عرض كامل الموضوع : يوميات بحراني
(( يوميات بحراني))
اممممممم طبعا هذي أول مشاركة ليي في هذا النوع وان شاء الله يعجبكم وطبعا اهو باللغة العامية
سمو بسم الله قبل لا تقروون ولا تطنزون على أسلوبي انزين
الشخصيات:
محمد (بطلنا) عمره 21سنة, مريم 17 سنة(( أخت محمد)) ثانوية عامة , علي عمره 27 سنة (( أخ لمحمد وهو متزوج)) , فاطمة 23 متزوجة , هدى 25 سنة متزوجة .
يوم السبت الضهر (الساعة 4:30 )
جاي محمد من الشغل
محمد: اماااااااه
الأم : هاااا وش تبغي يا ولدي
محمد: ابي أعرس
الأم: أشوف طالع لينا بطلعة جديدة , ومن وين ليك البيزات؟؟
محمد: الجمعية ألي بتطلع ليي له
الأم: متفاءل الولد عبالك جم جمعيتك 1500 دينار ما تزوج هادي
محمد: انزين خل أبويي يساعدني
الأم : وأبوك من وينه ليه يا حظي
محمد: بيزات التقاعد له
الأم: وإذا عطاك بيزات التقاعد إحنا من وينه ناكل
محمد: اووووووووووووهو لا تصكينها في وجهي أنا ابي أعرس يعني ابي أعرس
الأم: والله روح قول إلى أبوك ها لحجي
بدخلة مريم توها قاعدة من النوم
مريم: هااااااا تحشون عليي ها من دخلت سكتون
محمد: قلبي وجهش أنتي الثانية
مريم: سكت انت والي يعافيك معروف بوزك كلش ما ينقط عسل
محمد: شكلش ناوية على سطار
مريم: اماااااااااااااااااااه شوفي ولدش متحجج
الأم: ما عليش منه أنتي سكتي ولا تحشرين روحش فيه
مريم: اففففففففف هالبيت ما ينقعد وياهم
محمد : ها اماه وش قررتين أحين
الأم: أني والله مالي دخل عندك حجي روح كلم ابوك
مريم: عن ويش؟؟
محمد: اقوليش انتين حدش فضولية عمرش ما بتصيرين عاقلة
مريم(( وهي قايمة عن الكف لا ينطبع في خدها)): ويه عشتووووو ماااااااااااالت عليك
وتركض مريم صوب حجرتها ودخلت وفتحت النت وبطلت المسنجر
(( مريووووووووم الحلوة)): هلا ام عباس شخبارش وحشتيني
((جااك الموت يا تارك الصلاة)): عباس رجلش اني مو قايلة ليش لا تناديني بهالاسم وبعدين وين وحشتش الا من ساعتين مفارقتنش في المدرسة.
((مريوووووووم الحلوة)): بعد احبش اموت فيش خخخخخخخخخخ
((مريوووووووم الحلوة)): الا بقول وش غداكم؟؟ احنا غدانا سمج ما تغديت
((جااك الموت يا تارك الصلاة)): حرة غدانا مجبوس دجاج
((مريوووووووم الحلوة)): يالخاينة قولي تجيب صحن حق بت جيرانهم نامت من دون زحير
((جااك الموت يا تارك الصلاة)): بصراحة ما جه على بالي كسرتين خاطري تبين اجيب ليش احين.
((مريوووووووم الحلوة)): وش الفايدة احين وش رايش نروح البرادة نشتري لينا خرابيط اجباس وكاكوات ,,بس أخاف أمي ما ترضى
((جااك الموت يا تارك الصلاة)): انزين خلي اخوش يشتري حقش
((مريوووووووم الحلوة)): ونعم الأخوان كل واحد من أقوله شئ قالي حاظر تأمرين امر,, مسود الوجه ما يرضى عمره ما طاوعني في شئ خليها الطابة مستور
وتمت مريم في الماسنجر تسولف لين الأذان طلعت تصلي,,
مريم في الحمام تتمسح والباب مبطل,,
وطاف عليها أخوها محمد وتطفر عليه الماي عن مزحة
الاخ محمد سكت,, استغربت مريم تقول الله يهديه
ما لحقت تتطلع من الحمام والا قلاص الماي في الوجه
مريم: هااااااااااااااااااااااااااااااا بسم الله
محمد : هههههههههههههههههههههههه عشان تتعلمين الادب ويا هالوجه
مريم: حمااااااااار ومدت لسانها طلعته من بوزها
محمد: مشكلة الجهال
مريم: الجاهل انته ويا هالوجه
محمد: ذلفي ذلفي صلي
مريم: صلى الله جوفك قوم انت صل مو بعدين بتقول صليت
وتروح مريم عنه تصلي وبعد ما كملت صلاة راحت الحوش إلى أمها وكان محمد قاعد((الأم تشرب قدو))
مريم : اماه اماه
الأم : هاااا
مريم : وش العشى
الأم: والله مادري متحيرة وش تبغين؟؟
مريم: امممممممممممممممممممم نبي معكرونة
محمد: لا والي يعافيش خلصوا العشيات ما نبي معكرونة
مريم: لا والله مو على كيفك
محمد : لا على كيفش انتي ,, اني عندي سؤال ابي اعرف ليش البنات كلها تحب المعكرونة وش السر!!
مريم:(تسوي روحها جادة) تبي تعرف السر؟؟
محمد: ايييييي
مريم : جيب ادونك
محمد: (( قرب ادونه))
مريم:(( تحط بوزها في ادونة)) بووووووووووووووووووووووووووووووووووو وتصرخ في ادونه
ويلحق وراها وتركض حجرتها
ويشخشخ الباب عليها
محمد : بطلي الباب احسن ليش
مريم: (( احين تقول اني يعني بنحبس في الحجرة وتفكر)) انزين ببطل بس أخر مرة لا تسوي فيني شئ ها,, بكوي ليك ثيابك مال الشغل
محمد : اوكي (( يضحك وعلى وجهه علامات الانتصار))
مريم: يعني آمان أبطل؟؟
محمد: بطلي
ورجعوا إلى أمهم مرة ثانية
الأم: أشوف انتهت المعركة بصلح اليوم
محمد: أي عقدنا هدنة أنا وياها
الأم: الله يهديكم
ويرن تلفون البيت وتشقح مريوم ركيض على التلفون
محمد : أي قامت بتلكو
مريم: هاع هاع
(( وتشيل التلفون)) شافت الرقم وعرفته
مريم: لا يمكن الاتصال حاليا بالرقم الذي طلبته ,, ذا نمبر يو كولينغ كانوت بي اكست
......: تكلمي عدل ويا هالوجه تلفوني ما فيه فوجار
مريم: انزين وش تبغين؟؟
فاطمة: وين امي؟
مريم: ليش وش صاير شتبغين فيها؟؟
فاطمة: وش هالحشرية الي ما بتجوزين عنها
مريم: إن شاء الله اللحين بسكر في وجهش محترمتنش لأنش ضيفة على التلفون(( وتفكر انها تنقعها على التلفون تضربها خيانة فيها وبعدين نجفت))
مريم: اماااااااااااااااااه بتش تبغيش على التلفون
الأم: انزين
وتأخذ الأم التلفون من عند مريم وتتكلم
الأم: الو
فاطمة : هلا أمي شخبار
الأم: بخير والحمد لله شخبارش أنتين
فاطمة: ماشي الحال
الأم : ها وش تبغين
فاطمة : أماه فشلتيني يمكن بس ابي اسال عن احوالش
الأم: أنتين ما تتصلين وتخسرين تلفون الا حق شئ
فاطمة: خخخخخخخ( متفشلة) باجر بنجي نتغدى أني ورجلي وش بتسوين الغدى
الأم: وش تبغين
فاطمة: امممممم سوي دجاج وعيش بدون حمصات
الأم : اوكي
فاطمة: يالله مع السلامة
وتسكر الام التلفون وتروح ود تقعد على القدو في الحوش
مريم: ها اما وش تبغى فاطمة منش
الام: تقول باجر بتجي هي ويا رجلها تتغدى وتسال وش بسوي الغدى
مريم: و ان شاء الله وش بتسوين الغدى
الام: قالت تبغى دجاج وعيش بس بدون حمصاات لان رجلها ما ياكل حمصات
مريم: لا والله واحنا شناكل حتى نغرم مالينا كار
الام: انتون بسوي ليكم فيه حمصة
مريم: أي عبالي بعد
محمد: أي لو احنا انجان ما سوت لينا بس لانه حق رجل بتها
الام: غيورين
محمد: صح لو لا
الام: والله على حساب بتي
محمد: بنشوف احنا لين تزوجنا عماتنا يسون لينا جدي
الام: انزين عن هالهرار قوم روح اشتر خبز حق العشى
مريم: ها ليش الخبز جه ما بتسوين معكرونة
الام: لا ما يمدي اسوي معكرونة احين باجر
محمد: ويه فشلوها اماه سوي بلاليط
مريم: لا والي يعافيش اماه لا تسوين بلاليط سوي فاصوليه اهون
الام: بلاليط مو عشى هذا يجعم بسوي فاصوليا اليوم
ومحمد بطلعة الروح راح يشتري خبز وقاعد يتحرطم بعد,,
وسوت الأم العشى وتعشو وبعد ما كملت العشى مريم ومحمد راحوا يطالعون فلم أجنبي في ام بي سي تو ومسوين المحل ضلام ولما كمل الفلم
محمد: مريم
مريم: ها
محمد : باجر عندي موضوع وياش
مريم: اوه من متى تصير عندك وياي مواضيع في تطور
محمد: ها تبيني اهون
مريم: لا والي عافيك انزين قوله احين
محمد: لا ما يمدي بروح انام باجر عليي شغل
مريم: افففففف يعني لازم تحمسني
محمد: تصبحين على خير
مريم: وأنت من اهله احلم فيني عاد ها
محمد: انجان تبيني اتخرع
مريم: افا
محمد يالله بلا افا تسوين روحش تكسرين الخاطر باي
وقامت راحت مريم تنام واهي تفكر شنو الموضوع ألي يبيها فيه
ولا جاها نوم تقول في قلبها إن شاء الله عاد موضوع يستحق تفكري عليه الله يستر
يا ترى شنهو هذا الموضوع؟
اذا تبون تعرفون شنو الموضوع انتظروا الجزء الثاني
Spirit Voice
06-03-2006, 07:18
ههههههه
يللا ننتظر الجزء الثاني
والله يعينهم اللي مايفهموا مصطلحات
بحرانية ، بيضيعوا في موضوعك :D
ومشكور على الموضوع
غدير المملوحة
06-03-2006, 15:27
مشكووورة على القصة وأنا بعد بانتظار الجزء الثاني
الجزء الثاني
اليوم الثاني الساعة ست الا عشر دقايق صباحا
محمد راح الشغل ومريم بعدهي نايمة
الام: مريم مريووووووووم قعدي لبسي للمدرسة
مريم: انزين بعدهي وقت
الام : أي وقت الباص يجي ست وثلث وانتي لحين نايمة
والله تبينه يطوف عنش وبعدين بتقولين هرب
مريم: افففف يالله صباح خير
الام: قومي لا بقلاص الماي عليش احين
مريم: اني اعرف تيمي متى اقوم الساعة ست باقي عشر دقايق لا تروحينهم عليي
الام: والله في الطقاق بعدين ما بدور ليش سيارة توديش ابوش توه جاي من الشغل
وراحت الام عن بتها ويوم جت ست بالضبط رن تلفون مريم وقعدت بخمول وكسل اهي طبعا تسبح من الليل لان ما عندها وقت ,,دخلت الحمام خمس دقايق ووالعشر دقايق الباقية لبست ومشطت شعرها وسوت كل شئ وتوجهت للمدرسة
في المدرسة من الصبح قبل لا يدق جرس المدرسة البنات في الصف
منى( زميلة مريم): مريوم
مريم: هاا
منى: سويتين واجب الاكاونت
مريم: وييييييييييييييييييييه ما سويته نسيت
منى: من متى اصلا انتي تسوين شئ في بيتكم
مريم: احين جيبي دفترش بلا كلام فاضي لا يودي ولا يجيب
منى: لحظة
وعطت منى مريم الواجب وحلته وارتاحت
((مريم طالبة ممتازة وذكية بس عيبها ما تحب تتعب روحها في الدراسة تعتمد على شرح المعلمة))
الضهر رجعت مريم من المدرسة وشافت اخوها محمد قاعد يم التلفزيون
مريم: سلام
محمد : عليكم السلام
مريم: اووووه شصاير راجع اليوم من وقت من الشغل لهلحد مو قادر تصبر تبي تقول الموضوع
محمد: لا عيوني اليوم مافي اوفر تايم
مريم: اها زين راحة له
محمد : أي راحة أي بطيخ الشهر ده كله مافي اوفر تايم يعني معاشي بجي حده بدة حق الجمعية
مريم: اها انت كم تدفع للجمعية
محمد: 150 دينار
مريم: بووووووووو وانت معاشك 150 من وين تاكل من وين لك حق بترول ووووو الخ
محمد: شنسوي ربش كريم
مريم: يالله توكل على الله,, بروح اني ببدل ثيابي وبصلي وعلى الغدى قولي الموضوع
محمد: اوكي
مريم: الا بقول وين امي؟
محمد: منبطحة في حجرتها
مريم: وش الغدى؟
محمد: دجاج
مريم: جت فاطمة وزوجها تغدو؟
محمد: أي جو اضاهر وراحوا بعد الغدى
مريم: اها اوكو سي يو لتر
وراحت تبدل وتصلي وبعدين نجبت غدى ليها ولمحمد وعلى الغدى
مريم: يالله استاز محمد(( استاذ محمد))
محمد: شنو يالله
مريم: اوهو لا تنرفزني
محمد: انزين انا بت الحلال امس مو كلمت امي عن اني ابي ازوج
مريم: أي والمطلوب مني
محمد: عاد ابيش انتين تدورين ليي بنية حلوة وزينة حق اخوش المحترم
مريم: من صجك انت
محمد: لا امزح وياش عجل ,, اكيد من صدقي
مريم: شلون بتعرس وانت ما عندك بيزات هذا عرس مو لعبة
محمد: بتطلع ليي جمعية
مريم: انزين شنو هالجمعية كلها الف وخمس امية هذي حدها مهر وضيفة وحفلة الخطوبة والبنية من تملج عليها مصاريفها عليك من وين بتجيب هادا
محمد: اقدر
مريم: وين تقدر وانت ما تشوف راتب الشهر دة كله حق الجمعية من وين تاكل انت عشان تاكل بت الناس وياك وتصرف عليها
محمد: ربش كريم
مريم : لا عيوني انت تفكيرك في الزواج سطحي وثانيا اول شئ سو ليك محل انت راس مالك في البيت حجرة حتى بدون حمام
محمد: اففففففففف لا تعكرين مزاجي
مريم: لاني اقول الصج مو؟
محمد: ادري كلامش صح بس لو بتابع هالاشياء عمري ما بتزوج
مريم: انت استقر في شغلة و ثبت روحك اول وبعدين فكر
محمد: والمطلوب
مريم: اصرف النظر عن الزواج احين لين ما تكون روحك شوي
محمد: انا ادري ما بقدر اكون روحي
مريم: ليش ما تقدر تكون روحك اكو اخوك كون روحه شوفه عمره كم 27 شوفه وش سوى,,قبل اشتغل عااامل في شركة وجمع وجمع ما غرته مغريات الدنيا وسوا ليه شقة واشترا ليه سيارة,, وبعدين الله وفقة واشتغل في الحكومة واشترى ليه ارض وتزوج والحمد لله عايش
محمد: هذا غير وانا غير
مريم: شنو الفرق بينك وبينه ما في فرق الا ان اهو يجود البيزات وانت تلعب فيها
محمد:رجاء لا تقارنين بغيري اذا تبين تقارنين طالعي الاوادم اكو فلان ابوه سوا ليه شقة وفلان ابوه ساعده
مريم: ويعني ابوي مقصر وياكم؟؟
محمد: انا ما قلت مقصر بس
مريم: بس شنو؟؟ ابوي الي يقدر عليه يسويه واهو تقاعد شتبغي منه استح شوي
محمد: اوكي بس خلاص هونت
مريم: احسن
وقام محمد غسل أيده وراح حجرته يراجع حساباته
ومريم راحت تريح شوي
في حجرة محمد
انبطح وقعد يفكر (( ليش انا بس الدنيا متوقفة عندي ليش اناو انا وانا...........)) لا الاخ راح في سبات عميق نام وترك الدنيا ورى ضهره
افكر الليل احط بعد جزء صغير
تحياتي
غدير المملوحة
09-03-2006, 07:48
مشكورة راقية بس نبيها كاملة ؟ما نبي جزء صغير نبيها كلها
shenmue2
09-03-2006, 08:09
:مرتبك: فشلونه البحارنه مع كلامهم :p مو عارف من وين يابو هذه اللغة , على فكرة البحراني يعني شششششيييييي.........اتعرفون الباغي:D
مشكورين على الردود الحلوة
الحين بنزل الجزءالثالثاني كريمة وانتون تستاهلون
***********************
الجزء الثالث:
العصر الساعة خمس
قعد محمد من النوم على إزعاج في بيتهم ويوم طلع إلا حواته المتزوجين اهني ويا اولادهم
في الصالة
هدى وفاطمة يسولفون
هدى : بتجين وياي سوق واقف المغرب؟؟
فاطمة: مادري إذا زوجي ما بيجي إلا الليل بجي وياش
هدى: اتصلي ليه شوفي
فاطمة: بعدين ,, احين لين عرفت مريوم بتنقهر أنش قلتين ليي روحتين عليها طلعة
هدى: خخخخخخخ إلا هي وينه
فاطمة: منجعسة
هدى : اها تبيني أقومها من النوم أهي حق الهيامة فالحة
وراحت هدى إلى مريم
هدى: مريم قومي انجان بتجين وياي سوق واقف(( وتسوي روحها تلبس))
مريم: ها سوق واقف
هدى: أي بسرعة قومي انجان بتجين اكو أني لبست ما بنتظر
مريم: أنزين بس صبري اغسل وجهي والبس
هدى : يالله اكو انتظرش في السيارة
مريم: أنزين بس مو تعجليني ضرب هرانة تزعجين الفريق
هدى: بسرعة بسرعة
وراحت هدى انخشت المطبخ
قامت مريم بسرعة ووجها مخفس من النوم وشعرها منشور
ودخلت الحمام,, واهي في الحمام طلعت هدى من المطبخ
ومريم سمعت ضحك عرفت انه مقلب من مقالبهم السخيفة عشان يقعدونها من النوم بس انقهرت ,, وطلعت من الحمام وهي مو مفيستنهم وهم يضحكون عليها
راحت المجلس وقعدت تطالع التلفزيون لين ما أذن
بعدين فاطمة وهدى راضو مريم وودوها وياهم سوق واقف
ورجعوها وكل وحدة راحت بيتهم
وما صار شئ محرز هاليوم ونامت الساعة وحدة الليل
وطاف هالاسبوع ما صار فيه أي شئ غريب عن الروتين
اليوم الاربعاء في المدرسة(( في الفسحة)) مريم وربعها
مريم: يالله اليوم على من الي يشتري
زينب: اليوم على صديقة
صديقة: لاا والله اول امس اني مشترية ليكم اليوم مو عليي
زينب: انزين اني امس مشترية مو عليي
صديقة: اني مو قصدي انتين اليوم على ناس قاعدين وساكتين يعرفون روحهم
زهراء: هههههههههههههه اففففففففففف متمللة ادش
مريم: يالله يالله دشي اني ابي كوك ( كولا) وطعمية وكاكو وجبس
صديقة وزينب: احنا بعد نفس الشئ
مريم: يعني كلنا نفس الشئ ما بنتعبش
زهراء: شنسوي يالله نقوم
مريم: اوكي احنا بنروح مكانا وانتين جيبيه ليي
زهراء : اوكوش
وراحوا قعدوا وجت زهراء بعد شوي ,,وهم قاعدين ياكلون
مريم: الااااااااااااااااي اليوم الاربعاء حليو
زهراء : ليش
مريم: اولا اخر يوم دراسي فانتاستك وثانيا الليلة فلم هندي
زينب: أي اشوة ذكرتيني عن الفلم الهندي اني شايفة مقاطع تدرون بطولة من ؟
مريم: بطولة من ؟
زينب: شاروخان وآشوريا راي
مريم: واااااااااااااااااااااو ان شاء الله ديفداس
زينب: والله ما اعرف اسمه بس شكله حليو
مريم: خخخخخخ زينب عاد أنتي كله تقولين ليي شبيحطون وفي الأخير أنتي تنسين واني أطالعه
زينب: أي والله اكل الجبن وما يسوي
مريم وصديقة وزهرة: خخخخخخخخخ تعترف انها تاكل جبن واجد
ودق الجرس وقاموا توجهوا للصفوف
صديقة: اوهو احين علينا بنك
مريم: احلا شئ كله سوالف
صديقة: وااااااااااااع ما اشتهيه
ودخلوا الصف وكل وحدة متعايره ووقت الهده توجهوا للباصات ورجعوا بيوتهم,, وسيدة دخلت مريوم النت تتصفح فيه فقي المنتدى الي مشاركة فيه..
