحجرته ..
ام مبارك : زقريه ..
عوشه : انشالله ..
و راحت عوشه صوب مبارك في حجرته ..
عوشه و هي ادق الباب : مبارك .. برووووك ..
و مبارك راقد و لا هب حاس بها ..
عوشه : مبااااااااارك .. و جان تفتح باب حجرته .. و راحت صوب مبارك ..
عوشه : مبارك .. نش فديتك ..
مبارك و هو دهمان : هاه ..
عوشه : نش فديتك المغرب اللحين ..
مبارك : انشالله .. و رد و لحف راسه ..
و في هاللحظه يته مسج ..
جان تفتر عوشه صوب تيلفون مبارك .. و لقت 8 مسجات يديده ..
عوشه : حشى .. يا مكثر المسجات ..
و من قالت مسجات نش مبارك .. و شل التيلفون ..
عوشه : خيبه .. كل هذا عسبات المسجات ..؟؟!!..
مبارك : عويش عن الحشره ..
عوشه : انزين نش .. امايه تريدك ..
مبارك : انشالله ..
و طلعت عوشه عن مبارك .. الي من ظهرت عوشه و هو يشوف المسجات .. و طبعا كل المسجات كانت من منى ..
" مبارك انت ليش متغير عليه جذيه "
" ليش تتهرب مني .. جن شي في خاطرك رمسبه "
" انا شو سويت عشان تجازيني بهالصد "
" خذاك القدر مني .. و باعد بينك و بيني.. و هذي حكمة المولى.. تفارقني و تخليني "
"هذاك وقت النعيم كان في قربك ... و اليوم وقتٍ على فرقاك يسعيبي "
" ليت قلبي ما عشق طيفك "
"مبارك .. ارجوك رد قول أي شي .. لا تخليني اتعذب اكثر من جذيه "
و المسج الثامنه كانت من خليفه ..
"اسميك عفنت من الرقاد .. من تنش اتصلبي "
لا حول .. اللحين شو اسويبها هذي منى بعد ؟؟.. يالله يساعدني ..
و اتصل مبارك بخليفه ..
خليفه : هلا و الله ..

نزف الأحاسيس
10-10-2006, 21:05
مبارك : حيبه .. علومك ؟
خليفه : ايه بتخطف المول اليوم .؟؟..
مبارك : ليش انت في المول ؟..
خليفه : هيه ..
مبارك : خلاص بتسبح و بييكم ..
خليفه : غايته ..
و نش مبارك و تسبح و تلبس و توه بيظهر من الحجره و ان يايتنه مسج ..
" ممكن ما تتهرب مني "
لا حول ..
و ظهر مبارك من الحجره و ان امه و العاش و امنه و عبيد يالسين في الصاله ..
مبارك : وين نواري عنكم ..؟؟؟.
عوشه : فبيت عمووه نوره ..
مبارك : خاطريه اشوف هالبنت في البيت .. دومها في بيت عمتيه ..
ام مبارك : محد من سناها في البيت .. و بيت عمتك ما شالله كله بنات ..
امنه : و بمختلف الاعمار و الاحجام بعد ههههههههههههههههههه ..
ام مبارك : ما رمسك راشد .؟؟..
مبارك : رمسوني امس ..
ام مبارك : و ما قالك متى بيردون ..؟؟؟..
مبارك : انشالله ورى باجر بيردون ..
ام مبارك : الله يبشرك بالخير ..
مبارك : عبيد ما بتخاويني ..؟؟؟..
عبيد : الرحمن ..
مبارك : يا ريال نش .. بدل ما تيلس في البيت ..
عبيد : لا ما بيلس .. بويّه سويحان اللحين ..
ام مبارك : ودي و شعندك في سويحان ..؟؟..
عبيد : متواعد عند ربعي ..
مبارك : المهيري ..؟؟؟..
عبيد : هيه .. احمد ..
مبارك : خلاص عيل .. تاااامرونا بشي ..؟؟؟..
ام مبارك : سلامت راسك ولديه .. الا براض في الدرب ..
مبارك : انشالله ..
و راح مبارك العين .. و لاقى خليفه و معضد و عوض في العين مول ..تمو الشبيبه يحوطون في المول .. و عوض ما سلمت بنت من لسانه ..
خليفه : لا حول .. بتخبرك لسانك يحجك انت ..؟؟.
عوض : خلنا نسترزق ..
خليفه : تسترزق عبنات العرب ..؟؟..
عوض : شوف هالبنات ما اين المولات الا عشان الشباب يرقمونهن .. و الا يعله في ذمتك هاذيج شيفتها شيفت وحده تبى الحشمه .؟؟
معضد : تبون الصدق .. ما جذب عوض .. البنات ظيعن المذهب ..
مبارك : ظيعن المذهب و الا ما ظيعنهن .. ما علينا منهن ..
معضد : لا مبارك .. ياخي اللحين الغشوه ما يعرفن دربها ..
مبارك : بنت العرب حاشمه عمرها بغشوه و بلا غشوه .. و الله يا بنات ما يعرفن الشيله و حشمات عامارهن زود عن بنات متنقبات ..
عوض : يا ويل حالي انا .. الشيخه .. و تم يرقم ..
مبارك : ههههههههههههههههههههه .. و تباني ايوزك ختيه بعد ؟؟.. بتبطي الساع ما قربتبك ..
خليفه : ليش عوض خطب ختك ؟؟؟..
عوض : لا بعدني ما ادبست بالخييليه بس على وشك انشالله ..
و من عقب راحو الشباب و شافو فلم في السنما ..
بعدها بيومين رجع راشد و شما من شهر العسل .. يلست شما يومين في رماح و من عقب راحت الوثبه .. و تيمعن عندها البنات و سلمن عليها .. بس ما قدرت انها تبات عند هلها .. لان راشد كان عليه دوام .. و تمر الايام و شمامي و روضه متواصلات مع بعض ..

يدت روضه : هاه الميث خبروج متى العرس ..؟؟.
ميثه : هيه يدوه ..
يدت روضه : الفال لكن يا بناتي ..
موزه : يدوه مريم ما تبى تعرس ..
يدت روضه : ودي شعنه ما تبين تعرسين ..؟؟؟..
مريم : يدووووه محد ياني ..
روضه : لا يدوووه ايونها الا هي تتطلب عالرياييل ..
يدت روضه : لالالا .. بنت العرب ما تتشرط و تتطلب عالرياييل ..
مريم : حليلي لا تشرطت و لا تطلبت ..
يدت روضه : سلامتكن البنت من يظويها نصيبها لا تتشرط و لا تطلب ..
روضه : يدوووووووووه انا ابى فستاااااااااااان ..
يدت روضه : شوووووه ..؟؟؟؟؟..
روضه : ابى فستااااااااااااااااااان .. بثلاثين الف ..
يدت روضه : دكااااااااااااان تبين ..؟؟..
روضه : ههههههههههههه .. لا يدوووه .. فستاان فستااااااااااان بثلاثين الف ..
يدت روضه : دكان بعد تبى .. يا عنبو ذا الويه .. تبينا نتشرط عالريال بالدكاكين .. لا و ثلاثين الف بعد .. سلامتج غير ثلاث تالاف ماشي ..
روضه : عنبوه .. يدوووه الخدامات ينيابن بست تالاف .. و انتي تبينا نعرس بثلاث تالاف ..
يدت روضه : و انتن و الخدامات واحد اللحين .؟؟.. الخدامه تصبح تعابل و تبات تعابل .. و الا انتن ما منكن نفع ..
موزه : يالله يا يدووه .. اللحين الخدامات اخير منا ؟؟؟..
يدت روضه : هيه نعم .. الا انتن لا تطالعن عهالخايسه الي عندنا .. هاي ظوايا امج ( و تكلم روضه ) خايستكن غالبنها ويها ما تغسله
ميثه : ههههههههههههههههه .. اسميها الس مظلومه ..
يدت روضه : شوووووه ..؟؟؟..
ميثه : سلامتج يدووه ..

و في يوم يت حرمه بيت قوم روضه .. و كانت تريد اتكلم روضه ..
شما : روضوه ..
روضه : لبيه ..
شما : لبيتي حايه .. وحده تباج برى ..
روضه : تباني انا ..؟؟؟...
شما : هيه .. يختي ما ادري بس شكلها مغربيه تونسيه .. جذيه ..
روضه : و طالبتني انا ..؟؟!!!!..
شما : هيه و بالاسم بعد ..
روضه : غريبه .. جاد اتكون وحده من البياعات و حد مطرشنها صوبي ..
شما : عندها بنت و ولد ..
روضه : ما ادري ..
و نشت روضه و راحت صوب الميالس وين كانت يالسه هالحرمه و عندها ام روضه و يدت روضه .. سلمت روضه عالحرمه .. و يلست عندهن .. كانت الحرمه اتشوف روضه بنظرات غريبه .. الكل انتبه لهالشي ..
الحرمه : اخت روضه .. انا اريد اكلمج شوي ..
روضه : تفظلي اختي ..
الحرمه : على انفراد الله يخليج ..
روضه و هي مستغربه : انشالله ..
و نشت روضه و نشت معاها هالحرمه .. و راحن الميلس الداخلي ..
الحرمه : انا مب عارفه شو اقولج و الا كيف ابدى ..
روضه : خذي راحتج ..
و في الميلس الثاني ام روضه و شما حرمة محمد يالسات يتحرقصن ..
ام روضه : يا خوفي اتسوي شي ببنتي ..
شما : عموه ظنج شعندها هالحرمه ..
يدت روضه : رحيمه ..
ام روضه : اسميج متفيجه يا عمتيه ..
بعدها بنص ساعه طلعت روضه و هي تصيح من الميلس .. و ربعت صوب حجرتها ..
و الحرمه نفسها كانت تصيح ..

...***اختصرت بحسنها كل المعاني .. و اختصر كل الحسن طية خصرها .. و عيشتني للمحبه جو ثاني .. جو ما يخطر على دنيا بشرها .. قمت احسب ايامها و انسى شهرها ***..

ام روضه : يا لقعتيه .. شعندها روضه ..؟؟؟

نزف الأحاسيس
10-10-2006, 21:11
شما : ما ادريبها ..
ام روضه : نشي يعني افداج طاعي ختج شعندها ..
شما : انشالله عمتيه ..
و نشت شما و راحت صوب روضه .. الي كانت يالسه في حجرتها و تصيح ..
و ام روضه نشت صوب الحرمه ..
ام روضه : بنتي شعندج ..؟؟.. رب ماشر ..؟؟؟..
الحرمه : و الله ما اعرف شو اقولكم .. و تمت تصيح ..
ام روضه : لا تصيحين .. لا تصيحين ..
يدت روضه : شعندها تنعر ..؟؟؟..
ام روضه : لا اله الا الله .. ما بلاها شي ..
يدت روضه : و يوم انه ما بلاها شي شعنه تصيح بعد ..
ام روضه : راسها يعورها ..
يدت روضه : وووووه .. حتى انا راسي يعورني .. كله من الركب لعوزتني .. راسي يعورني و جتوفي .. مره ظاربتني بيده في عظامي ..

و في حجرة روضه ..

شما : روضوه شو فيج .. ؟؟؟..
روضه : اتصلوا بسلطاااااااااااان .. اريد سلطااااااااااااااااااان ..
شما : سلطان ..؟؟!!!!!!!!!!...
روضه : هيه سلطان .. دخيلج شما .. اريد سلطان ..
شما : روضه سلطان في بوظبي شو بييبه صوبنا اللحين ..
روضه و تنش عن شما و تروح الصاله و تشل التيلفون و تتصل بسلطان .. و ان امها داخله عليهم الصاله ..
ام روضه : شعندكم ..؟؟؟.. بمنوه تتصلن ..؟؟؟..
روضه : الو .. سلطان ..
سلطان : هلا رويض ..
روضه : سلطان تعال البيت اللحين ..
سلطان : صاحيه انتي ؟؟.. شو تعال البيت الحين بعد .. ترني فالسيح الشمالي العب ..؟؟!!!!!!...
روضه و هي تصيح : دخيلك سلطااااااااااااااااااااااان .. تعال بسرعه ..
ام روضه : شعندج عخوج ..؟؟..
سلطان : روضه رب ما شر شو مستوي ..؟؟؟.. حد متعوق ..؟؟؟..
روضه : انت تعال و بتعرف كل شي ..
سلطان : انشالله ..
و سكرت روضه عن سلطان ..
ام روضه : يا ويلي يا روضه .. شو الي مستوي ..؟؟.. هالمغربيه شقالتلج ..؟؟؟..
روضه : شوق بعدها هنيه ..؟؟؟..
شما : المغربيه ؟؟..
ام روضه : اظن ..
و تروح روضه صوب الميالس .. و لقت شوق عند يدتها ..
يدت روضه : راسج غاوي .. واقع ادهنينه ..
شوق : الحمدلله ..
يدت روضه : بناتنا ما يبنه الدهان .. حشاج ما يحطنه في روسهن الا فالسنه مره ..
شوق : الحمدلله ..
روضه : شوق .. انا اتصلت بسلطان ..
شوق : الله يسامحج يا روضه .. ليش اتصلتي ..؟؟..
روضه : شوق الوضع ما ينسكت عنه ..
شوق : روضه .. الله يخليج لا تحطيني في هالموقف مع اهلج .. انا بروووح عنكم ..
ام روضه : بتخبركن شعندكن ..؟؟..
روضه : انشالله بتعرفين .. شما فديتج شوفي ريلج وين .. خليه ايينا اللحين ..
شما : روضه .. حرام عليج .. رمسي شالسالفه.. و الله قلبي عورني عهالحال ..
روضه : فديتج شما اتصلي بمحمد ..
و راحت شما و اتصلت بريلها عشان اييهم ..

و في العين .. و بالتحديد في الصناعيه ..

مبارك : ياخي عثرتنا بهالخربه الي شارنها ..
خليفه : من حقك يا راعي الرنج .. ما نروملك ..
مبارك : هيه و الله ..
خليفه : بتخبرك عاد .. هب من حلاته الرنج يوم انك تتخققبه علينا .. خام ..
مبارك : اخير عن استيشنك ..
خليفه : لا انشالله ببيعها و بشتريلي بي ام ..

