لحن الفراق
07-08-2006, 16:56
المرجوج يدخل وبس
هلا والله بالرجة واهل الرجة والمرجوجين كل ابوهم وانا اولهم00يسعدني ويشرفني ان اكتب موضوع يقرأه ناس مرجوجين مثلكم00الله يصونكم00قولوا آمين00
موضوعي غريب جدا جدا جدا00 لدرجة اني ماتوقع فيه احد قد صدفته مثل هالقصة00عموما انا مرة اقول عن الي بكتبه موضوع ومرة قصة00الله يعينكم علي00بلاني مرجوجة!
انا من عائلة مكونة من اكثر من 20 ولد وبنت ماشا الله00زين؟ 10 بنات و10 عيال الله يحفظنا كل ابونا رجة والله يحفظ كل مرجوج لاخوه00
ابوي مطلق امي بعد قصة حب ومعاناة بسبب الحماوات حسبي الله عليهم00وابوي تزوج كثير ليمن جاب عيال كثير00وهو الحمدلله مستور ومرتاااح لاخر درجة00بس المشكلة الكبيرة انه وبسبب كثرة عددنا صرنا منقسمين لاحزاب من ناحية الي امه مطلقة والي امه ساكنة في البيت الكبير الرئيسي(القصر) والي امه طالعة في بيت ثاني ومستقلة00وبالتالي انقسمنا الى 3 احزاب مختلفة من ناحية اللهجة بحكم زواج ابوي من بنات قبايل متنوعه مثل الدواسر و القحاطين والعنوز الخ---0 فكانت هذه الثلاثة احزاب هي اولا: 1- حزب عيال ام ريحة0
2-حزب عيال سوير0
3-حزب المطلقات0
وانا من حزب المطلقات انا البنت الوحيدة بينهم00وكلهم عيال الباقين00وهم بالنسبة لي اقرب من خواتي00رغم اني بنت!! ولو سألتوني من افضل اخ او اخت بين العشرين؟باقول شعلول قلبي والمرافق الدائم لي والمحامي والمدافع والمنقذ والطيب وكاتم الاسرار والحنون الي يخليني أحط راسي عليه وانام بالطريق في السيارة من الخرج الى الرياض!!
المهم ان سالفتي العظمى والغريبة و(الزبدة) اني لا قعدت بين اخواني كأنني قاعدة في خيمة حجيج ولا في فصل مدرسة00ولا ركبنا السيارات(ولاحظوا كلمة السيارات مو السيارة)نصير كاننا قافلة حجيج00
مانشوف بعضنا الا كل عيد ومرات قعدنا سنتين والله ماشفنا بعض!
ولا وياليت اننا اذا تجمعنا نفهم بعض؟ لا00كل يسولف بلغة00وبلهجة00الحمدلله والشكر00لا والمشكلة نحمل نفس الاسم00لدرجة ان عندي اخ ماشفته طول حياتي الا ولاول مرة قبل اسبوعين!!
الله لا يرجنا00البلا بابوي المرجوج(استغفر الله العظيم) والدليل انه مرة قال لنا (انتم مو عيالي وبناتي00انتم مثل اخواني وخواتي00بيننا علاقة صداقة اكثر من علاقة ابوة)00والمشكلة ان اخوي الدلخ قاله يبه دامنا مثل اخوانك اجل ليه اقول لك (يبه)؟؟
يا ربي!!!
ابوي مثل هذيك النكته الي تقول: واحد جالس مع ولده يتعشون00قال ولده لاخوه كل حمارقام قال الابو لولده: لا تقول حمار مرة ثانية يا كلب!!!