غداً نلتقي
ان شاء الله يعجبونكم هالبارتين الي نزلتهم اليوم
بايو
تحياتي
ام عليوي القمر
13-03-2006, 13:23
هههههههههه
مشكور اخوي
ننتضر امزيد منك
tidus and yuna
16-03-2006, 07:20
السلام عليكم
انا تعبت انا وانا اقراها بس احلى شي ويا اخوها محمد ههههههههههههههههههههههه
مو بس محمد والأصدقاء والباقي الشخصيات :cool: ((لا وبعد مطوره البحرانيه عندها مسن)) هههههههههههههههههههه
والله حاله :p :p
انشاء الله نجوف المزيد من القصص العجيبه :تدخين: :تدخين:
ومع السلامه :ضحكة:
عاشقة دوك
16-03-2006, 07:43
شكراً على القصة الحلوة. بس عندي ملاحظة: هي عنوانها يوميات بحراني أو بحريني؟!
مشكورين اخوان ولكن اني اسف على التاخر في تنزيل العدد لاحق اسبواع القادم ان شاء الله
سوف انزل نصف العدد
اختكم راقية
الجزء الرابع
*************************
محمد من راح الشغل ما رجع بيتهم راح بيت خالته يتغدى
محمد: يالله يالله
الخالة: تفضل ما في احد
محمد: شحوالش خالتي
الخالة : الحمد لله
محمد: مافي اخبار يمين يسار فوق تحت
الخالة: لا والله هذا احنا على ما كنا
محمد: وين سعيد عجل ؟؟
الخالة: اكو من جه من الشغل راح نام خبرك اليوم الاربعاء وعشان السهر في الليل
محمد: أحين بروح أقعده مافي احد في الدرب
الخالة: لا روح
طق طق طق
سعيد: ((ولا كأنه يسمع حاقر))
محمد: سعيد أنا محمد بطل الباب
سعيد بطل الباب ووجه يقطع النصيب من هالنوم
محمد: مسامحة اخوي اضاهر أنا غلطان
سعيد: تعال يالحبربش تسوي روحك خفيف
محمد: ما تشوف شكلك انت روح عند المنظرة الي يشوفك اليوم ما يتوفق باجر
سعيد: بروح أحين اغسل وجهي وأنت ادخل الحجرة
محمد: عن المهلة عاد
سعيد: (( وهو طايف)) أنزين
قعد محمد يفتش ويعسعس انجان يشوف شئ في الحجرة
شاف صينية الغدى في الحجرة مقرفة الا يقول: باااااااااال وش هالوصاخة على اصول,,
سعيد: ها وش تسوي تعسعس
محمد: اشوف وصاختك مخلي صينية الاكل تحت السرير
سعيد: ايي نسيتها
محمد: علينا المهم وش الأخبار
سعيد:: مغبرة ولا في شئ جديد ومن صوبك
محمد: مثلك تماما
سعيد: اناهالايام خاطري اعرس
محمد: احلف؟
سعيد: والله ليش احلف
محمد: لان انا بعد ابي اعرس قلت الى بيتنا وسكتوني ما عندي مكان ومو مكون روحي عدل
سعيد: لا انا عادي
محمد: أي انت مسند على ظهر أبوك مسوي ليك شقة وفلوسك الي تجمعها حق الخطوبة وبعدين أنت توك متوظف في الداخلية تقدر تستلف قرض ما أقول إلا الله لينا
سعيد: تف تف صل على النبي أخاف أطيح ولا ليي طقة
محمد: أنا ما أحسدك بس أقارن بين ظروفك وظروفي
سعيد : يالله الله كريم
محمد: يرخص الحريم على اربع اسكريم
سعيد: ويش اليوم في طلعة شئ؟
محمد: ويش الخال ما نظم لينا طلعة
سعيد: ما سمعت شئ
قام محمد اتصل الى ولد خالته الثاني عباس
محمد: الو مرحبا
عباس: مرحبتين يا نور العين
محمد: شنو البرنامج الليلة
عباس: الليلة بنروح السينما وبعدين بنروح مطعم نتعشى والخال مو ويانا
محمد: اها
عباس: عاد البنات ويانا
محمد: هااااااااااااااااااااااااا !!!
عباس : يعني أنت وأختك مريم وسعيد وأخته علياء وأنا وأختي بتول
محمد: افففففففففففف ما نبيهم ما بناخذ راحتنا
عباس: انا مواعد اختي وقلنا بالمرة نودي البنات لأنهم كسروا خاطري ذيك المرة يوم يبون يطلعون
محمد: ما اعتقد امهاتنا بيخلونهم يطلعون
عباس: أنا أمي موافقة وسعيد أمه أكيد موافقة كذا مرة تخليهم يروحون السينما أحين على أمك أنت
محمد: اوكو يصير خير
وبند محمد من عند عباس ولد خالته
سعيد: ها ويش صاير؟
محمد: يقولون البرنامج الليلة سينما ويانا البنات
سعيد: اها
محمد: أحين بشوف أمي ترضى أودي مريم أو لا
وقام محمد طلع من بيت خالته على الساعة خمس العصر ورجع بيتهم,, دخل البيت إلا مريم تطالع التلفزيون بروحها
محمد: سلام
مريم: عليكم
محمد: رديها كامل لا أهون عن المفاجأة ألي مسويها حقش
مريم: ها مفاجأة وعليكم السلام والرحمة والبركة والله والنبي يحيك
محمد: أي جذي مو مثل منساعة ( وإذا حييتم بتحية فردوا بأحسن منها او ردوها))
مريم: اووووو وش صاير اليوم يقط حكم و أدلة
محمد: المهم ما أطول عليش
مريم: شنو ؟؟
محمد: اليوم المغرب برزي روحش
مريم: على وين؟
محمد: بنروح السينما
مريم: كللللللللللللللللللللللللللللللللللللللللوش وراحت بتحب اخوها
محمد: تباعدي عني
مريم: انت تتمنى اني احبك حبة
محمد: مستغني عن حباتش
مريم: الااااااااااااي
محمد: بس
مريم: بس شنو؟؟؟؟؟؟؟
محمد: أمي تتوقعين بترضى؟
مريم: اففففففففف حصلنا لينا عرقالة اشك في ذلك بصراحة لازم أمي بتعنجج
محمد: وين أمي خلنا نروح نقول ليها
مريم: يالله والله يستر (( وهي قاعدة تسمي وتدعي في قلبها ان أمها توافق ))بصلي ركعتين لله إذا أمي وافقت
محمد: اوووووووو لهلحد
هل يا ترى بتوافق الام او بتروح عليهم هالطلعة
نشوفكم في الجزء الي بعد العصر بحطه
تحياتي
الجزء الخامس:
****************************
وتعشوا الجماعة واستانسوا كانت فعلا طلعة مسلية بالنسبة للجميع
ورجعوا بيت ام علي كلهم
ام علي: ها استانستون
الكل: أي
مريم: عاد اليوم علياء وبتول بيبيتون في البيت
علياء: لا ما قلت الى امي ما يدرون عني
مريم: اكو سعيد بيقول ليها ما في حجة اني على طول ابيت في بيتكم وبتول بتبيت مو
بتول: مادري اذا علياء بتبيت اني ببيت
مريم: خلاص شباب توكلوا على الله وروحوا بيوتكم البنات بيبيتون في بيتنا واوردي باجر الخميس يعني عطلة وعشان نروح سوق الخميس بعد
عباس: هذا انتو موتتكم سوق الخميس ولاد فقارى
مريم: الحمد لله على كل حال واحين فارقونا
وسهروا البنات سهرة ونص الليل معدتهم قامت تصوصو وسوا ليهم معكرونة جاهزة نودلز وكلوها وعندهم هذا أنجاز أنهم طابخين يا زعم وبعدين ناموا,,طبعا كلهم على السرير لانه ابو نفرين ويكفي,,بس الحاف الي ثلاثهم هواش عليه في النوم كل وحدة تسحبه من صوب,,
والضهر قعدوا من النوم بس بعدهم على السرير((12:10))
فعدت تربعت مريم استغربوا علياء وبتول من النشاط الي فيها
قامت دخلت اصابعها في شعرها تنفض شعرها وتطيح القشرة الي فيها
علياء: يالكريهة شتسوين
مريم: الي تشوفينه
علياء: مو ناقصة قشرة تعديني اني عمري ما شفت وحدة غبية مثلش تزيده
مريم: هذي هوايتي المفضلة
علياء: والله احد عنده شعر حليو مثلش يقوم يخربه ادري فيش قبل انتي ما فيش بس انتي الي طلعتي
مريم: كيفي
علياء: بقوم اروح الحمام
مريم: روحي
علياء: عطيني مشمر
مريم: اكو في الكبت
علياء : بتول مرة ثانية ما بنجي نبيت في بيتهم احنا ضيوف وتخلينا نخدم روحنا
مريم: البيت بيتكم مو ضيوف
علياء: أي عشان بس ما تقومين
طق طق طق
الام: يالله قعدوا احين بنحط الغدى
مريم: اكو قمنا بس حارسي على ما ندخل الحمام
وكل وحدة دخلت الحمام وصلوا وبعدين طلعوا في الصالة
الام: يالله مريم امشي نبرز الغدى
مريم: اوكي
بتول: يالله علياء قومي نبرز وياهم
علياء : اوكو
مريم: لا قعدوا انتون ضيوف
علياء: توش تقولين البيت بيتش
مريم: مدام حلفتون امشوا
مريم بسطت السماط و جيق الماي وبتول جابت الغنجات ويا القفشات وعلياء الصفاري وقعدوا على السماط
الام: مريم جيبي الزلاطة وليمون
مريم: اففففففف يوم قعدت قالت
قامت جابته ونزلته
الام: وعلى وقفتش نادي اخوش محمد حق الغدى
مريم وهي مكانها تصاررخ محممممممممممممممممممممممممممممد قوم تغدى والله بناكله وما في غدى
الام: روحي ليه جذي لا بيقوم ولا شئ زلزعي عليه الحجرة
مريم: محمد قوم قوم تغدى تبغي تعال ما تبغى في الطقاق
جه محمد وقعد
مريم: تصدقون اول مرة اقعد على الغدى ولا اسال وش الغدى
الام: الغدى مندي دجاج
مريم: اشوة
الام: مريم روحي جيبي تمر
مريم: افففففففف كله أني,, أني جبت أشياء واجد
الام: قومي لا بارك الله فيش تبيني احد منهو
علياء: أني بجيبه اهو في وينه
مريم: بس بس بروح أجيبه أحين على ما افهمش هو وينه يبي ليي نص ساعة أقوم أحسن
وقعدوا ياكلون ما سمعوا الا شهقة
مريم: هااااااااااااا وييييييييييييييييييييييييييييييييه نسيت
كلهم انزهقوا
الام: وش فيش؟؟
مريم: اليوم الخميس نسيت ما رحت سوق الخميس محد قعدني
علياء: مسودة الويه زهقتينا على حساب سوق الخميس
مريم: ابي اشتري ليي شيلة اففففففففففففففففففففففف اماه ليش ما قعدتيني
الام: ما قلتين ليي
محمد: تستاهلين انتين كل سبوع وطقيتين الوجه
مريم: شلااخ ما اروح إلا إذا محتاجة شئ
محمد: باين
مريم: انزين اكرمنا بسكوتك
وكملوا الغدى وبعدين قعدوا يطالعون تلفزيون
علياء: خاطري في سويت افتر اييت
sweet after eat
مريم: امممممممم وش رايكم نسوي كريم كراميل
بتول: عادي امش ما بتهاوش؟
مريم: عادي امشوا انتون
علياء: لا راح المطبخ معفوس فوق تحت مدام مريم الي بتطبخ
مريم: سكتي لا ما اعطيش إذا سويته
علياء: اوووووو احين بيستوي حلو هو مو ناقص الا من ياكله
مريم: المهم خذي هالغوري وحطي فيه ماي انتين من ماي التحليةواني بشغل الجولة
عند الفرن مريم طبيعتها اول تشغل الغاز بعدين تبطل الشخاط وكل ما تقرب تشيل ايدها بعد اربع محاولات ضبطت وياها
علياء: الحمد لله والشكر فرن ما تعرف تشغل وتتفلسف علينا بعد
مريم: احسن منش حتى البيض المقلي ما تعرفين تسوين
علياء: مو كأنه الماي واجد
مريم: لا زين
وسووها وحطوهم في غضاير وحطوه في الثلاجة ورجعوا يطالعون تلفزيون وكل شوي يروحون يطلون عليه يشوفونه جمد او لا ويطلع ما جمد
المغرب أذن الأذان وصلوا بعد الصلاة
مريم: غريبة للحين مو جامد
علياء : هذا تسوات ايديش الفشل
مريم: بقول إلى أمي تشوفه
وراحت لامها
مريم: اماه سوينا كريم كراميل من الضهر لحين ما ستوا
الام: واني اقول وش الي عافس المطبخ
مريم: انزين ليش ما جمد
الام: اكيد محطوط فيه ماي واجد
علياء: ها مو قلت ليش بس تسوين روحش الطباخة افنان الزياني
الام: ارموه ما منه فايدة ما بيجمد ليكم احين بقوم اسويه
مريم: خخخخخخخخخخخ يالله جليقا امشو نرميه
ورموه والام ورد سوت ليهم وكلها نص ساعة وجمد ليهم وكلوه
وبعدين علياء وبتول راحوا بيوتهم ومريم قعدت على النت
فتحت الماسنجر مالها الا وطالعه ليها ويندوز مكتوب فيه
ا((تمت اضافتك الى الجهات الخاصة بـ هانت عليك عشرة زمان راح الوفى وين الأمان hotmail.com@?????
اترددت مريم تقبل او لا بعدين قالت بشوف هذا اضاهر عقيلة بنت خالة زنوب
في الجزء اسادس بتعرفون من الي كان ضايف مريم
باااااااااااااايو
بنزل كل الاجزاء ان شاء الله ..
واليكم الجزء السادس
***************************
فتحت الماسنجر مالها الا وطالعه ليها ويندوز مكتوب فيه
ا((تمت اضافتك الى الجهات الخاصة بـ هانت عليك عشرة زمان راح الوفى وين الامان hotmail.com@?????
