تبون تسولفون.................؟..؟..؟ [الارشيف]

عرض كامل الموضوع : تبون تسولفون.................؟..؟..؟

راعي الكروزن

13-03-2006, 13:16

السلام عليكم
شو رايكم نسولف رباعه عن الموضوع إلي تبونه حتى لو كان موضوع خاص ..........:cool:
عطوني موضوع أبدا فيه ...............ولا أقولكم إبدوا إنتوا وأنا بشارك معاكم..............
ههههههههههههههههههههههههههه...:cool:

تفاحه

14-03-2006, 12:21

حلوو
انا بقول موضوع بس
اذا تناقشنا فيه راح يقفلون الموضوع

وااااى انتم

15-03-2006, 12:03

خخخخخخخخخ تفاحه قولي الموضوع على مسؤليتي خخخخخخخخخخخخخخخخخخخخ

تفاحه

15-03-2006, 12:08

ههههههههههههههههههه
مالي دخل انتي قلتي

نبي نتكلم عن الشيعه !!!

وااااى انتم

15-03-2006, 12:10

خخخخخخخخخخ

لا هذا الموضوع ممنوع نتكلم فيه علشان في حريه للمذاهب

اوكي قولي موضوع ثاني نتكلم عنه ؟؟؟؟؟؟؟؟؟؟؟؟؟؟؟؟؟

تفاحه

15-03-2006, 12:17

ههههههههههههههههههه
طيب

شرايكم نتكلم عن اممممممم
مدري
اطرحي انتي موضوع

وااااى انتم

15-03-2006, 12:18

نسولف عن التفاح خخخخخخخخخخخخخخخخخخخ

تفاحه

15-03-2006, 12:23

ههههههههههههههههههههههههههههههههههههه
وش تحبين الاحمر والا الاخضر ههههههههههههه

وااااى انتم

15-03-2006, 12:30

احب الازرق خخخخخخخخخخخ

ندى المساء

15-03-2006, 12:46

التفاااااااااح
خلونا نسولف في
0000
؟

الشات

وااااى انتم

15-03-2006, 13:04

يله نسولف عن الشات

انتي اي شات تحبين ؟؟

shegoon

15-03-2006, 14:08

شرايكم نسولف عن.........
.....
.....
.....
.....

أف ما اعرف خنسولف عن البر
مرة كنت قاعدة العب انا مع عيال عمي ولا أحفر في الارض ويطلع
(((( بريعصي ))) كلككم تعرفون ايش هو صح؟؟؟
قمنا نصارخ ونشرد وبقى ولد عمي الصغير ولا مسك البريعصي
وقام فعصه لين ما مات يوم جينا نشوف شصار
أقول له وين البريعصي قال أنا مسكته وعصرته لين ما نام
والله متنا من الضحك !!!!

يللا دوركم شوفوا سالفة

فديتني عيناويه

15-03-2006, 19:27

هههههههههه
والله ان تحفة

انا مااعرف انتو دوروا سالفه :)

Grave diggeR

15-03-2006, 19:38

امــــــــــــــــــــــــــــــــــــــــــــــــ مممممممم

شرايكم في المقالب

...يعني كل واحد يقول احسن مقلب صار له^_^

......وبعدين نشوف لنا موضوع ثاني^_^

اليـــــاقوتــة

15-03-2006, 20:11

Grave diggeR

15-03-2006, 20:17

السلام عليكم .. شحالكم

ممكن اشارك ... اوكي ممكن .. مشكورين .. بقولكم على مقلب صارلي يوم كنت في ايام الثانوية سوه فيني بنات صفي

كنت برى الصف ونادوني البنات قالولي انهم يبوني ضروري في الصف... والاخت مصدقة ويت تتحرى نفسها مهمة وشخصية .. المهم يوم فتحت الباب شي طاح على راسي ... ووسخ وقرف ... اتاري حاطين سلة الزبالة على الباب وعاد يوم فتحته نزلت السلة و ضربتني على راسي زين ماصار فيني ارتجاج بالمخ ..والله راسي عورني واايد ... وعاد كل القرف نزل علي .... يع كان شي مقزز ... ماتوا علي من الضحك .. وعاد انا الضحية .. كانت ايام حلوة ...ههههههه ..
موقف ما انساه .. ههههه