نزف الأحاسيس
10-10-2006, 21:12
مبارك : متى ..؟؟.. يوم بيبيض الديج لرقط .. ههههههههههههههههه
خليفه : لا و الله .. يوم بتي العروس ..
مبارك : العروس ..!!!!... ما ظني شيفنا شيف حد يعرس ..
خليفه : افا عليك يا بوحمد .. انشالله بنعرس ..
مبارك : ما اتخيل عمري بعرس بوحده غير روضه ..
خليفه : مبارك .. بعدك تذكرها روضه ..؟؟.. ياخي طبها .. مالك امل في هالبنت ..
مبارك : ما اقدر .. و الله لو اموت روضه ما بنساها ..
خليفه : مبارك .. روضه مملوج عليها .. و توقع في أي لحظه توصلك بطاقة عرسها..
مبارك : عندي احساس انها لي ..
خليفه : مبارك .. لا تجذب الجذبه و تصدقها ..
مبارك : خليفه .. انت ترمس فالهوى .. انت ما عشت الي انا عشته .. و لا هب حاس بلي احسه ..
نزل خليفه راسه : الله يعلم ما فالقلوب ..
و لا انتبه مبارك لخليفه ..
مبارك : ياخي الي ذابحني انها تحبنيه .. ااااااااااااااااااااااااااااااااااه .. و حط ايده على ويه .. و مسح لحيته ..
مبارك : هالبنت ذابحتني .. من عرفتها و انا هب في حاله ..
و في هاللحظه يت مسج لمبارك ..
"البارحه و نيت من قلبٍ عويجي.. و القلب صابه من بلاوي الحب عايق"..
خليفه : مسجات مالها والي ..
مبارك : ياخي ما اعرف شو اسوي بهالبنت ..
خليفه : خاوها ..
مبارك : شوووو ...!!!!!!!!!...
خليفه : شو شو ؟؟..
مبارك : شو خاوها بعد ..؟؟.. عنلات صداك شو تشوفني جدامك .. ملغوث عالحريم ..؟؟؟..
خليفه : انزين انت ليش معصب .. ما تباها طبها عنك ..
مبارك : ياخي تفكيرك خايس ..
خليفه : انا الحين تفكيري خايس ..؟؟!!!..
مبارك : هيه .. اظني مخوت عوض اثرتبك ..
خليفه : انت ليش مكبر السالفه .. خلاص كلمه قلتها و السموحه عليها سحبناها ..
و نش خليفه يرمس راعي القراج ..و مبارك حاز في خاطره .. لانه عصب على خليفه بدون سبب .. و خليفه نفسه سوى من اسلوب مبارك .. بس مابغى انه يرمسه .. و رجع خليفه صوب مبارك ..
مبارك :خلوف .. عندك مسجات حلوه ..
خليفه : خل الهامليه اطرشلك مسجات .. مسجاتها احلا .
مبارك : لا حوووووول .. ياخي انزين شو تباني اسوي ..
خليفه : لا تسوي شي .. لم ثمك ..
مبارك : خليفه ..
خليفه : شوف مبارك .. انت تغلط و لا تبى حد يقولك انت غلطان .. توك تقول احب روضه و ذابحتني و ما ادري شو .. و اللحين الهامليه مطرشتلك مسج ..
مبارك : ياخي هي اطرش شو اسويبها ..
خليفه و هو معصب : هزبها قولها ازيد ما طرشتي لا طرشين ..
سكت مبارك ..
خليفه : تعرف مبارك انت شو مشكلتك ..؟؟.. تحب روضه و ما تبى تخونها .. بس انت تعرف انها ما بتكون لك .. و حاط الهامليه سبير .. و من تعرس روضه بتتلقف الهامليه ..
مبارك : ياخي تحسسني اني نذل ..
خليفه : حشاك .. بس لا تلعب عالحبلين ..
و في هاللحظه رن تيلفون خليفه .. ارتبش .. و تأخر اللين ما رد
خليفه : مرحبا الساع حيبه ..
...: هلا و غلا ..
خليفه : هلا و الله ..
... : شحالك ..؟؟..
خليفه : بخير ربي يسلمك .. و من صوبك ؟
.. : شو مشغول ..؟؟..
خليفه : يعني ...
.. : اممممم .. خلاص عيل بخليك ..
خليفه : انشالله من اتفيج بتصلبك ..
... : مبارك عندك ..؟؟؟..
خليفه : هيه ..
... : و الله ..؟؟!!.. خلاص عيل بسكر عنك اللحين ..
خليفه : في وداعت الرحمن ..
و سكر ..
مبارك : ياخي اللحين شو اسوي ؟؟..
خليفه : في شو ..؟؟..
مبارك : فشو بعد فمنى ..
خليفه : سهله .. اتصلبها و قولها لا تطرشلك مسجات ..
مبارك : اخاف اجرح شعورها ...
خليفه بنقه : لا و الله ..؟؟.. !!!..
مبارك : فكنا الله يخليك من هالطاري ..

و في الخزنه ..

ام بخيت : علي ..
علي : عونج ...
ام بخيت : عانك الرحمن .. بتخبرك .. ما رمست خوك جريب ..؟؟..
علي : لاه .. شعنه ..؟؟..
ام بخيت : شعنه بعد .. اباه ينقفظ و يعرس .. حشى مالجين من سنه اللحين ...
علي : ولدج هب ويه عرس ..
ام بخيت : ماعليك بتصلحه الحرمه ..
علي : ولدج ما يصلحه شي ..
ام بخيت : لا ماعليك .. الروض بتخليه ريال ينحلف براسه ..
علي : الله يعطينا العمر ..
ام بخيت : انا مفتظحه فالعرب .. خوك لا يوصلهم .. و لا يهادي حرمته و لا شي ..
علي : لو وحده من خايساته بيصرف عليها الي جدامه و الي وراه ..
ام بخيت : ياعنبو ذا الويه لك .. شهالرمسه الي تتنطقبها عخوك ..؟؟.. يوم هو خوك و هاي رمستك عنه .. شخليت للغرب ..؟؟!!!!..
علي : محد ما يعرف سوايا ولدج ..
ام بخيت : و الله يا ان رمست بهالرمسه جدام بوك و الا عمومتك لا يصيبك شي ما يسرك ..
علي : لا برمس و لا لي خص بكم ..
و نش علي عن امه ...
ام بخيت : علوه .. اباك توصلني الوثبه ..
علي : اففففففففففف .. انشالله ..
و ظهر عندها علي ..

و في الوثبه ..

محمد : رب ماشر ..؟؟..
شما : روضه تباك ..
محمد : هاه الروض علومج ..؟؟..
روضه : محمد اريدك في سالفه ..
محمد : فالج طيب ..
روضه : تعال .. شوق تفضلي معانا ..
يدت روضه : ودي وين بتشلينها ..؟؟.. خليها مقصره الدوب عليه ..
روضه : ما عليه يدوه ..
و راحت هي و محمد و شوق الميلس الداخلي ..
ام روضه : ياويلي .. يبون يذبحوني .. غربلات روضه الي ما طاعت ترمس ..
شما : انشالله بنعرف ..
و بعدها بنص ساعه وصل سلطان ..
سلطان : هاه امي .. رب ماشر .. حد متعوق شي مستوي عليكم ..؟؟..
ام روضه : ياولديه .. ما ادريبها ختك شعندها ..
سلطان : وين هي ..؟؟..
شما : في الميلس و عندها محمد خوك ..
و ما عطاها سلطان فرصه انها تكمل رمستها و خطف صوب الميلس .. و اول ما فتح الباب ..الكل افتر صوب سلطان ..
سلطان : رب ما ...
و سكت من شاف شوق جدامه ..
محمد : تعال ..
ام روضه : يمعتكم هاذي هب عخير ..
محمد : امي .. الشيمه ظهري ..
ام روضه : مابظهر الين ما اتقولولي شالسالفه ..
محمد : خليني اعرف السالفه و من عقب بقولج ..
ام روضه : لا انت تعرف الا ما تبى ترمس ..
محمد : شما .. شلي امي و ظهرن ..
شما : انشالله .. تعالي عمتيه ..
ام روضه : لالالا ..
شما : انشالله محمد من يعرف بالسالفه بيخبرج بها ..
و راحن ..
محمد : دخل و سكر الباب ..
دخل سلطان و هو معصب ..
محمد : تعرفها هالحرمه ..؟؟..
سلطان : شو يايبنج هنيه .. ؟؟؟؟؟...
محمد : انت مالك رمسه معاها .. اسألك تعرفها هالحرمه ..؟؟؟؟.
سلطان : ... هيه اعرفها ..
محمد : اها .. تعرفها .. عنلات ذا الويه لك يالخام ..
سلطان : شوف محمد .. انت مب من حقك اترمسني ..
محمد : لا و الله ..؟؟..
سلطان : انا ريال و لا هب ياهل جدامك تتهزبني ..
محمد : عبنوها من مريله جن هاي المريله ..
سلطان : شوووووووووووق شو الي يابج هنيه ..؟؟؟...
شوق : خلاص سلطان .. انا تعبت .. ما اقدر استحمل اكثر ..
و نشت روضه و لوت على البنت الصغيره .. روضه و عمرها سنتين و ثمان شهور ..
روضه : حرام عليك سلطان ..
سلطان : جب اقولج ..
محمد : لا نش كفخها ..
سلطان : محمد .. انت ظهر من السالفه و لا ترتز ..
محمد : عنبوك انت ما تستحي .. معرس من ورى هلك من 4 سنين اللحين .. و عندك بنت و ولد و لا تبى هلك يدرووون ..
سلطان : ما ارتكبت جريمه .. معرس عسنة الله .. و ما يبت عيالي بالحرام ..
محمد : يوم ما تحيد عمرك مخطي شعنه داس عن هلك ..؟؟...
سكت سلطان .. و جان يفتر صوب شوق ...
سلطان : نشي ..
روضه : وين بتوديها ..؟؟..
سلطان و هو يصارخ : و انتي شولج خص ؟؟؟... و افتر صوب شوق .. نشي اقووولج ..
محمد : لا تنش و لا عندك خبر ..
سلطان : شوف رمستك تمشي على حرمتك هب عليه .. تسمع .. و لا لك خص لا بشوق و لا باليهال ..
محمد : جن انا مالي خص .. لمنوه بتخليهم ..؟؟؟ .. الحرمه و تبى اطلقها .. عيالك وين بتفرهم .. رغيد في بوظبي ؟؟!!!..
سلطان : وين سالم ..؟؟..
افترت شوق صوب روضه .. الي بعدها لاويه على روضه بنت سلطان ..
روضه : راقد في حجرتيه ..
محمد : عنبوه ما عورك قلبك عهاليهال ..؟؟.. ما تخاف ربك ..؟؟..
شوق : سلطان .. ما عرفت شو اسوي .. انت من اسبوعين ما ترجع البيت .. و اتصل و لا ترد .. و انا مب عارفه شو اسوي ..
سلطان : انتي انجبي لا الفج بطراق اللحين ..
و في هاللحظه دخل بو روضه .. و الكل افتر صوبه ..
سلطان : كملت ..
محمد : ليش انت كنت تتوقع ان السالفه بتنتهي عند هالحد .. لا يالريال .. بعدها السالفه ما بدت ..
بو روضه : السلام عليكم ..
الكل : و عليكم السلام .. و راحو صوب بوهم و سلمو عليه ..
بو روضه : هاه سلطان اشوفك فالدار ..
سلطان : هيه .. و وخى براسه ..
بو روضه : منيه الحرمه ..؟؟..
و توه سلطان بيرمس .. بس سبقه محمد ..
محمد : حرمت سلطان ..
تم بو روضه ساكت .. يستوعب الي سمعه ..
روضه : محمد ..
سلطان : لا خليه .. امبونه خوج .. لازم يشب الظو .. و الا بيموت ..
محمد : اموت انا و لا يموتون عيالك ..
سلطان : ياخي شو قالولك عني .. سفاح صنعى .. ؟؟!!!..
طالع محمد سلطان بنظره ..
سلطان : شوف محمد .. انت ما بتخاف ععيالي زود عني ..

نزف الأحاسيس
10-10-2006, 21:13
بو روضه : و عيالك بعد ..
سلطان و يروح صوب بوه : فديتك يالوالد خلني اخبرك بالسالفه كلها .. و من عقب سوي الي تباه ..
محمد : و لك ويه ترمس بعد ..
سلطان و هو يفتر صوب محمد خوه و هو خلاص من الخاطر معصب عليه ..
سلطان : ياخي انجب .. انت شرازنك فالسالفه ...؟؟..
و توه محمد بيرد على سلطان ..
بو روضه : محمد ..
و من شاف محمد نظرة بوه ... سكت ..
بو روضه : روضه .. شلي الحرمه و هالياهل برى ..
روضه : انشالله ..
و نشت و شلت روضه .. و شوق وراها ..و تم سلطان و بوه و محمد في الميلس ..
بو روضه : رمس بلي في خاطرك ..
سلطان : خذت شوق من 4 سنين ..
بو روضه : و من وين مظونها ..؟؟؟..
سلطان : كانت فالبحرين .. و من عقب يت البلاد ..

و في حجرة روضه كانت شوق تقص السالفه على روضه و شما حرمت محمد ..

شوق : اول مره شفت فيها سلطان كانت في البحرين .. كان مسافر هو و شباب .. انا انولدت في البحرين .. و عندي الجنسيه البحرينيه .. بس انا اصلا مغربيه .. اول مره زار فيها سلطان البحرين تعرفت عليه .. كان بعده صغير .. و انا بعد .. رجع سلطان الامارات .. و كان عنده رقمي .. و بعدها بشهرين رجع البحرين .. و اتصلبي ..
روضه : صح سلطان كان وايد يسافر البحرين ..
شوق : صح .. و كنا نعرف بعض.. و بعد معرفتنا ببعض بسنه جاني سلطان و طلب ايدي .. بس اهلي ما وافقو .. اني اتزوج بالسر .. و وضع سلطان ما كان يسمحله انه يتزوجني رمسي .. و انا واااااااااااااااااااااااااايد احب سلطان ..
شما : انزين .. عيل كيف تزوجتيبه ..؟؟؟..
شوق : كذبت على اهلي و قلتلهم اني جايه ادرس في لبنان .. و سافرت لبنان و كان سلطان موجود في لبنان .. و تزوجنا و بعدها رجعنا الامارات ..
شما : يا قوتج .. و هلج ما يدرون الين اللحين ...؟؟..
شوق : لا يعرفون .. لاني ما قدرت اكذب عليهم اكثر ..بس مش موافقين .. و بعد كل الي سويته عشان سلطان .. ايريد ايطلقني ..( و يلست تصيح ..)
روضه و هي ادمع : لا انشالله .. ما بيطلقج ..

و في الميلس كان سلطان يقول السالفه لبوه ...