اترددت مريم تقبل او لا بعدين قالت بشوف هذا اضاهر عقيلة بنت خالة زنوب
..هذا الايميل ايميل صبي بس مريم ما تدري.(يا غافلين لكم الله)
((مريوووووم الحلوة)): من وياي؟؟
((هانت عليك عشرة زمان راح الوفى وين الامان)): هلا والله
((مريوووووم الحلوة)): عجل انتين اكيد عقيلة
((هانت عليك عشرة زمان راح الوفى وين الامان)):ها أي أي انا عقيلة
((مريوووووم الحلوة)):الا تقولين انا المهم شخبارش ان شاء الله تمام
((هانت عليك عشرة زمان راح الوفى وين الامان)): بخير نسال عنش وانتين شخبارش؟
((مريوووووم الحلوة)):اني حالي مثل امس بالضبط
((هانت عليك عشرة زمان راح الوفى وين الامان)):على كل حال دوم
((مريوووووم الحلوة)):متمللة حدي سولفي وياي
((هانت عليك عشرة زمان راح الوفى وين الامان)): انزين مدام انتي متمللة بنلعب لعبة التعارف
((مريوووووم الحلوة)): انزين احنا نعرف بعض عدل
((هانت عليك عشرة زمان راح الوفى وين الامان)):أي بس هذي لعبة عن الملل
((مريوووووم الحلوة)):اها اوكو ايم ريدي
((هانت عليك عشرة زمان راح الوفى وين الامان)):اول شئ قولي اسمش الكامل
((مريوووووم الحلوة)):مريم حسن احمد حسن
((هانت عليك عشرة زمان راح الوفى وين الامان)):<<يعني هذي اضاهر مريم بت حج حسن شئ ممتاز> انزين كم عمرش يا حلوة؟؟
((مريوووووم الحلوة)):عمري 17 وقبل ما تسالين اني توجيهي
وووتجاري
((هانت عليك عشرة زمان راح الوفى وين الامان)):اها وين ساكنة؟
((مريوووووم الحلوة)):بجنة كرزكان
((هانت عليك عشرة زمان راح الوفى وين الامان)):<<يعني هذا هي مريم>>اها وبعد وش اسال؟؟
((مريوووووم الحلوة)):اقول عقيلة لعبتش ما تسلي تملل ازيد تمللت بطلع ها
((هانت عليك عشرة زمان راح الوفى وين الامان)): افا تمللتين مني
((مريوووووم الحلوة)):لا بس اني من قبل متمللة
((هانت عليك عشرة زمان راح الوفى وين الامان)):انزين بسالش؟؟
((مريوووووم الحلوة)):<< مريم والفضول ذابحنها>> ها اسالي؟؟
((هانت عليك عشرة زمان راح الوفى وين الامان)):تعرفين علي ولد سيد مهدي الي يلعب الرياضي الي يلعب كورة؟؟
((مريوووووم الحلوة)):ايييييييي قصدش الوسيم اي اعرفه ومن ما يعرفه بس ليش تسالين؟؟
((هانت عليك عشرة زمان راح الوفى وين الامان)):<<تششقق الاخ لانه اهو هذا الشخص>> لا بس ابي اعرف اهو في أي نادي يلعب؟؟
((مريوووووم الحلوة)):مادري اضاهر التضامن؟؟
((هانت عليك عشرة زمان راح الوفى وين الامان)):اها سمعنا خبر يقولون انش تحبينه؟؟
((مريوووووم الحلوة)):ها من قايل هالاشاعة اني لا احبه ولا احب غيره بعد من الي قايل<< منقهرة حدها >>
((هانت عليك عشرة زمان راح الوفى وين الامان)): والله هذا الي سمعناه
((مريوووووم الحلوة)):روحي عدلي الاشاعة الي مطلعينها حتى لو الواحد ما فيه شئ يطلعون عليه
((هانت عليك عشرة زمان راح الوفى وين الامان)):مو مني اني ماليي كار شذنبي
((مريوووووم الحلوة)):ذنبش انش صدقتينهم والاثبات انش جاية تستفسرين
((هانت عليك عشرة زمان راح الوفى وين الامان)): انزين سوري
((مريوووووم الحلوة)):وين اصرفها؟؟
((هانت عليك عشرة زمان راح الوفى وين الامان)):في بنك قلبش الطيب
((مريوووووم الحلوة)):عيارة
((هانت عليك عشرة زمان راح الوفى وين الامان)):انزين يعني ما تحبين احد؟؟
((مريوووووم الحلوة)):لاااااااااااااااااااااااااااااااااااااا ما احب احد,, فهمتين بس شيلي هالموضوع عكرتين مزاجي
((هانت عليك عشرة زمان راح الوفى وين الامان)):اوكي خلاص خلاص< ضمناها يعني>
((مريوووووم الحلوة)):انزين احين اني بقوم اوكو
((هانت عليك عشرة زمان راح الوفى وين الامان)):اوكو متى بتقعدين بعد؟؟
((مريوووووم الحلوة)): يمكن في اليل اقعد على حسب مواكيد
((هانت عليك عشرة زمان راح الوفى وين الامان)):اوكو عجل اني بنتظرش
((مريوووووم الحلوة)):اوكو باي
((هانت عليك عشرة زمان راح الوفى وين الامان)):تحملي بروحش
((مريوووووم الحلوة)): اوكي ماي لاف اند يو تيك كير باي
((هانت عليك عشرة زمان راح الوفى وين الامان)):باي
وطلعت وشافت محمد توه جاي من هيامته راحت تتحجج فيه شوي
مريم: هلا الحُمد
محمد: شتبين؟؟
مريم: جزاة الخير ارحب فيك اذا رحبنا فيهم واويلاه واذا ما رحبنا بعد واويلاه
محمد: ما عليي منش بروح اسبح
مريم: واني اقول هالريحة جاية من وين شككتني في نفسي
محمد: هاهاي تتحديني تعالي شمي
مريم: انجان تبي بعد شوي الاسعاف قدام البيت
محمد: قلبي وجهش
مريم: على أي صفحة؟؟
محمد: انتين حدش مملة
مريم: وانت امل
محمد راح عنها يسبح
مريم: مو تخلص الماي الحار
محمد: ان شاء الله
مريم: أي جذي تعجبني
وقعدت مريم تطالع التلفزيون
محمد سبح وعمدا خلص الماي الحار كله ولبس الفوطة وطلع
مريم: ها كملته او لا
محمد: لا فيه واجد
مريم: اشوة بعد
مريم راحت طلعت ليها ثياب مال بيت ودخلت الحمام شغلت الماي ودشت
مريم: اححححححححححححححححححححححححححححححح
محمد برة يسمع صرختها ومايت عليها من الضحك
مريم: امااااااااااااااااااااااااااااااااااااه شوفي ولدش مالي كار ابي اسبح احين وش اسوي
الام سمعتها وجت
الام: احين لبسي ثيابش وروحي الحمام الثاني اكو اني توني طالعة منه فيه ماي حار
وطلعت وراحت الحمام الثاني وسمعت طق على الباب الاهو اخوها
محمد: 1:0
مريم: لكن مردودة يالسبال
محمد: نشوف
وبعد ما كملت سباحة قعدت ويا امها تسولف
مريم: ها اماه احين ويش عن ولدش صج بتزوجونه
الام: بعد مدام يبغي
مريم:بس بعدهو صغير ووووما عنده فلوس
الام: ابوش قال مدام الولد يبي يتزوج لازم نزوجه لا يروح في درب مو زين,, بيعطيه فلوس مال التقاعد وبعدين اذا عدل روحه يرجعهم
مريم: واحنا لين احتجنا شئ تعرفين ابوي طالع تقاعد وشغله حر يعني يوم يشتغل عشرة لا مو كل يوم عندنا فلوس
الام: شنسوي بعد
مريم: اهو قايل دوري ليي وحدة ادور ليه؟
الام: أي دوري انجان شفتين وحدة زينة تناسبه
مريم: المشكلة البنات احين كله يبون يكملون دراسة
الام: مو كلهم في بعضهم عادي
مريم: أي في بس الي تبي شقة وولدش ما عنده الا حجرة,, والي تبيه مكمل وولدش ما عنده الا شهادة اعدادية,, والي تبيه يشتغل شغل محترم وشغلته في شركة 150 يوم في اوفر تايم ويوم مافي
الام: البنات واجد لازم بنحصل ليه وحدة اجودية
مريم: نشوف
الام: احين ربعش ما يبون يعرسون له؟
مريم: والله ربعي من كلامهم يبون يكملون وحتى اذا كملوا يبون واحد كامل ومكمل اعرف تفكيرهم اني
الام: والي وياكم في الصف وفي المدرسة
مريم: كل وحدة عندها بوي فريند
الام: يعني ويش بعد بيو فرند
مريم: يعني صديق او حبيب,, محد خالي يا امي الا اني
الام: أي اشوة بعد مو تصيرين لينا مثلهم انجان اجودش من غلصمتش
مريم: ترباتش ياامي
الام: انتين دوري ولازم بتحصلين
مريم: يصير خير
وراحت مريم حجرتها والام راحت تنام
الجزء السابع
************************************
وراحت مريم حجرتها والام راحت تنام, مريم فتحت النت لان ما فيها نومة وخبركم اليلة الجمعة باجر اجازة
دخلت الماسنجر وفيه ربعها بس عقيلة الاهو الصبي (( سيد علي سيد مهدي)) مو موجود
مريم في بالها تقول عقيلة ما دخلت اتقول هي بتدخل,, الا يقطع تفكيرها صوت احد داخل الماسنجر
((تم تسجيل دخول هانت عليك عشرة زمان راح الوفى وين الامان))
((مريوووووووم الحلوة)): هلا بش وباهلش وبالجمل الي رحل بش
((هانت عليك عشرة زمان راح الوفى وين الامان)):هلا بالغالين والله
((مريوووووووم الحلوة)):اهلا فيش شو اخبارك؟؟
((هانت عليك عشرة زمان راح الوفى وين الامان)):منيحين وانتي؟؟
((مريوووووووم الحلوة)):منيحة
((هانت عليك عشرة زمان راح الوفى وين الامان)):دومز
((مريوووووووم الحلوة)):انزين بقول عن سيد علي مو سمعنه عنه بيخطب له خطب اهو؟؟
((هانت عليك عشرة زمان راح الوفى وين الامان)):لا لحين ما لقى بنت الحلا ل الي في باله والله سمعت انه ما يبي الا وحدة فائقة الجمال وطبعا في الجامعة وعلى قولته مو أي شئ
((مريوووووووم الحلوة)):ويه عشتو اني ما احب الصبيان الي تفكيرهم جذي لازم في الجامعة قصدهم عشان تساعدهم,, ما يقولون احنا بناخذ وحدة بتصير شريكتي في كل شئ بس لكن الي يبون جذي يطلع عليهم رادي , ولا يبي فائقة الجمال ماليه الا وحدة من السبلان مالت عليه ومالت على الي بتاخذه
((هانت عليك عشرة زمان راح الوفى وين الامان)):مو شرط تفكير الصبي جذي عشان تساعده انزين كيفه اهو كل واحد يتمنى الجمال
((مريوووووووم الحلوة)): أي بس ما قال من ضمن متطلباته ابيها خلوقة وزينة قال ابيها جميلة بس
((هانت عليك عشرة زمان راح الوفى وين الامان)): شئ طبيعي الاخلاق اكيد ما بياخذ له وحدة من الشارع
((مريوووووووم الحلوة)): على كل حال الله يوفقه
((هانت عليك عشرة زمان راح الوفى وين الامان)): يمكن يكون من نصيبش
(مريوووووووم الحلوة)):هههه اني مو ملكة الجمال الي يتمناها وبعدين حتى لو اخذته بسوي روحي داشة الجامعة وعناد ليه بطلع عشان اثبت له ان مو كل من اخذ له جامعية فلح
(((هانت عليك عشرة زمان راح الوفى وين الامان)): لا بالعكس انتين حليوة وكل من يتمناش هههههه ومن صجش بتطلعين عشان بس تثبتين وش تاكلين حتى تغرمين
((مريوووووووم الحلوة)):هههههه امزح احين سلاح المراة في هالزمن شهادتها اطلع عشان هالمغرور استحالة
((هانت عليك عشرة زمان راح الوفى وين الامان)): أي عبالي بعد,, بعدين حرام اهو مو مغرور ليش تقولين عنه جذي يعني انتي لهلحد تكرهينه
((مريوووووووم الحلوة)): اني ما اكره بس ساعات يبط جبدي ما احب صبي البنات كلها تحبه بعدين انتي ليش تدافعين عنه ليكون تحبينه ها؟؟ علينا من ورانا بعد؟؟؟
((هانت عليك عشرة زمان راح الوفى وين الامان)):هههههه لا ويني اني ونه هو لا احبه ولا شئ
((مريوووووووم الحلوة)):اها عبالي خلش جذي اريح ليش احسن شئ الزواج التقليدي
((هانت عليك عشرة زمان راح الوفى وين الامان)): لا مو شرط
((مريوووووووم الحلوة)):يعني بطريقة حلوة قصدي
((هانت عليك عشرة زمان راح الوفى وين الامان)):أي جذي اني وياش
((مريوووووووم الحلوة)):اممممممممم بروح انام باجر امي اعرفها بتقعدني من وقت
((هانت عليك عشرة زمان راح الوفى وين الامان)): اوكو اني بعد بروح انام
((مريوووووووم الحلوة)):يالله تصبحين على خير
((هانت عليك عشرة زمان راح الوفى وين الامان)):وانتي من اهله
((مريوووووووم الحلوة)):باي
((هانت عليك عشرة زمان راح الوفى وين الامان)):الله يسلمش
((مريوووووووم الحلوة)):اقصد مع السلامة
((هانت عليك عشرة زمان راح الوفى وين الامان)):ههههههه الله يسلمش
وراحت مريم نامت على الساعة ثنعش ,, وسيد علي طبعا عجبته مريم وبسرعة دخلت في باله شخصيتها وطبعها واسلوبها كل هذا خلاه يتعلق فيها ,, هو بعد قام من النت وقعد يفكر فيها وبعدين نام
يوم الجمعة مريم صلت صلاة الصبح ورجعت نامت وقعدت الساعة 12:00
وسيدة دايركت صلت وطلعت الصالة وطبعا البيت صاير روضة من ولا ختها واخوها (( نسيت اقول لكم هدى عندها بنتين مرام 8 سنوات ومنار 4 سنوات وفاطمة عندها بنت وحدة اسمها بيان سنة ونص , وعلي عنده بنت وحدة اسمها عبير سنتين))
خبركم يعني صاير زعاج صاروا بيت جد
طلعت مريم من الحجرة الا يشوفها اخوها الكبير علي ويبي يشوش
علي: اماه بتش توها قاعدة من النوم؟؟
الام: أي ما تشوفها هالجناسة حتى في الاجازات ما نستفيد منها
علي: منش انتين اماه مدلعتنها زيادة عن اللزوم والله لو انا منش اكت عليها ماي بارد اخليها ما تعودها مرة ثانية
الام: يبي ليي اعتدل ليها
كل هذا يصير ومريم ساكتة ماليها مزاج تتكلم بس تطالع اخوها باستحقار,, راح ليها علي وقف صوبها
مريم: قوم قوم مشوش درجة اولى( وباعدته عن وجهها)
محمد: تباعد عنها خلها في حالها
فاطمة وهدى: ها غريبة تدافع عنها وش عندك وياها
محمد: ما عندي شئ
الام: يالله غدى غدى
فاطمة: هدى وليلى امكم تناديكم
مريم: ها ما اسمع كانها قالت فاطمة
هدى: قوموا قوموا كلكم يالله
مريم: أي هذي تسوي روحها كلش واخر شئ اهي الي ما تبرز شئ
الام: يالله تعالوا
فاطمة: قمنا
وبرزوا الغدى وزعاج على ذاك الغدى الواحد ما يتهنى فيه
قعدت منار صوب مريم
مريم: اوهو اني ما بي هذي تقعد صوبي اكلتها تلوع الجبد وتلعوزني تلعوز
هدى: قومي تباعدي اذا ما تبين صوبها
مريم: طالع من بدال ما تباعد بتها تقول ليي قومي انتين
هدى: والله ما في مكان
مريم: نغص الاكل وياكم
واكلت مريم بسرعة وقامت صبت لها جاي احمر وقعدت تشربه وهم بعدهم يتغدون, محمد قام ونادا مريم وراحت وياه في حجرة محمد
نشوفكم في الجزء الثامن ,, شسالفة محمد ويا مريم اكيد عرفتون مو؟؟
وبنشوف شنو تالية الصبي الي يكلم مريم
شبيصير وشبيصر؟؟
الجزء الثامن
*********************************
واكلت مريم بسرعة وقامت صبت لها جاي احمر وقعدت تشربه وهم بعدهم يتغدون, محمد قام ونادا مريم وراحت وياه في حجرة محمد
محمد: ها ويش حصلتين ليي وحدة
مريم: يالله رزق وعاجل به وحدة وحدة وينك وين نحصل ,, اركد اخوي توك في بداية المشوار بتلوع جبدك
محمد: انتي ما في بالش وحدة؟؟
مريم: بصراحة لا,, انزين قول الى هدى وفاطمة بعد يدورون اما اني ما يتكل عليي
محمد: بقول ليهم وبشوف بعد
الا دخلة هدى وفاطمة ها وش عندكم قولوا ؟؟
مريم: ويقولون اني اني الفضولية اتاري طالعة على من ؟؟على الفوران الي جاين حاشرين روحهم,, عرسوا ما عرسوا كانهم جهال
فاطمة: عشتو اذا احنا جهال انتين ويش؟
مريم: على الاقل اني بعدني طفلة خلني اخد حريتي وامارس طفولتي
هدى: وش قال طفولة يالله يالله قولوا وش كنتون تقولون؟؟
محمد: الله يسلمكم اخوكم المحترم بيخطب ويبيكم تدورون ليه وحدة يالله شلحوا درعاتكم وراوونا شطارتكم
فاطمة: اوووووووووه من متى؟
محمد: توه من هالايام مقرر المهم دوروا ليي وحدة
هدى: شنو مواصفات الي تبيها؟
محمد: امممم شكلها اوكي مو لازم ملكة جمال يعني تمام طبعا مو متينة ووودراستها اوكي عادي مو مشكلة عندي اذا تبي تدش جامعة بالعكس انا اشجعها وخبركم وحدة رزينة وعاقلة
فاطمة : يعني مواصفات معقولة مو تعجيزية
مريم: اني وكلت ليكم المهمة مالي مزاج ادور
محمد: لاااااااااا انتين بعد دوري انتين يمكن تحصلين اكثر لان ابي من سنش تقريبا او اكبر بسنة سنتين
مريم: هدى وفاطمة قدها وقدود يشوفون الوحدة يخزونها خز بعدين هم مبلتعين استحي اكلم الاوادم اني
محمد: المهم الي يحصل خير وبركة
