اخويا المجنون..(سامحني يارب بجد) [الارشيف]

عرض كامل الموضوع : اخويا المجنون..(سامحني يارب بجد)

cute4ever

15-06-2006, 00:30

الى كل اعضاء المنتدي.......الى كل مكسات عموما....والى كل اللي يقرا موضوعي.......انا اسف بجد بجد على اللي صدر من اخويا من مشاكسات واللي بعتبرها (قلة ادب) ....انا عارف اني شاغلكم بمشاكلي بس بجد انا حبيتكم لانكم اصدقائي اللي اخترتهم بمزاجي...مش مفروضين عليا..ولازم طبعا احبكم اكتر من المفروضين عليا......

تفتكروا اني عملت موضوع عن صديقي سعيد المريض نفسيا...واخويا طبعا خرب الموضوع بمشاركاته الغبية وانه خلاص قتل سعيد..والكلام العبيط ده ......بصوا انا مش عارف الاقيها منين ولا منين من سعيد ولا من اخويا ولا من عمي....

بصوا انا قسمت الموضوع عشان بجد المشكلة فظيعة انيل من سعيد كمان....وهو اصغر مني بعشر سنين

الحقيقة احنا روس اصلا وكنا مسيحيين كاثوليك...طبعا تقدروا تتخيلوا كانت عادتنا ايه....بعيدة كل البعد عن الاسلام والاخلاق الكويسة.....واحنا بالذات كعائلة غنية جدا فاهالينا (سايبانا على حل شعرنا)..ووفاة ابويا من صغرنا ساهم في المصيبة دي اكتر.....ما كانش في رقابة....وانا مش هكدب عليكم انا كنت صايع جدا ومايع وسافل بمعنى الكلمة..بشرب سجاير وخمرة وبروح ديسكو و كابريهات,,,وكانت بلبس سلسلة من الصليب الكبير جدا ...واستغفر الله يعني كنت برمي الفلوس في الشارع وادوس عليها على اساس انا فاحش الثراء بل كنت بقطعها كمان والعب بيها كأنها كوتشينة...(انا صريح معاكم جدا عشان تتخيلوا معايا وعشان تعرفوني على حقيقتي).....

سافرنا مصر وطبعا اتصدمت بالعادات اللي هناك...كان اخويا عنده سنة ..مات ابويا وهو غير مسلم......وما كنتش انا شخصيا لسه اسلمت اصلا...وماما سيدة اعمال برغم انها بتحب عيالها جدا الا انها بتهتم بشغلها اكتر......سابتني اكتر واكتر ..,بقيت عايش في منتهى الحرية...لكن جالي حب غريب لاخويا....حب يفوق الوصف...لاني حسيت باليتم فما رضتش يحس بيه......ربيته (وشوفوا بقى ربيته على ايه)....نظرته واشارته اوامر مجابة......فضل يكبر سنة ورا سنة وهوسيطرته تكبر اكتر......وبصراحة اخويا نقطة ضعفي ...لما بينزل دمعة بتجن..بحس اني خنت ابويا (وطبعا ده غلط).....عمري ما ضربته ولا لمسته...برغم صغر سني (10 سنين)....

واحنا عندنا المسيحيين لازم ندق الصليب على ايدنا عند المعصم كده....من كتر خوفي عليه من الالم ما خلتش القس يدق عليه....ودي كانت تعتبر خيانة للدين.....بس بجد حبي له فاق كل الحدود...

على راي المثل (الكلب ما يعضش الا ايد صاحبه).....كنت انا اول واحد اتأذى من اخويا....بقى غريب الاطوار......مجنون ....مش عاجبه حد...يتعدى عليا بالشتيمة والسب......مش قابل اي نصيحة......مش قابل اي شئ......خلى الجيران تهرب ..المدرسة مش قادرة تعملله حاجة...اصحابه دايما في المستشفيات بسبب ضربه لهم......سمى نفسه الكينج....عصبي زيادة عن اللزوم...مالهوش كبير.....وعرفت كده بعد اول قلم ضربهولي على وشي......كنت في قمة الذهول ...مش مصدق..بعد اللي عمتله ده كله........يكون الجزاء قلم ......