سلطان : و هذي كل السالفه ..
تم بو روضه ساكت .. و سلطان يتحرقص .. يريد يعرف رد فعل بوه ... لانه استغرب رده .. مب من طبع بو روضه انه يكون هادي بهالطريقه .. و بالذات في مثل هالسوالف ..
سلطان : هاه الوالد .. شو الراي ..؟؟؟..
بو روضه : ان قلتلك طلقها بطلقها ..؟؟؟؟..
سكت سلطان .. و نزل ويهه للارض .. و تم يشوف صبوعه ..
سلطان : السموحه منك يالوالد .. حرمتيه و ام عيالي ما بطلقها ..
محمد : انت تلعبنا ..؟؟.. هب من اسبوعين متواجع مع الحرمه و حالف اطلقها ..؟؟؟..
سلطان : محمد هالسالفه بيني و بين حرمتيه انت لا تتدخل فيها ..
محمد : من يت الحرمه و رمست بالسالفه .. ماتمت بينك و بين حرمتك .. لو هي تحيدك ريال يتفاهم ما جان يت اليوم ترمس .. عقب ما ظاجتبها الدنيا ..
سلطان : لا حووووووووووول .....
بو روضه : و شعنه ما تبى اطلقها ..؟؟.. بتبديها علينا و على رمستنا ..؟؟..
سلطان : رمستك حد سيف عرقابنا يالوالد .. الا انا ما بيتم عيالي و انا حي .. و ما بدر من شوق شي يخليني اطلقها .. حرمه صانتني سنين .. و ما بجازيها بالطلاق ..
تم بو روضه ساكت ..
بو روضه : يبت حد غير البنت ..؟؟؟..
سلطان و هو شوي متفائل من سؤال بوه : هيه سالم ..
حس بشي غريب عهويه بوه .. لان ولده مسماي على بوه .. و بو روضه انصدم من عرف اسم ولد سلطان .. ما كان يتوقع هالشي ..
بو روضه : محمد .. شل خوك و ظهر عني ..
محمد : انشالله ...
و نش محمد و سلطان و ظهرو عن بوهم .. و بعدها دخلت ام روضه على ريلها ..

و في رماح ..

نزف الأحاسيس
10-10-2006, 21:20
امنه : راشد ما قطنت من اليلسه في الحجره ..؟؟؟..
راشد : لا ..
عوشه : الله يعينج شمامي .. انتي كيف مستحملتنه ..؟؟..
شما : ههههههههههههههههههه ..
عوشه : امون .. ما انتبهتي ان شمامي من عرست .. تمت رقيقه زياده عن اللزوم ..؟؟..
راشد : لا دومها شمامي رقيقه ..
امنه : متى ..؟؟؟.. ما احيد ....
عوشه : اصلا محد ادفش عن المنصوريات ..
شما : عويش انا صح خذتلي خييلي .. الا بعده دمي منصوري ..
امنه : عاشو نقع عرج المناصير ..
مبارك : هووووود هوووود ..
راحت شما و لبست البرقع ..
راشد : هدا .. قرب بو حمد ..
مبارك : السلام عليكم ..
ردو عليه السلام ..
مبارك : بتخبرك .. عيبتك انت يلست البيت ..؟؟..
راشد : ههههههههه ... اففففففف لا تخبر .. ليت اليوم زود عن 24 ساعه ..
مبارك : خيبه .. خشعتك المنصوريه ..
راشد : من زمان متخشع مب من اليوم .. ههههههههههههههه ..
مبارك : ههههههههههههههه .. بتقولي .. رشود تذكر الجسر ..؟؟...
راشد : الله لا يعود ذاك اليوم علينا ... هههههههههههههه...
شما : مبارك .. شو رشود بعد ..؟؟..
مبارك : اوه .. السموحه .. عاد شو تبيني انعته حبيبي .. حياتي .. غناتي ..
راشد : يا شينهن من ثمك ..
مبارك : لازم .. تعودت على منطوق المنصوريه .. ااااااااااااااااااه متى الله بيبلاني بمنصوريه انا بعد ..
شما : ليش ترهن المنصوريات بلا ..؟؟؟؟..
راشد : و انا اشهد انهن بلا ..
شما : شوووووو ...؟؟؟..
راشد : هههههههههههههههه ..
عوشه : ممكن سؤال ..؟؟؟..
مبارك : ممكنين ..
عوشه : شو سالفة الجسر ..؟؟؟..
و في هاللحظه ظحكت شما و راشد و مبارك ..
امنه : و الله صدق شو سالفة الجسر ..؟؟.
عوشه : ايه ليش تظحكون .. ؟؟..
راشد : اليوم اظحك على هالسالفه .. و امس كنت اصيح دموع منها ..
شما : يالله عسى الدمع ما يعرفلك طريج ..
مبارك : اااااااه يا قلبي .. بنات نش نش .. ما فينا .. انا بدون شي قلبي يعورني ..
راشد : ههههههههههههههههههههههه ... اسميك بتسوي فيني خير .. من اصبحن يالسات على جبدي ..
مبارك و هو يغمز حق راشد : لا افا عليك .. فهمتها عالطاير .. هههههههههههههههههه ..
و ظهرن البنات و مبارك عند باب الصاله ..
مبارك : هاه ام مبارك شي في خاطرج من صوبنا ..؟؟..
راشد : لا لا فارج .. و سكر الباب وراك ..
مبارك : حشى يالملغوث ..
شما : هههههههههههههههههههه .. مبارك عندي لك شي ..
و جان ينكس مبارك صوبهم ..
راشد : شعنه رديت ..؟؟؟..
مبارك : جب جب انت .. شعندج لي ..؟؟؟..
شما : اممممممم ..
مبارك : لا تذبحيني .. الشيمه رمسي ..
شما : عرب محلفيني اتشوف شريط عرسي عجزء محدد ..
مبارك و بلغثه : اوكي وينه ..؟؟؟؟؟؟؟؟؟؟؟...
شما : لا.. اتشوفه عندي .. لان في بنات ظاهرات ..
راشد : لالالالالا .. بيشوف شريط الحرمات ؟؟.. بيبطي الساع ..
مبارك : و الله يا اني ما اشوف حرمتك ..
راشد : لا تحاول .. مالك شي في شريط الحرمات ..
مبارك : عنلاتك يالخام ..
شما : راشد .. هو بس جزء و لا هب ظاهر فيه الا عوشه ختك ..
راشد : شمااااااا ..
شما و هي ترمس مبارك : تفاهم انت و خوك ..
مبارك : اوكي عطيني الشريط .. بسويله مونتاج ..
راشد : شووو ..؟؟؟..
مبارك : شوف هالجزء بشوفه يعني بشوفه ..
راشد : خاف ربك ..
مبارك : خايف ربي من زمان .. و الا جان ما ريت هاذي حالتيه ..
راحت شما و راوت مبارك اول الجزء .. و نهاية الجزء .. و شل مبارك عنها الفلم و راح صوب الجزيره عشان يسوله مونتاج ..
مبارك : اريده اليوم ..
العامله : لا ما نقدر نخلصه لك اليوم ..
مبارك : شوفي بدفعلج الدبل .. بس تخلصينه اليوم ..
و عقب محايل و عثره وافقو .. و راح مبارك عنهم .. و هو يتحرقص من الخاطر ... يريد يعرف شو الي في الشريط .. و عقب ما حاط شوارع العين كلها رد عالاستيديو و خذى الفلم من عندهم .. و رجع البيت .. و عطى شما شريطها .. و شل شريطه و راح حجرته و تم يشوفه ..كان الجزء الي رقصة فيه روضه على غنية "ودي بكلمه يا حبيبي" .. و ما كان يرقص عندها حد الا عوشه خته و بنتين صغار .. ومن يخلص الجزء يرجع و يعيده .. و تم عهالحال طوووووووووول الليل .. ااااااااااااااااه يا قلبي .. فديت روضه .. هو شاف روضه يوم عرس راشد .. و اللين اللحين يذكر كل همسه استوت من بينهم .. بس من شاف روضه في الفلم .. جنه يشوفها لاول مره .. كانت حركاتها عذاب من الخاطر .. والي ذبحه .. الخصله الي نازله على خدها .. الخصله الي رفعها .. و هو يكلمها .. رجعت مكانها .. ااااااااااااااه .. يا بخت هالخصله .. عالاقل تلمس ويه روضه .. صدق كانت روضه تذبح في العرس .. مسكين حالك يا مبارك .. يشوف روضه و لا هب قادر انه يسوي شي ..
و في هاللحظه .. طرشتله منى مسج ..
"حبيت اقولك تصبح على خير قبل لا انام "
و من قرى مبارك المسج .. و بدون تردد اتصل بمنى ..
منى : لا ما اصدق ..
مبارك : شحالج ..؟؟..
منى : قبل ثواني ما كنت بخير .. بس من سمعت صوتك ..
مبارك و هو يقطع رمستها : منى ..
منى : عونك ..
مبارك : عانج الرحمن .. بس انا متصل عشان احط حد لهالسالفه ..
منى : ... أي سالفه ..؟؟؟..
مبارك : انتي تعرفين عدل أي سالفه ..
منى : انت ليش تعذبني ..؟؟.. ليش تذلني ..؟؟.. كل هذا عشاني احبك ..؟؟؟؟...
مبارك و هو يتنهد : لا منى .. لا اذلج و لا شي .. لان مالي حق ..
منى : عيل ليش تعاملني جني وحده من الشارع .. انا بنت عرب و بنت جبايل ..

نزف الأحاسيس
10-10-2006, 21:22
مبارك : لو كنت اشوفج بنت شوارع جان ياج مني شي ما يسر الخاطر .. و لج الحشمه ..
منى : أي حشيمه ..؟؟؟..
مبارك : منى .. مالج امل فيني ..
منى : ليييييييييييييييييييييييييييش ..؟؟..
مبارك : لاني انسان مب ملك نفسي .. انا مملووك .. ملكتني انسانه غيرج .. و انتي تعرفين هالشي ..
منى : بس روضه مب ملكك ..
مبارك : بس بتكون ملكي .. ان طال الوقت و الا قصر ..
منى : انت تجذب على نفسك ..؟؟؟؟... ليش ما تريد تعترف ان روضه ملك ريال غيرك .. ملكها ريال غيرك و برضاها ..
مبارك : منى .. لو سمحتي لا تطرين روضه علسانج ..
منى : ليش ..؟؟؟.. لهالدرجه مستوى ست الحسن و الدلال اعلا من مستوانا .. ؟؟؟!!!!!!!!!...
مبارك : لا حوووووووووول .. منى .. لو سمحتي ..
منى : انت لو سمحت .. شوف مبارك ما بذل نفسي لك زود عن ذلي هذا .. احبك بس عمر الحب ما كان مصدر مذلت القلب .. مثل ما دخلت حياتك بنسحب منها .. ( و في هاللحظه خنقتها العبره )... بس اريدك تتأكد من شي اني بتم طول عمري احبك .. و برقبك .. سنه سنتين ثلاث .. ما يهمني ..
مبارك : منى .. انسيني و عيشي حياتج ..
منى : مستحيل انساك .. تعرف ليش ..؟؟؟..
مبارك : ...
منى : لان قلبي يقولي انك بترجعلي .. ما ادري انت ليش تكابر .. مبارك روضه مستحيل تكون لك ..
مبارك : منى ..
منى : صدقني بييك اليوم الي بتعرف هالشي ..
و في هاللحظه هز مبارك راسه .. شو هالبنت ما تفهم .. ؟؟..
مبارك : سمحيلي منى .. بس بطلب منج طلب اخير ..
منى : انشالله ..
مبارك : يعني عرفتي ..
منى : ما بيوصلك مني أي مسج من بعد اليوم و هذا وعد مني ..
مبارك : تسوين فيني خير بهالشي ..
منى : بس مبارك .. اليوم انا اباك و انت ما تباني .. اخاف تيني في يوم .. اكون عفتك فيه ..
و سكرت عن مبارك و تمت تصيح ..

بالباجر ...

و في الوثبه .. و بعد ما انتشر خبر عرس سلطان بالمغربيه عند العايله كلها .. حتى ميثه وصلها الخبر .. و الكل محتشر .. و العايله من قسمه لقسمين .. الي يبونه يطلقها .. و الي يبونها اتم على ذمته .. من معارض و من موافق .. و سلطان مصر على رايه ..
يدت روضه : معذور يوم انه خذها .. غرشوبه .. حشى هب رحامه فيها ..
ام روضه : يا فضيحتنا بين العربان ..
روضه : و ليش فضيحه .. هو ما ارتكب جريمه ..
يدت روضه : غربلاته .. و باذر منها بعد ..
ام روضه : و الخيبتين عهالبذر ..
روضه : حرام عليج يا امي .. انتي شفتيهم عياله .. فديييييييييييييييييييتهم .. يالله ما عوركم قلبكم عهاليهال ..
و تمن ساكتات .. و عقب صلاة الظهر و في ميلس قوم ميثه .. و قبل الغدا
بو روضه : و هذي السالفه .. و جن حد في خاطره رمسه يرمسبها دامنا حاظرين ..
بو ميثه : نعم في خاطرنا رمسه وايده ..
بو روضه : رمس بلي في خاطرك ..
بو ميثه : يوم ان ولد معرس .. شعنه تعرض لريال يوم خطب بنتنا و حير البنت من سنتين اللحين ..؟؟؟..
سلطان : و انا الين اليوم اباها ..
منصور و بنقمه : بتاخذها عالمغربيه ..؟؟؟..
سلطان : هيه نعم ..
بو ميثه : مب بنتنا الي تاخذها عظره ..
سلطان : عمي .. ميثه بنت عمي و شارنها ..
بو ميثه : و بنتنا ما تدخل عظره .. جنك تباها طلج المغربيه ..
سلطان : السموحه منك يا عمي .. الا المغربيه ام عيالي .. و انا ما بيتم عيالي و انا حي ..
بو ميثه : سمع رمست ولدك ..
بو روضه : و لو هو بغى يطلج المغربيه .. هب مرخصينه فيها .. الحرمه حشيم و بذرت منه .. و انا ما بفر عيال ولديه رغيد في الشوارع ..
بو ميثه : سمعو هالرمسه .. عيل يوم هاي رمستكم .. ما عندنا بنات للعرس ..
سلطان : عمي .. جن هذا راي ميثه .. بسكت و لا برمس فالسالفه ..
منصور : و ميثه مالها راي غير راينا ..
سلطان : و انا اريد اسمع رايها ..
افتر منصور صوب بوه ..
بو ميثه : زقرها .. خلها ترمس بلي في خاطرها جدامهم ..

و في بيت قوم روضه .. كانت روضه ترتب الميالس .. لان ام بخيت اتصلتبهم اتقولهم انها في الدرب و يايه صوبهم .. و هل روضه مرتبشين بشوق و عيال سلطان .. و روضه يالسه تعابل الفواله و ترتبها في الميالس .. و من عقب راحت صوب المطبخ .. و ظهرت من المطبخ رايحه صوب البيت عشان تتسبح .. و طافت من جدام دروازت البيت .. و كانت في سياره واقفه برى البيت .. و كان واحد يالس فالسياره .. و شاف روضه .. و روضه ما شافته لان سيارته مخفي شامل .. و من شاف روضه و هو فاج ثمه ..

