مغامرات اخوي الصغير ثاني باء

[Cloud Strife]

«®°·.¸.•°°·.¸¸.•(((مغامرات اخوي الصغير ثاني باء))) °°·.¸¸.•°°·.¸.•°®»
السلامو عليكم ورحمة الله وبركاته
المهم ........كلن منا عندة اخو صغير وطبعا معروف عنهم البراءة اللي بعض الاحيان تقطع المصارين من الضحك
بس اخوي (الله يعيذنا منه) مافيه ذا البراءة مستقبله يعني عربجي ...... والله مشكله عويصه
عجزوا اهلي يفكونها والمشكله انه بدى يأثر علي بالعربجه.......تصدقون اني اتصارع معه
وهو ابو 8 سنين وانا 19 والله عيب حتى مرات يطيح علينا ابوي ويجلدني الين يغني بطني
(ابوي يحسبني اكفخ اخوي)
وعلى ها الحاله ...واذا ماتصارعت معه لازم اعرف اني بنام بعين مفقوعه وخشتن مايله وخشمن
يخر دم ومجرى الدمع مسدود من كثر الطق مااقدر اعبر عن مشاعري واصيح
المهم هذا اخوي الله يصلحة مهبل بمدرسينه واصدقاه والمشكله شاطر (والله ماتركب )
ياخذ الاول بسم الله عليه وكلن يحبه على انه غثيث واذا اقبل وانا قاعده لازم كف على الاقل(يعني يمزح هو وخشته)صار وجهي كنه تشليح من كثر الطق
عاد انا بسرد لكم بعض من مغامراته وخصوصا في فصله ثاني(باء)في الحلقات الجايه
<<<<<<<<<<<<<تبي تسحب منه سواليف
ابنزل نفسي له وتحمل التكفيخ بس عشان اوريه واخليه يقرى الموضوع على النت
وينقهررررررررررررررررررررر
اولا
ابعطيكم نبذه عن اخوي
عمرة 8سنوات الله لا يعقله
ووزنه 20كيلو<<<<<<<بالله هذا وزن واحد في ثاني ابتودائي
وطوله متر وعشرة <<<<<<طويل ماعليه
اسيمر واشهب وركبه سود واظافره فيها وصخ ونعلته مقاس 6 سنين
الكعب يطلع برا وما غيرها من عمرة 6 سنوات اول ما بدته العربجه
ومملوح والله ماعليه تف تف تف على اخوي
يتغذى قبل على المكسرات والحب (فصفص يعني)والاندومي عشقه
مايتروش الين تعطيه عشرة ريال
يحب بنت خالي اللي اصغر منه بسنه<<<<<<وش دخلها
(من يعثر عليه فاليسلمه الى الجهات المختصه ولكم جزيل الشكر)
هواياته
قتل الحشرات هوايته الاولى
المصارعه ويحب كين (وانا اللي آكلها ماغير يطبق حركات كين علي)
هوايته الثالثه تكفيخي
والرابعه السوني ويلعب بشريط دبليو دبليو اف القديم حق سوني ون
وفي المرة الجايه انشا الله ابقولكم بعضن من قصصه في كذا حلقه

مع تحياتي
المعانيه من اخوها اللي في ثاني باء
ســـــــــــــــــــــــــارينــــــــــــــــــــ ا

*******
الجزء الاول
العنوان

«®°·.¸.•°°·.¸¸.•(((يمه ليه مابعد متي))) °°·.¸¸.•°°·.¸.•°®»

مرة في يوم من الايام الجميله توني قايمتن الصبح على اني ابزين الفطور مع امي
اثري نزلت لصالتنا(احلفي)..المهم لقيت الوالدة ضايقن صدرها ولابدت في الفطور
وحطزت جنبها(يعني جلست بالقرب منها)وقلت لها عشى ماسر ياميمتي
وراتس ضايقن صدرتس ومحتاسه والخشه مبنشره تبين نسوي لتس البنشر ....عاد
انا ابيها تضحك مادريت الا وخشتي واصلتن آخر صالتنا اثر الوالدة عطتني كف.
.....عاد انا حسبتها تعاني يعني ضفي وجهتس وزيني الفطور بس...عاد انا على نياتي ..المهم زينت الفطور وهمدناه(يعني زرطناه)..وعدت التجربه احاول في امي تطلع مافي خوالجها من همومن واحزان المهم بادرتي بها السوعال: (سوير بنيتي (عاد انا فقيت خشتي ))قلت: (هلا يمه)قالت: (انا عجوز؟)....الصراحة الوالده شوي كبيرة في السن الله يخليها لنا ويطول في عمرها عاد انا ابعطيها دافع(لا يمه منتيب تسبيرة وراه)قالت وهي فاقتن خشتها من الفرحه: (صدز وانا امتس)قلت : (ايه اجل وش نانسي عجرم عندتس بس )<<<<ياشين التسذب ...المهم قالت لي : (اجل ابعلمتس وراي ضايقن خلقي اليوم)قلت لها : (يالله كلي آذانون صاغيه هذذي علي يمه(يعني فضفضي علي)...اثر السالفه وما فيها انها قاعدتن تسولف مع ذا العربجي الصغير(عاصم)وهو يسألها عن عمرها : (يمه كم عمرتس انتي الحين)قالت امي وبكل براءه: (عمري ....ياوليدي وراه)قال: (ولا بعد متي وش تحترين)بسم الله على امي الله يخليها لنا ذخر وجع يوجعه
..وتقوم الوالده تنعى(يعني تصيح بحرقه) وذاك وبكل بروده راح يتمشى بسيكله ابو ثلاث كفرات في الحوش ....واجيك عاد انا واهون على امي واقولها ماعنده سالفه بزر لا تاخذين بكلامه
وواجيك عاد انا ابجيبه يتاسف ويحب راس امي وامسكه هو وسيكله يوم قال: (خير نعم وش تبين )قلت: (وش ذا الحتس اللي انت قايله لامي مهوب عيبن عليك..قال: (وش انا قايل )قلت: (والله مدري انت داري وش انا اقصد لا تخيبل)...يوم قال: (اييييييييييييييه تقصدين يوم اقولها ورى ما بعد متتي لها الحين).. قلا : (وبعد تقولها مرة ثانيه)...قال : (وانا صادصز وراها ما ماتت لها الحين وش تحتري )عاد انا مدري وشلون جتني الجراء وعطيته كف (ياليتني ما عطيته) تدرون وش صار
مسكت سيكله ابو ثلاث كفرات واجدعه ياولد علي الا يوم صكني مع جبهتي واغمى علي مادريت الا وانا في المستشفى وفلبنيتن تويق(يعني تطل) في خشتي قلت : (ايس فيه(عشان تفهم)قالت: (هزا فيه مستشبى) قلت : (ليه؟) قالت: (هزا فيه جره كبير في هاجب هق انتي) والمس حاجبي الا فيه لزقتن كبر صحن الكبسه قلت: (عمى كل ذي لزقه) مادريت الا وابوي داخلن علي ومعه ذا الحمار (عاصم) ومدنق (اول مره اشوفه مدنق)(مدنق:يعني موطي راسه) ويجي ويحب راسي ابوي ويقول لاباس طهور وعاد انا مجمعه الصوقه وهوش على عويصم ويسكتني ابوي ويقول ما عليتس جاه حقه وزود يوم رجعت للبيت اثر الوالد مقطعن عليه العقال ومخليه يتأسف من امي وعاد انا اقوله بتهزي: (ورني ظهرك؟) قال: (انطمي لا الحقتس الحاجب الثاني ) وو الله انطم وقررت ما عاد اعطيه كف عقبها
المفروض اني ما تليقفت ورزيت خشتي اذا صار هو في الموضوع المفروض اطلع منها واخلي الجهات الامنيه تهتم في ها الموضوع بس الشكوى لله
يتبع الجزء الثاني..............

