PDA المساعد الشخصي الرقمي

عرض كامل الموضوع : قصة مصرقعة



MnMo
10-08-2002, 11:47
بسم الله الرحمن الرحيم
هاذي صزيه مافيها نصبات ولا شي
هاذا فيه واحد بحارتنا اسمه عبود حررشه بهالناس محد يمر من عنده
الا ومسوي له عبود بلا ولا جلا
يا انه يجي و يقووله وش عندك بحارتنا الا وشوي ويتطاق معه
ولا اذا مرو من عنده ناس واجد قال يازين من دبجكم انت وياه ...
ويجون ويكفخونه
بس الي يقهر بالموضوع انه دايم يتسطر
يعني ينفخ ويتسطر ولا يتوب
في يوم من الا اياام في احد محلات المثلوثه في حي من احيااء الرياض الواقع في طريق الخبر هايوي
طلب له نص حبه سفري ونص حبه محلي مثلوثه وزلطهن كلهن وبعدها حلا بصحنين جرييش
وش ذا ؟؟
ذا المعصقل وين يودي اكله؟؟؟
ودردب وراهن صحن مهلبيه
وبعدها انسدح على ضهره ومن انسدح غط بغفوه .....
شوي ولا فجأه قام من نومه ولا لقى نفسه بغرفه كبيره وحوله نااس وااجد
الي يقوله ركز عليه
والي يقول فكر زين
والي يجي ويهمز له
والي يجي ويطقطق اصابيعه
والي يجي يهمز رجوله الي كنها عصاا هوكي
يعني مافي احد بالغرفه الا ويسوي له شي
وهو يتلفت وطايرتن بوهته
طلعت سنونه الصفر وطق امينها كشره من الا ذن للاذن الي كنهن مضارب تنس
وقال وهو مسوي فاهم ابشروو مالكم شغل انتو خلو الموضوع علي
وهو مايدري وش السالفه بس مسوي ابو الشباب ارتجالي
شوي ولا جو ثلاثه خوال وقالو له يالله يالله تجهز
ويجونه ويمسكونه
وهو لحضه انتفاهم
ترى الدنيا اخذ وعطاا هييه انت وياه اقول
وخر انت ويااه لا اتوطاكم
يعني عبود عصب يااشينه ....
المهم شالوه وجرجرووه على وجه الين طلعوه من الغرفه ..
واول ماطلع هو من الغرفه تدرون وش لقى جمااهير وااجد
ويقولون كلهم عبود
عبود
عبود
عبود
وتشجييع وحالتهم حاله
تحمس هو معهم
وقعد بالارض على ركبه وسوى رقصت ينار شبي
يااقدمه هالولد
<<<<<عبوود والله ياا انت قديم
وعبود يقول لهم تسلمون تسلمون
مسوي اسلوب مع الجمهور يعني بيسمعونه
وهو ماشي ويرفع يده ويحي الجماهير ومتحمس
المهم هو للحين يتلفت يمين ويساار يشوف هالجمااهير اول مره ناس تصفق له
العاده متعود انهم يصفقونه
بس هالمره قام حضه وصفقوله
المهم جى هو وناضر قدام ولا وش يشوف
حلبه مصارعه مدري ملاكمه
عبود دلخ وقتها وسأل الي جمبه