فاطمة: نسمع سعيد بعد يبي يخطب
محمد: أي اسمعه
هدى: متواعدين عفر
محمد: لا متواعدين ولا شئ صدفة
هدى: اهو قايل ليي بعد دوري ليي وحدة
فاطمة: شنو مواصفاتها؟؟
هدى: يبي وحدة جميلة ولازم في الجامعة وتكون طموحة وشاطرة وتشتغل بعدين مو ضعيفة ولا متينة ويفضل تخصصها اوكو
مريم: بووووووووو صعبة هالمواصفات اذا تحصلين هالصفةما تحصلين هذيك الله يساعده في التدوير بيدور راسه
فاطمة: يالله ان شاء الله يلاقي الي يتمناها
محمد: المهم لا تنسوني حركوا دمكم
فاطمة: هدى تعرفين هذيك البنية الي قلت ليش عنها الي شفناها في المعاريس في صالة الشبكة الي لابسة وردي حليوة له وتناسبه
هدى: أي بس ما نعرف عنها شئ
فاطمة: من سال ما ضاع
هدى: بتسالين من؟
فاطمة: خالتها اعرفها
هدى: اها سالي وشوفي الحظ
مريم: ويه عوار راس ما استحمل التدوير شلون انتون تحبون مادري
محمد: ما منش فايدة انتين احس انش ما بتدورين
مريم: خخخخخخخ أي هذا هو من الاخر
محمد: بتحتاجين ليي
مريم: هادا ويه مذلة اني ما قلت ما بدور نهائيا اذا حصلت بقول ليكم,, ويالله احين بقوم اروح حجرتي عنكم
فاطمة: قولي بتقعدين على النت
مريم: وانتين وش حارنش كيفي
وراحت مريم وفاطمة اتصلت الى خالة البنية ((حار بحار خب فالحين حق هالسوالف)) وقالت الخالة البنت تبي تكمل دراستها
وسكرت التلفون
فاطمة: خخخخ سيدة من البداية تبي تكمل دراستها ما عطتني جانس اقول عنك شئ
محمد: البنات متفلسفين وش قال ابي اكمل دراستي كنننا بنمنعهم
فاطمة: كيفها البنية اكي اختك مريم مثلهم
محمد: والعنتين ذيك
هدى: الى خالاتي يمكن بعد يحصلون
محمد: احين بتصل ليها
فاطمة : اعنبو مو احين اذا شفتهم قول ليهم
محمد: بتصل انزين وش فيها
فاطمة: ضهر احين الناس يمكن نايمة شئ
محمد: الا خالتي
واتصل الى خالته وشالته
محمد: الو هلا خالة
الخالة: هلا حياك الله, وش هست
محمد: كل الخير بس انجان تحصلين لينا وحدة نوينا نعرس خلاص
الخالة: زين زين الفال لولد خالتك الله يرزقه ويعرس
محمد: ان شاء الله بس ها ويش ما عندكم بنات
الخالة : موجود اكي بت جيرانه شوفوها امك تعرفها الي اسمها امينة
محمد: اوكو بقول الى امي وبشوف يالله مع السلامة
الخالة: الله يسلمك
هدى: ها ويش قالت
محمد:تقول بت جيرانهم وحدة اسمها امينة زينة تعرفونها
فاطمة: أي اعرفها زينة
محمد: توكلوا على الله وقولو لبيتهم
هدى: اليوم العصر بنروح بيتهم
فاطمة: احين الساعة جم؟؟
محمد: احين اربع وشي
هدى: عجل مناسب الوقت يالله فاطمة قومي لبسي وقولي لمريم انجان بتجي تبرز روحها واني بقول الى امي
فاطمة:اوكي
فاطمة راحت تلبس وسالت مريم قالت ما بتجي لانها قاعدة تخربط في دفتر ما تدري شقاعدة تخربط,, وهدى قالت لامها والام لبست ومحمد وداهم (( بس لو مو حق شغلته انجان قال ما فيها بترول)) دخلوا بيت البنية ,, وام البنية استغربت من دخلتهم بس ضيفتهم وحارستهم يفتحون موضوع الي جايين حقه.. وام علي لا مروحة في الهرار وحجي النسوان الي لا يقدم ولا ياخر ونست الموضوع الي جاية عشانه.. فاطمة تنخز هدى عشان يبدون لانهم لاعت جبدهم من السوالف وهدى قامت نخزت الام الا تسوي
الام: ها هدى وش فيش تنوحزين فيني
منى: ها ولا شئ
المرة: اوكي بروح بجيب دلة القهوة والجاي وبجي
الام: مرخوصة
يوم طلعت المرة من المجلس
فاطمة: اما وش تسوين يالله تكلمي احنا جايين ليش مو عشان تخطبين والله تسولفين
الام: انزين انزين احين بقول ليها
وجت المرة وقهوتهم الا تسوي ام علي
ام علي: ها يا وخيتي اني جايتنش اليوم عشان نبغي بتكم الى ولدنا
المرة: منهي امينة ؟!فاجاتيني والله
ام علي: اهوا الرجال مستعجل ترى,,هي ويش تبغي زواج والله لا؟؟
المرة: مادري يام علي لازم بنشاور البنية اول احين في هالزمن الشئ في ايد البنية اهي الي توافق او لا احنا ما نقدر نسوي شئ والله انتون نتشرف نناسبكم ما سمعنا عنكم الا الخير
ام علي: وانتون بعد المهم احنا بغى الرد بسرعة
هدى: اماه قولي ليها الصبي له
ام علي: أي اهو ولدنا عمره 21 سنة واسمه محمد و يشتغل في شركة ,, ترى هو زين واجودي يصوم ويصلي
فاطمة تساسر هدى: تفشل امي لو انتين متكلمة اهون لينا
المرة: والله اني بسال البنية وابوها وبرد عليش بس عطوني رقمكم
هدى عطت المرة الرقم وقاموا طلعوا,,في لسيارة
فاطمة: اماه ما تعرفين تخطبين كلش فشلتينا
محمد: على ويش بعد
الام: ما عليكم منها هادي هرارة انجان تكلمتين انتين يم السان يوم اني ما اعرف اتكلم
فاطمة: لو ادري جدي كلامش انجان اني الي فاتحتهم
محمد: أي مهلتون
هدى: هذا الله يسلمك ام استلمت المرة وسالفة تجيب سالفة لو ما قلنا ليها انجان بعدهي مروحة
محمد: انزين احين وش صار
فاطمة: قالو بيتصلون
محمد: عاد انا ما شفت البنية اذا وافقوا عليك بعدين انت شوفها وحدد تبيها او لا
فاطمة: وصلني البيت
محمد: اوهو انا بروحي ما عندي بيزات احط بترول انجان بتعطيني دينارين للبترول ما عليه
فاطمة: احين لو قلنا ليك في بنية في سترة جان رحت وما قلت ما عندك بترول واكو اشوف فيها النص
محمد":أي ابيها تكفيني حق شغلي
ووصلوا بيت ام علي ونزلت هدى والام وتمت فاطمة ووصلها محمد وطنشته ما عطته بيزات
ودخلت الام وهدى البيت وتلقتهم مريم على الباب
مريم: ها وش صار
هدى: ما صار شئ قالوا بيتصلون
مريم: اها شفتون البنية؟؟
هدى: ما قلنا ليهم نادوها فشيلة نعرف شكلها احنا
مريم: أي من زمان لكن ما شفتونها يمكن تغيريت
هدى: خله يوافقون احين
مريم: متى بتروحين بيتكم
هدى: قاعدة على راسش
مريم: لا بس اسال
هدى: احين بتصل لرجلي وبروح
مريم: عجل اني بقوم اطالع التلفزيون
واتصلت هدى لرجلها وجه ليها وراحت ومريم عند التلفزيون تطالع سبيس تون توم اند جيري ورن تلفون مريم بس شافت الرقم غريب !!
يا ترى رقم من الغريب؟؟
ومحمد بيوافقون عليه او لا؟؟
الجزء التاسع
***************************************
رن تلفون مريم بس شافت الرقم غريب !!
استغربت مريوم وبعد فترة فتحته
مريم: الووو
.....: هلا مرحبا
مريم: من معاي؟؟
.....: معاج الشيخة علياء بنت حج احمد
مريم: خخخخخخخخخخخخ كلش ما يناسب
علياء: ههههه شرايش في رقمي حليو له كشوخي
مريم: مو داك الزود بس يهون عن رقمي التبولة
علياء: والله مو داك الزود احلى منش
مريم: انزين هالله هالله في المسجات رقم جديد اكيد مشحونة البطاقة
علياء: يصير خير
مريم: يعني ما بنشوف الا الريش
علياء: يالله باي لا يخلص فوجاري
مريم: شهلبخل يالبخبخ
علياء: طالعة عليش بار بار
مريم: باي
وبندت التلفون وسيفت رقم علياء,, الا بدخلة محمد توه جاي
مريم: ها المعرس وصل
محمد: توه الناس
مريم: وش المعنويات
محمد: شنو بعد عادي بس تتوقعين يوافقون
مريم: اشك
محمد: ليش؟؟
مريم: بصراحة هذي البنية مغرورة وشايفة نفسها اذا وافقت غريبة مع اني اتمناها ما توافق
محمد: نشوف الاخير وياهم
رن تلفون محمد في هالحزة بعد الرقم غريب اول مرة يشوفه شاله
محمد: هلا
......: اهلا وياك ابراهيم خليل(( ابو البنية الي متقدمين لها))
محمد: يا هلا فيك
الرجال: بس يا ولدي بالنسبة للموضع الي قلتون لينه عنه حبيت استفسر من عندك بعض الامور
محمد: مو مشكلة تفضل
الرجال: تشتغل في وين؟؟
محمد: في شركة......
الرجال : كم معاشك؟
محمد: ما اخبي عليك معاشي 150 بس اشتغل اوفر تايم اذا اشتغلت عدل يوصل 300 دينار ساعات,, خبرك هذا وضع الديرة ومعاشاتهم
الرجال: اها البينة تبي تعرف عن مستواك الدراسي وشهاداتك
محمد: انا مكمل اعدادية اول ثانوي وطلعت بس ادرس في المعهد انجلينزي
الرجال: اها اوكي بنرد عليك قريب ان شاء الله انت معروف عنك انسان سيدة واجودي احين الراي للبنية
محمد: اوكي الله يسوي الي فيه الصلاح
الرجال: مع السلامة
محمد: الله يسلمك
ومريم قاعدة ومتحمسة تبي تعرف السالفة ،، من صك التلفون سيدة تلاقفته مريم بالاسئلة
مريم: ها هذا منهو وش يبغي ؟؟
محمد: هذا ابو البنية يبغي يسالني اسألة
مريم: وش سالك؟؟
محمد: عن المعاش والشغل ووالدراسة
مريم: اها الدراسة ليش ليكون بتشغلك
محمد: خبرش بنات احين سودان وجه متحججين
مريم: اني بصراحة ما تهمني الدراسة ذاك الزود في ناس مو دارسين بس مخهم ما شاء الله وناس عندهم بكلريوس وخبرة في الحياة ماكو ولا حتى شلون يتصرفون
محمد: هذا احنا جذي الناس غير
مريم: صحيح كل ناس وعقليتهم غير
محمد: بسالش شنو موا صفات فارس احلامش؟
مريم: خخخخخخخ يعني بتجيبه ليي
محمد: انتين تبين يعني ؟؟ اكو جو ليش مصايب ما توافقين
مريم: امزح بس ليش تسال؟؟
محمد: ابي اعرف عقلية البنات لوين
مريم: اني عقليتي غير عن البنات الباقيات يعني لو بقول ليك مواصفاتي كلش بسيطة ومتواضعة مثلك ,, يعني اسال ربعي غير عني لا تاخذ علييي
محمد: انزين انتين وش بتخسرين قولي
مريم: اوكي تبي اقول مواصفات شنو الشكل والله الاخلاق والله شنو
محمد: كل شئ
مريم: امممممممم اول شئ ناحية الشكل ابي واحد يعني اوكي اهم شئ ارتاح ليه لين اشوفه مو لازم جميل عدل يعني مقبول شكله بس افضل انه مو متين جسمه اوكي ,, من ناحية الدراسة كلش مو مهم عندي انه دارس جامعة او عنده شهادة ثانوية اهم شئ يعرف يتصرف يعرف للحياة,, شغله أي شغل بس اهم شئ يقدر يعيشني واحسه رجال يعني يقدر يدبر اموره,, الاخلاق طبعا ابيه انسان اجتماعي طيب حنون اهم صفة يعني الصفات الحلوة
بسسسسسسسس
محمد: امممممممم مواصفات عادية
مريم: اختك متواضعة ,, اطمح للسعادة فقط لا غير
محمد: يالله الله يعطيش الي يستاهلش
مريم: مو احين عاد لما على الاقل اكمل دراستي
محمد: تزوجي وطلعي فكينا شوي خلينا نستحل حجرتش
مريم: لا والله حتى لو طلعت حجرتي بتهم كما هي
محمد: في المشمش باخذها وبشبكها ويا مجلس النسوان وبس ورا مطبخ وحمام عشان تستوي شقة
مريم: في احلامك
محمد: بنشوف بعدين
مريم: يالله قوم قوم نصلي اكو اذن من زمان
محمد: يالله قمنا
وصلو محمد ومريم ,, بعدين مريم طلعت قعدت ويا امها ومحمد بعد طلع من حجرته وكان بيهيم نادت عليه امه
الام: محمد وين بتروح؟؟
محمد: بروح احلق
مريم: انتون كم مرة تحلاقون في الاسبوع ,, اني كل يوم واسمعك تقول بتروح تحلق
محمد: بحلق لحيتي بس
الام: احلقها في البيت وبلا هرير
محمد: ما اعرف فيني سكسوكة ما اصيد ما اغمر
مريم: عندك تاكل قال لا,, عندك تغرم قال ايه
محمد:المثل كلش ما يناسب
مريم: امبلى يناسب يعني حق اكل ما عندك بس حلاق كل يوم والثاني رحت عندك ليه
محمد: انتين وش فهمش
الام: انزين جيتك اشتر عشى
محمد:اوهوووو كله انا كله انا وينه ولدش ما تخلينه
الام: يا قليل الحيا احين من الي ياكل ويانا انته والله هو
محمد: لا هو بعد لكن ولدش
الام: ما ليه دخل هو
محمد: انزين وش تبغون لكمن سوق واقف مانا رايح تبغون شسئ من الديرة
الام: مريم وش تبغين عشى
مريم: بصراحة ما ادري يحير العشى سندوجات ولاعت جبدنا ومشويات وهو كذلك ما عندي في مخي شئ
محمد: يالله مو بتخليني انطرش
مريم: انزين اشتر جبنة بالبنة وحدة ليي وانتون شوفوا وش تبغون
محمد: قولي هذي تطوف عشى
مريم: والله هذي وجبتي الاساسية
الام: اشتر ثلاث لينا وانت شوف وش تبغى
محمد: جيبي بيزات له
الام: خذ من بوكي اكو في الكبت في المطبخ
محمد: يا رمضان خد رزقك
الام: محد يسطي في هالبيت انت احين خد بيزات وروح وعن المهلة احنا جوعانين
محمد: اوكي
وراااح محمد ,, ومريم راحت سبحت حق باجر المدرسة ولبست ليها شئ فيف حق النوم دشداشة حمرة فيهال رسمة ميكي ماوس وصايرة كانها جاهلة حست بانتعاش ومشطت شعرها وكملت وبعدهو محمد ما جه قامت تسوي ليه رنات رنات لين ما وصل
كلت عشاها وغسلت وجهها وبزها وراحت حجرتها ومحمد راح ينام باجر عليه شغل,, دخلت مريم على النت فتحت الماسنجر هناك ربعها
(( مريوووووووووم الحلوة)): ها ام عباس اشوف الا الساعة حدعش احين وما قمتين نمتين خبري عنش دجاجة
(( ذكريات الماضي الجميلة)): توني بقوم الا انتين داشة
(( مريوووووووووم الحلوة)): اقول اني مو من عادتش قومي ما اعطلش
(( ذكريات الماضي الجميلة)): لا عادي
(( مريوووووووووم الحلوة)): متاكدة عادي استحملي عجل بسهر وياش ترى
(( ذكريات الماضي الجميلة)): لا عجل بقوم
(( مريوووووووووم الحلوة)): ويلي على الشطارة اعدينا شوي عاد
(( ذكريات الماضي الجميلة)): تعالي بعطس في وجهش
(( مريوووووووووم الحلوة)): مالت عليش قومي قومي نامي
(( ذكريات الماضي الجميلة)):يالله اوكي بقوم في امان الله
(( مريوووووووووم الحلوة)):الله وياش باي
وطلعت البنية الي كانت مريم تكلمها اهي وحدة وياهم في الصف مجرد زميلة ,, وبدخلة علي يا زعم عقيلة
(( مريوووووووووم الحلوة)):هلا هلا والله بالي وحشونا
(( هانت عليك عشرة زمان راح الوفى وين الامان)) :هلا احنا اكثر مشتاقين
(( مريوووووووووم الحلوة)):عقيلوه اني مستغربة منش
(( هانت عليك عشرة زمان راح الوفى وين الامان)) : على ويش
(( مريوووووووووم الحلوة)):انتي لسانش متبري منش بس اشوف من سويتين هالايميل صرتين عاقلة وكلامش حليو
(( هانت عليك عشرة زمان راح الوفى وين الامان)) :ههه شلون يعني كلامي حليو احسه عادي قولي سبحان مغير الاحوال
(( مريوووووووووم الحلوة)): أي والله زين زين في تقدم
(( هانت عليك عشرة زمان راح الوفى وين الامان)) :الا وش اخبارش ليش ما نمتين لحين باجر مدرسة عليش
(( مريوووووووووم الحلوة)): بعد شوي بقوم ليكون اني ممللتنش شكلها طردة
(( هانت عليك عشرة زمان راح الوفى وين الامان)) : لا بالعكس ابيش تقعدين بس تعرفين اخاف عليش باجر من الصبح ما بتشبعين نوم
(( مريوووووووووم الحلوة)):احم احم في ناس يهتمون فيني
(( هانت عليك عشرة زمان راح الوفى وين الامان)) : تستاهلين كل الخير
(( مريوووووووووم الحلوة)):طريتين سالفة النوم قمت اتثاوب اوكو بروح بنام تصبحين على خير يا احلى عقولة
(( هانت عليك عشرة زمان راح الوفى وين الامان)) :ههههه خربتين اسمي
(( مريوووووووووم الحلوة)):خخخ كله واحد
(( هانت عليك عشرة زمان راح الوفى وين الامان)) : يالله ما اعطلش باي
(( مريوووووووووم الحلوة)):الله يسلمش
(( هانت عليك عشرة زمان راح الوفى وين الامان)) :هههههه وحدة بوحدة يعني مع السلامة
(( مريوووووووووم الحلوة)): شئ اكيد ما اطوف شئ الله يسلمش
وطلعت مريوم وسيدة شربت ماي وقرت قران ودعاء ونامت
ويم ثاني راحت المدرسةوفي الفسحة شافت عقيلة وشلتها ووقفت وياها
مريم: هلا بحلوين الكلام
عقيلة: من حلوين الكلام؟!
