ابغاكم بموضوع شاغل بالي؟؟؟ممكن

[ام القماري]

لسلام عليكم ورحمة الله وبركاته


كيفكم حبايبي ان شاء الله بخير
طيب ممكن قبل ماحد يقرء اللي اكتبه كل الوجوه تكون مبتسمه
مااحب احد يقرء كلامي وهو مكشر



المهم ياعسوولين
اكيد تدروا اني اعزكم واحبكم
عشان كده تجيني فلسفات مدري من فين
هو الموضوع هذا من زماااااان نفسي اتكلم معاكم بس صراحه مالقيت وقت
وممكن هذا الوقت انسب وقت لقيته



بصراحه شوفوا
قبل فترة لمن جات وفاء بن لادن وتستهزيء على الحجاب ومن هذا الكلام
انا مره طرطعت منها ونزلت موضوع عليها ومن جد ماخليتها ولابقيتلها
فجات وحده وتقولي طيب تتوقعي باسلوبك هذا حتسمع نصيحتك
قلتلها شوفي حبيبتي اذا هذي الاشكال سمحنالها تتكلم بهذي الطريقه عن الاسلام
حيتمادوا اكثر وأكثر
قالتلي لا ومدري ايش هي ماتعرف عن الاسلام شيء وطبيعي يكون كده كلامها
قلتلها اوكي ماتعرف على عيني وراسي بس ماتتهجم في شريعتنا وحكم من احكام الاسلام
المهم لاهي اقتنعت بكلامي ولا انا اقتنعت بكلامها
وبعد فتره جا خبر حق الدنمارك
استهزائهم برسول الله
رغم انه الجاليات جلسوا 3شهور يحاولوا يتكلموا معاهم انهم مايسيئوا بالنبي
لكن كانوا مطنشيهم
في هذا الوقت جلست افكر
طيب ايش اللي خلى امثال ذولا يتكلموا علينا بكل طلاقه
بدون مايخافوا مننا
بصراحه قلت يمكن الجواب اننا ماكنا نوقفهم عند حدهم في اول مره
عشان كده اتمادوا
بس هذا كان جوابي
وبعد فتره كده موبعيده شوفت محاضرة للاستاذ عمرو خالد
عن راحة قلوب الشباب
والله اني وانا بسمع المحاضره خلاص حسيت بجد حبكي شويه من القهر
اسباب الذل اللي احنا عايشين فيها بسببنا احنا
اول سبب لهذا الشيء أهدافنا
هي اللي خلت امثال امريكا وغيرها تفرض عضلاتها علينا
عارفين ليش لأنه اهداف الشباب والبنات بس دنيويه
بالله تتوقعوا لو كان اهدافهم وهمتهم رضا الله والجنه كان صار اللي صار فينا
اكبر مثال اللي بجد خلاني انقهر
لمن قال قصة اسبانيا المسلمين كانوا عايشين فيها 800سنه
ولكن البرتغال سيطرت عليهم وهزموهم بس في شهرين عارفين كيف
كانوا ينزلوا الجواسيس في بداية اسبانيا وعيش المسلمين فيها
كانوا بشوفوا ايش اهداف الشباب
فاللي كان يحاول يحفظ القرآن واللي يحفظ الاحاديث
واللي يفسر الايات واللي يحلل الكيمياء ويعرف معادلاتها
وكان كل واحد له ميزه
فكانوا يخافوا منهم ويقولوا لا لسه مودحين نقوم عليهم
وبعد 800سنه لمن نزلوا لقوا اثنين يبكوا من المسلمين
سألوا واحد منهم ايشبك تبكي
راح قله حبيبتي هجرتني
فقالوا دحين ننزل ونقضي عليهم
وفعلا كان السيطره بس لمدة شهرين
هذي بس عشان مجرد اهداف هي اللي تحدد كيف شخصيتك وقوتها
دحين بالله كيف اهداف شبابنا
الشباب يبغى بس همه كيف يطيح البنات ويجروا وراه
ويتحدى مع اصحابه اكتر بنت يتعرف عليها
والبنات همها انه الاولاد يحبوها ويجروا وراها
ومافي بنت تنافسها بهذا الشيء
سبحان الله شوفته بالله قد ايش احنا تافهين
وقد ايش احنا بجد نستاهل الذل والاهانه



