مقابلة وسيم وosm [الارشيف]

OSM

11-09-2002, 11:48

السلام عليكم

وسيم وصل الرياض وقعد فيها خمس ايام واسامه من الرياض ......

على التلفون يوم السبت الساعه 7 الصبح وسيم يتصل على اسامه :
وسيم : الو هلا والله اسامه
اسامه : هلا وسيم
وسيم : اقولك خبر حلو
اسامه : (( مفكر انه في سياره والا بنت والا شي غريب ))
اسامه : وشو الخبر ...
وسيم : تراي بالرياض ....
اسامه : والله ؟؟ متى وصلت
وسيم : والله يعني الليل امس ...
اسامه : الحمد لله على السلامه
وسيم : الله يسلمك..
اسامه : هاه ودك نتقابل
وسيم : قدام
اسامه : خلاص اليوم دق على العصر ونتفاهم ...
وسيم : طيب انا بنام الحين لني مواصل
اسامه : طيب لا تنسى العصر دق علي
الوسيم : ايه خلاص بعد العصر ....

وبعد العصر
اسامه ينتظر اي رنه على جواله

ذهب اسامه الى النادي وينتظر الرنه على جواله

ولكن لا يوجد اي مكالمات مفقوده
==========================

يوم الأحد الساعه 8 بالليل : (( شوف متى اتصل اول مره ومتى وعدني يتصل وايش سوى )) في مكركز فال للتزلج والترفيه

طن طان طن طاط طاط طن طن طن <<<<< مسج (( رساله ))

اسامه : وش هالرساله اللي وقتها بنص جيم بلياردو ....

يقرا اسامه الرساله
اسامه : هاااااااااااهاهاهاهاهاههههههههههههههههههه

اخو اسامه : وش فيك الحمد لله رب العالمين

اسامه : لا وسيم وسيم
اخو اسامه : وش فيه
اسامه : اقرى ....
اخو اسامه : يلعن ابووووو الوقت اللي عليك يا وسيم

الرساله ::
المرسل وسيم الى اسامه ...

اسامه تراي بحديقة الحيوان ..
=====================

يتصل اسامه على الوسيم :
اسامه : هلا والله ابو فيصل (( ابو فيصل = الوسيم ))
وسيم : هلا هلا
اسامه : وييييييييييييييييين حديقة حيوانه بتروح تزور اهلك هههههه
وسيم : ههههههههههههه (( ضحك الذكي ))
اسامه : تراها ما تفتح بالليل يا شاطر ..
وسيم : والله ؟؟؟
اسامه : ايه تعال بس لفال ....
وسيم : طيب يالله جايين ...

شوي الا يتصل وسيم :
وسيم : اسامه وين ذا المحل اللي قلت عليه
اسامه : على طريق الأمير عبدالله
وسيم : طيب تقول الأمير عبدالله
اسامه : ايه
وسيم : احنا على شارع الملك عبد العزيز ...
اسامه : وين وش تبغى انت انا اقول الأمير عبدالله
وسيم : مهم جنب بعض ؟؟
اسامه : اقول رح لدوريه واسألها
وسيم : طيب (( صدق ))

وبعد كم دقيقه
وسيم : الو اسامه تراي عند فال عند الدرج ..
اسامه : طيب انا جاي للدرج
وسيم : طيب
اسامه : اي درج يالذكي
وسيم : اللي على الشارع
اسامه : ايييييييييييييييه عرفته
وسيم : ايه هذا هو
اسامه : اقول حبيبي عبود وش اللي تشوفه حول الدرج
وسيم : شارع ورصيف واشاره و....
اسامه : لا يا ذكي يعني وش المحل اللي تشوفه قدامك
وسيم : مدري بس اشوف مبنى شكرة الهاتف او شركة الإتصالات هي وحده منهم
اسامه : يا روحي بس خليك واقف عندك
وينطلق اسامه ركض

ويطالع وسيم واقف وماسك الجوال ...
وسيم يطالع اسامه واسامه يطالع وسيم
ويسلموا على بعض
اسامه : كيف الحال
وسيم : تمام والحمد لله
اسامه : الحمد لله على السلامه
وسيم : الله يسلمك

شوي الا يرن جوال وسيم
وسيم : ايوه انا هنا .......وين ......... بولينج ....طيب
اسامه : من ذا
وسيم : هذا الرومنسي جا معنا بالمقابله
اسامه : هلا والله فيه

يطلعوا الدرج لصالة البولينج

يقابلوا الرومنسي سلام ورد سلام وتعرفنا على بعض

وننزل لصالة البلياردو

اسامه : يالحبيب قرشين بلياردو

الهندي : كيف هال انت كويس
اسامه : الحمد لله
الهندي : خد هدا قرشين

ويحلف الرومانسي الا يحط العشرره ريال

والله ونروح نلعب بلياردو
واول مباراه بيني وبين الرومنسي وافوز عليه

وبعدها لعبت مع وسيم والله والولد ماسك العصا زي الباشق لمن يمسك الرمح

واقوله ترى المسك كذا
ويتعلم شوي شوي على البلياردو

والله ويضرب بهالكور ولا يدري وش يسوي

شوي الا تطمر الكوره برى الطاوله واقول احلى يا فنان

وسيم صدق نفسه وتحمس وهو يلعب

والله ويفوز علي <<<< اصلا انا الللي خليته يفوز (( عاش مصرف ))

ويجي الرومنسي ومعه بيبسي والا تجي شخصيه اخرى وهي اخوي ويدق تحيه

للميجور جنرال اسامه ويسلم على الشباب

والله وخلصنا بلياردو ونروح نلعب طق طق

والا الأخ وسيم يتكلم عن المواكب وش يعني
وافسر له انه الشباب يتجمعون حول سيارة بنات
ويطلعون المعاريض

وسيم : وجهه شوي مستغرب
اسامه : هذا هو الموكب
وسيم : وش الحركه الزلعه ذي
اسامه : هذي اكثر حركه جديده للمغازله

وسيم : وجهه مبرطم وزهقاااااااااان ولا براسه يتكلم
اسامه : ينكت ولا يضحك الا اخوه والرومنسي على النكت ووسيم يضحك كذا : ههه وبس

والله ويتكلم وسيم عن حنينه الى ارضه الشرقيه
ويتكلم عن ستار بكس والراشد والشباب هناك

والله انا انقهرت شوي من جوى اقول وراي ما رحت للشرقيه مع شباب ونروح نستعبط بالراشد شوي

والله ما ادري الا وتتصل البارونا (( امي )) !!
امي : وينك
اسامه : بفال
امي : متى بترجع
اسامه : متى تبغين
امي : 10 ونص ولو تأخرت بقفل الباب
اسامه : ابشري طال عمرك

وسيم : من ذا
اسامه : امي تقول عشره ونص ترجع

شوي الا يدق جوال وسيم ويطلع ولد خاله يقول تراي عند الباب

ويسلمون على بعض الشباب ويوعدون وسيم بتمشيه احلى (( ايه قابلني ))

ويرجع الكل لبيته
الا اسامه راح لبيت خوييه بيسهر عنده
ويتصل الـ big boss (( ابوي ))
ابوي : وينك للحين ما رجعت
اسامه : (( مسوي قدام خوييه انه يكم ابوه بميانه )) لا يا الطيب بس قاعد عند خويي
ابوي : احط يدي بالمويه و اطلعها والاقيك عندي قبل ما تنشف يدي والا والله يا ويلك

اسامه : ايه صح صح طيب ما عليك بجيب لك معي

خوي اسامه : من ذا
اسامه: ابوي
خوي اسامه : والله ابوك رهيب يسولف كنه شباب
اسامه : ايه ابوي ديمقطاري (( يسمعها بالأخبار ولا يدري وش يعني ))
خوي اسامه : وش كان يبغى ..
اسامه : يقولي جب معك برجر كنج لي
خوي اسامه : والله ابوك رهيب ياليته ابوي
اسامه : (( ايه والله يا ليته ))
خوي اسامه : طيب بترجع عندي بعد ما تجيب العشى لبوك
اسامه والله ما ادري لني بنام وانا نعسان (( والله ما شاف النوم الا سبع الصبح ))
خوي اسامه : طيب
اسامه يالله سلام

ويرجع اسامه لبيته وياكله تهزيئه على الطاير

وهذا اللي صار يوم قابلت وسيم

وسا وسيم لو بغيت تضيف شي اضف ما عليك :D

ZA7EF

11-09-2002, 12:13

زين والله فرحت لكم ( >> نصاب وش دخلك انت ) .. بس وش الطلعة البايخه هذي الحين بدال ما تاخذ الولد وتعزمه في شاليه ، انت بس تعال الشرقيه واحنا نعلمكم الطلعات ..

