Snapseed - photo editing app

[H A N A]

http://www.mexat.com/vb/attachment.php?attachmentid=2199263&stc=1&d=1499585548





http://www.mexat.com/vb/attachment.php?attachmentid=2198280&d=1498643993


السلام عليكم و رحمة الله و بركاته
أسعد الله صباحكم / مساءكم بكل خير
هالموضوع أغلبه فقط نظرة عامة ، و درس بسيط عن العزل اللوني بالأبليكيشن ..
بصراحة ما تعمقت كثير في البرنامج ..
لكن بعد ما شرحت و كل شي لقيت في النهاية خانة معلومات مفيدة فيها دروس xD
بصراحة أشوف الدروس اللي فيها جدًا كويسة للي بيتعلم مو بس التطبيق ..
حتى كمان بتفيدكم في تعديل الصور بشكل عام من منظور فوتوغرافي ..
نبدأ بسم الله ..

[H A N A]

http://www.mexat.com/vb/attachment.php?attachmentid=2198280&d=1498643993


* ملاحظة صور الشروحات من اليمين إلى اليسار *


http://www.mexat.com/vb/attachment.php?attachmentid=2198283&d=1498643993

أول ما تفتحوا البرنامج هذي هيه الصورة الرئيسية و بالأسفل زي ما تشوفوا فيه خانة معلومات مفيدة ..
فيها دروس يا كثرها ما شاء الله، كلها عن تعديل الصُور ، قائمة الدروس جدًا جدًا رائعة ..

http://www.mexat.com/vb/attachment.php?attachmentid=2198284&d=1498643993

هذي تكملة لقائمة الدروس، دروس متنوعة و أحسها شاملة يعني لطريق كثيرة في تعديل الصُور
بأي برنامج كان ، لأنها تعطي نظرة عامة عن الطريقة الصحيحة في تعديل الصُور ..

http://www.mexat.com/vb/attachment.php?attachmentid=2198285&d=1498644095

هذا أحد الدروس في تعديل الصُور اخترته بطريقة عشوائية ، المختصر المفيد ..
إنه الصُورة التركيز المفترض يكون فيها على الورود، و إنه حتى الأوراق حقت الشجر القريبة من الورود المفروض تكون غامقة ، على أساس يعطي للصُورة عُمق و يأكد إنه الورود هيه العُنصر اللي المفروض يكون ظاهر التركيز عليه أكثر من الورق و يكون الورق كله غامق كأنه بعيد عن العنصر الرئيسي شوية ..
و طبعًا عشان لا يظهر فرق في الألوان فغمّق حتى الورود شوية ، يعني هوه الدرس كله عن العمق البؤري أو الفوكس، و الحزم اللي يقصدها هيه الطبقات حقت التعديل بتشوفوها في الدرس حق العزل إن شاء الله ..

http://www.mexat.com/vb/attachment.php?attachmentid=2198282&d=1498643993

بالأول هذه لما تفتح التطبيق، تضغط على فتح و تختار الصورة اللي تبغى تعدل عليها ، زي ما تشوفون اخترت صورة مكركبة :ضحكة: التقطتها على عجل بأحد الأيام من كاميرا الجوال ..


http://www.mexat.com/vb/attachment.php?attachmentid=2198286&d=1498644095
http://www.mexat.com/vb/attachment.php?attachmentid=2198287&d=1498644095

قوائم التعديل المُتاحة، بالأول قائمة الأدوات و ثاني شي عوامل التصفية و ثالث شي الوجوه ..
حنتطرق لكل وحدة فيهم على حدا في الردود القادمة ..

[H A N A]

