PDA المساعد الشخصي الرقمي

عرض كامل الموضوع : نكت مصرية مية لمية ,,,,,



nowara1980
01-10-2005, 23:19
مرة سيادة الريس مد إيده في جيبه لقي 5 مليون جنيه!!

فزعل قوي وخاف وقال إيه الفلوس دي؟ دي الفلوس دي حرام؟

فسأل أحد مساعديه فدله على طريق الشيخ طنطاوي رئيس الأزهر

وقال له: اسأل الشيخ وهو يقول لك الحل.

ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.

الريس راح لقي عمنا عاطف عبيد فقال له: أنت بتعمل إيه هنا؟

أنت هتلف كام لفة؟

عمنا عاطف:78 لفة.

الريس: يخرب بيتك أنت؟ ده أنت خربت البلد!!

عمنا عاطف: أنت جاي علي انا؟ روح شوف علاء ابنك جايب موتوسيكل وبقاله 3 أيام بيلف

.................................................. .................................................. ..................................................


إخبرنى بصراحة يا عاطف ولا داعى للمجاملة أو النفاق -
أمرك يا ريس -

عاطف : أنا الأفضل ولا عبدالناصر ؟-

عاطف : انت طبعا يا ريس .. جمال مين اللى كان بيخاف من الروس-

ـ طيب أنا الأفضل ولا السادات ؟

عاطف : سادات مين ياريس اللى كان بيخاف من الأمريكان -

طيب أنا الأفضل ولا عمر بن الخطاب ؟ -

عاطف : انت طبعا يا ريس .. عمر بن الخطاب كان بيخاف من ربنا

انت لأ -

.................................................. .................................................. ..................................................

بيقولك حسني كان عاوز يغيـر دولارات و مش لاقي في السوق ,

فراح منادي عاطف:

مفيش دولارات في السوق ليه يا ابن ...... ؟ -

عاطف :الحج و العمرة ياباشا خلصوا على الاحتياطي -

بقولك ايه ..حج ابه وبتاع ايه .. من السنة الجاية الحج يبقى في مصر


عاطفا باشا .. ازاي بس -

اتصرف -

بعد يومين رجع عاطف و قاله : كله تمام يا باشا خلاص الحج

حيبقى عندنا

الريس: طب و الكعبة حتعمل فيها ايه ؟ -

حنعملها في ميدان الحجاز - مصر الجديدة و يبقوا يلفوا حواليها

- الريس: طب و السعي ؟ -

ياباشا يبقوا يجروا في طريق صلاح سالم لغاية المطار و يرجعوا

- الريس: و عرفه ؟ -

يطلعوا المقطم ياباشا -

الريس: طب و رجم إبليس يا فالح ؟ -

;) إتعب معانا شوية بقى يا ريس -

.................................................. .................................................. ..................................................

كان فى سرير المرض حينما أخذ يلقى بوصاياه الأخيرة لوزيره

عاطف :

- وصيتك الحكم من بعدى يا عاطف ..

- فى رقبتى يا ريس .. كله تمام والسلطة هياخدها جمال ..

(ثم راح فى غيبوبة .. أفاق منها بعد قليل )

- وصيتك الشعب من بعدى يا عاطف .

- ما تخافش يا ريس .. الشعب ياكل الزلط ...

(ثم راح فى غيبوبة .. أفاق منها بعد قليل )

- عاطف

- نعم يا ريس

ماتنساش .. توكيل الزلط لعلاء

.................................................. .................................................. ..................................................

كفاية كدة نكت سياسية أحسن
.................................................. .............................تابع


استضافو ابو العربى فى برنامج من سيربح المليون فسأله جورج

سؤال المليون و كان السؤال الحج فريضة ام سنة

فاندهش ابو العربى و قاله هاستعين بصديق ابن عمى غريب

فى بورسعيد فقاله السؤال قاله اللى سالك السؤال ده مش فاهم حاجة فسأله ابو

العربى ليه قاله لأن الحج اما قرعة ياما سياحى
.................................................. .................................................. .................................................


رجل نساى اوى ذهب للحج وعند رمى الجمارات سال نفسه انا رميت

اتنين ولا تلاته فاعاد رميهم مره اخرى

ثم ذهب للطواف فسال نفسه مره اخرى لفيت سته وله سبعه فاعاد الطواف

وعند نزوله من الطائره سال نفسه نسيت ايه يا جورج

.................................................. .................................................. ..................................................


واحد عصبي اتجوز واحده عصبيه, يوم الولاده... الولد بيقول للدكتور وسع إنت .. ابعد ...أنا هأنزل لوحدي
.................................................. .................................................. ..................................................


واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة

أم التاني قله أنا غلب حماري

آم الأول قله: الدولة هي قطر ولما تحط نقطة حتصير قطز

أم التاني قاله هو قطز عالم ذرة؟؟؟؟؟

فرد عليه الأول يعني هي قطر دولة أوروبية؟؟؟؟
.................................................. .................................................. ..................................................

مرة ولد صغير يروح كل للبقال يقوله "يا عمو يا عمو عندك جبنه بيضه" الراجل

يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا عمو عندك قلم رصاص يقوله ايوة يقوله طيب ادينى قلم جاف. لما

الراجل زهق يا عينى و طلعت عينه فقرر يشتكى لابو الولد. لما ابو الولد جه حكى له الحكايه قام قال للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله

"خلاص اضربه قلمين
.................................................. .................................................. ..................................................

اتنين مساطيل اعدين يحششو في المقابر ومرت جنازة فواحد بيقول للتاني هي جنازة مين دي يا محمد؟ فرد علية دي جنازة الشيخ محروس فقال الاولاني يا حول الله

وتاني يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس فقال الاولاني يا حول الله

وتالت يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس فرد عليه هي الدنيا ملطشة معاه كدة لية
.................................................. .................................................. ..................................................


البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟

قام الواد رد عليه و قاله : كنتلوب يا باشا.
.................................................. .................................................. ..................................................

دكتور عيون قاعد مع خطيبته في حديقه الاسماك معاه ورده قالها

شايفه الورده دي

يا حبيبتي قالت له ايوه فرجع ايده لورا شويه وقالها طب وكده