...ههههه منجد ما ينسي

..انا مرة كنت مستجعل وصاحي من النوم متأخر على طول غسلت وجهي ولبست ثوبي وطلعت

...وما وصلت المدرسه الا كل الاولاد يأشرون علي ويضحكوون وانا اطالع في نفسي وما لقيت

شي بالأخير يوم خشيت الصف قالي صديقي نعالك حلووو؟؟؟

وأطالع بنعالي الا طلع الي حق الحمام .. عاد تخيلوا الوانه فسفوريه

..موقف ما ينسي^_^

وحده حلوه

16-03-2006, 14:20

هههههههههههه ا
اما موقف محرج؟
انا مره طلعت استنى ابوي (طالعه من المدرسه)
وما لقيته ودخلت نزلت عبايتي وو بديت انزل المريول على العاده
لكن الحمد لله وقفوني صديقاتي ؟؟
تخيلوا لو ما كانوا صديقاتي موجودات؟؟؟؟؟؟؟؟

اليـــــاقوتــة

16-03-2006, 15:38

السلام عليكم

والله وضحكتوني هههههههه :D

وما وصلت المدرسه الا كل الاولاد يأشرون علي ويضحكوون وانا اطالع في نفسي وما لقيت

شي بالأخير يوم خشيت الصف قالي صديقي نعالك حلووو؟؟؟

وأطالع بنعالي الا طلع الي حق الحمام .. عاد تخيلوا الوانه فسفوريه

هههههههه .. :p ... فسفوري ..فسفوري عاد ... الحمدلله محد احول ولا انعمى .... الصراحة انا راح فكري بعيد ... فكرت انك لابس نعال امك او اختك ... ههههههه :D

:)

راعي الكروزن

16-03-2006, 16:40

السلام عليكم..
اقترح نسولف عن موقف تفشلتوا فيه في السوق...
أنا مره سرت السوق .. امشي و مستعيل جن المركز بيطير.. شوي و ظرب راسي في رفوف عند مدخل المركز..
مت على عمري من الظحك...و الناس لي حولي بعد....

وحده حلوه

16-03-2006, 20:59

انا مره كنت بالسوق دخلت محل انا وبنت خالي
وكان المحل فاضي وانا اتفرج عالبضاعه دخل رجال ومعه بنتين المهم انا ما شفتهم يوم دخلوا

واعجبتني قطعه ومن الحماس سحبت بنت خالي الي كانت وراي؟
والبنت ما تجي ؟؟؟؟؟
يوم لفيت لقيت نفسي ماسكه يد الرجال زهو لاف وجهه يستناني افك؟؟؟؟؟

طبعا ما لقيت صوت اقول لبنت خالي اني طااااااااالعه!!!!!!!!1

راعي الكروزن

17-03-2006, 07:32

سلام..................هههههههههههههههههههههههههههه ههههههههههه ليتني الريال والله ...
مشكوره اختي على المشاركه..
و أنا مره أدور اميه ابى اروح صوب ربعي ..وأنا في المركز ..مسكت حرمه مب أميه ..قلتلها أميه ..اشوفها انصدمت..ههههههههههه..وترد على ورا..ههههههه..وأشوفها ما ترمس..والي حولها يطالعني بنظره غريبه.. شوي واستوعبت الموضوع....ههههههههه حليلها تروعت..هههههههههه..

ومره أمشي في مركز...و أرمس على التيلفون ..ومندمج ..اسولف واظحك ..شوي و ادعم العمود..

