كـرراسـة تفصيل غيـر شكـل Xd

[kawther]

بسم الله الرحمن الرحيم


http://www.q8boy.com/uploads/e6fd727721.gif

السلام عليكم و رحمة الله و بركاته

وااه من الموضـوع .. كلّ ودي اكتب بس ماكتب شي بس عشاني اتكاسل ، احب اكتب مواضيع عشان اشوف الردود بس (>>هههه بريئه) .. و الله احب ردود الاعضاء خصوصاً اللي تكوون طوييلـة .. بس المشكلة اني بتوهق فيها بعدين و مابيمديني ارد على كل أحد أول بأول بسبب ضيق الوقت و "الكسل ترا له دور اساسي بالقضية هههههه ..
شلــوونكم إيفري بادي .. زينيـن ..، :سعادة2: ..؟ آآ أكيـد زينين لأن اهم شي الصحة ، واحد مريض بالله شمدخله المنتدى .. أما اللي مسوي نفسه طفشان و زهقان .. تركوه هذا عيّار ماعرف يستغل وقته XD ->بيجيج طراق على راسج الحين
ألحيـن بصراحة متوهقة انا .. و مو عارفة شلون أسرد الموضوع .. بس إلا إلا .. اكتب موضوع خربوطي تافه يعني اكتب موضوع خربوطي تافه ، و لو اني للحين مو عارفة شلون ههههه ..-->أففف يامكثر ماتبربر

عندكم اختي الصغيرة .. طلبت من بنت خالي تعطيها كراسة التفصيل حقها عشانها بتجي تدرس هني السنة الدراسية الجاية تبيها عشان تساعدها تقدر تبوق منها الغزر و الباترون لما تتوهق فيها ..و خصوصاً انها ماكانت تدرس هالمادة ..، المهم .. بنت خالي الكريمة جابت تفصيلها "الموقّر" و بصـراحة كللش كان مميز .. مثله جذي بصراحة ماعتقد فيه ، تف تف عن الحسد ماشاء الله لا إله إلا الله ..، و مااخفي عليكم اني ترددت قبل لا اعرضه عليكم لأني خفت ان احد يصيبها بعين و هي مافيها شّدة .. يلا قولوا ماشاء الله قبل لا تشووفـون أو اطلعوا .. !

http://www.q8boy.com/uploads/e6fd727721.gif

أول شـي الغلاف .. عبارة ترحيبيه من أولها .. ماشاء الله شوفوا شنو مكتوب بالاحمر .. الله على الذووق .. بس ماستغربت انا بصراحة بعد ماخذت جوله بداخل الابداع هذا !
http://www.mexat.com/vb/attachment.php?attachmentid=130264&d=1153157418

http://www.q8boy.com/uploads/e6fd727721.gif

أول درس .. و آخر درس .. الدرس الوحيد المكتوب .. هههه و حقيقة استغربت وجوده .. الله على شطارتج يابنت خالوو ، مكلفة على عمرج كاتبة الدرس كامل
http://www.mexat.com/vb/attachment.php?attachmentid=130265&d=1153157418

http://www.q8boy.com/uploads/e6fd727721.gif

أووه حاطة ساكورا بعد ! بس دايماً الحلو مايكمل .. و مايدرى هذي كراسة و لا شات ؟ أحلى شي التعليقات اللي بالازرق ، الله عليها جرأءة ،
http://www.mexat.com/vb/attachment.php?attachmentid=130266&d=1153157418

http://www.q8boy.com/uploads/e6fd727721.gif

ثانـي درس .. انشط من هالبنت صراحة مافيه .. اصلاً ينعرف هالشي من تشوف عبارة ( ن.ك ) "اختصار لـ انظري الكتاب" ، عاد و ياليتها مسوية الغرزة عالاقل برد قلب الابلة .. و الشات للحينه مستمر..
http://www.mexat.com/vb/attachment.php?attachmentid=130267&d=1153157418

http://www.q8boy.com/uploads/e6fd727721.gif

أمـاا هـذي لاااازم لااازم ياخذونها للمتحف .. الغـــرزة الوحيدة من فتحت المداارس .. الله يامحلى الصح عليها ، استغرب وجودها انا بس !
http://www.mexat.com/vb/attachment.php?attachmentid=130268&d=1153157418

http://www.q8boy.com/uploads/e6fd727721.gif

ليش هالتزيين كله و لاصقة اوراق و مشوار اذا كانت ماتكتب فيه شي .. خخخ مظاهر بس ، ماعرفت اقرأ وش المكتوب بالاحمر .. في احد يساعدني ؟
http://www.q8boy.com/uploads/3759bc9d2f.jpg

http://www.q8boy.com/uploads/e6fd727721.gif

و الله راايقة و المهزلة مستمـرة .. بس هني خذت راحتها البنت عدل !!
http://www.q8boy.com/uploads/cf552870d5.jpg

http://www.q8boy.com/uploads/e6fd727721.gif

هـذي الغرزة .. كااانت موجودة .. لأن باين آثار الصمغ من قماش وردي ، خخخ
http://www.q8boy.com/uploads/43c436efdc.jpg

http://www.q8boy.com/uploads/e6fd727721.gif

ايي اشوه ، وقفت ماتلصق الورق .. و تسوي زحمة على لاشي .. البنت حدها مو فاضيه!
http://www.q8boy.com/uploads/bb47f5d324.jpg

http://www.q8boy.com/uploads/e6fd727721.gif

ههههه هنــي هُزلت .. من جد هُـزلت .. و البنت خذت راحتها عالأخيـــر و لاّ شجاب الهيكل ابو العلوم لكراسة التفصيل و الخياطة ..!
http://www.q8boy.com/uploads/f099b3fab4.jpg

http://www.q8boy.com/uploads/e6fd727721.gif

هنـي من جد تعاطفت مع الابلة مسكينة وااقلبو عليها :بكاء: ، المسكينة صابرة على هالبنت عشانها تعرف امها بس ..بس تدرون شكلها طيبة و على نياتها ..يلا الله يمنحها الصبر .. و إن شاء الله بيكون جزاءها الجنه ..!
http://www.q8boy.com/uploads/2eebc48a5f.jpg

http://www.q8boy.com/uploads/e6fd727721.gif

بس خلصواّ .. هذي كل الاوراق بالكراسة .. اعطيكم اياها مثال على تهاون الطلاب و استخافهم بالمعلمين .. صراحة شي يعوّر القلب .. بس بيني و بينكم يستاهلون !