يبو الشباب وش ذي الحلبه
رد عليه الي جمبه
اليوم انت راح تتصارع مع بطل العالم للوزن الثقيل
هلا والله وشو اي مصارعه محد قالي
وشلون محد قالك ونت ساب بطل العالم وقايله يالرخمه
قال عبود متى ؟؟؟؟؟
وسوا عبود قدامهم نفخه وقال ايييه ساابه وخير ياطير والله
لجي احووس بطلكم ذاا وينه هو وينه المهم عبووود من زوود الحمااس
وخر الفووطه الي على كتووفه
وراااااح ركض للحلبه
والجمهووور للحين عبود عبود
وهو يركض ومنطلق باعلىى سرعته
وهو رااكض للحلبه فجأه التفت ولا بنت تقووول عبووووووووووودييييييييي
وهو رااكض
كلكم تخيلووو
عبووود يركض
الصووره بطيئه مر ر ر ر ره
و ا ل ب ن ت ت ق و ل ع ب و د ي
وهو يشوفها ويوم شافها الدلخ زااد ركضته مسوي تغلي وهو ملتفت علييها
ووووووددددددددررررررررببببببببببجججججججج
على زاوية الحلبه
مسكين عيونه على البنت وضيع
وستقبلته الزاويه
وقام بسرعه وتلتف وتبسم
صرررف ام الوضعيه
>>>>>>>>>>>>>>>>>>عبووود فشلتنا مااعمرك شفت بنت
عبوود يقولي
<<<<<<<<<<<<<<<<<<يخووي قدر وضعي اول مره تقولي لي وحده عبودي
شكلها تحبني صح
>>>>>>>>>>>>>>>>>اقوول لا يكثر فااضي لامك انا اكتب لك قصص ونت تحب لا يكثر
وخلوونا نشوووف وش سوىى عبوود يوم دخل للحلبه
اولشي سواه زحف على بطنه ودخل للحلبه وبعدها قام و رااح ركض متجه للحبل وصك ضهره بحبااال الحلبه
ثمن يركض للحبل الثاني
ويرووح يميين ويرووح يساار
والجمااهير عيونهم احولت وهم يتابعون عبود
وهو يركض مره يمين ومره يسار
من زوود مااسوىى هالحركه
تورط المسكين يبي يوقف مو قادر
وهو يركض يحااول يوقف مو قاادر
وكل شوي تزوود سرعته
عبود هييه وقف وش السالفه ؟؟
مقدر هرول تعال وقفني ؟؟
وشو
ومن زوود سرعته صارت رجول عبوود ماتلمس الا ارض
ولا
وفجأه
جااا وهو مسرع ونقز من فووق الحباال وطااح على الجمهوور
والجمهووور هاهاهاهاهاهاهاهاهاهاهاهااااا
طااح وجه عبود هالمره بقوه
قام بسرعه وضحك وصرف الموضوع مرره ثانيه
ودخل للحلبه مرره ثانيه
عبوود اعقل ترى ابلشتني
وقف
يوووه
ابلشناا ذا
دخل للحلبه
ورااح يوفق على الزااويه
والحمدالله وقف زيين
جاا بينزل
ولا
اااااح
قويه ذي
اح
وااااو
طاااح من فوق الزاويه
والزاويه صارت بين فخووذه
ااااااااااااااااااااااااااااي
وطاح عبوود بالحلبه عاد هالمره يبطي يقووم ويضحك
طااح على بطنه
وجلس يتلووى خمس دقايق
وبعدها قام

ويالله قاام
وسووىى حركت قيام قعود قيام قعوود
ست مراات وخف الا الم شوي
المهم
وقف
عبووود
وصرررررررررررررررررررخ
وييييييييييييييييييييين
الرخمه
مااااااروعك
هيييييييييييييييييييييييييه
كل الجمهووور نقز يوم طلعت هالا غنيه
اعذب واغرب من الخياااال
مااا اروعك ملكت كل سحر بجمااال
هييييييييييييييييييييييييييييييييه
وشوي وتشتغل الا اضاائه والشرووخ والصواريخ والتومنجيري
بكل القااعه
وهيييييييييييييييييييييييييييييييه
ويدخل بطل العالم
من الوزن الثقيل
نبيل شعيل
هييييييييييييييييييييييييييييييييه
ويدخل وهو لابس سروال السنه وفنيله علاق وحاط عليها من ورى رقم تسعه
يعني ماجد عبدالله
يلوومووني فيييه اذا حبيته ينااس
المهم
ودخل وهو يركض
والكرشه تتناافض
والجمهوووور ينااقزون من فوق كرااسيهم
مو تشججيييع له
لا
من الهزاات الا ارضيه الي صاارت
ويصرخ نبيل ويقوول
عاااااااااااااع ويييينه الي قاااااال رررخمه
نبيل يركض ويصرخ ويقوول
هااااااااااااااااااااااااااااع وينه ذا الي تجرء
وهو يركض وديوده تتنافض ومن قوت ماهي تتنافض
صارت تلامس ركبتيه
ومشالله نبيل هو وركبه
كل ركبه تقول دوار عويضه
وهو يركض وقرب للحلبه
وسوا حركة تزحلق على بطنه من تحت الحبال