اقول لكم شي؟ رغم ان عندي 20 اخ واخت صغار وكبار من جميع ومختلف الرجات والاحجام والاعمار والاشكال الا انني افتقد وجود اخ او اخت صغار عشان احن عليهم00واسوي مثل خوياتي الي كل يوم اخوانهم ينشبون بحلوقهم في المدرسة الي تبي اختها الكبيرة تشيل لها الشنطة والي تبي ريال00رغم ان الشيل يوجع والصرف يفقر بس انا والله اتمنى اسوي هالاشياء لو عندي اخوان عايشين معاي ومتربين مع بعض000
نصيحة اخوية( كل مرجوج لازم يحمد الله على اخوه الطفل المرجوج00حافظوا يالمراجيج على بعض)
وبالاخير بغيت اقول ان مومضوعي كان يشبه المثل الي يقول(عصفور باليد ولا عشرة على الشجرة)00
على كثر اخواني على قلة نفعهم وجمعتهم00
والسلام عليكم والرحمة00
هاهاها كنت امزح00ابي اكمل مابدأت به00يوم من الايام رحنا الاسطبل حق الخيول00وكان الوقت بالليل يعني وقت العشاء00عاد كانت فيه كلاب كثيرة كالعادة عشان تحرس الخيول والاسطبل00المهم كانت فيه كلبة شحليلها00تجنن00عرفتني اختي عليها00وتعرفت على الكلبة وشمت ريحتي وانا على بالي يوم هي قاعدة تشمشمني انها تبي تعضني الله يطول بعمر سنانها مدري نيابها00وانا من الخوف الله لا يوريكم الي صار بي00تخيلوا قعدت اركض وهي تلاحقني واحر ماعندي ابرد ماعندها ذي الكلبة!! واستمريت في الهرولة ليمن وصلت حافة البلكونة الي تطل من الطابق الثالث00وانا مابين الكلبة والموت00والله اني في لحظة من اللحظات التي لاتصيب الا المراجيج بغيت اقمز من البلكونة على الفرشة الي في الحوش تحت من الطابق الثالث00والحمدلله ربك ستر00سبحان الله الانسان الي على نياته ومرجوج وخبل اذا طاح في موقف عصيب بينجى منه باذن الله مو بذكائه بل لان الله يرحمنا برحمته00المهم الكلبة شمتني عشان تميز ريحتي مرة ثانية00(هذه اجراء تفعله الكلاب عادة باصحابها حتى لا جا حرامي ماتركض ورا صاحبها بل وراء الحرامي)00وانا عاد من ذاك اليوم حرمت اجي من عند القسم الي هي متواجدة فيه00جيت سحبتها على جنب وقلت لها فكيني من شرك ياكلبة مفترية ولاعاد اشوفك او تشوفيني00وانا والله كنت طول الوقت اكلم نفسي00مدري ليه ماردت علي؟؟
المهم يوم من الايام الي هو هذاك اليوم الي رحنا فيه للاسطبل الي ياليته مانوجد00وانا ياغافلك الله رايحة وضاربة مشواار يم الجنادرية00عشان ايش؟ عشان صدفة التقي بالكلبة00ماحد قال لي انهم نقلوا الكلبة من القصر الى الاسطبل00والمهم اننا تعشينا التيس وتيسناه بالعافية(الله يعافيكم)وانا لحد الحين مدري ان الكلبة فيه00
ففي لحظة من اللحظات طق على باب خيمتنا(الي يسمعني يقول باب حديد؟) عامل سوداني يبي يقول لنا اننا لاخلصنا من العشاء نستطيع الذهاب اليه حتى يصب علينا التايد والماء00عاد انا من الخبال الي فيني قمت اول واحدة من بين اخواني وطلعت وغسلت قبال الخيمة ومادريت الا واذني تسمع صوتا مالوفا؟؟ ياترى ماهو ذلك الصوت المرعب؟
اوه يا إلهي انها تلك الكلبة الكلبة(لاحظوا الكلبة الكلبة)00ماذا افعل؟ هل استنجد باخي السمين؟ كي يحاربها؟
بالله شلون كراعيني تبي تصارعها00مافي حل الا اني اهرول يم اخي السمين00
يوم اني هرولت ووصلت الخيمة حقت العيال00اكتشفت ان اخي السمين قاعد ومبسط عند الصحن الين الحين!!
ياربي شسوي؟؟
نهاية القصة قعدت انا واختي نركض اليمن تقسمت عظامي الى قسمين: قسم يمر الان بمرحلة التكسر وقسم قد تكسر!!
المهم رحت المدرسة يوم السبت00واول ماوصلت كان علينا حصة تعبير00قالت الابلة يلا يا بنات ابيكم اليوم تكتبون اثار السمنة ومضارها على الانسان00
انا على طول شاركت ورفعت اصبعي00(وانا ماقد بحياتي شاركت)00فاالابلة تطالع اصبعي وماهي مصدقة؟ تمر من عندي ولا كانها تمر من عندي00(تحسبني شبح)!! بالاخير يا ابلة قديمك نديمك00ماحد رفع اصبعه غيري ووقفتني عشان اجاوب00كان جوابي هو:
(من اثار السمنة ومن مضارها ان الانسان اذا قعد عند الصحن خلاص ينسى ان له اخوان ممكن بأي لحظة اخوه يحتاج منه فزعه00ولا يقوم السمين00السمين لا شاف الصحن نسى حتى اسمه وانه عنده اخت تبي منه يشيلها فوق عشان الكلبة ماتطولها00) الابلة فتحت افمها وماردت00
وسلامتكم
هلا والله بالرجة واهل الرجة والمرجوجين كل ابوهم وانا اولهم00يسعدني ويشرفني ان اكتب موضوع يقرأه ناس مرجوجين مثلكم00الله يصونكم00قولوا آمين00
موضوعي غريب جدا جدا جدا00 لدرجة اني ماتوقع فيه احد قد صدفته مثل هالقصة00عموما انا مرة اقول عن الي بكتبه موضوع ومرة قصة00الله يعينكم علي00بلاني مرجوجة!