...***ودعتكم ياليت ما كان .. يوم الوداع القلب ممحون .. اتسالني ويش الذي كان .. لمفارج احبابه وش يكون ***...

طافت روضه و لا انتبهت للي في السياره .. بس من شافها علي و هو فاج ثمه .. حشى هب حلاه على هالبنت .. معقول تكون حرمة بخيت ..؟؟!!!!.. لالالا .. حرام هالرحامه تبتلا بواحد شرات بخيت .. و في بيت قوم ميثه .. بو روضه و عياله .. و بو ميثه و عياله .. كلهم يتريون ميثه ..

ميثه : السلام عليكم ..
و دخلت و راحت صوب عمها و وايهته ..
الكل : و عليكم السلام ..
بس سلطان رد : و عليكم السلام و الرحمه ..
و من قال كلمة و الرحمه .. افترت ميثه صوبه .. و طاحت عينها في عين سلطان .. و في هاللحظه ..
بو روضه و هو يمسك ميثه من ايدها : تعالي فديتج ..
و يلست ميثه عدال عمها ..
بو ميثه : الميث .. عمج بغاج في سالفه ..
سكتت ميثه ... لانها كانت تعرف بهالسالفه الي يباها فيها ..
بو روضه : بنتي .. ما باج تستحين ..
سلطان : ميثه .. رمسي بلي في خاطرج .. و الي تبيه هو الي بيستوي ..
بو ميثه : بنتي .. عمج ياي بغى رايج ..
بو روضه : اظني تعرفين ان .. (و افتر صوب سلطان ) .. ان سلطان معرس و عنده عيال ..
و في هاللحظه نزل سلطان ويهه ..
ميثه و بحزن : .. هيه ..
بو روضه : بس ولد عمج يباج ..
منصور : عالمغربيه ..
جان تشوف ميثه منصور خوها ..
منصور : تراه ما طاع يطلجها .. يعني بتكون لج ظره ..
سلطان : ميثه .. انتي بنت عمي .. و لو كنت ما باج ما كنت بخطبج .. و انتي لج غلا و حشمه ..
منصور : جنها الا جذيه السالفه .. و عقولتك لها الغلا و الحشمه .. طلج المغربيه .. و الا مالك نصيب في بنتنا ..
سلطان : منصور .. المغربيه ام عيالي .. و حشمتني سنين .. و ما بدر منها الا كل خير ..
بو روضه : يا منصور .. حنا عرب عيالنا يربون في دارنا .. و تحت شوفنا .. و جنهم عيال مغربيه و الا عيال منصوريه و الا عيال جبيليه .. تراهم في التّالي عيالنا .. و جنك الا مرخص عيالك .. و بتخلي حرمه تربيهم .. حينها السموحه منك لا انت ولدنا و لا نعرفك
منصور : عمي .. انا ما قلتله يفر عياله عند المغربيه .. يشل عياله و يربيهم هو .. و جنه يبى ميثه ماله حايه فالمغربيه ..
سلطان : ميثه .. سمعيني .. انا ريال و معرس و عندي ولد و بنت .. و طلاج هب مطلج .. و تراني شارنج زوووود عن قبل .. و الله يشهد اني ما بقصر في حقج .. و لا بظلمج .. و انتي في بيت و شوق في بيت ..
تمت ميثه ساكته ..
بو ميثه : بنتي .. ترانا مرخصينج .. و الي تبينه بيستوي ..

نزف الأحاسيس
10-10-2006, 21:24
سلطان : و ان قلتيلي ما باك .. و رفجه لا اظهر من هالباب و لا اردج طالب ..
و تمت ميثه ساكته .. و الكل ساكت .. يرقبون رايها ..
ميثه : .. اريد .. اريد وقت عشان افكر ..
فرح سلطان بردها .. يعني لي امل ..
و منصور معصب .. ما يباها تاخذ سلطان عظره ..

و في بيت قوم روضه ..

ام بخيت : وين عروسنا ..؟؟؟..
شما : تتسبح اللحين بتي صوبنا ..
ام روضه : فديتها .. من اصبحت و هي تعابل في المطبخ ..
يدت روضه : الا بتخبرج .. ولدج شعنه قاطع ..؟؟.. حشى .. ما يقول بلوط عرباني .. بشوف شالحال عليهم ..
ام روضه : عمتيه .. واقع الريال ملتهي بدوامه .. و شغله ..
ام بخيت و ويها قافط : لالا .. ماله عذر .. صدقها خالتيه .. جنه مالاط صوب حرمته و هلها .. بيلوط صوب من ..؟؟..
و ان روضه داخله ..
روضه : السلام عليكم ..
ام بخيت : مرحبا الساع .. مرحبا ملايييين بعروسنا .. و توها بتنش تسلم على روضه ..
روضه : لا و الله ما تنشين ..
ام بخيت : لا عنبوه ..
و نشت و سلمت عليها روضه .. و تراحيب و المدح .. و روضه الا جذيه مستحمله و تجامل .. و في هاللحظه .. دخلت عليهم روضه بنت سلطان .. و كانت شاله قطوه في ايدها ..
روضه و هي فرحانه : هههههههههه .. طقوه .. هههههههههه..
يدت روضه: غربلات هاليعريه .. من وين ظوت هالقطوه ..؟؟.. هنه هنه لا تنطر في حلوجنا .
روضه : يدوووه حرام عليج .. تعالي روضوه ..
ام روضه : شلي القطوه من ايدها ..
ام بخيت : ما شالله .. من بنته ..؟؟..
و تمن ساكتات ..
روضه : بنت سلطان خويه ...
صخت ام بخيت ..
ام بخيت : خبري سلطان هب معرس ..
ام روضه : لا يا ختيه .. معرس من 4 سنين بمغربيه .. و حشاج ما يانا علم الا امس ..
ام بخيت : يعله في ذمتج ..؟؟..
يدت روضه : رحيمه .. معذور ... لو انا ريال .. ما خليتها ..
ام بخيت : عنبوه يا خالتيه .. هب من قل بنات الجبايل يوم هو عفد عالمغربيات .. و بناتنا رحام ما عليهن قصور ..
يدت روضه : لالالالالا سلامتج .. انا ماريت وحده فرحامتها .. يسد شعرها ..
ام بخيت : لالالا .. جنه فالشعر .. ما ظني تغلب حرمتنا .. ماشالله على شعر روضه ..
يدت روضه و هي تفتر صوب روضه و بنقمه : وين ما شالله .. جنها الدهان ما تحطه في راسها .. تبات تنعشبه غربيتي و شرقيتي ..
روضه : هههههههههههههههههههه ...
و نشت عنهم روضه .. و شلت بنت سلطان و راحت صوب شوق .. الي كانت تسبح سالم ولدها ..
روضه : فديييييييييييييييييييييييييييييييييييييييييييييييي يييته ..
شوق : هههههههههههه ..
و شلت روضه سالم و يلست تلاعبه .. و في هالفتره .. رجعو قوم سلطان من بيت عمها .. و لاقو علي و قربوبه فالميالس .. و كان عندهم منصور ..

و في رماح ...

شما : راشد .. اتصلت بالمستشفى ..؟؟..
راشد : هيه ...
شما : انزين ..؟؟
راشد : ماشي ..
شما : كيف ماشي .؟؟.. ما قالولك متى تيهم ..؟؟؟...
راشد : ما يفرق عندهم .. قالولي متى ما بغيت تعال ..
شما : ... و انت متى قررت ..؟؟؟..
راشد : ما ادري و الله .. بشوف الشغل ..
شما : انشالله يوافقولك على اجازه و تسافر ..
راشد : اسافر ..؟؟.. قصدج نسافر ..
شما : و منو قالك اني بسافر ..؟؟؟.. لالالا انا ما اصبر عن البلاد ..
راشد : و تصبرين عني ..؟؟؟؟؟..
شما : هيه .. عادي ..
راشد : و الله ..؟؟..
شما : هيه ..
راشد : انزين شوفيني و انتي ترمسين ..
جان تفتر شما صوب راشد ..
راشد : تصبرين عني ..؟؟؟..
تمت شما ساكته و عيونها فعيون راشد ..
راشد : شمامي ..
شما : عونك ..
راشد : اتصدقين .. اكتشف شي ..
شما و هي مستحيه : شو ..؟؟؟..
راشد : اكتشفت انج حولا ..
شما : شوووووووووووووووووووو ..؟؟؟؟؟؟؟؟... انا حولا .. يالسبال .. و جان تضرب راشد بايدها على جتفه ..
راشد : ههههههههههههههههههههههههههههههه .. احبج يوم تعصبين ..
شما : و انا اكرهك ..
راشد : فدييييييييييييييييييييييت الي يكرهووووووووووووووووووون و الله ..
شما : هههههههههههههههههه .. بايخ ..

و في القسم الثاني من البيت ..

ام مبارك : حمد .. رمستني فاطمه ختيه اليوم ..
بو مبارك : علومها ..؟؟؟..
ام مبارك : تبا عوشه حق سالم ولدها ..
بو مبارك : شووو ..؟؟؟.
ام مبارك : تبى عوشه لسالم ..
بو مبارك : بتخبرج .. ختج تبى بناتج كلهن ..؟؟؟؟..
ام مبارك : شعليه .. عيال ختيه رياييل و ينحلف بروسهم .. و لا عليهم قصور ..
بو مبارك : بس عوشه . .. رامس عليها علي خويه لولده حمد ..
ام مبارك : و انت شعنه ما رمست و قلت ..؟؟.. اللحين شو بقول لفاطمه .؟؟..
بو مبارك : قوليلها ولد عمها يباها ..
ام مبارك : يا فضيحتيه في فاطمه ..
بو مبارك : لا فضيحه و لا شي ..

و مبارك .. يتحرقص ..
مبارك : عوض .. لو بغيت وحده .. بس الظروف ما تسمحلك انك تخطبها .. شو تسوي ..؟؟..
عوض : كيف يعني الظروف ما تسمحلي ..؟؟؟..
مبارك : يعني في عائق بينك و بينها ..
عوض : و الله يعتمد اذا هي تباني و الا لا ..
مبارك : اذا تباك ..؟؟..
عوض : اذا تباني و هليه و الا هلها معارضين .. عادي .. بشلها و بشردبها ..
خليفه : ههههههههههههههههههههههههههه .. اسميك عرفت من تشاور ..
مبارك : الله يساعدني عمخوتكم ..
مبارك كل تفكيره في روضه .. هو صبر وايد ... بس خلاص .. مب قادر انه يصبر زود عن جذيه .. يريد يسوي أي شي .. بس مب في ايده .. و في هاللحظه رن تيلفون مبارك ..
مبارك : مرحبا ملايييييييييييييييييين .. و لا يسدن بشيخة الحريم ..
ام مبارك : ههههههههههه .. مرحبا ولديه .. وينك انت ..؟؟؟..
مبارك : و الله الا فالدار .. علوم ..؟؟؟.
ام مبارك : وين فالدار ..؟؟.. جريب و الا بعيد ..؟؟؟
مبارك : لا بعيد ..
ام مبارك : وين بعيد ..؟؟..
مبارك : لا حول .. اسميني ما بتفجج منج يالعيوز ..
عوض : العيوز مب من خذها .. العيوز من تفجج منها .. ههههههههههههههههههههه ..
خليفه : حشم يا بوحمد .. خالتيه هب عيوز .. بعدها غرشوبه من غراشيب المناصير ..
ام مبارك : وايه فديييت منطوقه انا .. منو هذا ..؟؟..
مبارك : شعليك يا خلوف .. تفدتك العيوز ..
خليفه : فديتها و الله .. ليتج الا بنت .. حرام يا اني ما اخليج ..
مبارك : خلوف .. حط الرحمن في صدرك و عين خير .. مالك خص بعيوزنا تغازلها ..
ام مبارك : ههههههههههههههههههه .. فديته .. هذا خليفه ولد اليازيه ..؟؟..
مبارك : هيه ..
ام مبارك : فديته فديته ..
مبارك : انتي اللحين بتخبرج .. متصله تتفدين خليفه ..؟؟.. وين ريلج عنج ..؟؟؟..
ام مبارك : اووووه .. لا .. انا اباك في رمسه ..
مبارك : عونج ..
ام مبارك : اليوم رمستني فاطمه ختيه .. و تبى عوشه لسالم ولدها ..
مبارك : يخسي سالم ياخذ عوشه ..
و في هاللحظه وقف قلب خليفه ..
ام مبارك : ويدي بالستر .. شعندك عولد خالتك ..؟؟.
مبارك : قولي لختج .. ما عندنا بنات ..
ام مبارك : هيه .. ادريبك .. تبى تيوزها حمد ولد عمك ..
مبارك : و حمد شو له بعوشه بعد ..؟؟..
ام مبارك : ليش انت ما عندك علم .. ان عمك علي رمس بوك يباها لولده حمد ..؟؟..
مبارك : لا و الله محد قالي .. لا بويه و لا عمي .. حتى حمد امس متلاجين .. و لا يابلي طاري ..
خليفه .. كملت .. و حمد بعد .. الله يستر ...
مبارك : ما عليه يوم برد البيت بنتفاهم ..
و سكر مبارك عن امه ..و خليفه يتحرقص يريد يعرف السالفه .. بس يستحي انه يرمس مبارك في هالسوالف ..
مبارك : حرمات متفيجات ..

نزف الأحاسيس
10-10-2006, 21:26
خليفه : هههههههههههههه .. مب الا الحرمات المتفيجات .. طاع هالسبال شو يسوي !!.. و اشر صوب عوض الي كان يلاعب بنت صغيره كانت عند هلها تحوط في السيتي سنتر ..و من شافها مبارك تذكر عواشي بنت حمدان خو منى ..
مبارك : فديتها .. ذكرتني بعواشي ..
خليفه و هو يعتقد ان مبارك يقصد عوشه خته : منو عواشي ؟؟!!!..
مبارك : بنت حمدان خو منى ..
خليفه : لا حول من منى هذي .. اظني تبات تهاذيبها هالمنى ..
مبارك : لا و الله .. ما طرت عبالي حتى ..
خليفه : مبارك .. لو انت تحب وحده .. تقدر انك ترمس وحده ثانيه غيرها ..؟؟؟..
مبارك : قبل كنت بقولك هيه .. يعني انا يوم كنت احب لطوف .. كنت ارمس ثنتين غيرها .. ايام الصياعه .. بس من حبيت روضه .. قسم بالله اني عفت كل البنات ..
جان يسكت خليفه ..
مبارك : خليفه .. تراني حاسبك .. اشوفك من اسبوعين و انت مب في حاله .. رب ما شر ..؟؟.. جن الا في خاطرك شي رمس .. صدقني .. محد بيحسبك كثري ..
خليفه : لا ماشي ..
مبارك : اكييييييييييييييد ..
نزل خليفه راسه و تم سااكت شوي .. و توه بيرمس و ان عوض ياينهم .. و من عقب نشو الشباب و راحو صوب سيارتهم ..
و بالباجر .. كانت عوشه و امنه خاوات مبارك يايبات شرايط يوله و يريدن يشوفنها ..