ودخل للحلبه
وبعدين قام
وواجه عبود و قاله
انت الي قايل لي يالرخمه؟؟
شوي ولا دخل وااحد للحلبه
وقال نبيل هدي
عبودي هدي
عجيب
عجيب
عجيب

تدرون من المعلق
هو
هو
عبدالله بالخير
عجيب مممممووووواااه احبكم واايد
نبيل حبيبي اسمع هالرمسه بااذوونك
اي حركه غلط راح اعورك
عبود حبيبي اي حركه تسويها ونت غاش بها
راح اعورك (اعورك يعني اصفق ام من جابتك)
عجيب
عجيب
المصارعه هاذي مابغي بها ولا رمسه غلط
اوكيييه

عبوود قال لعبدالله بالخير اقووول لا يكثر وصفر
؟؟؟؟؟
ممكن سؤال عبود ؟؟
عبوود انت للحين ماتطورت وش الي صفر ذي
مدري للحين عايش انك تلعب كوره بحارتك ..
تطور
وطططططططططننن
يرن الجرس عن بدء المبااراات التي بين نبيل شعيل وعبوود
وعبوود يلف على نبيل ونبيل يلف على عبوود
والحذر بين الخصمين والحذر بينهم للحين
وهم يلفوون
ويلفوون
ويسلفون
وجا الليل
وهم يلفون
بصراحه الجمهور مل
وطلعو
وهم يلفون

ومن بكره رجعو الجمهور
ولقو نبيل يلف وعبوود يلف
وللحين محد سوىى شي بس لفلفه حول بعض
الى ان مل نبيل شعيل
وبحركه مفاجئه وجه لخشت عبود لكمه مباغته
من قوت هاذه اللكمه
طااار عبووود وسعابيله تتطاير على الحلبه+شي يتدودل من خشمه

ومن قوت هذه اللكمه طار عبود وصفق ضهره بالحبال
ورجع وهو طاير لنبيل
ونبيل استقبله بكرشه
والجمهور كلهم تحمسو
وهيييييييييييييييييييييييييه
وطاااح عبوود على ضهره وهو يقووول
اااااااااااااااااه
وطاح عبود على ضهره
ويحمله نبيل ويرفعه فووووووووووووق
ويرمييه بحركه خلفيه
ويطيح على ضهره عبوود
ويركض نبيل ويركض ويركض
ويصفق بالحبال
ويرجع لعبود
وهو منسدح على الا ارض
وينقز نبيل فووق عبود
ووجه كرشته الى بطن عبود
وارتمى عليه
و
وبوووووووووووووووم

طاح نبيل على بطن عبوود
ومن ثقل نبيل عيون عبوووود
طلعت لبره ووصلت مترين قدام
ورجعت مره ثانيه
ونبيل منسدح على عبود
وجاا الحكم يبي يعد
1
2

MnMo
10-08-2002, 11:49
بس عبوود فااجأ الجميع
تحرك ورمى نبيل
قبل لا يقول الحكم 3
وراح نبيل للحكم وهو معصب
ويقول له ليه ماعديت بسرعه
وبينما هو يكلم الحكم
قام عبود وهو منهد حيله
ويالله يشيل رجوله
ولقا نبيل معطيه ضهره
احسن من ذي الفرصه مرااح يلقى