مريم: شفيش يالنساية نسيتين البارحة
عقيلة: شنو البارحة ؟؟
مريم: يالله بلا بمصاخة لا تتهيبلين
عقيلة : مو فاهمة شئ والله
مريم:يوم اكلمش في الماسنجر
عقيلة : ما كلمتش اصلا ما ضفتش يوم زينب تعطيني الايميل ضاعت الورقة ولا ضفتش
مريم: غريبة
عيلة: على ويش
مريم: اوكي بس خلاص مو شئ
وتمت مريم تفكر وتفكر يا ترى من الي كلمته وعطيت معلوماتي كلها له هل هي بينة او صبي اففففففففففففففففف الله يستر
يا ترى شبتسوي مريم ويا الايميل؟؟
ووش بيردون اهل البنية على محمد؟؟
الجزء العاشر
*****************************************
وتمت مريم تفكر وتفكر طول الحصص يا ترى من الي كلمته وعطيت معلوماتي كلها له هل هي بينة او صبي اففففففففففففففففف الله يستر
ولما رجعت البيت مريم سيدة بدلت ثيابها وصلت ودخلت على النت وسوت حذف الى الايميل الي كان عبالها مال عقيلة وطلعت من الحجرة عشان بتشوف وش الغدى,, راحت المطبخ وقامت تعسعس وشافت ان الغدى سمج هوامير نجفت ولا تغدت وراحت تسوي واجباتها,, ودخل عليها محمد
محمد: ها اشوفش صايرة شاطرة اليوم
مريم: لا ومن متى صرت كسلانه عشان اصير شاطرة
محمد: اول مرة اشوفش فاتحة الشنطة وتحلين واجبات
مريم: خبرك اخر كورس لازم شوي نجد على روحنا
محمد: هيك يعني
مريم: ايوة هيك
محمد:ما دريتين,, ردوا عليي له
مريم: وش ردوا
محمد: رفضوا
مريم: توقعت اقولك مغرورة,, بس ما قالوات السبب
محمد: يقولون تبي تكمل دراستها
مريم: ويه عشتو احين لو فعلا تبي تكمل دراستها انجان ليش بعد امس متصلين ليك ويستفسرون عنك,, ياخوك الشغلة والمعاش ما عجبهم
محمد: ادري فيهم بس شنسوي بنات هالايام ما يسوون من يتقدم ليهم اصلا لين تقدموا ليهم قالو بنكمل دراستنا وما نبي عرس ويتعيززون ,, واذا محد تقدم ليهم قالوا عنسنا بس يستاهلون التعنيس هالنوعية من البنات
مريم: يالله مو من نصيبك احسن ليك ما تستاهلك
محمد: ربش كريم
مريم: انزين واحين؟؟
محمد: دوروا ليي غيرها
مريم: اني اعرف بنية حليوة من عالي وطيبة بس مادري موافقة على فكرة الزواج احين او تبغي تكمل المدرسة بعد
محمد: عندش رقمها
مريم: أي
محمد: اتصلي ليها
مريم: أي والخساير عليي وش اكل حتى اغرم
محمد: عشان اخوش يالله حبيبتي
مريم: باليس معروفة
محمد: انزين اتصلي اتصلي
واتصلت مريم على البنية
مريم: الووووو مرحبا زنوب
زينب: هلا والله شصاير اليوم طالعة الشمس من وينه
مريم: هههه من الغرب عيوني
زينب: اممممممم احس انش تبين تقولين شئ
مريم: بالضبط بخش وياش في الموضوع دايركت
زينب: الله يستر
مريم:خير خير الموضوع وما فيه ان اخويي يبي يخطب وشفتش انتين المناسبة بس مادري انتين موافقة على مبدا الزواج حاليا
زينب: امممممممممم فاجاتيني
مريم: ادري بس شنو أي او لا؟؟
زينب: بصراحة ابي اكمل مدرسة اول
مريم: افا خسارة يالله ما لينا في الطيب نصيب
زينب: مسامحة
مريم: لا عادي كل واحد ما ياخذ الا نصيبه اوكو يالله اخليش
زينب: اوكي مع السلامة
مريم: باي
بندت التلفون
محمد: النتيجة مفهومة من كلامش
مريم: بالضبط توقعت انها ما تبي تزوج احين
محمد: اففففففففففففففففففففف خلاص شكلي بنجف
مريم: توك في بسمي ناس يتقدمون لسبع وعشر ويدشون مقابلات وانت الا في بداية الدرب
محمد: واحين؟؟
مريم: انت ليش مستعجل هذا زواج عدال عدال مو هوي هوي
محمد: يالله بقوم انام
مريم: الله وياك
وراح محمد نام ومريم كملت واجباتها وراحت تطالع تلفزيون في المجلس فرت على ستار اكاديمي وقعدت تطالع الا وجاينها مسج من ختها اتقول انه في الليل بيطلعون العايلة كامل بيروحون صخير ويمكن يبيتون لان يوم ثاني عطلة عيد العمال
في المغرب مريم برزت روحها وسوت لروحها سفتي عدل
لبست شيلتين ودلاغ وثلاث فانيلات وبانطلون ولبست بالطوها وحملت وياها جاكيت احتياط وركبت ويا اخوها محمد وامها ويا علي ,, ومحمد مشغل السات( مسجلة بس فيه شغلات واجد تخليه يصير صوته عالي) حده ومطول عليه ويمشي سريع حده شاق الارض شق مريم تصارخ عليه لان ادونها انبطت تبيه يقصر عليه وهو مو راضي,, ويوم وصلوا قريب الخيمة قصر عليه عشان خيلانه ما يكلمونه ودخلت الخيمة
مريم: سللاااااااااااااااااااام جميعا
الكل: عليكم السلام
حميد ((خال مريم)): هدويش سلمي بالايد
مريم: (( اتفشلت)) لا قلت ناس واجد وش يخلصهم
حميد: أي ما عليه
وقامت سلمت على واحد واحد,, بعدين راحت قعدت ويا بت خالتها علياء قعدوا سوالف
علياء: ها وش الاخبار
مريم: والله اخباري مغبرة ما في شئ جديد وانتين ما عندش شئ يمين يسار مني مناك
علياء: اختكي مثلكي
مريم: ما منش فايدة
علياء: جوعانة حدي
مريم: وش بيشوون هني والله ويش
علياء: هادلين وجهم وجه شواي بلة عليش بروحهم مطلعين الطلعة حزة الحزة
مريم: عجل ويش بياكلونا
علياء: بعدين الساعة حدعش بياخذون من كل عايلة فلوس وبيشترون تكة الصبيان
مريم: ونااااااااااااايبة احدعش اني جوعانةبعد
علياء: امرنا لله
مريم: يالله امشي نطلع برة نقعد صوب النار
علياء: ورو النار؟؟(( يعني شعلوها))
مريم: أي جيتنا كانت مشتغلة
علياء: بس بتصير ريحتنا كلها حرايق
مريم: قومي قومي انتين جاية صخير وين يعني جاية
علياء : جليقا(( قمنا))
وراحت مريم وعلياء وقعدوا على الكراسي عند النار
علياء: سمعي بسمعش الموسيقى الحليوة الي قلت ليش عنها ديك المرة اكي في التلفون
مريم: اوكو
وقعدوا ثنتنهم لازقين ببعض وحاطين التلفون في ادونهم والجو كلاسيك عندهم ويجي محمد خالهم ويعطيهم ضربات على الراس عن مزحة يعني وينزهقون
مريم: اوهو عفست شيلي
علياء: دفش اني مو قايلة ليك لا تسوي هالحركات
محمد الخال: انتون ما ينفع وياكم الا جدي
مريم: الاخ ما كلين حلاله
علياء: متملل قال يجي يتسلى فينا
محمد الخال: توكم تدرون
مريم: من زمان ندري , الا من زمان ما تطلعنا والله راحت ايامنا؟؟
محمد الخال: ما في بيزات هالايام فقر في فقر , الا يشوف وجوهكم ما يشوف الفقر له
مريم: قصدك العكس
محمد الخال: بقوم عنكم
مريم: وين بتروح
محمد الخال : بنروح نستاجر لينا هذيلين السياير الصغار الي مثل نوع الموتر سيكل مال البر
مريم: الااااااااااااااااي خاطري اركبه خلوني اركبهم
علياء: مشي بوزش تركبينه
محمد الخال: اكي ردت عليش
مريم: عاد امشوا عدل مو تفشلونا
محمد الخال: اعجبش انا بتشوفيني انا احسن واحد فيهم يالله بار بار
علياء ومريم: باي
وراحوا استاجروا ليهم النص ساعة بخمسة دينار والله ما يسوى المهم وجوا صوب الخيام يستعرضون ويطفرون تراب على البنات بعدين الا محمد الخال يبغي يسوي روحه كلش يقحص ويمشي فلت,, ويدعم البيبات وتتقلب السيارة عليه ويتشدخ تشدخ وسيدا راوحوا ليه ومحمد اخو مريم ركبه السيارة وبيودونه ,, بس مريم ما تطوف هالموقف عليها راحت ليه
مريم: ها ويش يالخال تقحيصة عدلة ها
محمد الخال: متفشل)) ههههههههههههههههه
مريم: تعورت واجد؟؟
محمد الخال: كله شماميخ بس شماميخ عدلة الله يستر
مريم: المفوشر وما يسوي
محمد الخال: جاية تتشمتين ها يالله مناك قلبي وجهش
مريم: ما تشوف شر يا احلى خال
وراحت مريم عنهم وتموا شوي تعشوا وبعدين رجعوا كل من راح بيته,, ومرت الايام وعلي صار له زمان وما يشوف مريم تفتح مستغرب وخلاص قال الا لازم يقول الى بيتهم عشان يخطبونها ليه ,, من خلال هالفترة عرف انه عن جد يحب مريم حب صادق
وش بيصير بعدين علي فعلا بيتقدم لمريم والله كلام الليل يغيره النهار
ومحمد حصلوا ليه بنت الحلال او لا؟؟
كل هذا بتعرفونه في اخر جزء الحادي عشر
الجزء الحادي عشر
***********************************************
ومرت الايام وعلي صار له زمان وما يشوف مريم تفتح مستغرب وخلاص قال الا لازم يقول الى بيتهم عشان يخطبونها ليه ,, من خلال هالفترة عرف انه عن جد يحب مريم حب صادق,, وبعد يالله رزق وعاجل به على ما يقولون سيدة راح الى ابوه
علي: ابوي ابي اتكلم وياك في موضوع
الاب: امر يا ولدي ناقصنك شئ محتاج حق شئ؟؟
علي: لا ابويي بس انا قررت اعرس
الاب: واخيرا هاذي الساعة المباركة,, ها امك عندها بنية والله بتخليها تدور ليك
علي: لا ابوي انا ابي بت حج حسن الي من الديرة
الاب: وش عرفك بها
علي: شفتها نازلة من الباص راجعة من المدرسة وشفتها دخلت أي بيت وعرفتها
الاب: اها انزين قول الى امك تكلمهم متى تبيها تروح ليهم
علي: اليوم قبل باجر
الاب:لا عاد يا ولدي العجلة من الشيطان
علي: انزين خله على الاقل تكلمهم تقول ليهم عشان اعرف رد البنت مبدئيا
الاب: قول الى امك وخلها تتصرف
علي: اوكي مشكوووووور ابوي(( وحباه على راسه))
ابتسم الاب واستانس لولده من قلب اول ولد لازم بيستانس
وعلي ركيض رايح الى امه
علي: اماااااااااااااااااااااااااااااه احبش اموت فيش
الام: وش صاير
علي: ابي اتزوج
الام: احلف كللللللللللللللللللللللللللللللللللللللوش وحضنت ولدها
علي: امااااااااااااه فغصتيني بسش له خليني اقوليش منهي سعيدة الحظ
الام تغير وجهها: ليكون وحدة من بنات الشوارع متعرف عليها
علي: لا اماه وحدة تعرفينها ومن ديرتنا وتحبينها بعد هادئة
الام: منهي؟؟
علي: مريم بت حج حسن
الام: ايييييييييي خلف جبدي ونعم الاختيار بس انته وش عرفك ابها
علي: الله يسلمش شايفنها نازلة من الباص رايحة بيتهم وعرفتها
الام: زين زين يا ولدي هادي اجودية
علي: ومتى بتكلمينهم
الام: احين بتصل الى امها بكلمها في الموضوع جيب دفتر الارقام وتعال
علي: اوكي
وجاب علي دفتر الارقام بسرعة واتصلت الام وعلي قال ليها خليه على السبيكر,, وشالته مريم من حظها
ام علي: الووووووو
مريم: هلا مرحبا من؟
ام علي: انتين مريم؟
مريم: أي بس من وياي
ام علي: اني ام علي مرت سيد مهدي
مريم: اييييييي شخبارش ام علي
ام علي: بخير حياش الله بتي وين امش
مريم: لحظة دقيقة بناديها
(( عليييييييي مستانس حده يوم سمع صوتها ارتعش من قمة راسه لرجله حس قلبه يرقص من الفرح))((طبعا علي حب مريم بس من زمان ما شافها يذكرها يوم كانت في الابتدائي وطبعا احين تغيرت مليون في المية صارت احلى بمليون مرة))
راحت مريم ونادت على امها قالت لها تلفون ورجعت حجرتها
ام مريم: الو
ام علي: الو شخبارش ام مريم
ام مريم: (( مستغربة منادتانها بام مريم ومخليه ولدها الكبير)) هلا ام علي شحوالش
ام علي: بخير الله يسلمش
ام مريم: ما تنشافين
ام علي: هادا اني من التسموع للبيت
ام مريم: يعطيش الله العافية
ام علي: اللله يعافيش خيو اني متصلة عشان ابي اخطب بتش مريم حق ولدي علي
ام مريم: هذي الساعة المباركة نتشرف فيش بس مادري اهي خبري فيها يام علي تبي تكمل مدرستها اول
ام علي: انزين هي وش بتخسر بنخليها تكمل المدرسة اكو احين على نهاية المدرسة, انتين قولي ليها ولا تقطعين رزق البنية يمكن غيرت رايها وترى الولد شارنها
ام مريم: اني بكلمها وبرد عليش ان شاء الله الليل
ام علي: ننتظر مو تطولين علينا تره مستعجل
ام مريم: ان شاء الله مع السلامة
ام علي: الله يسلمش
وعلي على اعصابه يبي يعرف رد مريم يخاف ترفض وتحطم كل اماله,, ام مريم راحت الحجرة الى بتها
الام: مريم وش تسوين
مريم: احوس في مجراتي
الام: المهم تدرين ام علي متصلة الى ويش
مريم: شدراني عنها
الام: متصلة تبي تخطبش لولدها
مريم: (( حطت ايدها على بوزها متفاجئة حدها ما توقعت في يوم من الايام يخطبها)) هااااااااا أي واحد؟؟( متخسبقة)
الام: هم ما عندهم الاهو الكبير علي بعد من
مريم: (( حست بشعور غريب ما تدري ليش مع انها دايما تقول عنه مغرور)) لا لا بكمل دراستي
الام: انتن لا تسرعين فكري من احين الى الليل راجعي روحش انتين اكو على وشك الامتحانات يعني ما تاثر على دراستش وطبعا ما بيصير شئ الا بعد الامتحانات وطبعا الولد زين وما يتفوت بصراحة اني كنت اتمناه ليش والله حقق منيتي انتين فكري ولا تسرعين
مريم: ان شاء الله
وطلعت الام وخلت مريم في دوامة من التفكير كلش ما توقعت انه فعلا يتقدم لها هالشخص ومادري ليش اهي مترددة انها ترفضه مع انها ما تحبه بالعكس تحسه مغرور ومتكبر بس يمكن تبي تحس بالانتصار لان البنات كلها تحبه واهي الي قدرت تاخذه
بس قالت هذا زواج ما تبي تفكر جذي تبي تفكر بمهل وبعقلانية
وبعدين اتخذت قرار وقالت ما بتتنازل عنه,, قالت في قلبها اهم شئ دراستي وما بفرط فيها لو مهما يكون ولكنت قالت بترد على امها في الليل......