عوشه : امون .. وين الفيديو ؟؟..
امنه : ما ادريبه .. نشي نشي .. بنروح صوب شمامي و بنشوف عندها الشرايط ..
و نشن و راحن صوب شما .. و لقنها راقده .. و ما حبن انهن يزعجنها .. جان يطلعن عنها ..
نوره : الفيديو في حجرة مبارك ..
امنه : و شعنه ما رمستي من قبل .. اتشوفينا نتحرقص نريد فيديو ..
نوره : انزين توني تذكرت ..
عوشه : اسميج عاطيتنها ويه .. يله نشي ..
و نشن و راحن حجرة مبارك عشان يشلن الفيديو ..
امنه : احب عطورة مبارك .. و يلست تتعطر من عطورة مبارك ..
نوره : ليته يشوفج ..
عوشه : ظنكن انشوف الافلام هنيه و ا لا في الصاله ..
امنه : لا هنيه ولا الصاله .. شو تبين مبارك و عبيد يقصبونا ؟؟!!..
نوره : اوكي بنروح الميالس ..
عوشه : اوكي انا بشل الشرايط و المحول .. و وحده منكن اتشل الفيديو ..
امنه : يله نواري شليه .. انا العوده .. و ماشي .. شهرين و بعرس .. المفروض تراعون هالشي و ما تتـأمرون عليه ..
و شلت نوره الفيديو و عوشه الافلام و راحن الميالس .. و ركبن الفيديو و توهن بيشغلنه و ان عيال محمد خوهن داخلين عليهن ..
الهنوف : مااااااااااالييييييييييييييد ..
حمد : تآااااااااااااااالي ..
الريم : ياويلي منك يا حمد .. خل ختك ..
محمد : ما عليها شر ..
الريم : بيقصبها .. حشى يا عوافت هالصبي ..
عوشه : لا خليها تحس بلي كنا نعانيه من ريلج في ايام طفولتنا المعذبه ..
و نشن البنات و سلمن على الريم حرمة محمد و محمد .. و تمن يسولفن و لا انتبهن للفيديو و لا اليهال .. و حمد المتعبل .. ما يقدر انه ييلس بدون ما يسوي شي .. راح صوب الفيديو و تم يتعبلبه .. و جان يشغل الفيديو ..و كان فالفيديو الفلم الي ظهرت فيه روضه .. و الكل من شغل حمد افترو صوب التلفزيون يشوفون شو فالفيديو .. مبارك اخر مره شاف فيها الشريط ما طلعه من الفيديو .. و هن ما انتبهن ان في شريط في الفيديو ..
محمد : شووو هذا ..؟؟؟..
الريم و هي اتحط ايدها عويه ريلها : لا تشوووف .. مالك خص ..
و حمد فاج ثمه و يشوف : ماما توفي توفي علوست انووودي ..
الهنوف : بالبي ..
نوره : لحقن هذا شريط عرس راشد .. شو يسوي عند مبارك ؟؟؟..
و تنش عوشه تربع و تبند الفيديو .. الكل كان منصدم .. و اولهم محمد .. عنبو مبارك ما يستحي يشوف شرايط الحرمات .؟!!..
عوشه و هي تحاول تغطي على مبارك : اوووووه .. انا كنت اشوفه في حجرة مبارك امس و نسيته فيها ..
نوره : حي .. عيل ليش ما كنتي تعرفين مكان الفيديو ؟؟!!..
عوشه : جب جب .. انتي شعرفج ..
عرف محمد ان عوشه تجذب .. و الكل .. بس ما حبو انهم يقولولها انها تجذب .. و تمو ساكتين .. و دخلت ام مبارك الميالس هي و ريلها عشان يسلمون على محمد و حرمته ..و عقب ما سلمو و يلسو .. خذتهم السوالف
حمد : يدووووه .. يدووووه ..
ام مبارك : عووونك عووونك يالغالي ..
حمد : تفنا علوست انووووودي داخل تفزون ..
نوره : امايه .. لقينا شريط عرس راشد مال الحرمات في حجرة مبارك ..
بو مبارك : شوووووووووووو ؟؟؟...
ام مبارك : شريط الحرمات !!.. شو يسوي في حجرة مبارك ..
عوشه : فقتج يالسباله .. امايه .. انا نسيته في حجرة مبارك امس ..
ام مبارك : هيه .. يا بنتي و انتي شعنه اتشوفين شرايط البنات في حجرة خوج ..؟؟.
عوشه : عاد شو اسوي الفيديو كان في حجرته ..
ام مبارك .. مسكينه مشت عليها هالرمسه .. بس بو مبارك لا .. و عرف ان عوشه تجذب من شافها مرتبشه .. و في هاللحظه دخل راشد و عبيد .. و تمو يسولفون .. و شوي و ان مبارك حادر عليهم ..و سلم عليهم و تم يسولف .. و الكل ناقمنه .. و هو مب حاس بالدنيا .. و في هاللحظه رن تيلفون مبارك .. و كانت منى .. ما رد اول مره .. بس رجعت و اتصلت مره ثانيه .. و المره الثانيه ظهر عنهم مبارك و رد عليها ..
منى : شحالك ..؟؟..
مبارك : بخير ربي يسلمج .. و من صوبج ؟؟؟..
منى : ما ادري اذا المفروض اكون فرحانه و الا ..
تنهد مبارك و تم ساكت ..
منى : اممممم .. انخطبت ..
مبارك : و الله ؟؟..
منى : و الله ..
مبارك : الله يوفقج انشالله في حياتج ..
منى : بس انا ما اريده ..
مبارك : ليش .. انتي ناقده شي عليه ؟؟..
منى : لا هو اكثر من محترم و وايد حشيم .. بس انا ما اريده ..
مبارك : منى .. خافي ربج في نفسج .. يا بنت الحلال .. انا واحد مالج امل مني .. و دام هالريال الي تقدملج حشيم وافقي عليه ..
منى : بس يا مبارك ..
مبارك : منى .. هذا نصيبج و انا نصيبي عند رب العالمين .. لا تهدمين حياتج عشان وهم عايشتنه في خيالج ..
منى : يعني انت رايك اني اوافق عليه ..
مبارك : اذا هو حشيم شرات ما قلتي .. و ما يعيبه شي .. خذيه .. بس لا تهدمين حياتج ترى هذا عرس عمر حياتج الابديه فلا تتسرعين .. استخيري ربج .. و انشالله ربي يوفقج في دنياج ..
سكر مبارك عن منى .. و تم برى فالحوش .. يفكر فالكلام الي قاله لمنى .. يا ترى هو وين نصيبه في هالدنيا .. مع روضه ؟؟. و ان محمد خوه ياينه ..
محمد : مبارك .. قسم بالله ان ما اصطلبت .. لا اصلبك عدل .. عنبوك انت ما تقول عندي خاوات ..؟؟؟؟..
مبارك : شعندك ..؟؟؟!!!!..
محمد : عنبو مب خايف ربك ؟؟.. اتشوف افلام حفلات البنات و هن متكشفات و هن ما يحللك ؟؟.. لا و عرس خوك بعد .. ؟؟. لهالدرجه خرابك ؟؟..
مبارك : محمد شعندك .. ؟؟؟..
محمد : انت تعرف شعندي .. بتجذب و بتقول ان ما عندك نسخه من شريط عرس خوك ..؟؟..
سكت مبارك ..
مبارك و هو منزل راسه : محمد لا تلومني ..
محمد : لا بلومك ..و ان حديتني بظربك بعد .. و لو انت خويه العود .. الا دام هاي سواياك .. السموحه منك .. ما يشرفني نسبك ..
مبارك : حرااام عليك يا محمد .. انتو ليش مب حاسيبي ..؟؟؟.. حرام عليكم .. و الله اني احب هالانسانه .. ما ارووم اني اعيش بدووونها ..
و في هاللحظه صاح مبارك ..
مبارك : انت شو تشوفني جدامك ؟؟.. محمد انا هب خايس .. الشريط كله مافيه الا روضه ...ادري ان هالشي غلط .. بس احبها .. و الله اني احبها ..
محمد : بس مالك نصيب فيها ..
و في هاللحظه ظهر بو مبارك ..
بو مبارك : شعندكم محتشرين ..؟؟؟..
تم مبارك ساكت .. و محمد يشوف مبارك و هو ساكت بعد ..و اول ما انتبه بو مبارك ان مبارك كان يصيح ..
بو مبارك : افا .. رب ما شر بو حمد ؟؟..
و في هاللحظه ظهرت امنه و هي تربع و عوشه تسحبها من كندورتها ..
عوشه : انا بقولهم ..
امنه : شماااااااااااااااامي حااااااااااامل ..
عوشه : يالسبااااااااااااااااااااااااااله .. و جان تدفر امنه ..
ارتبشو العرب بخبر حمل شما .. و لا حد منهم حس بمبارك و معاناته .. مبارك الي ذبحه حبه لروضه .. مبارك الي يشوف عمره .. انسان عاجز .. انسان مب قادر انه يعيش شرات خلق الله .. انسان ملكته هموم هالدنيا في بعده لروضه ..

في الوثبه ...

