روآيتي الأولى ( يوميات غـادة ) [الارشيف]

عرض كامل الموضوع : روآيتي الأولى ( يوميات غـادة )

ميتسو ..

25-05-2013, 21:44

السلام عليكم ورحمة الله وبركاته

هذا اول طرح لي , و اول روايه ..
حبيت اشارك فيها واتمنى ان تنال اعجابكم ....

اتمنى تشاركوني فيها وتعطوني آرائكم وانتقاداتكم عشان اتحسن اكثر..
راح احط جزء بسيط من الروايه , اذا لقيت تفاعل راح اكمل :peaceful:

ميتسو ..

25-05-2013, 21:46

يوميات غاده ...

آلو صقر وينك ؟؟؟
صقر : في البر مع اصحابي ,,خير وش تبين ؟
وهي تصارخ بقوه ... لآآآآآآآآآ وش تقول ! ابي اروح لفدوه بنت خالتي ,, بالله عليك من يوديني الحين ؟؟
بسرعه تطلع من تحت الارض ..
صقر : عسى جني يطلع لك بطيتي طبلة اذوني انقلعي عن وجهي ,, وقفل الخط
ياربيييييييي والحل .....!! دقت ع اخوها جواد , آلو
جواد وهو مبتسم : آلووو .هلا باالغلآ
هلا فيك يالغالي ,تصدق ؟
جواد : ايش ؟
احبك .. انت احسن اخ بالكون كله
جواد : وش تبين , ماقلتين هذا كله الا تبين شي
وهي تضحك : حبيبتك تبيني اروح لها ,وقالت خلي جوجو يجيبك لي
جواد : هااااااا ؟؟ الحب قالت كذا , وجوجو بعد !! ياللا هذانا عند الباب ( ووجها قلب طماط ) ..
غاده : هههههههههههههههههههه ( بضحكتها الشريره والي كلها مكر .. ) ماتجون االا بالحيله
( تجهزت ولبست تنوره قصيره تحت الركبه زهريه وتيشيرت ابيض ) ..
غاده بنت طموحه وتحب كل شي فيه هبال وتحب المغامرات ودايم مفرفشه , ومعروفه انها دايم تحب تجيب سوالف من عندها وقصص ..,سنه اولى جامعه .. متوسطة الطول , بشرتها بيضه وشعرها طويل ناعم لونه اسود ..
والكل يحب الغمازات الي بخدها ,وعينها الواسعه العسليه ..

عائلة غاده ...
ابو صقر عمره 47 انسان طيب ومعروف بطيبته ومصاب بمرض القلب متقاعد من وظيفته .. بعد ماجت له جلطه
ام صقر عمرها 43 عصبيه بس قلبها طيب والكل يحبها ..
صقر اخوها الكبير عمره 25 متخرج من الجامعه ادارة اعمال مو لاقي له وظيفه ,, دايم طفشان واخلاقه بخشمه ولا احد يكلمه من اخلاقه .. طويل فيه ضخامه من العضلات ابيض البشره عيونه كحيله عسليه وشعره كثيف اسود , وكل البنات يخقوون عليه بس يطنشهم ..
جواد عمره 22 سنه شبيه لغاده في حركاتها طايش شوي يدرس في الجامعه هندسه
طويل اسمر شعره طويل لرقبه وكثيف لونه اسود وعيونه سود واسعه , جميل جدآ ..