*******
الجزء الثاني
العنوان


][®][^][®][اول ما تعلم عويصم السواقه][®][^][®][
(( مافيه تكمله الييييييين اشووف ردود :D << طماعه :ميت: والله اخاف اكمل ويطيح وجهي مايصير فيه ردود :p ))

::: ملاحظه :::

انا اول مره احط موضوع هنا بس حبيت اقولكم انه منقول واللي كاتبه الموضوع تصير بنت خالي ;)
عاد تكفون اقروا لانها الصراحه وانا اقرا موضعها فاقه خشتي من الضحك :D
يالله عاد لا تطيحون خشتي اللي يبي التكمله يرد :D

[Cloud Strife]

الظاهر ماجزلكم :ميت:
شكلي ابطلب من المراقبين حذف الموضوع ::مغتاظ::
مع انه في المنتديات الثانيه جازلهم ومتحمسين بزياده بس انتم (( ؟؟ )) :مندهش: :ميت:
اللي يجوزلكم مايجوزلي والعكس وانا ملاحظه هشي :D

[أنين السكون]

لا حبيبتي كملي والله الموضوع رائع



بس من كثر الضحك الواحد مو قادر يحرك يده ويكتب!!!



يالله أنتظر التكملة




تحياتي ومشكورة على الموضوع


أنين السكون

[mecheco]

هههههههههههههههه هههههههههههههههههههه


والله انك رهيبه كملي

[sola]

لووووووووووووووووووووووووووووووووووووووووووووووووو ووووووووووووووووووووول

موضوع رائع اختي

اخوك يشبه اخواني الاثنين


مسميتهم حركة طالبان










عليهم حركات تموت ضحك











يسلموووووووووو اختي على الموضوع الروعة وفي انتظار الجزء الثاني

[*يونـــا*]

هههههههههههههههههههه
عيال هالجيل كلهم جدي
مثل اخوي بس اهو في اول باء
وحياته كلها كمبيوتر وبلايستيش >>خاصه على المصارعه
صار يعرف انجليزي >>>جهال اخر زمن
امي ماتعرف للكمبيوتر واهو صار محترف

مشكوره علموضوع وننتظر التكمله
تحياتي

[أنين السكون]

وينك؟؟؟؟



تتدلعين؟؟؟؟




يالله التكملة يا حبيبتي لا تطولي الغيبة

[ALEメA]

السلام عليكم ورحمة الله وبركاته

هلا كلاود شخبارتس وعلومتس وسوالفتس

اشوفتس جايبه لنا قصه عن اخوك وخشته:p

تصدقين عاد من يوم اني عرفت انه ولد غسلت يدي بكلوركس :eek:

المبزره هالايام الله لايوريك عليهم تصرفات :نوم:

قال عرابجة قال يابنت الحلال العرابجة اهوووون

احنا ماعندنا اطفال في البيت لكن اذا رحت عند عيال اخوي اللهم صلي على محمد شييين يفسخ:eek:

ناس تنط وناس تقعد ناس تضحك وناسن تبسي

الموهيم وانا اوخيتس اخلصي علانا ترا نستنى التكمله ومعليش الظاهر انتي خشه جديدة عليهم في المرح مايعرفونتس

واللي مايعرفتس يجهلتس ;) بس قولي لهم من طرف اليكسا وتشوفين الردود اربع صفحات باليوم والليله << اخسك يالصاروخ:D



مع احتراميhttp://www.mexat.com/vb/attachment.php?attachmentid=29534&stc=1

ِِAleXa

[سارقة القلوب]

ههههههههههه
والله حلوة
انتظر الجزء التاني

[baby bobo]

الصراحة .....
موضوعج روووووووووووعة ........

ننتظر كل جديد....

[Cloud Strife]

هوو هوو هوو مانحذف :eek:
لا اشوا فيه ردود ماتقوعت ان احدن بيرد ياجعلكم تطبون الجنه وانا معكم قلوا امين :D
ياحبيلكم بس ايه هذا اللي ابيه ;)
تبون التكمله على عيني وراسي :D
بس اقولكم للمره الثانيه ان اللي كاتب هالموضوع بنت خالي يعني مهوب انا .... انا ماعندي الا ثقاله الدم >_<

****
.::][أنين السكون ][::.

لا حبيبتي كملي والله الموضوع رائع
ياحبيلتس ايه كذا الاعضاء ::جيد::


بس من كثر الضحك الواحد مو قادر يحرك يده ويكتب!!!
من هالناحيه صادقه ياحبيها سوير هي و حتسياتها (( سوير هي بنت خالي راعيه الموضوع ))

مشكووووووووره اختي على الرد المشجع والله انتس انسانه تستاهلين رجلن حلوتن اخلاقه ومملوح بس مهوب خكري
تراني خطابه انتي قولي لي بس موصفات الفارس :لقافة: << الله من ثقاله الدم :ميت:

****
.::][ mecheco ][::.


هههههههههههههههه هههههههههههههههههههه


والله انك رهيبه كملي
يالتني رهيبه بس انتي تقصدين بنت خالي :D
ومشكووره على الرد

****
.::][ sola ][::.

لووووووووووووووووووووووووووووووووووووووووووووووووو ووووووووووووووووووووول
بسم الله صمختي اذني :ميت:


موضوع رائع اختي
والله الموضوع ماخلاه رائع الا بضكتس الأروع (( اروع معناها عندنا اخوف :p :p ))


اخوك يشبه اخواني الاثنين
ياربيه وش فيكم شكلم ماقريتوا الملاحظه اللي تحت :ميت:
ذا مهوب اخوي بسم الله علي جعل امي ماتجيب مثله ولا انا اجيب مثله ذا العله الباطنيه


مسميتهم حركة طالبان
هههههههههههههههههههههههههههه
لا ذولا شكلهم خطيرين :D


عليهم حركات تموت ضحك
حركات تموت ضحك :rolleyes:
لا ذولا بزران عادين :p اذا كانوا يوذنتس زي بنيه خالي فانهم مهوب طبعيين


يسلموووووووووو اختي على الموضوع الروعة وفي انتظار الجزء الثاني
الله يسلمتس ياوخيتي على الرد ^_^

****
.::][ *يونـــا* ][::.

هههههههههههههههههههه
عيال هالجيل كلهم جدي
هين هين هالجيل انا اسميه جيل الخكريا بالنسبه لعويصم اصبري الين احط التكمله


مثل اخوي بس اهو في اول باء
وحياته كلها كمبيوتر وبلايستيش >>خاصه على المصارعه
صار يعرف انجليزي >>>جهال اخر زمن
لا زين ذا مثقف يعرف انقليزي مهوب ذاك الدبشه عويصم


امي ماتعرف للكمبيوتر واهو صار محترف
اخسيييييي يا اولا ابتدائي صاروا يعرفون للكمبيوتر :eek:
هين امتس نفس امي واعتقد كل الامهات اللي عندهم عيال وش كبرهم :rolleyes:



مشكوره علموضوع وننتظر التكمله
العفو وانا اللي اشكرتس على المرور والرد ::جيد::

****
.::][أنين السكون ][::.

وينك؟؟؟؟



تتدلعين؟؟؟؟




يالله التكملة يا حبيبتي لا تطولي الغيبة
ايييييييه اتدلع :D << شايفتن روحتها << انقلعي
التكمله في الطريق ;)

****
.::][ ALEメA ][::.

هلا كلاود شخبارتس وعلومتس وسوالفتس
هلواااااااااات بأليكسوووه ;)
اخباري ماهنا اخبار
وعلومي هاه ماعليها
وسوالفي فضن



اشوفتس جايبه لنا قصه عن اخوك وخشته:p
هاه وش انا كاتبه اخر شي كتبت ملاااحظه هذي تصير بنت خالي يعني ذا البزير العله امي تصير عمته :D


تصدقين عاد من يوم اني عرفت انه ولد غسلت يدي بكلوركس :eek:

المبزره هالايام الله لايوريك عليهم تصرفات :نوم:
ياختي مبزره الحين خكريا :ميت:
مهوب مثل ذا عويصم على الاقل لو يصير مثلهم كان لبس ثوب او بدله مهوب يطلع للشارع هو فنيلته وصرواله لا بعد ياليتهن نظاف


قال عرابجة قال يابنت الحلال العرابجة اهوووون

احنا ماعندنا اطفال في البيت لكن اذا رحت عند عيال اخوي اللهم صلي على محمد شييين يفسخ:eek:

ناس تنط وناس تقعد ناس تضحك وناسن تبسي
ياوخيتي هذولا بزران ويعتبر شي عادي نط وهالخرابيط كل البزران كذا يعني بختصار الاطفال عامه
اما مشكله عويصم عربجه على اصولها اقري الجزء الثاني تشوفين وش معنى عربجي


الموهيم وانا اوخيتس اخلصي علانا ترا نستنى التكمله ومعليش الظاهر انتي خشه جديدة عليهم في المرح مايعرفونتس
انحن مانقول نستنى نقول نحتري :D << اصحح لتس فيها شي :مندهش: << ياشين الناس اذا قاموا يتمصلون :ميت:


واللي مايعرفتس يجهلتس ;) بس قولي لهم من طرف اليكسا وتشوفين الردود اربع صفحات باليوم والليله << اخسك يالصاروخ:D
ماحب الواسطات في مواضيعي علشان الردود :D
اللي اعجبه الموضوع يرد الله يحيه :D
مهوب يرد علشان واسطه اللي فيذا :D
معليش بس انا ملاحظه هنا في المنتدى بعض الاعضاء مايردون الا علشان مراقب وينسون الموضوع :ميت:
اتمنى انتس مازعلتي بس الصراحه اكره مالي هالحركات :mad:
ومشكووووووووووووره على الرد وتكلمي زينا تراتس ماشا الله كأنتس منا بس تسوين كوكتيل بين لهجتنا ولهجتكم :D

****
.::][ سارقة القلوب ][::.

ههههههههههه
والله حلوة
انتظر الجزء التاني
مافيه حلوه الا انتي وردتس
التكمله في الطريق ::جيد::

.::][ baby bobo ][::.

الصراحة .....
موضوعج روووووووووووعة ........

ننتظر كل جديد....
مشكووووره على الرد :)

[Cloud Strife]

معليش تأخرت في الرد لان امي تبي من يمرخها يعني مساج بالاتكيت وابطيت وانا امرخها :مرتبك: يا الله مرتن كبيرتن في السن ونحترم رغباتها ;) يا حياتي مخذرفه خل احقق لها بعض امنياتها في الحياة<<<تفاعلت مع امها :D
يالله بس بلا ثقاله دم :ميت:
تفضوا التكمله ::جيد::

الجزء الثاني
العنوان

][®][^][®][اول ما تعلم عويصم السواقه][®][^][®][

عويصم فتن شقيون <<<على بالها اديبه.......االمهم ..عويصم الله يهديه مبلشن الوالد يبي يسوق هو خشتهماتحملنا هو وسيكله ابوثلاث كفرات فنتحمله بسيارة بعد ..ويرن على الوالد ويقلق صحته الين شرى له وانيت 67يكح كح من القربعه مستعمل من قبل رجل كبير في السن يعني مصدومن به مليون وعشر طعش مره الين قال بس يا ابا الفرج ...المهم ...ويقدر الله ويبدا الوالد يعلمه السواقه طبعا الوالد مزارع واكيد يبي يعلمه السواقه في مزرعتنا الغراء الله يحفظها <<<<ايه اخلصي..المهم اول ما دق سلف وداس على الشكمان الا يوم اشتغلت ويفق خشته من الفرحه (عرفت اسوق عرفت اسوق)على باله انجاز هو ويا وجهه مادرى انه توه ..والا يوم جاه ذاك القرموع(قرموع هذي هي الخبزه او الكليجا يعني المهم انها تظهر صعرورن في الراس من شد وقعتها)..المهم ..عاد الوالد يقوله اصبر توك يا الخبل حطه بالاول (الله يهديك يبه وشوله ترز خشك تعلمه دامه يعرف يحطه بالاول)ويعلمه الوالد ويحطه المحروس بالاول وحط رجلك ياولد على البنزيم كله (على باله ملاهي هو وخشته)وادعس وطبعا تعرفون وش يبي يصير اذا حط رجله على البنزيم كله ..وشت بهم السياره تقل طيارة نفاثه الا يوم يلحقه الوالد قراميع الين غدى راسه
ازرق (تونا راجعين من العمرة ومقرعينه)ويوقفه الوالد ويسوق الوادل قدامه عشان يشوف الطريقه يوم عرف عادالله لا يوريكم المزرعه انقلبت مذمار تفحيط مابقى بقعتن في المزرعه ما فيها رقم خمسه (طبعا هذا عقب ماتعلم باسبوعين) ومن عقبها كل ما مسك له ها الدردعه لازم يانخلتن مقلوعه يا يوطي جرذان ولا دجاجتن يسلط عليها وتلقى حتفها يعني عليها السلام وطاها اخينا في الله وتشوف الديك حولها يطوف ضايقن صدرة على مرته وهو والله ما عليه
اكبر همه ذا الديك بس ..ولا تشوفه يهبل بعامل المزرعة يلاحقه بالسيارة وهو ضعيف يقول كلاس كلاس بابا آسم انا فيه الم عمي(عمي هذا يعني ماي فاذر ابوي)<<والله حاله عاصم بابا وابوي عمي شوفوا الاحترام بسويجي ذاك اليوم اللي اركب معه فيه عاد انا وش حليلي في السواقه مؤدبه حتىالورد مانيب اوطيه<<ايه هين الفقيه بس.....واسوق السيارة واقعد اتميلح عند اخوي على بالي يعني اني سواقه واثري اندمجت مع الموضوع الا يوم اشقع لي ذيك النخله تو ابوي غارسها فرخ نخل يعني ...وافحط لك بالسيارة ياروح ما بعدك روح والبق عند بيت المزرعة واورط عويصم ويجي ابوي ويرمغه رمغ البهايم ....وانا داريه وش بيجيني في البيت ياليت ان ابوي رامغني ولا عويصم وابوي يرمغه وانا مقطعتن عمري بالبتسي...يوم رجعنا للبيت ويتولاني المحروس ويدبغني الييييييييييييييييييييييييييين قلت كــــــهـــــح بغت تطلع روحي نمت وخشمي يخر تقل رعاف مهوب طق (ياناس وش اسوي مافيه حل الا اني اعرس ومن يتقدم لي ما عليه انا بادفع له المهربس يفكني من عويصم تهي تهي)

الله يصبرني في بلواي ويهدي اخوي وترزقه بذيك الحرمه اللي ترمغه رمغ وتاخذ حقي منه
لازم انتقم منه واخطب له عربجيه واورطه <<<<ان كيدهن لعظيم


الجزء الثالث
العنوان

--*¨®¨*--|عويصم يعتمر|--*¨®¨*--

طبعا كل واحد يسافر جوله في ربوع بلادي لازم يعتمر ان الله سهلها له
المهم .... عويصم كبر خلاص راح من ثاني ابتودائي لما ثالث ولازم يكمل نصف
دينه<<<<اقول انطمي لاتفلفسين....ايه ثمن رحنا طبعا نحرم في الميقات
وشرينا له احرام بطلعة الروح مقاسه xxxxsماينلقى ها الايام <<<تحمدو ربكم
واذا جبنا له المقاس اللي في سنه ولبسناه طلع له ذاك المقفى(شيء منتفخ
يوجد في كل انسان ويكثر بين النساء) من كثر اللفات يطلع له المشكله ماجت
في الاحرام المشكله انه عيا يحرم....ياتورى وش السبب ..اثر السالفه ومافيها
انه ما يبي يفصخ صريويله(ملابسه الداخليه يعني)وطبعا المعروف ان الرجال
لازم مايكون عليهم الا احرام وبس بدون الملابس الداخليه(الله وناسه)المهم كلفتني
الوالده اني اتولى امر ترقيته الى رتبه محرم يعني بالعربي انا اللي ابلبسه الاحرام
وفقا للبند ميه وحدعش(111)الذي ينص على :انه لازم تطيع شور اي عاقل واذا
مالم يتم ذالك تحال الى المحكمه واقعدوا 7سنين الين يصدر الحكم زي كل محاكمنا
الغراء...المهم ويقدر الله والبسه الاحرام...وانا اساحره في ها الصريويل ابيه يفصخه
بالطق والطقيق والكف والكفيف فصخه بعد ما فقع لي وجههي وتسبب في عاهه
مستديمه اسفل الخد اسفرت عن جرح بعمق 2ملي متر وذلك بالتعدي عليها بالضرب
بواسطه مبرد في مقص اظافر اللي يبيعونه البساطات حول الميقات ..وبعد مانزفت
الدماء ونتفت الشوشه لبسنا الاحرام ...الله ياعليه شكل كنه عمود كهرب توهم صابغينه
ومابعد ركبوا لمبته ...عاد اجيك انا اتطنز (وش رايك بالشعور بدون صروال ..ههههههههه)
ينظر الي بكل وحشيه ويقول(انطمي لاوريتس اللي ماينتورى في هاالميقات اخليه
حديث البلوتوث)ووالله انطم الين وصلنا لمكه ..وننزل في ذيك الشقه ونقعد الين
بزغ نور الفجر ونروح نعتمر وطبعا كلفت بان اكون البودي قارد حقه يعني اعتمر انا
وعويصم (مستحييييييييييييييييييييييييييييييييييل)كل اثنين مع بعض عشان نخلص بسرعه
ويمدينا نرجع ...ياربيه تخيلوه معي وش بيصير اكيد نبي نطلع في الCNNوالجزيره
واطوف به شوطين يوم قال (وقفي تعبت)انا ماني موقفه اذا وقفت راح يخلصون قبلي
اهلي لازم اصير معهموقول له(لا ماني موقفه)ويجرني الولد ويركب على ظهري
حمار انا عندك يعني طوفي وانتي عاكتني...انا خبري الاخو يعك اخته مهوب
الاخت تعك اخوها ....المهم واعكه نصف شوط واودعه عند تكرونيه من تكارنه الحرم
علىامل انه ينخطف وارتاح<<<<اعوذ بالله من شري..يوم خلصت من الطواف
والقاه قاعد والتكرونيه انحاشت منه اكيد لاعبن عليها قايل ان معي حزام ناسف
تخبرون علىالموضه ...المهم واصلي ركعتي خلف المقام واروح اسعى انا وياه
وكل شوي موقف يشرب ماء واهلي اكيد خلصوا لاننا طالعين مصلين الفجر في الحرم
واناظر الساعه الا هي 9الصبح وتوني ماخلصت سعي ....وفي غمضه عين
ضاع اخوي مدري وين راح مني كله عشاني ناظرت الساعه ....وطبعا اكيد ارتعت
عليه وبغيت انهبل وانا بقي لي 3 اشواط واخلص السعي بس وقفت ساعتين ادوره
وكل شوي خامني وفد من ها الايرانيين معهم ومره وفد اندونيسي ...لما
طفح الكيل وقعدت في اعلى المروه اصيح امتلت الشيله من خكثر ما امسح فيها
خشمي ...ويقدر الله واطلب من وحده جوالها لاني مخليه جوالي واكلم علىالوالد
واقوله باللي صار اثره عويصم شايفن ابوي وطار له بدون مايقول لي وانا
الي تهل دميعاتي على اخيي ...واقول لهم اجل اصبروا لي اخلص السعي واجيكم
عند بوابه الملك عبد العزيز ...واخلص السعي الساعة 3 بالضبط ...تخيلو ..طلع
حج مهوب عمره 10 ساعات عمره
المهم جت على خير وعويصم لا يزال يتمتع بصحه جيده
اما بالنسبه للتكرونيه فالظاهر حاشها جنون اتلكارنه اللي هابين فيه ها الايام
هذا وصلى الله علىنبينا محمد

مع تحياتي المنبثقه من بيتنا اللي جنب بيت جيراننا

انتظروا الاجزاء الجايه :D

[ALEメA]

السلام عليكم ورحمة الله وبركاته

اسمحي لي وين التسذوبات اللي تقول يلا تتدلعي نبي الجزء الجديد؟ انييييييين

:mad: وينتسن :mad: ؟

آه بس لو اعرف بيوتكن كان جريتكن مع شويشاتكن


انحن مانقول نستنى نقول نحتري << اصحح لتس فيها شي << ياشين الناس اذا قاموا يتمصلون
اي والله انتس صادزه انا ماهرج تسذياني الا معتس:مندهش:




معليش بس انا ملاحظه هنا في المنتدى بعض الاعضاء مايردون الا علشان مراقب وينسون الموضوع
اتمنى انتس مازعلتي بس الصراحه اكره مالي هالحركات
ومشكووووووووووووره على الرد وتكلمي زينا تراتس ماشا الله كأنتس منا بس تسوين كوكتيل بين لهجتنا ولهجتكم

انا عن نفسي ماشفت من هالاعضاء انا اذا دخلت موضوعن اشوف الاعضاء انحاشوا عنه:confused: :D

--*¨®¨*--|عويصم يعتمر|--*¨®¨*--

:ضحكة: :ضحكة:

احلى جزء:D

....ياتورى وش السبب ..اثر السالفه ومافيها
انه ما يبي يفصخ صريويله(ملابسه الداخليه يعني)

http://www.mexat.com/vb/images/wysiwyg/spoiler.gifياحليله حليلاه يستحي مايحب التزلط:D


واودعه عند تكرونيه من تكارنه الحرم
علىامل انه ينخطف وارتاح<<<<اعوذ بالله من شري..يوم خلصت من الطواف
والقاه قاعد والتكرونيه انحاشت منه اكيد لاعبن عليها قايل ان معي حزام ناسف
تخبرون علىالموضه ...

يقطع شرتس ياللي كتبتي هالكلام:ضحكة::ضحكة:



الشيله من خكثر ما امسح فيها
خشمي ...ويقدر الله واطلب من وحده جوالها لاني مخليه جوالي واكلم علىالوالد
واقوله باللي صار اثره عويصم شايفن ابوي وطار له بدون مايقول لي وانا
الي تهل دميعاتي على اخيي

:بكاء: :بكاء: موقف تهل من اجل الخشيمات :بكاء: :بكاء:

وتتوقف من اجله العوينات:eek: << ايش رايك بالشعر;)


اما بالنسبه للتكرونيه فالظاهر حاشها جنون اتلكارنه اللي هابين فيه ها الايام
لا وانا اختس شفتها عند الاشاره ماسكتن عربيه اطفال مكسره وحالتها حاله:eek: وتقول انه فيه ورعن معه بامبرز ناسف او كلاشن كوف مدري عاد:D

تسلمين ع القصة لتس كانت او لقريبتس وبارك الله فيتسن وفي عويصم ولد عائلتكن

ضحكتيني ورجعتيني الى ماضيي الجميل بلغتي الام الجميله:مذنب:

اوخيتس

ام مناحي:D

مع احتراميhttp://www.mexat.com/vb/attachment.php?attachmentid=29534&stc=1

ِِAleXa

[الفتاةالhunter]

المشكله انه عيا يحرم....ياتورى وش السبب ..اثر السالفه ومافيها
انه ما يبي يفصخ صريويله(ملابسه الداخليه يعني)وطبعا المعروف ان الرجال
لازم مايكون عليهم الا احرام وبس بدون الملابس الداخليه(الله وناسه)
خخخخخخخخخخ:D :D
عاجبك الوضع :D
اذكر ان اخوي الصغير يوم احرمنا كان مستانس انه ما لبس سروال :سعادة2:
عشان يتهوى :o :D
بس الله يفشله طاح الاحرام وظهر ال.....:لعق:

صراحة اخوك موب صاحي :p :D
احس انه يوسع الصدر

ومشكوووووووره اوي على القصص الخطيرة
فيني النوم :نوم: ويوم قريتها صحصحت :ضحكة:

يللا بانتظار التكملة ;)

[عـذب الكـلام]

ههههههههههههه
الله يعينك ولا يبتلينا
مشكوره اختي وننتظر المزيد
ترى انا مسوي مدرسة تربية لة تبين ترسلينه مجانا
هع هع هع

[ILOVE كونان]

مشكووووووووورة
اختي عالموضوع الخطييييييييير::جيد::
والرااااااااااائع::سخرية::
بس ارجو منك ان تغيري لون الخط...