نزف الأحاسيس
10-10-2006, 21:31
روضه : ميثوه .. شو قررتي ..؟؟..
ميثه : محتاره يا روضه ..
روضه : استخرتي ربج ..؟؟؟
ميثه : 4 مرات ..
روضه : و شو حسيتي .. ؟؟..
ميثه : واااااااااااااايد مرتاحه .. تعرفين .. حلمت اني يالسه اسحي شعري .. و كاااااااااان وااااااااااااااااايد طويل .. اطول عن طوله الحقيقي .. ظنج شو ؟؟..
روضه : ما ادري .. بس اعتقد اذا حلمتي شعرج اطول من طوله .. يكون زيادة ستره ..
ميثه : ظنج ؟؟.
روضه : جني قد سمعته ذاك اليوم في برنامج فتاوي ..
ميثه : ما ادري و الله ..
روضه : ميثه .. لو سلطان ياكم و قالكم .. انا طلقت شوق .. و ما ادري شو .. انتي بتكونين واثقه انه يقولج الحقيقه .؟؟. تخيلي احنا معاشرينه عمر .. و لا درينابه انه عرس الا من رمست شوق .. و الا ما كنا بنعرف حتى ..
ميثه : و هي ليش اليوم يت و رمست ..؟؟..
روضه : تواجعت مع سلطان .. و عصب عليها و قالها انه بيطلقها .. و هي كانت تعرف انه بياخذج .. و قطعها المسكينه اسبوعين و هي بروحها فالشقه هي و عيالها .. كانت تتصلبه بس ما يرد عليها .. و خافت على عمرها ..مسكينه ما تعرف حد هنيه .. تصدقين .. ما بغت انها تسوي مشاكل لسلطان .. يوم يتنا طلبتني انا .. لانها كانت تعرف اني وااااااااااايد مع سلطان .. و كانت تباني ارمسه بيني و بينه .. بس انا ما قدرت استحمل .. و من ريت عياله .. و الله قلبي عورني عليهم .. حرام ينحرمون من هلهم .. ميثه .. صدقيني .. سلطان هب عوف .. و اذا انتي تبينه يطلق شوق عشان يرضي غرورج .. و غرور هلنا .. سمحيلي .. بس حينها ما يشرفني انج تكونين حرمت خويه ..
سكتت ميثه عن روضه و تمت تفكر ..
بعدها بيومين .. كان منصور و لمت الشباب من ربعه في سنما الماريا يشوفون الافلام اليديده .. حظرو الفلم الاول الي يبدى الساعه 9 و خلص الساعه 12 فليل .. و توهم الشباب بيظهرون ..
مانع : خلونا نشوف هالفلم ..
منصور : مانع ذهن .. طاع الساعه كم .. ورانا دوامات ..
يوسف : يا ريال خلنا نفجج روسنا شوي ..
و ما كان منصور بييلس .. بس شاف واحد من الشباب .. كان يشتري فوشار و بيبسي .. و عرف هالريال .. كان بخيت ريل روضه .. و توه منصور بيروح صوبه .. بس شاف بخيت يأشر حق وحده .. استحى منصور و رجع .. قال يمكن وحده من خاواته عنده ..
مانع : يوسف .. طالع هناك .. و اشر براسه صوب بخيت ..
جان يفتر يوسف صوب الاتجاه الي اشر عليه مانع ..
يوسف : اووووووووووووه .. بخيت ..
منصور : تعرفونه ..؟؟؟.
يوسف : هيه .. عندنا في جازكو ..
منصور : و الله ؟؟..
مانع : خام ..
انصدم منصور .. لان مب من طبع مانع انه يسب حد من الشباب ..
يوسف : خام الا هو ..
مانع : ظنك منو الي عنده ؟؟..
يوسف : وحده من خايساته بعد منوه ..
منصور : انتو تطرون بخيت المنصوري .. ؟؟؟..
مانع : هيه .. تعرفه .. ؟؟؟..
يوسف : اكيد هب منصوري لازم بيعرفه ..
منصور : هيه اعرفه ..
تم منصور ينتبه لحركات بخيت مع هالبنت .. و من حركاته معاها .. و حركاتها و هي تظحك .. عرف ان هذي مستحيل انها تكون وحده من خاواته .. لان مافي واحد ممكن يسوي هالحركات مع خاواته .. لا منصوري .. بيذبحها قبل لا تدخل السنما حتى ..
منصور : شو تعرفون عنه ..؟؟..
يوسف : روح تخبر أي حد فالشركه بيقولك عن حركاته مع البنات ..
مانع : لا ما يسدنه بنات جازكو .. حتى بنات ادنوك ما سلمن منه ..
و يلسو يقولون لمنصور عن حركات بخيت مع البنات و ان هالشي معروف عنه و قالوله موقف استوى بين بخيت و وحده سوريه سكرتيرة المدير .. و انه فظحها فالشركه .. و اشياء اللعن بعد ... و منصور من عرف و هو يتحرقص .. و ما قدر انه يمسك عمره ... و جان يتصل بسلطان و يقوله بالسالفه ..
سلطان : انت منو قالك هالرمسه ..؟؟..
منصور : شباب ..
سلطان : ياخي الشباب يبالغون ..
منصور : شو يبالغون انت بعد .. انزين توثق من الخبر ..
سلطان : ما عليه ..
منصور : سلطان ..
سلطان : عونك ..
منصور : تعرف انك تبالك وليه بعصه محنايه ..
سلطان : افا .. شعنه ؟؟..
منصور : شو شعنه ..؟؟.. عنبوه لهالدرجه مرخصين بروضه .. بتفرونها في حلج هالخام .. اذا انت الي كنا نحلف براسه جاذب علينا سنين ..
سلطان : لا حول .. منصور .. انا عرست ماخاويتلي وحده من الخايسات يوم انت كل يوم تناغزني بالرمسه ..
منصور : ياحيك انت عرست .. الا هذا يخاوي ..
سلطان : منصور انا بتوثق من الرمسه ..
منصور : سلطان .. جن الا غالبنكم مخروي روضه و كسوتها .. انا هب غالبني .. ان ما تصرفت .. انا الي بروووح و بخبر عمي و بويه .. و بخلي الرياييل هم الي يقصوون الحيّه ..
و سكر عن سلطان .. منصور كان مستعد انه يسوي أي شي عشان ترجعله روضه .. بالذات بعد ما اشتغل و تحسن وضعه المادي .. و كان من قبل يريد أي شي عشان يطلقون روضه من بخيت .. و شكله القدر واقف في صفه .. جن الله يسبب الاسباب عشان يبعد روضه عن بخيت .. بخيت الي عمره ما فكر في روضه .. الا كونها الانسانه الي بيعرسبها و بييب منها العيال و لا اكثر .. يعني مثل التمثال في حياته .. ما سكت منصور عالسالفه .. و تم يتخبر كل حد ممكن انه يعرفه و ممكن انه يقوله أي شي عن بخيت .. و سلطان بعد ما قصر .. و اكتشفو .. ان بخيت وااااااااايد تعامله زين مع الشباب .. بس له سمعه مع البنات .. و فيه شويت نذاله ..
منصور : و الله ما اسكت ..
سلطان : محد بيسكت . . بس لازم نرمس الريال ..
منصور : و شعنه بترمسه بعد ؟؟..
سلطان : لازم نشوف وضعه قبل لا نخبر الشوّاب ..
منصور بنقمه : لا و الله ؟؟..
سلطان : منصور انت ما بتخاف عختيه زود عني .. و صدقني يا بخيت ما بياخذ روضه دام هذي سواياه ..
منصور : و شو بتسوي ..؟؟؟.
سلطان : ما ادري و الله .. ما اريد افضح الريال عند هله ..
منصور : سلطان .. خلني انهي السالفه ..
سلطان : شو بتسوي .؟؟...
منصور : انشالله بتعرف ..
خذ منصور رقم بخيت من عند سلطان و جان يتصلبه ..
بخيت : مرحبا الساع .. حيبه
منصور : مرحبا ..شحالك الشيخ ؟؟..
بخيت : بخير يعلك الخير .. و من جداك ؟؟..
منصور : ما نشكي من باس
بخيت : يا مرحبا الساع ..
منصور : بخيت ؟؟..
بخيت : هيه نعم .. منو الريال ..؟؟..
منصور : منصور بن سيف ..
بخيت : السموحه ترااني ما عرفتك ..
منصور و بنقمه : هب منك يوم انك ما تعرفني .. لو تكثر الدوس صوب الوثبه جان عرفتنا .. منصور ولد عم سلطان بن سالم ..
بخيت : مرحبا الساع بالنسيب ..
منصور : مرحبابك ..
بخيت : وش حال عربانا من صوبك ؟
منصور : يسرك حالهم ..
بخيت : يا مرحبا الساع ..
منصور : الشيخ .. بغيتك في رمسه ..
بخيت : لبيه ..
منصور : لبيت حايه .. الشيخ .. انت مالج عبنت عمي من سنه و زوود اللحين ..
بخيت : هيه نعم ..
منصور : و ما اشووفك مهتم منها .. و انا ان بغيت الصدق .. بنت عمي اباها ..
بخيت : شووووووو ..؟؟..
منصور : سلامتك الشيخ .. انا ادريبك انك متعجب من السالفه .. بس انا ارقب البنت من هي صغيره .. و انتو ملجتو و انا كنت توني راد البلاد ..
بخيت : انزين شو تباني اسويلك ؟؟..
منصور : انا ما اشوفك تبى البنت .. و هلك الي خطبوها لك ..
بخيت : تباني اطلج ..؟؟؟..
منصور : هيه نعم .. انا ما بغيت ارمس عند شوابي .. و انت تدريبهم الشواب .. قلت برمس بهالرمسه بيني و بينك ..
بخيت : الشيخ .. انا طلاج هب مطلج ..
منصور : بخيت .. انا ارمسك و انا حاسبنك ريال .. و ان بغيت الصدق ... البنت ما تباك ..
بخيت : خويه .. انا قلتلك ما بطلق ..
منصور : الشيخ ارمسك بالطيب تراني ..
بخيت : اقول .. الي ما اطوله بايييدك طوله بريووولك ..
منصور : خلاص تمام عيل .. انا من قبل واصلتني سواياك .. و سلطان عنده علم .. و هو كان بيخبر هلك .. و انا قلتله بنهي السالفه .. و دام هذي رمسك .. بنتلاقى الشيخ .. و بنشوووف جنك بطلق و الا لا ..
و سكر عنه ... و في نفس اليوم رجع منصور الوثبه .. و ما خلا حد و ما قاله .. خبر بوه و عمومته و حتى يدتهم ..
يدت روضه : لالالالالالا .. و الله ما تبات عذمته ..
و روضه وصلها الخبر.. و فرحانه من الخاطر .. و في النفس الوقت خايفه .. خايفه من رد فعل بخيت .. معقوله ممكن انه يطلق .؟؟..
و ام روضه ميته من الغيض : زادنه ما يوصلنا .. و الله يا سالم يا بنتي ما تاخذه .. تاخذه اليوم و تردلي باجر مطلقه ؟؟.. لا و الله ..
و محمد خو روضه من قبل كان رافض بخيت .. و تم محتشر .. و فالنهايه احتشرت العايله كلها .. و راحت ام روضه و رمست ام بخيت ..
ام بخيت : يا ختيه .. جاد يجذبون عليكم .. انا ولديه حشيم و لا هب راعي سوالف البنات و لا له خص بعد ..
ام روضه : لالالالا .. محد بيتبلا عولدج .. و البنت امبونها ما تباه ..
و كبرت السالفه و عرفو هل بخيت كلهم .. و يوهم في الوثبه ..
بو بخيت : سالم .. ترانا شارينكم و باجين عليكم .. و بنتكم بنتنا ..

نزف الأحاسيس
10-10-2006, 21:33
بو روضه : سمحلي يا محمد .. جنك ترضى عبنتك تاخذلها واحد من شروات ولدك .. واحد لاعب عالبنات و فاضحنهن بين خلقله ..
بو بخيت : يا سالم الشباب كلهم يلعبون و من يعرسون يصطلبون .. و الريال ما يعيبه شي يا بو غنيم ..
بو روضه : و انا اشهد .. الا ولدك يخاوي البنات جدام خلق الله .. امس نصايف الليل لاقنه منصور ولد سيف خويه و هو عنده وحده .. كيف تباني اامن على بنتي عند واحد شرواه ؟؟.. دام انه ما حشمنا و هو مناسبنا و لا حشم طاري هله بين العربان .. ما بيحشم بنتنا
بو منصور : و ان بغيت الصدق يا بوجسيم .. ترى منصور يباها .. ولد عمها و بيحشمها عن الغريب ..
بو بخيت : افا يا سيف .. خليتنا غرب اللحين ..؟؟..
محمد : عمي .. ما نبى فضايح و لا مشاكل .. البنت عايفه ولدكم من زمان .. و بويه و يدتيه غصبوها عليه .. و اللحين يوم هذا حال ولدكم .. لا و الله .. ما بنبلا بنتنا ..
بو بخيت : و اللحين شالراي ..؟؟..
بو روضه : نباه يطلج البنت ..
و تمو عهالحال يومين .. العرب لابجين في الوثبه .. و هل بخيت فالخزنه محتشرين ..

روضه : شمامي .. ما تتخيلين شقايل اتحرقص .. و الله اريد اعرف عالشوه بينتهي الوضع ..
شما : ظنج بيطلق ..؟؟؟..
روضه : غصبا عنه .. اففففف هليه محتشرين ..
شما : انشاااااااااااااالله يطلق و نفتك منه ..
روضه : انشااااااااالله انشااااااااالله ..
شما : امممم .. تبيني اخبر مبارك ..؟؟..
روضه : .. لا ..
شما : لييييييييييييييييييش .؟؟؟..
روضه : اللين ما اعرف الوضع عالشوه بينتهي و من عقب بقولج اذا تقوليله و الا لا ..
شما : حرام عليج يا روضه .. ليش ما تريدين ترحمين مبارك ؟؟؟..
روضه : لاني اخاف يعرف و يحط اامال و فالنهايه بخيت ما يطلق او يستوي اي شي .. ما اريد اني اكون سبب عذابه في هالدنيا زوود عن جذيه ..
شما : الي يريحج يالغاليه ..
روضه : انتي المهم علومج و علوم بو سنيده ؟؟..
شما : قصدج .. بو مبارك ؟؟..
روضه : هيه شحاله ..؟؟..
شما : بخير يسرج حاله ..
روضه : وينه عنج ؟؟.. غريبه من ساعه ارمسج و لا حدر عليج ..
شما : فديته .. فدبي ..
روضه : اكييييييييييد يغازل .
شما : لا حبيبتي .. واثقه من ريلي .. و اللحين متوثقه منه اكثر ..
روضه : لييييييييييييييييييش ..؟؟؟..
شما : امممممم .. في بيبي ياي فالطريج ..
روضه : عنلالالالالالالالالالالالالالالالالاتج .. و ليش ما رمستي .. فديييييييييييتج شمامي حاااامل .. الله
شما : الفال لج انشالله ..
روضه : خليني القالي الريال اول و من عقب لاحقين عالحمل ..

بعدها بيومين اتصل بو بخيت ببو روضه .. وافقو انهم يطلقون .. و بالباجر سرحو المحكمه و طلقو روضه من بخيت .. روضه اول ما وصلها الخبر يلست تصيح .. يله يعني اللحين تميت مطلقه ..
شما : روضه .. عيني خير..
شوق : روضه .. احمدي ربج انج اتطلقتي و انتي بعدج عالبر و لا خذتيه رسمي و الا كانت بتكون مشكلتج مشكله و الله ..

نزف الأحاسيس
10-10-2006, 21:35
شما : هيه و الله ..
و اتصلت حمامه ختها و تمت ترمسها .. و الكل يرفع معنوياتها .. و اتصلتبها شما ..
شما : هاه رويض بشري ..
روضه و هي تصيح : شموه .. طلقني .. و يلست تصيح ..
شما : انزين و ليش تصيحين بعد ..؟؟؟... شو تصيحينه .؟؟.
روضه : لا مره ما طرالي فقته .. اصيح لاني تميت مطلقه ..
شما : لا ما عليج كمن يوم و بيروووح عنج هاللقب انشالله .. و اللحين جلبي ويهج عني ..
و سكرت شما عنها و ظهرت ادور مبارك .. بس ما كان موجود فالبيت .. جان تتصل براشد ريلها ..
راشد : هلا هلا هلا بام مبارك ..
شما : ههههههه .. هلا و الله بالغالي .. شحالك ؟؟.
راشد : مشتاااااااااااااااااااااااااااااااااااااااااااق ..
شما : خل عنك .. تونك امفارجتني .. مسرع ما اشتقت ..
راشد : شو اسوي ترى شوق المنصوريه عذاب عقولت مبارك ..
شما : اوه عطاري مبارك .. اباك تبشره ..
راشد : بشارة شوووو ..؟؟؟..
شما : روضه اطلقت من بخيت ..
راشد : قولي و الله ..؟؟؟...
شما : و الله .. توني مسكره عنها ..
راشد : برايج عيل برمس بوحمد ..
و سكر راشد عن شما و اتصل بمبارك ..
راشد : هاه بو حمد .. وين دارك ؟؟..
مبارك : وين بعد .. فالصناعيه .. خلاص تراني تميت مداوم عندهم ..
راشد : ليش سيارتك الا من 4 شهووور ساحبنها من الوكاله .. ؟؟..
مبارك : خربت خليفه ..
راشد : ههههههههههههههههه .. المهم .. عندي لك خبر ..
مبارك : شووو ..؟؟..
راشد : كم تدفع ..؟؟؟..
مبارك : جن السالفه فيها دفع .. سمحلي امفلس ..
راشد : عيل مالك نصيب فالخبر ..
مبارك : انزين شو الخبر ..؟؟؟..
راشد : اممممممم .. خبر عن غرشوبتك ..
مبارك : أي غرشوبه ..؟؟؟..
راشد : افا ليش انت عندك غراشيب غير المنصوريه ؟؟..
مبارك : روووضه !!؟؟ شووو بلاها .. شي فيها .؟؟..
راشد : ههههههههههه خييييييييييييبه .. هد اعصابك ..
مبارك : ياخي رمس ..
راشد : لالالا خلاص ..
مبارك : رااااااااااااااااااااااااااااااااااااااااااااااشد يالخام رمس لا اوصلك اللحين و ادوووس في بطنك ..
راشد : انا خام ؟؟.. ما عليه ما عليه ايي منك اكثر يا بو حمد ..
مبارك : اففففففففففففف ... ياخي بترمس و الا شوو ؟؟؟..
راشد : لا برمس ... روووووووضه .. اممممممممممم ..
مبارك : راشد ..
راشد : اطلقت من بخيت ..
صخ مبارك ... يريد انه يستوعب الكلام الي يقوله له راشد ..
مبارك : كيف يعني ..؟؟؟..
راشد : شو كيف يعني ..؟.. اطلقت عادي ..
مبارك : برايك برايك
و سكر عن راشد .. و تم ساكت .. و خليفه مستغرب من مبارك ..
خليفه : شعندك ..؟؟؟..
افتر مبارك صوب خليفه : روضه اطلقت ..
و سكت .. يريد يستوعب .. و جان يرجع و يتصل براشد .
مبارك : حلف ان روضه اطلقت ..
راشد : قسم بالله انها اطلقت .. و اليوم هي رمست شمامي و قالتلها ..
مبارك : و الله صدق .؟؟..
راشد : و الله ..
مبارك و هو خانقتنه العبره : يعني روووضه اللحين حره .. يعني .. عادي .. ارتبش و لا عرف انه يرمس .. و نش عن خليفه و ركب سيارته .. لا ما اصدق .. روضه حره .. يعني روضه لي .. ياااااااااااااااااالله ... فدييييييييييييييتها فديتها .. راح مبارك البيت و كلم شما
مبارك : شما حلفي ..
شما : حشى مية الف مره حلفت .. و الله و الله و الله ان روضه اطلقت ..
مبارك : اميييييييييييييييييييييييييي ... و ظهر يربع من الصاله ..
عوشه : بلاك مبارك ..
مبارك : امااااااااااااااااااااااااايه ..
ام مبارك : شعندك محتشر ..؟؟؟؟..
مبارك : اريد اعرس ...
ام مبارك : صاحي انت ..؟؟..
مبارك : امي دخيلج .. اريد اخطبها اليوم .. دخيييييييييييييييييييييييييييلج ..
ام مبارك : بسم الله عليك يا ولديه شعندك ؟؟.. شي يعورك .؟؟.. تانس شي ..؟؟؟..
مبارك : ااااااه يا امي .. قلبي يعورني من سنين .. و اليوم وصلني الدوى .. دخييييييييييييييلج دخييييييييييلج انج تخطبينها لي اليوم ..
ام مبارك : و منو تباني اخطبلك .؟؟..
مبارك : رووووووووضه ..