طلعت غاده من البيت وركبت السياره ..
جواد بحماس : أي وبعد ايش قالت الحب ؟؟؟
غاده : يا الله ماراح تفكني الحين
جواد ( وهو يناظرها بعصبيه ) : انزلي .. اقلك بسرعه انزلي , تكذبين علي ها !!
غاده : خافت على عمرها وعلى طلعتها , لا ابد بس ما ابي اقول ايش قالت
جواد : ليش ؟؟؟ فيها شي فدوه !!
غاده وهي كاتمه ضحكتها : لا لا بس فدوه مشتاقه لي ودايم تعاتبني ومحد يوديني لها ,وهي زعلانه ..
جواد : بس ؟؟ ما تكلمت عني !!
غاده : لآ
جواد بحزن : طيب اذا على الي يوديك لها انا كل يوم راح اوديك لها ولا تزعل الحب ..
غاده : تسلم يا حبيب فدوه ( وهي جالسه جلسة المنتصره )
وصلت غاده بيت خالتها ام مازن , دخلت وشافت آمير يلعب بالموبايل
راحت له من ورى وخلعته : بوووووو
آمير نقز من الخلعه وطاح الموبايل , ألتفت لغاده ويناظرها بحقد وعصبيه :
غااااااااااده ماتجوزين هاااااا ؟؟؟؟؟؟؟؟
غاده اخدت الموبايل من الارض وكان متكسر وعطته آمير وهي ميته ضحك
غاده : والله والله مو انا , انت الي طيحته ...
آمير : ايش سويتي , كسرتيه !!!!
غاده ركييييض ع الدرج وهي تضحك
دخلت غرفة فدوه ولقتها تناظر من النافذه , قربت جنبها ولقت جواد عند سيارته
فدوه ما انتبهت لغاده , وكانت تناظر جواد و السماعات بأذنها تسمع ميوزك رومانسي
..
غاده تناظر لعصافير الحب وضربت فدوه على كتفها
فدوه طاح قلبها من الخلعه وقفلت الستار .. والدموع بعينها
ولما دارت وشافت من وراها : هذي انتي , خلعتينيي
غاده بمكر ولا هامنها : عليي؟؟ خفتين ها , وبتصيحين بعد ,, لا كملوووا رومنسيه
مالت عليك وعليه .. وش تحسون فيه , شوي وتموتون علي
فدوه : هو الي جابك هنا ؟
غاده بمسخره : لا جاي يغازلك
فدوه استحت : والله !!!, سلمي عليه ...

فدوه بنت خالة غاده وبنفس العمر الفرق بينهم شهرين في سنه اولى جامعه مو بنفس جامعة غاده , بنت شجاعه ومجنونه شوي وتحب تغامر وفيها جرئه وعصبيه عكس غاده ...
طويله ورشيقه بيضه , ناعمة الملامح عينها صغيره لونها اسود , شعرها اشقر قصير الى الرقبه ....

غاده وهي بعصبيه مصطنعه روحي عني انتي وياه وخلاص تعبتوني
ايش هالمسخره !!! احبه ويحبني ... استغفر الله بس اللهم لا تبتلينا
الا بصوت الباب يفتح بقوه وبينت ملامح آمير وهو معصب ...
وينها !!!!!!!!!!
غاده انفجرت ضحك , و آمير عصب اكثر وقرب منها
تخبت غاده عند فدوه ,, عامله نفسها مسكينه و خايفه ...
فدوه بعصبيه : خير خير ؟؟؟ وين جاي , داخل كذا لا احم ولا دستور
ياللا رويني عرض اكتافك , وليش جاي لغاده بعصبيه ها !!
عطاها الموبايل متكسر وبعصبيه : طالعي الموبايل كسرته لي
فدوه وهي تضحك : الله يغربلك يا غاده ما تجوزين انتي
غاده تقدمت بشجاعه لــ آمير , وينه الموبايل بشوف يمكن اصلحه
انت ما تعرف لهذي الاشياء ..
آمير من طيبته قفل ع الموضوع , ويعرف ان بنت خالته مجنونه
آمير : خلاص ماصار الا الخير بس لا تعيدينها , ولا ياويلك فاهمه !!! ...يقولها وهو مقهور
غاده وهي كاتمه ضحكتها : على هالخشم
آمير ونظراته كلها تهديد : ستندمين .....
طلع امير وهو مقهور على موبايله وكان وده يكسر راسها بس طيبته ...... ^^
غاده : فوفه وينه الي طلبته منك ؟
فدوه : طيب الحين بجيبه .. فتحت فدوه الدرج وطلعت منه كيس وكان داخله شي عطته غاده ,, تفضلي بس ترجعينه هاه ..
غاده تناظرها من طرف عينها بأبتسامه جانبيه بانت منها غمازتها الي بخدها : طيب راح ارجعه ..
وهي تضحك بمكر كأنها شريره :وراح ارويك شغلي زين وراح تجيني كل يوم من الادمان ..