الجزء الثاني عشر
**********************************
وطلعت الام وخلت مريم في دوامة من التفكير كلش ما توقعت انه فعلا يتقدم لها هالشخص ومادري ليش اهي مترددة انها ترفضه مع انها ما تحبه بالعكس تحسه مغرور ومتكبر بس يمكن تبي تحس بالانتصار لان البنات كلها تحبه واهي الي قدرت تاخذه
بس قالت هذا زواج ما تبي تفكر جذي تبي تفكر بمهل وبعقلانية
وبعدين اتخذت قرار وقالت ما بتتنازل عنه,, قالت في قلبها اهم شئ دراستي وما بفرط فيها لو مهما يكون ولكن قالت بترد على امها في الليل,,
في الليل::
الام : ويش يا بتي اتخذتين قرار؟؟
مريم: أي
الام: ها بشري ترى القرار راجع ليش هذي مصيرش اتمنى انش اتخذتينه بعقلانية
مريم: اني موافقة بس لازم اكمل دراستي الجامعية بس هذا شرطي
الام: هذا شئ لازم,, والله وكبرتين يا مريم احين بزوجش وبتنزاح عني حمل البنات ثقيل
مريم: افا جذي تقولين لهلحد اني ثقيلة عليش وتبين تتخلصين مني
الام: لا فهمتيني غلط اني ابي ازوجكم واستر عليكم
مريم: بس خايفة لكن
الام: من شنو خايفة؟؟
مريم: مادري احس روحي اتخذت قرار هذا مصيري يعني
الام: لازم يا بتي البنية مصيرها تروح بيت رجلها
مريم: متاكدين انتون عنه زين
الام: أي زين واجودي وبنسال محمد وعلي وخيلانش
مريم: يالله على خير بروح اني الحجرة
الام: بسش تفكير
مريم: هه لا ما بفكر
الام: صدقتش
مريم راحت حجرتها وشعورها غريب جدا متقلبة ساعات تقول ليش قبلت افففففففف مو قادرة تركز على قرار واحد
الام اتصلت الى محمد وعلي وسالتهم عن علي وكلهم قالو زين وكذلك الخيلان محد قال عنه شئ مو زين وبعدين توكلت على الله وتصلت الى ام علي
ام مريم: هلا ام علي
ام علي: هلا بيش بشري يا وخيتي
ام مريم: البنت موافقة بس شرطها تدرس ,, وانتون طبعا حددوا أي وقت حق المقابلة والمعادل
ام علي:بشاور ابو علي وعلي وبرد عليش(( واستانست من الخاطر وراحت تبشر ولدها الي قاعد في قلق))
ام علي: علي اتصلت ام البنية
علي: هاااااااا وش ردت؟؟؟
ام علي: البنية تبي تكمل دراستها(( تبي تفور دمه عليها حركات بعد))
علي: ( سكت ونزل راسه وكل هموم الدنيا كانها انصبت فوق راسه راحت لهفته وحماسه بردها)
الام: وش فيك يا ولدي لا تضجر الي خلقها خلق غيرها
علي: بس انا خاطري فيها
الام: تحبها؟؟؟
علي: وش الفايدة احين
الام: الفايدة ان متى تبي تروح عشان تسوي مقابلة ونتعادل
علي سيدة قام وشقح ويناطط والله ما اوصف لكم شعوره لو تشوفونه كانه طفلوحضن امه فترة طويلةةةةةة بعدين قال
علي: انا زعلت اماه تسوين فيني جذي اهون عليش
ام علي: امزح
علي: من متى قمتين تمزحين
ام علي: من قلت انك بتزوج
علي: لهلحد تحبيني اماه وتحبين سعادتي
ام علي: واكثر لحين ما عرفت محبتي ليك شكثر
دمعت عيون علي وحاول انه ما يبينها بس الام شافتها ومسحتها وباسته على جبينه وراحت عنه
علي في هذا اليوم شعوره ما ينوصف حس روحه بغى يطير من الفرحة بصراحة ردات فعله وحماسه قاس له أي كثر يحب مريم يقول في قلبه شلون حبيتها وانا ما شفتها خذت عقلي بكم محادثة بسيطة وياها يا ترى شلون شكلها تغيريت او لا,,, تساؤلات وافكااااااااااار ما تخلص
ومريم من صوب ثاني متخوفة وعايشة في اضطراب وقلق ما تدري ليش هل لانها تحس روحها بعدهي صغيرة وبتدخل عالم غريب ما تعودت عليه تعودت على الاتكالية والحركات الطفولية واحين لازم بتودع كل هذولا الاشياء وبتصير مسؤولة ,, قطع تفكيرها تبطيلة الباب الا واخوانها وخواتها كلهم جايين
علي: هلااااااااااا بالعرووس
مريم: توه الناس عليي بعدي عزابية خلوني اتهنى
فاطمة: ودعيها خلاص قولي ليها باي باي
مريم: لا تحزنوني ان شاء الله انجف
محمد: نجفي يالله انا ابيش تنجفين ادري ما تقدرين بروحش مايتة على العرس
مريم: مالت عليك عبالك مثلك (( كل من يرى الناس بعين طبعه))
هدى: عجل نبرز لينا فساتين من احين ونسوي الميزانية بتفقرينا الله يفقرش
مريم: طالع احد قال لش تعدلي ,, مول وانتين بتتعدلين ليي ,,بتتعدلين لرجلش ويا هالوجه
فاطمة: من قدش بتاخذين واحد وسيم وحليو
مريم: اني احلى منه
هدى: عشتووووووووو
مريم: يالله احين فارقوني ابي اقعد بروحي
فاطمة: مو زين التفكير واجد ترى اني اخاف عليش
مريم: قلبي وجهش خليني اتهنى مثل ما انتي تهنيتي
فاطمة: يا زعم تغني(( يا بنات لا تصدقون ان الزواج راحة,, اول سبوع في البيت مرتاحة وثاني سبوع سكر وتفاحة وثالث سبوع في الارض سداحة ورابع سبوع في الارض مساحة...))
مريم: انجان قلتين لروحش هالكلام وبعدين خربطتين في الاغنية خربتينها قومي قومي والي يعافيش
علي: اقول مريم
مريم: ها
علي: شسمه ناسي اسمه سمونة
مريم: احفظ الكلام بعدين تعال
علي: انتين احين رافعة خشمش علينا الى ويه
مريم: من حقي قوموا براجع للامتحانات
هدى: عاد مو احين ما تدرسين عدل والله ما بنزوجش
مريم: هاهاهاهاي انتون تعايروني على ويه جنكم انتون الي جايبين ليي الرجال قلبوا وجوهكم لا احين بنادي امي تقومكم
فاطمة: نقوم بكرامتنا احسن لينا
هدى: يالله يالله خلوها تراجع راجعي ها مو تفكرين
مريم: يالله الله وياكم
وقبل الامتحانات في العطلة مالت الدراسة جوا اهل علي عشان تصير مقابلة عشان اذا كل واحد شاف الثاني ووافق في نفس الوقت يتعادلون ,,
يوم المقابلة صاير البيت كله حركة الابو راح السوق واشترى قدعات وفواكه ومن هذا القبيل ومريم لبست تنورة سودة على وردي وبدي حليو ناعم وردي وصارت ناعمة بدون أي اضافات على الوجه خلت روحها طبيعية الشعر خلت ليها قذلة ولفت شعرها بطرقة حلوة وخلت مشبك(( العضاضة اسميها اني))
وبعد الاذان بنص ساعة جو اهل علي,, الرجال ابو علي وعموم علي ثلاثة,, والنسوان ام علي وجدة علي وبس,, استقبلتهم الام ودخلتهم مجلس النسوان وقعدوا سوالف بعدين قالو نادي على مريم ودخلت مريم وهي فعلا مستحية ما تحب احد يركز فيها وخبرش الجدة تطالعها وتمسح على شعرها واستلطفتها مريم
والرجال سوالف عن مواضيع عامة وبعدين الام نادت مريم عشان تدخل المقابلة ,, لبست مريم بالطوها وشيلتها وهي ترتجف ودخلت حجرة اخوها محمد,, الاودقايق دخل عليها علي
علي: سلام
مريم: (( يادوب ردت السلام حدها ترتجف)) عليكم اسلام
علي دقيقة يطالعها ودقيقة ينزل عيونه بس هالدقيقة الي يطالعها فيها يخزها خز وهي مسكينة من ترفع عيونها وتصطدم في عيونه سيدة تنزلها ما عطها مجال المجرم انصدم ما توقعها بهالحلاوة اهو كان راسم صورة كلش عادية ومو حلوة ليها واحين تغيرت مليون في المية خلاه يدوب في دباديبها اكثر,, بعدين علي قطع الصمت
علي: طبعا تعرفين اسمي علي وعمري 23 سنة واشتغل وادرس في الجامعة مسائي خبرش انا طموح
مريم ابتسمت: ............
علي: اشتغل في بابكو ادخل معلومات معاشي 300 طبعا لين ما اتخرج بيعطوني منصب احسن يناسب تخصصي وبيرتفع المعاش وبس شتبين تعرفين عني بعد اذا عندش اسئلة؟؟
مريم: (( تجرأت وتكلمت)) ابي اعرف عن شخصيتك
علي: شنو يعني؟؟
مريم: مثلا عصبي واطباعك يعني
علي: (( ابتسم يقول في قلبي خايفة البنية)) لا مو عصبي واجد بس شوي
مريم: اخاف من العصبية
علي: (( وهو يمزح)) يعني اقوم ما تبيني
مريم: لا سوري مو قصدي
علي: انزين بعد شتبيني اقول ليش انا واجد حنون فعلا ومدام عندي ما ابخل بالعكس كريم واحب البنت الي ما تعاند وتقول ان شاء الله
مريم تقول في قلبها ويه عشتو حنون مغرور ومن احين يبيني اقول ان شاء الله نغزة يعني الله يستر
علي: شفيش سرحتين
مريم: ها لا ولا شئ انت عندك اسئلة ليي
علي: شنو بتاخذين ان شاء الله في الجامعة؟؟
مريم: مادري يا بنكنغ او تكنلوجيا بس سمعت يقولون صكوه يعني لحين متحيرة
علي: انتني مواليد كم؟؟
مريم: (( طالع جاي متقدم الهبل شكله حتى عمري ما يعرفه)) 88
علي: صغيرة يعني كتكوتة
هاهاهاي يتظيرف
مريم:((سكتت))
علي: انا ما عندي اسئلة اذا انتين
مريم: اوكي خلاص بقوم
علي يقول في قلبه طالع هاذي بتقوم وبتهدني ,, بس مريم قبل لا تروح
مريم: ترى الدرب فاضي عشان تروح المجلس
وقام راح علي المجلس ساله ابوه وش الوضع قال اوكي قام طلع علي اخو مريم يسال اخته
علي: مريم ها ويش موافقة او لا
مريم: وش تقول انته
علي: بعطيش كف بسرعة قولي مو تدلعين
مريم: يالله توكلنا على الله
علي: يعني أي
مريم: أي
وراح علي وقال لجماعة ان البنت موافقة وتعادلوا خب معروفة هني عندنا المهر الف دينار والضيفة خمس مية دينار (( رخاص بنات البحرين مو؟؟ قصدي اسعارهم بس هم جوهرهم غالي)) وتم المعادلة على احسن ما يكون وطلعوا بيت علي على اتفاق انه بعد الامتحانات تصير الملجة وبعد اسبوع من الملجة يصير الخطوبة عشان تقدر تجهز روحها
الجزء الثالث عشر
****************************************
وجت ايام الامتحانات وانقضت على خير مريم حست انه الخطبة ما اثرت عليها كلش,, وطبعا اليوم السبت يعني السبت الي بعدها النتايج في النت والله يستر..داريكت من كملت مريم الخطوبة في نفس اليوم علي حن على امه انهها تتصل ليهم عشان يحددون يوم الملجة وفعلا اتصلت ام علي الى ام مريم
ام علي: الو سلام شحوالش وشحوال مريم ويا دراستها
ام مريم: بخير والحمد لله اكي توها اليوم مكملة من الامتحانت وتقول سوت زين
ام علي: الحمد لله ,, انزين ها متى تحبون نسوي الملجة ؟؟
ام مريم: والله على حساب الليلة الزينة
ام علي: عجل خلاص احنا بنتصل الى الشيخ وبنتفق وياه وبنخبركم على كل شئ
ام مريم: اوكي
ام علي: مع السلامة
واتصلت ام علي فورا الى الشيخ وقال ان اليله الزينة تصير ليلة السبت يعني بعد سبوع,, وانقهر علي اهو يبي باسرع وقت وما في جانس الا يوم الجمعة يقول احين احنتا تونا في بداية السبوع وش يخلصه,, المهم وام علي خبرت ام مريم على الليلة وقالت ليها انه بيجي علي باجر الصبح عشان تشترون ليها فستان حق ليلة الملجة وقالت ام مريم اوكي ..
الام : مريم اكو حددوا ليلة المجة بتصير ليلة السبت
مريم: بل عاد ليلة النتيجة
الام: أي وش صار المهم برزي روحش باجر بيجي علي بيودينا نشتري فستان ليش
مريم: حلفي لا فشيلة خله احنا الا نشتري مو لازم هو
الام: بلا دلاعة باجر بيجي الصبح
مريم: الصبح عاد
الام: أي يعني لا تسهرين الليلة تقولين اجازوة وتسهرين
مريم: بل من اول يوم اجازة بتحرموني منها
الام: طالع وش تقول بنحرمش من ويش يالهبلة روحي روحي
طلعت الام عن مريم ومريم تتخيل روحها راكبة وياه,, طبعا هي بتركب ورى وغرقت في بحر من التفكير وفي المغرب محمد قاعد ويا مريم
محمد: مضايق حدي
مريم: من ويش
محمد: للحين ما حصلتون ليي وحدة من متى؟؟
مريم: حارس احين اني انشغلت في الامتحانات واحين بتجي ملجتي وخطوبتي بعد كل هذا ان شاء الله نحصل ليك وحدة
محمد: كريه التدوير والله كريه
مريم: طنش تعش تنتعش لا تفكر في الزواج
محمد: أي مو انتي احين بتنخطبين وش وراش
مريم: ليكون اني مايتة على الزواج عبالك
محمد: انتن غير وانا غير
مريم: هرار انته
محمد: احين صج ليلة السبت ملجتش
مريم: يقولون
محمد: والله ما اتخيلش بتنخطبين صغيرة على العرس ما يناسبش
مريم: خخخخخ عجل يناسبك انته,, انته بعد صغير,, البنية هالعمر تعتبر عودة والصبي الي في عمري يعتبر صغير مادري ليش,, احنا كله مكبرينا وبس
محمد: أي من جذي تعجزون من وقت انتون
مريم: ويه لا عيوني موشرط على حسب الوحدة
محمد: وش بتلبسين؟؟؟
مريم: اول مرة اسمع صبي يسال بنية وش بتلبسين خبري انتون ما تهتمون حق هالشئ
محمد: انا غير
مريم: انزين ما علينا باجر بيجي عريس الغفلة وبنروح وياه نشتري فستان
محمد: من احين مسكين سميتينه عريس الغفلة أي والله عريس غفلة اهو بينصدم فيش
مريم: اصلا بيشكر ربه مليون مرة لانه خذاني
محمد: عشتووو لا فيش زود ولا شئ
مريم: وش عرفك انته,, اقوم اروح اتعشى
راحت مريم تعشت وطالعت التلفزيون ونامت على الساعة اثنعش
ويوم ثاني من الصبح جت امها قعدتها خب متعودة لان توها مخلصة من المدرسة يعني صار عندها عادي غسلت وجهها واسنانها وتريقت ولبست لها بانطلون جينز وبدي عشان تعرف تتحرك في السوق وبرزت روحها اهي ويا امها الا بهرن السيارة وطلعوا ليه كانت في قمة الخجل اكثر من يوم المقابلة وعلى العموم قعدت ورى ويا امها واهو قدام((خخخخخخ الهندي الشوفير))ويا زعم ما يبي يشوه صورته قدام عمته المستقبلية ما حط اغاني حط موسيقى كلاسيكوكل شوي يطالع مريم من المنظرةوفي لحظة كانت مريم مرفعة نظرها وانجان تصطدم وياها النظرات وسيدة مريم حست بروحها ونزلت عيونها استحت حدها مسكينة واعليا,, علي من النوع الخجول مو بسرعة يتاقلم فما كان يتكلم ويا عمته
علي: وين تبيوني اوديكم عندكم مكان محدد
ام مريم: مادري يا ولدي ها مريم وين تبين تروحين
مريم: (( امي تفشل ما تتساسسرني بعد بصوت عالي)) مادري يمكن الؤلؤة فيها
علي: يمكن؟؟ عجل ما بنروح
مريم: انقهرت حدها وتمت ساكتة واتجاهلته طول هالفترة وما شافت روحها الا قدام مجمع الؤلؤة(( هني سيدة رفعت نظرها باستغراب لفوق))
علي:(طالعها اهو الثاني وابتسم وغمز ليها)يالله نزلوا
مريم: ( تجاهلته وقالت في قلبها وقاحة وجراءة ما تدري تحس انها بينه وبينه تحدي او معركة الله يستر) ونزلت من السيارة ومشت ورا امها وعلي قدام
ودارت المجمع وعجبها فستان اسود حليو صاير ناعم وفيه كله شك طبعا مزلط وقالت الى امها بهمس تبيه
الام: فجعتي انتين عندش عرس والله ماتم لا اسود ما تخدين استجنيتين
مريم: اما قصري على صوتش وبعدين احين يلبسون اسود هاذي الموضة
الام: أي موضة يوم عرسش تلبسين اسود ما يصير
علي: خليها براحتها عمتي
مريم: خلاص نجفت بس مو محصلة فستاين حليوة
الام: انتين امشي ما كملنا المجمع كامل يمكن نحصل
وبعد محلين شافت مريم فستان حليو احمر صاير بس شوي واجد فاضح يعني الضهر نصه طالع وفي فتحة طويلة من ورى وامها قالت حليو بعد واشترته بس ما رضت ان علي يشوفه وبعدين طلعتهم من المجمع عند الباب اشترى دونات ليها وليه ولعمته وعطاهم اياه بس مريم طبعا ما كلته,, ورجعهم البيت وجيكت الفستان طلع روووعة عليها يعني مبين حلاوة جسمها عدل
ومرالاسبوع لين جه يوم الجمعة الا وهو يوم الملجةفي بيت مريم الساعة ثمان توها قاعدة من النوم الا برنة الجرس ط لعت الام الا ام علي عند الباب سيدة انخشت عن لا تشوف وجهها وتنجف عليها خخخخ,, الا ام علي جايبين سفرة عجم ما كانت تدري مريم انه في سفرة عجم واستانست لانه كان خاطرها فيهاللحركةركبها وصارت حليوة
الضهر مريم راحت الصالون وسوت شعرها مموج وبشرط حمرة ربطته في شعرها من قدام صارت قمة في الجمال والنعمومة ما توقعت روحها اهي تصير جذي المهم وصلت في الصالون وبعدين رجعت بيتهم والبيت مزحوم بالنسوان والجهال بنات خالتها وخالاتنها وعماتها والجيران وربعها بعد عزمتهم عاد هي في الحجرة الي فيها سفرة العجم ودخلت عليها علياء
علياء: هي منهي اخت العروس؟؟
مريم: هاهاهاي يا ثقالة دمش
علياء: صج صج طالعة روحة الله يعني علي عليش بتذبحينه
مريم: احم احم شققتيني
علياء: لا تصدقين روحش بتم اني على طول الاجمل
مريم:مالت عليش وعلى جمالش
علياء: هي انتين عقلي انتين عروس
مريم: اني اعقل منش بعدين تعالي ما جه الشيخ؟؟
علياء: يقولون في الدرب عقد على المعرس واحين بجي ياخذ الوكالة
مريم: واويلاه بودع العزوبية علياء ماني ماني بعدي جاهلة
علياء: كل هالطول وجاهلة وش خليتين الى منار ومرام بنات اختش
مريم: طالع هذي بدال ما تواسيني
علياء: المهم لا تنسين تدعين ليي اتزوج اني بعد بفلصش حزة العقد يقولون اذا فلصتينها سيدة بعدها تزوجين
مريم: انتين طبعا اول وحدة ما يصير بس اني لازم ابي ونيس
علياء: انتين فعلا اليوم صايرة جاهلة المفروض تعقلين
مريم: سكتي والا يعافيش عوروا راسي ويا هالاغني الي يغنونها
علياء: بروح بسكتهم بحط شريط الاسلامي (( يا باني الحجرة على السيف بنها على ساس قوية علوي ومجمع له الافات ناوي على عرس البنية))
مريم: روحي وبسرعة تعالي ها
علياء: لحظة لحظة بروح البس اكو اضاهر جه الشيخ قرب اجلش مريم قولي باي باي للعزوبية
مريم: لا تصيحيني والله ابي اصيح
علياء: فمش خير صيحي وخربي مكياجش
ودخلت ام مريم وقالت انه الشيخ جه علياء راحت تلبس دفتها والام لبست بتها مشمر العروس والدفة عليها تغطيها ودش الشيخ وقعدت علياء صوب مريم وخوات مريم كلهم يما وامها بعد وقعد الشيخ يقول لها كلام وهي تردده وخلاص وقعوا الشهود وهم ابوها وخيلانها واخوها علي وطلع الشيخ
وقام الجباب الي على اصول كللللللللللللللللللللللللللللللللللللللللللللللللل لللللللللللللللللللللللللللللل
للللللللللللللللوووووووووووووووووووووووووووووووووو ووووووووووووووووووش
مباركين عرس الاثنين ليلة ربيع عرس قمرة والي جمع بين قلبين الله يطول في عمره
واليل يالالي واياه بلله عليكم خذوني عندكم جمال وايه ياللي يلالاي وياها لا ارعى جميلاتكم واشرب حليب اجمال واييه
وقام صفت البنات والنسوان يسلمون على مريم لين ما قالت بس بعدين الا الام تقول يالله علياء طلعي الجهال وطلعي الاوادم اكو المرعس جاي بيدخل احين اهو برى,, وطلعت الناس وفضى المحل والام دخلت علي على مريم ومريم كانت واقفة والمشمر على وجهها وما في في الحجرة الا ام مريم وخواتها يصورون وحدة فيديو ووحدة عادي وعلياء وام المعرس دش علي وهو متخزبق وسط نسوان ووقف صوب مريم وقلبه يرقع هو وياهااهني اللحظة الحاسمة,, علياء طبعا فهمته انه يشيل المشمر ويبوسها وسط العيني في الجبين وهو فهم الدرس وقال اوكي يبيها من الله ورفع الشمر عنها وايده ترتجف حتى مريم حست فيه وطبعا اهني كل علامات الدهشة مرتسمة في ملامح وجهه سحرته عدل عدل حتى مو قادر ينزل عيونه وحبها في الجبين علياء ويا حركاتها الماصخة كل شوي تخلهم يسوون حركات عشان يصورون ونادو على ام العروس وام المعرس عشان يصورون وصوروا ولين ما شبعوا من التصوير راحت علياء وحبت توام روحها بنت خالتي وقامت تصيح بس مريم اشوة انها جودت روحها بس فيها الغبنة وطلعوا عنهم خلو الحجرة فيها بس طيور الحب
اول شئ قاله علي
علي: مبروووووووك عليش
مريم: الله يبارك
علي: ما بتباركين ليي
مريم: استحت وابتسمت وقالت مبرووك
علي: قالها الله يبارك فيش
مريم الصمت مسيطر عليها وعلي يحاول يلطف الجو ويكسر الصمت اذكر شئ
علي: انا مغرور وانا متكبر بس وسيم
مريم بققت عيونها مستغربة من كلامها مو غريب عليها
علي: شفيش
مريم: لا ما فيني شئ
علي: مغرور انا مو واخذت لي وحدة من هالسبلان ومالت عليها
مريم: انت؟؟؟؟؟؟!!!!!!!!!!!!!!!!!!!