لاني انعميت من كثر ما الخط مو واااظح:eek:

ارجو انك تكملين القصة تراني متحمسة:D :)

تحياتي :p

[Cloud Strife]

ALEメA

السلام عليكم ورحمة الله وبركاته
وعليكم السلام ورحمه الله وبركاته :)


اسمحي لي وين التسذوبات اللي تقول يلا تتدلعي نبي الجزء الجديد؟ انييييييين
اخسي يالتسذوبات :D
ياختي وش عليتس منها اكيد عندها امتحانات او انها لما شافتتس ارتاعت :D


آه بس لو اعرف بيوتكن كان جريتكن مع شويشاتكن
بسم الله تسنها حتسوه امي :eek: ألا صاقت :mad:


اي والله انتس صادزه انا ماهرج تسذياني الا معتس:مندهش:
يعني انتي اصلا لهجتس نفس لهجتي :eek:


انا عن نفسي ماشفت من هالاعضاء انا اذا دخلت موضوعن اشوف الاعضاء انحاشوا عنه:confused: :D
اقول وين راحوا اثر المشكله :لقافة: ... هنا شبح وهو انتي :p ...


--*¨®¨*--|عويصم يعتمر|--*¨®¨*--

:ضحكة: :ضحكة:

احلى جزء:D
حسبي الله على ابليستس بس :D



http://www.mexat.com/vb/images/wysiwyg/spoiler.gifياحليله حليلاه يستحي مايحب التزلط:D
هذولا عيالنا كذا ;)


يقطع شرتس ياللي كتبتي هالكلام:ضحكة::ضحكة:
ابوصلها هالكلام :D


:بكاء: :بكاء: موقف تهل من اجل الخشيمات :بكاء: :بكاء:

وتتوقف من اجله العوينات:eek: << ايش رايك بالشعر;)
والله انتس منتب صاحيه :لقافة:
يهبل وخاصه الخشيمات :D


تسلمين ع القصة لتس كانت او لقريبتس وبارك الله فيتسن وفي عويصم ولد عائلتكن
الله يسلمتس ;)


ضحكتيني ورجعتيني الى ماضيي الجميل بلغتي الام الجميله:مذنب:
طيب احتسي في المنتدى على قولتس لغه الام ;)


اوخيتس

ام مناحي:D
اثر مناحي له ام :لقافة: ياحبيله تراني ابيه لاتخطبين له لحد :p

الفتاةالhunter

]خخخخخخخخخخ:D :D
عاجبك الوضع :D
خخخخخخخ بنت خالي مهيب صاحيه تراها :p


اذكر ان اخوي الصغير يوم احرمنا كان مستانس انه ما لبس سروال :سعادة2:
عشان يتهوى :o :D
بس الله يفشله طاح الاحرام وظهر ال.....:لعق:
هههههههههههههههههههههههههههههههههههههه
الولد مستانس بزياده واخر شي طلع قشه :p :p (( قشه : معناها اشيائه ))
ياختي قاعده اتخيل الموقف خلاص ماقدر كل اليوم وانا اضحك :D


صراحة اخوك موب صاحي :p :D
احس انه يوسع الصدر
هذا مهوب اخوي يصير ولد خالي :)


ومشكوووووووره اوي على القصص الخطيرة
فيني النوم :نوم: ويوم قريتها صحصحت :ضحكة:
العفووووو اختي وشكرا على المرور والرد ;)


يللا بانتظار التكملة ;)
انشا الله اجيب التكمله ;)


ههههههههههههه
الله يعينك ولا يبتلينا
الله يعين بنيه خويلي بس :D


مشكوره اختي وننتظر المزيد
ترى انا مسوي مدرسة تربية لة تبين ترسلينه مجانا
هع هع هع
العفو ;)
ومدارس تربيه ماينفع معه :D
هذا شي في داخله مايتغير :mad:

ILOVE كونان

مشكووووووووورة
العفوووووووو :)


اختي عالموضوع الخطييييييييير::جيد::
ومافيه خطير الا انتي ;)


بس ارجو منك ان تغيري لون الخط...

لاني انعميت من كثر ما الخط مو واااظح:eek:
لا منيب مغيرته :D << وحده نذله
ابخليتس تنعمين صدز :eek: ...
تراني امزح :p بسم الله عليتس وماتشوفين شر ::سعادة::
ابغير اللون لا تخافين ::جيد::


ارجو انك تكملين القصة تراني متحمسة:D :)
انشا الله احطها اليوم ولا بكرا :مرتبك:

[ana-k.s.a-girl]

ههههههههههههههههههههههههههههه الله يرجك انتي واخوك مدري ولد خالتك عاصم خخخخخخخخخخخخخخخخخخخخخ
<<<<------------------------------- فاطسه من الضحك

[sasuke_kun]

شكرا على الموضوع الحلو

[Tifa Lockheart]

اقوول انا الي بكمل بدال كلاود (( انا اختها )) ... !! :)

*·~-.¸¸,.-~*عويصم في حالة حب*·~-.¸¸,.-~*

اصبح صبح يوم الخميس وكعادتنا كل خميس لازم نكون في المزرعه يعني تفحيط بها الددسن المخردع ...

وتقليع نخل ...وتغفيصن في ها الدجاج يعني حوسه ..طبعا هذا انا وعويصم نسويه ...ولا يخلو هذا اليوم من الكدمات لان الوالد الله يحفظه يغار على نخله اكثر منا ...

المهم ..رحنا للمزرعه وكان يوم ماينسى لانه جت معنا بنت عمتي ميري وانا وياها ما ننحط مع بعض تنقلب الدنيا ....بس ذاك اليوم عويصم مهوب طبيعي اول مره يجلس هادي ويفكر والمشكله قاعدن عند حوض الماء حق الساقي ويبربس (يعني يلعب بالماء) ...

المهم ...الرجال في عالم ثاني وانا اناظره باستغراب ...لااااا الرجال مهوب طبيعي اكيد يفكر ينتقم من شي ولا يدور طريقه جديده عشان يكفخني فيها ....

بس الرجال مهوب يم كلامي كله ...المهم ..جاء المغرب ورجعنا للبيت ..والرجال مازال على حالتن يرثى لها..