ناروتو x ساكورا

25-05-2013, 22:06

السلام عليكم
حجز ولي عوده ^^

ميتسو ..

30-05-2013, 03:38

غاده : فوفه وينه الي طلبته منك ؟
فدوه : طيب الحين بجيبه .. فتحت فدوه الدرج وطلعت منه كيس وكان داخله شي عطته غاده ,, تفضلي بس ترجعينه هاه ..
غاده تناظرها من طرف عينها بأبتسامه جانبيه بانت منها غمازتها الي بخدها : طيب راح ارجعه ..
وهي تضحك بمكر كأنها شريره :وراح ارويك شغلي زين وراح تجيني كل يوم من الادمان ..
فدوه : هههه اوكي روينا شطارتك ..
جلست غاده على الارض وصارت تصفق وتغني بكلمات من عندها .. عاشووو
فدوه جلست جنبها وتهمس لها : غاده غاده
غاده تطالعها ببرود وكانت عارفه وش تبي منها فدوه : .. نعم ؟ خير !! تكلمي ...
فدوه بحياء : ج ....
ما لحقت فدوه كملت كلمتها الا وقفت غاده : انا جايه لك ولا عشان دايم نجيب سيرة جواد !!
فدوه بحزن : طيب خلاص ماراح اتكلم عنه .. بس تدرين ايش ؟
غاده : ايش ؟؟؟ .. ايوآ كملي ايش ؟
فدوه وهي تدعي من قلبها : يارب يا الآهي الي صابني يصيبك وتتعذبين من الحب
غاده انفجرت ضحك وصارت على الارض من الضحك
نعم ؟ عيدي ما سمعت .. ههههههههههههههههههه
أي طيب .. انا اطلع من هنا لا تجيني جلطه .. وينها نجود اقعد معاها احسن من جلستي معاك هههههههههه .. أي ادعي اكثر يا حلو .
طلعت غاده من غرفة فدوه , بعد ما تركت فدوه بعصبيتها
وهي نازله من على الدرج الطويل لقت خالتها ام مازن في الصاله جالسه على الكنب .. سلمت عليها وسألتها عن نجود ..
ام مازن : نجود تلقينها عند صديقتها سمر
غاده : اها .. طيب انا راح اتصل على اخوي ياخدني ما بقى شي ويأذن المغرب
ام مازن : ليه توه بدري يا بنتي ماصار لك شي من جيتي ..
غاده : أي بس حبيت اجي اسلم .. بكره الاختبار ولسه ما فتحت الكتاب بروح اذاكر .. ادعي لي يا خاله
ام مازن : الله يوفقك ان شاء الله يكون سهل .. وانا اعرفك شاطره ..
غاده بأبتسامه : هه أي شاطره
ام مازن :طيب لا تتصلين على اخوك .. مازن هنا خليه يوصلك
غاده : لا ما ابي اكلف عليه
ام مازن : ابد مو كلافه .. الحين بقول له يوصلك ..
راحت ام مازن لغرفة مازن ولقته صاحي من النوم .....
مازن : هلا يمه
ام مازن : مازن قوم وصل بنت خالتك بيتهم
مازن فتح فمه ويديه على خدينه : حصوووه ؟؟؟؟ ..
ام مازن : الله يغربلك اسمها حصه وعيب تقول عن بنت خالتك كذا وياللا قوم وصل بنت خالتك ...
مازن : طيب راح اقوم بس لا تزعلين ( يتكلم وحاط المخده على راسه ) .. راح اقوم بس عشانك .. ولا هالنشبه ما تستاهل ..