نزف الأحاسيس
10-10-2006, 21:36
ام مبارك : شروووضه ..؟؟؟؟؟...
مبارك : روضه بنت سالم ولد يدوووه شطيطه ..
ام مبارك : بسم الله عليك .. روضه مملوج عليها ..
مبارك : لا اطلقت ..
ام مبارك : و شعنه اطلقت ..؟؟؟
مبارك : لا حووول .. اسميني ما بتفجج اليوم .. عويش وين بويه ..؟؟؟..
عوشه : في بيت عمي علي ..
و ظهر عنهن مبارك بيروح صوب بوه ...
ام مبارك : ظنج شعنه طلقها ولد محمد بن بخيت ..؟؟؟..
عوشه : اكييد شمامي تعرف ..
و نشن صوب شمامي عشان يعرفن السالفه .. و مبارك اول ما وصل ميلس عمه و من عقب ما سلم على الكل ..
مبارك : بوشهاب ..
بو مبارك : عونه ..
مبارك : اريد اعرس ..
عم مبارك : من سنتين و انت تصيح العرس و لا عرست .. هههههههههههههه ...
مبارك : لا لالالالالا .. اللحين اريد اعرس .. و اباكم اليوم تخطبولي البنت ..
بو مبارك : ذهن ..
مبارك : ذهنت سنين و انا صابر .. الا خلاص .. مافيني زوود صبر يا بويه ..
عم مبارك : لحق ولدك يا حمد ..
حمد ولد عمه : اسمييييييييك متخشع يا بو حمد ...
مبارك : مب الا متخشع ..
بو مبارك : و من بغيت ..؟؟؟..
مبارك : بنت سالم المنصوري .. قوم الوثبه ..
بو مبارك : ولد خالتيه شطيطه ؟؟..
مبارك : هيه ..
بو مبارك : عنده بنت غير الي خذها ولد محمد بن بخيت .؟؟..
مبارك : الا هي نفسها .. تراه طلقها ..
عم مبارك : و انت شحايتك في وحده مطلقه .. ؟؟
مبارك : حايت القلب يا عمي ..
و احتشر مبارك على هله .. و ما بات ذيج الليله و هو يتحرقص .. و بالباجر ما سرح دوامه .. تم فالبيت محتشر على امه عشان تتصل بقوم روضه و تاخذ منهم موعد عشان يخطبون الرياييل .. و اتصلت ام مبارك بام روضه و مبارك فوق راسها .. و يقولها تقولهم انهم بيونهم اليوم .. بس ام مبارك قالتلها انهم بيونهم باجر ..
مبارك : حراااااااااام عليج امي ..
ام مبارك : يا من بغض حياته منك ..
و نشت عن مبارك .. و شما رمست روضه و قالتلها انهم بيخطبونها لمبارك .. و راحو قوم بالخيل صوب الوثبه و خطبو روضه .. و في برزت الرياييل ..
بو روضه : و الله يا حمد .. ما بغينا نردك .. الا منصور ولد عمها رامس عليها ..
و من قاله جذيه صخ مبارك .. ما كان ناقصني الا منصور بعد .و بو مبارك منحرق ويهه .. و طالع مبارك بنقمه .. جنه يقوله فشلتنا بين العربان ..
مبارك : بس يا عمي ... البنت الا من يومين مطلقه ..
بو روضه : هيه نعم .. و البنت ما اطلقت الا عشان ولد عمها يباها ..
و ردو قوم مبارك و هو خايبين .. و مبارك ميت .. يعني وين ما ادقها عويا .. و روضه من عرفت رد بوها على قوم مبارك و هي تصيح و حابسه عمرها في حجرتها .. انحرق قلب روضه يوم ملج عليها بخيت .. بس حرقت قلبها ذيج الساعه ما تسوى شي فحرقت قلبها اليوم يوم ردو مبارك .. تمت لاويه عالدبدوووب و تصيح من الخاطر .. تصيح ظلم القدر .. تصيح نحاست حظها ..
و مر يومين عهالسالفه ..
يدت روضه : ليت عندنا بنت غير روضه .. جان يوزناها مبارك .. فديييته فديييته .. ما يسوونه بو حمد ..
موزه : ليش يدوووه .. منصور شو فيه ..؟؟..
يدت روضه : منصور ريال و لا عليه قصور بو سيف .. يعني افدى ذيج العرضه .. بس عليها روضه يوم انها ظوته ..
و روضه تسمع هالرمسه و ساكته .. و ميثه .. حاسه بروضه .. و روضه مب قادره انها ترمس لان منصور خوهن ..
ميثه : نشي روضه اباج ..
و نشت روضه و ميثه و دخلن الحجره ..
ميثه : تدرين اني وافقت على سلطان ؟؟..
روضه : هيه قالتلي يدووه اليوم الصبح ..
ميثه : و انتي روضه ؟؟..
روضه : انا شووه ؟؟..
ميثه : وافقتي على منصور ؟؟..
تمت روضه ساكته ..
ميثه : روضوه .. احنا اكثر من بنات عم صح ؟؟..
روضه : صح ..
ميثه : اوكي شو رايج ؟؟..
روضه و هي تصيح : ميثووه مبارك خطبني .. هو يحبني و انا احبه .. بس هليه ردووه عشان منصووور .. و محد خذ راي فالسالفه .. حتى منصور ما سوالي اعتبار و لا شاورني حتى .. حطني جدام الامر الواقع .. هو ليش سوى جذيه لييييييييييييييش .؟؟...
ميثه : لانه يحبج .. روضه منصور يحبج من كنا يهال ..
روضه : بس انا و الله ما قد شفته غير شرات خويه سلطان .. و الله مب قادره اتخيل اني اكون حرمة منصور .. لالالالالالالالا .. و يلست تصيح .. حرااام عليهم .. انا شو سويت عشان يبلوني ببخيت و من عقب بمنصوووور .. حرااام عليهم .. و يلست تصييح من الخاطر ..

و مبارك في رماح يتحرقص ..
مبارك : و الله يا روضه ما ياخذها ريال غيري ..
ام مبارك : يا بويه ولد عمها يباها ..
مبارك : و الله بذبح عمري ان ما خذت روووضه ..
ام مبارك : بسم الله عليك من هالطاري ..
راشد : مبارك ..
مبارك : لاحد يرمسني ..
عبيد : محد بيرمسك بس انت هد اعصابك ..
مبارك : انا ما تم فيني اعصاااااااااااب .. خلالالالالالالالالالالاص بمووووووووووووووووت .. شو حياتي من عقب رووضه ..
تمت ام مبارك تصيح من شافت حال ولدها .. و راحت و اتصلت بريلها ..
ام مبارك : يا ويلي يا حمد .. ولديه هب صاحي ..
بو مبارك : انزين شو اسوي ياسلامه .. رحنا و خطبناها و ردوونا .. ما بيدنا شي ..
ام مبارك : انت ما استهميت من ولدك .. استهميت من طيووورك .. و الا ولدك ما حفلته ..
و سكرت عن ريلها ..
ام مبارك : راشد .. باجر اباك توصلني الوثبه ..
و راحت ام مبارك و شما و راشد الوثبه بالباجر .. و راحوو صوب قوم روضه اول شي ..
ام مبارك : خالتيه .. ولديه هب في حاله .. حرام يالزاد ما ذاقه من عقب ما رديتووه .. ولديه بينفد .. و يلست تصيح ..
و تمت يدت روضه تصيح : يا ويلي عمبارك .. شياه .؟؟..
ام مبارك : الصبي يبى البنت .. و انا ولديه ريال حشيم ..و ما ظهرت العيبه منه ..
يدت روضه : مب تونا عمبارك .. نعرفه و نعرف رباه ..
ام مبارك : حرام عليكم تردوونه .. انا ياييتنكم اليوم .. و انا ما عندي اغلا من مبارك .. مبارك نظر عيني .. ما رووم اشووف حالته و اسكت .. دخيلج يا خالتيه رمسيهم قوليلهم ..
هل روضه يريدون مبارك بس في نفس الوقت يريدوون منصور .. لان منصور ولد عمها ..
بو روضه : و الله يا سلامه .. شور البنت عند ولد عمها .. جنه الا رخصها .. تراها حلال مبارك ..
راحت ام مبارك و رمست مبارك و قالتله بالرمسه ... و مبارك في نفس اليوم راح صوب منصور بوظبي .. ما كان يدله وين .. بس اتصل بسلطان و قاله عن السالفه .. و تواعد معاه سلطان عشان يتلاقون هو و منصور و مبارك .. راح مبارك صوب خوه محمد .. و فليل راح صوب سلطان .. و تشاوف هو و منصور .. كان شكل مبارك وااااايد واضح فيه التعب .. و أي حد قد شاف مبارك من قبل بيعرف ان مب هذا مبارك الي يعرفووونه .. رمس مبارك منصور ... و منصور يسمعه و هو ساكت .. و نش عنهم منصور بدوون ما يرد خبر لمبارك .. و مبارك ميت .. يالله يالقدر كيف ما تنصف (رحمك الله يا عمري.. ويا حب ٍسكن فيني ..انا بعد ترى مالي.. سوى الذكرى تعزيني .. اببكي الين ما اعمى ..و الين ما افقد نظرعيني .. اببكي الين ما توقف ..دمايه في شراييني .. حياتي ما بها غالي ..انا ما عاد تعنيلي.. اشوف الموت اقربي.. و اهليبه اذا بييني.. يارب ارجووك تجمعني .. مع الي كان يغليني ) ..منصور محتار .. مب عارف شو يسوي .. هو يحب روضه من زماااااااااااااااان .. و كم تمنى هاليوم الي بتكون فيه روضه حلاله .. و في نفس الوقت يخاف انه يظلم روضه معاه .. و يحول حياته و حياتها جحيم .. احسن شي اني اشووف راي روضه ..
و بالباجر رجع منصور الوثبه ..

نزف الأحاسيس
10-10-2006, 21:37
منصور : ميثه .. شو راي روضه ؟؟..
ميثه : افضل انك تسمع رايها منها هي بلسانها ..
منصور : ليش يعني ..؟؟؟..
ميثه : عشان ما تظلم و تنظلم ..
احتار منصور بكلام ميثه خته .. و راح صوب بيت عمه .. و طلب روضه .. و كانت يدتها يالسه عندهم .. طلعتله روضه و سلمت عليه .. و هو حس من سلامها انها وااااااااااايد متغيره عليه .. تردد .. يسألها و الا لا .. بس بعدين .. تجرأ و سألها ..
منصور : روضه انا خطبتج من هلج و وافقو .. و .. و اريد رايج ..
تمت روضه ساكته ..
منصور : روضه .. انا ما اريد اني اظلمج .. جنج تبيني رمسي و .. و اذا ما تبيني رمسي بعد .. محد بيقص رقبتج .. تراها حياتي و حياتج ..
روضه : منصور ما اريد اني اجرحك .. او اني اتسبب بمشاااكل والا ..
منصور : روضه .. رمسي بالي في خاطرج ..
روضه : منصور .. انا اعتبرك شرات سلطان خويه و ..
منصور و هو يقطع رمستها .. : خلاص انا فهمت ..
روضه : منصور .. ما اريدك تزعل بس و الله ..
منصور : لا زعلت و لا شي ..
و نش عنهم .. و بعده ما ظهر من بيت قوم روضه ... جان يتصل بمبارك ...
منصور : مبارك .. جنك تبى رووضه .. تراني مرخصنها ..
مبارك : و الله .. مشكووووووووووور يا بو سيف .. و الله انك رديتلي الحياه..
و سكر مبارك عن منصور و ربع صوب هله و هو محتشر .. لا مبارك و لا روضه حسووو بمنصور .. منصور الي حب روضه من هو صغير .. منصور الي كان حب روضه دافع يصبره عالغربه .. حب روضه الي كان يحلمبه طول عمره .. حب روضه الي تم سراب .. ( لا باس يالدنيا انا الي حريبج دووم.. و هذا قدر ربي و هذي مكاتيبي.. ليدارت الايام وازيت حظ القوم ..و بارتبي احظوظي و كثرت متاعيبي .. اظحك مع الجلاس و لو خاطري مهموم ..و بداخلي نار ٍ تزيد اللواهيبي .. و عزي لجفن ٍما عرف لذت ٍ لنّوم.. يسهر مع نجوم السما لين ما تغيبي.. على وليف فالظماير حبي له مرسوم ..و عليه حزني فاق حزن الزير على كليبي )..

راح مبارك و رمس هله .. و رجعو و خطبو مره ثانيه .. و وافقو عليه .. و تحددت الملجه و العرس .. و قبل العرس و مبارك يتحرقص .. يريد يعرس بسرعه بس العرب تمو يزدهبون و يفصلون و يرتبون سوالف العرس .. و روضه فصلت فستانها عند اروشي .. و اتفقت مع مشكبار عشان تعدلها .. و اتفقو مع ايوب عشان التصوير .. و عاشو شهرين من الربشه .. و مبارك من ملج و هو كل يوم فالوثبه .. بس روضه ما طلعتله و لا مره .. و لا يلست عنده حتى ..
و امنه بعد ملجة مبارك خوها بشهر كانت ملجتها على سعيد ولد خالتها ..و عوشه حيرها حمد ولد عمها علي .. و ميثه بتعرس في الصيف بسلطان .. و خليفه حاير في حياته .. و الله يسترها معاه ..

...*** خذ وردة العمر من فضلك .. خذها من ايدين مهديها .. ما زفت لحد من قبلك .. يا نهر جاري يغذيها ***...