أخيـراً فيني اعرف كل واحد فيكم شلون كان ايام المدرسة .. عاقل و لا محايد و لا من اعداء هيئة التدريس ..؟
و ايش رايكم بالطلاب اللي يتهاونون بالحصص و المواد الدراسية .. و يقلبونها مهزلـة ؟
لو كنت مكان المدرس شلون بتتعامل مع استهتار الطلاب ..؟

http://www.q8boy.com/uploads/e6fd727721.gif


ممممم .. بس :p .. الموضوع خربوطي حيل و كتبته بدون لااراجعه او اخطط له .. على الاقل ازيد فيه مشاركاتي :رامبو: !!
شكـــراً لكم ^.^



تحياتي
KoRa

[Cαgαlli]

محجووووووووووووز
اما بنت خالة خخخ
.
.
بعد الحجز
وعليكم السلام ورحمة الله^^


وااه من الموضـوع .. كلّ ودي اكتب بس ماكتب شي بس عشاني اتكاسل ، احب اكتب مواضيع عشان اشوف الردود بس (>>هههه بريئه)
هههههههههه ماانت طول عمرك كسلانة <<:p قال تشوف الردود ونحنا ناكل هوا لارد ولاهم يحزنون::سخرية::

شلــوونكم إيفري بادي .. زينيـن ..، ..؟ آآ أكيـد زينين لأن اهم شي الصحة ، واحد مريض بالله شمدخله المنتدى .. أما اللي مسوي نفسه طفشان و زهقان .. تركوه هذا عيّار ماعرف يستغل وقته XD ->بيجيج طراق على راسج الحين
الحمد لله تمامو عايشين وماشين<<جد متفائلة بالحياة:D
خخخخخ جد انت الواحد مايسلم منج
انا طفشانة حيل وحدي يوه يوه توك من فترة قايلة لي ملللللل :D

بنت خالي الكريمة جابت تفصيلها "الموقّر"
حقيقة بتستحق عليه 100% يعني انا لو كنت معلمة كان توسطت لها لمدرسة العلوم كمان بتعطيها 100:D
http://www.mexat.com/vb/attachment.php?attachmentid=130265&d=1153157418
شفتوا قلت لكم خخخخخ علامة كاملة مافي لازم
انا صحيح انه الدروس كلها كاتبة عنها
بس بعترف بس سطرين عن كل موضوع:D


http://www.mexat.com/vb/attachment.php?attachmentid=130267&d=1153157418

شكلها شاطرة مرة بالخياطة لدرجة انها مستخدمة كل الغرز بالحفلات والتصميم
<-- شكلي بجيبها بعرسي مشان تخيط لي فستان الفرح:D

http://www.q8boy.com/uploads/f099b3fab4.jpg

احلا صورة ولأني احب العلوم<<بدا التملق
<--بلا كلام فاضي اقول احسن

بس خلصواّ .. هذي كل الاوراق بالكراسة .. اعطيكم اياها مثال على تهاون الطلاب و استخافهم بالمعلمين .. صراحة شي يعوّر القلب .. بس بيني و بينكم يستاهلون !
يستاهلون وبس والله لو بيدي بتعين مديرة مدرسة الحين:D
يعني كل وحدة عاملة روحها سيدة صفها:p
قال رياضيات يعني كأنا بنطلع الخورازمي
ولا الاحياء وياعيني على الترشيح<--شوفوا وين وصل الرهبة من هالمادة


أخيـراً فيني اعرف كل واحد فيكم شلون كان ايام المدرسة .. عاقل و لا محايد و لا من اعداء هيئة التدريس ..؟
و ايش رايكم بالطلاب اللي يتهاونون بالحصص و المواد الدراسية .. و يقلبونها مهزلـة ؟
لو كنت مكان المدرس شلون بتتعامل مع استهتار الطلاب ..؟
يعني ضروري تذكرينا خخخخ مااحنا بعطلة بنتي روحي استانسي شوي
<--- طــــفـــشــ!!!:p

سلام..

[missme]

صك راسي في الشاشة :d :ميت: من كثر الضحك

محجوز

ماعرف اكتب وانا اضحك جي :d
بااك .. !


احب اكتب مواضيع عشان اشوف الردود بس
خاطري اكتب ردي كامل باللون الاصفر عشان تندمين على هالجمله :p


طلبت من بنت خالي تعطيها كراسة التفصيل حقها عشانها بتجي تدرس هني السنة الدراسية الجاية تبيها عشان تساعدها تقدر تبوق منها الغزر و الباترون لما تتوهق فيها ..و خصوصاً انها ماكانت تدرس هالمادة ..،
خخ بايقه كتاب مواقف مضحكة ولا تفصيل :p