ام مازن ارمله توفى زوجها قبل خمس سنوات من حادث بالسياره وهو رايح الدوام .. عمرها 45 سنه انسانه اجتماعيه ومعروفه عند الحريم بثقلها ورزانتها ..
عندها مازن الكبير عمره 27 سنه موظف حكومي طويل اسمراني فيه غمازات في خده اليسار .. شعره اسود طويل دايم يخليه على ورآ وعينه واسعه مكحله رماديه يشبه صقر في جسمه لانه دايم معاه يروحوا صالة الرياضه .. معروف بعصبيته وحدة مزاجه ودايم يظهر جانبه العنيف وقليل يظهر الجانب الهادئ والمرح ..
آمير 21 سنه يدرس بالجامعه سنه ثالثه .. متوسط الطول بشرته مابين السمره والبيضه .. وسيم وشعره قصير اشقر وعينه صغيره سود , طيب وعلى نياته .. اذا عصب يصير شخص ثاني محد يعرفه ..
نجود عمرها 15 سنه في اول ثانوي قصيره سمره وعينها عسليه واسعه وشعرها اسود لنص الظهر .. عقلها اكبر من عمرها ودايم مع غاده .. مرحه وفيها شوي غرور
فدوه وسبق عرفنا عنها ...

*********

كانت غاده في الصاله الكبيره المطله على الدرج جالسه على الكنب مر من عندها آمير وتذكرت قهر آمير وضحكت بصوت عالي ..<< ماتقدر تقاوم الضحك
انتبه عليها آمير وابتسم ابتسامه فيها شي .. تقرب منها وهو يناظرها بغموض وتقرب منها اكثر
غاده رمت عليه الخداديات وقالت له يبعد عنها .. بس امير صار قريب منها وضحك بصوت عالي
آمير : كيف حالك غاده ؟ ... وهو يناظرها بنص عين
غاده ووجهها قلب احمر من الضحك وكانت مخبيه ضحكتها : مو بخير
آمير : ايش فيك ؟ تضايقتي مني .. ليش وجهك كذا
غاده : لا بس راسي يألمني ... تصرفه بالكلام عشان لا يجيب طاري الموبايل
آمير : طيب بروح اجيب لك بندول يمكن يخف راسك << مسكين بسرعه ينلعب عليه
غاده : أي تسوي خير
راح آمير للمطبخ وغاده غطت وجهها بيدها وضحكت ضحك مو طبيعي على براءة آمير .. مازن طلع من غرفته بعد ما لبس الثوب والشماغ حطه على كتفه والعقاال على راسه .. طل على الصاله وهو على الدرج ولقى بنت خالته جالسه ع الكنب .. وجلس يتأفأففف
مازن : اوووووف , هذي كل يوم جايه وعناد دايم تبيني اوصلها , مدري ايش شغلة السايق ..
وصل لنهاية الدرج : ياللا قومي مستنيك برآ ... ولا فكر انه يلتفت

انتهى البارت الأول
:afro:

Melody rain

30-05-2013, 05:49

ههههههه القصة مرة عجبتني وناطر التكملة

ميتسو ..

30-05-2013, 09:43

السلام عليكم
حجز ولي عوده ^^

يسلموووو على المرور :cocksure:

ميتسو ..

30-05-2013, 09:46

ههههههه القصة مرة عجبتني وناطر التكملة

يسلمووو على المرور ..
و يسعدني انها نالت اعجابك :congratulatory:
وان شاء الله التكمله اذا شفت متابعين وردود ><

Melody rain

30-05-2013, 14:03

الأمر طبيعي حينما لا ترين مشاركات كثيرة لا تستسلمي اكملي و سادعمك استمري

أمنية عصفوره

01-06-2013, 08:59

...الســـــــــــــــــــــــــلام عليـــــــــــــــــــــكم...

بداية جيده لقصه تشق طريقها ..
تأخذ الطابع الاجتماعي الشرقي..واللهجة العاميه..
ولنتعرف على غاده ام حصه..!!
القصه باسم غاده فلم يناديها مازن ولد خالتها بحصيص...؟؟
اظن ان البارت الاول كان موضحآ للشخصيات بشكل سريع
ولا اريد ان افسد القصه
ولكن لا شعوريآ اجد نفسي احاول التخمين لما هو قادم
يبدو ان غاده ستقع في حب مازن الذي يتأفف منها
وربما بادلها تلك المشاعر...
قصتك هي ما ستثبت صحة كلامي او خطأه...

لكني بشكل عام وجدت اسلوبك جيد في حياكة القصص
خصوصآ انها مشاهد تحدث في الواقع
وربما نرى بعضه في المسلسلات..

بانتظار الفصل القادم..

تقبلي مروري وتحياتي..
....ســـــــــــــــــــــــــــــــــــــــلام..^ ـ^

ميتسو ..

01-06-2013, 15:02

الأمر طبيعي حينما لا ترين مشاركات كثيرة لا تستسلمي اكملي و سادعمك استمري

شكرررررآ على حضورك ودعمك :redface:
وان شاء الله راح اكمل

ميتسو ..

01-06-2013, 15:08

orrora

01-06-2013, 17:34

حجز ^^

امواج السراب

01-06-2013, 20:20

حلوة حلوة ...
بداية موفقة لرواية جميلة
ننتظرك

sweet-jiji

02-06-2013, 16:22

السلام عليكم
اهنئك عزيزتي لاول رواية لك و اقوم بتشجيعك لتكملتها
موفقة انشالله ~~

ميتسو ..

06-06-2013, 00:54

حلوة حلوة ...
بداية موفقة لرواية جميلة
ننتظرك

مرورك الأجمل :love-struck:

ميتسو ..

06-06-2013, 00:55

السلام عليكم
اهنئك عزيزتي لاول رواية لك و اقوم بتشجيعك لتكملتها
موفقة انشالله ~~

وعليكم السلام
يسلمووو ع مرورك وشكرآ على تشجيعك
:tranquillity:

ميتسو ..

06-06-2013, 01:20

البارت 2 ....

نزل وهو يتأففف ومر من عندها ولا فكر ان يلتفت لها : ياللا قومي مستينك برآ
طلع من البيت وشغل السياره .. وجلس ينتظرها
غاده : يا ربي وش هاالاخلاق .. الله يعينك يا حصه هههههههههههههه
.. جا آمير المسكين لعند غاده
آمير : تفضلي غاده ان شاء الله راح تصيري زينه
غاده : شكرآ ما تقصر .... اخذت حبة البندول وشربتها عشان امير لا يشك
ياللا انا بروح تأمر على شي ...
آمير : وين ؟؟ بعدنا مانصفي لحساب
غاده : حساب !! آه راسي .. وش تقول أي حساب ؟؟
آمير وهو يناظرها بقهر : خلاص تالي بقول لك .. ماتشوفين شر
طلعت غاده من عند آمير وفجرتها ضحك وصلت عند السياره وركبت ورى السايق ..وهو مغمض عينه مايبي يشوف الي بتركب السياره .. مايدري انها غاده :
خيرجالسه ورى انا سايق عندك انا اسوق وانتي ورى .. بعصبيه
.. ولا اقلك احسن خليك جالسه ورى

************

طلعت فدوه من غرفتها وهي نازله من الدرج شافت آمير و سألته عن غاده ..
آمير : راحت
فدوه : لسه بدري ليش راحت
آمير : ياللا تبين شي .. انا طالع
فدوه : آووه آوووه وقف لحظه .. كاشخ لمين !! رايح تخطب ؟
آمير وهو ما عبرها : حسابك بعدين
فدوه بأستنكار : حسابي بعدين !!!! كيف .. وش مسويه لك عشان بعدين حسابي هاااه ؟
آمير بعجله وهو يبعد فدوه بأيده : تالي تالي .. ياللا انا طالع
طلع امير من البيت وهو بعجله وترك وراه ريحة العطر الي ملآ المكان ..
فدوه بقهر : أي انتو تطلعون وحنا لازقين في البيت ..
وهي ضامه ايدينها لبعض وتهمس لنفسها بخجل : متى تجي يا جواد واعيش معاك احلى لحظات عمري .. الا يقطع عليها صوت تصفيق من وراها ..