http://www.mexat.com/vb/attachment.php?attachmentid=2198280&d=1498643993


* ملاحظة صور الشروحات من اليمين إلى اليسار *



قائمة الأدوات

http://www.mexat.com/vb/attachment.php?attachmentid=2198288&d=1498644182

ضبط الصُورة

http://www.mexat.com/vb/attachment.php?attachmentid=2198291&d=1498644320

نبدأ بالأشياء المأشرة من فوق، اللي فوق هذا لما تضغطوا عليه يطلع لكم الصُورة بدون التأثير ..
و بالنسبة للي كأنه إحصائيات هذا يظهر لكم توزع الإضاءة و الألوان في الصُورة بطريقة بيانية، بصرآحة مو كثير فنانة في هالشي فما أحس له فايدة :p
و اللي شكل إعدادات، هذا بيطلع لكم القائمة اللي على اليسار حتى تتحكموا في خصائص التأثير ..
تختاروا الخاصية اللي تبغوا تغيروها في الصُورة و بعدين تسحبوا بأصبعكم لليمين للقيم السالبة و اليسار للقيم الموجبة في كل التأثيرات في التطبيق تزبط معاها ..
و اللي كأنه عصاة سحرية هذا خيار من التطبيق هوه يعدل الصُورة بطريقة أتوماتيكية للتأثيرات، يعني يزبط الإضاءة و كل شي ..
أحس هذا الخيار " ضبط الصورة " من أهم الخيارات و أولها عشان تزبطوا الصُورة تمام ..


التفاصيل

http://www.mexat.com/vb/attachment.php?attachmentid=2198292&d=1498644320

هذا التأثير مو كثير حبيته، ممكن يفيد في بعض أنواع الصُور لكن كما ترون الصُورة عندي راحت شي عجيب من بعده :صيني:
ممكن تفيد في بعض أنواع الصُور اللي تكون فاتحة أو شي، ما أعرف بصرآحة ، لانه حتى في الفوتوشوب ما أستخدم فلاتر أو أكشن زي كذا :D

اقتصاص

http://www.mexat.com/vb/attachment.php?attachmentid=2198293&d=1498644320

هذا عاد من أيام الوورد و البوربوينت و الكل يعرف له :p
يعني اقتصاص، لو ما عجبك جزء من الصُورة أو كانت الصُورة كبيرة لحد التشتيت عن الموضوع الأصلي للصُورة فالاقتصاص خيار جدًا جيد لاستخدامه ..

تدوير

http://www.mexat.com/vb/attachment.php?attachmentid=2198294&d=1498644320

الصورة في اليمين لتدوير و في اليسار للمنظور
في هذي تقدروا تعدلوا خط الأفق المايل ..
و فيه برضوا فيه العصى السحرية اللي تختار لكم التعديل المناسب، فممكن تستخدموها و بعدين لو ما عجبكم تعدلوا على تعديلها :D

المنظور

http://www.mexat.com/vb/attachment.php?attachmentid=2198294&d=1498644320

الصورة في اليمين لتدوير و في اليسار للمنظور
في هذي معطينا البرنامج خيارات يا كثرها، يعني لو مثلاً صورت شي مرتفع و طلع واضح جدًا إنه مصوره من تحت، فتعديل المنظور مرة بيكون كويس، أو حتى لو من زاوية جانبية و ما عجبتكم ..
و برضوا التطبيق يعدل بطريقة ذكية بحيث الأطراف يزبطها بطريقة أتوماتيكية على شكل الصُورة ..

توازن اللون الأبيض

http://www.mexat.com/vb/attachment.php?attachmentid=2198295&d=1498644320

شفتوا شكل الـ AW هذا نفسه العصاة السحرية اللي في خيارات التعديل الأخرى ..
و التعديل في الصُورة يكون حسب الحرارة أو التلوين، أحسه يشبه تأثير vibrance في الفوتوشوب ..
و أما أداة القطارة، هذي لو تبغوا توازنوا جو و ألوان الصُورة مع جزء معين من الصُورة عاجبتكم ألوانه و تبغوا تضبطوا الصُورة كاملة زيه ..

فرشاة

http://www.mexat.com/vb/attachment.php?attachmentid=2198296&d=1498644447

هذي لو طلع عندكم فرق في الإضاءات بين أماكن الصُورة، مثلاً لو كان مكان الإضاءة غلط وقت ما صورتم ..
فمداكم تعدلوا على الصُورة بتفتيح الأماكن المظلمة أو المنيرة في الصُورة، يعني ما يعطيكم تأثير كامل على الصُورة بس على الأماكن اللي تبغونها و إنتم تختاروا نوع التعديل زي ما هوه ظاهر لكم في الصُورة ..

