emad samry
11-03-2020, 01:12
اللى يحضر عفريت يصرفه يا أما يتحمل ازاه
واللى يفتح باب للشر يتفتح له ألف باب وراه
يا داخل جحر العقارب خد بالك م القرص
فى ناس هوايتها كدا ملهاش غير فى القرص
قبل ما تحط رجلك ابقى بص وشوفها فين
واتكلم على قدك د الكدب ملوش رجلين
اللى عاجبه الكحل يتكحل
واللى مش عاجبه طبعنا يرحل
إياك تعادى الرجال ولو خسرت ارحل
أصل الرجال كالجمال تخزن وبترحل
فى ناس بتحفر فى قبرك وأما تقابلك تبوس
وناس تبيع عالسلالم وناس تبيع بالفلوس
واتلم خايب الرجا بيقولوا عالمتعوس
لا تعادى قليل الفهم ولا تناطح مع التيوس
دنيا الدروس خد عبر أصل الكلام له عوزه
لا الفهلوه توصل ولا حتى شغل الكوسه
الغابه ليها اسود ومن القرود متروسه
اخرك محطه وتنزل يا هيترميلك موزه
متقولش جدى وجدك قولى سابولك ايه
دور على ندى وندك ومين يتقالوا يا بيه
وكل معون فى الدنيا ينضح بما هو فيه
أما احنا عارفين بعض بنعاير بعض ليه
فى ناس كلامها كاش وناس كلامها شيك
والدنيا متضمنش يوم ليك ويوم عليك
حرص ولا تخون من البشر حواليك
واياك فى يوم تفترى لو ربنا مديك
قبل ما تبعتر يا شاطر واجب تعرف تلم
مش كل البشر تتلف فى ناس دماغها سم
فى قرصه للهزار وقرصه بتجيب دم
عاملى ند بند اصلى مليش انا عم
........
شعر بالعاميه المصرية
الشاعر عماد سمرى
https://youtu.be/a1_yz2f0nqI
واللى يفتح باب للشر يتفتح له ألف باب وراه
يا داخل جحر العقارب خد بالك م القرص
فى ناس هوايتها كدا ملهاش غير فى القرص
قبل ما تحط رجلك ابقى بص وشوفها فين
واتكلم على قدك د الكدب ملوش رجلين
اللى عاجبه الكحل يتكحل
واللى مش عاجبه طبعنا يرحل
إياك تعادى الرجال ولو خسرت ارحل
أصل الرجال كالجمال تخزن وبترحل
فى ناس بتحفر فى قبرك وأما تقابلك تبوس
وناس تبيع عالسلالم وناس تبيع بالفلوس
واتلم خايب الرجا بيقولوا عالمتعوس
لا تعادى قليل الفهم ولا تناطح مع التيوس
دنيا الدروس خد عبر أصل الكلام له عوزه
لا الفهلوه توصل ولا حتى شغل الكوسه
الغابه ليها اسود ومن القرود متروسه
اخرك محطه وتنزل يا هيترميلك موزه
متقولش جدى وجدك قولى سابولك ايه
دور على ندى وندك ومين يتقالوا يا بيه
وكل معون فى الدنيا ينضح بما هو فيه
أما احنا عارفين بعض بنعاير بعض ليه
فى ناس كلامها كاش وناس كلامها شيك
والدنيا متضمنش يوم ليك ويوم عليك
حرص ولا تخون من البشر حواليك
واياك فى يوم تفترى لو ربنا مديك
قبل ما تبعتر يا شاطر واجب تعرف تلم
مش كل البشر تتلف فى ناس دماغها سم
فى قرصه للهزار وقرصه بتجيب دم
عاملى ند بند اصلى مليش انا عم
........
شعر بالعاميه المصرية
الشاعر عماد سمرى
https://youtu.be/a1_yz2f0nqI