بنت خالي الكريمة جابت تفصيلها "الموقّر" و بصـراحة كللش كان مميز .. مثله جذي بصراحة ماعتقد فيه ، تف تف عن الحسد ماشاء الله لا إله إلا الله ..،
اي فعلا ..
لو كنا نستخدم دفتر تفصيل جان طلبت مالها بعد :نوم:


http://www.mexat.com/vb/attachment.php?attachmentid=130264&d=1153157418
مدرسة نذله !
خربت غلاف الدفتر :p


http://www.mexat.com/vb/attachment.php?attachmentid=130265&d=1153157418
خطها حلو :rolleyes:
بس شدخل الكورة في التفصيل
يمكن لن الكورة مفصله في الاساس :p
ول نشباك الهدف ايضا من ضمن الخياطة :p


http://www.mexat.com/vb/attachment.php?attachmentid=130266&d=1153157418
انا يوم أغيب
اكتب كنت غيبة
بس يعني في مواد ثانيـة :p


http://www.mexat.com/vb/attachment.php?attachmentid=130267&d=1153157418
ثانـي درس .. انشط من هالبنت صراحة مافيه .. اصلاً ينعرف هالشي من تشوف عبارة ( ن.ك ) "اختصار لـ انظري الكتاب" ، عاد و ياليتها مسوية الغرزة عالاقل برد قلب الابلة .. و الشات للحينه مستمر..
خخخخ حلوة في مخباي ! :p


http://www.q8boy.com/uploads/3759bc9d2f.jpg
ليش هالتزيين كله و لاصقة اوراق و مشوار اذا كانت ماتكتب فيه شي .. خخخ مظاهر بس ، ماعرفت اقرأ وش المكتوب بالاحمر .. في احد يساعدني ؟
على ماظن الاحمر أين التطبيق ,بس بنت خالتج شكتبت ماعرفت !


http://www.q8boy.com/uploads/cf552870d5.jpg
ايوه تحمليها ياأبله :p
وكنت اتحسب انا احنا شياطين :p


http://www.q8boy.com/uploads/43c436efdc.jpg
في مخباي مثلا :p


http://www.q8boy.com/uploads/f099b3fab4.jpg
بل قويــة :eek: :مرتبك: :ميت:


بس خلصواّ .. هذي كل الاوراق بالكراسة .. اعطيكم اياها مثال على تهاون الطلاب و استخافهم بالمعلمين .. صراحة شي يعوّر القلب .. بس بيني و بينكم يستاهلون !
هو بالنسبة لن يستاهلون .. يستاهلون أكثر ..
لكن مع ذلك .. لازم مانكون احنا مثل بنت خالتج الموقره :p


أخيـراً فيني اعرف كل واحد فيكم شلون كان ايام المدرسة .. عاقل و لا محايد و لا من اعداء هيئة التدريس ..؟
انا في الصف هادية مالي حس .. :نوم:
بس ساعات يعني يعني استخف لكن على ربعي مب على المدرسات ::مغتاظ::
الا في حال اكتب حرقاتهم :p


و ايش رايكم بالطلاب اللي يتهاونون بالحصص و المواد الدراسية .. و يقلبونها مهزلـة ؟
اولا من بين كل المواد اللي ندرسهـا ..
اعتقد خل الطالبات يتحسبونها مهزلة لين مايشبعون
التربية الاسلامية ^_& الدولة تعلمنا الدين وكل شي .. وهي بنفسها ماتنفذ
والحين صار عندنا مدراس مستقله اللي هو نظام اجنبي ومدرسات اجنبيات ^_& كتاب التربية الاسلامية مجرد اوراق مطبوعه بالابيض والاسود . يعني نفس اللي نشتريهم بريال
وكتاب الانجليزي والعلوم ^_* حدث ولا حرج .نسخه بريطانيه جاهزة مجهزة مافيها بهارات ولا تعديلات بكل الفضايح يايبينها لهم :نوم:
الصبيان صارو يدرسون موسيقى بعد ماكان هاي شي مش موجود بتاتا &_*بس مادة اختياريه :p
بس الشي الايجابي ان الكتب مفيده يعني تعلمنا عن الحياة
لكن تعالي عندي انا حكومي والهوا شرقي :p
الف كتاب وعشرات الاف الاوراق ..ولا كلمة تفيدنا في حياتنا :D
ماعدا ماده وحده وهي المهارات . ^_& .. لنها مادة ادبية رائعه من قلب والله احبها ودايما اييب فيها العلامة الكاملة :)


لو كنت مكان المدرس شلون بتتعامل مع استهتار الطلاب ..؟
ماعرف ^_&
انا الحين قد ماقدر احاول اني مالعوز المدرسات
عشان الله مايبليني بطالبات :مرتبك: :ميت:


الموضوع خربوطي حيل و كتبته بدون لااراجعه او اخطط له
لا بالعكس عجبني وفكرة رائعــة من قلب والله :cool:


على الاقل ازيد فيه مشاركاتي :رامبو: !!
خخ وايد عليج مشاركه وحده بصيرين بطله الحين :p

اوكي تسلمين كاثي ..
ولي عوده مع شي يخص التفصيـل .. بس اجيك ،،ان شاء الله مب ممسوح من الكمبيوتر :p

[Kaitoυ Jeanne]

وعليكم السـلام ورحمة الله وبركاته ..

هلا والله بكاوكاو كيفج اخبارج .. ؟ عرفتيني لو لا ..؟؟ اكييد ماعرفتيني :cool:


وااه من الموضـوع .. كلّ ودي اكتب بس ماكتب شي بس عشاني اتكاسل ، احب اكتب مواضيع عشان اشوف الردود بس (>>هههه بريئه) .. و الله احب ردود الاعضاء خصوصاً اللي تكوون طوييلـة .. بس المشكلة اني بتوهق فيها بعدين و مابيمديني ارد على كل أحد أول بأول بسبب ضيق الوقت و "الكسل ترا له دور اساسي بالقضية هههههه

هههه ياحليلج كوثر .. اهنا نتعب ونكتب ردين وبعدين الاخت تنسانا ولا ترد .. شفتي كيف :p


شلــوونكم إيفري بادي .. زينيـن ..، ..؟ آآ أكيـد زينين لأن اهم شي الصحة ، واحد مريض بالله شمدخله المنتدى .. أما اللي مسوي نفسه طفشان و زهقان .. تركوه هذا عيّار ماعرف يستغل وقته XD ->بيجيج طراق على راسج الحين

اكييد بخير والحمد لله مادامني في موضوعج ;)

بس ابغى اسألج وشو يعني XD ::مغتاظ:: .. لاني بصراحة هبـلة ولاافهم بسرعة :مرتبك: :ميت:


عندكم اختي الصغيرة .. طلبت من بنت خالي تعطيها كراسة التفصيل حقها عشانها بتجي تدرس هني السنة الدراسية الجاية تبيها عشان تساعدها تقدر تبوق منها الغزر و الباترون لما تتوهق فيها ..و خصوصاً انها ماكانت تدرس هالمادة ..، المهم .. بنت خالي الكريمة جابت تفصيلها "الموقّر" و بصـراحة كللش كان مميز .. مثله جذي بصراحة ماعتقد فيه ، تف تف عن الحسد ماشاء الله لا إله إلا الله ..، و مااخفي عليكم اني ترددت قبل لا اعرضه عليكم لأني خفت ان احد يصيبها بعين و هي مافيها شّدة .. يلا قولوا ماشاء الله قبل لا تشووفـون أو اطلعوا .. !