المهم
قام عبوود
ونبيل للحين يتهاوش مع الحكم
وراااح عبوود وطلع من الحلبه
وشال كرسي
بعدين دخل للحلبه
وهو يسحب رجوله مو قادر يمشي المسكين
كم طن طاااح عليه قدروو وضعه
المهم جىى عبود ورىى نبيل
ودربج بالكرسي على رااس نبيل
تحسبون نبيل قال اي
التفت نبيل على عبودي
وهو مبقق عيونه ونزلت دمعه من عينه اليمين
عبووووود
قال يمااااااا رحناااا غغغغغلللللططططه
وفجأه قال نبيل
يالنذل
وبووووووووووووووووووووم
والجمهور قام كله وهم ماسكين اعصابهم
والي ياكل مخلي الي جمبه هو الي يمسك له اعصابه
وبوووووووووم
والجمهور صرخ بصرخه وحده
هيييييييييييييييييييييييييييييييييييييييييه
تعرفون وش البوووم ذي
هاذي صوت الا ارض ونبيل طايح عليها
ومن قوت الطيحه صاارت هزه ارضيه
من قوت الهزه
خلت عبوود ينقز ومايشووف نفسه الا فوق الزااويه
ويتلفت عبوود وهو مستغرب وش الي جابه لم الزااويه
يوم شاف نفسه فوق الزااويه قال بستغل هالفرصه
سوىى بيده حركت سنوكاااا
والجمهوووووور كله
هيييييييييييييييييييييييييييييييييه
ونقز عبود
باللحضه ذي
كل الكاميرات اشتغلت
والفلاش حق الكاميرا اضاء ارجاء الحلبه
ونقز عبود وهو موجه بطنه
الى كرش نبيل

وبوووووووووم
من قوت طيحت عبود على نبيل
عبوود طمر فووووووووووووووووووق
بسبب كرشت نبيل المرنه+الممغنطه
وطااااااار عبووود فووق
وارتفع
الى ان صك راسه بالكشافات الي فوق
ويوم صك فيهن رجع مره ثانيه للارض
وطااااح جمب نبيل
وهو يقووول ااااااي
ونبيل يقووول
اااااااح
وهم اااي واااح
ويعد الحكم
1
2
3
4
5
6
7
8
يوم قال 8
قام نبيل على ركبه
وبقى عبود
ورااح يزحف نبيل لم عبود ويزحف ويزحف
الى ان وصل اليه
ونسدح عليه
والحكم جىى ركض
وعد
1
2
وتحرك عبوود
قبل العد الثالث
الجمهور متحمس
وتشجيع
وتعاطفو مع عبود وصار كل الجمهور يشجع عبود
فجأه
صارت القاعه ضلام دامس +خرمس
يااداار لا هنتي ولا هان طاريك
هييييييييييييييييييييييييييه
شوي ولا يدخل واااحد عصل من البوابه