************

طول الطريق كان الهدؤ مالي السياره .. وصل عند البيت الكبير
مازن : وصلنا وش تنتظرين ؟؟؟
ما سمع أي رد .. بعصبيه : شفيك للحين جالسه اقلك وصلنا
غاده ببرود : هذا مو بيتنا
فتح عينه كلها وهو مصدوم بدون مايلتفت : حصه !!
غاده : اممممممم نو
مازن ضحك بهستيريا وألتفت لها : عنجريزي بعد ..
غاده بكل ثقه : أي
مازن : هههههههههههه ماقالوا ان هذي انتي .. راح بالي لحصووه
تدري عنها لازقه فيني مو عارف كيف اخليها تفارقني
غاده وهي كاتمه ضحكتها : حرام عليك احمد ربك في احد يهتم فيك .. ولا انت ما تطالع
مازن : ما اطالع !! انتي ما شفتي اذا بروح المولات الكل يطالع فيني اولاد و بنات مو مصدقين من الي تطالعه عينهم و .... ولا اقلك بسكت عشان لا تقولين اني مو شايف خير او امدح نفسي
غاده بملل : مازن
مازن : ايش !
غاده : ليش للحين واقف عند بيت حصه .. تنتظرها تطلع لك ؟
مازن : لالالا اعوذ بالله من اابليس
غاده بضحكه ملت السياره : الله يرجك والله انت ماتستاهل احد يحبك
مدري على ايش حبتك المسكينه .. عميه ما تشوف
مازن ويناظرها بنص عين : والله انتي العميه .. المفروض انتي الي ما ااعطيك وجه
غاده وهي رافعه حاجب : ههه طيب .. بس متى راح تحرك السياره !!
مازن : هههههههه طيب طيب ماراح اكلك ..

************

في البر والسماء امتزجت بألوان المغيب احمد يعزف عود وصقر وفهد يشعلون النار في الحطب
فهد : احمد .. وينه صاحبك الي قلت انه بجي
احمد : طلع بعده ما يجي من امريكا .. الفجر بيوصل
صقر بأستهزاء : امريكا بعد !! عاد درس في امريكا لو الصين ماراح يلاقي وظيفه
احمد وهو ميت ضحك : وظيفه ؟ من قال لك انه درس عشان الوظيفه .. لو ما ابوه لزم عليه كان حتى ثانوي ما كمل
فهد : وشلون !!!!
احمد وهو يعتدل بجلسته : يا طويل العمر هذا الي تتكلمون عنه يصير ولد خالي
فهد وهو فاتح فمه كله : خالك سليمان ما غيره ؟
احمد : ههههه أي شفيك
فهد : لا ولا شي .. بس أي له حق ان مايبي يدرس مدام هذا ابوه
صقر : ومن يطلع هذا بعد ؟
احمد : الي كلمته عنك عشان الوظيفه
صقر بدون مبالاة : اها تمااام .. ان شاء الله يقلب في اوراقي
احمد بأبتسامه جانبيه : ههه خلاص امرك خالص .. انتظر سبوع بالكثير وراح تشوف نفسك في احسن وظيفه وبأحلى راتب وش تبي اكثر من كذا !!!
صقر : خير ان شاء الله
فهد : صقر شفيك ؟ قالك الولد خلاص الشغله مضمونه ليش منت متحمس و مستانس .. اخيرآ بعد سنتين من البحث لوظيفه راح تتوظف
احمد : ههههههه شكله مو واثق من هالشي بعد خيبات الأمل
صقر ويناظره من طرف عينه : هه هه قلنا لكم خير ان شاء الله
احمد : طيب وينه مازن ؟

************

رن الموبايل ارتجفت يدها وشافت اسم المتصل ردت وبصوت هادئ : .. آلوو
هلا يمه .. انا عند صديقتي .. ايوآ شوي وارجع .. قفلت الجوال وجلست على اعصابها .. دخل الجرسون وحط كاس الماء على الطاوله .. تبي شي ثاني مدام ؟
وبصوت ماليه خوف : لا ما ابي شي .. شكرآ
طلع الجرسون وظلت تطالع الموبايل دخلت على الرسايل ارتسمت على شفايفها ابتسامه ..
دخل عليها وهي سرحانه في الموبايل وجلس على الكرسي بدون ماتحس له

************

فدوه تسمع صوت التصفيق وبأرتباك التفتت وراها ولقت نجود تصفق وتطالع فيها
نجود وهي تقلد فدوه : متى اعيش معك احلى لحظات عمري جواد ..
فدوه بعصبيه : تتمسخري انتي ووجهك
نجود وهي رافعه حاجب : مادري من الي يتمسخر .. بس يبيلك تكتبي في الجرايد وتعلني حبك له .. انا احبك يا جواد
فدوه وهي تحط يدها على فم نجود : اسكتي لا احد يسمعك
جت لهم ام مازن : شفيكم تتهاوشون
فدوه وهي تتصنع الهداوه : هلا يمه .. لا مافي شي بس نمزح مع بعض
ام مازن : تمزحون بس مو بصراخ وهواش
نجود وهي تطالع فدوه بابتسامه : تامرين امر يمه
ام مازن : المهم بكرآ بنروح السوق عشان عرس بنت خالتكم أمل
فدوه : يمه ليش بكرآ .. الحين فترة اختبارات ما يدميني
ام مازن : عرسها بداية الاجازه ما يمدي انتظرك تخلصين عشان نروح السوق
نجود وهي تلف بأصبعها خصله من شعرها : يمه والله انا عادي باي وقت جاهزه لتسوق .. واذا على الاختبارات ما هي حجه
فدوه : براحتكم بس خليها الاربعاء الا اكون فاضيه مافيه اختبار ولا شي
ام مازن : خلاص الاربعاء .. نجود اتصلي على مازن قولي له يجيب عشا من برآ شوفوا وش تبون ويجيب لكم
نجود : طيب
فدوه : بروح غرفتي تبون شي !
ام مازن : بس ابيك تذاكري زين وافرح فيك
فدوه بأبتسامه : ان شاء الله يمه

************

في القصر الكبير الجده شيخه جالسه على الكنب الفخم وهي تشاهد في التلفزيون الي اخد مساحة الجدار .. نزلت بنتها نوره من الدرج وشافت امها : يمه للحين تشاهدي في هالمسلسلات
الجده شيخه : هذا الي موعاجبك يونسني .. انتي يا طالعه او بحجرتك شسوي بوحدتي
تقربت لها نوره وضمتها وباستها في خدها : يمه انتي اغلى شي عندي بهالدنيا لا تقولين كذا .. انتي الي ما تحبي تطلعي .. وانا دايم اجلس معاك بس مو عاجبك .. تتركيني وتطالعي هالمسلسلات
الجده شيخه : خلاص خليني اكمل مسلسلي
نوره : طيب يا احلى ام بالدنيا .. يمه عندي لك مفاجئه
ألتفتت بسرعه لبنتها : مفاجئه !!!
نوره وهي تبتسم : أي يمه مفاجئه حلوه
الجده شيخه : ايش هالمفاجئه ؟
نوره : كيف بتصير مفاجئه اذا قلت لك
الجده شيخه بنظرات كلها حزن : ان شاء الله الي في بالي

************

بعد المشوار الطويل فتحت باب السياره : مع السلامه
مازن ببرود : الله يسلمك
غاده وهي تبتسم : ماتبي تدخل !!
كأنه ما صدق على الله تقول له .. بأبتسامه : اكيد ليش لآ .. بدخل بس بسلم على خالتي
غاده : هههه اوك
نزلوا من السياره ودخلوا البيت الكبير .. فتحت شيلتها وبانت خصلات شعرها
صار يطالع فيها وهو مبتسم ويتأمل ملامحها البريئه .. ألتفتت له : امي بالمطبخ روح لها .. انا بروح لغرفتي
مازن وهو مازال يتأمل في ملامحها ... قربت منه وصارت تاشر له بأيدها على عينه : مازن .. مازن وين رحت
انتبه لها وبتئتئه : ها .. ايش .. بس وينها خالتي بسلم عليها ؟؟
وهي تطالعه بأستغراب تأشر له : في المطبخ
ركبت الطابق الثاني وهو يطالع فيها .. انتبه لنفسه : ياربي شفيني .. ماشاء الله كبرت وتغيرت .. بس ليش اطالعها كذا !!
طلعت ام صقر من المطبخ وشافت مازن وقربت منه : مازن
مازن في تفكيره سمع صوت خالته وانتبه لها : خاله .. كيف حالك .. جيت اوصل غاده وقلت ادخل اسلم عليك
ام صقر : انا بخير .. انت كيفك
مازن : الحمدلله
ام صقر : يعني انت مو مع صقر ؟
عض على اشفته : لا .. المفروض انا معاه بس راحت علي نومه .. ونسيت
ياللا خاله انا لازم اروح .. تآمرين شي
ام صقر : خليك للعشا
مازن بعجله : ان شاء الله مره ثانيه .. مع السلامه
طلع بسرعه لسياره .. رن موبايله طالع اسم المتصل

