PDA المساعد الشخصي الرقمي

عرض كامل الموضوع : جنوني في حبي الى محبوبي



(^_^)يورى(^_^)
12-10-2005, 09:32
غصب علي عين جرحي اقبل اعذارك .. وأسامحك لو نهتني عزتي دونك


كثر الخطايا بحقي زاد مقدارك ... مع كل هذا وأخاف اتخونك ظنونك


لا ترتبك لا تحاول تفضح أسرارك ... اقراك كلك علي بعضك من عيونك


ياحلو طيشك مع اعنادك مع اصرارك... وياقو باسك ونفس الوقت ياهونك


مع كل طاري تجيني أخر اخبارك ...واذا نسيتك تذكرني بك أطعونك


لا جيت أبختار غيرك ارجع اختارك... ولا جيت اخونك ازيدك عشق واصونك


عندي خبر جنتي هي بالهوي نارك ...بالضبط فيني جنون يشبه اجـنونك


أترك خطاياك وأترك عنك اعتذارك .. انسا عذابي وقلي أنت وشلـــونك ؟



ارتباك

لا ترتبك يادخيل الله وتربكني ... النفس من دون سبه معك مرتبكه


سوالف الناس تدري ماتشككني ...فيك انت بالذات ماتلحقني الشــكه


ياطاغي الحسن من غيرك يحركني ... هو فيه غيرك يرد الروح في ضحكه؟


في كل حاجه احسن انك مشاركني ... غلاك مامنه لا راحه ولا فـكه ؟


اطلق يديني علامك حيل ماسكني ... باب العتب والزعل مابيننا صـــكه


العاذل اللي بنياتك يشككني ... والله لدعي عليه اليـــوم فـــي مــــــكه


الضيقه


الحال في غيبتك تصعب على الكافر ... لو قلت لي شلون اقول الله من الضيقه

القلب مسكين عقبك يكسر الخاطر ... يارب وشلون شالنه معــاليقه

اروح فدوة لخاطر شعرك الثاير ... اللي سواده مثل حظي وتوفيقه

سافرت عني وعقلي ودع وسافر ... لو شفت غصن الحشا عقبك نشف ريقه

ياكثر من قال لي اصبر يجي باكر ... ياعلهم للعمى فرقاك مااطيقه

لا يابو براك صعبه طيحت الشاطر ... لا ضاع دربه و لا حصل طواريقه

هي ضيقة الصدر والا ضيقة الخاطر ... والله مدري ولكن ضيقه بضيقه


وين رايح ؟؟


وين رايح ..
بهالسهوله هانت العشره عليـــــــــــك
انجرح صوتي وانا انادي عليـــــــــــك
يعني مرتاح بغيابي ولا ماهمك عذابـي
كل شي والله يسألني عليــــــــــــــــــك
انا ما احبك انا اتنفس هــــــــــــــــواك
كل مافيني يصوتلك ابيـــــــــــــــــــــك
ضاعت سنيني وتاليها معــــــــــــــــاك
رد روحي لا تضيعها بئديـــــــــــــــــك
وين رايح ..

انت مثل العمر مره في حياتي ما تكرر مرتيــــــــــن
والله لو لي عمر ثاني والله لا اعيشك مرتيــــــــــــن
ايه احبك حب اغلى من حياتي فوق كل العاشقيـــــن
انا ما احبك انا اتنفس هــــــــــــــــواك
كل مافيني يصوتلك ابيـــــــــــــــــــــك
ضاعت سنيني وتاليها معــــــــــــــــاك
رد روحي لا تضيعها بئديـــــــــــــــــك
وين رايح ..

شفت هذا البعد كله من اجيلك ما يساوي خطوتيــــن
شفت هذا الكون كله من اجيلك ما يساوي خطوتيــن
كافي صدمه يا حبيبي لا ما اتحمل صدمتيـــــــــــــن
يا احبك او احبك اختار من هالكلمتيـــــــــــــــــــــــن
والله دمرني الحنين شوف دمرني الحنيـــــــــــــــــن
انا ما احبك انا اتنفس هــــــــــــــــواك
كل مافيني يصوتلك ابيـــــــــــــــــــــك
ضاعت سنيني وتاليها معــــــــــــــــاك
رد روحي لا تضيعها بئديـــــــــــــــــك
وين رايح ..

ودك تنامين

ودك تنامين نامي يابعد عيني .. باين عليك التعب من امس سهرانه


من ليله البارحه وانتي اتداريني .. شوفي المرايه اعيونك حيل تعباانه


نامي لك اشوي لو ساعه وخليني ..يابنت عمر السهر ماتغمض اجفاانه ؟


ولااني ابطاير من ايدينك هذي ايديني .. مدام فكري معاك اختل ميزانه


لو ترخي الشال لعيوني وتنخيني ...اجيك فزعه اخو ذباح لخواانه


صوي عن الدنيا وسمي وافطري فيني .. يفداك قلب تربا بطيب جداانه


انا اظلالك مدام الله معافيني .. واللي عطاك الغلاا المعبوود سبحانه


انا ادري انك نسفتيني وتلفتيني ...مهما خسرتي معايه دوم ربحاانه


نامي وباكر كيفك طلعي ديني .. القلب شرع لهمك كل بيباانه


واذا غفيتي امانه حيل غطيني .. برموشك اللي من الاشواق رويانه


ويعني لو تخونيني


كثير اللي يخون الود ويعني لو تخونـيـني

أنا أدري وش ضيعني شـعوري وطيب نياتي

لعبتيها معايا صح عرفـتي كيف تنـهيـني
عرفتي للأسف وشــلون أبـدء في نهاياتي

تعالي وحسبي ويـاي كـم مره جرحتـيني

وربي مـا عرفت أرتاح ويني ووين راحاتي

طرفت العين بصبـاعي صحت وقلت ياعيني

تبين أقطع يدي مشـان ورتـني معانــاتي

تبين أضحك على نفسي وأقول إنك وحشتيني

صحـيت وصار من حقي أراجع في حساباتي

عمري قلت يا حوا غصب أو طيـب حبـيني

ترا ما هيب بالقوه أحــققهــا طموحاتي

وعدت وليتني ما جيت اللـه كم ظهرتي لي

طـرت وكـن هـالعالــم ولاشي قدامي

همـت وقتهـا والـناس مدري وينها وويني

مشيت لخــاطر العشره لأبعد من مسافاتي

أنا أدري لوين هـالأيـام والطيبه توديـني

على الله تضحك الدنيا وتصدق بعض هقواتي

وفيـتي ما وفيـتـيلي تساوت كلها بعيني

دخيل الـله خليني أنـا تعــبان فـي ذاتـي

كبـيره حيل في حقي طـفله ولعـبت فيني

ولكن وش نـقص أو زاد غلطه في ملفاتي

خدعتيني تـبـين الصدق إنت ِ ما خدعتيني

أنا اللي قلت لـي كذبه مصدقها على شفاتي

خسرت وهذي الدنـيا ويعني لو تـخونيـني

أجل بعدين كيف أربح لو ما أحسب خساراتي

zain2002ss
12-10-2005, 09:46
BAAZO

شوكررراً على الكلمات http://smilies.sofrayt.com/%5E/w/thumbs.gif http://smilies.sofrayt.com/%5E/w/thumbs.gif

(^_^)يورى(^_^)
12-10-2005, 09:59
تشكر اخى على ردك

تحياتى

_+**النفس التواقة **+_
13-10-2005, 08:09
كلمات جدا رائعة

أدام الله عليك هذا الحبر

و نتمنى أن نرى المزيد و المزيد من الإبداع

أختك في الله النفس التواقة