انا من عائلة مكونة من اكثر من 20 ولد وبنت ماشا الله00زين؟ 10 بنات و10 عيال الله يحفظنا كل ابونا رجة والله يحفظ كل مرجوج لاخوه00
ابوي مطلق امي بعد قصة حب ومعاناة بسبب الحماوات حسبي الله عليهم00وابوي تزوج كثير ليمن جاب عيال كثير00وهو الحمدلله مستور ومرتاااح لاخر درجة00بس المشكلة الكبيرة انه وبسبب كثرة عددنا صرنا منقسمين لاحزاب من ناحية الي امه مطلقة والي امه ساكنة في البيت الكبير الرئيسي(القصر) والي امه طالعة في بيت ثاني ومستقلة00وبالتالي انقسمنا الى 3 احزاب مختلفة من ناحية اللهجة بحكم زواج ابوي من بنات قبايل متنوعه مثل الدواسر و القحاطين والعنوز الخ---0 فكانت هذه الثلاثة احزاب هي اولا: 1- حزب عيال ام ريحة0
2-حزب عيال سوير0
3-حزب المطلقات0
وانا من حزب المطلقات انا البنت الوحيدة بينهم00وكلهم عيال الباقين00وهم بالنسبة لي اقرب من خواتي00رغم اني بنت!! ولو سألتوني من افضل اخ او اخت بين العشرين؟باقول شعلول قلبي والمرافق الدائم لي والمحامي والمدافع والمنقذ والطيب وكاتم الاسرار والحنون الي يخليني أحط راسي عليه وانام بالطريق في السيارة من الخرج الى الرياض!!
المهم ان سالفتي العظمى والغريبة و(الزبدة) اني لا قعدت بين اخواني كأنني قاعدة في خيمة حجيج ولا في فصل مدرسة00ولا ركبنا السيارات(ولاحظوا كلمة السيارات مو السيارة)نصير كاننا قافلة حجيج00
مانشوف بعضنا الا كل عيد ومرات قعدنا سنتين والله ماشفنا بعض!
ولا وياليت اننا اذا تجمعنا نفهم بعض؟ لا00كل يسولف بلغة00وبلهجة00الحمدلله والشكر00لا والمشكلة نحمل نفس الاسم00لدرجة ان عندي اخ ماشفته طول حياتي الا ولاول مرة قبل اسبوعين!!
الله لا يرجنا00البلا بابوي المرجوج(استغفر الله العظيم) والدليل انه مرة قال لنا (انتم مو عيالي وبناتي00انتم مثل اخواني وخواتي00بيننا علاقة صداقة اكثر من علاقة ابوة)00والمشكلة ان اخوي الدلخ قاله يبه دامنا مثل اخوانك اجل ليه اقول لك (يبه)؟؟
يا ربي!!!
ابوي مثل هذيك النكته الي تقول: واحد جالس مع ولده يتعشون00قال ولده لاخوه كل حمارقام قال الابو لولده: لا تقول حمار مرة ثانية يا كلب!!!