حتى في المدرسه والله ألعب كوره ويا الشباب..و واحد من الشباب معاه الكوره ..اوني باخذها منه ..هو جدامي يربع ..شوي ولف ..ولا أنا أربع سيده..شوي وأظرب في العمود ..لا وسوى صوت مدووووووووووووووي في الساحه كلها ..الكل يطالع ..شوي ..و أغمي عليه..حليلي...هههههههههه
كملت أسبوع أتلقى التهاني على السلامه و التعازي بعد..هههههههه .. استوتلي دعاميه في يبهتيه والله ....ههههههههه ..ومن هذاك اليوم لين الحين يوم يشوفوني عدال عمود ..قالوا شو رايك تظرب فيه ..وسو عمرك ..الأمير النائم...ويظحكون..هههههههههه
سوري طولت عليكم..... إن شاء الله ما تكون سوالفي سخيفه..:cool:

فديتني عيناويه

17-03-2006, 13:18

ههههههههههههههههههه اتذكرت السالفه انا كنت شاهدة :)

مرة كنت ف بوظبي مول وكانوا يعدلون الطابق الثاني وكل حد كان هناك وكان شي خشبة مرتفعه وكنت اطالع مااعرف منو وجان اتخرطف وجافوني الناس وضحكو عليه وانا متتتتتتتتتتتت من القفطة ههههههههههههههههههههههههه

راعي الكروزن

17-03-2006, 15:49

سلام
هههههههههههههههههههههههههههه
مشكوره على المشاركه..

فديتني عيناويه

18-03-2006, 19:52

العفو اخويه وتسلم ع الموضووع النايس :)

دجهcool

19-03-2006, 14:21

المو ضوع حلو مره

انا مره كنت رايحه البحرين وفي محل القزاز يلمع كنه ما في قزاز

وانا العب مع اخوي سيارات يعننا مسوين سباق

واجي طايره واصدم بالقزاز والناس تجمعوا وقعدوا يضحكون

وانتفخت جبهتي (اللي فوق الحواجب)

هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع هع 0000

فديتني عيناويه

19-03-2006, 15:17

ههههههه حليلج والله

انا مرة كنت ف القرية العالمية ف دبي وكان زحمه فا وانا امشي تهت وضيعت مااجوف عمري الا امشي مع وحدة مااعرفها واتحسبها اماية ههههههههههههه
وعقب تموا الناس يطالعون مستغربين جان اقفط وعقب تميت ادور اماية وهليه وعقب حصلتهم وسرت عندهم ..هههه
لووووووووووووووووووووووووووووووووووووول :) :)

shane west

19-03-2006, 17:00

مشكوره عالموضوع الحلو

ممممم يا ربي وش صار لي موقف.......؟

إيييييييه
يوم لما كنت بالإبتدائي كنا بالمصلى و كنت أنا ميته من الظحك كنت أتخابط مع صديقتي و بعدين لما بدو الصلاه قعدت أدور طرحتي و لقيتها تحت رجول البنت إلي قدامي و حسبتها واطيه عليها(حاطه رجولها فوقها)
عاد أنا مع الظحك مدري وش جاني و سحبت الطرحه بقوه و ما أدري إلا و أسمع صوت وراي إلتفت لقيتها إستاذتي خبطتها على (صدرها) بكوعي عاد هي صرخت صرخه

لوووووووووووول

إن شاء الله يكون الموقف مظحك و سوري بس ما أتذكر إلا هو

اليـــــاقوتــة

20-03-2006, 11:40

السلام عليكم

الله يسامحج ... شكلها المعلمة كانت في موقف لا تحسد عليه .... هههههههههههههههههههههه

راعي الكروزن

20-03-2006, 12:57

السلام عليكم...........

والله سوالفكم تظحك..........

ومشكورين على المشاركه...........

راعي الكروزن

20-03-2006, 13:07

بقولكم سالفتيه انا و ربيعي اليمني إلي عندنا في الصف........
مره انا و الفيلسوف اليمني قررنا نشرد من حصة العربي..استاذ العربي عاد...الله لا يرويكم...
شردنا عاد ..........اندسينا في وحده من قاعات المدرسه....... انا صاكت...و اليمني يسولف عليه..يسولف ويسولف....شوي وتدخل ذبــــــــابـــــــــه في........(( خــــــــشـــــــــمــــــه ))..........هههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه والله إني مت من الظحك عليه اسبوع و انا اظحك....................لا وأهدده إني بخبر الشباب عن إلي صار ههههههههههه ................
إن شاء الله ما أكون لوعت بجبودكم...............

shane west

20-03-2006, 15:12

لوووووووووووووووووووووووووول مسكين طيب طولت الذبابه و هي جوا >>>>الله يقرفني

طيب خلوني أتذكر سالفه و أقولكم وعد>>>>>>>وحده مصدقه أن سواليفها تموت من الظحك

فديتني عيناويه

20-03-2006, 18:32

لوووووووووووول حليله ربيعك :)

راعي الكروزن

20-03-2006, 19:21

السلام عليكم..