علي: أي انا
مريم: شلون
علي: او قولي بتدشين الجامعة او لا
مريم: اكيد
عليك ليش ما تثبتين ليي كلامش وما تدشين
مريم: في احلامك
علي: قوية
مريم: (( حست روحها واجد خذت على الوضع واستحت وسكتت))
علي: انا اسف
مريم: بعد شنو كلمة اسف جاي تقولها
علي: والله صدفة حصلت على ايميلش محطوطفي جيس مال اكل في الشارع اثار فضولي يوم شفته
مريم تذكرت انها مرة كانت تسولف ويا امها وتخربط على الجيس وقطته في الشارع(( صج غبية))
مريم: الي صار صار
علي: زعلتين
مريم: وليش ازعل الله مسبب هالسبب
علي: بس بسالش سوال
مريم: نعم
علي: هههه اليوم نعم باجر ها
مريم: ( ساكتة هذا متى بيسكت عن احراجاته ))
علي: انزين ادش في الموضوع ليش ماكنتين تواطنين بعيشة الله
مريم: ابتسمت ابتسامة طويلة وسكتت
علي: ليش؟؟
مريم: كيفي
علي: اها من احين كيفي
مريم: كيفي
علي: كيفش ها سوا روحه منقهر مجود ادونها هي خافت(( تقول شفيه خذا على الوضع وياي توه الناس من اولها ضرب)) وباسها في جبينها وقام قال مع السلامة وغمز بعيونه خلص وقتي عاطيني ربع ساعة عموما الرقم مالي والهدية عند امش ومريم تطالع فيه وهي مبهتة وساكت وطلع علي
وبعدين دخلوا عليها مرة ثانية البنات والنسوان وسوالف واغاني
لين الساعة وحدة تمت مريم بروحها في الحجرة تبدل وشافت الهدية هي عبارة عن بوكس فيه قراءن وسلسة ذهب ناعمة سيفت الرقم في تلفونها وانبطحت تفكر فيها بصراحة جذبها من اول لقاء والله يستر عرفته مرح وحبوب وراعي سوالف وبينما هي تفكر واذا بالنعاس يغلبها
ZZzZZZzZZZzZZ
الجزء الرابع عشر
***********************************
قعدت مريم من النوم عند اذان الصبح وصلت وكانت تبي تفتح النت للنتايج بس حست روحها مو قادرة تقاوم رد نامت والصبح قالت بتشوف,, وعلى الساعة تسع ونص قعدت من النوم دخلت الحمام وبعدين سيدة دايركت على النت تبي تشوف النتيجة ولا بالعناد النت صاير بطئ عندها,, وبالغصب حطت رقمها الاكاديمي وتنتظر الا برنة تلفونها خطيبها متصل تقول في قلبها هذا صج متفرغ حزتها ولا ردت على التلفون تنظر نتيجتها وطلعت وقامت تشاقح وتناطح ما توقعت ترتفع بهذي الدرجة وسيدة راحت تركض الى امها وخبرتها وباركت ليها وتذكرت التلفون وراحت شالته
علي: الو صباح الفل
مريم من كثر فرحتها ردت عليه بكل حب
مريم: صباح الورد والياسمين
علي: او شكلش مستانسة كله لاني اتصلت فيش
مريم: ((بكل عفوية)) لا لاني طلعت نتيجتي ونجحت
علي : فشلتيني على كل حال كم نسبتش
مريم: توقع
علي: اممممممم 85
مريم: ههههههه هذا بس الي استاهله
علي: لا بس مجرد توقع
مريم: اممممم 93.8
علي: وااااااااااااااو كلش ما توقعت
مريم: اني قدها وقدود لا تتساهل فيني
علي: مبروووووك على النجاح ومبرووووووك عليش انا
مريم: ابتسمت)) الله يبارك في حياتك
علي: تريقتين؟؟
مريم: لا من قعدت من النوم سيدة على النت
علي: انزين مو تتريقين عني احين بجي ليش اوكي
مريم: اوكي بس عقب ساعة تعال عشان اجهز روحي
علي: لا احين بجي بشوفش وانتي عفسة
مريم:ما بطلع ليك
علي: مو على كيفش
مريم: صج صج لا تجي ليي
علي: اوكي الساعة عشر ونص انا بجي
مريم: اوكي
علي: مع السلامة عمري
مريم: ((من احين صرت عمره غريب امره)) الله يسلمك
وسيدة مريم قالت الى امها تسوي ريوق سبشل لان بيجي خطيبها احين وراحت سبحت وولبست ليها تنورة وقميص لونهم بحري ممزوج باسود ,, ولفت شعرها بطريقة حلوة وتعطرت وسوت مسج ليه(( هلا انا احين كملت اذا بتجي حياك))
وبس دقيقتين من وصول المسج الا وهو عند باب البيت طق الجرس وراحت له دخلته سلم عليها باليد وودته الى امها يسلم عليها وبعدين دخلته المجلس والاام جابت الريوق وقعد هو يتريق جنه من سنة ما اكل وهي يادوب تاكل لها شئ الريوق كان عبارة ((عن بيض مقلي وانواع من الاجبان وعسل ووسمبوسة وبلاليط وبيبسي))
حدها كلت سمبوستين وهو لت الاكل لت ,,
علي: اكلي شفيش ما تاكلين لا تستحين انا ما استحي اكو اكلت الاكل اكال
مريم: عليك بالعافية
علي: بس بعدين مو تروحين المطبخ تاكلين بروحش ترى بلحق وراش
مريم: هههههههههه لا ما بسويها
علي: انزين خلاص انا كملت شيلي الصينية مالت الريوق
مريم: اوكي تبي تروح الحمام تغسل ايدك
علي: يالله وبعدين وديني حجرتش ابي اشوفها
مريم: اوكي
ودت مريم الصينية المطبخ وعلي غسل ايده وودته مريم حجرتها شافها وقعد وياها هناك راوته البوم صور مالها من يوم هي صغيرة لين احين وسوالف متفرقة عامة وحزة اذان الضهر
علي: يالله مريوم احين انا بروح المسجد بصلي وبعدين بجي ليش بوديش البيت جهزي روحش اذا تبين تحملين شئ
مريم: انت تعال البيت ما يحتاج اجي
علي: ما تبين تشوفين حجرتش؟؟
مريم: امممممممم اوكوووو اذا كملت بسوي رنة وانت لين وصلت سو رنة وبطلع ليك
علي: اوكي يالله باي
مريم: الله يسلمك
علي: هههههههههه( مط خدودها) ما نسيتين
مريم: ( بابتسامة) ما تطوف عليي
علي: مع السلامة عمري
مريم: الله يسلمك
وعلي راح المسجد ومريم تمسحت وصلت وقعدت تجهز روحها وتحط ليها ميك اب على خفيف لانها ما تحب الواجد والدفش وفي الاساس ما تعرف وخبرت امها وامها قالت اوكو وسوت رنة الى علي وقعدت تنتظرهفي الحوش عند الباب ومن سوا رنة سيدة طلعت له
وبطلت الباب الي جمب علي وقعدت
مريم: سلام
علي: هلا ما شاء الله من سويت رنة سيدة عند الباب
مريم: ما احب احد ينتتظرني
علي: والله زين,, لان انا اكره شئ عليي الانتظار
مريم: من حظك اخذتني احمد ربك
علي: ليه الغرور والكبرياء
مريم: واني اقول ان شاء الله اخد ليي واحد ما يسمع اغاني عشان اتركه
علي: انا مو واجد اسمع ساعات
مريم: احسن
علي: امممممم متشوقة عشان تشوفين الحجرة
مريم: اكيد
علي: مسامحة المفروض تشوفين شقة بس شنسوي على قد حالنا
مريم: لا عادي الواحد يمشي خطوة خطوة عشان يوصل للي يبيه اني اهم شئ اكون سعيدة حتى لو في حجرة
علي: ان شاء الله يتيسر حالي واسوي الشقة في اقرب وقت
مريم: ان شاء الله
علي: يالله وصلنا دشيتين بيتنا من قبل؟؟
مريم: ولا مرة
علي: احسن
مريم: ليش؟؟!
علي: بس عشان يصير له زهوة خخخخخخ
مريم: ههه
علي: يالله نزلي
ونزلت مريم ويا علي ومشى قدام وهي وراه ودخل باب الحوش بعدين ما دخلو الباب الي يوصل للصالة لا ركبها على درج وهي وراه ما تدري بالدنيا وفتح باب والا تشوف شقة
علي: هذي حجرتي
مريم: هذي شقة مو حجرة
علي: أي هذي شقتي
مريم: يالشلاخ وجذب تقول ما عندك شقة ليش؟
علي: كنت ابي اعرف ردة فعلش
مريم: واحين عرفت
علي: أي واستانست
مريم: مالت
علي: على بليسي
مريم: هههههه
علي: وش رايش
مريم: يالله راوني اياها عدل وبعدين بقول رايي
وعلي راوها اول ما تدخلين من المدخل الرئيسي في ممر وعلى جنب تصير الصالة وبعدين تمشين شوي بعد تجي صالة شوي اصغر وفي ممر فيه الغرف حجرتين ومطبخ وقسم للغسيل كانت حلوة الشقة وعودة,, هي مو مكملة يعني وصلوا فيها الكهرباء الجبس باقي الصباغ والاثاث وغيره..
علي: يالله شفتين الشقة ها شرايش؟؟
مريم: تجنن حلوة كلش التصميم مالها
علي: تستاهلينها
مريم: مشكور
علي: يالله خلنا ننزل براويش حجرتي
مريم: اوكي
ونزلوا علي ومريم ودخلوا البيت اول شئ راحت مريم الى عمتها ام علي وسلمت عليها وحبت راسها وابو علي بعد سلمت عليه وحبت راسه وقعدت شوي وياهم بعدين علي ناداها وراحت وياه الى الحجرة الحجرة كانت حلوة طبعا احلى من حجرتها كانت مسوية على اصول واثاثها حلو واهم شئ فيه حمام هذا الي استانست منه
وقعدت وياه سوالف وهرار
علي: اممممممم مريوم تكلمي ليي عن نفسش ابيي اعرفش اكثر واكثر
مريم: ههههه شاقول ما اعرف جذي يعني كل شئ بينقال في وقته
علي: انزين قولي ليي ليش ما كنتنين تشتهيني
مريم: لا مو على شئ كنت احسك مغرور لا اكثر مو معناه اني ما اشتهيك
علي: زعلت انا مغرور
مريم: غيرت نظرتي عنك
علي: اشوة
مريم: انزين علي شلون يعني اخترتني؟؟
علي: مثل ما قلت ليش من كلمتش اعجبت فيش وفي شخصيتش وخصوصا الفترة الي ما قمتين تكلميني فيها زاد حبي ليش وبس قلت ابيش
مريم: لو شفتني وما عجبتك شكليا كنت بتاخذني؟
علي: طبعاااااااا باخذش حبش انحفر هني(( وياشر على قلبه))
مريم: ( ابتسمت ابتسامة خفيفة ممزوجة بفرح كبير) ما توقعت ابدا اني انخطب بهذي الطريقة
علي: الله كاتب
مريم: انزين بقولك سر
علي: قووووووولي شنووووووووو
مريم: بس خلاص ولا شئ
علي: الا تقولين
مريم: خلاص مو شئ
علي: ترى بزعل
مريم: كنت امزح
علي: متاكدة
مريم: متاكدتين
وتموا علي ومريم يسولفون عن اشياء خاصة وعامة (( طبعا اسرار ما بقول لكم شقالوا ))ورجعت مريم المغرب بيتهم ووياها علي وقعدوا ويا ام مريم سوالف ووياهم محمد
محمد: يالله مريم انا ماليي كار دورو ليي وحدة له
علي: الاخ بيخطيب
مريم: أي وملوع جبدنا مو محصلين ليه
علي: ياخي دور لروحك بنفسك صير مثلي
مريم: (( تنغز علي بايدها متفشلة قدام امها)) قلت لك اني ما يتكل عليي
محمد: قولي انخطبتين واحين خلاص استغريتين
مريم: هههههه على ويش استغر انت صاير حساس واجد
علي: امممممم فالك طيب خلاص البنية عليي انا
محمد: عندك احد؟؟
علي: عندي بنات واجد بشوف لك وحدة من الي كنت اكلمهم قبل
اشوة بعدني ما مسحت ارقامهم
انقهرت مريم حدها وبكل وقاحة يقول
مريم: خلهم لك ما نبي حق اخويي وحدة من الخايسات الي تكلمهم
وقامت مريم حجرتها
علي: هههههههههههههههه شفيها دي شبت ضو من صدقها صدقت يعني لا حول احين وش الي يراضيها
محمد: اشوفك من احين قلبت على اختي هي بشويش عليها
علي: طالع واقول بدور ليك وحدة خلاص نجفت خل اختك هي الي تدور ليك
محمد: انزين احين قوم راضها الله يساعدك عليها
علي: نقوم وامرنا لله
وراح علي لحجرة مريم وقعد يطق الباب وهي ما حقرته عشان فشلة مو حلوة قدام الكل وسيدة بطلت الباب وهي مباعدة
وجهها عن لا يشوفها ورجعت قعدت على السرير تسوي روحها تحوس في مجراتها ومتجاهلتنه وسرحت وهو مخلنها لفترة عشان يعرف شيقول لها هي تقول في قلبها(( اني توقعته مو خالي هالاشكال ما تتخلى بحالها الله يصبرني )) وقام علي لها يتحجج فيها بطل شعرها
مريم: هيييييييييييييييي هدني
علي: ما بهدش الا لما تكلميني
مريم: الذا عدلت اسلوبك وحاسبت لكلامك بعدين يصير خير
علي": انا امزح يعني لو فعلا عندي بنات بقول في وجهش
مريم ساكته وحاقرتنه
علي: مريووووووووم هذا اول يوم لينا لا تخربينه عليي والله شوفي تلفوني ما فيه احد اذا تبين بتصل لرقم رقم وشوفي
مريم مطنشتنه
علي: لا تسكتين عني اكلمش انا
مريم تصيح
علي: شفيش مو لهدرجة عاد مريوم والله احبش يعني تتوقعينها مني (( مسح دمعتها وفر وجهها بايده لعيونه )) شوفي عيوني وقولي شتشوفين فيها غير الحب واللهفة يالله عاد مريوم ابتسمي
مريم: لا تسوي فيني جذي مرة ثانية
علي: تامرين امر يالله قومي غسلي وجهش وتعالي لبسي بنطلع
قامت مريوم وغسلت وجهها ولبست بالطوها وشيلتها وفي طلعتهم
محمد: ها راضيتها
علي: انته ماليك دخل كله منك
محمد: طالع ان شاء الله احين بناخذ اختي منك
علي: هذي لي انا ما تقدر يالله بار بار
محمد: مالت
مريم: عيب ما اسمح لك
محمد: يالخاينة من يومين عرفتينه وصار اغلى مني افا ما هقيتها منش
مريم: امزح انت ما اقدر اعوضك يا احلى واغلى اخ
محمد: انا زعلت خلاص باليسش ما عاد ينفع
مريم: افا اني اختك هاك ةبوسه على الراس
علي: الله لينا
محمد: حرة
علي:ط يالله مشينا مشينا مريوم عن هالاشكال
محمد: في امان الله
علي: مسامحة كنت امزح ها
محمد: لا عادي خوك
علي ومريم: مع السلامة
محمد: الله يسلمك
الجزء الخامس عشر
*********************************
وطلعوا مريم وعلي عن محمد,, الا محمد جاينة اتصال من خالته
محمد: هلا خالة
الخالة: هلا عندي ليك بشارة
محمد: بشري ويش حصلتون ليي بنية
الخالة: ايييييي في بنية اعرف امها اني,, اهي حليوة انجان بتروحون ليها
محمد: انتين بس اشري واحنا بنروح
الخالة: هاك هذا رقمهم............. اتفقوا وياهم وجرب حظك
محمد: اوكي بشوف
الخالة : يالله مع السلامة
محمد: الله يسلمش
وراح محمد الى امه وخبرها عن البنية وقال لها اتصلي وجيكي
واتصلت الام
االام:سلام حاجية
المرة: عليكم السلام من؟؟
الام: اني وحدة ما تعرفيني ,,عندش بنية على زواج انتين؟؟(( سيدة بدون مقدمات))
المرة: عندي وحدة بس في التوجيهي
الام: أي نبي ناخذها حق ولدنا ,, تبغى زواج احين هي؟
المرة: يعني عادي حاليا
الام: بنجي ليكم باجر الليل اذا مافي مانع
المرة: حياكم الله
محمد ينغز امه يقوليها ساليها عن البنية ووش اسمها وفي وينه بيتهم
الام: الا في وينه بيتكم
المرة: في بني جمرة
الام: ووش اسمها الكامل عشان نعرف
المرة: اسمها نورة ناصر محمد الغريب
الام: عاشت الاسامي يام نورة
المرة: عاشت ايامش ووش اسم الصبي
الام: محمد حسن احمد حسن
المرة: حياكم الله تشرفون أي وقت
الام: مشكورة اوخيتي