ثاني شيء افتخارك لهذا الدين وهل انت تحب تنتمي اليه
من خلال حديثك وكلامك وتصرفاتك ومظهرك الخارجي
اللي يدل بثقتك ومحبتك لهذا الدين
يعني مثلا تلاقي بنت مره اخلاق وذوق
ويسعدها ربي كلامها زي العسل
لكن تشوف مظهرها الخارجي
شايله حواجبها ماتلبس الحجاب
ووالخ
تتوقعوا هذي تفتخر بالدين
هي اوكي تحب تعمل
لكن في الخارج تخجل انها تسوي كده
وتفتخر بارتدائها للحجاب
عشان كده لمن اوروبا وغيرها عارفين اننا بنقلدهم
فخلاص ملهينا بأشيائهم
ويقولوا اننا العالم الثالث عشان ننقهر ونسوي ونسوي لين مانكبر في نظرهم
رغم الله قال في كتابه(ولن ترضى عنك اليهود ولا النصارى حتى تتبع ملتهم)
يمكن هذي الكلام في حياتنا الواقعيه
لكن كمان في عالم النت من التوقيعات
والله اني اشوف تواقيع احط يدي على قلبي
يعني ذولا الاجانب بيستهزئوا فينا نقوم احنا نفتخر بيهم
غير اللي بشوفه من العجايب
يعني الشيء اللي صار قدامنا
نانسي عجرم لمن جابوا معاها مقابله وقالت كلام عن الله بكل جرأه
سألها المذيع لو ربنا قلك ادخلي الجنه ايش تقوليله
قالتله ادخل الجنه ونص
استغفر الله وفي النهايه نفتخر بيها ونحط صورها في قلوبنا
وفوق ذا كله حديث واضح يقول(يحشر المرء مع من احب)
لكن نسمع هذا الحديث ونقول الله يحشرنا مع الرسول
لكن اعمالنا ماتدل على كده
اوكي انت شااب وانتي شابه عندكم طاقات
مااقلكم بس صلوا واسجدوا وخليكم بس على سجادتكم لا
ماهو مبدء صح
سوووووووووي اللي تبغيه وطيحي براسك اللي تبغيه
لكن خلي همك الله ورضاه
شوفي اللي تسويه يرضي الله ولا لآ
يعني مثلا وانتي بتلعبي تخلي نيتك اني بلعب عشان ابين للناس انه الدين مايمنع الشيء هذا
سبحان الله النيات لوحدها ترفع منزلتك
فمابالك لو طبقتي نيتك
ربنا مابيقولنا شيء صعب
ربنا يقول ياعبادي بس اصبروا لاتستعجلوا
اعبدوني في الدنيا ايام وانا حجازيكم بيها في الجنة
عارفين ايش هي الجنه لاعين رأت ولا أذن سمعت ولا خطر على قلب بشر
يعني كل اللي شوفته بالدنيا وكل اللي سمعته وحتى خيالك الواسع
ماوصل للجنه وروعة جمالها
في الدنيا اشياء متعدده ممكن خروج لعب راحه نوم اكل شرب بس
لكن في الجنه ممكن في اشياء اكثر واحلى من كده
بالله تضيع شيء دايم عشان شيء دنيوي يومين وماتدري متى يكون ختامك
كم من الشباب ماتوا في عز شبابهم
وكم من الاطفال ماتوا وماكملوا سنه
هل انت ضامن تعيش 80ولا70اوحتى100
ماحد يضمن
ممكن انا دحين انزل الموضوع وينتهي عمري
خليك انسان بهدف
خليك انسان ذو قيمه
لاالدنيا حتنفعك ولا رضا الناس حينفعوك
والله مهما تسوي عشان الناس ترضى عنك برضوا حتفضل زي ماانت
وحتقل في نظرهم
لكن كل ماكان همك الدعوه وبيجري في دمك ورضا الله
صدقني كل الناس حيحترموك
وسبحان الله اتخيل لمن تموت وانت تركت اثر طيب
وكل مااحد شاف هذا الاثر جلس يترحم عليك
ويتصدق عليك
سبحان الله ربنا يرزق لعبيده الميتين ناس تزيدهم في حسناتهم
من جد ايش حنخسر لمن نحسن من اخلاقنا وتعاملنا مع الناس
ايش حنخسر لمن نرفع من قيمة انفسنا
والله لو عرفت قيمة نفسك
عمرك ماحتخليها تتهان
مهما كان عمرك
حتى لو10سنين انت بإمكانك تفرض الناس كلهم انهم يحترموك
بتعاملك واخلاقك
ربنا اكرمنا احنا المسلمين بأشياء كثيره
لكننا مانستشعر بيها عارفين ليش
لاننا عارفين بس محنا متمعنين فيها
ولانها موجوده بحياتنا
اكبر مثال المرأه في الغرب والاسلام
المسلمه عزيزه وغاليه علينا
مانرضالها بالهوان
الاسلام كرمها من وهي صغيره لين ماتكبر
جلست افكر ليش دائما يكون في مقوله
لاتسئل المرأه عن عمرها
قلتمع انه سبحان الله احس لكل عمر له ميزه
واثبات شخصيه
لقيت انه الغرب هما اللي مطلعين هذا الكلام عارفين ليش
المرأه وهي صغيره يخذوها تسليه وكل واحد يكون لامسها
ولمن تعجز خلاص قيدهم شبعوا منها ويرموها في دار المسنين
ويكون صديقها الوفي هو الكلب اكرمكم الله
اما المرأه المسلمه فحتى لو كبرت وعجزت بيكون ليها مكانتها واحترامها
والاسلام امر انه يحافظ على حقوقها
شوفتوا قد ايش احنا في نعمه والله ماحد يتمناها غير اللي فاقدينها
في الغرب المرأه بجد تتهان فقدت انوثتها ونعومتها
يعني هناك عندهم شيئين يا تشتغلي حتى لو اتزوجتي اهم شيء انك تشتغلي مولازم تربي اولادك
او تمتعينا باللي عندك
فلمن تشتغل ياكثر الاشغال اللي عندهم ومن ضمنها ياسواقه يامدري ايش
اعمال رجاليه ولمن يجي زوجها ويمزح معاها يحس انها رجال مثله عارفين ليش
لانها اخذت اعمال ماهو مناسب ليها ولا لإنوثتها
ماساروا يفرقوا بين خواص المرأه وخواص الرجل
لكن اسلامنا طبعا مامنع انها تعمل
لكن لكل مقام مقال
اوكي تبغي تشتغلي اشتغلي بأشياء ماتضر بأنوثتك
هذي مجرد مقارنه بسيطه
ولو اتعمقنا فيها
والله اننا نبكي بدموعنا
قد ايش ربنا بيكرمنا
لكن للاسف احنا بنزل من قيمة نفسنا