هالحركة كل نسويها .. متوارثة ماشاء الله :p

الغلاف خطير لولا العبارة الترحيبية ^^.. وخط بنت خالج يهبـل .


ليش هالتزيين كله و لاصقة اوراق و مشوار اذا كانت ماتكتب فيه شي .. خخخ مظاهر بس ، ماعرفت اقرأ وش المكتوب بالاحمر .. في احد يساعدني ؟

مثل ماقالت missme مكتوب أين التطبيق ؟ وبنت خالج رادة عليها (ههه مسكينة او مسكين ) >> كأن :rolleyes:


ههههه هنــي هُزلت .. من جد هُـزلت .. و البنت خذت راحتها عالأخيـــر و لاّ شجاب الهيكل ابو العلوم لكراسة التفصيل و الخياطة ..!

هههههههه من جد تضحك :ضحكة:
شسالفتها بنت خالج مع هالابلة المسكينة .. كسرت خاطري بصراحة ^^..بس أول مرة أشوف ابلة وتكتب بالعامية في خطابها خخخ عليها حركات معلمتكم :p


أخيـراً فيني اعرف كل واحد فيكم شلون كان ايام المدرسة .. عاقل و لا محايد و لا من اعداء هيئة التدريس ..؟

الحمد لله اني عاقلة .. :D لا ومؤدبة بعد (قولوا ماشاء الله ) خخ وبعد يقولوا الابلات عني نسمة خخ (ربيان نسمة ) .. لاني دائماً اسوي نفسي خجولة (قدام المعلمات طبعاً )..! >> شفتوا كيف :D


و ايش رايكم بالطلاب اللي يتهاونون بالحصص و المواد الدراسية .. و يقلبونها مهزلـة ؟

اممم احياناً يطلعوا حرتي في معلمات قاهريني .. لاني انا بصراحة ماقدر اتكلم الا بالموت بالموت .. وياريت لو تسمعني المعلمة (كل رفعي صوتج ..!! )
واحياناً اشتعل غيظاً من سخافات بعض البنات .. لانهم يتجاوزون حدودهم خصوصاً لما تكون المعلمة طيبة وعلى نياتها فيكون كل بنات الصف مشاغبين ولاعاملين حساب للحصة ولا للمعلمة ..


لو كنت مكان المدرس شلون بتتعامل مع استهتار الطلاب ..؟

ماتخيل نفسي اكون معلمة .. ^_~ ..

والحمد لله خلصنا اجوبة .. واشوى علينا ماعدنا تفصيل .. بلا غرز بلا خرابيط .. اهنا في مدرستنا نختار اما فنية او تدبير منزلي .. كذا اريح واحسن ^.^

ومشكورة حبيبـتي ع الموضوع الكيوت مثلج والخفيف ..وننتظر الإصـدار الخامـس من مجلتي .. على أحر من الجمر >> خخ :D
وسلمي لي على اختج الغالية دوكي .. ولاأنسى اكيد بنت خالج الجريئة واختج الصغنونة ^_^

وإن شاء الله ماطولت وايد .. بس انتين في البداية قلتِ تحبي الردود الطويلة .. فحبيت اطول بقدر الإمكان :p

ونشوفكِ على خيـر ..

تحيــاتي ..

[Li_Syaoran]

وعليكم السلام ورحمة الله وبركاته




ألحيـن بصراحة متوهقة انا .. و مو عارفة شلون أسرد الموضوع



:لقافة: كالعاده مثل ما تسردينه يطلع ابداع ما شاء الله





اكتب موضوع خربوطي تافه يعني اكتب موضوع خربوطي تافه



احلى شي ان مواضيعج تكون عن أشياء خربوطية ع قولتج :سعادة2:

بس مادري شلون تصير روعة يوم تكتبينها بأسلوبج ما شاء الله!!




و مااخفي عليكم اني ترددت قبل لا اعرضه عليكم لأني خفت ان احد يصيبها بعين و هي مافيها شّدة .. يلا قولوا ماشاء الله قبل لا تشووفـون أو اطلعوا .. !



XD يحليلي انا مصدق كنت وحاط في بالي اشوف تصاميم مخيوطه ولا شي!!!!


ههههه قوية والله!! :ميت: الله يعين!

من خاطر ماخذه راحتهاااا ×_×

بس للحق :تدخين: خطها حلو ما شاء الله.. ووايد متعبلة من التزيين :D مجتهده بس مو في مكانه




أخيـراً فيني اعرف كل واحد فيكم شلون كان ايام المدرسة .. عاقل و لا محايد و لا من اعداء هيئة التدريس ..؟

و ايش رايكم بالطلاب اللي يتهاونون بالحصص و المواد الدراسية .. و يقلبونها مهزلـة ؟
لو كنت مكان المدرس شلون بتتعامل مع استهتار الطلاب ..؟




:نوم: خليها ف الماضي احسن


شكراً كوكو عالموضوع ^^ استمري في خرابيطج تراها شي

[MaRy MaRz]

عاد تفصيييل :D

بصراحة ماده مالها داعي

احنا يعطونا تفصيل بس من ضمن التربيه الاسريه .. اسسسسسخف شي ::مغتاظ::

الا سوي جلابيه والا مادري شنو ::مغتاظ::

وانا نفس بنت خالتج بمادة الرياضيات غصب نكتب تلخيص كل درس .. يا عالم رياضيات شنلخص فيه ::مغتاظ::

وانا ماعطتهم السيين :D <<< يعني طاف او سحبة :D ..