محمد مستانس واخيرا بيدش مقابلة ويا وحدة مستبشر خير هالمرة
محمد: عجل خلاص ابرز روحي
الام: برز روحك واتصل الى خواتك قول ليهم عشان يجون
محمد: اوكي عجل احين بروح بجيب ثوبي من الدوبي عشان البسها باجر
الام: لا تنسى تتصل الى خواتك
محمد: اوكي
وطلع محمد وركب السيارة وقبل لا يشغلها قام يتصل في خواته
محمد: الووووووووووووووو
مريم: وصمخ بطيت ادوني
محمد: الله يصمخش
مريم: انزين وش صاير
محمد: خبر جديد
مريم: شنو عاد هو؟؟
محمد: اممممممممممممم ما بعلم
مريم: عجل متصل ليش
محمد: عشان احرش
مريم: يالله قول قول
محمد: احم احم باجر بنروح نسوي مقابلة ويا وحدة اذا بتستغنين عن خطيبش حياش ويانا
مريم: اكيد لازم اجي اسوي معاينة على البنية
محمد: ول ول عليش فالحة
مريم: اعجبك
محمد: انتين ما ستفدنا منش
مريم: هي انت واجد متفاءل حارس حتى مقابلة ما سويت يعني لا تغتر يمكن تحتاج ليي
محمد: انا عندي احساس بيصير نصيب
مريم: ان شاء الله
محمد: عطيتش وجه واجد خلصتين تلفوني باي
مريم: باي
وسكر محمد التلفون من عند مريم وقال احين اذا اتصلت الى فاطمة وهدى بيسوون ليي تحقيق قام سوا ليهم مسجات وطرشها
وفر الصويج وداس على الريس ومشى على سوق واقف الدوبي وخذ الثوب ووومن فرحته مو عارف وين يروح بعدين راح ويا الصبيان الي يقعدون في هالشوارع البطالية
محمد: سلاااااااااااام شباب
الكل: عليكم السلام شخبار الي ما ينشاف
محمد: هذا احنا شغل وبيت مافي جانس
صبي: اها زين زين اشوفك ما خطبت انت مو قايل بتخطب
محمد: اكو قاعد ادور ان شاء الله قريب
صبي: انجان تبي بنات الخير واجد شوف قدامك واختار
محمد: وش اسوي في هذولين ما منهم فايدة ابي وحدة ها زينة تعرف الحياة الزوجية شلون,, مو مثل ديلين طلعة ووناسة وجمبزة اترك عنك
صبي: انتم السابقون ونحن الاحقون
محمد: ان شاء الله يالله احين بروح عنكم باي
الصبيان: بااااااااااااااااااي
وراح محمد ورجع بيتهم وقعد يطالع افلام في الدي في دي لين ما نام
وطبعا مريم رجعت البيت الساعة حدعش ونص وبدلت ثيابها ونامت هي الثانية
يوم ثاني الصبح
الكل قعد من النوم ,, محمد راح الشغل وبيجي الساعة خمس,, ومريم ما قعدت من النوم الا الساعة ثنعش ونص طبعا خطيبها علي بجي ليها بس العصر لانه يشتغل وفي الليل بتروح ويا اخوها المقابلة
والعصر محمد جى من الشغل وسبح وتعدل واتزقرت ولبس وصلى المغرب في المسجد ورجع بيتهم عشان يروحون
محمد: يالله اماااااااااه لمتى بعد انا من زمان مخلص
الام: توه الناس
مريم: أي خب انته متخرع الطلعة في الليل وانت لابس من العصر
محمد: وش وراي خليني اتخرع انتين بسرعة لبسي عطلتونا
مريم: لا تعجلنا توها الناس فشيلة بتودينا هالحزة يمكن لحين يصلون
محمد: على ما نوصل يبي لينا ساعة
مريم: انزين اني تقريبا خلصت باقي عليي الشيلة واتعطر
محمد: ايييييييييي نسيت العطر عطيني عطرش
مريم: هييييييييييييييييييييي بتفشلنا بيقولون حاط له عطر بنات
محمد: وش دراهم
مريم: ينعرف عيوني
محمد: انتون عطركم احلى مننا
مريم: وش عرفك بالعطورات روح روح تعطر
محمد: عطري مو خنين خايس
مريم: بالعكس خنين يجذب اصلا انته وش عرفك
محمد: امرنا لله
وراح محمد سبح روحه من العطر ورجع الى امه
محمد: اماه بناتش ديلاك ما بيجون له؟
الام: اكو في الشارع يقولون
بدخلت هدى وفاطمة وراها وياهم جهالهم
هدى وفاطمة: سلام
الام: عليكم السلام
محمد: هدولين بتجيبونهم ويانا؟؟
فاطمة وهدى: أي طبعا
محمد: فشيلة رايحين وينه احنا
هدى: تبانا ويانا بناتناا,, احنا وين نقططهم
محمد: يالله يالله امرنا لله فشيلة
فاطمة: ويه عشتو فشيلة
محمد: اكو انا في السيارة انتظر
وطلعوا الكل وراحوا السيارة وغصة السيارة ذيك عاد,, والابو متواعدين وياه دايركت من الشغل الى هناك بيجي
ووصلوا بيت البنية ودخلتهم الام وسوالف وحجي هرار ما منه فايدة بعدين جت نورة( البنية) وطالعوها البنات عدل وعجبتهم
وبعدين اخت نورة الكبيرة نادتها وقالت ليها يلاا قوومي هاهو الصبي ينتظرش ...
نوال : ماني راايحه
(( لانها كنت خاايفه ومتوتره)) .. انزين بعد الحنه والرنه دخلت الحجرة اللي فيها محمد وهي منزله راسها
نورة: سلام (( منزلة راسها))
محمد: عليكم السلام
وقعدت نورة
الاخت:اقعد وياكم ؟؟
نورة:ابي اقعد وياه بروحنا عشان اعرف اتكلم
طلعوا وباقي شوي العرق يزخ منها
محمد: انا ابدا او انتي؟
نورة: انت
محمد:انا اسمي محمد معاشي 150 وتوصل 300 اذا تشتغلت اوفر تايم وانا اشتغل في الشركة..... وطالع من اول ثانوي ,,انتي عرفيني على نفسج..
نورة: اسمي نورة توني متخرجة ... جم عمرك؟؟
محمد:جيه ماقالوا ليش
نورة : لا
محمد:عمري 20
نورة:صغير
محمد:جم عمرش ..
نورة: توقع
محمد: والله ما ادري
نورة: يعني تقريبا
محمد: 19 او 18
نورة:لااا 17سنة
محمد: انتين بعد صغيرة,, انزين ويش اللي تبينه في الرجال شخصيته يعني وجدي
نورة: ابيه متفهم
وبعدين سوالف في سوالف على ما نتهت المقابله وفي النهايه
قال لها: قومي بالاول سوي لي طريق
نورة: لا استحي انت اول ..
الا محمد قاعد يضحك يقول مايصير بالاول لانه هذا بيتكم المهم قامت وراحت وسوت طريق و دخل الحجرة اللي فيها الرجال وهي دخلت حجرتها,, الا اختها راحت ليها
الاخت: هاا ويش رايش في الصبي
سكتت في البداااية مستحية وبعدين قالت ما ادري
اوكي ومحمد بعد سالته منى
هدى: ها ويش عجبتك
محمد: أي كل شئ اوكي اذا يصير نتعادل اليوم
هدى: لعب عيال هو لازم تاخذون فحص احين توه مطلعين هالقرار
محمد: أي صح نسيت
هدى: اذا هي وافقت بنتفق وياهم على موعد الفحص متى تروح ليهم..
وام البنية قالت انه البنت موافقة والصبي سالو عنه امس وقالو عنه اوكي فقالت هدى للام انه ان شاء الله باجر بيجي ليها عشان الفحص وبعد ذلك بيسافر العمرة هو وبعد العمرة قد تطلع النتايج فاذا كل شئ اوكي يتعادلون وتصير الملجة وقالت ام البنية اوكي مافي اشكال,, طلعوا بيت محمد وفي السيارة محمد قام قال ليهم وش صار في المقابلة وسالوه انت مقتنع فيها قال أي مية في المية ورجعوا بيتهم ..
الجزء السادس عشر والاخير
******************************************
وام البنية قالت انه البنت موافقة والصبي سالو عنه امس وقالو عنه اوكي فقالت هدى للام انه ان شاء الله باجر بيجي ليها عشان الفحص وبعد ذلك بيسافر العمرة هو وبعد العمرة قد تطلع النتايج فاذا كل شئ اوكي يتعادلون وتصير الملجة وقالت ام البنية اوكي مافي اشكال,, طلعوا بيت محمد وفي السيارة محمد قام قال ليهم وش صار في المقابلة وسالوه انت مقتنع فيها قال أي مية في المية ورجعوا بيتهم
في اليوم التالي قعد محمد من الساعة سبع ولبس ليه جينز ازرق وفانيلة حمر(( خبركم الصبيان يمموتون في الاحمر ليش مادري)) حليوين يعني وتريق على خفيف وراح الي بيت نورة عشان يروحون الفحص وركبت ام نورة ونورة ورى وراحو مركزهم الصحي مال البديع واخذوا منهم دم وقالو لهم عقب اسبوع تطلع النتايج وبعدين في الرجعة مر على كفتيريا عشان يريق عمته المستقبليه ونورة
محمد: تامرون على شنو
ام نورة: ما امر عليك عدو مانبي يا ولدي تونا متريقين
محمد: ما يصيير انا احين وقفت
ام نورة: الي بتشتريه عادي مو جوعانين يعني شئ خفيف
محمد: تبون شندويج همبرجر عادي تاكلون
ام نورة: أي عادي
محمد: ويش نورة تاكل همبرجر؟؟
نورة: (( ساكتة))
ام نورة: أي تاكل
محمد: عصير شنو تشربون
ام نورة: همبه
طق هرن على الهندي وجه الهندي عند الدريشة
محمد: هلو بيه جيب ثلاث سندويج جيز برجر وثلاث عصير همبه فرش كلو تمام كاجب مافي حط وزيد فلفل يالله جلدي كرو
هندي: اوكي
وراح الهندي وما مهل وجاب الريوق
محمد: جم الحساب
الهندي : دينارين
محمد: شنو دينارين
الهندي: اسير وسندويج
محمد: انت باقل مافي مفهوم سلاسة اسير بسلاس روبيات يعني تسع ربيات وسلاس سندويج بربيتين يعني ست روبيات يعني تسع زائد ست يساوي جم يا باقل((انته مجنون ماتفهم ثلاثة عصير ايصير بثلاث ربيات يعني تسع ربيات وثلاثة سندويج بست ربيات يساوي جم يا باقل))
هندي: يساوي دينار ونس
محمد:هاك واقلب وجهك ياغبي
نورة ضحكت على خفيف بس ما سمعها,,قامو ياكلونه في السيارة,, وبعدين وصلهم بيتهم و ورجع محمد سيدة الشغل لانه اهو في الاساس مترخص من الشغل واتصلت اليه امه قال لها كل شئ تمام والنتيجة بعد سبوع,, محمد اليوم اخر يوم يداوم بعدين سبوع بيروح العمرة ..
رجع محمد من الشغل الساعة خمس وسبح وارتاح وفي الليل نادى على مريم عشان تنسق ليه الثياب الي بيلبسهم هناك وتحطهم في الشنطة
محمد: كم بدله احمل ليي
مريم: ست
محمد: اوووووو واجد الا كلها اسبوع بروحه وجيه
مريم: يالذكي هناك البس وقط يعني ما بتغسل ثيابك
محمد: يعني تقولين جدي
مريم:ايه
محمد: انزين هذا البانطلون يناسب على أي فانيلة الحمرة والله السودة
مريم: مو كله احمر البس اسود حليو بعد
وتموا ينسقون ويعدلون الثياب وحطوهم في الشنطة
مريم: مو تنسى الصابونة وشامبوا صغير انجان شتريت
محمد: الصابون والمعجون وادوات النظافة كلها حطيتها من شوي بس باقي شامبو صغير يبغي ليي
مريم: لو تدري لا تشتري اكو فيه غرشة مالت شامبو صغيرة حط من مالنا عشان لا يصير غفة ليك واجد
محمد: زين عجل
مريم: المهم لا تنسانا بالهدايا مو تشتري لخطيبتك المستقبلية ان شاء الله وتنسانا وادعي ليي
محمد: بدعي عليش والهدايا يصير خير
مريم: مسود الويه قول أي بجيب هذي ما تطمن
محمد: ان شاء الله
مريم: لا قول بجيب
محمد: في احسن من ان شاء الله
مريم: بنشوف يالله بروح انام
ومريم طلعت عنه وراحت تنام وونام هو بعد ما صك شنطاته
ورااااااااااااح اليوم الثاني العمرة من الصبح واليوم رابع ليه من راح كانت مريم ويا علي خطيبها في بيت عمها ابو علي
مرة وحدة حست بشوق لمحمد
مريم: خاطري في محمد حدي مرة وحدة جه على بالي
علي: ما كلمتينه من راح
مريم: لا
علي: انزين اتصلي ليه
مريم: ها ما عندي فوجار :red_smile:
علي: انجان قلتين ليي احط ليش,, احين جودي اتصلي بتلفوني وبعدين بشحنها ليش
مريم: لا بس خلاص(( يازعم تستحي))
علي: جودي جودي
واتصلت مريم الى محمد
مريم: مرحبااااااااااااااااااااااااا ملايين ولا يسدن
محمد: مسامحة اختي هني مو الامارات
مريم: وحشتني يالكريه
محمد: وانتون اكثر
مريم: شمسوي دعيت ليي
محمد: دعيت ليكم كامل
مريم: لا قصدي خصوصي ليي
محمد: امممممممم بصراحة لا
مريم: مالت :confused_smile: هذا واني الي معدلة شنطتك ما فيك خير
محمد: بدعي عليش اليوم اوه قصدي اليش
مريم: سخيف,, انزين ها ويش اشتريت ليي؟؟
محمد: اممممممم ما اشتريت شئ اشتريت العاب الى بنات خواتي بس وشي نوع التحفة حق مرتي المستقبلة ان شاء الله نوع التحفة على ميدالية فيها اسمها
مريم: حماااااااااار عدل ولا تستاهل شوقي ليك,, ذكرت ذيك الي بعدها ما صارت ليك واني نسيتيني
محمد: بشتري ليش انزين توني واصل
مريم: :sad_smile: أي تبي تسكتني لان ما عندك رد,, المهم متى بترجع
محمد: اليوم بنروح المدينة
مريم: اها اوكي خلصت فوجار خطيبي على واحد ما يستاهل باي
محمد: افا
مريم: باي
وسكرته حز في خاطرها تقول من احين بداها عليي وهو لحين ما صارت له الدموع شوي وتطيح بس وقفتها لانه خطيبها طلع من الحمام جاي صوبها ,, وطبعا مريم جهزت كل اغراضها مال حفلة الخطوبة وبتصير بعد ما يرجع محمد دايركت من العمرة في نفس اليوم..
ورجع محمد وصارت الخطوبة وصارت مريم من احلى ما ايكون تغيرت عن الملجة لانها حفت وتغير شكلها طبعا ومحمد راح لمريم في الستيديو وسلمت عليه وصور وياها ويوم وصلوا الصالة دخل المعرس ويا خيلان مريم واخوانها ومصورة الفيديو تصور وبعدين دخلت مريم وهي مجودة ابوها ووصلها لين المسرح وسلمها للمعرس وصوروا وشال الشال عن وجهها وباسها في الجبين وجوا البنات والمعازيم يسلمون على العروس ويباركون لها وقام التصوير واخر وحدة جت باركت علياء كانت تراقب مريم من بعيد ودموعها اربع اربع
طبعا كانوا مثل الخوات واكثر مو متصورة انها بتنخطب وبتروح عنها ,, اهي في الملجة وحست كانه خذاها عنه بس يالله هذا النصيب..
واليوم الثاني من الخطوبة ناس تدخل وتاس تطلع من بيت ام مريم ,, خبركم احين حتى الخطوبة فيها مبارك ..
ما اطول عليكم وطلعت نتيجة نورة ومحمد طلعوا الاثنين منهم سليمين بس محمد في نقص الخميرة وما ياثر طبعا,, وبعدين حددوا الخطوبة والملجة كلها تصير ورا بعض ,, ليلة الملجة هي ليلة الحنة والليلة الثانية اهي الخطوبة وتمت الحفلة بخير..
واحين محمد ونورة يعيشون ثنائي جميل وكذلك علي ومريم صار لهم ثلاث اشهر وهم سمن على عسل مثل طيور الحب
والله يخليهم على طول جذي,,
وتووووووووووتة توتة خلصت الحتوتة حلوة والله فتفوتة
أختكم
راقية
السلام عليكم
مشكوورة إختي عالقصة
تحياتي ...... الحليوة
vBulletin v4.2.3, Copyright ©2000-2024, Jelsoft Enterprises Ltd.