من بوابت القاعه
ويجي ركض وكل الجمهووور
هيييييييييييييييييييييييييييه
هيييييييييييييييييييييييييييه
من هو ذا
نبيل يلتفت عليه
وعبود يلتفت عليه
تدرون من هو ذا
؟؟؟؟
هو راابح صقر
يااداار لا هنتي ولا هاان راعيك
هيييييييييييييييييييييييييييييييه
والجمهوووور يطااامر من التشجييع
يطبي يسوي هزه زي نبيل
ودخل للحلبه
ومسك نبيل
وحطه على الزااويه
وجلس فوقه
ويعطي نبيل كم واافر من البوقسات+اللكمات الخطافيه
وبقووووس
وبقووووس
ساعه كامله وهو يبقس
يبقس
طبعا مااسألتوني شلابس رابح
لابس حفاضه باامبرز حقت ثلاث سنوات
وش يسوي المسكين مافيه شي مقاس الي ايييه ذيك
الا حفايض بامبرز
المهم
وهو يبقس ويبقس
وعبوود استاانس
قاال تسلم يااحووبي
على الفزعه
ومستاانس عبوود
ومن زود وناسته قام وصار يشكشك على انغام اغنيت
يادار
وفجاه التفت عليه راابح
بعدين قام من احضان نبيل
الي منسدح بالزاويه والدم مغطي ارجاء خشته
ويوم قام راح ركض الى عبود
وعطاه ضربه هوائيه برجله
يعني ضربة كووع طاااح منها عبود على الا رض
ونزل من الحلبه رابح
واخذ عوده الكهرباائي
وصعد مره ثانيه للحلبه
ودررررربببج على رااس عبوود
اتحرى العيد اكثر من طفل
واتعذر فيه لجل اسأل عليك
هيييييييييييييييييييييه
والجمهور وش يقول
يقول
هييييييييييييييييييييييييه
وكل انضار الجماهير على البوابه ينتضرون البطل
شوي ولا يطلع وااحد من بواابت الحلبه
ويقوووول
يااااااي
عيب ياولد انت ويااه
ممكن بلييز كل وااحد يبوس راس الثاني وتقوولون لبعض سووري
يااااااي
من هو ذا
لحضه بجيب نضاارااتي
ههههههههههههههاي
وش جايبك هينا
ياابو خكر
طلع جواد العلي
يربيييييه
طبعا تبون تعرفون وش لابس
لابس سروال صغير مره لونه وردي
عليه رسمة دب + قلوب
ودخل مرره ثانيه دااخل ومدري وين رااح يمكن يضبط مكيااجه
والله يبطي يجي للحلبه
والله يسوونه شووربه
وطططططمننننننن
وانها الحكم المباارااة بتعاادل عبود مع نبيل
بسبب تخريب راابح صقر للمباراة
---------------------
الا استديو التحليلي للمباراة
راابح صقر ليه تخرب المباراة
راابح التزم الصمت واعتذر عن الا اجابه
وذهب لغرفة تبديل الملابس وهو غاضب
عحيب عجيب عجيب احبكم واايد ااممممووووووواااه
من هو ذا
يوووه للحين جالس ذا ..
ورابح كان متجه لغرفة تبديل الملابس لاكن يوم سمع ذا الصوت وقف واستدار
لمكان الصوت
واتجه له
ونبيل قاام والتفت على مكان الصوت
وعبوود والتفت على مكان الصوت
وكلهم التفتو على راعي الصوت
طلع راعي الصوت
عبدالله بالخير
ورااحو له كلهم
و
انا انحشت يوم شفت الوضع طقاااااق
<<<<<<خاف على عمره بيني وبينكم
ومدري وش صار
لاكن سمعت من نااس مقربين لي
انهم علقووو عبدالله بالخير من عصااقيله
على الكشاافااات الي فووق
وعااقبووه بعقااااب هو
انه يسكت خمس دقايق
الله يعينه
وبعد كم يوم
قدر عبدالله بالخير انه يسكت
وشلون قدر
يقولون انه جاه النوم
ونام لمدة خمس دقايق
ويوم قدر يسكت
جااه نبيل وجلس عليه ولصق عبدالله بالخير بمقفاا نبيل
وطلعت عيونه ثلاثه متر
واللحين هو لاصق
وصاير ورده بسروال السنه حق نبوولي
يعني حركاات زينه وتطريز
وفجأه
قاام عبوود من نوومه
ورااح لراعي المطعم و لقاه هندي
يوم شافه هندي
مسكه عبووود وسطره وطلع ولا حاسب
للحين الولد نفخه
ورااح الى بيتهم ورجع ناام مرره ثانيه وحلم مره ثانيه
بس طلع حلمه مشفر على الاي ار تي
لا هو شافه ولا انا شفته
بس صالح كامل شافه
يعني جيبو صالح كامل يقولها لكم
وتسلموووون

هند(ديجيتال)
10-08-2002, 16:59
مشكوووووووووووووور

المتحري سينشي
10-08-2002, 23:23
القصه طويله :p :p


وحلوووووه ;) ;)



مشكور mnmo على القصه :cool:

MnMo
11-08-2002, 09:33
العفو

ZA7EF
11-08-2002, 17:10
قصه فظييييييييييعه بصراحه من اولها لاخرها ضحك فظيعه من جد بصراحه ذا عبودي زاحف من جد بس الا احلفك بالله من اللي كتبها

SERENA
11-08-2002, 17:15
شكرااااااااااااا كثير على القصة الحلوة;)

MnMo
11-08-2002, 17:27
العفو

جـــدة غير
11-08-2002, 17:27
خهههههههههههههههههههههههههههههههههههههههههههه تسلم هالاصابع يا حبي وما قصرت وبالله عطنا من قصصك ذي الحلوة ;) ;) ;) ;) :D :D :D ::جيد:: ::جيد:: ::جيد::

MnMo
11-08-2002, 17:47
العفو