Sozuke
29-09-2001, 17:32
مرة كنت رايح لمسرحيه "لن اعيش في جلباب زوجتي" مع ربعي ... لا و المشكلة كلهم اخذو كراسي يم بعض الا انا ... بعصه .. خذيت كرسي من الكراسي الل وراهم شوي يعني اشوف روسهم من ورا .. لووول ... المهم البعصه مو هني .. البعصه يوم عرفت منو اللي بيقعد يمي .. و لا صفه بنات .. ::سعادة:: يا خبر ابيضضضضضض ... انا بروحي استحي ... لوووووول ... الصراحه قاعد طول المسرحيه متسمت جني قاعد بطيارة .. يوم خلص الفصل الاول صارت استراحه ... طبعا الناس تروح تشتري نفيش - بيبسي - حب شمسي اي حاجه يعني .. و انا مو قادر اطلع كله بنات من الجهتين .. و مو اي بنات .. بنات حلوات لووول من طقه (الوردة البيضاء-نوارة-الاميره كيوروراياراو) هاهاها "غشمرة" :D ... عاد ما اشوف الا البنت اللي يمي .. قاعده تحاجيني .. قالت "شلون الفصل الاول؟" قلت لها "زين زين و الله عجيب(طبعا كلماتي مو على بعضها تدرون .. مهو انا مزنووووووووووووووووء لووووووووووول :)..)...بعدين قالت شفيك مستحي ترى عادي...(انا قلت بقلبي شفيها ماخذه راحتها جذي؟)...و سكتت...بعدين قالت حق البنت اللي يمها مادري يمكن رفيجتها او تصير لها "وي قطيعه هذا ما وده يسولف و لا وده يتكلم شسوي فيه" ... قالت لها "وي خليه كيفه نطري بعد شوي اهو اللي راح يكلمج" .. (هاها ماتدري ان الغالي ما يرخص و انا غالي .. هاهاها) ... المهم بدة الفصل الثاني..وطول الفصل و اللي يمي هاده المسرحيه و قاعدة تكلمني ... و انا ما ارد عليها الا ب "زين" "مادري" "أي" "حلو" بس ... كلمات متقاطعه هاهاها...و المشكله واحد من ربعي اللي جدامي كل مل يلتفت و يشوف هذي تكلمني .. يقول "ايه ايه بو عزوز ضبط ضبط على راسي" .. و هو ما يدري اني مزنوووووووووووووء .. هههههههههاااا :) ... و الله قاعد اعد الدقايق ابي المسرحيه تخلص ... و يت ساعه الفرج خلصت المسرحيه .. قمنا ... طلعت بره شفت ربعي .. قالو لي بالبركه يا بو عزوز مبروووك على التضبيطه .. قلت لهم "يا ناس ارحموني بئة انا وين و انتو وين" ... لوول .. حطيت ايدي بالباركوت "طبعا وقتها كان برد" ... ما لقيت تلفوني ... !!! يا جماعه يا ناس البنت البنت !! قالو ايهي الصاحبه .. قلت اي صاحبه اي بطيخ تلفوني انباق .. قالو و الله قلت اي شنو العمل ... و الله رحت ادور عنها وسط الزحمه ما لقيتها .. عاد و الله تلفون نوكيا 8890 قاط عليه العيديه كلها 180 دينار .. دينار ينطح دينار :( .. تحسفت و الله .. و ما عرفت شنو اسوي ... شوي و لا واحد من ربعي يناديني ... قلت له ها شصاير قال بنت تبيك .. قلت لا والله اي بنت انا ما اكلم بنات "يعني ما عندي صاحبات هاهاها" .. قال لا تكلم شوف .. تكلمت .. "قالت لي وحده هاي حبيبي و هي تضحك و ناس بعد يضحكون معاها "رفيجاتها" " قالت لي "تلفونك عندي حره حره" ... قلت لااا لااا يالحرامية شلون عرفتي هذا الرقم ؟ قالت "دورت بالفهرس جان القاه جدامي و اتصلت و لحسن الحظ انه تلفون واحد من ربعك اللي موجودين هني" .. قلت لها الحين انا ما ابي الا تلفوني يالله رجعيه ليو انا ما راح اسوي لج شي .. مسموحه .. قالت "لا يا حبيبي تبيه تعال مطعم فرايديز باجر الساعه 7 بليل .. وراح تلقاني هناك" ... ياناس عيب شنو هذا ما بقى بعد الا انا و مواعيد و سوالف خربطه .. قلت لها يا معودة انا مو مال هالسوالف انا لعب كرة و يالله .. قالت " تبيه تعال ما تبيه بالطقاق" .. قلت همممم اوكي خلاص .. موافق عطتني بوسه و قالت باي يا حياتي ... (الغريب انها من اول لقاء حبتني و انا ما اشتهيها شنو حب من طرف واحد و لا ايه يا جماعه ؟"... المهم صار يوم الخميس .. طلعت رحت للمطعم ... شفتها ... شافتني .. قالت لي تعال اقعد ليش مستحي .. قعدت قالت لي شنو اطلب لك قلت لها لا انا اللي راح اعزمج بس التيلفون بالاول .. قالت حاضر .. عطتني التيلفون .. قلت لها شوي بس بروح الحمام و راجع .. قالت اوكيه انا ناطرتك ... المهم مع هالزحمه ما لاحظتني .. طرت للسيارة و قلت للسايق يالله دوس على البيت لا ادوس راسك ..هاهاها وداني البيت و خلصت .. من هالمشكله ... بس تبون يا شباب السالفه الاقوى ؟ ... بفريجنا باليرموك ... في بيت توه خالص .. و فرشوه و خلصو .. سألت أبوي من بيته هذا ؟ قال هذا بيت "الــ.." قالت اها ... قال ايه اليوم بييون و امك بتروح لهم تبارك لهم على البيت ...(تدرون جيران جدد) ... وصلو .. بس المفاجئة وين يوم نزلو من السيارة .. و دخلو انا كنت قاعد اراقب من الدريشه هاها .. نزل الاب و الام و اخير نزلت بنتهم انا يوم شفتها جان راح اجن ... البنت هي نفسها اللي باقت التيلفون و طلبت مقابلتي و و و .. !!!!!!!!!!!!!!!!!!!
و انا للحين مو قادر اترقع اطلع من البيت بنظاره شمسيه اذا كانت هي بتطلع او شيء علشان ما تعرفني... ارد بالليل اذا شفتها بره يعنيا وبتطلع البس نظاره شمسية بعد .. و الله حاله يا جماعه :) ...!!!!!!!!!!!! لا ليلي ليل و لا نهاري نهار ... بس خلاص من باكر بطلع عادي تشوفني ما تشوفني اصلا هذي بنت منتهيه رايحه فيها من يجرء و يسوي جذيه غير البنات اللي ... !!!!!!!!!!؟!!!!!!
و سلامتكم
و انا للحين مو قادر اترقع اطلع من البيت بنظاره شمسيه اذا كانت هي بتطلع او شيء علشان ما تعرفني... ارد بالليل اذا شفتها بره يعنيا وبتطلع البس نظاره شمسية بعد .. و الله حاله يا جماعه :) ...!!!!!!!!!!!! لا ليلي ليل و لا نهاري نهار ... بس خلاص من باكر بطلع عادي تشوفني ما تشوفني اصلا هذي بنت منتهيه رايحه فيها من يجرء و يسوي جذيه غير البنات اللي ... !!!!!!!!!!؟!!!!!!
و سلامتكم