الملاك القاتل
16-10-2013, 07:36
في يوم من الايام كان إبليس في غرفته , بلملم اواعيه في شنته
مع شوية اغراض الو ...
على الطاولة القريبة كانت استقالته موقّعة ومختومة حسب الأصول , وجنبها في تيكيت لجزر القمر
كانت ملامح وجهه في هاي اللحظات
تمليانه بالحزن, والكآبة , والإحباط , واليأس , وقلّة الحيلة ...
مع دهشة غير شكل ارتسمت على وجهو من فترة , واعترف بالعجز والفشل
إبليس بدو يروح من بلادنا بدون رجعة...
اجو حبايبنا المواطنين المؤمنين وحكولو :
وين يامسهّل؟ ليش عم بتضبّ أغراضك؟
يا جماعة ما ضلّلي قعدة عندكم , إلي سنين عاطل عن العمل
وقرّبت اموت من الجوع .. ما بلاقي معك سيجارة يا خيي ؟
ما رح أترك فيكم لا وسواس ولا خنّاس !
كنت زمان أوسوس للوحدة تترك ابنها يعيط وهي عم تحكي مع جاراتها,
هلأ صاروا لحالهم .. يرموا ولادهم بالحاوية أوّل ما يجوا
كنت أوسوس للواحد ينسى يسمّي الله قبل ما ياكل,
هلأ بطّل حدا يلاقي شي ياكلو ! يا زلمة..
إذا أنا إبليس ... تسمّمت بالشاورما
كنت كمان بوسوس للشب يرميلو كلمة عالبنت وهي ماشية بالشارع,
صاروا البنات يرمو عالشباب كلام أنا بستحي أحكيه
واحد بيسرق 100 مليون عينك عينك بيحبسوه 3 سنين بفيلاّ عالشط ,
وإثنين عم بينبشوا بمكبّ الزبالة بطخهم الشرطة ,
إنتو بدّكم إبليس إنتوا ؟؟؟؟
صار عندكم فائض بالفساد بكفّي 30 سنة لقدّام,
صرت خاف على حالي منكم يا زلمة
صرت انجبر مرّات اوسوس بالمقلوب وقول للمسؤول إرحم
وللحرامي بيكفّي .. خلّي شويّ للحراميّة اللي رح ييجوا بعدك ..
يعني إذا إنتو لحالكم بتعملوا كل هالبلاوي,
أنا إبليس شو أعمل ؟
أشتغل شوفير تكسي يعني
ولاّ أفتح صالون حلاقة ؟
مع شوية اغراض الو ...
على الطاولة القريبة كانت استقالته موقّعة ومختومة حسب الأصول , وجنبها في تيكيت لجزر القمر
كانت ملامح وجهه في هاي اللحظات
تمليانه بالحزن, والكآبة , والإحباط , واليأس , وقلّة الحيلة ...
مع دهشة غير شكل ارتسمت على وجهو من فترة , واعترف بالعجز والفشل
إبليس بدو يروح من بلادنا بدون رجعة...
اجو حبايبنا المواطنين المؤمنين وحكولو :
وين يامسهّل؟ ليش عم بتضبّ أغراضك؟
يا جماعة ما ضلّلي قعدة عندكم , إلي سنين عاطل عن العمل
وقرّبت اموت من الجوع .. ما بلاقي معك سيجارة يا خيي ؟
ما رح أترك فيكم لا وسواس ولا خنّاس !
كنت زمان أوسوس للوحدة تترك ابنها يعيط وهي عم تحكي مع جاراتها,
هلأ صاروا لحالهم .. يرموا ولادهم بالحاوية أوّل ما يجوا
كنت أوسوس للواحد ينسى يسمّي الله قبل ما ياكل,
هلأ بطّل حدا يلاقي شي ياكلو ! يا زلمة..
إذا أنا إبليس ... تسمّمت بالشاورما
كنت كمان بوسوس للشب يرميلو كلمة عالبنت وهي ماشية بالشارع,
صاروا البنات يرمو عالشباب كلام أنا بستحي أحكيه
واحد بيسرق 100 مليون عينك عينك بيحبسوه 3 سنين بفيلاّ عالشط ,
وإثنين عم بينبشوا بمكبّ الزبالة بطخهم الشرطة ,
إنتو بدّكم إبليس إنتوا ؟؟؟؟
صار عندكم فائض بالفساد بكفّي 30 سنة لقدّام,
صرت خاف على حالي منكم يا زلمة
صرت انجبر مرّات اوسوس بالمقلوب وقول للمسؤول إرحم
وللحرامي بيكفّي .. خلّي شويّ للحراميّة اللي رح ييجوا بعدك ..
يعني إذا إنتو لحالكم بتعملوا كل هالبلاوي,
أنا إبليس شو أعمل ؟
أشتغل شوفير تكسي يعني
ولاّ أفتح صالون حلاقة ؟