فعلا على راي المثل..(عايز تهزأ الكبير...هاتله عيل يلعب بيه)......

cute4ever

15-06-2006, 00:32

واسلمت من سنتين ونص على يد صديقي الوفي السعودي ربنا يمسيه بالخير.....وكنت انا اتقنت اللغة المصرية من كتر قعدتي على القهاوي.....واسلم كل اللي معايا في البيت واخويا احتار ان يختار اسم مناسب للاسلام......فريح نفسه وسمى نفسه (اسلام)....

انا الحمد لله اتغيرت اوي عن الاول....بل اتغيرت 360 درجة.....اي نعم مش متدين اوي لكن بالنسبة للاول حاجة تانية تماما.....اسلام بقى ما تغيرش..يمكن بس بيصللي وبيصوم...لكن اخلاقه ما تقبلهاش اي ديانة...

اخلاقه غريبة...هو متفوق جدا في دراسته ..لكن ما بيحترمش حد خالص....اي اتنين مثلا يشوفهم في الشارع بيحبوا بعض...يقوم يقلع الجزمة وعلى دماغهم.....اشترى جهاز غريب جدا مستورد من امريكا...بيطلع صعقات كهربية عشان يصعق اللي قدامه اذا ما كانش يموت......

ماشي في الشارع عمال يصعق.....وصعقني مرة ورحت المستشفى بعد علاج دام شهرين......طبعا عشان يوفر على نفسه الضرب...

طفح بيا الكيل....فجه مرة وشتمني كالعادة فقمت زقيته على السرير..(انت ايه يا اخي مش بني ادم؟؟ انا هعرف اربيك ازاي......زي ما ربيتك على الدلع هربيك على الكرباج)

هو : (بتزق الكينج؟؟؟؟؟؟؟؟؟؟؟!!!!!!!!!!!!!!!!!) بكل دهشة ...وبكل سرعة راح ولع في الغرفة بتاعتي.....وجاب المكواة وحدفها عليا.....اختي ما قدرتش تستحمل فبلغت البوليس...طبعا البوليس قبض عليه....,ماما انهارت ودفعت الكفالة وطلع...

بيعرف يقلد اصوات كتير...وطبعا بلقدني جدا....يتصل على صحابي...ويلغي المواعيد اللي بيننا......يوقعني في مشاكل مع العيلة....وكمان اشترى جهاز مستورد برضه يقلد الاصوات......اشتراه بـ 30000 جنيه..لانه خاص بالمباحث بس.....ونيل الدنيا....لان في اصوات ما بيعرفش يقلدها....

ولا اللي عمله في حفلة عمرو دياب في مارينا.......

طبعا رحت الحفلة لانه نجمي المفضل....وقالي..(والنبي والنبي عايز اروح معاك...)
قلتله( هتعمل شقاوة؟؟)....قاللي(هعمل برضه شقاوة في حفلة عمرو دياب....؟؟؟؟؟؟)

بعد ما خلصت الحفلة خدت توقيع من عمرو.....والمعجين كتير جدا حواليه......وفجأة لقيت اخويا عمال ينفخ بلونات.....ويسبها تفس.....طبعا بتطير بطريقة عشوائية نتيجة خروج الهوا.......وجات واحدة في وش عمرو دياب......فعمرو خد الامر على انه دعابة....بعد كده جاله اسلام..وقالله (يللا اديني توقيع حالا).......عمرو مسك نفسه وضحك....واتلخبط فمسك القلم بايده الشمال...فاسلام قالله (الناس بتكتب بايدها اليمين يا حمار).,

كنت انا في نص هدومي..مش عارف اروح فين...عمرو قال( ايه قلة الادب دي؟).....فاسلام البوبي عشان يكسفني...مسك فيا وقال( والنبي يا اخويا دافع عني........هيضربني).....عمرو بصلي وقاللي..(انتوا مش مربيين ابنكم ولا ايه؟).....وشي سخن من كتر الكسوف.....ياربي مش لاقي حتة اهرب فيها....المهم حليت المشكلة بعدين.....شوفتوا بقى.....

ولما عرف الانسان بيجي ازاي.....وازاي بيتولد وبيتكون اصلا.......اتجن وراح شتم كل اللي خلفوا عيال...وراح بهدل ماما......وبعدين جه قاللي..(اسمع لو اتجوزت هيكون اخر يوم في عمرك).....وبعدين قال..(طبعا انا مش ممكن اجي للدنيا بالطريقة الخسيسة دي.......انا الوحيد اللي جيت بطريقة مختلفة....انا ويسوع بس اللي زي بعض).....واشاع بين اصحابه انه جه في هدية ماما لقيتها فوق شجرة الجنينة عندنا.....وان الهدية كان فيها خرم عشان يتنفس.....وماما بقى فتحت الهدية ولقيته جوه......وطبعا ماما بقى ربته عشان جالها ببلاش.

بعيب على كل اللي فيهم عيوب.......لو لقى واحد في عينه حول يقولله..(يا عم بتبص فين؟؟هنا ولا هنا؟؟).....ولو لقى واحد احدب..يقولله..(ايوه ايوه..طول عمرك جمل)....فضحني في وسط الخلق........

بجد يا جماعة اعمل ايه؟؟؟ ده بقى يدخل بعضويتي ويعمل مواضيع ومشاركات هبلة عشان اتوقف؟؟؟؟

سوهارا

15-06-2006, 01:53

بسم الله الرحمن الرحيم

السلام عليكم ورحمة الله وبركاته

لا عادي أخي cute 4 ever يا أخي دايما الأخوان كدا مزعجين

وإنت حاول تغير الكمبيوتر اللي بتستخدمه عشان يبطل

وإن شاء الله أرجع لمواضيعك مرة ثانية لأني دحين مشغولة شوي

سامحيني أخوي

تقبلوا تحياتي.......

سوهارا

stradivarius

15-06-2006, 04:46

سلام عليكم

ما تعب نفسك ولا شي

خلاااص انشالله خير دايما

وادا قدرت غير كلمة المرور

cute4ever

15-06-2006, 10:00

شكرا يا جماعة على المرور

jo_diamond

15-06-2006, 10:11

عن جد ...و الا قصة خرافية دي ..اخي كيوت ..بداية التغيير بيكون 180 درجة لانك لو تغيرت 360 درجة بتكون رجعت زي الاول و ده اللي انا شايفاه بالنسب لاخيط اسلام ..

انتوا الان عايشيين بمصر و الا بروسيا بلدكم الاصلي ؟؟

لانه اذا بمصر ..ان شاء الله بتكون بسيطة
ما خبرتنا مين قدوة لاخيك اسلام ( انت ) و الا ام و الا شخص ثالث و الا ممثل و والا صحابي و الا مين بالضبط ؟؟؟؟

المفروض انت الان قدوته ...عمره دلوقتي كام اسلام ..10 سنوات

هل تعرف انه بدأ يُحاسب ع اعماله و تسجل له ليوم القيامة ..

عامل معاه ايه بخصوص الصلاة ..القرآن الكريم ..سنة نبيك عارفها و الا لأ ؟؟

ما اتوقعش اسلام بيعمل كل هالحركات الا لسبب معين و هو واضح ..انه عاوز يلفت الانتباه و الاهتمام ليه ...بس محدش مقدر و لا عاوز يهتم بيه زي ما بده

اخي هو طفل صغير ببداية مرحلته الابتدائية ..و انت المفروض بتوقع 20 سنة زي ما فهمت او بالحدود هذه ..
المفروض تكون قدوة صالحة له .. و استغرب ..هو عرف كلمة سرك منين ؟؟

و الواجب عليك اي واحد بهذه السن ما يكون لوحده و هو ع الانترنت ..؟؟

اين الرقابة و الاهتمام منكم ؟؟؟

لكم أجمل تحية

cute4ever

15-06-2006, 10:55

مفيش حد قدوته......هو مع نفسه ...واحنا عايشين في مصر.......وهو مش مقتنع انه غلط......كمان انا ببقى طول النهار بره عشان كده بينتهز الفرصة ويقعد على النت.......ودي قصة حقيقية والا ما كنتش جيبتها.......شكرا جدا على مرورك الرائع .......

the_fury

15-06-2006, 12:23

انزين الحين شالسالفة بالضبط :cool:
يا حبذا تعطينا مختصر مفيد عشان نفهم الموضوع:rolleyes:

الزهرة المتفتحة

15-06-2006, 12:55

صراحة شي صعب بس حاول تتعامل معه بهدوء وانصحه يمكن يتقبل

cute4ever

15-06-2006, 14:55

شكرا اعزائي على المرور.......بس صعب اعطي مختصر مفيد....لو عايزين تسهلوا على نفسكم اقروا اول زرارين

safy

15-06-2006, 16:04

أخي العزيز أنا لدي أكثر من حل مضمون لمشكلتك ولكن ينبغي حلها عن طريق الماسنجر
mahmoudsafy@hotmail.com
تلاقيني موجود كل يوم

cute4ever

15-06-2006, 16:20

شكرا عزيزي..وانا املي فيك كبير......عالعموم هضيفك ان شاء الله

الكينج البطة

15-06-2006, 18:07

هاتلي الزفت التصميم......ده انت عضو عنيد

بنوته كول

15-06-2006, 23:42

اخوي كيوت مبيين واسمحلي لكن مبين ان اخوك حالته تشبه حاله صديقك ولا و يمكن اخطر بعد لذا لازم تسون فيه زي اللي سويتوه بصديقك تودونه لطبيب نفسوي وباذن الله هو سيساعده في تخطي هاذي المرحله واسفه لان ما عندي حل غير هاذا

الكينج البطة

15-06-2006, 23:55

اده؟ هو انت هتقتل اخوك كمان؟؟

haneen alro7

16-06-2006, 01:15

بسطيه اخوي

انت كلمه اتفاهم معاه بالطيب

اذا مانفع ابدى معاه بالجد

لانه من هو صغير ماحد مهتم فيه

يعني لو تعطينه اهتمام شوي مو دلع في فرق

اهتموا فيه اسألوا وراه خاصموه علموه الصح من الغلط لاتخلونه على كيفه

اقطعوا مصروفه وكل شئ عنه اذا زاد الوضع عن حده

وضحوا له ان تصرفاته تافهه وانكم انتوا منتوا راضيين فيها

هو ان شاء الله بيتغير

لكن لاتخلونه يستقوي عليكم ولا تضروبونه انتوا ولا شئ

اتفاهموا معاه بالعقل واكبر دليل على انه بيمشي بالعقل

بعد ماعرف كيف جا شوف اش سوا هذا انه فيه امل يتغير

cute4ever

18-06-2006, 08:58

شكرا حنين على ردك الكول..........عالعموم هشوف يمكن ينفع

shenmue2

18-06-2006, 10:58

مشكور كيوت على الموضوع الرائع

نانسي المتدلعة

18-06-2006, 18:42

هههههههههههههه.........يخرب عقلك يا كيوت!!!!!!!فضحت اخوك؟ بصراحة عندك حق.........ده بيغظني شخصيا.......فما بالك انت يا عيني اللي وشك في وشه ليل نهار.......

N . Y

19-06-2006, 18:00

بص يا كيوت اخوك لسه صغير وتغير الجو من روسيا لمصر دى فى حد زتها مشكله
اخوك صح واضح انو كل اللى بيعملوا ده مش جنون ده كلوا عشان يلفت الانظار
مش مجنون بس كمان لازم تتفهموا معاه ودى مش اى واحد فى مكسات يقوللك حل المشكله دى ده لازم يكون واحد دارس علم نفس ومتمكن من المشاكل النفسيه مشكله نفسيه مش جنون
اكيد انتو اهملتوه وانت كمان غلطان محدش بيدلع اخوه كده ولا يتهاون معاه فى الديانه بتعته سوء مسيحى او مسلم خلى باللك منه اديلوه شويه وقت متخرجش يوم واعد شوف هو بيعمل ايه وايه سر الحاله دى

غدير المملوحة

20-06-2006, 17:39

ما اقول الا الله يعينك يا اخوي كيوت
صراحة اكتشفت انا احنا ما نعرف شي من غير هالموضوع الله يساعدك:(

ملكة المنتدى

21-06-2006, 16:53

بص باء مشكلة انه بيدخل بعضويتك ديه محلولة
غير الباسوارد;)

ومشكلة اخوك ديه تستاهل فيها عشان دلعته من الاول
ياعم ما تاخذني انا بس متغاظه شويه منه
عشان برده اخي نفس الحكاية
باولك بائه انا الراجل هنا انا الهمشي كلامي
شفت ونفضل كده طول النهار والليل
انا اعمل ايه طيب:بكاء:
مشكلة اخوك ديا تتحل
وما يحلها الا الحلال<< الله سبحانة وتعال:) ;)