انا زي العاده قضبت ها المسجل ورنعه (رنعه:هي الصوت المزعج )ويجيك الولد ويصقعني وياخذ مني المسجل ...وياخذ مني شريط لخالد عبد الرحمن واروح اتصنت على غرفته .. صااااااااااااااااااااااااعقه....عويصم يسمع اغنيه(دنيا جديده)...

مهوب عادته بالعاده بشير شنان ولا فري بيبي...واذا فكرراشد الماجد...بس يسمع لخالد هذي معجزه ...

والمشكله الاغنيه رومنسيه..يعني الرجال فيه شي...وادخل عليه وهو نايم وامعط المسجل (حقي بعد)..

واشوف ورقه ماسكها....وآخذها واقراها ...المكتوب صاااااعقه ..وابداااع...الرجال قلب 280درجه فهرنهيت<<<وش تبي فهرنهيت.....المهم...مكتوب فيها ...الى حبيبتي(........) التحيه وبعد ...!!

انا اوحبوكي<<<<ماعنده وقت مهوب حاط حركات...المهم ..كاتب انا اوحبوكي ولا اعرف وشلون اقول لك ..انا بصراحه اوحبوكي<<<ايه درينا.....وابي اذا كبرنا نتزوج ...حبيبك الى قبل (يعني الى الابد) عاصم..... !!!!!!!!!!!

وانا اللي تهل دميعاتي ياحليله اخوي يحب ...وارجع الورقه زي ماكانت طبعا الواحد يخاف من اللي جاي الله يستر...ويقوم الصبح ومن حسن حظه ان وجهتنا الى بيت حبيبته المقروده...

ونروح انا ارقب من بعيد ويسلمها التقرير ....المشكله ذا الدلخ معطيها الورقه وهي توها اولى ابتودائي ولا مستمعه بعد يعني القرايه منا وهي منا...وتاخذها البنت وتقول (وشي ذي)قال لها(اقريها وانتي تعرفين)<<<مسوي لي فيها رومنسي هو ويا وجهه افلق روحي اذا فهمت البنت شي...

وتوديها البنت لامها وتقول يمه اقريها لي .....وتقرى ...وتقرى....وتقرى وهي عيونها شوي تطلع من الصوقه ...الا وانقلبت عيونها ...وتنادي اخوي...وتقول له (وشي هذي)...عويصم يرد بثقه(ورقه)..

قالت (ادري ورقه...بس وش انت كاتبن فيها)...قال(حتسي<<يعني كلام)..قالت(وشذا الحتسي)....

ويبداء النقاش الحاد ...وتقطع قلب اخوي ...ومن كثر ماهو صايقن على معشوقته ..يعني لي تودينها لامتس تقراها ياالدلخه ....

يقوم ويعطيها ذاك البقس (يعني بوكس)مع خشمها نقلت على اثرها للمستشفى ..البنت اغمى عليها <<<<مالت عليه من حب...

وتجي الوالده وترمغه(يعني تدبغه دبغا مبرحا الييييييين قال بس يا ابا الفرج).....والبنت من عقبها ماعاد تواطنه وحرمت تاخذ منه اوراق ....

والرجال ولا همه حول على الموجه الثانيه ...الحين هو يحب اختها عشان يقهرها <<<اللهم لك الحمد ...

كل ليله تكلم امهم تشكى من كثر الهواش....ايه مقيوله اللي مايعرف الصقر يشويه<<<<وش يبي ذا المثل ..

وعويصم الحين قاعدن يفرفر بها السيكل في ها الحوش وانا قاعده اكتب ...جعله يتكرفس هو ويا سيكله ..والظاهر الحين يفكر يرقى علي عشان الكف الصباحي ...

الله يعين ..

×?°عويصم وقدر المرقوق×?°

عويصم في ها السالفه مهوب صاحي لانه فسد مستقبلي ....السالفه ومافيها ..انه فيه ناس كانو يلمحون لي انهم بيخطبونيي عاد انا ماصدقت من الفرحه ...

وبدى النفاق طبعا كل البنات اذا حسوا ان فلانه تحط العين عليها قامن يتميلحن ...لازم تسوي نفسها سنعه وهي ماتدبر شي حتى بريق الشاهي ماتعرف تسويه....

بس انا الحمد لله مجندتني الوالده زين الله يحفظها....المهم ويقدر الله وتعزم الوالده ذا اللي يلمحون لي ....وتطلب من جارتنا (ام عبد الله) تزين لنا المرقوق ...

وجو الناس وبديت اتميلح ..السالفه مهيب سالفتي السالفه في قدر ها المرقوق اللي حطم حياتي....

جهز المرقوق وقالت الوالده لعويصم انه يجيبه من (ام عبد الله)...وهو ماشي في الطريق ويقدر الله ويتكرفس الولد هو العربيه اللي شايلن فيها المرقوق وينكب نصفه في الشارع......

والوالده تحتري متى يجي ذا الولد ....تدرون وش زين ...قام يغرف من المرقوق اللي انكب ويرجعه في القدر (وععععععععععععع)....فاجعه الا مصيبه ... << الله يقرفهم ..

المهم وانحن ياغافلين لكم الله...ويجيب المروق ....وتغرفه امي في الصحون كالمعتاد ولا بان عليه انه منكب ابد ...ويوم قلطنا ...وقامو ياكلون في ها المرقوق الا وتلفعت خششهم ...

كنهم ياكلون ليمون..عاد انا قلت وراهم مافيه احسن من مرقوق ام عبد الله ...وآكل منه ....ياليتني ماكلت ... (( حامت تسبدها )) ..

كني آكل من النفود ...كله تراب الله يلعن ابليس....وتتصل الوالده على ام عبد الله وتعلمها ..

وتقعد الحرمه تحلف (والله اني طابخته في قدورن نظيفه ماجاه شي )...المهم وتجي مشاده خفيفه بينهم .....وتعشوا الناس ومشوا......

وصار مرقوقنا حتسي الحريم ....وقلت في نفسي اكيد عويصم مسوي له شي...وامسك الولد واستجوبه ....ويطلع لي الحقيقه المره ...

طبعا انا سييييده للحمام ...وعقب ما فرغت محتويات بطني ركضت للوالده وعلمتها<<<اعوذ بالله من ذا النذله...

بس يستاهل فشلنا عند الناس....وتجلده الوالده جلدا مبرحا الين تصلخ جلده .... وعقب يوم خف عليه الوجع عقب مادبغته الوالده ويقوم علي ......