يوم الخميس الموافق 2003-12-04

الصبح ..
راشد : هاه بو حمد .. اشووفك مرتبش ..
مبارك : راشد سكت عني .. اريد اعرف هذا راعي الكيمره شعنده لاصق في ويهي .. ؟؟..
خليفه : اظني العروس تبى تراقبك ..؟؟؟..
مبارك : خليفه سفرتيه عدله .؟؟..
خليفه : اشوووف .. هيه اوكي ..
و عالساعه 10 الصبح ظهرو بالزهاب من رمااااااااااااح رايحين صوب الوثبه ..
( مرحبا بلي لفى عاني .. مرحبابه الف ترحيبه .. من ادياره قاصد ٍعاني .. الوطن و الدار تزهيبه .. لي وصوله ريح اشجاني .. و العنى زالت متاعيبه .. يعل دارك يود لمزاني .. و المفالي تبطي اعشيبه )..
و كانو المناصير يرقبووونهم و كان الجو ربشه .. و ما شالله ما تم حد ما ياهم .. و من الساعه 4 العصر و الحوربيه ادق .. و المغرب يووهم الشيووخ .. سلطان و سيف و نهيان بن زاااااااااااااااااايد .. و اليويله ما قصروو بن يريو و بن بتال و الهوامل .. و قوم بن يداه .. ما شالله ما تم حد ما ياهم .. و مبارك مرتبش بطريقه مب طبيعيه .. و روضه من بعد ما تعدلت و خلصت .. كانن البنات عندها .
روضه : شمامي .. خايفه ..
شما : روضوه عادي كلنا نكون خايفات .. بس بعدين عادي ..
موزه : روضوه شلي فستانج شوي ..
روضه : ليش ..؟؟..
موزه : اريد اقرصج في ركبتج .. جاد ربج اعرس عقبج ..
شما : لاحجه عالعرس و عوار القلب ..
موزه : بس عرس عن عرس يفرق ..
و من عقب دخلت روضه عشان يصورونها ..

و عند خيمة الرياييل ..

فاضل : هاه الخييلي شو هباتك .. ؟؟؟..
مبارك : ياخي بفلعه هذا راعي الكيمره تراه طفربي ..
و في اللحظه يووه الشباب و تمو ايبسوون عنده ..
سالم : ياااااااابس بو حمد ..
مبارك : هيه عاااااااشووو ..
و اشتلو الشبيبه ..
و انحط العشى و تعشوو الرياييل و حطو العشى للحرمات .. بس تأخرت روضه الين ما ظهروها الخيمه ما ظهرت الا الساعه 12 ..
دخلبها سلطان خوها .. و مشاها فالممر بين الحرمات .. كانت عذاااااااااااااااااااااااب .. طرحتها طوييييييييييييييييييل و شعرها .. مسويله تسريحه نازله .. و مطلعين منها خصلات على ويها و على جتوفها و ظهرها .. كاااااااااااان شكلها واااااااااااااايد حلو .. و حطتلها مكياج وردي رهييييييييييييييييييب .. الله يعينك يا مبارك و يصبر على هالليله .. و كانت دخلتها على غنية راشد الماجد " حد منكم شاف فالدنيا "
(حد منكم شاف فالدنيا بدر ..مقبل ٍ يمشي و من حوله بشر.. من حلاه ايزف لناظر ظيى ..ان ظهر لناس و الا ما ظهر و.. لا اله الا الله .. عالنبي محمد يله صلو عليه .. والله يا نور بهالدنيا نراه ..مستحيل ان نشوفه في بشر.. و التقت شمس الظهير بالقمر .. و في محياها بدى الصبح الضيى ..مشرق ٍو اخدودها واحة زهر ..و العيون الي كما عين المها تمتزج فيها البراءه بالسحر..الليله الليله محلاها الليله.. الليله الليله حلوه و جميله... و الا اله الا الله و على العروس اسم الله )
و دخلو خوان روضه الخيمه و بوها و عمها و سلمو عليها و تصورو عندها .. و يالوو فالخيمه .. كان الجو ربشه ..و كان مبارك يريد انه يدخل على روضه فالخيمه بس يدتها حالفه من قبل العرس ان مبارك ما يدخل على روضه فالخيمه .. و مبارك محتشر يباهم يظهروون روضه من الخيمه .. و البنات يرقصن و مشتلات في خيمة الحرمات .. و عالساعه وحده الا ربع طلعو روضه من الخيمه و توها بتنزل من الكوووشه .. كان بوها و سلطان يرقبونها ورى الكوشه عشان يرجعونها البيت .. و كانت عندها ختها حمامه و مريم و خالتها .. و من شافت روضه بوها و سلطان .. جان تصيح ..
حمامه : لا فديتج روضوه لا تصيحين ..

نزف الأحاسيس
10-10-2006, 21:38
شما : يالسباله لا تصيحين تخربين المكياج .. مبارك بعده ما شافج ..
و دخلو روضه البيت .. و توها تستريح و الكل عندها امهاتها و خالاتها .. ما شالله ما تم حد ما دخل الحجره عندها .. و دخل سلطان و محمد و بوها مبارك ..
مبارك : لا اظني مغلط .. شكلي الا دخلت جبرة السمج .. خيبه تخيبكن .. شو انتقلتن من الخيمه للحجره ..
ام مبارك : يا ويلي من هالصبي ...
مبارك : العيوز .. الشيمه .. انا الليله معرس .. شلي طايفج و راوني مقفى عباياتكن ..
حمامه : لالالا .. روضوه خايفه .. ما نقدر نخليها بروحها ..
مبارك : لا انتي ما عليج منها .. احيد ولدج يالس يحفر ويلات فالشعبيه ..
و تمو يتصورون مع مبارك و روضه .. و روضه تتحاشى انها تشوووف مبارك ..
يدت روضه : روضه .. ان قالج شي .. بغمي .. و مره فالج طيب .. بتلقيني حاظره عندج ..
روضه : ههههههههههههه ..
مبارك : ما خلصن افلام هالكيمره ؟؟..
ام روضه : شعندك ملغوووث .. بنظهر عنك .. و كانت تأشر بتيلفونها في ويه مبارك ..
مبارك : عمتيه .. شوو هذا ؟؟..
ام روضه : تيلفوون ..
مبارك : ادريبه تيلفون .. و انتي مالقيتي الا هالتيلفون تاخذين ؟؟..
ام روضه : شعنه فديتك ..؟؟؟..
مبارك : تعرفين لو انتي فالشارع و شافتج الشرطه تعطيج عليه مخالفه ..
ام روضه : يعله في ذمتك ..؟؟؟..
مبارك : هيه .. بيقولون تصوريبه البنات .. و بيغربلووونج ..
ام روضه : غربلات سلطان الي بلاني به ..
مبارك : ههههههههههههههههههههههههههههههههههه ..
يدت روضه : ودي و انتي شعنه ما خذتنه ..؟؟.. برايج ان مسكتج الشرطه .. بتبطين محد فجج .. بتباتين محبوووسه ..
و الكل ميت من الظحك على يدت روضه .. و من عقب ظهرو كلهم و تمت روضه و مبارك و المصوره ..
مبارك : اقولج .. انا خاطريه في شي ..
المصوره : خير ..
مبارك : انا حالف اني ليلة عرسي اتصور و انا شال العروس و جان يفتر صوب روضه الي من سمعت رمسته فجت عيونها ..
روضه : لا تحاول مبارك ..
مبارك : جب ..
روضه : شوووو ؟؟..
و ما حست الا و مبارك موخي و شالنها ..
روضه و لا اراديا حطت اديها عى جتف مبارك .. : مبااااااااااااااااااااااارك ..
و صورتهم المصوره .. و مبارك ما قصر .. سوى كل الحركات الي بغته المصوره يسويها .. و روضه ميته على عمرها من المستحى
و عقب ظهرت عنهم المصور .. و تم مبارك و روووضه .. يلست روضه على طرف الشبريه .. و تم مبارك واقف ..
مبارك : روووضووه ..
و روضه ساكته ..

جان يوخي مبارك و تم على نفس مستوى روضه و هو مجابلنها .. و غنالها

( تكلم لا تناظرني تكلم .. كلام العين ما يطفي لهيبي .. انا اتحراك طول الوقت و احلم .. وش احلا من صدى كلمة حبيبي )
رفعت روضه ويها صوب مبارك .. و تمت اتشوفه و هو يشوفها .. و في هاللحظه .. صاحت روضه ..
مبارك : فديتج روضوه ليش تصيحين ..؟؟..
روضه : ..ما ادري ..
مبارك : اوكي حبيبي لا تصيحين .. و مسح دموع روضه .. و الله يا دمعتج غاااااااااااليه على قلبي ..
جان تسكت روضه ..
مبارك : امممممم ..روضووه
رفعت روضه ويها صوب مبارك ..
مبارك : تعرفين انا شو اللحين ..؟؟؟..
روضه : شو ..؟؟..
مبارك : .. ريلج ..
جان تستحي روضه و تنزل ويها ..
مبارك : يا نااااااااااااااااااااااااااااااااااااااااااااااااا ااااس و الله اني احب هالبنت ...
روضه : مبارك لا تصارخ بيسمعونك ..
مبارك : انشاااااااااالله ..
ظحكت روضه عليه ..
مبارك : غناتي .. خاطريه من اول يوم شفتج فيه اني اسوي شي ممكن ..؟؟..
روضه : شووو ..؟؟؟؟..

و دامت ديار بو خليفه عامره بالافراح و المسرات

نزف الأحاسيس
10-10-2006, 22:15
بعد ما خلصت القصه وانشاءالله تكون أعجبتكم زي ما هي أعجبتني
ونسيت أقولكم ان القصه منقوله من الكاتب منطوق_قلي
و طبعا أشكر كل من قراء هذه القصه سواء من زائرين أو أعضاء
وأهم شي أشكر كل من تفاعل معي وشجعني اني أكمل القصه
واول شخص هو mafnoood
وثاني شخص هي الأخت GirL
وأكثر شخص تفاعل معي حقا وحمسني حماس كبير
هو الأخ المحقق كونان بجد أشكره شكرجزيل لما قدمه لي من تفاعل
وطبعاما لاحظته ان الروايه تحتوي على الكثير من الواقع
حيث ان كثير من العوائل تجبر بناتها على الزواج ممن لا يريدنه
وخاصه ان الطلاق كثر في الأونه الأخيره طبعا ليس كل العوائل تجبر بناتها
على الزواج
لكن أظنه عامل رئيسي للطلاق وسوري اني طولت عليكم بس حبيت ان الواحد يتق الله في أخته أو بنته
ومشكورين مره ثانيه على قراءتكم للقصه
أختكم
نزف الأحاسيس

المحقق كونان22
15-11-2006, 23:54
بسم الله الرحمن الرحيم

أختي نزف الأحاسيس

بصراحة لساني عاجز عن الكلام أشكرك من كل قلبي لأنك كملتي القصة للأسف حصلت شوية مشاكل عندي

بالجهاز عشان كذا إنقطعت فترة عن المنتدى لكن أقولها وربي يشهد علي إني قعدت طوال هذه الفترة

أحترق أبي أكمل القصة بس مو قادر لكن الحمد لله صار كل شي تمام اللحين.........

بصراحة القصة خيالية وش خيالية بل روعة والله ماني قادر أوصف شعوري بالنسبة للقصة

By The Way لاداعي للشكر بخصوص ردودي لأن ردي ماكان ذاك الرد

بالنسبة للقصة وبعدين صراحة أختي إنت مبدعة فعلاً مبدعة

سلمت يداك وجازاك الله خيراً

ننتظر جديدك أختي وتأكدي أنني لن أفوت موضوعاً أنت كتبته

مع إحترامي لباقي الأعضاء


ولك فائق إحترامي
أخوك المحقق كونان22

نزف الأحاسيس
18-11-2006, 20:02
مشكور أخوي بس صدق انت الي تفاعلت معي في القصه وخليتني أكملها
لان ولا واحد من إلي قرو القصه رد علي ولو بكلمة شكرا ولو ان الزيارات قليله قلت صح
بس الزيارات فوق الميه يعني انت أكثر واحد شجعني على القصه وتستاهل أحد يشكرك

M_@_D
15-12-2006, 12:40
مشكوووووووووره عزيزتي على الرواية الأكثر من روووووووووووعة::جيد:: ::جيد:: ::سعادة:: ::سعادة::
وأتمنى تكمليها في أقرب وقت ممكن::جيد:: ::جيد:: ::جيد:: ::سعادة:: ::سعادة:: ::سعادة:: ::سعادة:: ::سعادة::

M_@_D
15-12-2006, 12:43
::سعادة:: يؤ يؤ يؤ ما انتبهت إن القصة انتهت:مرتبك: :مندهش: :مرتبك: ::سعادة::
ألف شكر على الرووووووووايه عزيزتي وانتظر منك كل جديد::جيد:: ::جيد:: ::سعادة:: ::سعادة:: ::سعادة::
::سعادة:: ::سعادة:: ::جيد:: ::جيد:: ::جيد:: ::جيد:: ::جيد:: ::جيد:: ::سعادة:: ::سعادة:: ::سعادة:: ::سعادة:: ::سعادة:: ::سعادة:: ::جيد:: ::جيد:: ::جيد:: ::سعادة:: ::جيد:: ::سعادة:: ::جيد:: ::سعادة:: ::سعادة:: ::سعادة:: ::جيد::

نزف الأحاسيس
15-12-2006, 20:01
ههههههههههههههههههههه
مشكور أخوي وانشاء الله الاجازه راح تجي وتشوف القصص
وثانكس على مرورك وقراءتك للروايه
نـــــــــــزف الاحاسيس
الأمل الراحل

ساسكي ساما
10-03-2007, 19:30
مكشووووووووووووووووور

على مجهودك

نزف الأحاسيس
14-03-2007, 16:30
اشكرك اكثر على قراءتك للروايه

E m i k o
12-04-2007, 12:02
::جيد:: ::جيد:: ::جيد:: ::جيد:: وااااااااااااااااااااااااااااااااااااااااااااااااا ااااو القصة روعة:مرتبك: وهذي اول مرة في حياتي اكمل رواية كاملة
مشكوووووووووووووووورة اختي نزف الاحاسيس
**Spy GiRl**:أوو: :أوو: :لقافة:

نزف الأحاسيس
13-04-2007, 17:46
هذا من ذوقك يالغاليه ويشرفني انك قريتي الروايه وتوها منوره الصفحه بوجودك يالقمر

ऋँSAKURAऋँ
19-04-2007, 11:25
الله يعطيـــــــك العافيـــــه على القصه صراحه مره ممتعه الله يطعيك العافيه ..

نزف الأحاسيس
23-04-2007, 18:51
تسلمين يا اختي على مرورك وهذا شرف لي انك قرأتي القصه

Wakashimazu
27-04-2007, 09:28
يسلمووووووووووووووووووووووووووووووو

على المووضوع الحلووو



والله لا يحرمنا من مواضيعكم الشيقه والمثيره


اخوكم" الحارس رعد "

نزف الأحاسيس
27-04-2007, 12:07
مشكور اخوي على مرورك الذي اسعدني
وتسلم على التعقيب الاكثر من رورعه
أختك
نزف الأحاسيس