**************

بين زحمة السير ناظر ساعته .. : يالله تأخرت .. ماشافو يزدحموا الا الحين
وصل للمكان .. طلع من سيارته وهو يتنهد ورجله مو قادره تشيله .. دخل عليها وشافها بسرحانها في الموبايل .. جلس بدون ما تحس له ظل يناظر فيها وهو يبتسم ويتأمل ملامحها ..
انتبهت له وفتحت عينها على الآخر .. هذا هو , الا هو نفسه الي بالصور .... وقفت لا ارآديآ وصدت وجهها عنه
..... : كيفك عبير
امتلت عينها دموع و بصوت كله خوف : انا . انا بخير
مازال يطالع فيها وهو مو مصدق .. و اخيرآ شفتك .. ارتسمت على شفايفه الابتسامه : جلسي ليه واقفه .. اعتذر على التأخير
عبير بأرتباك : انا تأخرت .. لازم اروح الحين
طلعت بدون ما يتكلم ولا كلمه ... ودقات قلبه ما وقفت

***************

آلوو وينك .. ليش ما جيت .. ههه صاير سواق اختي بعد
مازن : هههه لا بس كنت نايم وجلست متأخر يعني ما كان يمدي اجي
صقر : ابو نوم ما تستاهل تتدبر لك طلعه .. ياللا اقلب وجهك وتراه راح عليك الشواء مو كل مره راح اعمل شوي
مازن يتصنع البكاء : افا انا تقول لي كذا .. وليه ما بتشوي لي ها
صقر بضحكه : هههههههه ياللا باي بيحترق الشوا بسببك
مازن : طيب طيب باي ههههه
كلها دقايق الا رن الموبايل : آلو
نجود : هلا .. تقول لك امي جيب معاك بيتزا وباستا وكرتون اندومي .. امممممم وبعد وشبسات و شوكولاته و ..
مازن بعصبيه : هذا امي الي قالت لو انتي
نجود : الا امي قالت كلموا مازن يجيب لكم الا تبوووه
مازن وهو يهدي اعصابه : اوك .. ولا اشوفك مره ثانيه تطلبي هالكثر
قفل الخط وتوجه لأقرب مكان عشان يشتري طلبات نجود الي ما تخلص ..

*************

رن الجرس .. فدوه بصوت عالي : نجود شوفي من في الباب
نجود بملل : اووه روحي انتي
فدوه : ما تشوفيني جالسه اذاكر مو زيك ماسكه ألعاب اطفال
انقهرت نجود من كلام فدوه : اولآ حتى انا علي اختبار مو بس انتي .. ثانيآ هذي مو ألعاب اطفال ألعاب ذكاء .. وياللا حطي وجهك في كتابك
فدوه وهي تبتسم بسخريه : اوكيييه يالذكيه .. روحي شوفي من في الباب
نزلت نجود بسرعه للباب عشان تشوف من عنده .. بتفاجئ : جواد ....

اتمنى ان ينااااال اعجابكم هذا البارت :witless:

ميتسو ..

06-06-2013, 01:21

آشكر جميع الي قرأووو البارت :smilet-digitalpoint
وحابه اشوف ردووود ^^

Melody rain

06-06-2013, 04:43

ما شاء الله روعة

امواج السراب

06-06-2013, 17:58

باااااااااارت كتيييييييييير رائع
هههههههه مسكين مازن بلاه ربي بحصوة زي ما يقول ..قاعة تلتصق فيه
بس مبين انو معجب بغادة ويمكن حها او راح يحبها
فدوة ...ليتك انتي فتحتي الباب لانو حبيب قلبك جواد هو الي اجا
تسلمي عاى البارت
ننتظر القادم

ميتسو ..

07-06-2013, 14:23

ما شاء الله روعة

يسلموووو على مرورك :tennis:

ميتسو ..

07-06-2013, 22:34