ويدبغني دبغ الحمير ويمعط شوشتي من اول الصاله الى اخرها ....الييييييين دار راسي صرت ما اشوف شي ....وقمت الصبح ولقيتني نايمتن في اقصى الصاله ... << الله من التسذب ..

من كثر الصياح والدوخه نمت <<<<حركات بزران...والحمد لله جت سليمه ها المره مافيه اضرار خارجيه بس سقط مني كم خصله من شعري و شباصتي انكسرت ...يعني شي اهون من شي ..

الجزء الأخـــير ..

|؛¤ّ,¸¸,ّ¤؛| عويصم بامريكا |؛¤ّ,¸¸,ّ¤؛

القصه ومافيها هو ان الاهل الله يحفظهم سافرو لامريكا من اسبوع ونصف تقريبا ....وانا طبعا منطولتن في احد دور الاقارب للرعايه الصحيه والعقليه(امزح)...

المهم نطلوني عند عمي طبعا عشان الجامعه انتم خابرين الدراسه اهم ....السالفه انهم يوم وصلوا هناك طبعا اقامو في بيتنا القديم اللي في نيويورك طبعا اجار والوالد عنده شغل هناك والمده اللي بيقضونها بامريكا طويلتن شوي يعني قرابه الشهرين بحكم شغل الوالد.....

السالفه ومافيها عويصم هو الوحيد منا اللي انولد بالسعوديه كلنا مولودين بامريكا الا هو واختي الصغنونه اللي بعده ....

المهم ..... طبعا الولد قروي اول مره يشوف اوادم سنعين ومرتبين مهوب مثله هو وشهبته وخشته ذا اللي فيها بقايا رز عقب العشا...والمشكله ان امي تقول لي انه يمشي في شوارعهم بقميصه يحسب انه في الرياض هو ووجهه ... مفشلهم ...

وهو في طريقه للسوبر ماركت شاف له عود يشحذ طبعا الشحاذه عندهم مؤدبه يا يعزف لك على آله موسيقيه ولا مسرح عرايس وهاه من ها الشغلات يعني اسلوب حلو ...

مهوب مثل ذا اللي عندنا يلحقك من محل لمحل من يشوف البوك في 10 ريال الا بياخذها وينشب في حلقك واذا عطيته ريال نفخ براطمه عليك ومشى يعني ابي زود ....

المهم ..اخوي قعديناظر عليه وذا العود معه كورديون آله موسيقيه ويعزف وش حليله وعويصم يتفرج ...

ويناظر متعجب ها القروي ....يوم خلص الرجال عازف ويناظر اخوي يعني عطني شي مهوب تسمع ببلاش ....الاخ مشى وعطاه اشكل )_)_)

عاد ذا العود اكيد تحطم ساعه وهو يعزف وفي الاخير يسفهه اخينا في الله ...ومن بكره نفس الحاله ..

وبتل على ها الحاله 3 ايام يجي ويمر من عند ذا الشحاذ ويسمع ويمشي ...الشحاذ انقهر وغير المكان وشافه عويصم في المكان الجديد ويروح يسمع منه وينقهر ذا الامريكي ويقوله (واي يو الويز تشيسنق مي وات دو يو وانت فروم مي)يعني وراك تلاحقني ايها الورع وش تبي مني ...

الظاهر الشحاذ شك في اخوي انه من المافيا السعوديه <<<<اقول الفقيه.....بصراحه اخوي شكله كنه من ذا اللي في العصابات اللي عندنا قميص وسبحه ونعال قديمه ومقطعه الله لايلوم ها الامريكي ان ارتاع منه ...

المهم ويتفل في خشته اخوي ويقول له بالعربي (من زينك ياكويحه)الشحاذ من الزنوج اللي عندهم...عاد هو يعرف معنى كويحه ......

بس لو قايل له (نقرو)يعني زنجي واختصارها (نقا)قابلوني اذا شفتو عويصم يسب مره ثانيه..المهم الامريكي بلم ولا يدري وش السالفه شال قشه ومشى ...

الا يوم فلقه اخوي بسبحته وانحاش ...حركات عيالنا مايخلون احد الا وآذوه اعوذ بالله...المهم نه ذا العويصم ماخلا احد بنيويورك الا وآذاه توقعو خبر في قنا السي ان ان والا الجزيره يلقونه فيه وعنوان الخبر(اصغر منتمي للقاعده يؤذي السكان في نيويورك ويفرض حضر التجول ) الله لا يلومهم موذي انا اتوقع الخبر ينزل بعد ايام ويداهمونه بالطيارات وبوش يلقي خطاب فيه (وي فاوند ذس لتل تشايلد ان نيويورك سيتي ..اند اي ثنك اسامه بن لادن ادابت هم فور ا سبيشل جوب هير ...

بت ذس از نوت علينا )يعني انهم لقو ذا الطفل في نيويورك ويعتقد ان اسامه بن لادن تباناه لاجل عمل خاص بس هذا مهوب علينا....والله بوش ماعنده ما عند جدتي لو يدري وش عويصم كان يعطيه رئاسه امريكا <<<ايه هين...
المهم ...السالفه وما فيها ان عويصم ما خلى احد بامريكا ما اذاه والوالده تهاتفني هاتفيا<<<لا ياشيخه تصدقين على بالي بقمر صناعي...الوالده قبل تكلمني وتشكى لي منه ومن عمايله وما فعله بالشعب الامريكي ..كود ينطلونه في قواتانامو ونرتاح منه ناخذ استراحه....تمت

مازال رجال الامن امريكيون يبحثون عن الرجل اللذي تسبب في كثير من اضرار الجسديه للشحاذين وذالك بسبب ضرب متكرر بعد انتهاء العرض ... مما ادى الى انخفاض مستوى الشحاذه في نيويورك فتره مؤقته لحين اكتشاف الفاعل خوفا من ان يقوم بشيء اكثر خطوره<<<<توقعوا كل شي من عويصم ...

وبالنسبه لامي الحصي اللي ماجبنا طاريها نظرا لانها قامت تصادق لي من عجز امريكا وتسولف لهن عن طفولتها اللي تحسفت انها قضتها في السعوديه ...وتقول امي انها طايحتن في كلمه اوكيه وكاتش يو ليتر ...مهيب سهله جدتي ..

اتمنى ان الجزء الاخير اعجبكم .. ;)

وهو عباره عن سالفه وخاتمه لسلسه مغامرات عويصم ..:o

ولتبرئه الذمه بعض الاحداث من نسج الخيال ولا لها اي صله بالواقع فقط للامتاع ..:)