حبايبي بجد نبغى نجلس جلسه مصارحه مع نفسنا
بعد الساعه12
اتوضأ وصلي ركعتين وبعد ماتنتهي اجلس فكر
كيف علاقتك مع ربنا
وانت ايش سويت لدينك
وخاصة حاليا ايش سويت لنصرة نبيك
المقاطعه مايكفي لازم اننا نغير من نفسنا عشان بجد نقدر نحقق اللي نبغاه



فكروا الين متى وانت حتجلس زي ماانت مكانك سر
لين ماتموت ..؟ وبعدين ايش استفدت من هذي الدنيا



بجد قول لين متى حجلس اعصي ربي



والله انه الدنيا ممله بمعاصيها



وحلوه بطاعة ربنا



جربوا وماحتخسروا
واحب اقولكم خمسه اشياء وصاها الاستاذ عمرو خالد
بس شهر سويها وشوف كيف حياتك
وفي الاخير فكر ياتستمر او تنهي اللي سويته طيب:



1)صلي الصلاة في اوقاتها من يوم مايأذن تكون جاهز للصلاه
حتى لو كان ايش عندك اترك اللي في يدك



2) أجلس اذكر الله ولو خمس دقائق حتى لو متفرقه
سبحان الله والحمدلله ولااله الا الله والله اكبر ولاحول ولاقوة الا بالله
استغفر الله..الستغفر الله..استغفر الله



وغيرها من الاذكار



3) أدعي كل يوم ولو دقيقه او دقيقتين



4)أقرء القرآن صفحه او صفحتين بس



5)أترك اصحاب السوء




لمن تجربوها حتلاقوا انكم بجد ناس تانين



صاروا من الافضل ويكفي الراحه القلبيه



اهم شيء



واعتذر على اطالتي



لكن احنا فئة الشباب لازم نسوي شيء
لازم نعمل شيء لخدمة هذ الدين



لاتستحقر من نفسك



انت بإمكانك تسوي اشياء مره كتيره بس امهل نفسك شويه



وفجر الطاقه اللي عندك
ادعي ربنا يوفقك في حياتك ويسهلك امرك



وربنا ابدا مايضيع احد اذا كان همه الدعوه الى الله



والله يوفقكم واكرر اعتذاري
اذا كان في نقطه ماوضحتها
محتبكم في الله


منقووووول للأمانه