خخخخخخخخ .. ياخي ابوك يشبه ابوي كلهم دمقراطيين بس تعال قول بالله ابوك يطقك بالبندق ؟؟

fantasy man

11-09-2002, 12:56

مبروووووووووووووك

اخيرا تقابلتوا وكل واحد شاف خشه الثاني :D

بس ما لقيتم مكان غير محل البلياردو تتقابلون فيه وظلمه هناك

وكل واحد ياخذ معه كشاف يتفرج على الثاني شوي

والا كل اوحد يمسك النور اللي فوق الطاوله حقت البليارود ويصوب على الثاني يشوف

::جيد::

OceanBreeze

11-09-2002, 14:03

السلام عليكم،

مبروك المقابله الحلوة شباب ::جيد::

ويعدين شو هاللقاء الحار :o
ويطالع وسيم واقف وماسك الجوال ...
وسيم يطالع اسامه واسامه يطالع وسيم
ويسلموا على بعض
اسامه : كيف الحال
وسيم : تمام والحمد لله
اسامه : الحمد لله على السلامه
وسيم : الله يسلمك

بس :eek: ما في حماس ... ما في حرارة (مو دافعين الفواتير) :p

لو بنات اللي تقابلوا .. كان سمعتوا أخبارهم بقناة الجزيرة ... صريخ وضحك ومش ممكن ومش معقول .. وهذا انتي .. وانا مب مصدقه .. يا حلاتج .. ويا مدري أيش :confused:

لا لا .. انا اعتقد السالفه فيها اسرار ما انقالت ;)

في انتظر الإعترافات :D

TOO COOL

11-09-2002, 20:05

موضوع مقابله بدون وصف؟؟::سخرية::

كل واحد يوصف الثاني احسن::سخرية::

OceanBreeze

12-09-2002, 05:03

TOO COOL :confused: شمعنى انتوا ما وصفتوا شيء في مقابلتكم ;)

:D

OSM

12-09-2002, 11:18

الوصف

انا انتظر وسيموو يبدأبالوصف

علشان ما اظلمه واوصفه

ياااااااااااا وسيييييمووووووووووووو

اوصف انت اول عليك الأمان <<<<<<<<< مسوي ابو جهل

المجهولة

12-09-2002, 12:59

لووووووووووووووووول

مبروووووووك على المقاااااااابله عقبال ما نشوفكم :p

تعالوا جده المعفنه ونتفق على مكان نتقابل فيه :p

يادا الراشد اللي هلكتونا بيه حتى عندنا لمن يروحو الشرقيه الراشد والراشد هوة مافي غير الراشد هذا هناك :p

شوقتوني اروحه:p

مسكين وسيمو حزني شكله كان نفسه في اقرب عماره يرمي نفسه منها مع الزهق خخخخخخخ بس كانت الساعه كم يوم اتقابلتوا ؟؟؟:p

<== لقافه منها :p

تستاهل اوسموووو التهزيء من امك وابوك كان قليل فيك كمان :p

لا تستنى وسيم شكله ما بيدخل النت :rolleyes: لاني ما بشوف ردود ليه في المنتدى زي اول :p

تحياتي
http://www.gamers-forums.com/smilies/kao/chika/chirolp_hello.gif

dragon soul

12-09-2002, 13:17

طربطيييييييييييييييييييييييييييييييييييييييييييييي يييط
احلى

والله شديد osm ووسيم و فانتزي

( اقول osm ترا الشرقيه مو بطاله ولا ؟؟ )

بس حلوه big boss

هههههههههههههههههههههههههه

الله يخلي لك امك

هههههههههههههههههههههههههههههههههههههههههههههههههه ه

ابغى اتخيل شكل وسيم و هو يلعب بلياردو هههههههههههههههههههههههههههههههههههههههههههههههههه هههههههههههههههههههههههههههههههههه

يالله سلام

سندرلي

12-09-2002, 19:28

مبروك وسيم &OSMعلى لقااااااااااااااااااااااااااء
;) ;) ;) ;) ;) ;)
مبــــــــــــروك انشاء الله انبسطووووووووووووووووووووو:p :p

OSM

12-09-2002, 20:55

مجهوله الله يبارك فيكي
وبعدين ترى مجمع الراشد والله شي
انصحك تروحي له

وبعدين ليش جده معفنه
والله رهيبه

وعلى سيرة التهزيئ تراي اكلت تهزيئ محترررررررررررررررم بس ما كتبته
===========================
دراجون سول مشكور على الرد

===========================
سندرلي الله يبارك فيكي

انبسطنا ايه صح صدقتك

مشكورين على الردود الرهيبه :p

ساحره القلوب

13-09-2002, 02:59

ههههههههههههههههههههههههههه

:D مبرووووك ليكم المقابلة عقبال ما تشوفوا اعضاء اكبر::سعادة::