اقول لكم شي؟ رغم ان عندي 20 اخ واخت صغار وكبار من جميع ومختلف الرجات والاحجام والاعمار والاشكال الا انني افتقد وجود اخ او اخت صغار عشان احن عليهم00واسوي مثل خوياتي الي كل يوم اخوانهم ينشبون بحلوقهم في المدرسة الي تبي اختها الكبيرة تشيل لها الشنطة والي تبي ريال00رغم ان الشيل يوجع والصرف يفقر بس انا والله اتمنى اسوي هالاشياء لو عندي اخوان عايشين معاي ومتربين مع بعض000
نصيحة اخوية( كل مرجوج لازم يحمد الله على اخوه الطفل المرجوج00حافظوا يالمراجيج على بعض)
وبالاخير بغيت اقول ان مومضوعي كان يشبه المثل الي يقول(عصفور باليد ولا عشرة على الشجرة)00
على كثر اخواني على قلة نفعهم وجمعتهم00
والسلام عليكم والرحمة00
هاهاها كنت امزح00ابي اكمل مابدأت به00يوم من الايام رحنا الاسطبل حق الخيول00وكان الوقت بالليل يعني وقت العشاء00عاد كانت فيه كلاب كثيرة كالعادة عشان تحرس الخيول والاسطبل00المهم كانت فيه كلبة شحليلها00تجنن00عرفتني اختي عليها00وتعرفت على الكلبة وشمت ريحتي وانا على بالي يوم هي قاعدة تشمشمني انها تبي تعضني الله يطول بعمر سنانها مدري نيابها00وانا من الخوف الله لا يوريكم الي صار بي00تخيلوا قعدت اركض وهي تلاحقني واحر ماعندي ابرد ماعندها ذي الكلبة!! واستمريت في الهرولة ليمن وصلت حافة البلكونة الي تطل من الطابق الثالث00وانا مابين الكلبة والموت00والله اني في لحظة من اللحظات التي لاتصيب الا المراجيج بغيت اقمز من البلكونة على الفرشة الي في الحوش تحت من الطابق الثالث00والحمدلله ربك ستر00سبحان الله الانسان الي على نياته ومرجوج وخبل اذا طاح في موقف عصيب بينجى منه باذن الله مو بذكائه بل لان الله يرحمنا برحمته00المهم الكلبة شمتني عشان تميز ريحتي مرة ثانية00(هذه اجراء تفعله الكلاب عادة باصحابها حتى لا جا حرامي ماتركض ورا صاحبها بل وراء الحرامي)00وانا عاد من ذاك اليوم حرمت اجي من عند القسم الي هي متواجدة فيه00جيت سحبتها على جنب وقلت لها فكيني من شرك ياكلبة مفترية ولاعاد اشوفك او تشوفيني00وانا والله كنت طول الوقت اكلم نفسي00مدري ليه ماردت علي؟؟
المهم يوم من الايام الي هو هذاك اليوم الي رحنا فيه للاسطبل الي ياليته مانوجد00وانا ياغافلك الله رايحة وضاربة مشواار يم الجنادرية00عشان ايش؟ عشان صدفة التقي بالكلبة00ماحد قال لي انهم نقلوا الكلبة من القصر الى الاسطبل00والمهم اننا تعشينا التيس وتيسناه بالعافية(الله يعافيكم)وانا لحد الحين مدري ان الكلبة فيه00
ففي لحظة من اللحظات طق على باب خيمتنا(الي يسمعني يقول باب حديد؟) عامل سوداني يبي يقول لنا اننا لاخلصنا من العشاء نستطيع الذهاب اليه حتى يصب علينا التايد والماء00عاد انا من الخبال الي فيني قمت اول واحدة من بين اخواني وطلعت وغسلت قبال الخيمة ومادريت الا واذني تسمع صوتا مالوفا؟؟ ياترى ماهو ذلك الصوت المرعب؟
اوه يا إلهي انها تلك الكلبة الكلبة(لاحظوا الكلبة الكلبة)00ماذا افعل؟ هل استنجد باخي السمين؟ كي يحاربها؟
بالله شلون كراعيني تبي تصارعها00مافي حل الا اني اهرول يم اخي السمين00
يوم اني هرولت ووصلت الخيمة حقت العيال00اكتشفت ان اخي السمين قاعد ومبسط عند الصحن الين الحين!!
ياربي شسوي؟؟
نهاية القصة قعدت انا واختي نركض اليمن تقسمت عظامي الى قسمين: قسم يمر الان بمرحلة التكسر وقسم قد تكسر!!
المهم رحت المدرسة يوم السبت00واول ماوصلت كان علينا حصة تعبير00قالت الابلة يلا يا بنات ابيكم اليوم تكتبون اثار السمنة ومضارها على الانسان00
انا على طول شاركت ورفعت اصبعي00(وانا ماقد بحياتي شاركت)00فاالابلة تطالع اصبعي وماهي مصدقة؟ تمر من عندي ولا كانها تمر من عندي00(تحسبني شبح)!! بالاخير يا ابلة قديمك نديمك00ماحد رفع اصبعه غيري ووقفتني عشان اجاوب00كان جوابي هو:
(من اثار السمنة ومن مضارها ان الانسان اذا قعد عند الصحن خلاص ينسى ان له اخوان ممكن بأي لحظة اخوه يحتاج منه فزعه00ولا يقوم السمين00السمين لا شاف الصحن نسى حتى اسمه وانه عنده اخت تبي منه يشيلها فوق عشان الكلبة ماتطولها00) الابلة فتحت افمها وماردت00
وسلامتكم