إلى كل إماراتي و إماراتية .......

[][~SaD^bOy~][]

هلا بالإماراتي أو الإماراتية :)
طبعاً كلنا من دول الخليج ومابيننا فرق هذا سعودي كويتي اماراتي وووالخ صح :>
عندي سؤال لك لو تكرمت سواءً رجل او لو تكرمتي سواءً كنتي مرأة :)
انا على قلة نظرتي في المسلسلات العربية بس ألاحظ إبتعاد الشعب الإماراتي عن فن التمثيل وقلة الأعمال الا الهم اذكر لهم عمل وهو بإسم جواهر بس وماذكر لهم شي اوكي يمكن انا مااتابع بس ماعمري شفت عمل يعني اللي يسمى عمل مالأسباب ياترى في تدهور الفن التمثيلي في دولة الإمارات على إنها ما شاءالله بس مالسبب اكو الكويت ما شاءالله عليهم نشاط وهمة وحيوية من ناحية المسرحيات ومن ناحية الأفلام اكو المسلسلات المصرية على اني ماحب اطالعها بس مشهورة اكو السعودية طايحين بطاش ما طاش لهم 9 سنوات كل سنة يسونه " بو طبيع ماييوز عن طبعه " صح السعودية ماكو اعمال بس معذورة اكو ممثلين اصلا يستحقون اعمال ماااظن الا الهم القصبي والسدحان هم اللي كذا اما الباقين الله يخلف بس المهم نرد للموضوع الأهم وهو عزووووووووف التمثيل في الإمارات وشككككرا :)

[Endless tears]

تحياتي الى ساد بوي ...والله انته يبت اهم قضيه في الجانب الفني في الامارات

اولا اشكر لك اهتمامك ..بس الفنانين الاماراتين كثر و الحمدالله ..
و من زمان و هم يمثلون و من اشهر المسلسلات الاماراتيه القديمه هو " شحفان القطو"
..و هناك مسلسلات اخرى قديمه بس ما اتذكر اساميها ..
عن مسلسل جواهر ..الي هو 3 اجزاء !! هذا العمل من انتاج اماراتي ..وفي عدد قليل من الممثلين الاماراتين ..بس هناك اعمال اخرى شاكر بهذا الممثلين الاماراتين من بعد مسلسل جواهر .!!! مثل .. " عفوا ابي " ..و " فايز التوش 2" ..ومسللسل نغموش !

وهناك كل سنه مهرجان الشارجه المسرحي ..وتعرض فيه عدد من المسرحيات ..ان كانت تراجيديه ا و كوميديه .. وهناك ايضا مجموعه كبيره من الفنانين ............

كل شي موجود.بس الشي الي مب موجود هو " الاهتمــــــــــــــــــــــــــــــــــــــــــــ ــــــــــــــــــــــــــــــــام الاعلامي و الانتاجي" ..للاسف محد يسوي سالفه للمثل الاماراتي في الامارات و هذي مشكله يعاني منها الفنانين .
وطرحوا المشكله اكثر من مره في الجرايد المحليه !!

والغريبه ان تلفزون دبي.. ينتج أعمال دراميه للممثلين السوريين .. !! والمخرج انجة انزور ..يسوي اعمال ضخمه و تنجه و هو ينشهر..من وراى انتاج تلفزون دبي.!!يعني لو ينتجود للممثلين المواطنين مب احسن ؟!

وغير هذا .. ان انجة انزور اخذ مبلغ مليون درهم تقريبا او اكثر بعد لانتاج فيلم ( اماراتي )!!
وطبعا الانتاج كان من محمد بن راشد ........بس الشي العجيب في هذا الفيلم ان المخرج ..لم يقم بأدراج اي ممثل اماراتي في الفيلم ..(((((((((( وكل واحد يحج و ين الينب الي يعوره )))))))))


لكن مع هذا لم ييأس الممثل الاماراتي ..ومازال يحاول مع كل الظروف !! الاعلام الاماراتي .لا يهتم بالممثل الاماراتي ..
..

ساد بوي ..في عدد من المسلسلات الاماراتيه الجديد تعرض في تلفزون الامارت و قناة بوظبي و كذللك تلفزون الشارجه .. بأمكانك ان تلقي نظره على هذي المسلسلات

تحياتي
اندليس تيرز

[][~SaD^bOy~][]

اوكي انا وياك Endless tears بس
اللي قلتيهن قديمات وماشفتهن المهم بس الي على قنوات الامارات اوكي بس ماذكر انهن
يشدن انتباه المشاهد ليش مالسبب يعني مثل السعودية موسم رمضان زين ان طالعت
مسلسل طاش ماطاش والباقي اطنشه كلش مولية ماله داعي الا برامج الدين والحاجات هذي
المهم اكو حلقة مفقودة يعني اذكر مرة قالها واحد اعرفه ان السعودية قررت انها تجاري
الدول الاخرى بالبرامج التلفزيونية وبالتحديد حطو عينهم على الكويت وقالو سوف نحذي
حذى الكويتين في البرامج وتعرفين الكويت غنية عن التعريف ماشاالله المهم
هم بدال مايبدوؤن من المكان اللي الكويت تشتغل عليه يعني لما تطورت زيادة قالو بنبدأ من اخر نقطة
وصلوها الكويتيين والمشكلة بدوأ من أول لحظة بدأو فيها الكويتيين يعني بدو من الصفر والى الحين
الاعلام السعودي لازال يفقد اللمعان والاماراتيين مثلهم بالضبط قبل على كلامك يعني قوية بس الحين
اختفو يعني نفس المشكلة
وتحياتي Endless tears

[Endless tears]

.....انا ما اعرف ليش انته غيرت من موضوع التمثيل في الامارات الى الكويت ..
بس لو يت عند الحق ..فعلا المسلسلات الكويتيه وايد هذي الفتره ..بس في مشكله بالنسبه المسلسلات الكويته ..

ان قصصها مب منطقه ....القصه عندهم جدا ضعيفه !! واغلب مواضيعهم تتكلم عن جانب واحد .وهو المخدرات ..مع ان هذي المشكله قلت !! يعني اكثر من 5 مسلسلات ..بس تتكلم عن المخدرات ..طيب ليش في اشياء ثانيه في المجتمع غير عن هذا ..

والصراحه بعض المسلسلات الخليجيه ما تستاهل الواحد يتابعها ..لانها تافهه ..واسفه على هذا ..بس هذا رايي ..عندك مسلسل سوق المقاصيص !! فيه اكبر عدد من الممثلين الكبار ..و قداما ..بس المسلسل ما فيه حبكه ! ولا احداث واقعيه ..وكأنك تشوف قصه متلخبطه ؟؟! والي تابع المسلسل عدل ..يشوف انهم غلطوا على ناس وايد ..بس نستر عليهم !!

وتحياتي لك
اندليس تيرز