[H A N A]

http://www.mexat.com/vb/attachment.php?attachmentid=2198280&d=1498643993


* ملاحظة صور الشروحات من اليمين إلى اليسار *



قائمة الأدوات

http://www.mexat.com/vb/attachment.php?attachmentid=2198288&d=1498644182

انتقائي

http://www.mexat.com/vb/attachment.php?attachmentid=2198297&d=1498644447
http://www.mexat.com/vb/attachment.php?attachmentid=2198298&d=1498644447

هذا الخيار فنان في تعديل الصُور :تدخين: بصراحة حبيته في تعديل الصُورة أكثر من خيار فرشاة، لأنه بتختار المكان و بعدين بتنقر على علامة الزائد تحت و تجي نقطة، النقطة هذي مداكم تعدلوا نوعها بحيث تنقروا عليها و بعدين تنقروا من تحت على علامة الزائد و تختاروا تكون تباين أو سطوع أو تشبع اللون أو تركيبة ، و مداكم تتحكموا في أبعاد الدائرة تكبير أو تصغير زي ما أنتم شايفين اللي باللون الأحمر ، و مداكم تغيروا مكان النقطة كمان لو ما عجبكم مكانها، أو حتى لما تنقروا عليها تحذفوها أو قص أو لصق اللي تبغونه، بصرآحة أشوفها خيار جدًا رائع في التعديل ..


إصلاح الصُورة

http://www.mexat.com/vb/attachment.php?attachmentid=2198299&d=1498644447

هذي شغلتها زي أداة اللصقة اللي في الفوتوشوب، بس هذي على أسهل :p بس مو بخيارات كثيرة زي الفوتوشوب ..
بس تختاروا المكان اللي تبغوا تغطوه في الصُورة زي لو مثلاً أشخاص أو عناصر غير مرغوب فيها و تمسحوا عليه، و بس بيصير زي الترقيع للمكان بصرآحة ما أشوفه خيار صحيح دائمًا بس ممكن يفيد في بعض الأحيان ..

نقوش صورة نصفية

http://www.mexat.com/vb/attachment.php?attachmentid=2198300&d=1498644447

هذي تشبه خيار انتقائي، بس إضاءة و تعتيم فقط، يعني تختاروا مكان للنقطة و تحطوها و تغيروا الإضاءة داخل الدائرة و خارجها، بحيث لو بتركزوا على إضاءة عنصر في الصُورة أو شي بتفيدكم :D


نص

http://www.mexat.com/vb/attachment.php?attachmentid=2198301&d=1498644554
http://www.mexat.com/vb/attachment.php?attachmentid=2198302&d=1498644554

تخاروا شكل مربع النص اللي تبغونه فيه عندهم خيارات كثيير، و بعدين تختاروا درجة وضوح أو عتمة المربع، و مداكم تغيروا اللون كمان، بصرآحة طريقة النصوص جميلة جدًا أحلى من الفوتوشوب xD
لأنها جاهزة كلها و أنتم بس تغيروا و تكتبوا النص اللي تبغونه :D


المنحنيات

http://www.mexat.com/vb/attachment.php?attachmentid=2198303&d=1498644554
http://www.mexat.com/vb/attachment.php?attachmentid=2198304&d=1498644554
http://www.mexat.com/vb/attachment.php?attachmentid=2198305&d=1498644920

خيار جدًا جميل في التعديل، أحسه قائمة تأثيرات كاملة، يعني من تفتيح أو تعتيم أو تباين أو تلوين كل شي ..
شايفين كيف النتايج اللي حصلت عليها و أنا ألعب فيه، بصرآحة أحسها نتايج جدًا جميلة ..
يعني تختاروا إذا بتعدلوا سطوع أو عتمة الصُورة كاملة أو تباينها، أو لون واحد و تغيروا في وضوحه في الصُورة ، بيفيدكم كثير في التأثيرات أحس :D


توسيع

http://www.mexat.com/vb/attachment.php?attachmentid=2198306&d=1498644920

خيار ما أعرف آيش الفايدة منه، بس أتوقع عشان لو حسيتم مساحة الصُورة صغيرة :صيني:
المهم ممكن تحتاجوه، و يعدل أطراف الصُورة بطريقة أتوماتيكية على أطراف ذكية بحيث يآخذ أجزاء من الصُورة و يكررها حتى ما يطلع شكل الأطراف غريب، مع إني أحسه غريب رغم ذلك :ضحكة:



و بكذا خلصنا قائمة التعديل الأولى - أدوات - ننتقل للقائمة الثانية - عوامل التصفية - في الرد الجاي

