PDA المساعد الشخصي الرقمي

عرض كامل الموضوع : لو تزيد الشوق جمرهـ تحولني رماد.. رائعة من روائع حامد زيد



سـ.§.ـلطـ.§.ـان
08-03-2006, 21:42
هذي رائعه حلوهـ عجبتني للرائع والمبدع . القنبلة "حامد زيد" ;)
:)

أترككمـ تستمعوون بقراءتها :)

تقول القصيدهـ..

مابقى إلا سود الأيام تحرمكـ الرقاد
كيف الأوهام تجرأ تسريك الغبون
من متى تجزع من الدمع وتخاف البعاد
من متى تقفي بك الظنون وتجيبك ظنون
صرت تأخذ كذبتي صدق ومزاحي وكاد
لو بقول أني بخونك تحسب أني بخون
ماتعرف أن كل شاعر يهيم بكل واد
وأنهم دايم يقولون مالا يفعلون
أبكـ أنا لو قلت أبنساك أنكرت الوداد
إعرف أني ما نسيتكـ ولاهم يحزنون
من جزع من صفعة الشمس يطمع بالبراد
ومن فقد وجهاته الخمس يلقى بكـ ركون
أعتبرها هفوة إنسان أو كبوة جواد
لو بتسمح فإنت غالي ولو تجرح تموون
عد صداتك المُـروّهـ وطعناتكـ ضماد
خلهن لا راحن طعون و لاردن طعون
خنجركـ يستاهل الطعن ومتوني شداد
ومنكـ يازين الخناجر و يا بخت المتون
رد لي حنية المزح بإحساس الجماد
خل واحد يجي صلب والثاني حنون
موت فيني وأندفن فيك بثياب الحداد
وأن حييت أموت برضاكـ وأحيابكـ هون
مرهـ أرقد بالكفن وأنت ترقد بالمهاد
ومرهـ أرقد بالمهد وأنت ترقد بالكفووون؟!!
لا تقول شجونكـ شجون وعنادكـ عناد
والبلا أن عنادكـ عناد وشجونكـ شجون
ربكـ اللي سخركـ لي تقود وما تقاد
والله الخالق ولله في خلقه شؤون
أزرع ضلوعي من رضاكـ وأبشر بالحصاد
لعنبو من جيت ترضيه وترد مـحـزون
بس تسوى لكـ بلد قوول تسوى لكـ بلاد
أنت كل العالم بكون و لحالكـ بكون
مابعد محبتكـ حب ومرادكـ مراد
غير كونكـ سيّّد حشاي تدري من تكون؟؟
نعمتين أختصن الخلق من جود الجواد
كافل الأرزاق من حيث مالا تعلمون
البنون ونعمة المال بعيون العباد
زينة الدنيا بلا شكـ في كل العيون
مثل زينة دنيتي بس عندي شيء زاد
من عرفتكـ صاروا المال وأنت والبنون
أنتشي بكـ نشوة التـيـه لعناق الرشاد
وأفزعكـ فزعة القرم لشهاق الزبّّون
وأحصنكـ تحصين الأرزاق عن درب الفساد
وأعشقكـ عشق المظاليم لفراق السجون
لو تزيد الشوق جمرهـ تحولني رماد
لو يزيد العشق شعرهـ بوصل للجنون
خل هقواتكـ كبيرهـ ونظراتكـ بعاد
كانكـ أنت بكبركـ تهون من اللي مايهون؟؟
أزعلـ وأرهن حياتي تحت رحمة زناد
إتهبى!! لاوالله إلا أنت والموت تهبون
عاد إذا نظرت هرجي ولا اللي قلت فاد
إننا لله وإنا إليـه راجـعـون
وأنت باكـر بتّعرف على ناس جداد
والكلام اللي يجيكـ من كل شكل ولون
لا تحسب أن كل كلمة تسمعها وكاد
ولا تصدق هرج شاعر وتخدعكـ الظنون
دايم إعرف كل شاعر يهيم بكل واد؟!!
وأنهم دايم يقولون مالا يـفـعـلـون!!
حتى أنا اللي قلت أعشقكـ وما أطيق البعاد
يمكـن أطلع ما عشقتكـ ولا هم يحزنون


وسلامتكمـ :)


أخوكمـ سلطاان :)

~*ظل القمر*~
09-03-2006, 02:53
ولا تصدق هرج شاعر وتخدعكـ الظنون
دايم إعرف كل شاعر يهيم بكل واد؟!!
وأنهم دايم يقولون مالا يـفـعـلـون!!
حتى أنا اللي قلت أعشقكـ وما أطيق البعاد
يمكـن أطلع ما عشقتكـ ولا هم يحزنون

صح لسانك

وتسلم يمناك


مع حبي...ظل القمر

بنت ^ نجد
23-03-2006, 14:34
تسلم يدك و مشكور

الرمنسي المشاكس
24-03-2006, 11:12
مشكور اخي على الموضوع الرائع والحلو في نفس الوقت

يونس99
05-09-2008, 18:36
مشكووووووووووووووووووووووووووور

أسى الذكريات
16-09-2008, 19:27
صح لسانك...

والشاعر حامد زيد هو من افضل الشعراء عندي...

تسلم اخوي على النقل....

تقبل تحياتي....

ودمت مع من تحب...

HASWQ
24-09-2008, 08:11
صح لسانك واللة يعطيك الف عافية ::جيد::