PDA المساعد الشخصي الرقمي

عرض كامل الموضوع : ياعسى ما باس.......؟



مسروق الخفوق
10-10-2001, 11:42
بسم الله الرحمن الرحيم







ياعسى ماباس ياعذب السجايـا

غيبتك طالت ولدرى وش بلاك
**************

وش حصل ياسيد ترفات الصبايا؟

طمن اللى باذلٍ فى روحه فداك
**************

جعل مابك شى يازين الحلايا

طيب لو كــان عذبنــا جفـاك
**************

ليت قصدك حكى راعين الوشايا

يوم تشقينى وتحرمنى لمــاك
**************

صاحبى بعدك مسوبى ســوايـا

كيف وقتك عن هوى خلك خـذاك
***************

المشاعر من سبب صدك ظمايا

وارتوت لهفه وحسره من بطاك
***************

وقلبى المشطون لولاها الحنايا

تمنعه كان انطلق يبحث وراك
***************

ولو بغيت اكتم كشف سترالخفايا

دمع عينٍ كم تعذرها لقــاك
***************

زاد من فعل الجفا حوض المنايا

واحد طال انتظاره فى حداك
****************

مير لو يبذلى اسباب العنايــا

او يسوق الروح لدروب الهلاك
****************

لو يوقد بالحشا نار ولظـايــا

هجرك اللى يمه اجهل وش حداك
****************

اتحمل وارمح جلال الخطــايـــا

واصلك يازين وابحث عن رضاك
****************

المراد انك تعداك البلايـــــا

صاحبى وبخير تسعد فى هنـاك
****************
طيبٍ لا يابعد كل البرايـــــا

سالمٍ من كل شرٍ يا عســــاك



وسلامتكم؛؛

________________________________

الأميره كيروروا
10-10-2001, 11:54
حلو ::جيد:: ::جيد:: ::جيد::

اتمنى لك التوفيق في كل جديد

مسروق الخفوق
12-10-2001, 01:37
الاخت الاميره كيروروا:

اشكرك على المتابعه ..... والله يحلى ايامك.

تقبلى تحياتى؛؛