دفتري خااالي جنه الشارع وقت نهائي كاس العالم :p

المهم بصراحة بنت خالتج اذهلتني :eek: عبالي انا شيطانه وقاهره المعلمات طلعت ولا شي :D

عيل تحط صورة هيكل عظمي وتكتب ويه معلمة خوله .. قووويه ههه :D

اما انظري الكتاب هاذي متعوده عليها انا .. بس حلووه في مخباي هههه والله وقوية عين بنت خالتج :D

سلمي عليها ;)

صح دفترها يجنن بس وشوووله المعلمة مشخبطه على الغلاف :mad:

عاد مدري شلون لها بارض تزين بالدفتر انا دفاتري كله حالتهم حاله .. بس اول يومين شحلوهم :rolleyes:

ثااانكيووو كوثر :cool:

[noufy]

هههههههههههههههه
الله يعين المدرسه

انا اعرف بنات هيك بالمدرسه بس لهدرجه ماعمري شفت

تسلمي على الموضوع

باااااااااااااااااااي

[**كرزة**]

هههههههههههههههههه ..!:D
ذكرتيني بنفسي ..!:p
ازين والون وارسم <<ام الروقان ..:ميت: !وفي الاخيييير الاقيه مكتب بالاحمر (( اين التطبيق ..؟ - اكملي .. - واشارات استفهام من كــل جهة ..! الخ ..)):تدخين: ::مغتاظ::
خخخخخخخخخخخ ..!:D :p

اوكي ..بايوو ..!::سعادة::
وشكرا على الموضوووع ..!:) ;)

[kawther]

السلام عليكم ..

واو كل هذي الردود لي انا :p ..!
تسلمون حبايب قلبي .. لي عودة ..

[Ladya]

أقول الردود مو حلال على بنت عمتي وحرم علي

يللا بسرعة ردوا أنا في احر من الجمر
ههههههههههه
مافي احلى من تفصيلي طبعاً (الثقة في النفس واصلة) هههههههه
ردودكم .... ^ـــــــ^
:p

ماقصرت فينيني الأمورة بت عمتي كوكو والله فرحتني

زين على الأقل انشهرت


لاحووول ترى أنا دايمأ مستعجلة يللا وروني ردوودكم

وينكم طال انتظاري..... ^^,ـــــــــ^^

مشكوووورين خواتي على الردوود أدري علشاني..
هههههههه ..^ـــــ^..

ميرسي كوثر حياتي آسفة الظاهر خربت عليج الردود*ــــ^
ههههههههه معليه بس تدرين عني>>ملقوفة<<هخهخهخه

[kawther]

مرحباً

http://www.q8boy.com/uploads/e6fd727721.gif

كاجالي



هههههههههه ماانت طول عمرك كسلانة <<:p قال تشوف الردود ونحنا ناكل هوا لارد ولاهم يحزنون::سخرية::

هههههههه ايه محد طقج على يدج و قال لج ردي :p


الحمد لله تمامو عايشين وماشين<<جد متفائلة بالحياة:D
خخخخخ جد انت الواحد مايسلم منج
انا طفشانة حيل وحدي يوه يوه توك من فترة قايلة لي ملللللل :D
ههههههههههههههه عااد انا اتكلم بشكل عام مو شغلي قلت انا او ماقلت .. مافي بعدين يصير تعصب :p >>شجاب ذا؟


شكلها شاطرة مرة بالخياطة لدرجة انها مستخدمة كل الغرز بالحفلات والتصميم
<-- شكلي بجيبها بعرسي مشان تخيط لي فستان الفرح:D
هههههههه .. اصلا مايحصل لج وحدة زيها عشان تجراين تروحين لغيرها :D

احلا صورة ولأني احب العلوم<<بدا التملق
<--بلا كلام فاضي اقول احسن
هيكل عظمي !! رعبي و انا صغيرة :مرتبك:

يستاهلون وبس والله لو بيدي بتعين مديرة مدرسة الحين:D
يعني كل وحدة عاملة روحها سيدة صفها:p
قال رياضيات يعني كأنا بنطلع الخورازمي
ولا الاحياء وياعيني على الترشيح<--شوفوا وين وصل الرهبة من هالمادة
هههههههههههههههه اي و الله ^___^ .. لا بس حقيقة نستفيد .. و نكتسب عالاقل معلومات عامة ..
اما عن التشريح ، فهذا يعودج على "تنظيف الدجاج" ببيت زوجج مستقبلا لجيتي بتطبخين :D

يعني ضروري تذكرينا خخخخ مااحنا بعطلة بنتي روحي استانسي شوي
<--- طــــفـــشــ!!!:p
استناستنا لما قلنا بس :rolleyes: .. عاد انا ان مابقيت المدرسة تجي فهذا عشان نوم الصبح اللي افقده .. و عشان مابقدر اشوف قمري كل يوم :لقافة:

تسلمين كوجي عالمرور حبيبتي نورتي الموضوع ^___^

http://www.q8boy.com/uploads/e6fd727721.gif

مسموو


خاطري اكتب ردي كامل باللون الاصفر عشان تندمين على هالجمله :p
متوحشة .. بس عادي انا لازم اظلل الرد ياحلوة و اقرا .. محد بتنعمي عيونه غيرج انتي :لقافة:


خخ بايقه كتاب مواقف مضحكة ولا تفصيل :p
مايندرى :p


اي فعلا ..
لو كنا نستخدم دفتر تفصيل جان طلبت مالها بعد :نوم:

للاسف .. و لا جان ماخليته يروح لغيرج :rolleyes: و لو .. تستاهلين انتي

مدرسة نذله !
خربت غلاف الدفتر :p
ههههههههه عاد و الدفتر :ضحكة:


خطها حلو :rolleyes:
ايه حيل !

لكورة في التفصيل
يمكن لن الكورة مفصله في الاساس :p
ول نشباك الهدف ايضا من ضمن الخياطة :p
خخخخخ الله اعلم يا برينجز المانيا :p


انا يوم أغيب
اكتب كنت غيبة
بس يعني في مواد ثانيـة :p
شجاب طاري الغياب الحين :موسوس: ؟

على ماظن الاحمر أين التطبيق ,بس بنت خالتج شكتبت ماعرفت !
كتبت ( هههه مسكينة ) !!


ايوه تحمليها ياأبله :p
وكنت اتحسب انا احنا شياطين :p
ههههههههههه


بل قويــة :eek: :مرتبك: :ميت:
قنبلة و انفجار مدووي :eek:


هو بالنسبة لن يستاهلون .. يستاهلون أكثر ..
لكن مع ذلك .. لازم مانكون احنا مثل بنت خالتج الموقره :p

صح صح .. عشان لكل شي حدود ;)

انا في الصف هادية مالي حس .. :نوم:
بس ساعات يعني يعني استخف لكن على ربعي مب على المدرسات ::مغتاظ::
الا في حال اكتب حرقاتهم :p
آهــااا .. ايه خلج جذي كافية خيرج و شرج

اولا من بين كل المواد اللي ندرسهـا ..
اعتقد خل الطالبات يتحسبونها مهزلة لين مايشبعون
التربية الاسلامية ^_& الدولة تعلمنا الدين وكل شي .. وهي بنفسها ماتنفذ
والحين صار عندنا مدراس مستقله اللي هو نظام اجنبي ومدرسات اجنبيات ^_& كتاب التربية الاسلامية مجرد اوراق مطبوعه بالابيض والاسود . يعني نفس اللي نشتريهم بريال
وكتاب الانجليزي والعلوم ^_* حدث ولا حرج .نسخه بريطانيه جاهزة مجهزة مافيها بهارات ولا تعديلات بكل الفضايح يايبينها لهم :نوم:
الصبيان صارو يدرسون موسيقى بعد ماكان هاي شي مش موجود بتاتا &_*بس مادة اختياريه :p
بس الشي الايجابي ان الكتب مفيده يعني تعلمنا عن الحياة
لكن تعالي عندي انا حكومي والهوا شرقي :p
الف كتاب وعشرات الاف الاوراق ..ولا كلمة تفيدنا في حياتنا :D
ماعدا ماده وحده وهي المهارات . ^_& .. لنها مادة ادبية رائعه من قلب والله احبها ودايما اييب فيها العلامة الكاملة :)

اوه :مندهش: !! اصلا هو المهم نتعلم و نخلص و بس ×__× .. كفاية عذاب شوفي كم سنة للحين .. هه و اخرتها جالسين بالبيت مجابلين العيال و المطبخ خخخ
خليها على الله :rolleyes:

>>مسموو ابي ادرس موسيقى :D


ا الحين قد ماقدر احاول اني مالعوز المدرسات
عشان الله مايبليني بطالبات :مرتبك: :ميت:
هههههههههه ... وش لج في التدريس يبط المرارة و يطلع لج قرون :ميت:


لا بالعكس عجبني وفكرة رائعــة من قلب والله :cool:
تسلمين حبي انتي احلى :رامبو:


خخ وايد عليج مشاركه وحده بصيرين بطله الحين :p

ههههههههههه اعني تزيد مواضيعي ^__^ .. و عشان اسولف معاكم اشتقت لكم انا



وكي تسلمين كاثي ..
ولي عوده مع شي يخص التفصيـل .. بس اجيك ،،ان شاء الله مب ممسوح من الكمبيوتر :p
الله يسلمج .. ها ؟ ممسوح و لا لا ؟ ... انا انطر ابي اشووف :p

تسلمين يابعدي عالرد العسل زيج ::سعادة:: و مستنيج ترجعين !!

http://www.q8boy.com/uploads/e6fd727721.gif

[kawther]

http://www.q8boy.com/uploads/e6fd727721.gif

ميكي


وعليكم السـلام ورحمة الله وبركاته ..

هلا والله بكاوكاو كيفج اخبارج .. ؟ عرفتيني لو لا ..؟؟ اكييد ماعرفتيني :cool:
منيحا :p بلى عرفتج .. انتي كايتو جيني و هل يخفى القمر ؟ ::سعادة::


هههه ياحليلج كوثر .. اهنا نتعب ونكتب ردين وبعدين الاخت تنسانا ولا ترد .. شفتي كيف :p

عااد الظروف شائت جذي :D >>عاد و الظروف

اكييد بخير والحمد لله مادامني في موضوعج ;)
دووم يارب تكوني بألف خيــر :p


بس ابغى اسألج وشو يعني XD ::مغتاظ:: .. لاني بصراحة هبـلة ولاافهم بسرعة :مرتبك: :ميت:

يسلمج ربي ياطويلة العمر .. اكس دي هذي ابتسامه بس مقلوبه .. الاكس عيون زي جذي >< و الدي ثم مفقوق .. فهمتي له ؟؟


هالحركة كل نسويها .. متوارثة ماشاء الله :p

الغلاف خطير لولا العبارة الترحيبية ^^.. وخط بنت خالج يهبـل .
هههههههه ^___^ انتي احلى


مثل ماقالت missme مكتوب أين التطبيق ؟ وبنت خالج رادة عليها (ههه مسكينة او مسكين ) >> كأن :rolleyes:
ههههههههه صـــح :D انا الثانية قدرت اقراها بس الاولى لا


هههههههه من جد تضحك :ضحكة:
شسالفتها بنت خالج مع هالابلة المسكينة .. كسرت خاطري بصراحة ^^..بس أول مرة أشوف ابلة وتكتب بالعامية في خطابها خخخ عليها حركات معلمتكم :p

اي مو اقول لج تحفة هالابلة :cool:

الحمد لله اني عاقلة .. :D لا ومؤدبة بعد (قولوا ماشاء الله ) خخ وبعد يقولوا الابلات عني نسمة خخ (ربيان نسمة ) .. لاني دائماً اسوي نفسي خجولة (قدام المعلمات طبعاً )..! >> شفتوا كيف :D
ماشاء الله .. انا بعد مبتليه بالادب و الحياء ... عشان جذي احاول اضاعف جرعات الشطانة عندي :لقافة:


اممم احياناً يطلعوا حرتي في معلمات قاهريني .. لاني انا بصراحة ماقدر اتكلم الا بالموت بالموت .. وياريت لو تسمعني المعلمة (كل رفعي صوتج ..!! )
واحياناً اشتعل غيظاً من سخافات بعض البنات .. لانهم يتجاوزون حدودهم خصوصاً لما تكون المعلمة طيبة وعلى نياتها فيكون كل بنات الصف مشاغبين ولاعاملين حساب للحصة ولا للمعلمة ..
هههههه مهزلة صدقتي ^__^ بس شنسوي هذا حالنا .. انا اكره لما تجي مجموعة من الطالبات الاباليس و يخربون بكل بساطه على الصف كله !! بسبه انهم حبوا يتسلون شوي ..

ماتخيل نفسي اكون معلمة .. ^_~ ..

والحمد لله خلصنا اجوبة .. واشوى علينا ماعدنا تفصيل .. بلا غرز بلا خرابيط .. اهنا في مدرستنا نختار اما فنية او تدبير منزلي .. كذا اريح واحسن ^.^

هههههههه حلو ^.^

ومشكورة حبيبـتي ع الموضوع الكيوت مثلج والخفيف ..وننتظر الإصـدار الخامـس من مجلتي .. على أحر من الجمر >> خخ :D

العفو حبيبتي .. بس الاصدار الخامس انسي !! هههههههه


وسلمي لي على اختج الغالية دوكي .. ولاأنسى اكيد بنت خالج الجريئة واختج الصغنونة ^_^

كلهم يسلمون عليج حبيبتي

وإن شاء الله ماطولت وايد .. بس انتين في البداية قلتِ تحبي الردود الطويلة .. فحبيت اطول بقدر الإمكان :p

ونشوفكِ على خيـر ..

و انتي من اهل الخير ^__^ تسلم ايدينج على الرد الحلوو غناتي ..

http://www.q8boy.com/uploads/e6fd727721.gif

يتبــع

[The Crash]

والله أهلين بكوثر.... كيف الحال..
بصراحة بدي أسألك سؤال ..يعني شو هي (كراسة التففصيل) ^.^

أنا شخصياً كنت هادىء في المراحل التعليمية كلها ...و لكن هذا لا يعني أني كنت منتبه لى الدروس ^.^ و إنما كانت المدرسة مجال أكبر للتفكير بحلول الكمبيوتر ... و لكني كنت أدرس وحدي في المنزل ... و استطعت أن أحصل علامة في النهاية أهلتني لأدخل كلية الطب البشري.. ^.^

أما الطلاب الذين يستهترون بالحصص فنحن في النهاية لا نستطيع أن نفعل معهم شيئاً ولكن الشغلة بتصير بايخة مع التكرار يعني كل دقيقة بدو يعلق و يحكي ...

و المدرسين عادة ما بكونوا ودودين مع الطلابإلا ما ندر^.^ و لا أحب أن أفكر حتى في أن أكون أستاذ إلا اللهم دكتور في جامعة ..و هذا ما يرديه أهلي...
شكرا لك ..أي ها خلينا نشوف مواضيعك دائماً ^.^

[kawther]

http://www.q8boy.com/uploads/e6fd727721.gif


شاوران




:لقافة: كالعاده مثل ما تسردينه يطلع ابداع ما شاء الله

شكــراً شكــراً لاداعي لاداعي :D >>:confused:



احلى شي ان مواضيعج تكون عن أشياء خربوطية ع قولتج :سعادة2:



بس مادري شلون تصير روعة يوم تكتبينها بأسلوبج ما شاء الله!!

بجد تصير روعه .. مادري انا احسها ثقالة دم و بس ..! بس رايك شجعني شكرا لك يا شاوران :رامبو:


XD يحليلي انا مصدق كنت وحاط في بالي اشوف تصاميم مخيوطه ولا شي!!!!




ههههه قوية والله!! :ميت: الله يعين!


من خاطر ماخذه راحتهاااا ×_×

ههههههههههههههههههههههههههه



بس للحق :تدخين: خطها حلو ما شاء الله.. ووايد متعبلة من التزيين :D مجتهده بس مو في مكانه

اصلاً لو تدري التزيين تاخذ عليه نص العلامة .. لو مازينت فكأنك ماعندك تفصيل اصلاً :rolleyes:


:نوم: خليها ف الماضي احسن

^__^



شكراً كوكو عالموضوع ^^ استمري في خرابيطج تراها شي

العفـو شوش .. ^___^ إن شاء الله مستمرة ، و تسلم على الرد و على متابعة مواضيعي دايماً نورت الموضوع ::سعادة::


http://www.q8boy.com/uploads/e6fd727721.gif


ماري


عاد تفصيييل :D

بصراحة ماده مالها داعي

احنا يعطونا تفصيل بس من ضمن التربيه الاسريه .. اسسسسسخف شي ::مغتاظ::

الا سوي جلابيه والا مادري شنو ::مغتاظ::

هههههههههههه و الله صحيح مادري شنو مفكرينا نطلع :p و الله خياطات اخر زمن ! و على قولج مالها داعي

وانا نفس بنت خالتج بمادة الرياضيات غصب نكتب تلخيص كل درس .. يا عالم رياضيات شنلخص فيه ::مغتاظ::

وانا ماعطتهم السيين :D <<< يعني طاف او سحبة :D ..