تحيات:
ساحرة القلوب

WaSiMoO

13-09-2002, 03:16

هاااااااااايوووو اعضاء ميجا او ميقا ميكس =========>>خشه غلللللللللط في غللللللللط:p
هلا اسامة ومشكوووور لانك كتبت الموضوع رغم اني المفروض اكتبه لكن النت بطئييييييييء بالرياااض::مأزق::
اتوقع جا دوري لاوصف المقابلة الي صارت::crazy::
المكان : السعودية - الدمام الساعة :5 العصر يوم الجمعة
تووووووت تووووووت وسيموو: الووو وهو نايم في سابع نومه :نوم:
خالد( ولد خالي) : هلا بو فيصل (انا) ها معزم تجي الرياض انا بمشي الساعة 8 جهز اغراضك عشان نمشي
وسيموو: هاااااااا طيب يلله بسرررررررعة
جهزت اغراضي وطلعت بعد مامر خالد ومسكنا خط الرياض الساعة 10 بالليل بعد العشاء::فكرة::
وصلت الساعة 1 ليلا على طول على الشقه وجلست على النت البطيئئئئييييي
المكان :الرياض الساعة :7 الصبح على الماسنجر
تررن =======>>دخل واحد بالماسنجر كنت انتظره:عطش:
مييييين طلع OSM
وسيموو : هلااااااااااااااااا اسامة شخبارك
اوسم :هلا =====>توه يستوعب الاخ :نوم:
وسيموو: عطني رقمك بسررعة
اوسم : طيب بتصل عليك انا مخزن رقمك
وسيموو: اوكيه
تررنتررن
وسيموو: هلاااااااااا عندك لك خبر ((جنان)) على قولت واحد من الشباب ====>عاش مصرف
اوسم:وش الخبر خيييييير
وسيموو: انا بالرياض
اوسم : لاااااا صحيييح؟؟ ياهلا والله الحمد لله على السلامة
وسيموو: الله يسلمك
وقررررررقرررررر قررررررقرررررر حوالي ساعة او اكثر
وسيموو:اوكيه انا بدق عليك عشان نتقابل
اوسم : اوكيه
اليوم الاول دواره في شوارع الرياض العاصمه كان يوم السبت
ارسلت ماسج لاوسم قلت له رايح حديقة الحيوان
ولكن كان بالليل ومغلقة =====>>احسن كنت باروحها غصب عني::فكرة::
كلمت اوسم
وسيموو: هلا
اوسم:اهلين
وسيموو : وين نتقابل؟
اوسم : انا في صالة فال للتزلج
وسيموو: وش ذي وينها في؟
اوسم: عند صلاح الدين
وسيمووو: هااااا امممممممم طيب بنشوف انشا الله بالكثر نص ساعة واكون هناك
اوسم: اوكي سي ياا
وسيموو: هلا خالد ودني فال عند الشباب
خالد اوكي طيب بقطك واروح مع الربع
وسيموو: اوكيه
وبعد نص ساعة وبعد التوصيف من اوسم وصلنا للمكان المنشود
وصلت عند الدرج
واتصل على اوسم
وسيموو:هلا اوسم وينك
اوسم: انت وينك؟
وسيموو: انا عند الدرج
اوسم: اي درج ويييييييين في
وسيموو : مادري جنبي الاتصالات
اوسم :وصلت خير اوكي جايك
ويتقابلون الشباب ويسلمون على بعض :cool:
شوي الا يتصل الرومانسي
وسيموو: ها وينك
الرومانسي انا عند البولينغ
وسيموو اوكي جايك مع اوسم
الورمانسي : اوكي
ونتقابل مع الرومانسي ونسلم عليه كثير
وندخل نلعب بلياردو وانا فزت على اوسم وانا اول مرة العبها::crazy::
وجلست اسولف مع اوسم شوي والرومانسي هادي مايتكلم
وانا كنت منزعج من المكان صراحة مكان غلط بزران وسودانين وطعوس الله لايوريكم
ياليت تقابلنا بمكان احسن:(
وانا اقول لاوسم: تعالوا الشرقية نوريكم كيف الطلعات
اوسم: يصير خير السنة الجايو
وسيموو: بكيفك بصراحة الرياض مو مكان مناسب نتقابل فيه
اوسم: قلنا يصير خير:p
وسيموو: طيب
شوي ولا يتصل خالد
خالد: يلا اطلع لي انا برى انتظرك
وسيموو: اوكي جايك
اوسم: فرصة سعيده وسيموو
وسيموو: وانا اسعد
الرومانسي: والله ماوفيناك حقك
وسيمووو: مو مشكلة الوعد بالشرقية
الشباب: اوكي يصير خير:p
وهذه اغلب الاحداث الي صارت وبعضها حذفناها مع الرقابة خاصة كلامي مع اوسم:p
واسف اذا طولت عليكم:rolleyes:

الرومنسي

13-09-2002, 04:17

السلااااااااااااااام عليكم يا جماعه http://smilies.sofrayt.com/1/y/inlove.gif
ان شاء الله مرتاحين ..اولا هذي بوووسه لكم http://smilies.sofrayt.com/1/y/remybussi.gif .. وسمحونا على الغيبه الطويله هذي ... والحين بابدء .

كلمني الوسيم ... هلااااا رومنسي /
انا / اهلييييين وسهلين .
هو/عندي خبر حلوووو
انا/ ما هو ؟؟؟؟
هو/ انا في الرياض http://smilies.sofrayt.com/1/f/wiggle.gif[Automated by GetSmile]
انا/ والله http://smilies.sofrayt.com/1/f/2jump.gif
الوسيم / اي نعم
قلت / قلت خلاص اسمع ودنا نتقابل وودي امشيكم في المكان الي تبون
هو/ لا لا على شان معاي ولد خالي .http://smilies.sofrayt.com/1/r/sgrin.gif
قلت انا / حياك الله انت وولد خالك .http://smilies.sofrayt.com/1/8/blink.gif . وين ودكم نروح استراحتنا ولا ودكم نتمشى ولا لا ...... الخ
...قال/ خلاص ادق عليك بكره العصر .

قلت تماااام............والله وانا مستاااااااانس http://smilies.sofrayt.com/1/r/dance.gif

___ نمت انا ... بكره المغرب قمت ... وناظرت الجوال ..http://smilies.sofrayt.com/1/3/fie.gif[Automated by GetSmile] يقلع ام القهر كم ... 8 ارقام فايته ...وفيه كان منها الوسيم .. توقعت انه راح http://smilies.sofrayt.com/1/0/cannibal.gif ياكلني ..هههههههه

المهم دقيت عليه وقلت سوري وفهمته الوضع قال اصلا ما تقابلنا الى الحين اليوم راح نقرر قلت خلاص ..
ودق علي وقال انا بروح عند فال قلت خلاص قداااااااااام .

المهم واروح ....وانا كل ما اشوف واحد اقول بس هذا هو http://smilies.sofrayt.com/1/h0/crazy.gif .. المهم وادق عليه انت وينك .

قال انت وينك قلت انا عند الدرج .... (بس مو نفس درجهم
:) المهم ونقابل ... واسلم عليهم http://smilies.sofrayt.com/1/y/remybussi.gif ويسلمون علي ...الخ

المهم قلت ون عوزين تروحوااا ... قالوا البلياردوا . قلت اوكيه

المهم والعب انا واوسم وخلاص جيت بفوز عليه باقي السوداء وانا مستانس http://smilies.sofrayt.com/1/r/dance.gif[Automated by GetSmile]
اجيت وحدت مكان وجبتها في مكان ثاني .. وعلى حسب القانون هو الي فاز http://smilies.sofrayt.com/1/q/bawling.gif..

وعدين لعب مع الوسيم هو ... وشربنا بارد وقعدوا يسولفون .. وانا قاعد احلل شخصيتهم ....:p
ولعبنا لعبه ثانيه والله مدري وش اسمها لكنها مشهوره هذي الطاوله الي فيها هواء المهم ويلعب اوسن مع الوسيم ويفوز ... اممم التذكر انه الوسيم .

واباري الوسيم .. وفزت عليه .:cool: كانت النتيجه 9-7

وبعدين جت المكالمات الي خربت علينا ..http://smilies.sofrayt.com/1/q/sad.gif وكل واحد جاء يبي يروح .. وانا كنت حاسب حساب العشى .. واصلا كانت الطلعه الي في راسي غير .

لكن خيرها في غيرها ... واقول للوسيم المره الجايه خلوها علي .. واوريكم حاجات ما قد شفتوها في حياتكم .. راح اوديكم الاثار والسد وراح ادخلكم مزارع ..... لكن خيرها في غيرها ....
::جيد::

ومعليش طولنا عليكم ......... ووالله كنت اتمنى فانتسي معنا لكن وش نقول .

وباااااااااااي http://smilies.sofrayt.com/1/r/hair.gif