[H A N A]

http://www.mexat.com/vb/attachment.php?attachmentid=2198280&d=1498643993


* ملاحظة صور الشروحات من اليمين إلى اليسار *



قائمة عوامل التصفية

http://www.mexat.com/vb/attachment.php?attachmentid=2198289&d=1498644182

تركيز العدسة

http://www.mexat.com/vb/attachment.php?attachmentid=2198307&d=1498645167

إذا حسيت مثلاً الفوكس مو عاجبك كثير في الصُورة أو فيه عناصر مسببة تشتيت مداكم تزيدوا البلور على الأطراف، و حتى من الخيارات زيادة التعتيم اللي هوه تقليل وضوح العناصر، و نقل لضبابية الخلفية، و النقوش هذي للتعتيم ..
أشوفها خيار جدًا مفيد في الصُور، و ممكن يسوي الواحد بيها خدعة عشان تصير صورته بوكيه :p

لمعان ساحر

http://www.mexat.com/vb/attachment.php?attachmentid=2198308&d=1498645167

أحس شغلها زي شغل خيار توازن اللون الأبيض تقريبًا :نينجا: ، ما حسيت بينهم فرق كبير، عدا خيار لمعان اللي يوسّع لك مصدر الإضاءة في الصورة، زي شايفين نور اللاب لما لعبت في لمعان زادت إضاءته و وضوحه ..
بس الفرق الثاني برضوا إنه فيه تأثيرات جاهزة و أنتم تلعبوا فيها زي ما انتم شايفين، و بصراحة أشوف هذا الشي جدًا جميل في التطبيق يعني ما يتعب الوآحد نفسه في أغلب الخطوات أغلب التأثيرات جاهزة :p


تباين الدرجات اللونية

http://www.mexat.com/vb/attachment.php?attachmentid=2198309&d=1498645167

لتعديل الإضاءة و الظلال، زي لو بتزيدوا أو تخففوا من حدتها، زي اللي يصور في الشمس ..
و تطلع له ظلال مزعجة في الصُورة، ممكن يخفف منها بهذا الخيار أو حتى لو بدون شمس و تكون إضاءة داخلية بس عالية أو حتى منخفضة شغل هذا الخيار تعديل على الإضاءة و الظلال ..


مشهد بـ HDR

http://www.mexat.com/vb/attachment.php?attachmentid=2198310&d=1498645167
http://www.mexat.com/vb/attachment.php?attachmentid=2198311&d=1498645167

ما حسيت التأثير مفيد في هالصُورة زي ما تشوفوا، لأنه مكان الإضاءة محدد في الصورة إضاءة جانبية من الشمس و إضاءة من اللاب، فلما جا يوزعها على الصورة جاب العيد :صيني: بس فيه تحكم في السطوع و كذا فممكن يفيدكم نوعًا ما ..
فيه خيار ثاني يشبه تأثير الـ HDR و أفيد منه اسمه " تعرض مضاعف " بيفيدكم أكثر ..


دراما

http://www.mexat.com/vb/attachment.php?attachmentid=2198315&d=1498645874

هذا تأثيرات جاهزة للسطوع و للتعتيم في الصُورة و ممكن تضيفوا لها تحبب مع إني ما أشوفه خيار كويس :نينجا: ، و بنفس الوقت تتحكموا في قوة الفلتر برضوا من الإعدادات ..


تأثير الجرانج

http://www.mexat.com/vb/attachment.php?attachmentid=2198316&d=1498645874

هذا فيه خامات و إضاءات كل شي مداكم تصممون توقيع بهالخيار :ضحكة: أمزح xD
بس يحط لكم خيارات جاهزة للخامات و للتأثيرات مع بعض و أنتم تتحكموا في قوة الخامة و التأثير كمان ..
بصرآحة ما أعرف في أي حالات التصوير يستخدم بس ممكن يفيدكم :صيني:


فيلم بحبيبات

http://www.mexat.com/vb/attachment.php?attachmentid=2198317&d=1498645874

فيه تأثيرات جاهزة في هالخيار بتفيدكم، لكن مهم مرة تشيلوا التحبب من التحكم في الخيارات حقت الفلتر ..
فيه خيارات جيدة بس أغلبها تعطيكم طابع الفيلم القديم يعني اللمسة البنية أو الرمادي على كحلي ..
تفيد ممكن في تصوير الآثار و المتاحف و الأماكن القديمة :D

[H A N A]

http://www.mexat.com/vb/attachment.php?attachmentid=2198280&d=1498643993


* ملاحظة صور الشروحات من اليمين إلى اليسار *



قائمة عوامل التصفية

http://www.mexat.com/vb/attachment.php?attachmentid=2198289&d=1498644182

عتيق

http://www.mexat.com/vb/attachment.php?attachmentid=2198318&d=1498645874

هذا لو بتضيفوا للصورة طابع لون معيّن ..
و برضوا تتحكموا في قوة تشبع اللون و السطوع، أحسه يشبه خيار photo filter في فوتوشوب ..
بس برضوا أحسه زي اللي قبله " فيلم بحبيبات " يعني لو صورتوا شي تراثي و كذا تتحكموا فيه :D
لأنه أغلب الألوان تعطي طابع عتيق أو تراثي زي ما هوه اسم الخيار ..


طراز قديم

http://www.mexat.com/vb/attachment.php?attachmentid=2198319&d=1498645874

هذا الخيار يشبه " عتيق " و " تأثير الجرانج " و " فيلم بحبيبات " بحيث إنه يعطي للصُورة لمسة عريقة ..
فجمع تقريبًا بينهم الثلاثة أحسه يختصر الطريق، لكن عتيق يعطي خيارات إضافية للتأثيرات لو ما عجبتكم اللي في هذا الخيار و بعدين تكملوا تعديل هنا ..
بس التحكم في هذا الخيار أكثر من الخيارات الثانية اللي ذكرتهم أكثر من " عتيق " و " تأثير الجرانج " و " فيلم بحبيبات "


أسود

http://www.mexat.com/vb/attachment.php?attachmentid=2198323&d=1498647102
http://www.mexat.com/vb/attachment.php?attachmentid=2198324&d=1498647102

هذا لو صورتم بخلفية سوداء و مثلاً ما طلعت واضحة بالسواد اللي تبغونه ..
و بنفس الوقت تخلوا العنصر معاها أحادي، بحيث تتحكموا في هذا الخيار في قوة اللون الأسود في الصُورة مو الأحادي، و يعطيكم طبعًا تأثيرات جاهزة و أنتم تتحكموا فيها برضوا في قوتها و كذا ..


أبيض و أسود

http://www.mexat.com/vb/attachment.php?attachmentid=2198325&d=1498647102
http://www.mexat.com/vb/attachment.php?attachmentid=2198326&d=1498647102

هذا التأثير الأحادي اللي دايمًا نستخدمه في الصُور مو زي اللي فوق خيار " أسود " اللي تركيزه على اللون الأسود أكثر شي ..
فيه خيارات جاهزة للأحادي معتم أو ساطع أو سماء مظلمة .. إلخ ، و تقدروا تتحكموا في قوة التأثير، و فيه خيار تختاروا اللون و حدته بالأحادي، مثلاً لو تبغوا اللون الأحمر اللي كان في الصُورة يصير أغمق أو أفتح تختاروا اللون الأحمر من القائمة اللي زي الدائرة و تعدلوا عليه و على الألوان الثانية ، زي شغلة الفوتوشوب :صيني:


إطارات

http://www.mexat.com/vb/attachment.php?attachmentid=2198332&d=1498647256

في هذي تختاروا إطارات جاهزة للصُورة و تختاروا سُمك الإطار، بصرآحة إطاراتهم خياس :صيني:
لا أشوف أحد حاططها هنا :ضحكة: ما عدا بعض الإطارات مقبولة يعني مو مرة شينة :D


تعرض مضاعف

http://www.mexat.com/vb/attachment.php?attachmentid=2198333&d=1498647256

هذا هوه الخيار اللي قلتلكم عليه بيفيدكم في الـ HDR لأنه يشبه الفوتوشوب من هالجهة ..
لأنه تختاروا صُورة و تضيفوها للصُورة اللي مصورينها و تلعبوا في درجة التعتيم أو الوضوح ..
فالأحسن تختاروا 50 ، و الطريقة هيه لو مثلاً صورتم مشهد ليلي، و تبغونه يطلع واضح تصوروه بثلاثة قيم ISO واحد تلقائي و الثاني عالي و الثالث منخفض و تدمجوا الثلاثة بهذا الخيار و راح تتوزع الإضاءة بطريقة جدًا جيدة في الصُورة ..
أو مثلاً لو بتدمجوا صورتين بطريقة جميلة بتنفعكم خصوصًا و إنه الخيارات اللي فيه تشبه الخيارات حقت الليرات في الفوتوشوب ..


