تبون تعرفون شو هو البق بق...؟؟ [الارشيف]

ماروكو الصغيرة

09-12-2002, 12:03

السلام عليكم
سمعتوا قصه البق بق؟

المهم هذا واحد راح يخطب بنت عند ابوها
راح الاب سال عنه وطلع الولد ما عليه كلام ... ادب واحترام وسمعه
قال للولد : انا مابي اتشرط عليه وما ابغي اغلي في المهر والمصاريف لانك انت راح تستر على بنتي ...
بس ابي اختبرك اذا نجحت في الاختبار بنتي راح تكون من نصيبك...... قال له الاب : ابيك تجيب لي معنى البقبق.

تعجب الولد وقال له حاضر

راح سأل ربعه وما عرفوا .....دور في القواميس والمعاجم
ما لقى شي ....... تم على هالحاله اسبوع ورد لابو البنت وقال له ماعرفت معناها
قال له الابو .... يوم بتعرف معناها تعال لي ... قال له الولد : زين بحاول
راح وعرض مشكلته على الخادم الهندي اللي في البيت
قال له الخادم : هذا معناه ما يعرفه الا وحده عيوز ساكنه قريب تاج محل في الهند....... روح هناك بتلقى الحارس واسالها عن العيوز وبيوديك عندها.
راح الولد الهند لين ما وصل عند العيوزسالها قالت له ما اعرف معناه بس بادلك على واحد يعرف معناه
الولد من كثر حبه للبنت قال زين وين مكانه.
قالت له روح اسبانيا..... عند حلبه مصارعه الثيران.. بتلقى اللي يعلق على المباراه وعلى يمينه واحد يالس اساله بيقول لك.....
سافر اسبانيا ودش حلبه المصارعه.... (زين ما نطحه الثور)
ساله عن البقبق قال له ما اقدر اقول لك بس بدليك على الشخص اللي بيقول لك....
روح امريكا عند البيت الابيض بتلقى شباب وبنات يالسين على دراجات ناريه روح واسالهم ......

سار الولد امريكا وسال عن البيت الابيض فمسكوه الاستخبارات هناك لانهم فكروه ارهابي ...... بعد ما حاول وياهم هدوه ودلوه على البيت الابيض بشرط يسير بحراسه......
حصل الشباب والبنات هناك سالهم عن البقبق .. قالوا له تعال ويانا ...سار وياهم
خذوه وودوه الشاليه اللي يسهرون فيه ...... قالوا له تلعب ويانا ورقه لو فزت بنقول لك عن البق بق ..... لعب وياهم حكم 6 وفاز عليهم . قالوا له زين
سير الغبات الاستوائيه في المنطقه الفلانيه تحت الشجره الفلانيه بتلقى شيبه يالس ......
اساله وبيقولك معناها
راح الولد للغابات الاستوائيه .... راح للمكان اللي فيه الشيبه
سال الشيبه عن البق بق ... قال له البقبق ما يعرف معناه في العالم الاوحده عيوز بتحصلها في تاج محل.......
قال له الولد: انا سرت عندها بس قالت لي سير اسبانيا وما قالت لي معناها
قال له الشيبه: العيوز قالت لك جذي عشان تتحرك شوي وتاخذ خبره في الحياه
..... سير هناك وانا باتصل لها وبوصيها عليك
سار الولد الهند..... وصل للعيوز| قالت له تعال وراي
دشوا تاج محل قالت افتح الباب .... فتحه ...تقريبا مر على 14 باب
قالت له شوف تحتك ....شاف حفره
قالت له انزل وييب الصندوق
نزل وياب الصندوق........
بغا يفتحه .... قالت له اصبر خلنا نسير عند البحيره وهناك بنفتحه.
فتحوه عند البحيره لقا داخه صندوق عليه قفل..... قالت له اكسر القفل...
كسره القفل... لقا صندوق فيه قفل ثاني لكن ينفتح برقم سري
قالت له لاتكسره بس خمن الرقم لين ينفتح
.................................
بعد 6 ساعات لقا الرقم وفتح الصندوق لقا فيه 4 علب
قالت له العيوز عق العلب في البحيره والصندوق اللي بيغرق طلعه
عقاهم في البحيره 3 صناديق طفت على الماي
صندوق واحد غرق
قالت له افتحه
فتحه لقا فيهم حصاتين.......
قالت عقه في البحيره .... عقاهم
قال له شو سمعت؟
قال سمعت صوت الحصا يطيح في الماي (بق بق)
قالت له هذا هو البق بق ....

منقول...

Loki

09-12-2002, 14:14

مشكووره على المعلومااااات::جيد::

الطائر الجريح

09-12-2002, 16:14

السلام عليكم ...

ههههههههههههههههههههههههههههههههههههههههههههههه

والله موضوووووووووووع روعة روجينا

الحين لف العالم وحالة واخر شي علشان يرمي حصاة في البحيرة ..

والله الحالة

بس مشكوووووووووووورة ::جيد:: ::جيد::

كاسح

09-12-2002, 19:00

وجججججججججججججججججججع::غضبان:: ::غضبان:: ::غضبان:: ::غضبان::

قهررررر وربي لو مكان الولد ما اخطب البنت لو ايش..:غول:

لان لان

09-12-2002, 19:07

والله اول شي اذبح العيوز بعدين اذبح ابو العروس وبعدين العروس وافتك الحين فاريني الدنيا عشان بق بق

تسلمين يا روجينا ومشكوره على القصه ::جيد:: ::جيد:: ::جيد:: ::جيد:: ::جيد::

غريب

10-12-2002, 00:40

مشكوره على الموضوع

حسان البطل

10-12-2002, 02:27

مشكورة الى الموضوع جميل روجينا::سعادة::

ليدي أوسكار

10-12-2002, 02:49

خهخهخهخهخهخخه

اخخخ ياعيوني انحولت وانا اقراا:غول:

عسى عمره مااتجوز دي البنت وجعععع

يسلمووووو روجينا على القصه الحلوه:)

Sh@kira

10-12-2002, 03:27

الف شكر لك روجينا عالقصة اللي تقهر اللي ماينقهر خخخخخخخخخ:D :D

مشكورة ....

بااااي..::جيد::

ماروكو الصغيرة

10-12-2002, 14:25

مشكورين على الرد .......;) ;)

قهرتكم وايد :p :مكر:

MoOoN

10-12-2002, 15:37

ههههههههههههههههههههههههههاااااااي

يؤؤؤؤؤؤؤ بالعكس انا ما انقهرت

والله لو انهاااااا مييييييييييييييين ما اقعد ادووووووووور هنا وهناك

مشكوووووووووورة روجينا

::جيد:: ::جيد:: ::جيد::

*جودي*

10-12-2002, 16:14

صدق والله قهر شووووو هااااااااااااااااااااااااااااا:mad: :mad: :mad:

بس مشكووووره حبيبتي روجينااااااا