دفتري خااالي جنه الشارع وقت نهائي كاس العالم :p

هههههههههههههههههه حليلج :D عاد و ماتحاجيج الابلة ؟ انا في دفاتر ماكتب فيها شي بس بشرط الابلة تكون مو مهتمه بالدفتر .. عدا ذلك اكمل كل دفاتري لاني احب اكتب ^___^

المهم بصراحة بنت خالتج اذهلتني :eek: عبالي انا شيطانه وقاهره المعلمات طلعت ولا شي :D

عيل تحط صورة هيكل عظمي وتكتب ويه معلمة خوله .. قووويه ههه :D

اما انظري الكتاب هاذي متعوده عليها انا .. بس حلووه في مخباي هههه والله وقوية عين بنت خالتج :D

سلمي عليها ;)

صح دفترها يجنن بس وشوووله المعلمة مشخبطه على الغلاف :mad:

اووكي يبلغ حبــي .. ::سعادة:: ههههههه عموماً انا جبتها معاي لهني بالموضوع .. :D

عاد مدري شلون لها بارض تزين بالدفتر انا دفاتري كله حالتهم حاله .. بس اول يومين شحلوهم :rolleyes:

هههههههههه رهيب يا اول يومين :D معقوله بالسرعة تملين و يخف الحماس :p

ثااانكيووو كوثر :cool:
ولكمووو ماري .. هذا اول احتكاك لي معاج مو ^_____^ حقيقة نورتي الموضوع تسلميين على الرد اللي يجنن ::سعادة::

http://www.q8boy.com/uploads/e6fd727721.gif

[kawther]

http://www.q8boy.com/uploads/e6fd727721.gif


نوفي



هههههههههههههههه


الله يعين المدرسه


انا اعرف بنات هيك بالمدرسه بس لهدرجه ماعمري شفت

بنات اخر زمن اقول لج :لقافة:



تسلمي على الموضوع



باااااااااااااااااااي

الله يسلمج اختي ::سعادة:: مشكورة عالمرور اللطيف


http://www.q8boy.com/uploads/e6fd727721.gif


كرزة


هههههههههههههههههه ..!:D
ذكرتيني بنفسي ..!:p
ازين والون وارسم <<ام الروقان ..:ميت: !وفي الاخيييير الاقيه مكتب بالاحمر (( اين التطبيق ..؟ - اكملي .. - واشارات استفهام من كــل جهة ..! الخ ..)):تدخين: ::مغتاظ::
خخخخخخخخخخخ ..!:D :p
ههههههههههه ياعيني عليج .. و الله انا ان كنت مزينه شي و خربته الابلة بقلمها الاحمر .. اقوم امسح كلامها بالمزيل :D >>شوفي قوة العين!


اوكي ..بايوو ..!::سعادة::
وشكرا على الموضوووع ..!:) ;)
العفـو عــزيزتي .. شرفتيني بردج ::سعادة::
http://www.q8boy.com/uploads/e6fd727721.gif
ليديا

أقول الردود مو حلال على بنت عمتي وحرم علي

يللا بسرعة ردوا أنا في احر من الجمر
ههههههههههه
مافي احلى من تفصيلي طبعاً (الثقة في النفس واصلة) هههههههه
ردودكم .... ^ـــــــ^
:pاقول ددومه .. جنج خربتي الموضوع :p ؟ الناس تحط رد واحد مو 3 ورا بعض .. بشات احنا :mad: ؟!!امزح وياج ولو لا تزعلين ^____^ و هذا مكسات حبيبتي اتمنى انه عجبج .. و تغيرت نظرتج السابقة له .. http://www.q8boy.com/uploads/e6fd727721.gif
إيــاس

والله أهلين بكوثر.... كيف الحال..

أهليـن كراش .. وين هالغيبة :p ، انا الحمد لله بخير انتوا اخباركم ..؟ وشلون الاوضاع عندكم بهالفترة هذي :نوم: ؟
بصراحة بدي أسألك سؤال ..يعني شو هي (كراسة التففصيل) ^.^

ممم .. التفصيل و الخياطة مادة تدرسها البنات هني بالسعودية تتعلم فيها التطريز و الحياكة و خياطة الملابس و اساسيات الباترون و غيره .. و عاد تدري بما انها مادة فلازم تكون لها كراسه تحفظ موادها ^_^

أنا شخصياً كنت هادىء في المراحل التعليمية كلها ...و لكن هذا لا يعني أني كنت منتبه لى الدروس ^.^ و إنما كانت المدرسة مجال أكبر للتفكير بحلول الكمبيوتر ... و لكني كنت أدرس وحدي في المنزل ... و استطعت أن أحصل علامة في النهاية أهلتني لأدخل كلية الطب البشري.. ^.^

ماشـاء الله عليك .. عيني عليك باردة .. ماعرف بس احسك بتكون رجل لامع مستقبلاً .. الله يوفقك ^_^

أما الطلاب الذين يستهترون بالحصص فنحن في النهاية لا نستطيع أن نفعل معهم شيئاً ولكن الشغلة بتصير بايخة مع التكرار يعني كل دقيقة بدو يعلق و يحكي ...
معك حق :rolleyes:

و المدرسين عادة ما بكونوا ودودين مع الطلابإلا ما ندر^.^ و لا أحب أن أفكر حتى في أن أكون أستاذ إلا اللهم دكتور في جامعة ..و هذا ما يرديه أهلي...
هههه .. الله يوفقك و يحقق لك كل امانيك يارب ::سعادة:: ..

شكرا لك ..أي ها خلينا نشوف مواضيعك دائماً ^.^
العفــو .. الشكر لك دكتور اياس :رامبو: .. شرفت الموضوع بردك .. http://www.q8boy.com/uploads/e6fd727721.gif

[Ladya]

الأعضاء المتواجدين "رساله مهمة">>مدري وين:p

أنا مو قصدي الصفحة اللي عن الهيكل العضمي أخليها بس أنا مرة متهاوشه مع الأبله وقمنا أنا وبنت قومنا الزلازل وبعد ماجينا من غرفة الإرشاد فتحنا التفصيل وسوينا للي سويناه..بس أنا كنت ناوية أمزعها والله بس نسيت>>حسبي الله علي<<:مذنب:

معلومة" أنا صاحبة مشكل في المدرسه وخصوصاً"الأبلات الطيبين":مكر:
:D :D خخخخخخخخخخ:D