مشكوره يالعيناويه.......

فديتني عيناويه

20-03-2006, 19:33

العفو يالبـــــــــــــــــدوي .. :)

فديتني عيناويه

20-03-2006, 19:41

مرة كنت في كارفور وعباتي طويله (مالت) انزين وانا امشي جان العباة تعلق ف العربانه وحصليلج الضحك هههههههههه انزين وتمينا ساعه ونحن نظهرها اف والله قفطة والناس يطالعون ويضحكوون ..
مشكلة هالمواقف :)

Grave diggeR

21-03-2006, 11:18

هههههههههههههههه

.....والله مواقفكم تضحك مررررة

انا ان شاء الله بتذكر او بقووول لكم

..^_^

بنت دار الزين

23-03-2006, 08:47

[::جيد:: B]
أسميك فطستني من الظحك يا راعي الكروزن...ما أعرف شو أقولك سوالفك تموت من الظحك والله يعلم إني ظحكت لين ما دمعت عيني...

زين بقولكم سالفة إستوت وياي..:p :D

هذا الله يسلمكم مرة طلعت ويا أمايه كارفور..وشترينا ولفنا سامان البيت..عاد يوم يينا نحاسب تذكرت أمي إنها ما إشترت تايد..فقتلها خلج يا أمي أنا بسير أييبه..عاد أنا الفالحة ما أعرف وين التايد كليوم ويغيرون الأماكن مالت السامان..المهم قعدت أحوط وأدور هالتايد اللي ماطاع يطلع..ولا شوي أشوفلكم سبيت خاااااااااطر إحذرو شو كان يشتري؟؟؟:rolleyes: :لقافة: :مذنب:

كع كع كع كع كع كع كع كع كع كع كع كع كع كع كع كع كع كع كع

::سعادة:: :مرتبك: يحليله ما كان يشتري شي بس كان يولف حلويات شكلهم عندهم وااااااااااايد يهالوه فيالبيت..زين لقينا التايد الحين شقايل أشله كبير واااايد .. في الأخير إطريت أشله ما بغيت أظيع مرة ثانية عشان سيارة..المهم يا دور أدور أمي .. تميت أتذكر وين خليتها أطالع المحاسبين وجني أول مرة أشوفهم الحين وين ألقى أمي قعدت أفكر...ما لقيتها وقفت في صوب وتميت أتحسر على روحي ولا يخطف سبيت ويشوفني شاله التايد عاد إختكم تزيغ لما تشوف عمرها بروحها في المراكز ومح حواليها من أهلها .. سمعو عاد شو سويت..أول ما شفته..كان الحبيب ياي يقول شي..ما عقلكم التايد على ريله وأفل...هههههه زين ما طحت بس ..وأظهر برع وأزقر السايق أقوله أمي وين يقولي أمي بالسيارة..خلاني وسار ييب السيارة..وأنا واقفة عالرصيف أراقب لحد يكون لاحقني..ولا يطلع سبيت..وأربع ورا الدريول شرا الهبلة زين ما شلتني وحدة من السيايير الخاطفة جان إختكم الهبلة مرقدة بالمستشفى الحين..

سوري طولت عليكم بس لو كنتو وياي كنتو بتفطسون علي من الظحك..:مرتبك: :) :D ::جيد::

كع كع كع كع كع كع كع كع كع كع كع كع كع كع كع[/B]

راعي الكروزن

23-03-2006, 10:24

ههههههههههههههه..ههههههههههههههههههه........هههههه ههههههههههههههه

والله إنج نكته .............زين ما كسرتي ريل الريال......عاد كله ولا ريول سبيت خاطر...........

.....مشكوره على المشاركه.........
:cool: