PDA المساعد الشخصي الرقمي

عرض كامل الموضوع : أنـــا مب مينونـــــة !!



missme
12-11-2005, 19:40
أنـــــــا مب مينونــــــــة :mad:
هذا الموقف صــار في الاجازة وبالضبط تاريخ 29\6 كنا في احدى دول الخليج , كنا في بيت خالتي انا و خواتي الثنتين وبنات خالتي طبعــا .. وكان يوم الاربعـاء المهم كنت قاعدة على النت ومبققه عيني في الشاشة .. حتى اذكر كنت اشارك في مكسات .. المهم يت بنت خالتي وقالت : اتيين معانا السكيتنج , انا : السموحـة ماتشوفيني مشغولة .. بنت خالتي : امانة تعالي مابيخلونا نروح بدون واحد كبير , عاد انا في هذي اللحظة ماصدقت نفسي , انا الكبيرة حدكم علي ..
وقلت لهـا :ودي اروح معاكم , بس انا مابي اتزلج .. , قالت : لاتصيرين جذي ترى اليوم الاربعـاء وحق النساء فقط .. يعين بكرة مابنقدر نروح لاتضيعين الفرصة , ومب لازم تتزلجين .. ترى في محلات اهنـاك
. أنا : قـولي واللــــــه .. بس اممممم , بنت خالتي : لا بس ولا شي .. بشتري لج على حسابي ..وانا : سكرت الكمبيوتر بكبره ولبست عبايتي وجهزت نفسي حتى مابدلت ملابسي >> كنت لابسة جلابية مغربية >> يالفضيحة .
المهم بنت خالتي الكبيرة ودتنا مكان السكيتنج وكانت هذي اول مرة اروح فيها هذا المكان , وقبل ماننزل من السيارة بنت خالتي الكبيرة قالت انا بروح الجمعية الساعة كم تبون أييكم ؟؟ وصج انتبهو على نفسكم ؟؟ , انا قلت في قلبي : شدعوة شنو قصدهــا ننتبه على أنفـسنا ؟؟!! :مرتبك:
دخــلنا المكــان أنا واختي اللي اصغر مني >>12 سنه , وبنت خالتي >> 14 سنه:: وكــــــان ويهي جذي >> http://www.al3nabi.com/vb/images/smilies/stylat/008-.gif
OH MY GOSH , WHAT'S THIS !!?? WHERE ARE WE
انــــا وين داشة .. شنو هذا ؟؟
لالا احنـــا وين داخـلين ؟؟ ليكون مغلطين ؟؟!!
بنت خالت : لا حبيبتي هذا هو المكان . . ماعليج انتي منهم احنا يايين نستانس خلهم يولون !! :مندهش:
انزين ماسألتوني شنو شفــت ؟؟!
وبصراحة انا اتأسفت على البنـــات واااااايد .. كان ودي نرجع البيت بس ماكان عندي موبايل ؟؟!! :mad:
اقولكم لبس البنـــات استغفر اللـــه .. >> حتى شكـلنا كان من جماعة الامر بالمعروف والنهي عن المنكر لأن احنا الوحيدين اللي لابسين عبايات !!؟؟
يعني ماقدر اوصف لكم لبسهم .. >> شبه عاري ..
المهم قلت حق بنت خالتي : مابتتزلجون ولا شي .. لأن كل بنت في يدهــا موبايل وكاميرا .. والمشكلة اعمارهــم ماتتعدى 17 .. يعني كلهم بعمري .. , عــــاد احنا رحنا ارتحنا على الكراسي .. وطلبنا اكل عشان ناكل ., بنت خالتي واختي يضحكون ويسولفون ويتطنزون على كل وحدة تمـر وانا http://www.al3nabi.com/vb/images/smilies/frown.gif , http://www.al3nabi.com/vb/images/smilies/zx11pissed.gif ..
وبعد ماخلصنا الاكـل .. بنت خـالتي قالت لي : مالاحظتي شي ؟؟!!
انا : لاشنــو
أختـي : هاذي وين تلاحظ ..
انـــا : شقصدج .. يعني عشان نظري ضعيف بتستخفين فيني يالخبـلة http://www.al3nabi.com/vb/images/smilies/cool.gif .
وبنت خالتي : هذولا كم http://www.al3nabi.com/vb/images/smilies/ppeace2.gif ؟؟
انا : شفيج انتي مب لهذي الدرجة انا ماشوف .. بس الاشياء البعيدة والكلام على السبورة :mad:
بنت خالتي : انزين ذاك الصوب ..
انــــا : اوه http://www.al3nabi.com/vb/images/smilies/stylat/0090.gif , عـلم المـــــــانيا :D , تعـــالو نسلم عليه
اختي وبنت خالتي : الله يعطيج عقل http://www.al3nabi.com/vb/images/smilies/stylat/026'.gif
ورحنــا سلمنا على علم المانيا وعطيناه تحية ..
وبعدين شرينــا اذرة ورحنــا قعدنا على مدرجـات السكيتنج .. لأن اهناك ماكان في حد ..
وفجـــــــــــأة ..
بنت خالتي واختي : http://www.al3nabi.com/vb/images/smilies/stylat/008-.gif :eek:
يقولون لي : مسموووووووووووو شوفي ..
وانا : ها شنو شنو ..
قالوا : شوفي البنت : وانــــا ماشوف عدل
بنت خالتي : أخ من الحول .. روحي شوي جدام عشان تشوفين عدل ..
بعدين خطيت خطوتين والا : http://www.al3nabi.com/vb/images/smilies/stylat/008-.gif http://www.al3nabi.com/vb/images/smilies/stylat/008-.gif :( ..
اختي : شفتـيها ؟؟
انا : ايييي الله يهديهــــا .. شفيهـــــا هذي بايعتها ..
الله يسلمكم شفنـــا بنت رايحــــة فيهــــا لبسها:ميت: , ولا بعد مستانسة على نفسهـــا قاعدة تترقص ..
انــــا : وين عايشين .. شنو هذا http://www.al3nabi.com/vb/images/smilies/stylat/0191.gif , والله كان قلبي يعـورني عـلى البنت .. وين اهلها عنهــــا ؟؟!! http://www.al3nabi.com/vb/images/smilies/stylat/031-.gif
عـاد في هذي اللحظة احس اني فقدت صوابي .. >> انتي اصـلا دايمــــا فاقدته http://www.al3nabi.com/vb/images/smilies/stylat/029-.gif

تتوقعـون شنو سويت ؟؟!! .. لأني بصراحة ماقدر استحمل اكثـــر >> لو في امريكا جان البسوا ملابس استر :مذنب:
عـــــــلى العموم رحت انا وشجاعتي وهبالتي .. وبنت خالتي واختي ماسكيني .. : والله ماتروحين مكان , بتسوين لنـــا مشكـلة .. انتي متسببة ..
انــا قلت : اسوي واسوي .. ويصير اللي يصير .. وياريت لو اتي الشرطة بعد .. عشـــــان يشوفون وين بنات بلدهم واصلين .. والكل ساكت ..
واقولكم شلت شجاعتي وعجرتي ..
وييت في ويه البنت وقلت لهــــا : أختي انتي مستانسة على نفسج !! http://www.al3nabi.com/vb/images/smilies/mad.gif
ردت وقالت : ها شنو ؟؟
في قلبي : انشوى راسج http://www.al3nabi.com/vb/images/smilies/stylat/0191.gif
اقولج : انتي مستانسة على اللي قاعدة تسوينــه .. استري على نفسج الله يستر عليج ..
واشيل قشي واضرب خط على طـول من بين كراسي المدرجـــات ..
وبعدين من فوق اطل على البنت : اشوف بنات متيمعين عندهـــــا .. يستفسرون الله يستر عليهم كلهم ..

وبعدين انــــــا ضيعت .. ولا ادري وين بنت خالتي واختـي ..باااال . انا مادل عدل وين بروح ؟؟


يتـبع >>

missme
12-11-2005, 19:41
ومرت ربع ساعة تقريبا .. كنت ادور .. ومادري شنو اللي سويتــه .. بس زين عطيتها في ويهـا :مندهش:
عـلى العموم لقيت اختي وبنت خالتي .. وقلت لهم : يالخوافيين وين رحتو ؟؟
وقلت لهم كل شي صار بيني وبين البنت
بنت خـالتي : انا ماعرفج ولا تعرفيني ,
اختـي : انا غيرت عائلتي ..
بنت خالتي : خاطري مرة اطلع معاج مكان .. وماتسوين لنا مشاكل ..
وانا : لن أصمت عن المنكـــــــــر ..
اختي : اصمتي اصمتي .. انتي فشلتينـا :mad:
واحنـــا نتمشى فجـأة صار ويهي جذي : http://www.al3nabi.com/vb/images/smilies/stylat/0090.gif http://www.al3nabi.com/vb/images/smilies/stylat/008-.gif, وانحبست انفـاسي ..
انـــــــا : آآآآآآآآآآآآه ..
بت خالتي و أختي : شنو شنو ؟؟
انــــــــا : سوييت فاكتوري اهني http://www.al3nabi.com/vb/images/smilies/nuts.gif , صار لي شهر ماكلت من سويت فاكتوري ..
اختي : http://www.al3nabi.com/vb/images/smilies/mgwhore.gif
بنت خالتي : http://www.al3nabi.com/vb/images/smilies/3ankabot/149.gif
انـــــا : امــانة خلوني اشتري .. اسمحو لي شوي ..
اقولكم دشيت وخميت كل الي في المحـــل .. ماخليت كــافي ماخذته .. ولا حلاوة .. وزين ان صاحبة المحل ماطردتني .. لأني كنت آكل وانا احط لي الحلويات .. , بس تصدقون حلوياتهم ماكانت لين ذاك الزود >> يعني اللي عندنا في قطـر , كل شي منوع وفـلة .. وأحلى
المهــم ..
بنت خالتي واختي : كانوا يطـالعوني ويقولون : مسكـينة مسموو ماماكلة حلاوة في حياتهـا http://www.al3nabi.com/vb/images/smilies/1m02.gif
وانا وحلجي متروس حلويات : http://www.al3nabi.com/vb/images/smilies/stylat/038'.gif .. اي والله .
المهم وانا ازط مثل المفجوعـــة .. بنت خاتي واختي قالوا : احنا بنروح شوي وبنرجـع
قلت لهم : لا وين بتروحون الحين بنطلع من هذا المكان الزفت :مندهش:
قالوا : دقيقة .. انتي زطي , صدقيني للحين مابتكونين مخلصة زط والا احنـــا راجعين ..
المهم راحو وبعد 3 دقايق تقريبا ارجعوا .. وهم يضحكون..
سألتهم : شفيكم ؟؟!! :مرتبك:
بنت خالتي : لا سلامتج مافي شي
واخـتي : اقـول ولا لا ..
انــــا : لحظة لحظة
المهم شريت الحلويات بعد مافضيت المحل .. وكنا في الطريق بنطلع من مكان السكيتنج ..
اختي : ترى احنـــا رحنـــا عند ..
بنت خالتي : خخخخخخخخخخ :p
انا : لا صج .. انتوا وين رحـــتوا ؟؟ :confused:
اختي : خخخ . ترى احنــــا رحنا عند البنت اللي كلمتيها وعطيتيها سبه محترمـــة ..
انــــا : خسـئتم .. هل جننتم؟ !! :mad: http://www.al3nabi.com/vb/images/smilies/zx11pissed.gif , وان شاء الله ليش رايحين لهـــا :mad: .
بنت خالتي واختي : طيبنــــا خاطرها , عشان ماتزعل مسكينـــــة .. انتي ماعندج قلب ليش جذي تقولين لهــا .. ترى كل ربعها هدوها وراحو عنهــا ..
انـــــــا : A انتو .. شقلتوا لهـــا ؟؟!!
بنت خالتي : خخخخخخ
اختي : هعههععهعهعهع
انــــا : لاتسوون فيني جذي .. شقلتوا لهــــا ؟؟ :o :(
بنت خالتي : اسمحي لنا يعين مسموو قلنـــــا لها انج ميـنونة , والحين مستشفى الامراض العقلية معطينج اجازة .. وانتي حبيتي تغيرين جو فيبناج اهنـي .. وطبعا انتي متعقدة من البنات ! :D
انـــــــــا : http://www.al3nabi.com/vb/images/smilies/stylat/029.gif http://www.al3nabi.com/vb/images/smilies/stylat/0080.gif >> لو في تعبير اكبر كنت بعبر :ميت:
والانســـــات : ههههههههههه http://www.al3nabi.com/vb/images/smilies/stylat/025-.gif
عــاد انا في هذي اللحـظة انصدمت .. ليش سويتو جذي ؟:( ..
بنت خالتي : عادي عادي :p
كنت معصبـــــة حدي وبعدين قلت لهم : خلاص بنروح ..
والله كنت مقهورة ..
واحنا طالعين ..البنت اللي كلمتهـا كانت مع ربعـها يتمشون .. حتى اشرت علي بيدهــا , وقالت لهم ترى هذي مينونة ..
اختـي : خلاص لاتزعلين .. ترى هي قالت بسامحهـــا ..
انــــا : يعني الحين تتحسب اني مينونة :mad:
المـهم طلعنا ورحنا اتصلنــا لبنت خالتي عشان اتي تاخذنا .وانا للحيني مفورة عليهم .. يعني كـلمة زيـادة بنفـجر ..
وقعدنا على الكراسي ننتظر ..
انا في صوب وبنت خالتي و اختي في صـوب ..
والا يت وقعدت عندي خـدامة وسلمت
فرديت عليها السلام ..
وعاد هي بدت تتحلطم : هزا مكان كبييير .. انا يخوف يضيع بعدين انا يروح ياكل .. مافي اكل زين كلو خرابيت ..
وانا سألتهـا : انتي ياية بنفسج ؟
هي : لالالا .. انا يجي مع ماما .. عشان كلو باشا يعلب ياكل .. سوي سكيتنج .. , بس واجد زهمة داخل انا مايقدر يروح مكان .. مايقدر يسوي شي .. انا يروح مهل عشان يشتري نزارة .. كل نزارة مافي زين .. وفي غالي .. انا كلام هق ماما انا يبي هزا نزارة , هي كلام لا مافي هني .. مرة ثانية انا يسوف نزارة زين .. ماما مافي معلوم انا عيون داخل متبخ يروح عسان انا يتبخ سمك برع .. شمس قوي .. حرررررر .. >> هذا الكلام كله قالته في 5 ثواني :D
انــا : ههههههههههه :D
عـادت الي الابتسامة مرة أخرى . بصراحة ضحكتني وايد .. تتكلم وماستوعب منها الا بعض الاحرف .. فشوي شوي نسيت سالفة البنت
وبعدين اسألتني : انتي مافي هني يجي انا مايشوف انتي قبل هني .. ليش هزا اول مرة ..
انا : اي واللـــه , انا من قطر ..
هي : اوه قطر .. انا مرة يشتغل في قطــر .. بس بعدين انا يرجع بلاد , هزا هازبند مايبي سوي سغل , كله مساكل .. انا كلام . اناا يجيب فلوس حق انت عشان سغل خليج ..
وقـاطعتهــا : عندج تلفون ؟؟ http://www.al3nabi.com/vb/images/smilies/rolleyes.gif
هي : ايوه موجود كلو موجود .. انتي يبي مالي انا ولا مال ماما .. مافي مشكلة كلو واهد ..
انا : عطيني اي شي ابي اروح البيت :D
هي : اوه انتي يبي يروه بيت وين انتو بيت .. عشان يمكن انا يقدر يوصل ..
انا : لا شكـرا , حتى لو بتوصلينا بعض الناس مايدلون بيتهم :لقافة:
بنت خالتي : شقصدج .. ؟؟
انا : اسكتي اسكتي .. تتذكرين يوم طلبنا من المطعم .. حضرتج ماحافظة رقم بيتكم .. حركي بس حركي ..
بعدين اتصـــلت .. ورديت التلفون للخدامة وشكرتهــــا ..
والخدامـة : مافي مشكل انتي اي وقت يبي تلفون سوي كلام .. انا يخب يسوي خير هق ناس .. عسان بعدين ناس يسوي خير حق انا
والله يحليلها دمها خفيف .. بس بعد عورت راسي من كثر الكلام .. :D

وأخــــيرا .. خرجنا من الجحيــــــم .. وذهبنـــــا الى النعيم ..
ومـاخليت حد في هذه الدنيا ولم أخبره بما حصـــــــل ..

بـصراحة حرمت اروح مكــــان نفس هذا مرة ثانية ..

وأخـــيرا .. سؤال ؟
هــــــل أنـــــا مجنونة فـعلا , على مافعلته ؟؟ :(

تحـياتي :
M!ssMe

zain2002ss
12-11-2005, 20:06
missme

مساااء الخـــير والورد..;)


وأخـــيرا .. سؤال ؟
هــــــل أنـــــا مجنونة فـعلا , على مافعلته ؟؟ :(
بصــراحه انتِ سويتي إلي عليكي وما غلطي

والا يت وقعدت عندي خـدامة وسلمت
فرديت عليها السلام ..

وربــي نص الكلام مافي معلوم انا ...يعني ما يفهم ايش كلام:D

انــــا : اوه http://www.al3nabi.com/vb/images/smilies/stylat/0090.gif , عـلم المـــــــانيا :D , تعـــالو نسلم عليه
يارب الكأس لنا يارب .....
نفـــسي قبل لا اموت اشوفهم رافعين الكأس من جديد...:بكاء: :محبط:
===

بصرااحه وبدون ضحك العيب مو بالبنت لا العيب
بأهلها إلي ما يدرون عنها .....:mad: :mad:

وانتِ بكل صرااحه سويتي إلي عليكي::جيد::
بس لا عاد تروحي الاماكن هذي مررره ثانـــيه:rolleyes:

وســـــلام عزيزتي;)

missme
12-11-2005, 20:11
السلام عليكم
missme


وأخـــيرا .. سؤال ؟
هــــــل أنـــــا مجنونة فـعلا , على مافعلته ؟؟

بصــراحه انتِ سويتي إلي عليكي وما غلطي
:D


والا يت وقعدت عندي خـدامة وسلمت
فرديت عليها السلام ..

وربــي نص الكلام مافي معلوم انا ...يعني ما يفهم ايش كلام
كلش انا مسكتة .. انا زين استوعبت منها كم كلمة .. بس والله حبيتها


انــــا : اوه , عـلم المـــــــانيا , تعـــالو نسلم عليه

يارب الكأس لنا يارب .....
نفـــسي قبل لا اموت اشوفهم رافعين الكأس من جديد...
اي والله .. تدري لو خسرت المانيا .. بتنكسر كل ضروسي :D ..
===


بصرااحه وبدون ضحك العيب مو بالبنت لا العيب
بأهلها إلي ما يدرون عنها .....
اي واللــــــــه ..


وانتِ بكل صرااحه سويتي إلي عليكي
بس لا عاد تروحي الاماكن هذي مررره ثانـــيه
لاتحسسني بالذنب :( , كفاية للحين انا متعقدة من هذي الامـــاكن ::مغتاظ:: , واكيد ماراح اطبها مرة ثانية .. , اصلا انا ماكنت ادري ان هالاماكن جذي ..


وســـــلام عزيزتي
سلام

GoGo_LaLa
16-11-2005, 12:05
هااااااااااااااااااااااااااي
ههههههههه بصراحه قصتج حلوه وغريبه
بس انتي يعني سويتي اللي عليج وهاي اهو الاهم هههههه وبنت خالتج الله يهداها ليش تقول
للبنت جي :D
بس عادي تيكت ايزي هههههه ::جيد::

ЯOSEL!A
16-11-2005, 13:01
هلا هلا وغلا بغاليتنا

شخباااااااارررج


اعصاااااااااااابج


وماله داعي لكل هالعصبيه

لووول حبيبتي شكلج بسرعه تنعصبين:مندهش:

هههههههههههههههه ولا عااااد يوم تسلمون على علم المانيا لووووول

انه اتذكر مره رحنا المانيا بس >>>مو لهالدرجه:eek:








ممكن نتعرف >>>ترا اموووووت على تعارف بالجدد :o


ولا صار لي سنه ماشاءالله واعرف من الي جاي والرايح:D

نشوفج على خير::جيد::

haneen alro7
16-11-2005, 16:38
لو اني منك

اقعد اسبوع مأكلم البنات

يعني اهانه انهم يغلطون عليك والبنت غلطت عليك

وانتي ماسويتي شئ غلط اهانه

Miss Eva
20-11-2005, 21:21
السلام عليـــــــــــكم

كل الي بقولو انك ابدا ماسويتي شي غلط بلعكس اللي
سويتي عين الصواب::جيد::
بس كان المفروض تكلميها بأسلوب افضل من كذا=== مع احتراميييي لك:مرتبك:.......
وبنت خالتك وواختك يطيبون خاطرها ويقولون عنك مينونة ويزعلونك الله يهديهم بس::سخرية::

اماالخدامة جات في وقتها نستك السالفة وبردت قلبك:D
لا وبعد كريمة وطيبة


بس ممكن اعرف وين المكان ؟:لقافة: :صمت:



تحياتي لكـــــم
Miss Eva

جنية الخط السريع
21-11-2005, 01:25
السلامـ عليكمـ

أول شي أحب أشكـر ج عزيزتـي على اسلوبج الرائـع في الطـرح ... :)



هــــــل أنـــــا مجنونة فـعلا , على مافعلته ؟؟

لا يا قلبي موب مجنونـه بس اسمحيلي أقولج انج غلطانـه ... :o

أتوقع لو جيتيها من باب النصيحه كان أفضل وصدقيني يمكن كانت تسمع النصيحه وتنفذها ولا تنسين ان الدين النصيحه .. بعكس اللي سويتيه الحين خليتيها تكره كل شخص ملتزم وتتجنب الكلام معاه .. حبيبتي مثل ما تعرفين والكل يعرف ان رسولنا خير قدوه لنا وطبعا رسولنا الكريم صلى الله عليه وسلم لما كان يدعو الناس كان يدعوهم بلين ومو بالشده فلو كان هذا اسلوبه ما أعتقد ان أحد تقبلـه وأسلمـ .... :)

المعروف ان الإنسان ما يحب حد يأمره ولا يتحكم فيه ويظن ان اللي يسويه هو الصح والناس غلط .... صدقيني هي تعرف انها غلطانه وتحس بعذاب ... :نوم:

بس أكيد مو لاقيه الشخص اللي ينصحها ويوجها .. وهني يجي دورج وأمثالج طبعا الغيورين على دينهم .

أنا معاج فعلا موقف يخلي الانسان مو بس يعصب إلا يكره العالم والناس ... بس لازم نمسك أعصابنا ونحاول كثر ما نقدر ان نعالج المشكله مو نزودها ... :)

تدرين البنت على انه يوم بنات تلبس جذيه بس من تطلع يتغير لبسها ... :نوم:

ولا تنسين ان اللــه الهادي ادعيلها بالهدايـه والصلاح ... والله يهدينا ويثبتنا ... :)

لا تزعليـن من كلامـي قلبي .... :)

واللــه يوفقـج لما يحبـه ويرضـاه ... :)

ختامــي سلامــي

missme
21-11-2005, 10:54
الـسلام عليكم ..
GoGo_LaLa

هااااااااااااااااااااااااااي
هايين .. واخيرا وصلتي ..


ههههههههه بصراحه قصتج حلوه وغريبه
وفي نفس الوقت تضحكني وتقهرني ..


بس انتي يعني سويتي اللي عليج وهاي اهو الاهم
كـل حد يقول جذي .., بس قولي الصراحة انا مينونة ؟؟!! .. صج اني في المدرسة تصيبني نوبـات هبلية .. بس مب مينونة صح :D

هههههه وبنت خالتج الله يهداها ليش تقول
للبنت جي
ونسيتي المجرمة اختي معاها ..


بس عادي تيكت ايزي هههههه
انا تكيتها ايزي من زمــان .. بس انتوا ضحكتوا علي عدل في المدرســــة , ماخليتوا فيني شي .. بس صج كنت قـوية >> شاربة ريد بول :D

تسلمين قوقعتنا على المرور .. وكل يوم تــعالي ::جيد::

+ + +

haruka

هلا هلا وغلا بغاليتنا
احم احم .. :)


شخباااااااارررج
زينــة والحمدالله


اعصاااااااااااابج
امسكهــا


وماله داعي لكل هالعصبيه

لووول حبيبتي شكلج بسرعه تنعصبين
لا لا .. انا اعصابي ابرد من الثلج .. بس يمكن شي يبط الجيد .. وكان المكان مضايقني واايد .. فعشان جذي فورت


هههههههههههههههه ولا عااااد يوم تسلمون على علم المانيا لووووول
انا من يوم صغيرة واحب المانـيا .. حتى محاية, براية, قلم .. كله لازم يكـون Made In Germany >> دلـع :D


انه اتذكر مره رحنا المانيا بس >>>مو لهالدرجه
ويي . الله يسلمج مب في المانـيا ..
كنا في احدى دول الخليج عشان جذي الواحد يستغرب ::مغتاظ::


ممكن نتعرف >>>ترا اموووووت على تعارف بالجدد
:مكر: أنــا يديدة .. ماباقي شي واخلص سنة في مكساتوتي .. بس بعد اعتبر نفسي يديدة ... :D , وعلى العموم نتعرف ليش لا ..


ولا صار لي سنه ماشاءالله واعرف من الي جاي والرايح
ذكـية ... بسم الله عليج .. ::سعادة:: :rolleyes:


نشوفج على خير
وانتي بالف خير >> شدخل
تسلمين على مرورج اختي , تراج نورتـي :)

+ + +

haneen alro7


لو اني منك
اقعد اسبوع مأكلم البنات
انا ابدا ماشيل في قلبي عـلى أحد .. يعني لو وحدة اتيي وتكفخني جدام العالم كـله .. بعد ماكرهها .. ليش مادري .؟؟!! , انا بنفسي مستغربة من نفسي .. :confused: , يعني عمري ماكرهت احد او حقدت عليه >>عقدة نفسية :D


يعني اهانه انهم يغلطون عليك والبنت غلطت عليك
وانتي ماسويتي شئ غلط اهانه
صج اني مانسى بسرعـة هالمواقف .. بس كان يضحك .. على قولة رفيجتي : انظري الى الجانب الايجـابي :نوم: , ويمكن كانت اهانة لي ..اصلا انا سامحتهم من اول ماطلعنا من المكـان .. مثل ماقلت لج ماقدر اشيل في قلبي على احد ..
واشكرج اختي عــلى ردج ومرورج ..

+ + +


يتبع

Medussa
23-11-2005, 00:21
أنـــــــا مب مينونــــــــة
الا مينونـــــــــــــــــــــه ونص:D :D
الحين بصراحه انا ما فهمت اللهجه صعبه مرررررره:confused:
والي فهمته انك نصحتي وحده ..
انتي ايش دخلك فيها ما عليك من الناس ..
من تدخل فيما لا يعنيه ...سمع مالا يرضيه ..
وبعدين انتي تقولي ان البنت كانت في مكان كلو بنات يعني عادي :confused:
المهم لا تزعلي مني هذا رأيي ...والاختلاف في الرأي لا يقسد للود قضيه::جيد::
وشكرا لكي يا حبيبة قلبي ..على الموضوع ::جيد::

Onigiri
23-11-2005, 21:49
قصة غريبه عجيبه


هــــــل أنـــــا مجنونة فـعلا , على مافعلته ؟؟


أتوقع لو جيتيها من باب النصيحه كان أفضل وصدقيني يمكن كانت تسمع النصيحه وتنفذها ولا تنسين ان الدين النصيحه .. بعكس اللي سويتيه الحين خليتيها تكره كل شخص ملتزم وتتجنب الكلام معاه .. حبيبتي مثل ما تعرفين والكل يعرف ان رسولنا خير قدوه لنا وطبعا رسولنا الكريم صلى الله عليه وسلم لما كان يدعو الناس كان يدعوهم بلين ومو بالشده فلو كان هذا اسلوبه ما أعتقد ان أحد تقبلـه وأسلمـ ....
انه اقول جذي بعد

وسلاااام

عاشقة قطر
26-11-2005, 20:53
ههههههه

الصراحه انتي لازم تكتبين قصص هههه



وتعالي جني عرفت عن اي بلد كنتي تتكلمين



بس على العموم مشكوره على القصه والله يعطي الخير حق هاذي الخدامه والله نفعتج هههههههه




هــــــل أنـــــا مجنونة فـعلا , على مافعلته ؟؟




الصراحه لا واذا انا باكون في مكانج باسوي اكثر بس المشكله ما يخلوني ههه


وكم مره سويتها بس حصلت كم زفه وراها ههههههه



والله يعطيج كل خير







تحياتي
عاشقة قطر