Korn
26-09-2002, 15:14
مرة من المرات قلت لواحد صاحبي تعالى نلعب لعبة جديدة ( و أنا بقى من ناحية الالعاب مقولكومش) المهم للاسف الواد وافق. قاللي حنعمل ايه قلتله انته تقف في حوش البيت و انا اقف في الجنينة و نحدف على بعض "طوب" المهم بدأ اللعب لغاية لما تطور اللعب بحدف الشباشب (لا مؤاخذة) هب و انا باحدف شيشبه لقيته بيصوت قلت بس اكيد فتحتله دماغه المهم جريت لقيته واقف جنب البلاعة و بيقوللي انت السبب حاروح ازاي و حسيت ان (الشبشب) كان غالي عليه قوي قلتله ما تزعلش حاجيبهولك و بص المنقذ اللي هوه انا حواليه لقيت خرطوم قلتله بس انا حانزل و انت تشدني المهم نزلت و حدفتله الشبشب و قلتله يلا شد بقى واحد اتنين هب لقيت الخرطوم جنبي تحت قمت قايلوا اجري و انده لبابا بسرعة قاللي هوا طيارة. المهم لا طلع طيارة و لا نيلة ده طلع تروسيكل و غاب ساعتين كاملين و بدأت احس ان هوه ده قدري و حسيت بحاجات ماشية على رجلي ببص لقيت تمساح البلاعة ( صرصار في قاموسي الخاص) و لاني كنت شجاع من ساعتين حاولت اقاوم لمدة دقيقة لغاية لما لقيت بقيت قبيلة التماسيح جاية بس بقى لما فقت لقيت نفسي في احد المستشفيات اثر اصابتي بهبوط حاد في الدورة الدموية و اشار تقرير الطبيب الشرعي بانه ظهرت علامات مقاومة شديدة يمكن بسبب اخر محاولة ليه للهروب من هذا الجحيم المهم خرجت من المستشفى و كنت عاهدت نفسي لا شباشب لا دموع