و بكذا خلصنا قائمة التعديل الثانية - عوامل التصفية - ننتقل للقائمة الثالثة - وجه - في الرد الجاي

[H A N A]

http://www.mexat.com/vb/attachment.php?attachmentid=2198280&d=1498643993


* ملاحظة صور الشروحات من اليمين إلى اليسار *



قائمة وجه

http://www.mexat.com/vb/attachment.php?attachmentid=2198290&d=1498644182

تحسين

http://www.mexat.com/vb/attachment.php?attachmentid=2198334&d=1498647461

هذا الخيار لو بتعدلوا من نعومة البشرة، طبعًا كان خطأ أختار صورة معدلة عشان أوضحه لكم :صيني:
بس ترى هذا الكوري لقيته في الاكسبلورر حق الانستقرام و أخذته التقاط للشاشة حتى مو عارفة هوه مين xD
فيه تنعيم الجلد من الخيارات و العين كمان، بصراحة أنا ما أصور بورتريه فأعتبر خيارات هالقائمة مو مرة ..


الوضع

http://www.mexat.com/vb/attachment.php?attachmentid=2198335&d=1498647461

هذا يلعب في اتجاه الوجه و في الابتسامة و في البعد البؤري ..
ما حسيته مرة مفيد ، اللي قبله أشوفه أفضل، و ترى فيه تطبيقات اسمها الـ beauty cam هذي بالعادة شغلها بس تعديل على الوجوه و أشوفها أعمق من كذا في التعديلات على الوجه ..


و بكذا خلصنا قائمة التعديل الثالثة - وجه - ننتقل للدرس العزل في الرد الجاي

[H A N A]

http://www.mexat.com/vb/attachment.php?attachmentid=2198280&d=1498643993


* ملاحظة صور الشروحات من اليمين إلى اليسار *



درس العزل

عتيق

http://www.mexat.com/vb/attachment.php?attachmentid=2198346&d=1498648168

اخترت الصُورة، و دخلت على خيار عتيق اخترت أحد التأثيرات الجاهزة و لعبت في السطوع و تشبع اللون و النمط و النقوش النصفية ..

http://www.mexat.com/vb/attachment.php?attachmentid=2198347&d=1498648168
http://www.mexat.com/vb/attachment.php?attachmentid=2198348&d=1498648168

طبعًا استخدمت هالطريقة عشان الوردة مرة فاتحة و ما لقيت صُورة غيرها في الجوال :صيني:
فعشان أعطيها شوية لون، و اللون اللي طلع معايا زي ما انتم شايفين على أصفر شوية ..


أبيض و أسود

http://www.mexat.com/vb/attachment.php?attachmentid=2198349&d=1498648168

رحت لقائمة أبيض و أسود اخترت الخيار اللي يناسبني " طبيعي " لأنه حسيت التأثيرات الثانية مرة قوية ..
و حطيت صح و رجعت للقائمة الرئيسية، نضغط على اللي مأشرته بالأخضر الفسفوري شكله زي الطبقات ..


طبقات التعديل

http://www.mexat.com/vb/attachment.php?attachmentid=2198350&d=1498648168

تضغطوا على عرض التعديلات، و بعدين على الأبيض و الأسود بتطلع لكم منهم قائمة صغيرة - ما رضيت تتصور معايا >< - و بعدين تنقروا على شكل الفرشاة

http://www.mexat.com/vb/attachment.php?attachmentid=2198356&d=1498648242

تطلع لكم الصُورة ملونة و أنتم تحددوا بأصبعكم الأماكن اللي تبغونها بالأبيض و الأسود ..

http://www.mexat.com/vb/attachment.php?attachmentid=2198357&d=1498648242

و بما أنه ما فيه في التطبيق حركات الفوتوشوب و تتحكموا بعرض الفرشاة :صيني:
فراح تكبروا الصُورة عشان يصير حجم الفرشاة بالنسبة للصُورة صغير و تقدروا تلونوا الأماكن الصغير بطريقة أدق ..

http://www.mexat.com/vb/attachment.php?attachmentid=2198358&d=1498648242

الصُورة النهائية ..
و تقدروا تحفظوا الصُورة بالضغط على علامة السهم اللي بداخل صندوق :صيني: ، و تطلع لكم خيارات اختاروا تصدير، و راح تلاقوها في ملف اسمه snapseed ..


إن شاء الله يكون الشرح واضح :D

[H A N A]

http://www.mexat.com/vb/attachment.php?attachmentid=2198280&d=1498643993


أحتاج أسوي حفلة لنفسي إني بهالوقت القصير قدرت أسوي الدرس :صيني:
طبعًا هالدرس طلع عيوني، خصوصًا إني ما قيد قعدت على السناب سيد ..
و قعدت أدور دروس في اليوتيوب للتصوير بالجوال، و بعدين عرفت خدعة الفرشاة حقت التعديل :p
فقلت أجرب أسوي فيها عزل و زبطت :D ، صح مو بدقة الفوتوشوب بالتعديل بس كويس :لقافة:
نمت و أنا أنزل الدرس 10 ساعات زي ما انتم شايفين فرق التوقيت بين وقت رد رقم 4 و رد رقم 5 :صيني:
المهم إنه نزل كنت أتمنى يكون أعمق بس بصرآحة ما فيش وقت ..
بس إن شاء الله أسوي دروس ثانية بالتطبيق، لأنه فيه كم خيار للتعديل أعجبوني :D
و في أمان المولى ..

[son goku ssj3]

~حجز :em_1f606:

[son goku ssj3]

http://www.mexat.com/vb/attachment.php?attachmentid=2199266&stc=1&d=1499585548


ويرجع أسطورة السحبات للموضوع لوضع بصمته الملوثه بالموضوع الأنيق :em_1f606:

قبل لا أحط تطبيقي حاب أقول ألف شكر على المجودك المعهود في هذا الموضوع المرتب والمنسق ( ما عدا صورة الكوري :e40c: )

وكلمة شكراً بالحقيقه لا تفي حقك في هذا الموضوع

انا بالحقيقه نادراً ما أستعمل برامج الجوال لتعديل الصور لئني كن أجربها بالسابق وكانت النتايج مو ذاك الزود

وماكنت متوقع انها تطور لمستوى عالي مثل ما لقيته بهل برنامج

المهم انا جربت البرنامج على صوره معدله مسبقاً ببرنامج الجوال الأساسي

وكانت النتيجه طيبه الصراحه

المهم أطرح لكم التجربه كامله بالصور التاليه

http://www.mexat.com/vb/attachment.php?attachmentid=2198909&stc=1&d=1499310081

هذي الصوره الأصليه صورتها بجوالي HTC m8

http://www.mexat.com/vb/attachment.php?attachmentid=2198910&stc=1&d=1499310081

هنا الصوره بعد التعديل عليها بالبرنامج الاساسي للجوال + السناب سيد ( له الدور الاكبر بالتعديل بهل صوره )

http://www.mexat.com/vb/attachment.php?attachmentid=2198911&stc=1&d=1499310081

طبعاً الصوره الأخيره سويت فقط بعض التحسينات الصغيره ومنها تصحيح الزاوية

أعتذر لصاحبة الموضوع لتأخري بالرد >>>>> كأني أول مره أسويها :em_1f606:

شكراً لك مره ثانيه وأنتظر أبداعك القادم

تقبلي مروري

[Smuggy]

شكرا لك

[Go Ninja Go]

وعليكم السلام ورحمة الله وبركاته



تسلم إيدك هانا
موضوع كبير ومجهود جبار بصراحة


أكتر ما شدني في الموضوع حاجتين:
1. عمل البلور للخلفية
2. العزل اللوني

من زمان بتساءل إزاي بيعملوا العزل اللوني للورود والأعلام في الصور وكنت عارف طبعا إنها بالفتوشوب وأنا مليش فيه فكنت بتمنى وخلاص وأروح قالب ع الصورة اللي بعدا :ضحكة:

بس حيث إن في تطبيق حلو وسهل كدا فأحاول أعملها

شكرا ليكي سهلتيها كتير كدا ::جيد::


هحاول أنزل التطبيق وأطبق إن شاء الله ولو طبقت هنزل الي عملته إن شاء الله


شكرا مرة تانية ع المجهود الكبير في الدرس ^_^